ମାତିଉ 22
22
ବିବା ବୁଜିତି ତୁକାଙ୍ଗାତା
(ଲୁକ ୧୪:୧୫–୨୪)
1ଜିସୁ ରିହିକ୍ ତୁକାଙ୍ଗାତା ଡ଼ାହି ଏୱାରିକି ୱେସ୍ତେଞ୍ଜି, 2ସର୍ଗ ରାଜି ଇହିଙ୍ଗିସି ରଃଅଞ୍ଜି ରାଜେଞ୍ଜି ଲାକ୍କାଟି, ଏମ୍ବେନାଞ୍ଜିକି ତା ମ୍ରିଃଏଞ୍ଜ୍ତି ବିବା ବୁଜି ହାମ୍ୱେର୍ କିତେଞ୍ଜି । 3ଆଟେ ଏ ବିବା ବୁଜିତାୱା ଆର୍ପା ପାଁଣ୍ଡାଚ୍ଚି ଦାଲ୍ଲାନିକି ଆର୍ପନ୍ ବାଗାଟି ଏୱାଞ୍ଜି ତା କାମ୍ବାରାଙ୍ଗାନିକି ୱେସାନ୍ ପାଣ୍ଡିତେଞ୍ଜି, ମତ୍ର ଏୱାରି ୱାଅନ୍ ବାଗା ଇଚ୍ଚା କିଃଆତେରି । 4ଆଟେ ଏୱାଞ୍ଜି ବିହି କାମ୍ବାରାଙ୍ଗାନିକି ପାଣ୍ଡାନାହି ୱେସ୍ତେଞ୍ଜି, ଏ ଆର୍ପା ପାଁଣ୍ଡାନ୍ନି ଦାଲ୍ଲାନିକି ୱେସ୍ଦୁ, ହୁଡ଼ାଟୁ, ନାନୁ ନା ବୁଜି ହାମ୍ୱେର୍ କିଆମାଃଇ, ନାନୁ ହୁକାଙ୍ଗ୍ଗାଟି ମାଲ୍ଲା କଡିଙ୍ଗ୍ ପାଗାନାହି, ବୁଜି ହାମ୍ୱେର୍ କିଆମାଃଇ, ଏଦାକି ମିରୁ ବିବା ବୁଜିଇନ୍ଦା ୱାଦୁ । 5ମତ୍ର ଏୱାରି ଏଦା ୱେନ୍ନେଟେଃଏ ତୁଲ୍ଲେତାରି ତା ପାଙ୍ଗାଇନ୍ଦା ହାଚ୍ଚେରି, ଆଟେ ତୁଲ୍ଲେତାରି ତା ବେପାର୍ କିଅନ୍ ହାଚ୍ଚେରି, 6ଆଟେ ମାଚ୍ଚି ବିହି ଦାଲ୍ଲା ତା କାମ୍ବାରାଙ୍ଗାନିକି ଆହାନ୍ ଡ଼ଃଆନ୍ ବେବାର୍ କିଆନ୍ ତାଙ୍ଗେ ପାଗିତେରି । 7ମତ୍ର ରାଜେଞ୍ଜି ରାଗା ଆନାହି ତା ସିପେଙ୍ଗ୍ନିକି ପାଣ୍ଡାନାହି ଏ କାମ୍ବାରାଙ୍ଗାନିକି ପାଗାଚ୍ଚାରିକି ପାଗିତେଞ୍ଜି ଅଟେ ଏୱାର୍ତି ଗାଡ଼ାନାଜୁ କୁମ୍ୱାନ୍ ନାହେଡ୍ କିତେଞ୍ଜି । 8ଏମ୍ୱାଟି ଏୱାଞ୍ଜି ତା କାମ୍ବାରାଙ୍ଗାନିକି ୱେସ୍ତେଞ୍ଜି, ବିବା ବୁଜି ହାମ୍ୱେର୍ ଆନ୍ନେ, ମତ୍ର ଆର୍ପା ପାଁଣ୍ଡାନ୍ନି ଦାଲ୍ଲା ଏ ବୁଜି ବାଗା ଜୁଗ୍ୟ ଆଃଏ ।
9ଏଦାକି ମିରୁ ଗାଡ଼ାନାଜୁତି ଚକଙ୍ଗ୍ଇନ୍ଦା ହାଜ୍ଜାନ୍ ଏଚ୍ଚେ ଦାଲ୍ଲାନିକି ହୁଡ଼ନ୍ ପାଁଣ୍ଡେରି, ଏୱାରିକି ବିବା ବୁଜିଇନ୍ଦା ଆର୍ଦୁ । 10ଏମ୍ୱାଟି ଏ କାମ୍ବାରାଙ୍ଗା ରାଜେଞ୍ଜ୍ତି ବିବା ଇଡ୍ଡୁତାୱାଟି ହଚାନ୍ ହାଜ୍ଜାନାହି ଏଚେ ଡ଼ଃଆନାରି ଅଟେ ନେହାରିକି ହୁଡ଼ନ୍ ପାଟେରି, ଏ ହାବେତାରିନିକି ଉହି କିଆନ୍ ଆର୍ଚାନ୍ ତାଚ୍ଚିୱାତେରି, ଆଟେ ଦାଲ୍ଲା ଡ଼ାହି ଏ ଇଡ୍ଡୁ ନେଞ୍ଜିତେ ।
11ମତ୍ର ଏଚ୍ଚିକିଃଆ ରାଜେଞ୍ଜି ୱାନ୍ନି ଦାଲ୍ଲାନିକି ହୁଡ଼ନ୍ ବାଗା ଲାଃଇ ୱାତେଞ୍ଜି ଏଦିମ୍ୱା ବିବା ଅଙ୍ଗିଙ୍ଗ୍ ମେଦ୍ଦାହେଃଲ୍ଲାନ୍ ରଃଅଞ୍ଜିକି ହୁଡ଼ାନ୍ ଏୱାଞ୍ଜିକି ୱେସ୍ତେଞ୍ଜି, 12“ଏ ତଡ଼େ, ନିନୁ ବିବା ଅଙ୍ଗିଙ୍ଗ୍ ମେଦ୍ଦେଟେଃଏ ଇନିମିଡି ଇ ଗର୍ରିତାୱା ୱାତି ?” ମତ୍ର ଏୱାଞ୍ଜି ଡାମ୍ନା ବାସାଆତେଞ୍ଜି । 13#ମାତି ୮:୧୨; ୨୫:୩୦; ଲୁକ ୧୩:୨୮ଏମ୍ୱାଟି ରାଜେଞ୍ଜି କାମ୍ବାରାଙ୍ଗାନିକି ୱେସ୍ତେଞ୍ଜି, ଇୱାଞ୍ଜ୍ତି କାସ୍କା କାଟ୍କା ଗାସ୍ପାୱିଆନ୍ ଇୱାଞ୍ଜିକି କାଟ ଅଆନ୍ କାଲକ୍ତାୱା ମେସ୍ଦୁ, ଏଦିମ୍ୱା ଏୱାଞ୍ଜି ପାଟ୍କା ମ୍ରେଡିମ୍ରେଡି ଡ଼ିନେଞ୍ଜି ।
14ଇନାକି ଏଗେଲ୍ ଆର୍ପା ପାଁଣ୍ଡାନ୍ନେରି, ମତ୍ର କକ୍ଚି ଦାଲ୍ଲା ଆଚି ପାଁଣ୍ଡାନ୍ନେରି ।
ସିସ୍ଟୁଅନ୍ତି କୁଲାଟି
(ମାର୍କ ୧୨:୧୩–୧୭; ଲୁକ ୨୦:୨୦–୨୬)
15ଏଚିତୁକାତାୱା ପାରୁସିଙ୍ଗ୍ ହାଜ୍ଜାନ୍ ଏୱାଞ୍ଜ୍ତି କାତାଟି ଜିସୁନିକି ଆହ୍ପନ୍ ବାଗା ଜୁଜନା କିତେରି । 16ଆଟେ ଏୱାରି ହେରଦିୟଙ୍ଗ୍ ଡ଼ାହି ତା ଗ୍ରାମ୍ୱାଗାଟାରିକି ଜିସୁ ରେଃଏସ୍ ୱେସାନ୍ ପାଣ୍ଡିତେରି । ଏ ଗ୍ରାପାଗାଟାତି, ମାମୁ ପୁଞ୍ଜିନ୍ନାମୁ, ନିନୁ ନିଜ୍ଜା ଅଟେ ନିଜ୍ଜା ମୁଲାପେନୁତାତି ଏ ନିଜ୍ଜା ପାହେର୍ କୁଲାଟି ଗ୍ରାପେଞ୍ଜି, ଆଟେ ଇନ୍ଦାରିକି ଆଜ୍ଜେହେଃଲ୍ଲା, ଇନାକି ନିନୁ କୁଇଙ୍ଗ୍ତି ମ୍ରୁମ୍ୱୁ ହୁଡ଼ାନ୍ କାତା ୱେସ୍ପେହେଃଲ୍ଲା । 17ମାଙ୍ଗେ ୱେସ୍ତାମୁ, ନିନୁ ଇନ୍ନା ୱେସ୍ପିଞ୍ଜି ? ରୁମିୟଙ୍ଗ୍ ରାଜେଙ୍ଗ୍ତି ରାଜେଞ୍ଜି କାଇସରନିକି ସିସ୍ଟୁ ହିଅନ୍ ହାଜୁ ମାନ୍ନେ କି ଆଃଏ ?
18ମତ୍ର ଜିସୁ ଏୱାର୍ତି ଡ଼ଃଆନ୍ ଏଲୁ ପୁଞ୍ଜାନ୍ ୱେସ୍ତେଞ୍ଜି, “ଏ କୁଟୁଗାଟାତାତେରି, ଇନାକିଅନ୍ ନାଙ୍ଗେ ପରିକ୍ୟା କିଞ୍ଜାଦେରି ? 19ଏ ସିସ୍ଟୁ ଗାସାନ୍ନି ଟାକ୍କା ନାଙ୍ଗେ ତସ୍ତାଟୁ ।” ଏମ୍ୱାଟି ଏୱାରି ତା ରେଃଏସ୍ ର ଟାକ୍କା ତାଚ୍ଚିୱାତେରି । 20ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ଇ ଟାକ୍କାତାୱା ଇନ୍ଦାର୍ତି ୱାନ୍ନା ଅଟେ ଇନ୍ଦାର୍ ପାରୁ ମାନ୍ନେ ?”
21ଏୱାରି ୱେସ୍ତେରି, “କାଇସରତାଦି ।” ଏମ୍ୱାଟି ଏୱାଞ୍ଜି ଏୱାରିକି ୱେସ୍ତେଞ୍ଜି, “ଆତେସି ଇନ୍ନାଦି କାଇସରତାଦି, ଏଦା କାଇସରନିକି ହିଦୁ; ଆଟେ ଇନ୍ନାଦି ମୁଲାପେନୁତାଦି, ଏଦା ମୁଲାପେନୁନିକି ହିଦୁ” 22ଏୱାରି ଇଦା ୱେଞ୍ଜାନ୍ ଆକ୍କାବାଡ଼ାଙ୍ଗ୍ ଆନାହି ଏୱାଞ୍ଜିକି ପିହାନ୍ ହାଚ୍ଚେରି ।
ସାଦୁକିଙ୍ଗ୍ ଜିସୁନିକି ନିମ୍ୱାନ୍ ନିଙ୍ଗନ୍ କୁଲାଟି ୱେନ୍ବନ୍
(ମାର୍କ ୧୨:୧୮–୨୭; ଲୁକ ୨୦:୨୭–୪୦)
23 #
ପେରି ୨୩:୮
ନିମ୍ୱାନ୍ନିଙ୍ଗନ୍ତି କୁଲାଟି ମାଞ୍ଜାଡ଼ି କିଃହେଲ୍ଲାନ୍ ସାଦୁକିଙ୍ଗ୍ ଏଚିୱେଲା ଜିସୁ ରେଃଏସ୍ ୱାନ୍ ୱେଚ୍ଚେରି, 24ଏ ଗ୍ରାପାଗାଟାତି, ମସା ୱେସାଞ୍ଜାନେଞ୍ଜି, ଗାମିନ୍ ଆମ୍ୱେସ୍ ବଦାଙ୍ଗ୍ ଆଃଏଟେଃଏ ହାନେଞ୍ଜି ଇଚ୍ଚେସି, ତା ଆମ୍ୱେସ୍ ତା ଆମ୍ବେସ୍ତି କୁଆଲୁନିକି ବିବା ଆନ୍ ତା ଆମ୍ୱେସ୍ ବାଗାଟି ପୁଣ୍ଡି ଏପା କିନେଞ୍ଜି । 25ମା ତାୱା ଅଡ଼ି ଗାଣ୍ଡି ଆମ୍ବେସାଙ୍ଗା ମାଚ୍ଚେରି । କାହେତି ଆମ୍ୱେସ୍ ବିବା ଆନ୍ ବଦାମିଡା ଆଃଏଟେଃଏ ହାତେଞ୍ଜି, ଆଟେ ଏ କୁଆଲୁନିକି ତା ଆମ୍ୱେସ୍ ବାଗା ପିହାନ୍ ହାଚ୍ଚେଞ୍ଜି । 26ଏଚିଡେହେଙ୍ଗ୍ ରଃଅ ରଃଅଞ୍ଜି ଏଦାଡ଼ିକି ବିବା ଆନାହି ଅଡ଼ି ଗାଣ୍ଡି ହାବେ ହାତେରି । 27ୱିହାଡେଗ୍ଗା ଏ ଆଚାଲୁ ୱାଡ଼େ ହାତେ । 28ଏହେଙ୍ଗ୍ଆତେସ୍ ନିମ୍ୱାନ୍ନିଙ୍ଗନ୍ତି ତୁକାତାୱା ଏ ଅଡ଼ି ଗାଣ୍ଡି ଆମ୍ୱେସାଙ୍ଗାତାୱାଟି ଏଦି ଇନ୍ଦାର୍ କୁଆଲୁ ଆନେ ? ଇନାକି ହାବେତାରି ତ ଏଦାଡ଼ିକି ବିବା ଆଚ୍ଚେରି ।
29ଜିସୁ ଏୱାରିକି ୱେସ୍ତେଞ୍ଜି, ମିରୁ ଦର୍ମପୁତି ଆଟେ ମୁଲାପେନୁତି ବଲ ୱାଡ଼େ ପୁନ୍ନେଟେଃଏ ବିହି ପାହେରିଃଆ ମାଞ୍ଜେରି । 30ଇନାକି ଆଟେ ନିମ୍ୱାନ୍ନିଙ୍ଗନ୍ତାୱା ଦାଲ୍ଲା ବିବା ଆଏହେଃଲ୍ଲେରି କି ବିବା କିହେଃଲ୍ଲେରି, ଏୱାରି ସର୍ଗତି ଦୁତଙ୍ଗ୍ ଡେହେଙ୍ଗ୍ ମାଞ୍ଜିନ୍ନେରି । 31ମତ୍ର ହାନ୍ନାରି ନିମ୍ୱାନ୍ନିଙ୍ଗନ୍ତି କୁଲାଟି ମୁଲାପେନୁ ମିଙ୍ଗେ ଇନ୍ନା ୱେସାଞ୍ଜାନେଞ୍ଜି, ଏଦା ଇନ୍ନା ମିରୁ ପଡ଼ି ଆହେଃଲ୍ଲେରି ? 32ନାନୁ ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ । ଏୱାଞ୍ଜି ହାନ୍ନାର୍ତି ମୁଲାପେନୁ ଆଃଏ, ମତ୍ର ନିମ୍ୱାନ୍ନାର୍ତି ମୁଲାପେନୁ ।
33ଦାଲ୍ଲା ହାବେ ଇଦା ୱେଞ୍ଜାନ୍ ତା ଗ୍ରାପନ୍ତାୱା ଆକ୍କାବାଡ଼ାଙ୍ଗ୍ ଆତେରି ।
ହାବେତାୱାଟି ବେର୍ ଆଗ୍ୟାଁ
(ମାର୍କ ୧୨:୨୮–୩୪; ଲୁକ ୧୦:୨୫–୨୮)
34ଜିସୁ ସାଦୁକିଙ୍ଗ୍ନିକି ଡାମ୍ନା ମାନ୍ବିକିତେଞ୍ଜି, ଇଦା ୱେଞ୍ଜାନ୍ ପାରୁସିଙ୍ଗ୍ ତା ରେଃଏସ୍ ରପାଟ୍ଟେ ଆତେରି, 35ଆଟେ ଏୱାର୍ଟିଆଟି ରଃଅଞ୍ଜି ହାଜୁପୁନ୍ବାଗାଟାଞ୍ଜି ତାଙ୍ଗେ ପରିକ୍ୟା କିଆନ୍ ଇଦା ୱେଚ୍ଚେଞ୍ଜି, 36ଏ ଗ୍ରାପାଗାଟାତାତି, ମସାତି ହାଜୁତାୱା ହାବେତ୍ ଆଗ୍ୟାଁତାୱାଟି ଇମ୍ୱିନ୍ ଆଗ୍ୟାଁ ବେର୍ରାନାଦି?
37ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନିନୁ ନି ହାବେତ୍ ହଡାଙ୍ଗ୍, ହାବେତ୍ ପରନ୍ ଅଟେ ହାବେତ୍ ମନ ହିଆନ୍ ଦାର୍ମୁ, ନି ମୁଲାପେନୁନିକି ଜେଡା କିମୁ ।#୨ବି ୬:୫ 38ଇଦିନେଃଏ ହାବେତାୱାଟି ବେର୍ରାଦି ଅଟେ କାହେତ୍ ଆଗ୍ୟାଁ ।
39ଏଚିଡେହେଙ୍ଗ୍ ଆଟେ ରଣ୍ଡି ବେର୍ ଆଗ୍ୟାଁ ଇହିଙ୍ଗିସି, ନିନୁ ନି ହଡ଼୍ଗି ଦାଲ୍ଲାନିକି ନି ଗାଣ୍ଡି ଡେହେଙ୍ଗ୍ ଜେଡା କିମୁ ।#ଲେବି ୧୯:୧୮ 40#ଲୁକ ୧୦:୨୫–୨୮ଇ ରିଣ୍ଡି ଆଗ୍ୟାଁ କୁଃଏଟି ମସାତି ହାବେତ୍ ହାଜୁ ଅଟେ ବାବବାଦିଙ୍ଗ୍ତି ପୁତି ନାର୍ରା କିଟ୍ଟେନ୍ନେ ।
କ୍ରିସ୍ଟ ଇନ୍ଦାର୍ ମ୍ରିଃଏଞ୍ଜି ?
(ମାର୍କ ୧୨:୩୫–୩୭; ଲୁକ ୨୦:୪୧–୪୪)
41ପାରୁସିଙ୍ଗ୍ ରପାଟ୍ଟେ ମାଚ୍ଚି ତୁକାତାୱା ଜିସୁ ଏୱାରିକି ୱେଚ୍ଚେଞ୍ଜି, 42“କ୍ରିସ୍ଟ କୁଲାଟି ମି ମତ ଇନ୍ନାଦି ? ଏୱାଞ୍ଜି ଇନ୍ଦାର୍ତି ମ୍ରିଃଏଞ୍ଜି ?”
ଏୱାରି ତାଙ୍ଗେ ୱେସ୍ତେରି, “ଦାଉଦତି ମ୍ରିଃଏଞ୍ଜି ।”
43ଜିସୁ ଏୱାରିକି ୱେସ୍ତେଞ୍ଜି, ଏହେଙ୍ଗ୍ ଆତେସି ଦାଉଦ ଇନିମିଡି ପିର୍ନି ଡିଙ୍ଗା ତାୱାଟି ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି ? 44ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି,
ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ,
ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।#ଗାଡ଼େ ୧୧୦:୧
45ଆଟେ ୱାଡ଼େ ଦାଉଦ ଜଦି ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି, ଇଚ୍ଚେସି ଏୱାଞ୍ଜି ଇନିମିଡି ତା ମ୍ରିଃଏଞ୍ଜି ଆନେଞ୍ଜି ?
46ଏମ୍ୱାଟି ଏମ୍ୱେନାରି ତାଙ୍ଗେ ହିତେ ୱାଡ଼େ ୱ୍ଡେପ୍ଚ୍ଚି ୱେସ୍ପନ୍ ମୁଃଆତେରି, ଆଟେ ଏଚିୱେଲାଟି ଏମ୍ୱେନାରି ତାଙ୍ଗେ ଇନାୱାଡ଼େ ୱେନ୍ବନ୍ ବାଗା ବରେସ୍ କିଃଆତେରି ।
Právě zvoleno:
ମାତିଉ 22: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 22
22
ବିବା ବୁଜିତି ତୁକାଙ୍ଗାତା
(ଲୁକ ୧୪:୧୫–୨୪)
1ଜିସୁ ରିହିକ୍ ତୁକାଙ୍ଗାତା ଡ଼ାହି ଏୱାରିକି ୱେସ୍ତେଞ୍ଜି, 2ସର୍ଗ ରାଜି ଇହିଙ୍ଗିସି ରଃଅଞ୍ଜି ରାଜେଞ୍ଜି ଲାକ୍କାଟି, ଏମ୍ବେନାଞ୍ଜିକି ତା ମ୍ରିଃଏଞ୍ଜ୍ତି ବିବା ବୁଜି ହାମ୍ୱେର୍ କିତେଞ୍ଜି । 3ଆଟେ ଏ ବିବା ବୁଜିତାୱା ଆର୍ପା ପାଁଣ୍ଡାଚ୍ଚି ଦାଲ୍ଲାନିକି ଆର୍ପନ୍ ବାଗାଟି ଏୱାଞ୍ଜି ତା କାମ୍ବାରାଙ୍ଗାନିକି ୱେସାନ୍ ପାଣ୍ଡିତେଞ୍ଜି, ମତ୍ର ଏୱାରି ୱାଅନ୍ ବାଗା ଇଚ୍ଚା କିଃଆତେରି । 4ଆଟେ ଏୱାଞ୍ଜି ବିହି କାମ୍ବାରାଙ୍ଗାନିକି ପାଣ୍ଡାନାହି ୱେସ୍ତେଞ୍ଜି, ଏ ଆର୍ପା ପାଁଣ୍ଡାନ୍ନି ଦାଲ୍ଲାନିକି ୱେସ୍ଦୁ, ହୁଡ଼ାଟୁ, ନାନୁ ନା ବୁଜି ହାମ୍ୱେର୍ କିଆମାଃଇ, ନାନୁ ହୁକାଙ୍ଗ୍ଗାଟି ମାଲ୍ଲା କଡିଙ୍ଗ୍ ପାଗାନାହି, ବୁଜି ହାମ୍ୱେର୍ କିଆମାଃଇ, ଏଦାକି ମିରୁ ବିବା ବୁଜିଇନ୍ଦା ୱାଦୁ । 5ମତ୍ର ଏୱାରି ଏଦା ୱେନ୍ନେଟେଃଏ ତୁଲ୍ଲେତାରି ତା ପାଙ୍ଗାଇନ୍ଦା ହାଚ୍ଚେରି, ଆଟେ ତୁଲ୍ଲେତାରି ତା ବେପାର୍ କିଅନ୍ ହାଚ୍ଚେରି, 6ଆଟେ ମାଚ୍ଚି ବିହି ଦାଲ୍ଲା ତା କାମ୍ବାରାଙ୍ଗାନିକି ଆହାନ୍ ଡ଼ଃଆନ୍ ବେବାର୍ କିଆନ୍ ତାଙ୍ଗେ ପାଗିତେରି । 7ମତ୍ର ରାଜେଞ୍ଜି ରାଗା ଆନାହି ତା ସିପେଙ୍ଗ୍ନିକି ପାଣ୍ଡାନାହି ଏ କାମ୍ବାରାଙ୍ଗାନିକି ପାଗାଚ୍ଚାରିକି ପାଗିତେଞ୍ଜି ଅଟେ ଏୱାର୍ତି ଗାଡ଼ାନାଜୁ କୁମ୍ୱାନ୍ ନାହେଡ୍ କିତେଞ୍ଜି । 8ଏମ୍ୱାଟି ଏୱାଞ୍ଜି ତା କାମ୍ବାରାଙ୍ଗାନିକି ୱେସ୍ତେଞ୍ଜି, ବିବା ବୁଜି ହାମ୍ୱେର୍ ଆନ୍ନେ, ମତ୍ର ଆର୍ପା ପାଁଣ୍ଡାନ୍ନି ଦାଲ୍ଲା ଏ ବୁଜି ବାଗା ଜୁଗ୍ୟ ଆଃଏ ।
9ଏଦାକି ମିରୁ ଗାଡ଼ାନାଜୁତି ଚକଙ୍ଗ୍ଇନ୍ଦା ହାଜ୍ଜାନ୍ ଏଚ୍ଚେ ଦାଲ୍ଲାନିକି ହୁଡ଼ନ୍ ପାଁଣ୍ଡେରି, ଏୱାରିକି ବିବା ବୁଜିଇନ୍ଦା ଆର୍ଦୁ । 10ଏମ୍ୱାଟି ଏ କାମ୍ବାରାଙ୍ଗା ରାଜେଞ୍ଜ୍ତି ବିବା ଇଡ୍ଡୁତାୱାଟି ହଚାନ୍ ହାଜ୍ଜାନାହି ଏଚେ ଡ଼ଃଆନାରି ଅଟେ ନେହାରିକି ହୁଡ଼ନ୍ ପାଟେରି, ଏ ହାବେତାରିନିକି ଉହି କିଆନ୍ ଆର୍ଚାନ୍ ତାଚ୍ଚିୱାତେରି, ଆଟେ ଦାଲ୍ଲା ଡ଼ାହି ଏ ଇଡ୍ଡୁ ନେଞ୍ଜିତେ ।
11ମତ୍ର ଏଚ୍ଚିକିଃଆ ରାଜେଞ୍ଜି ୱାନ୍ନି ଦାଲ୍ଲାନିକି ହୁଡ଼ନ୍ ବାଗା ଲାଃଇ ୱାତେଞ୍ଜି ଏଦିମ୍ୱା ବିବା ଅଙ୍ଗିଙ୍ଗ୍ ମେଦ୍ଦାହେଃଲ୍ଲାନ୍ ରଃଅଞ୍ଜିକି ହୁଡ଼ାନ୍ ଏୱାଞ୍ଜିକି ୱେସ୍ତେଞ୍ଜି, 12“ଏ ତଡ଼େ, ନିନୁ ବିବା ଅଙ୍ଗିଙ୍ଗ୍ ମେଦ୍ଦେଟେଃଏ ଇନିମିଡି ଇ ଗର୍ରିତାୱା ୱାତି ?” ମତ୍ର ଏୱାଞ୍ଜି ଡାମ୍ନା ବାସାଆତେଞ୍ଜି । 13#ମାତି ୮:୧୨; ୨୫:୩୦; ଲୁକ ୧୩:୨୮ଏମ୍ୱାଟି ରାଜେଞ୍ଜି କାମ୍ବାରାଙ୍ଗାନିକି ୱେସ୍ତେଞ୍ଜି, ଇୱାଞ୍ଜ୍ତି କାସ୍କା କାଟ୍କା ଗାସ୍ପାୱିଆନ୍ ଇୱାଞ୍ଜିକି କାଟ ଅଆନ୍ କାଲକ୍ତାୱା ମେସ୍ଦୁ, ଏଦିମ୍ୱା ଏୱାଞ୍ଜି ପାଟ୍କା ମ୍ରେଡିମ୍ରେଡି ଡ଼ିନେଞ୍ଜି ।
14ଇନାକି ଏଗେଲ୍ ଆର୍ପା ପାଁଣ୍ଡାନ୍ନେରି, ମତ୍ର କକ୍ଚି ଦାଲ୍ଲା ଆଚି ପାଁଣ୍ଡାନ୍ନେରି ।
ସିସ୍ଟୁଅନ୍ତି କୁଲାଟି
(ମାର୍କ ୧୨:୧୩–୧୭; ଲୁକ ୨୦:୨୦–୨୬)
15ଏଚିତୁକାତାୱା ପାରୁସିଙ୍ଗ୍ ହାଜ୍ଜାନ୍ ଏୱାଞ୍ଜ୍ତି କାତାଟି ଜିସୁନିକି ଆହ୍ପନ୍ ବାଗା ଜୁଜନା କିତେରି । 16ଆଟେ ଏୱାରି ହେରଦିୟଙ୍ଗ୍ ଡ଼ାହି ତା ଗ୍ରାମ୍ୱାଗାଟାରିକି ଜିସୁ ରେଃଏସ୍ ୱେସାନ୍ ପାଣ୍ଡିତେରି । ଏ ଗ୍ରାପାଗାଟାତି, ମାମୁ ପୁଞ୍ଜିନ୍ନାମୁ, ନିନୁ ନିଜ୍ଜା ଅଟେ ନିଜ୍ଜା ମୁଲାପେନୁତାତି ଏ ନିଜ୍ଜା ପାହେର୍ କୁଲାଟି ଗ୍ରାପେଞ୍ଜି, ଆଟେ ଇନ୍ଦାରିକି ଆଜ୍ଜେହେଃଲ୍ଲା, ଇନାକି ନିନୁ କୁଇଙ୍ଗ୍ତି ମ୍ରୁମ୍ୱୁ ହୁଡ଼ାନ୍ କାତା ୱେସ୍ପେହେଃଲ୍ଲା । 17ମାଙ୍ଗେ ୱେସ୍ତାମୁ, ନିନୁ ଇନ୍ନା ୱେସ୍ପିଞ୍ଜି ? ରୁମିୟଙ୍ଗ୍ ରାଜେଙ୍ଗ୍ତି ରାଜେଞ୍ଜି କାଇସରନିକି ସିସ୍ଟୁ ହିଅନ୍ ହାଜୁ ମାନ୍ନେ କି ଆଃଏ ?
18ମତ୍ର ଜିସୁ ଏୱାର୍ତି ଡ଼ଃଆନ୍ ଏଲୁ ପୁଞ୍ଜାନ୍ ୱେସ୍ତେଞ୍ଜି, “ଏ କୁଟୁଗାଟାତାତେରି, ଇନାକିଅନ୍ ନାଙ୍ଗେ ପରିକ୍ୟା କିଞ୍ଜାଦେରି ? 19ଏ ସିସ୍ଟୁ ଗାସାନ୍ନି ଟାକ୍କା ନାଙ୍ଗେ ତସ୍ତାଟୁ ।” ଏମ୍ୱାଟି ଏୱାରି ତା ରେଃଏସ୍ ର ଟାକ୍କା ତାଚ୍ଚିୱାତେରି । 20ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ଇ ଟାକ୍କାତାୱା ଇନ୍ଦାର୍ତି ୱାନ୍ନା ଅଟେ ଇନ୍ଦାର୍ ପାରୁ ମାନ୍ନେ ?”
21ଏୱାରି ୱେସ୍ତେରି, “କାଇସରତାଦି ।” ଏମ୍ୱାଟି ଏୱାଞ୍ଜି ଏୱାରିକି ୱେସ୍ତେଞ୍ଜି, “ଆତେସି ଇନ୍ନାଦି କାଇସରତାଦି, ଏଦା କାଇସରନିକି ହିଦୁ; ଆଟେ ଇନ୍ନାଦି ମୁଲାପେନୁତାଦି, ଏଦା ମୁଲାପେନୁନିକି ହିଦୁ” 22ଏୱାରି ଇଦା ୱେଞ୍ଜାନ୍ ଆକ୍କାବାଡ଼ାଙ୍ଗ୍ ଆନାହି ଏୱାଞ୍ଜିକି ପିହାନ୍ ହାଚ୍ଚେରି ।
ସାଦୁକିଙ୍ଗ୍ ଜିସୁନିକି ନିମ୍ୱାନ୍ ନିଙ୍ଗନ୍ କୁଲାଟି ୱେନ୍ବନ୍
(ମାର୍କ ୧୨:୧୮–୨୭; ଲୁକ ୨୦:୨୭–୪୦)
23 #
ପେରି ୨୩:୮
ନିମ୍ୱାନ୍ନିଙ୍ଗନ୍ତି କୁଲାଟି ମାଞ୍ଜାଡ଼ି କିଃହେଲ୍ଲାନ୍ ସାଦୁକିଙ୍ଗ୍ ଏଚିୱେଲା ଜିସୁ ରେଃଏସ୍ ୱାନ୍ ୱେଚ୍ଚେରି, 24ଏ ଗ୍ରାପାଗାଟାତି, ମସା ୱେସାଞ୍ଜାନେଞ୍ଜି, ଗାମିନ୍ ଆମ୍ୱେସ୍ ବଦାଙ୍ଗ୍ ଆଃଏଟେଃଏ ହାନେଞ୍ଜି ଇଚ୍ଚେସି, ତା ଆମ୍ୱେସ୍ ତା ଆମ୍ବେସ୍ତି କୁଆଲୁନିକି ବିବା ଆନ୍ ତା ଆମ୍ୱେସ୍ ବାଗାଟି ପୁଣ୍ଡି ଏପା କିନେଞ୍ଜି । 25ମା ତାୱା ଅଡ଼ି ଗାଣ୍ଡି ଆମ୍ବେସାଙ୍ଗା ମାଚ୍ଚେରି । କାହେତି ଆମ୍ୱେସ୍ ବିବା ଆନ୍ ବଦାମିଡା ଆଃଏଟେଃଏ ହାତେଞ୍ଜି, ଆଟେ ଏ କୁଆଲୁନିକି ତା ଆମ୍ୱେସ୍ ବାଗା ପିହାନ୍ ହାଚ୍ଚେଞ୍ଜି । 26ଏଚିଡେହେଙ୍ଗ୍ ରଃଅ ରଃଅଞ୍ଜି ଏଦାଡ଼ିକି ବିବା ଆନାହି ଅଡ଼ି ଗାଣ୍ଡି ହାବେ ହାତେରି । 27ୱିହାଡେଗ୍ଗା ଏ ଆଚାଲୁ ୱାଡ଼େ ହାତେ । 28ଏହେଙ୍ଗ୍ଆତେସ୍ ନିମ୍ୱାନ୍ନିଙ୍ଗନ୍ତି ତୁକାତାୱା ଏ ଅଡ଼ି ଗାଣ୍ଡି ଆମ୍ୱେସାଙ୍ଗାତାୱାଟି ଏଦି ଇନ୍ଦାର୍ କୁଆଲୁ ଆନେ ? ଇନାକି ହାବେତାରି ତ ଏଦାଡ଼ିକି ବିବା ଆଚ୍ଚେରି ।
29ଜିସୁ ଏୱାରିକି ୱେସ୍ତେଞ୍ଜି, ମିରୁ ଦର୍ମପୁତି ଆଟେ ମୁଲାପେନୁତି ବଲ ୱାଡ଼େ ପୁନ୍ନେଟେଃଏ ବିହି ପାହେରିଃଆ ମାଞ୍ଜେରି । 30ଇନାକି ଆଟେ ନିମ୍ୱାନ୍ନିଙ୍ଗନ୍ତାୱା ଦାଲ୍ଲା ବିବା ଆଏହେଃଲ୍ଲେରି କି ବିବା କିହେଃଲ୍ଲେରି, ଏୱାରି ସର୍ଗତି ଦୁତଙ୍ଗ୍ ଡେହେଙ୍ଗ୍ ମାଞ୍ଜିନ୍ନେରି । 31ମତ୍ର ହାନ୍ନାରି ନିମ୍ୱାନ୍ନିଙ୍ଗନ୍ତି କୁଲାଟି ମୁଲାପେନୁ ମିଙ୍ଗେ ଇନ୍ନା ୱେସାଞ୍ଜାନେଞ୍ଜି, ଏଦା ଇନ୍ନା ମିରୁ ପଡ଼ି ଆହେଃଲ୍ଲେରି ? 32ନାନୁ ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ । ଏୱାଞ୍ଜି ହାନ୍ନାର୍ତି ମୁଲାପେନୁ ଆଃଏ, ମତ୍ର ନିମ୍ୱାନ୍ନାର୍ତି ମୁଲାପେନୁ ।
33ଦାଲ୍ଲା ହାବେ ଇଦା ୱେଞ୍ଜାନ୍ ତା ଗ୍ରାପନ୍ତାୱା ଆକ୍କାବାଡ଼ାଙ୍ଗ୍ ଆତେରି ।
ହାବେତାୱାଟି ବେର୍ ଆଗ୍ୟାଁ
(ମାର୍କ ୧୨:୨୮–୩୪; ଲୁକ ୧୦:୨୫–୨୮)
34ଜିସୁ ସାଦୁକିଙ୍ଗ୍ନିକି ଡାମ୍ନା ମାନ୍ବିକିତେଞ୍ଜି, ଇଦା ୱେଞ୍ଜାନ୍ ପାରୁସିଙ୍ଗ୍ ତା ରେଃଏସ୍ ରପାଟ୍ଟେ ଆତେରି, 35ଆଟେ ଏୱାର୍ଟିଆଟି ରଃଅଞ୍ଜି ହାଜୁପୁନ୍ବାଗାଟାଞ୍ଜି ତାଙ୍ଗେ ପରିକ୍ୟା କିଆନ୍ ଇଦା ୱେଚ୍ଚେଞ୍ଜି, 36ଏ ଗ୍ରାପାଗାଟାତାତି, ମସାତି ହାଜୁତାୱା ହାବେତ୍ ଆଗ୍ୟାଁତାୱାଟି ଇମ୍ୱିନ୍ ଆଗ୍ୟାଁ ବେର୍ରାନାଦି?
37ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନିନୁ ନି ହାବେତ୍ ହଡାଙ୍ଗ୍, ହାବେତ୍ ପରନ୍ ଅଟେ ହାବେତ୍ ମନ ହିଆନ୍ ଦାର୍ମୁ, ନି ମୁଲାପେନୁନିକି ଜେଡା କିମୁ ।#୨ବି ୬:୫ 38ଇଦିନେଃଏ ହାବେତାୱାଟି ବେର୍ରାଦି ଅଟେ କାହେତ୍ ଆଗ୍ୟାଁ ।
39ଏଚିଡେହେଙ୍ଗ୍ ଆଟେ ରଣ୍ଡି ବେର୍ ଆଗ୍ୟାଁ ଇହିଙ୍ଗିସି, ନିନୁ ନି ହଡ଼୍ଗି ଦାଲ୍ଲାନିକି ନି ଗାଣ୍ଡି ଡେହେଙ୍ଗ୍ ଜେଡା କିମୁ ।#ଲେବି ୧୯:୧୮ 40#ଲୁକ ୧୦:୨୫–୨୮ଇ ରିଣ୍ଡି ଆଗ୍ୟାଁ କୁଃଏଟି ମସାତି ହାବେତ୍ ହାଜୁ ଅଟେ ବାବବାଦିଙ୍ଗ୍ତି ପୁତି ନାର୍ରା କିଟ୍ଟେନ୍ନେ ।
କ୍ରିସ୍ଟ ଇନ୍ଦାର୍ ମ୍ରିଃଏଞ୍ଜି ?
(ମାର୍କ ୧୨:୩୫–୩୭; ଲୁକ ୨୦:୪୧–୪୪)
41ପାରୁସିଙ୍ଗ୍ ରପାଟ୍ଟେ ମାଚ୍ଚି ତୁକାତାୱା ଜିସୁ ଏୱାରିକି ୱେଚ୍ଚେଞ୍ଜି, 42“କ୍ରିସ୍ଟ କୁଲାଟି ମି ମତ ଇନ୍ନାଦି ? ଏୱାଞ୍ଜି ଇନ୍ଦାର୍ତି ମ୍ରିଃଏଞ୍ଜି ?”
ଏୱାରି ତାଙ୍ଗେ ୱେସ୍ତେରି, “ଦାଉଦତି ମ୍ରିଃଏଞ୍ଜି ।”
43ଜିସୁ ଏୱାରିକି ୱେସ୍ତେଞ୍ଜି, ଏହେଙ୍ଗ୍ ଆତେସି ଦାଉଦ ଇନିମିଡି ପିର୍ନି ଡିଙ୍ଗା ତାୱାଟି ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି ? 44ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି,
ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ,
ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।#ଗାଡ଼େ ୧୧୦:୧
45ଆଟେ ୱାଡ଼େ ଦାଉଦ ଜଦି ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି, ଇଚ୍ଚେସି ଏୱାଞ୍ଜି ଇନିମିଡି ତା ମ୍ରିଃଏଞ୍ଜି ଆନେଞ୍ଜି ?
46ଏମ୍ୱାଟି ଏମ୍ୱେନାରି ତାଙ୍ଗେ ହିତେ ୱାଡ଼େ ୱ୍ଡେପ୍ଚ୍ଚି ୱେସ୍ପନ୍ ମୁଃଆତେରି, ଆଟେ ଏଚିୱେଲାଟି ଏମ୍ୱେନାରି ତାଙ୍ଗେ ଇନାୱାଡ଼େ ୱେନ୍ବନ୍ ବାଗା ବରେସ୍ କିଃଆତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0