ମାତିଉ 21
21
ଜିସୁ ଗଦ କୁଃଏଟି ଜିରୁସାଲମଇନ୍ଦା ହାଲ୍ବନ୍
(ମାର୍କ ୧୧:୧–୧୧; ଲୁକ ୧୯:୨୮–୩୮; ଜହନ ୧୨:୧୨–୧୯)
1ଏଚ୍ଚିକିଃଆ ଏୱାରି ଜିରୁସାଲମ ରେଃଏସ୍ତି ବେତ୍ପାଗି ଅଟେ ଜିତ ହରୁ ରେଃଏସ୍ ଏତେରି, ଏମ୍ୱାଟି ଜିସୁ ରିଃଆରି ଗ୍ରାମ୍ୱାଗାଟାରିକି ଇଦା ୱେସାନ୍ ପାଣ୍ଡିତେଞ୍ଜି, 2ଏୱାରିକି ଇ କାତା ୱେସ୍ତେଞ୍ଜି ଜେ, ମି ନକେସ୍ ମାନ୍ନି ରଣ୍ଡା ନାଜୁଇନ୍ଦା ହାଜ୍ଜୁ, ଆଟେ ଏମ୍ବା ଏନ୍ନାୱିଆଃଟି ରଣ୍ଡା ଗଦ ଅଟେ ତା ଡ଼ାହି ରଣ୍ଡା ଗଦ ଡଟି ଗାସାନ୍ନାଦାଃଆ ହୁଡ଼ିଦେରି; ଏୱା ୱ୍ରିକ୍ଚ୍ଚାନ୍ ନା ରେଃଏସ୍ ଆହାନ୍ ୱାଦୁ । 3ଆଟେ ଜଦି ଏମ୍ୱେନାଞ୍ଜି ମିଙ୍ଗେ ଇ କୁଲାଟି ୱେଞ୍ଜାନେଞ୍ଜି, ଏହେଙ୍ଗ୍ ଆତେସି ଇ କୁଃଏଟି ଦାର୍ମୁତି ଆବସକ ମାନ୍ନେ ଇଞ୍ଜାନ୍ ୱେସ୍ଦେରି । ଏଚିୱାଡ଼େ ଏୱାଞ୍ଜି ଏୱା ପାଣ୍ଡାଦାନେଞ୍ଜି । 4ବାବବାଦିଙ୍ଗ୍ ୱେସାନ୍ନି ଇ ବାକ୍ୟ ଇନିମିଡି ଲେର୍ ଆନେ ଏଦାବାଗା ଇ ଡୁଣ୍ଡେଲ୍ ଆତେ । 5#ଜିକ ୯:୯“ସିୟନତି ମ୍ରାଗାସ୍କାନିକି ୱେସ୍ଦୁ, ହୁଡ଼ାମୁ, ନି ରାଜେଞ୍ଜି ନି ରେଃଏସ୍ ୱାଇନ୍ନେଞ୍ଜି; ଏୱାଞ୍ଜି ଲୁଙ୍ଗୁର୍ଗାଟାଞ୍ଜି ଗଦ କୁଃଏଟି କକ୍ଚ୍ଚାନ୍ନେଞ୍ଜି, ଅଟେ ଗଦ ଡଟି କୁଃଏଟ୍ କକ୍ଚ୍ଚାନ୍ ୱାଇନ୍ନେଞ୍ଜି ।” 6ଏମ୍ୱାଟି ଗ୍ରାମ୍ୱାଗାଟାରି ହାଜ୍ଜାନ୍ ଜିସୁ ୱେସାଚ୍ଚି ଲାକ୍କାଟି କାମା କିତେରି । 7ଏୱାରି ଗଦ ଅଟେ ଗଦ ଡଟିତିଦି ତାଚ୍ଚାନ୍ ତା କୁଃଏଟି ଜିସୁ କପ୍କନ୍ ବାଗା ଜିରାଙ୍ଗ୍ ପାସାହିତେରି, ଆଟେ ଏୱାଞ୍ଜି ଗଦ ଡଟି କୁଃଏଟି କକ୍ତେଞ୍ଜି । 8ଆଟେ ଗାପ୍ଚି ଦାଲ୍ଲା ତା ତା ଜିରାଙ୍ଗ୍ ପାହେର୍ତାୱା ପାସ୍ତେରି ଆଟେ ତୁଲ୍ଲେତାରି ମ୍ରାନୁତି ଆକା ଡେଲଙ୍ଗ୍ କାତାନ୍ ତାଚ୍ଚାନାହି ପାହେରିଃଆ ପାସାହିଅନ୍ ମ୍ରାସ୍ତେରି । 9ଆଟେ ତା ନକେସି ଅଟେ ବେତଟ୍ ହାଜ୍ଜିନ୍ନି ଦାଲ୍ଲା ହାବେ ବେର୍ ଉକୁଡ଼ିଆଟି ୱେସ୍ପନ୍ ମ୍ରାସ୍ତେରି “ହସାନ୍ନା#୨୧:୯ ହସାନ୍ନା ତି ଅର୍ତ ଆଇନେ ମାଙ୍ଗେ ଜ୍ଡିପ୍ତାମୁ ଦାଉଦ ମ୍ରିଃଏଞ୍ଜି । ଦାର୍ମୁତି ପାରୁଟି ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ ଆପାକାଞ୍ଜି; ଆଟେ ସର୍ଗ ରାଜିତାୱା ମାନ୍ନି ମୁଲାପେନୁତି ହସାନ୍ନା ।” 10ଏଚ୍ଚିକିଃଆ ଏୱାଞ୍ଜି ଜିରୁସାଲମତାୱା ଏତାତେଞ୍ଜି, ଇୱାଞ୍ଜି ଏମ୍ୱେନାଞ୍ଜି ଇଞ୍ଜାନ୍ ଗାଡ଼ାନାଜୁତି ହାବେତ୍ଇନ୍ଦା ପଙ୍ଗିତେ । 11ଏମ୍ୱାଟି ଦାଲ୍ଲା ହାବେ ୱେସ୍ତେରି, “ଇୱାଞ୍ଜି ଆଇନ୍ନେଞ୍ଜି ଗାଲିଲି ରାଜି ନାଜରିତ ନାଜୁତି ବାବବାଦି ଜିସୁ ।”
ଜିସୁ ଜିରୁସାଲମ ମନ୍ଦିରଇନ୍ଦା ହାଲ୍ବନ୍
(ମାର୍କ ୧୧:୧୫–୧୯; ଲୁକ ୧୯:୪୫–୪୮; ଜହନ ୨:୧୩–୨୨)
12ଏମ୍ୱାଟି ଜିସୁ ଜିରୁସାଲମ ମନ୍ଦିର ହଲଜାନାହି ଏ ଗର୍ରିତାୱା କଡ୍ଡନ୍ ପ୍ରାପନ୍ କିଚ୍ଚି ହାବେ ଦାଲ୍ଲାନିକି ପେରିତେଞ୍ଜି, ଆଟେ ଲେବୁଙ୍ଗ୍ ମାସ୍କନ୍ତାରିତି ଟେବୁଲ୍କା ଅଟେ ଗୁଗୁର୍କା ପ୍ରାପିଚ୍ଚାର୍ତି କୁର୍ଚିଙ୍ଗ୍ ତୁହ୍ପା ହିତେଞ୍ଜି । 13ଆଟେ ଜିସୁ ଏୱାରିକି ୱେସ୍ତେଞ୍ଜି, “ଦର୍ମପୁତିତାୱା ୱ୍ରିଗାଆନ୍ନେ, ନା ଇଡ୍ଡୁ ପ୍ରାତ୍ନା ଇଡ୍ଡୁ#ଜିସା ୫୬:୭ ଇଞ୍ଜାନ୍ ପଙ୍ଗିନେ, ମତ୍ର ମିରୁ ଏଦା ଟ୍ଡକେଙ୍ଗ୍ତି ହାଲୁ#ଜିରି ୭:୧୧ କିଆଞ୍ଜେରି ।” 14ଆଟେ ଜିରୁସାଲମ ମନ୍ଦିରତାୱା କାଡ଼ାଙ୍ଗ୍ଗାଟାରି ଅଟେ ମେଟ୍ଲାଙ୍ଗ୍ଗାଟାରି ତା ରେଃଏସ୍ ୱାଅନେଃଏ, ଏୱାଞ୍ଜି ଏୱାରିକି ନେହି କିତେଞ୍ଜି । 15ମତ୍ର ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଏୱାଞ୍ଜି କିଆନ୍ନି ଆକ୍କାବାଡ଼ାଙ୍ଗ୍ତି କାମା ହାବେ ହୁଡ଼ାନ୍ ଅଟେ ଜିରୁସାଲମ ମନ୍ଦିରତାୱା ବଦାଙ୍ଗ୍ ବେର୍ ଉକୁଡ଼ିଆଟି ହସାନ୍ନା ଦାଉଦ ମ୍ରିଃଏଞ୍ଜି ଇଞ୍ଜିଚ୍ଚାଦାଃଆ ୱେଞ୍ଜାନ୍ ବିସ୍କି ଆତେରି । 16ଆଟେ ତାଙ୍ଗେ ୱେଚ୍ଚେରି, “ଇୱାରି ଇନ୍ନା ୱେସ୍ପିନ୍ନେରି ଏଦା ଇନ୍ନା ନିନୁ ୱେଞ୍ଜିଞ୍ଜି ?” ଜିସୁ ଏୱାରିକି ୱେସ୍ତେଞ୍ଜି, “ହାଁ, ମିରୁ ଦର୍ମପୁତିତାୱା ପଡ଼ି ଆହେଃଲ୍ଲେରିମା ? ନିନୁ ବଦାଙ୍ଗ୍ ଅଟେ ରାଙ୍ଗୁଉଣ୍ତିନି ଡଟି ବଦାଙ୍ଗ୍ତି ଗୁତି ଡ଼ାହି ନି ଗାଣ୍ଡି ଜୁଙ୍ଗନ୍ ବାଗାଟି ଗ୍ରାପ୍ଚାଞ୍ଜି ।”#ଗାଡ଼େ ୮:୨ 17ଆଟେ ଏୱାଞ୍ଜି ଏୱାରିକି ତୁହାନାହି ଗାଡ଼ାନାଜୁଟି ହଚାନ୍ ବେତନିଆ ଗାଡ଼ାନାଜୁଇନ୍ଦା ହାଜ୍ଜାନ୍ ଡାଡ଼ିଙ୍ଗ୍ ବାସାଆତେଞ୍ଜି ।
ଜିସୁ ତଗା ମ୍ରାନୁତିଦି ୱ୍ଲିପା ହିଅନି
(ମାର୍କ ୧୧:୧୨–୧୪,୨୦–୨୪)
18ଡାଃଏସ୍ ଜିସୁ ଗାଡ଼ାନାଜୁତାୱାଟି ୱ୍ଡେପିଞ୍ଜାତ୍ ତୁକାତାୱା ତାଙ୍ଗେ ହାକ୍କି ଆତେ । 19ଆଟେ ପାହେର୍ ରେଃଏସ୍ ରଣ୍ଡା ତଗା ମ୍ରାନୁ ହୁଡ଼ାନ୍ ତା ରେଃଏସ୍ ହାଚ୍ଚେଞ୍ଜି, ଆଟେ ୱାର୍ରି ଆକା ପିହାନ୍ ଏମ୍ୱାଟି ଇନ୍ନା ପାଃନାତାୱାଟି ଏ ମ୍ରାନୁତିଦି ୱେସ୍ତେଞ୍ଜି, “ଆଟେ ଏଚ୍ଚେକ୍ୱାଡ଼େ ନି ପାଟ୍ଟି କାଉ ଆଃଗାକାଦି ।” ଏମ୍ୱାଟି ଏଚିୱାଡ଼େ ଏ ତଗା ମ୍ରାନୁ ୱାଚ୍ଚିତେ । 20ଗ୍ରାମ୍ୱାଗାଟାରି ଏଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ତଗା ମ୍ରାନୁ ଇନିମିଡି ଏଚିୱାଡ଼େ ୱାଚ୍ଚିତେ ?” 21#ମାତି ୧୭:୨୦; ୧କ ୧୩:୨ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଜଦି ମି ମାଞ୍ଜାଡ଼ି ମାନ୍ନେ, ଆଟେ ମିରୁ ସନ୍ଦେହ କିହେଃଲ୍ଲେରି, ଇଚ୍ଚେସି ଇ ତଗା ମ୍ରାନୁତିଦି ଇନିମିଡି କିଅନ୍ ଆନ୍ନେ, ୱାର୍ରି ଏଚିଲାକ୍କା କିଦେରି, ଏଦି ଆଃଏ, ମତ୍ର ଇ ହରୁତିଦି ୱାଡ଼େ ନିନୁ ନିଙ୍ଗାନ୍ ସାମ୍ନ୍ଦେର୍ତାୱା ହାଜ୍ଜାନାହି ଦିକାମୁ ଇଞ୍ଜାନ୍ ୱେସ୍ଦେରି, ଏହେଙ୍ଗ୍ ଆତେସି ଏଦି ଆନେ । 22ଆଟେ ମାଞ୍ଜାଡ଼ି କିଆନ୍ ପ୍ରାତ୍ନାଟି ଇନ୍ନା ୱ୍ରିହ୍ଦେରି ଏୱା ହାବେ ପାଁଣ୍ଡେରି ।”
ଜିସୁତି ହକତ୍ କୁଲାଟି ୱେନ୍ବନ୍
(ମାର୍କ ୧୧:୨୭–୩୩; ଲୁକ ୨୦:୧–୮)
23ଡେଗ୍ଗା ଏୱାଞ୍ଜି ଜିରୁସାଲମ ମନ୍ଦିରତାୱା ହଲ୍ଜାନାହି ଗ୍ରାପେଚ୍ଚି ତୁକାତାୱା ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରି ତା ରେଃଏସ୍ ୱାନ୍ ୱେଚ୍ଚେରି, “ନିନୁ ଇମ୍ୱିନ୍ ହକତ୍ ଡ଼ାହି ଇୱାହାବେ କିଞ୍ଜି ? ଆଟେ ନିଙ୍ଗେ ଏମ୍ୱେନାଞ୍ଜି ଇ ହକତ୍ ହିଆତେଞ୍ଜି ?” 24ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାଡ଼େ ମିଙ୍ଗେ ରଣ୍ଡା କାତା ୱେଞ୍ଜା, ଜଦି ମିରୁ ନାଙ୍ଗେ ଏଦା ୱେସ୍ତାଦେରି, ଇଚ୍ଚେସି ଇମ୍ୱିନ୍ ହକତ୍ଟି ନାନୁ ଇୱାହାବେ କିମାଃଇ, ଏଦା ନାନୁ ୱାଡ଼େ ମିଙ୍ଗେ ୱେସ୍ତା ।” 25ଜହନତି ଡୁବନ୍ ଇମ୍ୱିନାୱାଟି ଆଚ୍ଚେ ? ସର୍ଗତାୱାଟି କି କୁଇଙ୍ଗ୍ତାୱାଟ୍ ? ଏମ୍ୱାଟି ଏୱାରି ତା ତା ଲାଃଇ କାତାବାର୍ତା କିଆନ୍ ୱେସ୍ପନ୍ ମ୍ରାସ୍ତେରି, “ଜଦି ସର୍ଗତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଏୱାଞ୍ଜି ମାଙ୍ଗେ ୱେସ୍ତାନେଞ୍ଜି, ଏହେଙ୍ଗ୍ ଆତେସି ମିରୁ ଇନାବାଗା ତାଙ୍ଗେ ମାଞ୍ଜାଡ଼ି କିଃଆତେରି ? 26ମତ୍ର ଜଦି କୁଏଞ୍ଜ୍ତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଦାଲ୍ଲାନିକି ମାରୁ ଆଜ୍ଜେନ୍ନା, ଇନାକି ହାବେତାରି ଜହନନିକି ବାବବାଦି ଇଞ୍ଜାନ୍ ମାନି ଆଇନ୍ନେରି ।” 27ଏଦାକି ଏୱାରି ଜିସୁନିକି ୱେସ୍ତେରି, “ମାମୁ ପୁଞ୍ଜାହେଃଲ୍ଲାମୁ ।” ଏୱାଞ୍ଜ୍ ୱାଡ଼େ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇମ୍ୱିନ୍ ହକତ୍ଟିଆଟି ଇୱାହାବେ କିମାଃଇ, ଏଦା ନାନୁ ମିଙ୍ଗେ ୱେସ୍ତାଦାଃଏନୁ ।”
ରିଃଆରି ମ୍ରିକାତି ତୁକାଙ୍ଗାତା
28ମତ୍ର ମିରୁ ଇନ୍ନା ଏଲୁ କିଞ୍ଜେରି ? ରଃଅଞ୍ଜି କୁଏଞ୍ଜ୍ତି ରିଃଆରି ମ୍ରିକା ମାଚ୍ଚେରି । ଏୱାଞ୍ଜ୍ କାହେତ୍ ମ୍ରିଃଏଞ୍ଜି ରେଃଏସ୍ ୱାନ୍ ୱେସ୍ତେଞ୍ଜି, ମ୍ରିଃଏଞ୍ଜି, ନିଞ୍ଜୁ ଅଙ୍ଗୁର ପାଙ୍ଗାଇନ୍ଦା କାମା କିଅନ୍ ହାଲ୍ମୁ । 29ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, ନାନୁ ହାଃଲ୍ଲେନୁ, ମତ୍ର ଡେଗ୍ଗା ଏଲୁୱ୍ଡେପ୍ଚାନ୍ ହାଚ୍ଚେଞ୍ଜି । 30ଆଟେ ଏୱାଞ୍ଜ୍ ଡେଗ୍ଗାତ୍ ମ୍ରିଃଏଞ୍ଜି ରେଃଏସ୍ ୱାନ୍ ଏଚିଲାକ୍କାଟି ୱେସ୍ତେଞ୍ଜି, ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ହାଁ ଆଗ୍ୟାଁ, ନାନୁ ହାଜ୍ଜିମାଃଇ, ମତ୍ର ଏୱାଞ୍ଜି ହାଃଲ୍ଲାତେଞ୍ଜି ।” 31“ଇ ରିଃଆରି ତାୱାଟି ଏମ୍ୱେନାଞ୍ଜି ଆବାତି ଇଚ୍ଚା ପାଲ୍ନି ଆତେଞ୍ଜି ?” ଏୱାରି ୱେସ୍ତେରି, “କାହେତ୍ ମ୍ରିଃଏଞ୍ଜି ।” ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ସିସ୍ଟୁଅନ୍ତାରି ଅଟେ ଦାରିଗାଟାରି ମି ତାୱାଟି ମୁଲାପେନୁତି ରାଜିତାୱା ହଲ୍ବିନ୍ନେରି । 32#ଲୁକ ୩:୧୨; ୭:୨୯,୩୦ଇନାକି ଜହନ ମି ରେଃଏସ୍ ମୁଲାପେନୁ ନକେସ୍ ଦାର୍ମିକତି ପାହେର୍ ତସ୍ପନ୍ ବାଗା ୱାତେଞ୍ଜି, ଆଟେ ମିରୁ ଏୱାଞ୍ଜିକି ମାଞ୍ଜାଡ଼ି କିଃଆତେରି, ମତ୍ର ସିସ୍ଟୁଅନ୍ତାରି ଅଟେ ଦାରିଗାଟାରି ତାଙ୍ଗେ ମାଞ୍ଜାଡ଼ି କିତେରି, ମତ୍ର ମିରୁ ଇନିମିଡି ତାଙ୍ଗେ ମାଞ୍ଜାଡ଼ି କିଅନ୍ ମୁଦେରି, ଏଦାବାଗା ଏଦା ହୁଡ଼ାନ୍ ୱାଡ଼େ ଏଲୁୱ୍ଡେଃପାତେରି ।”
ମୁଲାପେନୁ ତା ମ୍ରିଃଏଞ୍ଜିକି ପାଣ୍ଡନ୍
(ମାର୍କ ୧୨:୧–୧୨; ଲୁକ ୨୦:୯–୧୯)
33ଆଟେ ରଣ୍ଡା ତୁକାଙ୍ଗାତା ୱେଞ୍ଜୁ । ରଃଅଞ୍ଜି ଇଡ୍ଡୁତି ଗାମିନାଞ୍ଜି ମାଚ୍ଚେଞ୍ଜି, ଏୱାଞ୍ଜି ରଣ୍ଡା ଅଙ୍ଗୁରପାଙ୍ଗା କିଆନ୍ ତା ଗୁଞ୍ଜେର୍ ଜାଟ୍ଟା ଗ୍ରୁତେଞ୍ଜି ଅଟେ ଏ ମାଦ୍ଦେ ରଣ୍ଡା ଅଙ୍ଗୁର ଡଙ୍ଗି କିଆନ୍ ଜପନ୍ତି ବାଦି କ୍ଲେହିତେଞ୍ଜି, ଆଟେ କାମା ଗାଟାରିକି ଏ ପାଙ୍ଗା ବାଗା ହିଆନ୍ ବିହି ଦେସା ହାଚ୍ଚେଞ୍ଜି ।
34ଏଚ୍ଚିକିଃଆ ଅଙ୍ଗୁର ଏସ୍ପନ୍ତି ତୁକା ୱାତେ, ଏୱାଞ୍ଜି ତା କାଉ ପାଁନ୍ବନ୍ ବାଗା କାମାଗାଟାରି ରେଃଏସ୍ ତା କାମ୍ବାରାଙ୍ଗାନିକି ପାଣ୍ଡିତେଞ୍ଜି । 35ମତ୍ର କାମାଗାଟାରି ତା କାମ୍ବାରାଙ୍ଗାନିକି ଆହାନ୍ ରଃଅଞ୍ଜିକି ଚାହ୍ତେରି ଅଟେ ରଃଅଞ୍ଜିକି ପାଗିତେରି, ଆଟେ ରଃଅଞ୍ଜିକି ୱାଲ୍ଲିଙ୍ଗ୍ ଜିସ୍କାନ୍ ପାଗିତେରି । 36ଆଟେ ୱାଡ଼େ ଏୱାଞ୍ଜି କାହେତାୱାଟି ଏଗେଲ୍ କାମ୍ବାରାଙ୍ଗାନିକି ପାଣ୍ଡିତେଞ୍ଜି, ଆଟେ ଏୱାରି ଏୱାରିକି ୱାଡ଼େ ଏଚିଲାକ୍କାଟି କିତେରି । 37ମତ୍ର ୱିହାଡେଗ୍ଗା ନା ମ୍ରିଃଏଞ୍ଜିକି ଏୱାରି ମାନି ଆନେରି ଇଞ୍ଜାନ୍ ଏୱାଞ୍ଜି ତା ମ୍ରିଃଏଞ୍ଜିକି ଏୱାର୍ ରେଃଏସ୍ ପାଣ୍ଡିତେଞ୍ଜି ।
38ମତ୍ର ଏ କାମାଗାଟାରି ମ୍ରିଃଏଞ୍ଜିକି ହୁଡ଼ାନ୍ ତା ତା ମନତାୱା ୱେସ୍ପିଆତେରି, “ଇୱାଞ୍ଜ୍ ତ ହକ କିଅନ୍ତାଞ୍ଜି; ୱାଦୁ ଇୱାଞ୍ଜିକି ପାଗିନା, ଏହେଙ୍ଗ୍ ଆତେସି ମାରୁ ଇୱାଞ୍ଜ୍ତି ହକତ୍ ମା କାଜ୍ଜୁତାୱା ଅନା ।” 39ଏମ୍ୱାଟି ଏୱାରି ତାଙ୍ଗେ ଆହାନ୍ ଅଙ୍ଗୁରପାଙ୍ଗାତି କାଟ ଅଆନ୍ ପାଗିତେରି ।
40“ମତ୍ର ଏଚ୍ଚିକିଃଆ ଏ ଅଙ୍ଗୁରପାଙ୍ଗାତି ସକାର ୱାନେଞ୍ଜି, ଏଚିତୁକାତାୱା ଏ କାମାଗାଟାରିକି ଏୱାଞ୍ଜି ଇନ୍ନା କିନେଞ୍ଜି ?” 41ଏୱାରି ତାଙ୍ଗେ ୱେସ୍ତେରି, “ଏୱାଞ୍ଜି ଏ ଡ଼ଃଆନାରିନିକି ଦଣ୍ଡ ହିଆନ୍ ନାହେଡ୍ କିନେଞ୍ଜି ଅଟେ ଇମ୍ୱିନ୍ କାମାଗାଟାରି ତାଙ୍ଗେ ସମାନ୍ ତୁକାତାୱା କାଉ ହିନେରି, ଏ ଅଙ୍ଗୁରପାଙ୍ଗା ଏୱାରିକି ବାଗା ହିନେଞ୍ଜି ।”
42ଜିସୁ ଏୱାରିକି ୱେସ୍ତେଞ୍ଜି, ମିରୁ ଇନ୍ନା ଏଚ୍ଚେକ୍ୱାଡ଼େ ଦର୍ମପୁତିତାୱା ଇ କାତା ପଡ଼ି ଆହେଃଲ୍ଲେରି ?
ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ଗ୍ରହନ କିଃଆତେରି,
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ;
ଇଦା ଦାର୍ମୁ କିଆନ୍ନେଞ୍ଜି,
ମତ୍ର ଏଦି ମା ନକେସ୍ ଆକ୍କାବାଡ଼ାଙ୍ଗ୍ ଲାକ୍କାଟି ଆଇନେ !#ଗାଡ଼େ ୧୧୮:୨୨–୨୩
43ଏଦାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜି ମି ତାୱାଟି ୱେଚାନ୍ ଅୱାଆନେ, ଅଟେ ଇମ୍ୱିନ୍ ଜାତି ଏମ୍ୱାତି କାଉ ଆଗି କିଅନ୍ ମୁନେରି, ଏୱାରିକି ହିୱା ଆନେ । 44ଆଟେ ଏମ୍ୱେନାଞ୍ଜି ଇ ୱାଲ୍ଲି କୁଃଏଟି ସ୍ରୁନେଞ୍ଜି, ଏୱାଞ୍ଜି କାଣ୍ଡା କାଣ୍ଡା ଆନେଞ୍ଜି, ଆଟେ ଇ ୱାଲ୍ଲି ଇନ୍ଦାର୍ କୁଃଏଟି ସ୍ରୁନେ, ଏୱାଞ୍ଜିକି ଏଦି ସପଙ୍ଗ୍ କିନେ ।
45ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ତା ଇ ହାବେତ୍ ତୁକାଙ୍ଗାତା ୱେଞ୍ଜାନ୍, ଏୱାଞ୍ଜି ମା କୁଲାଟି ୱେସ୍ପିନ୍ନେଞ୍ଜି ଇଞ୍ଜାନ୍ ପୁଚ୍ଚେରି ।
46ଆଟେ ଏୱାରି ଜିସୁନିକି ଆହ୍ପନ୍ ବାଗା ସେସ୍ଟା କିତେରି, ମତ୍ର ଦାଲ୍ଲାନିକି ଆଜ୍ଜେଚ୍ଚେରି, ଇନାକି ଦାଲ୍ଲା ଏୱାଞ୍ଜିକି ବାବବାଦି ଇଞ୍ଜାନ୍ ମାନି ଆଇଚ୍ଚେରି ।
Právě zvoleno:
ମାତିଉ 21: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 21
21
ଜିସୁ ଗଦ କୁଃଏଟି ଜିରୁସାଲମଇନ୍ଦା ହାଲ୍ବନ୍
(ମାର୍କ ୧୧:୧–୧୧; ଲୁକ ୧୯:୨୮–୩୮; ଜହନ ୧୨:୧୨–୧୯)
1ଏଚ୍ଚିକିଃଆ ଏୱାରି ଜିରୁସାଲମ ରେଃଏସ୍ତି ବେତ୍ପାଗି ଅଟେ ଜିତ ହରୁ ରେଃଏସ୍ ଏତେରି, ଏମ୍ୱାଟି ଜିସୁ ରିଃଆରି ଗ୍ରାମ୍ୱାଗାଟାରିକି ଇଦା ୱେସାନ୍ ପାଣ୍ଡିତେଞ୍ଜି, 2ଏୱାରିକି ଇ କାତା ୱେସ୍ତେଞ୍ଜି ଜେ, ମି ନକେସ୍ ମାନ୍ନି ରଣ୍ଡା ନାଜୁଇନ୍ଦା ହାଜ୍ଜୁ, ଆଟେ ଏମ୍ବା ଏନ୍ନାୱିଆଃଟି ରଣ୍ଡା ଗଦ ଅଟେ ତା ଡ଼ାହି ରଣ୍ଡା ଗଦ ଡଟି ଗାସାନ୍ନାଦାଃଆ ହୁଡ଼ିଦେରି; ଏୱା ୱ୍ରିକ୍ଚ୍ଚାନ୍ ନା ରେଃଏସ୍ ଆହାନ୍ ୱାଦୁ । 3ଆଟେ ଜଦି ଏମ୍ୱେନାଞ୍ଜି ମିଙ୍ଗେ ଇ କୁଲାଟି ୱେଞ୍ଜାନେଞ୍ଜି, ଏହେଙ୍ଗ୍ ଆତେସି ଇ କୁଃଏଟି ଦାର୍ମୁତି ଆବସକ ମାନ୍ନେ ଇଞ୍ଜାନ୍ ୱେସ୍ଦେରି । ଏଚିୱାଡ଼େ ଏୱାଞ୍ଜି ଏୱା ପାଣ୍ଡାଦାନେଞ୍ଜି । 4ବାବବାଦିଙ୍ଗ୍ ୱେସାନ୍ନି ଇ ବାକ୍ୟ ଇନିମିଡି ଲେର୍ ଆନେ ଏଦାବାଗା ଇ ଡୁଣ୍ଡେଲ୍ ଆତେ । 5#ଜିକ ୯:୯“ସିୟନତି ମ୍ରାଗାସ୍କାନିକି ୱେସ୍ଦୁ, ହୁଡ଼ାମୁ, ନି ରାଜେଞ୍ଜି ନି ରେଃଏସ୍ ୱାଇନ୍ନେଞ୍ଜି; ଏୱାଞ୍ଜି ଲୁଙ୍ଗୁର୍ଗାଟାଞ୍ଜି ଗଦ କୁଃଏଟି କକ୍ଚ୍ଚାନ୍ନେଞ୍ଜି, ଅଟେ ଗଦ ଡଟି କୁଃଏଟ୍ କକ୍ଚ୍ଚାନ୍ ୱାଇନ୍ନେଞ୍ଜି ।” 6ଏମ୍ୱାଟି ଗ୍ରାମ୍ୱାଗାଟାରି ହାଜ୍ଜାନ୍ ଜିସୁ ୱେସାଚ୍ଚି ଲାକ୍କାଟି କାମା କିତେରି । 7ଏୱାରି ଗଦ ଅଟେ ଗଦ ଡଟିତିଦି ତାଚ୍ଚାନ୍ ତା କୁଃଏଟି ଜିସୁ କପ୍କନ୍ ବାଗା ଜିରାଙ୍ଗ୍ ପାସାହିତେରି, ଆଟେ ଏୱାଞ୍ଜି ଗଦ ଡଟି କୁଃଏଟି କକ୍ତେଞ୍ଜି । 8ଆଟେ ଗାପ୍ଚି ଦାଲ୍ଲା ତା ତା ଜିରାଙ୍ଗ୍ ପାହେର୍ତାୱା ପାସ୍ତେରି ଆଟେ ତୁଲ୍ଲେତାରି ମ୍ରାନୁତି ଆକା ଡେଲଙ୍ଗ୍ କାତାନ୍ ତାଚ୍ଚାନାହି ପାହେରିଃଆ ପାସାହିଅନ୍ ମ୍ରାସ୍ତେରି । 9ଆଟେ ତା ନକେସି ଅଟେ ବେତଟ୍ ହାଜ୍ଜିନ୍ନି ଦାଲ୍ଲା ହାବେ ବେର୍ ଉକୁଡ଼ିଆଟି ୱେସ୍ପନ୍ ମ୍ରାସ୍ତେରି “ହସାନ୍ନା#୨୧:୯ ହସାନ୍ନା ତି ଅର୍ତ ଆଇନେ ମାଙ୍ଗେ ଜ୍ଡିପ୍ତାମୁ ଦାଉଦ ମ୍ରିଃଏଞ୍ଜି । ଦାର୍ମୁତି ପାରୁଟି ଏମ୍ୱେନାଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ ଆପାକାଞ୍ଜି; ଆଟେ ସର୍ଗ ରାଜିତାୱା ମାନ୍ନି ମୁଲାପେନୁତି ହସାନ୍ନା ।” 10ଏଚ୍ଚିକିଃଆ ଏୱାଞ୍ଜି ଜିରୁସାଲମତାୱା ଏତାତେଞ୍ଜି, ଇୱାଞ୍ଜି ଏମ୍ୱେନାଞ୍ଜି ଇଞ୍ଜାନ୍ ଗାଡ଼ାନାଜୁତି ହାବେତ୍ଇନ୍ଦା ପଙ୍ଗିତେ । 11ଏମ୍ୱାଟି ଦାଲ୍ଲା ହାବେ ୱେସ୍ତେରି, “ଇୱାଞ୍ଜି ଆଇନ୍ନେଞ୍ଜି ଗାଲିଲି ରାଜି ନାଜରିତ ନାଜୁତି ବାବବାଦି ଜିସୁ ।”
ଜିସୁ ଜିରୁସାଲମ ମନ୍ଦିରଇନ୍ଦା ହାଲ୍ବନ୍
(ମାର୍କ ୧୧:୧୫–୧୯; ଲୁକ ୧୯:୪୫–୪୮; ଜହନ ୨:୧୩–୨୨)
12ଏମ୍ୱାଟି ଜିସୁ ଜିରୁସାଲମ ମନ୍ଦିର ହଲଜାନାହି ଏ ଗର୍ରିତାୱା କଡ୍ଡନ୍ ପ୍ରାପନ୍ କିଚ୍ଚି ହାବେ ଦାଲ୍ଲାନିକି ପେରିତେଞ୍ଜି, ଆଟେ ଲେବୁଙ୍ଗ୍ ମାସ୍କନ୍ତାରିତି ଟେବୁଲ୍କା ଅଟେ ଗୁଗୁର୍କା ପ୍ରାପିଚ୍ଚାର୍ତି କୁର୍ଚିଙ୍ଗ୍ ତୁହ୍ପା ହିତେଞ୍ଜି । 13ଆଟେ ଜିସୁ ଏୱାରିକି ୱେସ୍ତେଞ୍ଜି, “ଦର୍ମପୁତିତାୱା ୱ୍ରିଗାଆନ୍ନେ, ନା ଇଡ୍ଡୁ ପ୍ରାତ୍ନା ଇଡ୍ଡୁ#ଜିସା ୫୬:୭ ଇଞ୍ଜାନ୍ ପଙ୍ଗିନେ, ମତ୍ର ମିରୁ ଏଦା ଟ୍ଡକେଙ୍ଗ୍ତି ହାଲୁ#ଜିରି ୭:୧୧ କିଆଞ୍ଜେରି ।” 14ଆଟେ ଜିରୁସାଲମ ମନ୍ଦିରତାୱା କାଡ଼ାଙ୍ଗ୍ଗାଟାରି ଅଟେ ମେଟ୍ଲାଙ୍ଗ୍ଗାଟାରି ତା ରେଃଏସ୍ ୱାଅନେଃଏ, ଏୱାଞ୍ଜି ଏୱାରିକି ନେହି କିତେଞ୍ଜି । 15ମତ୍ର ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଏୱାଞ୍ଜି କିଆନ୍ନି ଆକ୍କାବାଡ଼ାଙ୍ଗ୍ତି କାମା ହାବେ ହୁଡ଼ାନ୍ ଅଟେ ଜିରୁସାଲମ ମନ୍ଦିରତାୱା ବଦାଙ୍ଗ୍ ବେର୍ ଉକୁଡ଼ିଆଟି ହସାନ୍ନା ଦାଉଦ ମ୍ରିଃଏଞ୍ଜି ଇଞ୍ଜିଚ୍ଚାଦାଃଆ ୱେଞ୍ଜାନ୍ ବିସ୍କି ଆତେରି । 16ଆଟେ ତାଙ୍ଗେ ୱେଚ୍ଚେରି, “ଇୱାରି ଇନ୍ନା ୱେସ୍ପିନ୍ନେରି ଏଦା ଇନ୍ନା ନିନୁ ୱେଞ୍ଜିଞ୍ଜି ?” ଜିସୁ ଏୱାରିକି ୱେସ୍ତେଞ୍ଜି, “ହାଁ, ମିରୁ ଦର୍ମପୁତିତାୱା ପଡ଼ି ଆହେଃଲ୍ଲେରିମା ? ନିନୁ ବଦାଙ୍ଗ୍ ଅଟେ ରାଙ୍ଗୁଉଣ୍ତିନି ଡଟି ବଦାଙ୍ଗ୍ତି ଗୁତି ଡ଼ାହି ନି ଗାଣ୍ଡି ଜୁଙ୍ଗନ୍ ବାଗାଟି ଗ୍ରାପ୍ଚାଞ୍ଜି ।”#ଗାଡ଼େ ୮:୨ 17ଆଟେ ଏୱାଞ୍ଜି ଏୱାରିକି ତୁହାନାହି ଗାଡ଼ାନାଜୁଟି ହଚାନ୍ ବେତନିଆ ଗାଡ଼ାନାଜୁଇନ୍ଦା ହାଜ୍ଜାନ୍ ଡାଡ଼ିଙ୍ଗ୍ ବାସାଆତେଞ୍ଜି ।
ଜିସୁ ତଗା ମ୍ରାନୁତିଦି ୱ୍ଲିପା ହିଅନି
(ମାର୍କ ୧୧:୧୨–୧୪,୨୦–୨୪)
18ଡାଃଏସ୍ ଜିସୁ ଗାଡ଼ାନାଜୁତାୱାଟି ୱ୍ଡେପିଞ୍ଜାତ୍ ତୁକାତାୱା ତାଙ୍ଗେ ହାକ୍କି ଆତେ । 19ଆଟେ ପାହେର୍ ରେଃଏସ୍ ରଣ୍ଡା ତଗା ମ୍ରାନୁ ହୁଡ଼ାନ୍ ତା ରେଃଏସ୍ ହାଚ୍ଚେଞ୍ଜି, ଆଟେ ୱାର୍ରି ଆକା ପିହାନ୍ ଏମ୍ୱାଟି ଇନ୍ନା ପାଃନାତାୱାଟି ଏ ମ୍ରାନୁତିଦି ୱେସ୍ତେଞ୍ଜି, “ଆଟେ ଏଚ୍ଚେକ୍ୱାଡ଼େ ନି ପାଟ୍ଟି କାଉ ଆଃଗାକାଦି ।” ଏମ୍ୱାଟି ଏଚିୱାଡ଼େ ଏ ତଗା ମ୍ରାନୁ ୱାଚ୍ଚିତେ । 20ଗ୍ରାମ୍ୱାଗାଟାରି ଏଦା ହୁଡ଼ାନ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ତଗା ମ୍ରାନୁ ଇନିମିଡି ଏଚିୱାଡ଼େ ୱାଚ୍ଚିତେ ?” 21#ମାତି ୧୭:୨୦; ୧କ ୧୩:୨ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଜଦି ମି ମାଞ୍ଜାଡ଼ି ମାନ୍ନେ, ଆଟେ ମିରୁ ସନ୍ଦେହ କିହେଃଲ୍ଲେରି, ଇଚ୍ଚେସି ଇ ତଗା ମ୍ରାନୁତିଦି ଇନିମିଡି କିଅନ୍ ଆନ୍ନେ, ୱାର୍ରି ଏଚିଲାକ୍କା କିଦେରି, ଏଦି ଆଃଏ, ମତ୍ର ଇ ହରୁତିଦି ୱାଡ଼େ ନିନୁ ନିଙ୍ଗାନ୍ ସାମ୍ନ୍ଦେର୍ତାୱା ହାଜ୍ଜାନାହି ଦିକାମୁ ଇଞ୍ଜାନ୍ ୱେସ୍ଦେରି, ଏହେଙ୍ଗ୍ ଆତେସି ଏଦି ଆନେ । 22ଆଟେ ମାଞ୍ଜାଡ଼ି କିଆନ୍ ପ୍ରାତ୍ନାଟି ଇନ୍ନା ୱ୍ରିହ୍ଦେରି ଏୱା ହାବେ ପାଁଣ୍ଡେରି ।”
ଜିସୁତି ହକତ୍ କୁଲାଟି ୱେନ୍ବନ୍
(ମାର୍କ ୧୧:୨୭–୩୩; ଲୁକ ୨୦:୧–୮)
23ଡେଗ୍ଗା ଏୱାଞ୍ଜି ଜିରୁସାଲମ ମନ୍ଦିରତାୱା ହଲ୍ଜାନାହି ଗ୍ରାପେଚ୍ଚି ତୁକାତାୱା ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରି ତା ରେଃଏସ୍ ୱାନ୍ ୱେଚ୍ଚେରି, “ନିନୁ ଇମ୍ୱିନ୍ ହକତ୍ ଡ଼ାହି ଇୱାହାବେ କିଞ୍ଜି ? ଆଟେ ନିଙ୍ଗେ ଏମ୍ୱେନାଞ୍ଜି ଇ ହକତ୍ ହିଆତେଞ୍ଜି ?” 24ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାଡ଼େ ମିଙ୍ଗେ ରଣ୍ଡା କାତା ୱେଞ୍ଜା, ଜଦି ମିରୁ ନାଙ୍ଗେ ଏଦା ୱେସ୍ତାଦେରି, ଇଚ୍ଚେସି ଇମ୍ୱିନ୍ ହକତ୍ଟି ନାନୁ ଇୱାହାବେ କିମାଃଇ, ଏଦା ନାନୁ ୱାଡ଼େ ମିଙ୍ଗେ ୱେସ୍ତା ।” 25ଜହନତି ଡୁବନ୍ ଇମ୍ୱିନାୱାଟି ଆଚ୍ଚେ ? ସର୍ଗତାୱାଟି କି କୁଇଙ୍ଗ୍ତାୱାଟ୍ ? ଏମ୍ୱାଟି ଏୱାରି ତା ତା ଲାଃଇ କାତାବାର୍ତା କିଆନ୍ ୱେସ୍ପନ୍ ମ୍ରାସ୍ତେରି, “ଜଦି ସର୍ଗତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଏୱାଞ୍ଜି ମାଙ୍ଗେ ୱେସ୍ତାନେଞ୍ଜି, ଏହେଙ୍ଗ୍ ଆତେସି ମିରୁ ଇନାବାଗା ତାଙ୍ଗେ ମାଞ୍ଜାଡ଼ି କିଃଆତେରି ? 26ମତ୍ର ଜଦି କୁଏଞ୍ଜ୍ତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଦାଲ୍ଲାନିକି ମାରୁ ଆଜ୍ଜେନ୍ନା, ଇନାକି ହାବେତାରି ଜହନନିକି ବାବବାଦି ଇଞ୍ଜାନ୍ ମାନି ଆଇନ୍ନେରି ।” 27ଏଦାକି ଏୱାରି ଜିସୁନିକି ୱେସ୍ତେରି, “ମାମୁ ପୁଞ୍ଜାହେଃଲ୍ଲାମୁ ।” ଏୱାଞ୍ଜ୍ ୱାଡ଼େ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇମ୍ୱିନ୍ ହକତ୍ଟିଆଟି ଇୱାହାବେ କିମାଃଇ, ଏଦା ନାନୁ ମିଙ୍ଗେ ୱେସ୍ତାଦାଃଏନୁ ।”
ରିଃଆରି ମ୍ରିକାତି ତୁକାଙ୍ଗାତା
28ମତ୍ର ମିରୁ ଇନ୍ନା ଏଲୁ କିଞ୍ଜେରି ? ରଃଅଞ୍ଜି କୁଏଞ୍ଜ୍ତି ରିଃଆରି ମ୍ରିକା ମାଚ୍ଚେରି । ଏୱାଞ୍ଜ୍ କାହେତ୍ ମ୍ରିଃଏଞ୍ଜି ରେଃଏସ୍ ୱାନ୍ ୱେସ୍ତେଞ୍ଜି, ମ୍ରିଃଏଞ୍ଜି, ନିଞ୍ଜୁ ଅଙ୍ଗୁର ପାଙ୍ଗାଇନ୍ଦା କାମା କିଅନ୍ ହାଲ୍ମୁ । 29ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, ନାନୁ ହାଃଲ୍ଲେନୁ, ମତ୍ର ଡେଗ୍ଗା ଏଲୁୱ୍ଡେପ୍ଚାନ୍ ହାଚ୍ଚେଞ୍ଜି । 30ଆଟେ ଏୱାଞ୍ଜ୍ ଡେଗ୍ଗାତ୍ ମ୍ରିଃଏଞ୍ଜି ରେଃଏସ୍ ୱାନ୍ ଏଚିଲାକ୍କାଟି ୱେସ୍ତେଞ୍ଜି, ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ହାଁ ଆଗ୍ୟାଁ, ନାନୁ ହାଜ୍ଜିମାଃଇ, ମତ୍ର ଏୱାଞ୍ଜି ହାଃଲ୍ଲାତେଞ୍ଜି ।” 31“ଇ ରିଃଆରି ତାୱାଟି ଏମ୍ୱେନାଞ୍ଜି ଆବାତି ଇଚ୍ଚା ପାଲ୍ନି ଆତେଞ୍ଜି ?” ଏୱାରି ୱେସ୍ତେରି, “କାହେତ୍ ମ୍ରିଃଏଞ୍ଜି ।” ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ସିସ୍ଟୁଅନ୍ତାରି ଅଟେ ଦାରିଗାଟାରି ମି ତାୱାଟି ମୁଲାପେନୁତି ରାଜିତାୱା ହଲ୍ବିନ୍ନେରି । 32#ଲୁକ ୩:୧୨; ୭:୨୯,୩୦ଇନାକି ଜହନ ମି ରେଃଏସ୍ ମୁଲାପେନୁ ନକେସ୍ ଦାର୍ମିକତି ପାହେର୍ ତସ୍ପନ୍ ବାଗା ୱାତେଞ୍ଜି, ଆଟେ ମିରୁ ଏୱାଞ୍ଜିକି ମାଞ୍ଜାଡ଼ି କିଃଆତେରି, ମତ୍ର ସିସ୍ଟୁଅନ୍ତାରି ଅଟେ ଦାରିଗାଟାରି ତାଙ୍ଗେ ମାଞ୍ଜାଡ଼ି କିତେରି, ମତ୍ର ମିରୁ ଇନିମିଡି ତାଙ୍ଗେ ମାଞ୍ଜାଡ଼ି କିଅନ୍ ମୁଦେରି, ଏଦାବାଗା ଏଦା ହୁଡ଼ାନ୍ ୱାଡ଼େ ଏଲୁୱ୍ଡେଃପାତେରି ।”
ମୁଲାପେନୁ ତା ମ୍ରିଃଏଞ୍ଜିକି ପାଣ୍ଡନ୍
(ମାର୍କ ୧୨:୧–୧୨; ଲୁକ ୨୦:୯–୧୯)
33ଆଟେ ରଣ୍ଡା ତୁକାଙ୍ଗାତା ୱେଞ୍ଜୁ । ରଃଅଞ୍ଜି ଇଡ୍ଡୁତି ଗାମିନାଞ୍ଜି ମାଚ୍ଚେଞ୍ଜି, ଏୱାଞ୍ଜି ରଣ୍ଡା ଅଙ୍ଗୁରପାଙ୍ଗା କିଆନ୍ ତା ଗୁଞ୍ଜେର୍ ଜାଟ୍ଟା ଗ୍ରୁତେଞ୍ଜି ଅଟେ ଏ ମାଦ୍ଦେ ରଣ୍ଡା ଅଙ୍ଗୁର ଡଙ୍ଗି କିଆନ୍ ଜପନ୍ତି ବାଦି କ୍ଲେହିତେଞ୍ଜି, ଆଟେ କାମା ଗାଟାରିକି ଏ ପାଙ୍ଗା ବାଗା ହିଆନ୍ ବିହି ଦେସା ହାଚ୍ଚେଞ୍ଜି ।
34ଏଚ୍ଚିକିଃଆ ଅଙ୍ଗୁର ଏସ୍ପନ୍ତି ତୁକା ୱାତେ, ଏୱାଞ୍ଜି ତା କାଉ ପାଁନ୍ବନ୍ ବାଗା କାମାଗାଟାରି ରେଃଏସ୍ ତା କାମ୍ବାରାଙ୍ଗାନିକି ପାଣ୍ଡିତେଞ୍ଜି । 35ମତ୍ର କାମାଗାଟାରି ତା କାମ୍ବାରାଙ୍ଗାନିକି ଆହାନ୍ ରଃଅଞ୍ଜିକି ଚାହ୍ତେରି ଅଟେ ରଃଅଞ୍ଜିକି ପାଗିତେରି, ଆଟେ ରଃଅଞ୍ଜିକି ୱାଲ୍ଲିଙ୍ଗ୍ ଜିସ୍କାନ୍ ପାଗିତେରି । 36ଆଟେ ୱାଡ଼େ ଏୱାଞ୍ଜି କାହେତାୱାଟି ଏଗେଲ୍ କାମ୍ବାରାଙ୍ଗାନିକି ପାଣ୍ଡିତେଞ୍ଜି, ଆଟେ ଏୱାରି ଏୱାରିକି ୱାଡ଼େ ଏଚିଲାକ୍କାଟି କିତେରି । 37ମତ୍ର ୱିହାଡେଗ୍ଗା ନା ମ୍ରିଃଏଞ୍ଜିକି ଏୱାରି ମାନି ଆନେରି ଇଞ୍ଜାନ୍ ଏୱାଞ୍ଜି ତା ମ୍ରିଃଏଞ୍ଜିକି ଏୱାର୍ ରେଃଏସ୍ ପାଣ୍ଡିତେଞ୍ଜି ।
38ମତ୍ର ଏ କାମାଗାଟାରି ମ୍ରିଃଏଞ୍ଜିକି ହୁଡ଼ାନ୍ ତା ତା ମନତାୱା ୱେସ୍ପିଆତେରି, “ଇୱାଞ୍ଜ୍ ତ ହକ କିଅନ୍ତାଞ୍ଜି; ୱାଦୁ ଇୱାଞ୍ଜିକି ପାଗିନା, ଏହେଙ୍ଗ୍ ଆତେସି ମାରୁ ଇୱାଞ୍ଜ୍ତି ହକତ୍ ମା କାଜ୍ଜୁତାୱା ଅନା ।” 39ଏମ୍ୱାଟି ଏୱାରି ତାଙ୍ଗେ ଆହାନ୍ ଅଙ୍ଗୁରପାଙ୍ଗାତି କାଟ ଅଆନ୍ ପାଗିତେରି ।
40“ମତ୍ର ଏଚ୍ଚିକିଃଆ ଏ ଅଙ୍ଗୁରପାଙ୍ଗାତି ସକାର ୱାନେଞ୍ଜି, ଏଚିତୁକାତାୱା ଏ କାମାଗାଟାରିକି ଏୱାଞ୍ଜି ଇନ୍ନା କିନେଞ୍ଜି ?” 41ଏୱାରି ତାଙ୍ଗେ ୱେସ୍ତେରି, “ଏୱାଞ୍ଜି ଏ ଡ଼ଃଆନାରିନିକି ଦଣ୍ଡ ହିଆନ୍ ନାହେଡ୍ କିନେଞ୍ଜି ଅଟେ ଇମ୍ୱିନ୍ କାମାଗାଟାରି ତାଙ୍ଗେ ସମାନ୍ ତୁକାତାୱା କାଉ ହିନେରି, ଏ ଅଙ୍ଗୁରପାଙ୍ଗା ଏୱାରିକି ବାଗା ହିନେଞ୍ଜି ।”
42ଜିସୁ ଏୱାରିକି ୱେସ୍ତେଞ୍ଜି, ମିରୁ ଇନ୍ନା ଏଚ୍ଚେକ୍ୱାଡ଼େ ଦର୍ମପୁତିତାୱା ଇ କାତା ପଡ଼ି ଆହେଃଲ୍ଲେରି ?
ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ଗ୍ରହନ କିଃଆତେରି,
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ;
ଇଦା ଦାର୍ମୁ କିଆନ୍ନେଞ୍ଜି,
ମତ୍ର ଏଦି ମା ନକେସ୍ ଆକ୍କାବାଡ଼ାଙ୍ଗ୍ ଲାକ୍କାଟି ଆଇନେ !#ଗାଡ଼େ ୧୧୮:୨୨–୨୩
43ଏଦାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜି ମି ତାୱାଟି ୱେଚାନ୍ ଅୱାଆନେ, ଅଟେ ଇମ୍ୱିନ୍ ଜାତି ଏମ୍ୱାତି କାଉ ଆଗି କିଅନ୍ ମୁନେରି, ଏୱାରିକି ହିୱା ଆନେ । 44ଆଟେ ଏମ୍ୱେନାଞ୍ଜି ଇ ୱାଲ୍ଲି କୁଃଏଟି ସ୍ରୁନେଞ୍ଜି, ଏୱାଞ୍ଜି କାଣ୍ଡା କାଣ୍ଡା ଆନେଞ୍ଜି, ଆଟେ ଇ ୱାଲ୍ଲି ଇନ୍ଦାର୍ କୁଃଏଟି ସ୍ରୁନେ, ଏୱାଞ୍ଜିକି ଏଦି ସପଙ୍ଗ୍ କିନେ ।
45ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ତା ଇ ହାବେତ୍ ତୁକାଙ୍ଗାତା ୱେଞ୍ଜାନ୍, ଏୱାଞ୍ଜି ମା କୁଲାଟି ୱେସ୍ପିନ୍ନେଞ୍ଜି ଇଞ୍ଜାନ୍ ପୁଚ୍ଚେରି ।
46ଆଟେ ଏୱାରି ଜିସୁନିକି ଆହ୍ପନ୍ ବାଗା ସେସ୍ଟା କିତେରି, ମତ୍ର ଦାଲ୍ଲାନିକି ଆଜ୍ଜେଚ୍ଚେରି, ଇନାକି ଦାଲ୍ଲା ଏୱାଞ୍ଜିକି ବାବବାଦି ଇଞ୍ଜାନ୍ ମାନି ଆଇଚ୍ଚେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0