ମାତିଉ 23
23
ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ଟିଆଟି ନେହେନ୍ ମାନ୍ବନ୍ ବାଗା ଜିସୁ ୱେସ୍ପନ୍
(ମାର୍କ ୧୨:୩୮–୪୦; ଲୁକ ୧୧:୩୭–୫୨; ୨୦:୪୫–୪୭)
1ଏଚିତୁକାତାୱା ଜିସୁ ତା ଗ୍ରାମ୍ୱାଗାଟାରିକି ଅଟେ ଦାଲ୍ଲାନିକି ୱେସ୍ତେଞ୍ଜି, 2ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ ହାଜୁ ଗ୍ରାପନ୍ ବାଗା ମସାତି ଗର୍ରିତାୱା କକ୍ଚ୍ଚାନ୍ନେରି । 3ଆଟେ ୱାଡ଼େ ଏୱାରି ମିଙ୍ଗେ ଇନ୍ନା ୱେସ୍ତାନେରି, ଏଦା ମାନି ଆଦୁ ଅଟେ ପାଲ୍ନି ଆଦୁ, ମତ୍ର ଏୱାରି କିନ୍ନି କାମା ଡେହେଙ୍ଗ୍ କାମା କିଃଆଟୁ, ଇନାକି ଏୱାରି ଗ୍ରାପେନ୍ନେରି, ମତ୍ର ଏଦା କିହେଃଲ୍ଲେରି । 4ଏୱାରି ପିଗୁ କାଁଞ୍ଜୁ କୁଇଙ୍ଗ୍ତି ନେପିତାୱା ମାଟ୍ଚା ହିନ୍ନେରି, ଇମ୍ୱିନାଦିକି ଡେକନ୍ ବାଗା ଗାପ୍ଚି କସ୍ଟ, ମତ୍ର ଏୱାରି ତା ୱାଚ୍ଚାଙ୍ଗ୍ ଡ଼ାହି ଏୱା ଡେସ୍ପନ୍ ବାଗା ଇଚ୍ଚା କିହେଃଲ୍ଲେରି । 5#ମାତି ୬:୧ଏୱାରି ଇନ୍ନା ହାବେ କାମାକାରା କିନ୍ନେରି ଏଦା ୱାର୍ରି ଦାଲ୍ଲାନିକି ତସ୍ପନ୍ ବାଗା କିନ୍ନେରି, ଇନାକି ଏୱାରି ଦାର୍ମୁ କାତା ୱ୍ରିଗାନ୍ନି ବେର୍ ଡଅଁରା କିଆନ୍ ତୁବ୍ଗିନ୍ନେରି ଅଟେ ଜିରା ଲିଙ୍ଗୁସ୍କା ଲାମ୍ୱା କିନ୍ନେରି; 6ଆଟେ ବୁଜିତାୱା ବେର୍ ବେର୍ ଗର୍ରି ଅଟେ ହାଜା ଇଡ୍ଡୁତାୱା ବେର୍ ଗର୍ରିଙ୍ଗ୍ଏସେନ୍ କପ୍କନ୍ ବାଗା ଦାହ୍ପିନ୍ନେରି; 7ଆଟେ ହାଟ୍ଟୁ ପାଙ୍ଗାତାୱା ଜୁହାରି ପାଁନ୍ବନ୍ ବାଗାଟି ଅଟେ ଦାଲ୍ଲାତାୱାଟି ଗ୍ରାପାଗାଟାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗାଟି ଗାପ୍ଚି ଇଚ୍ଚା କିନ୍ନେରି । 8ମତ୍ର ମିରୁ ଗ୍ରାପାଗାଟାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗା ଇଚ୍ଚା କିଃଆଟୁ, ଇନାକି ମି ଗ୍ରାପାଗାଟାଞ୍ଜ୍ ରଃଅଞ୍ଜେଃଏ ମାନ୍ନେଞ୍ଜି, ଆଟେ ମିରୁ ହାବେ ଆମ୍ୱେସାଙ୍ଗାନାତେରି । 9ଆଟେ ଇ ପୁର୍ତିତାୱା ଇନ୍ଦାରିକି ୱାଡ଼େ ଆବା ଇଞ୍ଜାନ୍ ସନ୍ମାନ୍ କିଃଆଟୁ, ଇନାକି ମି ଆବା ରଃଅଞ୍ଜେଃଏ, ଏୱାଞ୍ଜି ସର୍ଗତାୱା ମାନ୍ନେଞ୍ଜି । 10ଆଟେ ମିରୁ ବେର୍ରାନାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗା ଇଚ୍ଚା କିଃଆଟୁ, ଇନାକି ମି ତାୱାଟି ରଃଅଞ୍ଜି ଗାମିନାଞ୍ଜି ମାନ୍ନେଞ୍ଜି, ଏୱାଞ୍ଜି ଆଇନ୍ନେଞ୍ଜି କ୍ରିସ୍ଟ । 11#ମାତି ୨୦:୨୬,୨୭; ମାର୍କ ୯:୩୫; ୧୦:୪୩,୪୪; ଲୁକ ୨୨:୨୬ମତ୍ର ମି ତାୱା ଏମ୍ୱେନାଞ୍ଜି ହାବେତାୱାଟି ଗାମିନାଞ୍ଜି ଆଅନ୍ତିକି ଇଚ୍ଚା କିନ୍ନେଞ୍ଜି, ଏୱାଞ୍ଜି ମିଙ୍ଗେ ଆଙ୍ଗୁଲ୍ ଆଦାକାଞ୍ଜି । 12#ଲୁକ ୧୪:୧୧; ୧୮:୧୪ଆଟେ ଏମ୍ୱେନାଞ୍ଜି ତା ଗାଣ୍ଡି ଗାମିନାନୁ ଇଞ୍ଜାନ୍ ତସ୍ପିନେଞ୍ଜି, ଏୱାଞ୍ଜିକି ମୁଲାପେନୁ ଡଟିଗାଟାଞ୍ଜି କିନେଞ୍ଜି, ଆଟେ ଏମ୍ୱେନାଞ୍ଜି ତା ଗାଣ୍ଡି ଡଟିଗାଟାନୁ ଇଞ୍ଜାନ୍ ତସ୍ପିନେଞ୍ଜି, ଏୱାଞ୍ଜିକି ମୁଲାପେନୁ ଗାମିନାଞ୍ଜି କିନେଞ୍ଜି ।
କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନିକି ଜିସୁ ଦୁସ ତସାନ୍ ୱେସ୍ପନି
(ମାର୍କ ୧୨:୪୦; ଲୁକ ୧୧:୩୯–୪୨,୪୪,୫୨; ୨୦:୪୭)
13ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ବେର୍ ଦଣ୍ଡ ମାନ୍ନେ, ଇନାକି ମିରୁ ଦାଲ୍ଲା ନକେସି ସର୍ଗରାଜିତି ପାହେର୍ ଟୁଣ୍ଡେଞ୍ଜେରି; ମିରୁ ତ ନିଜେ ହଲ୍ବେହେଃଲ୍ଲେରି, ଆଟେ ହଲ୍ବନ୍ ବାଗାଟି ଇଚ୍ଚା କିନ୍ନି ଦାଲ୍ଲାନିକି ୱାଡ଼େ ହଲ୍ବି କିହେଃଲ୍ଲେରି । 14ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ଗାପ୍ଚି ବେର୍ ଦଣ୍ଡ ମାନ୍ନେ, ଇନାକି ମିରୁ ଦାଲ୍ଲାନିକି ତସ୍ପନ୍ ବାଗା ଲାମ୍ୱା ପ୍ରାତ୍ନା କିଞ୍ଜେରି, ଆଟେ ୱାଟ୍ଟାଗାଟାଡ଼ିକି ଟକ୍କି କିଞ୍ଜେରି ଅଟେ ତା ଇଟ୍କା ହାବେ ନାହେଡ୍ କିଞ୍ଜେରି; ଏଦାକି ମିରୁ ଏଗେଲ୍ ଦଣ୍ଡ ପାଁଣ୍ଡେରି ।#ମାର୍କ ୧୨:୪୦; ଲୁକ ୨୦:୪୭
15ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ଏଚ୍ଚେ ବେର୍ ଦଣ୍ଡ ମାନ୍ନେ, ଇନାକି ମିରୁ ରଃଅଞ୍ଜିକି ମି ଦର୍ମ ପାଲ୍ନି କିୱି କିଅନ୍ ବାଗା ହାବେତ୍ଇନ୍ଦା ତ୍ରେବିଞ୍ଜେରି, ଆଟେ ଏଚ୍ଚିକିଃଆ ରଃଅଞ୍ଜି ମି ଦର୍ମତାୱା ଆଡ୍ଡେଞ୍ଜାନେଞ୍ଜି, ଏଚିତୁକାତାୱା ଏୱାଞ୍ଜିକି ମିରୁ ମି ତାୱାଟି ରି ଦୁଗୁଡ଼୍ ନର୍କତାୱା ମେଦ୍ଦନ୍ତି ମ୍ରିଃଏଞ୍ଜି କିଞ୍ଜେରି ।
16ଏ କାଡ଼ାଙ୍ଗ୍ଗାଟାତାତେରି ମିରୁ ଜେ ଦାଲ୍ଲାନିକି ପାହେର୍ ତସ୍ପିଞ୍ଜେରି ମି ବାଗା ବେର୍ ଦଣ୍ଡ ମାନ୍ନେ, ମିରୁ ଜିରୁସାଲମ ମନ୍ଦିର ପାରୁଟି ହାପ୍ପା କିତେସି, ଏଦି ଇନା ଆଃଏ ଇଞ୍ଜାନ୍ ୱେସ୍ପିଞ୍ଜେରି, ମତ୍ର ଏମ୍ୱେନାଞ୍ଜି ଜିରୁସାଲମ ମନ୍ଦିରତାୱା ମାନ୍ନି ସୁନାତି ଦିବ୍ବା କିନ୍ନେଞ୍ଜି, ଏୱାଞ୍ଜିକି ଏଦା କିଅନ୍ ଆବସକ । 17ଏ ମୁର୍କ ଅଟେ କାଡ଼ାଙ୍ଗ୍ଗାଟାତାତେରି ସୁନା ବେର୍ରାଦି କି ସୁନାତିଦି ପିର୍ନି କିନ୍ନି ଜିରୁସାଲମ ମନ୍ଦିର ବେର୍ରାଦି ? ଇ ରିଣ୍ଡାତାୱାଟି ଇମ୍ୱିନାଦି ଗାମିନାଦି ? 18ଆଟେ ମିରୁ ଲାକାବେଦିତି ହାପ୍ପା କିତେସି ଇନା ଆଃଏ ଇଞ୍ଜାନ୍ କାତା ୱେସ୍ପିଞ୍ଜେରି, ମତ୍ର ଏମ୍ୱେନାଞ୍ଜି ଏ କୁଃଏଟି ମାନ୍ନି ନଇବେଦ୍ୟ କୁଲାତି ହାପ୍ପା କିନେଞ୍ଜି, ଏଦା ଏୱାଞ୍ଜି କିଅନ୍ତିକି ଆନେ । 19ଏ କାଡ଼ାଙ୍ଗ୍ଗାଟାତାତେରି, ନଇବେଦ୍ୟ ବେର୍ରାଦି କି ନଇବେଦ୍ୟତିଦି ପିର୍ନି କିନ୍ନି ଲାକାବେଦି, ଇ ରିଣ୍ଡାତାୱାଟି ଇମ୍ୱିନାଦି ବେର୍ରାନାଦି ? 20ଇଦାବାଗା ଏମ୍ୱେନାଞ୍ଜି ଲାକାବେଦିତି ହାପ୍ପା କିନେଞ୍ଜି, ଏୱାଞ୍ଜି ଲାକାବେଦିତି ଅଟେ ତା କୁଃଏଟି ମାନ୍ନି ହାବେତ୍ କୁଲାଟି ହାପ୍ପା କିନ୍ନେଞ୍ଜି; 21ଆଟେ ଏମ୍ୱେନାଞ୍ଜି ଜିରୁସାଲମ ମନ୍ଦିରତି ହାପ୍ପା କିନେଞ୍ଜି, ଏୱାଞ୍ଜି ମନ୍ଦିରତି ଅଟେ ମନ୍ଦିରତାୱା ମାନ୍ନି ମୁଲାପେନୁନିକି ହାପ୍ପା କିନ୍ନେଞ୍ଜି ।
22 #
ମାତି ୫:୩୪
ଆଟେ ଏମ୍ୱେନାଞ୍ଜି ସର୍ଗତି ହାପ୍ପା କିନେଞ୍ଜି, ଏୱାଞ୍ଜି ମୁଲାପେନୁତି ଗାଦି ଅଟେ ଗାଦିତାୱା କକ୍ଚ୍ଚାନ୍ନି ମୁଲାପେନୁତି ହାପ୍ପା କିନ୍ନେଞ୍ଜି ।
23ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି, ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ପଦିନା, ପାନ୍ମହରି ଅଟେ ଜିରାତି ଦସମାଂସ ହିଞ୍ଜେରି, ମତ୍ର ମସା ହାଜୁତାୱା ୱେସାନ୍ନି କୁଲା ଇଚ୍ଚେସି, ପାପୁଅଲ୍ପନ୍, ନିୟେବିଚାର ଅଟେ ମାଞ୍ଜାଡ଼ି, ଇୱାହାବେ ମାନି ଆଃଏଟେଃଏ ପିହାଞ୍ଜେରି; ମତ୍ର ମିରୁ ହିଡେସ୍ ଆଃଏଟେଃଏ ଇ ହାବେ ପାଲ୍ନି ଆଅନ୍ ଉଚିତ୍ ।
24ଏ କାଡ଼ାଙ୍ଗ୍ଗାଟାତାତେରି ମିରୁ ଜେ ଦାଲ୍ଲାନିକି ପାହେର୍ ତସ୍ପିଞ୍ଜେରି, ମିରୁ ୱିହାତିଦି ପେଞ୍ଜେଞ୍ଜେରି, ମତ୍ର ଉଟୁତିଦି ଗୁହ୍ପିଞ୍ଜେରି ।
25ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ଗିନ୍ନା ଅଟେ ସଡ଼ିୟାତି କୁଃଏଟି ନବ୍ଗିଞ୍ଜେରି, ମତ୍ର ମି ହଡାଙ୍ଗ୍ତାୱା ଲୁବୁ ଆଟେ ଡ଼ଃଆନ୍ କାମାଟି ନେଞ୍ଜାଞ୍ଜେରି ।
26ଏ କାଡ଼ାଙ୍ଗ୍ଗାଟି ପାରୁସିଙ୍ଗ୍ନାତେରି, ୱେଲେଏ ଗିନ୍ନାତି ଲାଃଇଟ୍ତା ନଗ୍ଜାନ୍ ପିର୍ରି କିଦୁ, ଏହେଙ୍ଗ୍ ଆତେସି ଗିନ୍ନାତି କାଟଟ୍ ୱାଡ଼େ ପିର୍ରି ଆନେ ।
27 #
ପେରି ୨୩:୩
ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ହୁକୁଲ୍ଗାଟି ଗ୍ରିପାଙ୍ଗୁଟି ଡେହେଙ୍ଗ୍ କାଟଟି ଆଡାନ୍ ତଞ୍ଜେଞ୍ଜେରି, ମତ୍ର ଲାଃଇ ହାନ୍ନି ଦାଲ୍ଲାତି ପ୍ଡେକା ଅଟେ ହାବେତ୍ ଲାକ୍କାଟ୍ତି ଅସୁଚି କୁଲା ଡ଼ାହି ନେଞ୍ଜାଞ୍ଜେରି ।
28ଏଚିଲାକ୍କାଟି ମିରୁ ୱାଡ଼େ କାଟ ଦାଲ୍ଲା ନକେସି ଦାର୍ମିକ ଇଞ୍ଜାନ୍ ତସ୍ପିଞ୍ଜେରି, ମତ୍ର ଲାଃଇ କୁଟୁଟି ଅଟେ ଡ଼ଃଆନ୍ କାମାତାୱା ନେଞ୍ଜାଞ୍ଜେରି ।
29ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଏଚ୍ଚେ ବେର୍ ଦଣ୍ଡ ମାନ୍ନେ, ଇନାକି ମିରୁ ବାବବାଦିଙ୍ଗ୍ତି ଗ୍ରିପାଙ୍ଗୁଟି କ୍ଲେହାନାହି ଅଟେ ଦାର୍ମିକଙ୍ଗ୍ତି ଗ୍ରିପାଙ୍ଗୁଟି ନେହେନ୍ ରହାନାହି ୱେସ୍ପିଞ୍ଜେରି, 30ଜଦି ମାମୁ ମା ନକିତି ଜୁଜୁଆକେଙ୍ଗ୍ ତୁକାତାୱା ମାଞ୍ଜାନ୍ନାମା ଇଚ୍ଚେସି, ବାବବାଦିଙ୍ଗ୍ନିକି ପାଗନ୍ ବାଗା ଏୱାର୍ ଡ଼ାହି ଆଡ୍ଡାମ୍ ମା । 31ଏଦାକି ମିରୁ ବାବବାଦିଙ୍ଗ୍ନିକି ପାଗାନ୍ନି ଦାଲ୍ଲାତି ମିକ୍ରାନାମୁ ଇଞ୍ଜାନ୍ ମିରୁ ନିଜେ ମି କୁଲାଟି ସାକି ହିଞ୍ଜେରି ।
32ମିରୁ ମି ନକିତି ଜୁଜୁଆକେଙ୍ଗ୍ ୱିହିକିଆହେଃଲ୍ଲାନ୍ କାମା ୱିହି କିଦୁ ।
33 #
ମାତି ୩:୭; ୧୨:୩୪; ଲୁକ ୩:୭ ଏ ରାସ୍କାନାତେରି ଅଟେ ଏ ରନା ରାଚୁତି ପୁଣ୍ଡି, ମିରୁ ଇନିମିଡି ନର୍କତି ଦଣ୍ଡଟି ଜ୍ଡିଅନ୍ ମୁଦେରି ? 34ଏଦାକି ହୁଡ଼ାଟୁ, ନାନୁ ମି ରେଃଏସ୍ ବାବବାଦିଙ୍ଗ୍ନିକି, ପୁନ୍ବାଗାଟାରିକି ଅଟେ ସାସ୍ତ୍ରିଙ୍ଗ୍ନିକି ପାଣ୍ଡେଞ୍ଜା; ଏୱାର୍ଟିଆଟି ଇନ୍ଦା ଇନ୍ଦାରିକି ମିରୁ ପାଗିଦେରି ଅଟେ କ୍ରୁସତାୱା ଏକ୍ଦେରି, ଆଟେ ଇନ୍ଦାରିକି ମିରୁ ହାଜା ଇଡ୍ଡୁତାୱା ହାପ୍କାନଡ଼ ଡ଼ାହି ଚାହ୍ଦେରି ଅଟେ ଗାଡ଼ାନାଜୁତାୱାଟି ଆଟେ ରଣ୍ଡା ଗାଡ଼ାନାଜୁଇନ୍ଦା ହାଜ୍ଜି ହାଜ୍ଜି ବିହାନପୁ ହିଦେରି । 35ଇନିମିଡି ହେବଲନିକି ପାଗିତାୱାଟି ବେରିକିୟତି ମ୍ରିଃଏଞ୍ଜି ଜିକରିୟନିକି ମିରୁ ମନ୍ଦିରତି ପିର୍ନି ଗର୍ରି ଅଟେ ଲାକାବେଦିତି ମାଦ୍ଦି ପାଗିତ୍ ଟିକ୍ନା ଇ ପୁର୍ତିତାୱା ଏଚେ ଦାର୍ମିକ ଦାଲ୍ଲାତି ରାକ୍କା ବଙ୍ଗାନ୍ନେ, ଏ ହାବେ କୁଲା ମି କୁଃଏଟି ଦିଆନେ । 36ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ ହାଦାଡ଼୍ତି ଦାଲ୍ଲା କୁଃଏଟି ଇଦି ଗଟି ଆନେ ।
ଜିରୁସାଲମ ବାଗା ଜିସୁତି ଜେଡା
(ଲୁକ ୧୩:୩୪,୩୫)
37“ଏ ଜିରୁସାଲମ, ଏ ଜିରୁସାଲମ, ବାବବାଦିଙ୍ଗ୍ନିକି ପାଗାନ୍ନାତାତି ଅଟେ ନି ରେଃଏସ୍ ପାଣ୍ଡାଞ୍ଜାତି କବର ହିଅନ୍ତି ଦୁତଙ୍ଗ୍ନିକି ୱାଲ୍ଲିଙ୍ଗ୍ ଜିସ୍କାନ୍ ପାଗାନ୍ନାତାତି, କଜ୍ଜୁ ଇନିମିଡି ମାରାଙ୍ଗ୍ ଲାଃଇ ତା ହିପାଙ୍ଗ୍ତିଦି ରପାଟ୍ଟେ କିନ୍ନେ, ଏହେଙ୍ଗିସି ନି ବଦାଙ୍ଗ୍ନିକି ରପାଟ୍ଟେ କିଅନ୍ ବାଗା ନାନୁ ଇଚ୍ଚା କିତେ, ମତ୍ର ମିରୁ ଇଚ୍ଚା କିଃଆତେରି । 38ହୁଡ଼ାଟୁ, ମି ଜିରୁସାଲମ ମନ୍ଦିର ହାଦାଡ଼ି ବାଲୁପାଙ୍ଗା ଡେହେଙ୍ଗ୍ ମି କାଜ୍ଜୁତାୱା ପିହ୍ପାଆନେ, ଇମ୍ୱିନାୱାକି ଦାଲ୍ଲା ବାସାଆଃଏରି । 39ଇନାକି ନାନୁ ମିଙ୍ଗେ ୱେସ୍ପିଞ୍ଜା, ଦାର୍ମୁତି ପାରୁଟି ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ, ମିରୁ ଇ କାତା ୱେଃସାନ୍ ଟିକ୍ନା ନିଞ୍ଜୁତାୱାଟି ନାଙ୍ଗେ ଆଟେ ହୁଡ଼ାଦାଃଏରି ।”#ଗାଡ଼େ ୧୧୮:୨୬
Právě zvoleno:
ମାତିଉ 23: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 23
23
ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ଟିଆଟି ନେହେନ୍ ମାନ୍ବନ୍ ବାଗା ଜିସୁ ୱେସ୍ପନ୍
(ମାର୍କ ୧୨:୩୮–୪୦; ଲୁକ ୧୧:୩୭–୫୨; ୨୦:୪୫–୪୭)
1ଏଚିତୁକାତାୱା ଜିସୁ ତା ଗ୍ରାମ୍ୱାଗାଟାରିକି ଅଟେ ଦାଲ୍ଲାନିକି ୱେସ୍ତେଞ୍ଜି, 2ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ ହାଜୁ ଗ୍ରାପନ୍ ବାଗା ମସାତି ଗର୍ରିତାୱା କକ୍ଚ୍ଚାନ୍ନେରି । 3ଆଟେ ୱାଡ଼େ ଏୱାରି ମିଙ୍ଗେ ଇନ୍ନା ୱେସ୍ତାନେରି, ଏଦା ମାନି ଆଦୁ ଅଟେ ପାଲ୍ନି ଆଦୁ, ମତ୍ର ଏୱାରି କିନ୍ନି କାମା ଡେହେଙ୍ଗ୍ କାମା କିଃଆଟୁ, ଇନାକି ଏୱାରି ଗ୍ରାପେନ୍ନେରି, ମତ୍ର ଏଦା କିହେଃଲ୍ଲେରି । 4ଏୱାରି ପିଗୁ କାଁଞ୍ଜୁ କୁଇଙ୍ଗ୍ତି ନେପିତାୱା ମାଟ୍ଚା ହିନ୍ନେରି, ଇମ୍ୱିନାଦିକି ଡେକନ୍ ବାଗା ଗାପ୍ଚି କସ୍ଟ, ମତ୍ର ଏୱାରି ତା ୱାଚ୍ଚାଙ୍ଗ୍ ଡ଼ାହି ଏୱା ଡେସ୍ପନ୍ ବାଗା ଇଚ୍ଚା କିହେଃଲ୍ଲେରି । 5#ମାତି ୬:୧ଏୱାରି ଇନ୍ନା ହାବେ କାମାକାରା କିନ୍ନେରି ଏଦା ୱାର୍ରି ଦାଲ୍ଲାନିକି ତସ୍ପନ୍ ବାଗା କିନ୍ନେରି, ଇନାକି ଏୱାରି ଦାର୍ମୁ କାତା ୱ୍ରିଗାନ୍ନି ବେର୍ ଡଅଁରା କିଆନ୍ ତୁବ୍ଗିନ୍ନେରି ଅଟେ ଜିରା ଲିଙ୍ଗୁସ୍କା ଲାମ୍ୱା କିନ୍ନେରି; 6ଆଟେ ବୁଜିତାୱା ବେର୍ ବେର୍ ଗର୍ରି ଅଟେ ହାଜା ଇଡ୍ଡୁତାୱା ବେର୍ ଗର୍ରିଙ୍ଗ୍ଏସେନ୍ କପ୍କନ୍ ବାଗା ଦାହ୍ପିନ୍ନେରି; 7ଆଟେ ହାଟ୍ଟୁ ପାଙ୍ଗାତାୱା ଜୁହାରି ପାଁନ୍ବନ୍ ବାଗାଟି ଅଟେ ଦାଲ୍ଲାତାୱାଟି ଗ୍ରାପାଗାଟାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗାଟି ଗାପ୍ଚି ଇଚ୍ଚା କିନ୍ନେରି । 8ମତ୍ର ମିରୁ ଗ୍ରାପାଗାଟାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗା ଇଚ୍ଚା କିଃଆଟୁ, ଇନାକି ମି ଗ୍ରାପାଗାଟାଞ୍ଜ୍ ରଃଅଞ୍ଜେଃଏ ମାନ୍ନେଞ୍ଜି, ଆଟେ ମିରୁ ହାବେ ଆମ୍ୱେସାଙ୍ଗାନାତେରି । 9ଆଟେ ଇ ପୁର୍ତିତାୱା ଇନ୍ଦାରିକି ୱାଡ଼େ ଆବା ଇଞ୍ଜାନ୍ ସନ୍ମାନ୍ କିଃଆଟୁ, ଇନାକି ମି ଆବା ରଃଅଞ୍ଜେଃଏ, ଏୱାଞ୍ଜି ସର୍ଗତାୱା ମାନ୍ନେଞ୍ଜି । 10ଆଟେ ମିରୁ ବେର୍ରାନାନୁ ଇଞ୍ଜାନ୍ ସନ୍ମାନ୍ ପାଁନ୍ବନ୍ ବାଗା ଇଚ୍ଚା କିଃଆଟୁ, ଇନାକି ମି ତାୱାଟି ରଃଅଞ୍ଜି ଗାମିନାଞ୍ଜି ମାନ୍ନେଞ୍ଜି, ଏୱାଞ୍ଜି ଆଇନ୍ନେଞ୍ଜି କ୍ରିସ୍ଟ । 11#ମାତି ୨୦:୨୬,୨୭; ମାର୍କ ୯:୩୫; ୧୦:୪୩,୪୪; ଲୁକ ୨୨:୨୬ମତ୍ର ମି ତାୱା ଏମ୍ୱେନାଞ୍ଜି ହାବେତାୱାଟି ଗାମିନାଞ୍ଜି ଆଅନ୍ତିକି ଇଚ୍ଚା କିନ୍ନେଞ୍ଜି, ଏୱାଞ୍ଜି ମିଙ୍ଗେ ଆଙ୍ଗୁଲ୍ ଆଦାକାଞ୍ଜି । 12#ଲୁକ ୧୪:୧୧; ୧୮:୧୪ଆଟେ ଏମ୍ୱେନାଞ୍ଜି ତା ଗାଣ୍ଡି ଗାମିନାନୁ ଇଞ୍ଜାନ୍ ତସ୍ପିନେଞ୍ଜି, ଏୱାଞ୍ଜିକି ମୁଲାପେନୁ ଡଟିଗାଟାଞ୍ଜି କିନେଞ୍ଜି, ଆଟେ ଏମ୍ୱେନାଞ୍ଜି ତା ଗାଣ୍ଡି ଡଟିଗାଟାନୁ ଇଞ୍ଜାନ୍ ତସ୍ପିନେଞ୍ଜି, ଏୱାଞ୍ଜିକି ମୁଲାପେନୁ ଗାମିନାଞ୍ଜି କିନେଞ୍ଜି ।
କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନିକି ଜିସୁ ଦୁସ ତସାନ୍ ୱେସ୍ପନି
(ମାର୍କ ୧୨:୪୦; ଲୁକ ୧୧:୩୯–୪୨,୪୪,୫୨; ୨୦:୪୭)
13ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ବେର୍ ଦଣ୍ଡ ମାନ୍ନେ, ଇନାକି ମିରୁ ଦାଲ୍ଲା ନକେସି ସର୍ଗରାଜିତି ପାହେର୍ ଟୁଣ୍ଡେଞ୍ଜେରି; ମିରୁ ତ ନିଜେ ହଲ୍ବେହେଃଲ୍ଲେରି, ଆଟେ ହଲ୍ବନ୍ ବାଗାଟି ଇଚ୍ଚା କିନ୍ନି ଦାଲ୍ଲାନିକି ୱାଡ଼େ ହଲ୍ବି କିହେଃଲ୍ଲେରି । 14ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ଗାପ୍ଚି ବେର୍ ଦଣ୍ଡ ମାନ୍ନେ, ଇନାକି ମିରୁ ଦାଲ୍ଲାନିକି ତସ୍ପନ୍ ବାଗା ଲାମ୍ୱା ପ୍ରାତ୍ନା କିଞ୍ଜେରି, ଆଟେ ୱାଟ୍ଟାଗାଟାଡ଼ିକି ଟକ୍କି କିଞ୍ଜେରି ଅଟେ ତା ଇଟ୍କା ହାବେ ନାହେଡ୍ କିଞ୍ଜେରି; ଏଦାକି ମିରୁ ଏଗେଲ୍ ଦଣ୍ଡ ପାଁଣ୍ଡେରି ।#ମାର୍କ ୧୨:୪୦; ଲୁକ ୨୦:୪୭
15ଏ କୁଟୁଗାଟି ସାସ୍ତ୍ରିଙ୍ଗ୍ ଅଟେ ପାରୁସିଙ୍ଗ୍ନାତେରି ମି ବାଗା ଏଚ୍ଚେ ବେର୍ ଦଣ୍ଡ ମାନ୍ନେ, ଇନାକି ମିରୁ ରଃଅଞ୍ଜିକି ମି ଦର୍ମ ପାଲ୍ନି କିୱି କିଅନ୍ ବାଗା ହାବେତ୍ଇନ୍ଦା ତ୍ରେବିଞ୍ଜେରି, ଆଟେ ଏଚ୍ଚିକିଃଆ ରଃଅଞ୍ଜି ମି ଦର୍ମତାୱା ଆଡ୍ଡେଞ୍ଜାନେଞ୍ଜି, ଏଚିତୁକାତାୱା ଏୱାଞ୍ଜିକି ମିରୁ ମି ତାୱାଟି ରି ଦୁଗୁଡ଼୍ ନର୍କତାୱା ମେଦ୍ଦନ୍ତି ମ୍ରିଃଏଞ୍ଜି କିଞ୍ଜେରି ।
16ଏ କାଡ଼ାଙ୍ଗ୍ଗାଟାତାତେରି ମିରୁ ଜେ ଦାଲ୍ଲାନିକି ପାହେର୍ ତସ୍ପିଞ୍ଜେରି ମି ବାଗା ବେର୍ ଦଣ୍ଡ ମାନ୍ନେ, ମିରୁ ଜିରୁସାଲମ ମନ୍ଦିର ପାରୁଟି ହାପ୍ପା କିତେସି, ଏଦି ଇନା ଆଃଏ ଇଞ୍ଜାନ୍ ୱେସ୍ପିଞ୍ଜେରି, ମତ୍ର ଏମ୍ୱେନାଞ୍ଜି ଜିରୁସାଲମ ମନ୍ଦିରତାୱା ମାନ୍ନି ସୁନାତି ଦିବ୍ବା କିନ୍ନେଞ୍ଜି, ଏୱାଞ୍ଜିକି ଏଦା କିଅନ୍ ଆବସକ । 17ଏ ମୁର୍କ ଅଟେ କାଡ଼ାଙ୍ଗ୍ଗାଟାତାତେରି ସୁନା ବେର୍ରାଦି କି ସୁନାତିଦି ପିର୍ନି କିନ୍ନି ଜିରୁସାଲମ ମନ୍ଦିର ବେର୍ରାଦି ? ଇ ରିଣ୍ଡାତାୱାଟି ଇମ୍ୱିନାଦି ଗାମିନାଦି ? 18ଆଟେ ମିରୁ ଲାକାବେଦିତି ହାପ୍ପା କିତେସି ଇନା ଆଃଏ ଇଞ୍ଜାନ୍ କାତା ୱେସ୍ପିଞ୍ଜେରି, ମତ୍ର ଏମ୍ୱେନାଞ୍ଜି ଏ କୁଃଏଟି ମାନ୍ନି ନଇବେଦ୍ୟ କୁଲାତି ହାପ୍ପା କିନେଞ୍ଜି, ଏଦା ଏୱାଞ୍ଜି କିଅନ୍ତିକି ଆନେ । 19ଏ କାଡ଼ାଙ୍ଗ୍ଗାଟାତାତେରି, ନଇବେଦ୍ୟ ବେର୍ରାଦି କି ନଇବେଦ୍ୟତିଦି ପିର୍ନି କିନ୍ନି ଲାକାବେଦି, ଇ ରିଣ୍ଡାତାୱାଟି ଇମ୍ୱିନାଦି ବେର୍ରାନାଦି ? 20ଇଦାବାଗା ଏମ୍ୱେନାଞ୍ଜି ଲାକାବେଦିତି ହାପ୍ପା କିନେଞ୍ଜି, ଏୱାଞ୍ଜି ଲାକାବେଦିତି ଅଟେ ତା କୁଃଏଟି ମାନ୍ନି ହାବେତ୍ କୁଲାଟି ହାପ୍ପା କିନ୍ନେଞ୍ଜି; 21ଆଟେ ଏମ୍ୱେନାଞ୍ଜି ଜିରୁସାଲମ ମନ୍ଦିରତି ହାପ୍ପା କିନେଞ୍ଜି, ଏୱାଞ୍ଜି ମନ୍ଦିରତି ଅଟେ ମନ୍ଦିରତାୱା ମାନ୍ନି ମୁଲାପେନୁନିକି ହାପ୍ପା କିନ୍ନେଞ୍ଜି ।
22 #
ମାତି ୫:୩୪
ଆଟେ ଏମ୍ୱେନାଞ୍ଜି ସର୍ଗତି ହାପ୍ପା କିନେଞ୍ଜି, ଏୱାଞ୍ଜି ମୁଲାପେନୁତି ଗାଦି ଅଟେ ଗାଦିତାୱା କକ୍ଚ୍ଚାନ୍ନି ମୁଲାପେନୁତି ହାପ୍ପା କିନ୍ନେଞ୍ଜି ।
23ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି, ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ପଦିନା, ପାନ୍ମହରି ଅଟେ ଜିରାତି ଦସମାଂସ ହିଞ୍ଜେରି, ମତ୍ର ମସା ହାଜୁତାୱା ୱେସାନ୍ନି କୁଲା ଇଚ୍ଚେସି, ପାପୁଅଲ୍ପନ୍, ନିୟେବିଚାର ଅଟେ ମାଞ୍ଜାଡ଼ି, ଇୱାହାବେ ମାନି ଆଃଏଟେଃଏ ପିହାଞ୍ଜେରି; ମତ୍ର ମିରୁ ହିଡେସ୍ ଆଃଏଟେଃଏ ଇ ହାବେ ପାଲ୍ନି ଆଅନ୍ ଉଚିତ୍ ।
24ଏ କାଡ଼ାଙ୍ଗ୍ଗାଟାତାତେରି ମିରୁ ଜେ ଦାଲ୍ଲାନିକି ପାହେର୍ ତସ୍ପିଞ୍ଜେରି, ମିରୁ ୱିହାତିଦି ପେଞ୍ଜେଞ୍ଜେରି, ମତ୍ର ଉଟୁତିଦି ଗୁହ୍ପିଞ୍ଜେରି ।
25ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ଗିନ୍ନା ଅଟେ ସଡ଼ିୟାତି କୁଃଏଟି ନବ୍ଗିଞ୍ଜେରି, ମତ୍ର ମି ହଡାଙ୍ଗ୍ତାୱା ଲୁବୁ ଆଟେ ଡ଼ଃଆନ୍ କାମାଟି ନେଞ୍ଜାଞ୍ଜେରି ।
26ଏ କାଡ଼ାଙ୍ଗ୍ଗାଟି ପାରୁସିଙ୍ଗ୍ନାତେରି, ୱେଲେଏ ଗିନ୍ନାତି ଲାଃଇଟ୍ତା ନଗ୍ଜାନ୍ ପିର୍ରି କିଦୁ, ଏହେଙ୍ଗ୍ ଆତେସି ଗିନ୍ନାତି କାଟଟ୍ ୱାଡ଼େ ପିର୍ରି ଆନେ ।
27 #
ପେରି ୨୩:୩
ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଗାପ୍ଚି ଦଣ୍ଡ ମାନ୍ନେ, ଇନାକି ମିରୁ ହୁକୁଲ୍ଗାଟି ଗ୍ରିପାଙ୍ଗୁଟି ଡେହେଙ୍ଗ୍ କାଟଟି ଆଡାନ୍ ତଞ୍ଜେଞ୍ଜେରି, ମତ୍ର ଲାଃଇ ହାନ୍ନି ଦାଲ୍ଲାତି ପ୍ଡେକା ଅଟେ ହାବେତ୍ ଲାକ୍କାଟ୍ତି ଅସୁଚି କୁଲା ଡ଼ାହି ନେଞ୍ଜାଞ୍ଜେରି ।
28ଏଚିଲାକ୍କାଟି ମିରୁ ୱାଡ଼େ କାଟ ଦାଲ୍ଲା ନକେସି ଦାର୍ମିକ ଇଞ୍ଜାନ୍ ତସ୍ପିଞ୍ଜେରି, ମତ୍ର ଲାଃଇ କୁଟୁଟି ଅଟେ ଡ଼ଃଆନ୍ କାମାତାୱା ନେଞ୍ଜାଞ୍ଜେରି ।
29ଏ କୁଟୁଗାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ନାତେରି ମି ବାଗା ଏଚ୍ଚେ ବେର୍ ଦଣ୍ଡ ମାନ୍ନେ, ଇନାକି ମିରୁ ବାବବାଦିଙ୍ଗ୍ତି ଗ୍ରିପାଙ୍ଗୁଟି କ୍ଲେହାନାହି ଅଟେ ଦାର୍ମିକଙ୍ଗ୍ତି ଗ୍ରିପାଙ୍ଗୁଟି ନେହେନ୍ ରହାନାହି ୱେସ୍ପିଞ୍ଜେରି, 30ଜଦି ମାମୁ ମା ନକିତି ଜୁଜୁଆକେଙ୍ଗ୍ ତୁକାତାୱା ମାଞ୍ଜାନ୍ନାମା ଇଚ୍ଚେସି, ବାବବାଦିଙ୍ଗ୍ନିକି ପାଗନ୍ ବାଗା ଏୱାର୍ ଡ଼ାହି ଆଡ୍ଡାମ୍ ମା । 31ଏଦାକି ମିରୁ ବାବବାଦିଙ୍ଗ୍ନିକି ପାଗାନ୍ନି ଦାଲ୍ଲାତି ମିକ୍ରାନାମୁ ଇଞ୍ଜାନ୍ ମିରୁ ନିଜେ ମି କୁଲାଟି ସାକି ହିଞ୍ଜେରି ।
32ମିରୁ ମି ନକିତି ଜୁଜୁଆକେଙ୍ଗ୍ ୱିହିକିଆହେଃଲ୍ଲାନ୍ କାମା ୱିହି କିଦୁ ।
33 #
ମାତି ୩:୭; ୧୨:୩୪; ଲୁକ ୩:୭ ଏ ରାସ୍କାନାତେରି ଅଟେ ଏ ରନା ରାଚୁତି ପୁଣ୍ଡି, ମିରୁ ଇନିମିଡି ନର୍କତି ଦଣ୍ଡଟି ଜ୍ଡିଅନ୍ ମୁଦେରି ? 34ଏଦାକି ହୁଡ଼ାଟୁ, ନାନୁ ମି ରେଃଏସ୍ ବାବବାଦିଙ୍ଗ୍ନିକି, ପୁନ୍ବାଗାଟାରିକି ଅଟେ ସାସ୍ତ୍ରିଙ୍ଗ୍ନିକି ପାଣ୍ଡେଞ୍ଜା; ଏୱାର୍ଟିଆଟି ଇନ୍ଦା ଇନ୍ଦାରିକି ମିରୁ ପାଗିଦେରି ଅଟେ କ୍ରୁସତାୱା ଏକ୍ଦେରି, ଆଟେ ଇନ୍ଦାରିକି ମିରୁ ହାଜା ଇଡ୍ଡୁତାୱା ହାପ୍କାନଡ଼ ଡ଼ାହି ଚାହ୍ଦେରି ଅଟେ ଗାଡ଼ାନାଜୁତାୱାଟି ଆଟେ ରଣ୍ଡା ଗାଡ଼ାନାଜୁଇନ୍ଦା ହାଜ୍ଜି ହାଜ୍ଜି ବିହାନପୁ ହିଦେରି । 35ଇନିମିଡି ହେବଲନିକି ପାଗିତାୱାଟି ବେରିକିୟତି ମ୍ରିଃଏଞ୍ଜି ଜିକରିୟନିକି ମିରୁ ମନ୍ଦିରତି ପିର୍ନି ଗର୍ରି ଅଟେ ଲାକାବେଦିତି ମାଦ୍ଦି ପାଗିତ୍ ଟିକ୍ନା ଇ ପୁର୍ତିତାୱା ଏଚେ ଦାର୍ମିକ ଦାଲ୍ଲାତି ରାକ୍କା ବଙ୍ଗାନ୍ନେ, ଏ ହାବେ କୁଲା ମି କୁଃଏଟି ଦିଆନେ । 36ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ ହାଦାଡ଼୍ତି ଦାଲ୍ଲା କୁଃଏଟି ଇଦି ଗଟି ଆନେ ।
ଜିରୁସାଲମ ବାଗା ଜିସୁତି ଜେଡା
(ଲୁକ ୧୩:୩୪,୩୫)
37“ଏ ଜିରୁସାଲମ, ଏ ଜିରୁସାଲମ, ବାବବାଦିଙ୍ଗ୍ନିକି ପାଗାନ୍ନାତାତି ଅଟେ ନି ରେଃଏସ୍ ପାଣ୍ଡାଞ୍ଜାତି କବର ହିଅନ୍ତି ଦୁତଙ୍ଗ୍ନିକି ୱାଲ୍ଲିଙ୍ଗ୍ ଜିସ୍କାନ୍ ପାଗାନ୍ନାତାତି, କଜ୍ଜୁ ଇନିମିଡି ମାରାଙ୍ଗ୍ ଲାଃଇ ତା ହିପାଙ୍ଗ୍ତିଦି ରପାଟ୍ଟେ କିନ୍ନେ, ଏହେଙ୍ଗିସି ନି ବଦାଙ୍ଗ୍ନିକି ରପାଟ୍ଟେ କିଅନ୍ ବାଗା ନାନୁ ଇଚ୍ଚା କିତେ, ମତ୍ର ମିରୁ ଇଚ୍ଚା କିଃଆତେରି । 38ହୁଡ଼ାଟୁ, ମି ଜିରୁସାଲମ ମନ୍ଦିର ହାଦାଡ଼ି ବାଲୁପାଙ୍ଗା ଡେହେଙ୍ଗ୍ ମି କାଜ୍ଜୁତାୱା ପିହ୍ପାଆନେ, ଇମ୍ୱିନାୱାକି ଦାଲ୍ଲା ବାସାଆଃଏରି । 39ଇନାକି ନାନୁ ମିଙ୍ଗେ ୱେସ୍ପିଞ୍ଜା, ଦାର୍ମୁତି ପାରୁଟି ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ, ମିରୁ ଇ କାତା ୱେଃସାନ୍ ଟିକ୍ନା ନିଞ୍ଜୁତାୱାଟି ନାଙ୍ଗେ ଆଟେ ହୁଡ଼ାଦାଃଏରି ।”#ଗାଡ଼େ ୧୧୮:୨୬
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0