ମାତିଉ 24
24
ଜିରୁସାଲମ ମନ୍ଦିର ଲେପ୍କନ୍ତି କୁଲାଟି ଜିସୁତି ୱେସ୍ପନ୍
(ମାର୍କ ୧୩:୧,୨; ଲୁକ ୨୧:୫,୬)
1ଜିସୁ ଜିରୁସାଲମ ମନ୍ଦିରତାୱାଟି ହଚାନ୍ ହାଜ୍ଜିଚ୍ଚି ତୁକାତାୱା ତା ଗ୍ରାମ୍ୱାଗାଟାରି ତା ରେଃଏସ୍ ୱାନ୍ ମନ୍ଦିରତି ହାବେତ୍ କୁଲା ତସ୍ତେରି, ମତ୍ର ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, 2“ମିରୁ ଇନ୍ନା ଇୱାହାବେ ହୁଡ଼େଞ୍ଜେରି ? ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ଗର୍ରିତାୱା ରଣ୍ଡି ୱାଲ୍ଲି ୱାଡ଼େ ପିହ୍ପାଆଃଏ, ହାବେ ଲେଙ୍ଗାନ୍ ନାହେଡ୍ ଆନୁ ।”
ୱିହାନ୍ଦୁକାତି ବିହାନପୁ
(ମାର୍କ ୧୩:୩–୧୩; ଲୁକ ୨୧:୭–୧୯)
3ଡେଗ୍ଗା ଏୱାଞ୍ଜି ଜିତ ହରୁ କୁଃଏଟି କପ୍କନେଃଏ, ଗ୍ରାମ୍ୱାଗାଟାରି ଏମ୍ୱେ ହେଃଲ୍ଲାତାୱା ତା ଟାକ୍କେ ୱାନ୍ ୱେଚ୍ଚେରି, ଇୱାହାବେ ଏଚ୍ଚେକ୍ ଗଟି ଆନୁ, ଆଟେ ନି ୱାଅନ୍ତାଦା ଅଟେ ୱିହାନ୍ଦୁକାତି ରୁକା ଇନ୍ନାଦି, ଏଦା ମାଙ୍ଗେ ୱେସ୍ତାମୁ । 4ଏମ୍ୱାଟି ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନେହେନ୍ ମାଞ୍ଜୁ, ଏମ୍ୱେ ଇନିମିଡି ମିଙ୍ଗେ କ୍ରଟ୍ପାଦାଃଏରି । 5ଇନାକି ଏଚ୍ଚେ ଦାଲ୍ଲା ନା ପାରୁଟି ୱାନ୍ ନାନୁ କ୍ରିସ୍ଟ ଇଞ୍ଜାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି । 6ଆଟେ ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି; ନେହେନ୍ ମାଞ୍ଜୁ, କଲ୍ବଲ୍ ଆଃଆଟୁ । ଇନାକି ଇୱାହାବେ ନିଜ୍ଜାନେଃଏ ଗଟି ଆନୁ, ମତ୍ର ଏ ୱିହାନ୍ଦୁକା ଏଚ୍ଚାହେଃଲ୍ଲାଦାଃଏ । 7ଇନାକି ଜାତି ବିରୁଦିଆଟି ଜାତି, ରାଜି ବିରୁଦିଆଟି ରାଜି ନିଙ୍ଗିନେ, ଇ ଗର୍ରି ଅଟେ ଏ ଗର୍ରିଙ୍ଗ୍ ଏସେନ୍ ମର୍ଡି ଦିନେ ଅଟେ ୱିର୍ରା ତ୍ରେଗିନେ । 8ମତ୍ର ଇୱାହାବେ ବଦା ମାରନ୍ତି ବିହାନପୁତି ମ୍ରାନ୍ଦନ୍ ଲାକ୍କା । 9#ମାତି ୧୦:୨୨ଏଚିତୁକାତାୱା ଦାଲ୍ଲା ମିଙ୍ଗେ ବିହା ପାଁନ୍ବି କିଅନ୍ ବାଗାଟି ସର୍ପି କିଆନେରି ଅଟେ ମିଙ୍ଗେ ପାଗାଦାନେରି, ଆଟେ ନା ପାରୁ ବାଗାଟି ହାବେତ୍ ଜାତି ମିଙ୍ଗେ ସ୍ରିଞ୍ଜାଦାନେରି । 10ଏଚିତୁକାତାୱା ଏଚ୍ଚେ ଦାଲ୍ଲା ମାଞ୍ଜାଡ଼ି ତାୱାଟି ୱ୍ଡେନେରି, ଆଟେ ରଃଅଞ୍ଜି ଆଟେ ରଃଅଞ୍ଜିକି ଆହ୍ପି କିନେଞ୍ଜି, ରଃଅଞ୍ଜି ଆଟେ ରଃଅଞ୍ଜିକି ସ୍ରିଞ୍ଜିନେଞ୍ଜି, 11ଆଟେ ଏଚ୍ଚେ କଲ ବାବବାଦିଙ୍ଗ୍ ୱାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି, 12ଆଟେ ଡ଼ଃଆନ୍ କାମା ଗାମିତାୱାଟି ଏଗେଲ୍ ଦାଲ୍ଲାତି ଜେଡା କଗିନେ । 13#ମାତି ୧୦:୨୨ମତ୍ର ଏମ୍ୱେନାଞ୍ଜି ୱିହା ଦିନା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି । 14ଆଟେ ରାଜିତି ଇ ସୁସମାଚାର ଇ ପୁର୍ତିତି ହାବେତ୍ ଜାତି ରେଃଏସ୍ ସାକ୍ୟ ହିଅନ୍ ବାଗାଟି ପ୍ରଚାର କିଅନ୍ ଆନେ, ଏମ୍ବାଟି କାଲା ୱିହିନେ ।”
ଜିରୁସାଲମ ବାଗାଟି ଦୁର୍ଦସାତି ଦିନା
(ମାର୍କ ୧୩:୧୪–୨୩; ଲୁକ ୨୧:୨୦–୨୪)
15ଏଦାକି ମିରୁ ଏଚ୍ଚିକିଃଆ ଦାନିଏଲ ବାବବାଦିଟିଆଟି ୱେସାନ୍ନି ନାହେଡ୍ କିଅନ୍ତି ସ୍ରିଞ୍ଜନ୍ତି କୁଲାତିଦି ପିର୍ନି ଗର୍ରିତାୱା ମାନ୍ନାଦାଃଆ ହୁଡ଼ିଦେରି,#ଦାନି ୯:୨୭ ପଡ଼ିଆନ୍ ପୁଞ୍ଜୁ, 16ଏଚିତୁକାତାୱା ଏମ୍ୱେନାରି ଜିହୁଦା ରାଜିତାୱା ବାସାଆନେରି, ଏୱାରି ହର୍କାଇନ୍ଦା ଡେହାକାରି; 17#ଲୁକ ୧୭:୩୧ଏମ୍ୱେନାଞ୍ଜି ଦଲାନ୍ କୁଃଏଟି ମାନ୍ନେଞ୍ଜି, ଏୱାଞ୍ଜି ତା ଇଡ୍ଡୁ ଲାଃଇ ଇନ୍ନା ଅଃଆନ୍ ବାଗାଟି ନେତେ ଜାଚାନ୍ ୱାଃଆକାଞ୍ଜି; 18ଆଟେ ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ଏୱାଞ୍ଜି ତା ଜିରାଙ୍ଗ୍ ତାପ୍କନ୍ ବାଗାଟି ଇଜ୍ଜା ୱ୍ଡେଚାନ୍ ୱାଃଆକାଞ୍ଜି । 19ଏଚିତୁକାତାୱା ଏମ୍ୱେନାଃଆ ଟୁଟୁମାନ୍ନୁ ଅଟେ ରାଙ୍ଗୁ ଉଟ୍ପିନ୍ନୁ, ଏୱା ଏଚିତୁକାତାୱା ଏଗେଲ୍ ଦୁଃକ ପାଁନୁ, 20ମି ଡେହନ୍ ଇନିସ୍ ପେନି ଦିନାତାୱା କି ୱାହୁଜାମ୍ବା ୱାରାତାୱା ଆଃଆକାଦି; ଏଦାବାଗା ପ୍ରାତ୍ନା କିଦୁ । 21#ପ୍ରକା ୭:୧୪ଇନାକି ଏଚ୍ଚିକିଃଆ ଇହିଙ୍ଗ୍ତି ଗାପ୍ଚି କସ୍ଟ ୱାନେ ଜେ, ଇ ପୁର୍ତିତାୱା କାହେତାୱାଟି ହାଦାଡ଼ି ଟିକ୍ନା ଆହେଃଲ୍ଲେଏ, ଆଟେ ଏଚ୍ଚେକ୍ୱାଡ଼େ ଆଃଏ । 22ଆଟେ ଜଦି ଏ ତୁକାତିଦି କକ୍ଚି କିଆହେଃଲ୍ଲାତେସି, ଇ ପୁର୍ତିତି ର ଗାଣ୍ଡି ୱାଡ଼େ ଜ୍ଡିପା ପାଁନ୍ବନ୍ ମୁଃଏର୍ମା, ମତ୍ର ଆଚି ପାଁଣ୍ଡାନ୍ନି ଦାଲ୍ଲା ବାଗା ଏ ତୁକାତିଦି କକ୍ଚି କିଆହିନେଞ୍ଜି । 23ଏଚିତୁକାତାୱା ଦାଲ୍ଲା ୱାନାହି କ୍ରିସ୍ଟ ଇମ୍ୱା ମାନ୍ନେଞ୍ଜି ଅଟେ ଉମ୍ବା ମାନ୍ନେଞ୍ଜି ଇଞ୍ଜାନ୍ ୱେସ୍ତାନେରି, ଏଦା ମିରୁ ମାଞ୍ଜାଡ଼ି କିଃଆଟୁ । 24ଇନାକି କଲ କ୍ରିସ୍ଟଙ୍ଗା ଅଟେ କଲ ବାବବାଦିଙ୍ଗ୍ ୱାନ୍ ଇହିଙ୍ଗିସି ବେର୍ ବେର୍ ତୁର୍ରି ଅଟେ ଆକ୍କାବାଡ଼ାଙ୍ଗ୍ତି କାମା ତସ୍ନେରି ଜେ, ଜଦି ଆଅନ୍ ମୁନେ ଇଚ୍ଚେସି, ଏୱାରି ଆଚି ପାଁଣ୍ଡାନ୍ନି ଦାଲ୍ଲାନିକି ୱାଡ଼େ କ୍ରଟ୍ପାୱିନେରି । 25ହୁଡ଼ାଟୁ, ନାନୁ କାହେଟେଃଏ ମିଙ୍ଗେ ୱେସ୍ତାତେଃଏ । 26#ଲୁକ ୧୭:୨୩,୨୪ଆଟେ ୱାଡ଼େ ହୁଡ଼ାଟୁ, ଜଦି ମିଙ୍ଗେ ରଃଅଞ୍ଜି ୱାନ୍ ଏୱାଞ୍ଜି ଚିହ୍ପି ଗର୍ରିତାୱା ମାନ୍ନେଞ୍ଜି ଇଚ୍ଚେସି, ମିରୁ ହଚାନ୍ ହାଃଲ୍ଲାଟୁ, ଜଦି ଏୱାଞ୍ଜି ଲାଃଇତ୍ ବାକ୍ରାତାୱା ମାନ୍ନେଞ୍ଜି, ଇଚ୍ଚେସି ଏଦା ମିରୁ ମାଞ୍ଜାଡ଼ି କିଃଆଟୁ । 27ଇନାକି ୱେଲାରାଜି ଇନ୍ଦେଟ୍ ଜଦି ବିଜ୍ଜି ରୁତିନେ ଇଚ୍ଚେସି ୱେଲାକ୍ଡୁପା ଟିକ୍ନା ତଞ୍ଜିନେ, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ଏହେଙ୍ଗିସି ୱାନେଞ୍ଜି । 28#ଲୁକ ୧୭:୩୭ଇମ୍ୱିନାୱା ହାତି ଗାଣ୍ଡି ମାନ୍ନେ, ଏଦିମ୍ୱା ଡାଡ଼୍କା ରପାଟ୍ଟେ ଆନୁ ।
କୁଏଞ୍ଜ୍ତି ମ୍ରିଃଏଞ୍ଜି ରିହିକ୍ ୱାଅନ୍
(ମାର୍କ ୧୩:୨୪–୨୭; ଲୁକ ୨୧:୨୫–୨୮)
29 #
ପ୍ରକା ୬:୧୨;
ପ୍ରକା ୬:୧୩
“ମତ୍ର ଏଚିତୁକାତି ବିହାନପୁ ଆନାୱିଃଆଟି ହଟାତ୍ ୱେଲା ଆନ୍ଦେର୍ ଆନେ ଅଟେ ଡାଁଞ୍ଜୁ ତା ଅଲା ହିଃଏ, ଆଟେ ସୁକାଙ୍ଗ୍ ଜାଗ୍ଗୁଟି ସ୍ରୁଆନୁ ଅଟେ ଜାଗ୍ଗୁତାୱା ମାନ୍ନି ହାବେତ୍ ବଲ କଲିବିଲି ଆନୁ ।”#ଜିସା ୩୦:୧୦ 30#ପ୍ରକା ୧:୭ଏଚ୍ଚିକିଃଆ ଜାଗ୍ଗୁତାୱା କୁଏଞ୍ଜି ମ୍ରିଃଏଞ୍ଜ୍ତି ରୁକା ତଞ୍ଜିନେ, ଆଟେ ତା ଏ ତୁକାତାୱା ଇ ପୁର୍ତିତି ହାବେତ୍ ପୁଣ୍ଡି କିରେଡ଼୍ ଆନେରି ଅଟେ କୁଏଞ୍ଜ୍ତି ମ୍ରିଃଏଞ୍ଜିକି ବେର୍ ବଲ ଅଟେ ବେର୍ ମହିମା ଡ଼ାହି ଜାଗ୍ଗୁ ମୁଲ୍ଡେଙ୍ଗ୍ତାୱା ୱାନାଦାଃଆ ହୁଡ଼ିନେରି । 31ଆଟେ ଏୱାଞ୍ଜି ତା ଦୁତଙ୍ଗ୍ନିକି ପାଣ୍ଡାଦାନେଞ୍ଜି ଏ ଦୁତଙ୍ଗ୍ ବେର୍ ଉକୁଡ଼୍ କିଆନ୍ ମହରି ଉକିନୁ, ଜାଗ୍ଗୁତି ଇ ପାଲିଟି ଅଟେ ରକଟ୍ତି ପାଲି ଟିକ୍ନା ହାବେତ୍ଇନ୍ଦେଟି ତା ଆଚି କିଆନ୍ନି ଦାଲ୍ଲାନିକି ରପାଟ୍ଟେ କିନେଞ୍ଜି ।
ତଗା ମ୍ରାନୁଟି ଗ୍ରାମ୍ବନ୍
(ମାର୍କ ୧୩:୨୮–୩୧; ଲୁକ ୨୧:୨୯–୩୩)
32ତଗା ମ୍ରାନୁଟି ତୁକାଙ୍ଗାତା ଗ୍ରାମ୍ୱାଟୁ; ଏଚ୍ଚିକିଃଆ ତା କାମ୍ୱାଙ୍ଗ୍ କ୍ଡଗାଆନ୍ ଆକା ଆଇନୁ, ଏଚିତୁକାତାୱା ମିରୁ ପୁଞ୍ଜୁ ଜେ କାର୍ରା ତୁକା ରେଃଏସ୍ ଏତାତେ; 33ଏଚିଲାକ୍କା ମିରୁ ୱାଡ଼େ ଇୱାହାବେ ହୁଡ଼ିତେସି ଏଦି ଦାରା ରେଃଏସ୍ ଏତାତେ ଇଞ୍ଜାନ୍ ପୁଞ୍ଜୁ । 34ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇୱାହାବେ ଗଟିଆଆଃନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନିୱାହୁ ୱାଡ଼େ ନାହେଡ୍ ଆଃଏରି । 35ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ହାବେତ୍ ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।
ଏମ୍ୱେ ପୁଃନ୍ନାନ୍ ଦିନା ଅଟେ ତୁକା
(ମାର୍କ ୧୩:୩୨–୩୭; ଲୁକ ୧୭:୨୬–୩୦,୩୪–୩୬)
36ମତ୍ର ଏ ଦିନା ଅଟେ ତୁକା କୁଲାଟି ଏମ୍ୱେନାରି ପୁଞ୍ଜାହେଃଲ୍ଲେରି, ସର୍ଗତି ଦୁତଙ୍ଗ୍ ଅଟେ ମ୍ରିଃଏଞ୍ଜି ୱାଡ଼େ ପୁଞ୍ଜାହେଃଲ୍ଲେଞ୍ଜି, ୱାର୍ରି ଆବା ପୁଞ୍ଜାନ୍ନେଞ୍ଜି । 37ଆଟେ ନହତି ତୁକାତାୱା ଇନିମିଡି ଡୁଣ୍ଡେଲ୍ ଆଚ୍ଚେ, କୁଏଞ୍ଜ୍ତି ମ୍ରିଃଏଞ୍ଜି ରିହିକ୍ ୱାଅନ୍ତି ତୁକାତାୱା ଏହେଙ୍ଗ୍ତି ଡୁଣ୍ଡେଲ୍ ଆନେ । 38ଇନାକି ହାବେତାୱାଟି ବେର୍ ୱାରୁ ୱାନ୍ କାହେନେଃଏ ଜାଜ୍ଜୁତାୱା ନହତି ହଲ୍ବନ୍ତି ଦିନା ଟିକ୍ନା ଦାଲ୍ଲା ଇନିମିଡି ତିନ୍ବା ଉନ୍ବା ଅଟେ ବିବା କିଚ୍ଚେରି ଅଟେ ବିବା କାମାତାୱା ବ୍ୟସ୍ତ ଆଇଚ୍ଚେରି, 39ଆଟେ ବେର୍ ୱାରୁ ୱାନ୍ ହାବେତାରିନିକି ରୁକ୍ଚାନ୍ ଅତି ଟିକ୍ନା ଏମ୍ୱେ ପୁଞ୍ଜାହେଃଲ୍ଲାତେରି, ଏଚିଡେହେଙ୍ଗ୍ କୁଏଞ୍ଜ୍ ମ୍ରିଃଏଞ୍ଜି ରିହିକ୍ ୱାଅନ୍ତାଦା ଏମ୍ୱେ ୱାଡ଼େ ପୁଃନ୍ନେଏ । 40ଏଚିତୁକାତାୱା ପାଙ୍ଗାତାୱା ମାନ୍ନି ରିଃଆରିତାୱାଟି, ରଃଅଞ୍ଜିକି ଅୱାଆନେ, ଆଟେ ରଃଅଞ୍ଜିକି ପିହ୍ପାଆନେ । 41ଗୁରନ୍ତାୱା ନୁରେନ୍ନି ରିଣ୍ଡି ଆଚାସ୍କା ଟିଆଟି, ରଣ୍ଡାଡ଼ିକି ଅୱାଆନେ, ଆଟେ ରଣ୍ଡାଡ଼ିକି ପିହ୍ପାଆନେ । 42ଏଦାକି ହାମ୍ୱେର୍ ଆନ୍ ମାଞ୍ଜୁ, ଇନାକି ମି ଦାର୍ମୁ ଇମ୍ୱିନ୍ ୱେଲା ୱାନେଞ୍ଜି, ଏଦା ମିରୁ ପୁଞ୍ଜାହେଃଲ୍ଲେରି । 43#ଲୁକ ୧୨:୩୯,୪୦ଜଦି ଇଡ୍ଡୁତି ଗାମିନାଞ୍ଜି, ଇମ୍ୱିନ୍ ତୁକାତାୱା ମ୍ଡାମେଞ୍ଜି ୱାନେଞ୍ଜ୍ ଇଞ୍ଜାନ୍ ପୁଞ୍ଜାନ୍ନେଞ୍ଜ୍ମା ଇଚ୍ଚେସି ଏୱାଞ୍ଜି ହାମ୍ୱେର୍ ଆନ୍ ବାସା ଆନେଞ୍ଜ୍ମା, ଆଟେ ଇଡ୍ଡୁତି କୁଚି ଲେପ୍କନ୍ ହିଃଏଞ୍ଜ୍ମା । 44ଏଦାକି ମିରୁ ୱାଡ଼େ ହାମ୍ୱେର୍ ଆନାହି ମାଞ୍ଜୁ, ଇନାକି ଇମ୍ୱିନ୍ ତୁକାତାୱା ମିରୁ ଏଲୁ କିହେଃଲ୍ଲେରି, ଏ ତୁକାତାୱା କୁଏଞ୍ଜ୍ ମ୍ରିଃଏଞ୍ଜି ୱାନେଞ୍ଜି ।
ବିସ୍ୱସ୍ତ ଅଟେ ଡ଼ଃଆନ୍ କାମ୍ବାରେଏଞ୍ଜି
(ଲୁକ ୧୨:୪୧–୪୮)
45ଏହେଙ୍ଗ୍ ଆତେସି ସକାର ତା କାମ୍ବାରେଏଞ୍ଜିକି ଟିକ୍ ତୁକାତାୱା ତିନ୍ବା ହିଅନ୍ ବାଗା ଏୱାର୍ତି କୁଃଏଟି ଇନ୍ଦାରିକି କାମା ହିତେଞ୍ଜି, ଇହିଙ୍ଗ୍ତି ବିସ୍ୱସ୍ତ ଅଟେ ବୁଦ୍ଦିଗାଟି କାମ୍ୱାରେଏଞ୍ଜି ଏମ୍ୱେନାଞ୍ଜି ? 46ସକାରେଏଞ୍ଜି ୱାନ୍ ତା ଇମ୍ୱିନ୍ କାମ୍ବାରେଏଞ୍ଜିକି ଏହେଙ୍ଗିସି କିନ୍ନାଦାଃଆ ହୁଡ଼ିନେଞ୍ଜି, ଏୱାଞ୍ଜି ଦନ୍ୟ । 47ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଏୱାଞ୍ଜିକି ତା ହାବେତ୍ କୁଲା କୁଃଏଟି ଦାଇତ ହିନେଞ୍ଜି । 48ମତ୍ର ଜଦି ଏ କାମ୍ବାରେଏଞ୍ଜି ନା ସକାର ୱାଅନ୍ ଜୁକୁଡ଼୍ ଆନେ ଇଞ୍ଜାନ୍ ତା ମନତାୱା ଏଲୁ କିନ୍ନେଞ୍ଜି, 49ଆଟେ ତା ଡ଼ାହିତ୍ କାମ୍ୱାରାଙ୍ଗାନିକି ଚାହ୍ପନ୍ ମ୍ରାସ୍ପିନ୍ନେଞ୍ଜି, ଆଟେ କାଲୁଗାଟାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି । 50ଏହେଙ୍ଗ୍ ଆତେସି ଇମ୍ୱିନ୍ ଦିନା ବାଗା ଏୱାଞ୍ଜି କାଚାହେଃଲ୍ଲେଞ୍ଜି ଅଟେ ଇମ୍ୱିନ୍ ତୁକା କାମ୍ବାରେଏଞ୍ଜି ପୁଞ୍ଜାହେଃଲ୍ଲେଞ୍ଜି, ଏ ଦିନା ଅଟେ ଏ ତୁକାତାୱା ତା ସକାରେଏଞ୍ଜି ୱାନେଞ୍ଜି, 51ଆଟେ ଏୱାଞ୍ଜି ଏୱାଞ୍ଜିକି ଆଣ୍ଟ ଦଣ୍ଡ ହିଆନ୍ କୁଟୁଗାଟି କାମ୍ବାରାଙ୍ଗା ଡ଼ାହି ଇଟ୍ଟିନେଞ୍ଜି, ଇମ୍ୱିନାୱାକି ଏୱାଞ୍ଜି ଡ଼ିନେଞ୍ଜି ଅଟେ ପାଟ୍କା ମ୍ରେଡିନେଞ୍ଜି ।
Právě zvoleno:
ମାତିଉ 24: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 24
24
ଜିରୁସାଲମ ମନ୍ଦିର ଲେପ୍କନ୍ତି କୁଲାଟି ଜିସୁତି ୱେସ୍ପନ୍
(ମାର୍କ ୧୩:୧,୨; ଲୁକ ୨୧:୫,୬)
1ଜିସୁ ଜିରୁସାଲମ ମନ୍ଦିରତାୱାଟି ହଚାନ୍ ହାଜ୍ଜିଚ୍ଚି ତୁକାତାୱା ତା ଗ୍ରାମ୍ୱାଗାଟାରି ତା ରେଃଏସ୍ ୱାନ୍ ମନ୍ଦିରତି ହାବେତ୍ କୁଲା ତସ୍ତେରି, ମତ୍ର ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, 2“ମିରୁ ଇନ୍ନା ଇୱାହାବେ ହୁଡ଼େଞ୍ଜେରି ? ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ଗର୍ରିତାୱା ରଣ୍ଡି ୱାଲ୍ଲି ୱାଡ଼େ ପିହ୍ପାଆଃଏ, ହାବେ ଲେଙ୍ଗାନ୍ ନାହେଡ୍ ଆନୁ ।”
ୱିହାନ୍ଦୁକାତି ବିହାନପୁ
(ମାର୍କ ୧୩:୩–୧୩; ଲୁକ ୨୧:୭–୧୯)
3ଡେଗ୍ଗା ଏୱାଞ୍ଜି ଜିତ ହରୁ କୁଃଏଟି କପ୍କନେଃଏ, ଗ୍ରାମ୍ୱାଗାଟାରି ଏମ୍ୱେ ହେଃଲ୍ଲାତାୱା ତା ଟାକ୍କେ ୱାନ୍ ୱେଚ୍ଚେରି, ଇୱାହାବେ ଏଚ୍ଚେକ୍ ଗଟି ଆନୁ, ଆଟେ ନି ୱାଅନ୍ତାଦା ଅଟେ ୱିହାନ୍ଦୁକାତି ରୁକା ଇନ୍ନାଦି, ଏଦା ମାଙ୍ଗେ ୱେସ୍ତାମୁ । 4ଏମ୍ୱାଟି ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନେହେନ୍ ମାଞ୍ଜୁ, ଏମ୍ୱେ ଇନିମିଡି ମିଙ୍ଗେ କ୍ରଟ୍ପାଦାଃଏରି । 5ଇନାକି ଏଚ୍ଚେ ଦାଲ୍ଲା ନା ପାରୁଟି ୱାନ୍ ନାନୁ କ୍ରିସ୍ଟ ଇଞ୍ଜାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି । 6ଆଟେ ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି; ନେହେନ୍ ମାଞ୍ଜୁ, କଲ୍ବଲ୍ ଆଃଆଟୁ । ଇନାକି ଇୱାହାବେ ନିଜ୍ଜାନେଃଏ ଗଟି ଆନୁ, ମତ୍ର ଏ ୱିହାନ୍ଦୁକା ଏଚ୍ଚାହେଃଲ୍ଲାଦାଃଏ । 7ଇନାକି ଜାତି ବିରୁଦିଆଟି ଜାତି, ରାଜି ବିରୁଦିଆଟି ରାଜି ନିଙ୍ଗିନେ, ଇ ଗର୍ରି ଅଟେ ଏ ଗର୍ରିଙ୍ଗ୍ ଏସେନ୍ ମର୍ଡି ଦିନେ ଅଟେ ୱିର୍ରା ତ୍ରେଗିନେ । 8ମତ୍ର ଇୱାହାବେ ବଦା ମାରନ୍ତି ବିହାନପୁତି ମ୍ରାନ୍ଦନ୍ ଲାକ୍କା । 9#ମାତି ୧୦:୨୨ଏଚିତୁକାତାୱା ଦାଲ୍ଲା ମିଙ୍ଗେ ବିହା ପାଁନ୍ବି କିଅନ୍ ବାଗାଟି ସର୍ପି କିଆନେରି ଅଟେ ମିଙ୍ଗେ ପାଗାଦାନେରି, ଆଟେ ନା ପାରୁ ବାଗାଟି ହାବେତ୍ ଜାତି ମିଙ୍ଗେ ସ୍ରିଞ୍ଜାଦାନେରି । 10ଏଚିତୁକାତାୱା ଏଚ୍ଚେ ଦାଲ୍ଲା ମାଞ୍ଜାଡ଼ି ତାୱାଟି ୱ୍ଡେନେରି, ଆଟେ ରଃଅଞ୍ଜି ଆଟେ ରଃଅଞ୍ଜିକି ଆହ୍ପି କିନେଞ୍ଜି, ରଃଅଞ୍ଜି ଆଟେ ରଃଅଞ୍ଜିକି ସ୍ରିଞ୍ଜିନେଞ୍ଜି, 11ଆଟେ ଏଚ୍ଚେ କଲ ବାବବାଦିଙ୍ଗ୍ ୱାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି, 12ଆଟେ ଡ଼ଃଆନ୍ କାମା ଗାମିତାୱାଟି ଏଗେଲ୍ ଦାଲ୍ଲାତି ଜେଡା କଗିନେ । 13#ମାତି ୧୦:୨୨ମତ୍ର ଏମ୍ୱେନାଞ୍ଜି ୱିହା ଦିନା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି । 14ଆଟେ ରାଜିତି ଇ ସୁସମାଚାର ଇ ପୁର୍ତିତି ହାବେତ୍ ଜାତି ରେଃଏସ୍ ସାକ୍ୟ ହିଅନ୍ ବାଗାଟି ପ୍ରଚାର କିଅନ୍ ଆନେ, ଏମ୍ବାଟି କାଲା ୱିହିନେ ।”
ଜିରୁସାଲମ ବାଗାଟି ଦୁର୍ଦସାତି ଦିନା
(ମାର୍କ ୧୩:୧୪–୨୩; ଲୁକ ୨୧:୨୦–୨୪)
15ଏଦାକି ମିରୁ ଏଚ୍ଚିକିଃଆ ଦାନିଏଲ ବାବବାଦିଟିଆଟି ୱେସାନ୍ନି ନାହେଡ୍ କିଅନ୍ତି ସ୍ରିଞ୍ଜନ୍ତି କୁଲାତିଦି ପିର୍ନି ଗର୍ରିତାୱା ମାନ୍ନାଦାଃଆ ହୁଡ଼ିଦେରି,#ଦାନି ୯:୨୭ ପଡ଼ିଆନ୍ ପୁଞ୍ଜୁ, 16ଏଚିତୁକାତାୱା ଏମ୍ୱେନାରି ଜିହୁଦା ରାଜିତାୱା ବାସାଆନେରି, ଏୱାରି ହର୍କାଇନ୍ଦା ଡେହାକାରି; 17#ଲୁକ ୧୭:୩୧ଏମ୍ୱେନାଞ୍ଜି ଦଲାନ୍ କୁଃଏଟି ମାନ୍ନେଞ୍ଜି, ଏୱାଞ୍ଜି ତା ଇଡ୍ଡୁ ଲାଃଇ ଇନ୍ନା ଅଃଆନ୍ ବାଗାଟି ନେତେ ଜାଚାନ୍ ୱାଃଆକାଞ୍ଜି; 18ଆଟେ ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ଏୱାଞ୍ଜି ତା ଜିରାଙ୍ଗ୍ ତାପ୍କନ୍ ବାଗାଟି ଇଜ୍ଜା ୱ୍ଡେଚାନ୍ ୱାଃଆକାଞ୍ଜି । 19ଏଚିତୁକାତାୱା ଏମ୍ୱେନାଃଆ ଟୁଟୁମାନ୍ନୁ ଅଟେ ରାଙ୍ଗୁ ଉଟ୍ପିନ୍ନୁ, ଏୱା ଏଚିତୁକାତାୱା ଏଗେଲ୍ ଦୁଃକ ପାଁନୁ, 20ମି ଡେହନ୍ ଇନିସ୍ ପେନି ଦିନାତାୱା କି ୱାହୁଜାମ୍ବା ୱାରାତାୱା ଆଃଆକାଦି; ଏଦାବାଗା ପ୍ରାତ୍ନା କିଦୁ । 21#ପ୍ରକା ୭:୧୪ଇନାକି ଏଚ୍ଚିକିଃଆ ଇହିଙ୍ଗ୍ତି ଗାପ୍ଚି କସ୍ଟ ୱାନେ ଜେ, ଇ ପୁର୍ତିତାୱା କାହେତାୱାଟି ହାଦାଡ଼ି ଟିକ୍ନା ଆହେଃଲ୍ଲେଏ, ଆଟେ ଏଚ୍ଚେକ୍ୱାଡ଼େ ଆଃଏ । 22ଆଟେ ଜଦି ଏ ତୁକାତିଦି କକ୍ଚି କିଆହେଃଲ୍ଲାତେସି, ଇ ପୁର୍ତିତି ର ଗାଣ୍ଡି ୱାଡ଼େ ଜ୍ଡିପା ପାଁନ୍ବନ୍ ମୁଃଏର୍ମା, ମତ୍ର ଆଚି ପାଁଣ୍ଡାନ୍ନି ଦାଲ୍ଲା ବାଗା ଏ ତୁକାତିଦି କକ୍ଚି କିଆହିନେଞ୍ଜି । 23ଏଚିତୁକାତାୱା ଦାଲ୍ଲା ୱାନାହି କ୍ରିସ୍ଟ ଇମ୍ୱା ମାନ୍ନେଞ୍ଜି ଅଟେ ଉମ୍ବା ମାନ୍ନେଞ୍ଜି ଇଞ୍ଜାନ୍ ୱେସ୍ତାନେରି, ଏଦା ମିରୁ ମାଞ୍ଜାଡ଼ି କିଃଆଟୁ । 24ଇନାକି କଲ କ୍ରିସ୍ଟଙ୍ଗା ଅଟେ କଲ ବାବବାଦିଙ୍ଗ୍ ୱାନ୍ ଇହିଙ୍ଗିସି ବେର୍ ବେର୍ ତୁର୍ରି ଅଟେ ଆକ୍କାବାଡ଼ାଙ୍ଗ୍ତି କାମା ତସ୍ନେରି ଜେ, ଜଦି ଆଅନ୍ ମୁନେ ଇଚ୍ଚେସି, ଏୱାରି ଆଚି ପାଁଣ୍ଡାନ୍ନି ଦାଲ୍ଲାନିକି ୱାଡ଼େ କ୍ରଟ୍ପାୱିନେରି । 25ହୁଡ଼ାଟୁ, ନାନୁ କାହେଟେଃଏ ମିଙ୍ଗେ ୱେସ୍ତାତେଃଏ । 26#ଲୁକ ୧୭:୨୩,୨୪ଆଟେ ୱାଡ଼େ ହୁଡ଼ାଟୁ, ଜଦି ମିଙ୍ଗେ ରଃଅଞ୍ଜି ୱାନ୍ ଏୱାଞ୍ଜି ଚିହ୍ପି ଗର୍ରିତାୱା ମାନ୍ନେଞ୍ଜି ଇଚ୍ଚେସି, ମିରୁ ହଚାନ୍ ହାଃଲ୍ଲାଟୁ, ଜଦି ଏୱାଞ୍ଜି ଲାଃଇତ୍ ବାକ୍ରାତାୱା ମାନ୍ନେଞ୍ଜି, ଇଚ୍ଚେସି ଏଦା ମିରୁ ମାଞ୍ଜାଡ଼ି କିଃଆଟୁ । 27ଇନାକି ୱେଲାରାଜି ଇନ୍ଦେଟ୍ ଜଦି ବିଜ୍ଜି ରୁତିନେ ଇଚ୍ଚେସି ୱେଲାକ୍ଡୁପା ଟିକ୍ନା ତଞ୍ଜିନେ, କୁଏଞ୍ଜ୍ ମ୍ରିଃଏଞ୍ଜି ୱାଡ଼େ ଏହେଙ୍ଗିସି ୱାନେଞ୍ଜି । 28#ଲୁକ ୧୭:୩୭ଇମ୍ୱିନାୱା ହାତି ଗାଣ୍ଡି ମାନ୍ନେ, ଏଦିମ୍ୱା ଡାଡ଼୍କା ରପାଟ୍ଟେ ଆନୁ ।
କୁଏଞ୍ଜ୍ତି ମ୍ରିଃଏଞ୍ଜି ରିହିକ୍ ୱାଅନ୍
(ମାର୍କ ୧୩:୨୪–୨୭; ଲୁକ ୨୧:୨୫–୨୮)
29 #
ପ୍ରକା ୬:୧୨;
ପ୍ରକା ୬:୧୩
“ମତ୍ର ଏଚିତୁକାତି ବିହାନପୁ ଆନାୱିଃଆଟି ହଟାତ୍ ୱେଲା ଆନ୍ଦେର୍ ଆନେ ଅଟେ ଡାଁଞ୍ଜୁ ତା ଅଲା ହିଃଏ, ଆଟେ ସୁକାଙ୍ଗ୍ ଜାଗ୍ଗୁଟି ସ୍ରୁଆନୁ ଅଟେ ଜାଗ୍ଗୁତାୱା ମାନ୍ନି ହାବେତ୍ ବଲ କଲିବିଲି ଆନୁ ।”#ଜିସା ୩୦:୧୦ 30#ପ୍ରକା ୧:୭ଏଚ୍ଚିକିଃଆ ଜାଗ୍ଗୁତାୱା କୁଏଞ୍ଜି ମ୍ରିଃଏଞ୍ଜ୍ତି ରୁକା ତଞ୍ଜିନେ, ଆଟେ ତା ଏ ତୁକାତାୱା ଇ ପୁର୍ତିତି ହାବେତ୍ ପୁଣ୍ଡି କିରେଡ଼୍ ଆନେରି ଅଟେ କୁଏଞ୍ଜ୍ତି ମ୍ରିଃଏଞ୍ଜିକି ବେର୍ ବଲ ଅଟେ ବେର୍ ମହିମା ଡ଼ାହି ଜାଗ୍ଗୁ ମୁଲ୍ଡେଙ୍ଗ୍ତାୱା ୱାନାଦାଃଆ ହୁଡ଼ିନେରି । 31ଆଟେ ଏୱାଞ୍ଜି ତା ଦୁତଙ୍ଗ୍ନିକି ପାଣ୍ଡାଦାନେଞ୍ଜି ଏ ଦୁତଙ୍ଗ୍ ବେର୍ ଉକୁଡ଼୍ କିଆନ୍ ମହରି ଉକିନୁ, ଜାଗ୍ଗୁତି ଇ ପାଲିଟି ଅଟେ ରକଟ୍ତି ପାଲି ଟିକ୍ନା ହାବେତ୍ଇନ୍ଦେଟି ତା ଆଚି କିଆନ୍ନି ଦାଲ୍ଲାନିକି ରପାଟ୍ଟେ କିନେଞ୍ଜି ।
ତଗା ମ୍ରାନୁଟି ଗ୍ରାମ୍ବନ୍
(ମାର୍କ ୧୩:୨୮–୩୧; ଲୁକ ୨୧:୨୯–୩୩)
32ତଗା ମ୍ରାନୁଟି ତୁକାଙ୍ଗାତା ଗ୍ରାମ୍ୱାଟୁ; ଏଚ୍ଚିକିଃଆ ତା କାମ୍ୱାଙ୍ଗ୍ କ୍ଡଗାଆନ୍ ଆକା ଆଇନୁ, ଏଚିତୁକାତାୱା ମିରୁ ପୁଞ୍ଜୁ ଜେ କାର୍ରା ତୁକା ରେଃଏସ୍ ଏତାତେ; 33ଏଚିଲାକ୍କା ମିରୁ ୱାଡ଼େ ଇୱାହାବେ ହୁଡ଼ିତେସି ଏଦି ଦାରା ରେଃଏସ୍ ଏତାତେ ଇଞ୍ଜାନ୍ ପୁଞ୍ଜୁ । 34ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇୱାହାବେ ଗଟିଆଆଃନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନିୱାହୁ ୱାଡ଼େ ନାହେଡ୍ ଆଃଏରି । 35ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ହାବେତ୍ ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।
ଏମ୍ୱେ ପୁଃନ୍ନାନ୍ ଦିନା ଅଟେ ତୁକା
(ମାର୍କ ୧୩:୩୨–୩୭; ଲୁକ ୧୭:୨୬–୩୦,୩୪–୩୬)
36ମତ୍ର ଏ ଦିନା ଅଟେ ତୁକା କୁଲାଟି ଏମ୍ୱେନାରି ପୁଞ୍ଜାହେଃଲ୍ଲେରି, ସର୍ଗତି ଦୁତଙ୍ଗ୍ ଅଟେ ମ୍ରିଃଏଞ୍ଜି ୱାଡ଼େ ପୁଞ୍ଜାହେଃଲ୍ଲେଞ୍ଜି, ୱାର୍ରି ଆବା ପୁଞ୍ଜାନ୍ନେଞ୍ଜି । 37ଆଟେ ନହତି ତୁକାତାୱା ଇନିମିଡି ଡୁଣ୍ଡେଲ୍ ଆଚ୍ଚେ, କୁଏଞ୍ଜ୍ତି ମ୍ରିଃଏଞ୍ଜି ରିହିକ୍ ୱାଅନ୍ତି ତୁକାତାୱା ଏହେଙ୍ଗ୍ତି ଡୁଣ୍ଡେଲ୍ ଆନେ । 38ଇନାକି ହାବେତାୱାଟି ବେର୍ ୱାରୁ ୱାନ୍ କାହେନେଃଏ ଜାଜ୍ଜୁତାୱା ନହତି ହଲ୍ବନ୍ତି ଦିନା ଟିକ୍ନା ଦାଲ୍ଲା ଇନିମିଡି ତିନ୍ବା ଉନ୍ବା ଅଟେ ବିବା କିଚ୍ଚେରି ଅଟେ ବିବା କାମାତାୱା ବ୍ୟସ୍ତ ଆଇଚ୍ଚେରି, 39ଆଟେ ବେର୍ ୱାରୁ ୱାନ୍ ହାବେତାରିନିକି ରୁକ୍ଚାନ୍ ଅତି ଟିକ୍ନା ଏମ୍ୱେ ପୁଞ୍ଜାହେଃଲ୍ଲାତେରି, ଏଚିଡେହେଙ୍ଗ୍ କୁଏଞ୍ଜ୍ ମ୍ରିଃଏଞ୍ଜି ରିହିକ୍ ୱାଅନ୍ତାଦା ଏମ୍ୱେ ୱାଡ଼େ ପୁଃନ୍ନେଏ । 40ଏଚିତୁକାତାୱା ପାଙ୍ଗାତାୱା ମାନ୍ନି ରିଃଆରିତାୱାଟି, ରଃଅଞ୍ଜିକି ଅୱାଆନେ, ଆଟେ ରଃଅଞ୍ଜିକି ପିହ୍ପାଆନେ । 41ଗୁରନ୍ତାୱା ନୁରେନ୍ନି ରିଣ୍ଡି ଆଚାସ୍କା ଟିଆଟି, ରଣ୍ଡାଡ଼ିକି ଅୱାଆନେ, ଆଟେ ରଣ୍ଡାଡ଼ିକି ପିହ୍ପାଆନେ । 42ଏଦାକି ହାମ୍ୱେର୍ ଆନ୍ ମାଞ୍ଜୁ, ଇନାକି ମି ଦାର୍ମୁ ଇମ୍ୱିନ୍ ୱେଲା ୱାନେଞ୍ଜି, ଏଦା ମିରୁ ପୁଞ୍ଜାହେଃଲ୍ଲେରି । 43#ଲୁକ ୧୨:୩୯,୪୦ଜଦି ଇଡ୍ଡୁତି ଗାମିନାଞ୍ଜି, ଇମ୍ୱିନ୍ ତୁକାତାୱା ମ୍ଡାମେଞ୍ଜି ୱାନେଞ୍ଜ୍ ଇଞ୍ଜାନ୍ ପୁଞ୍ଜାନ୍ନେଞ୍ଜ୍ମା ଇଚ୍ଚେସି ଏୱାଞ୍ଜି ହାମ୍ୱେର୍ ଆନ୍ ବାସା ଆନେଞ୍ଜ୍ମା, ଆଟେ ଇଡ୍ଡୁତି କୁଚି ଲେପ୍କନ୍ ହିଃଏଞ୍ଜ୍ମା । 44ଏଦାକି ମିରୁ ୱାଡ଼େ ହାମ୍ୱେର୍ ଆନାହି ମାଞ୍ଜୁ, ଇନାକି ଇମ୍ୱିନ୍ ତୁକାତାୱା ମିରୁ ଏଲୁ କିହେଃଲ୍ଲେରି, ଏ ତୁକାତାୱା କୁଏଞ୍ଜ୍ ମ୍ରିଃଏଞ୍ଜି ୱାନେଞ୍ଜି ।
ବିସ୍ୱସ୍ତ ଅଟେ ଡ଼ଃଆନ୍ କାମ୍ବାରେଏଞ୍ଜି
(ଲୁକ ୧୨:୪୧–୪୮)
45ଏହେଙ୍ଗ୍ ଆତେସି ସକାର ତା କାମ୍ବାରେଏଞ୍ଜିକି ଟିକ୍ ତୁକାତାୱା ତିନ୍ବା ହିଅନ୍ ବାଗା ଏୱାର୍ତି କୁଃଏଟି ଇନ୍ଦାରିକି କାମା ହିତେଞ୍ଜି, ଇହିଙ୍ଗ୍ତି ବିସ୍ୱସ୍ତ ଅଟେ ବୁଦ୍ଦିଗାଟି କାମ୍ୱାରେଏଞ୍ଜି ଏମ୍ୱେନାଞ୍ଜି ? 46ସକାରେଏଞ୍ଜି ୱାନ୍ ତା ଇମ୍ୱିନ୍ କାମ୍ବାରେଏଞ୍ଜିକି ଏହେଙ୍ଗିସି କିନ୍ନାଦାଃଆ ହୁଡ଼ିନେଞ୍ଜି, ଏୱାଞ୍ଜି ଦନ୍ୟ । 47ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଏୱାଞ୍ଜିକି ତା ହାବେତ୍ କୁଲା କୁଃଏଟି ଦାଇତ ହିନେଞ୍ଜି । 48ମତ୍ର ଜଦି ଏ କାମ୍ବାରେଏଞ୍ଜି ନା ସକାର ୱାଅନ୍ ଜୁକୁଡ଼୍ ଆନେ ଇଞ୍ଜାନ୍ ତା ମନତାୱା ଏଲୁ କିନ୍ନେଞ୍ଜି, 49ଆଟେ ତା ଡ଼ାହିତ୍ କାମ୍ୱାରାଙ୍ଗାନିକି ଚାହ୍ପନ୍ ମ୍ରାସ୍ପିନ୍ନେଞ୍ଜି, ଆଟେ କାଲୁଗାଟାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି । 50ଏହେଙ୍ଗ୍ ଆତେସି ଇମ୍ୱିନ୍ ଦିନା ବାଗା ଏୱାଞ୍ଜି କାଚାହେଃଲ୍ଲେଞ୍ଜି ଅଟେ ଇମ୍ୱିନ୍ ତୁକା କାମ୍ବାରେଏଞ୍ଜି ପୁଞ୍ଜାହେଃଲ୍ଲେଞ୍ଜି, ଏ ଦିନା ଅଟେ ଏ ତୁକାତାୱା ତା ସକାରେଏଞ୍ଜି ୱାନେଞ୍ଜି, 51ଆଟେ ଏୱାଞ୍ଜି ଏୱାଞ୍ଜିକି ଆଣ୍ଟ ଦଣ୍ଡ ହିଆନ୍ କୁଟୁଗାଟି କାମ୍ବାରାଙ୍ଗା ଡ଼ାହି ଇଟ୍ଟିନେଞ୍ଜି, ଇମ୍ୱିନାୱାକି ଏୱାଞ୍ଜି ଡ଼ିନେଞ୍ଜି ଅଟେ ପାଟ୍କା ମ୍ରେଡିନେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0