ମାତିଉ 20
20
ଅଙ୍ଗୁର ପାଙ୍ଗାତାୱା କାମା କିନ୍ନି ଦାଲ୍ଲାତି ତୁକାଙ୍ଗାତା
1ଇନାକି ସର୍ଗ ରାଜି ଇହିଙ୍ଗିସି ରଃଅଞ୍ଜି ଇଡ୍ଡୁତି ଗାମିନାଞ୍ଜି ଲାକ୍କାଟି, ଏମ୍ୱେନାଞ୍ଜିକି ଡାଃଏସ୍ ଆଅନେଃଏ ତା ଅଙ୍ଗୁର ପାଙ୍ଗାତାୱା କୁଲିଗାଟାରିକି କାମା କିୱି କିଅନ୍ ବାଗାଟି ହଚାନାହି ହାଚ୍ଚେଞ୍ଜି । 2ଆଟେ ଏୱାଞ୍ଜି କୁଲିମୁଲଗାଟାର୍ ଡ଼ାହି ରନେସ୍ତିକି ରଣ୍ଡା ରୁପା ଟାକ୍କା ହିଆ ଇଞ୍ଜାନ୍ ଏୱାରିକି ତା ଅଙ୍ଗୁର ପାଙ୍ଗାଇନ୍ଦା ପାଣ୍ଡିତେଞ୍ଜି । 3ଆଟେ ବାଇକ୍ ନଟା ତୁକାତାୱା ଏୱାଞ୍ଜି ହଚାନ୍ ହାଜ୍ଜାନାହି ହାଟ୍ଟୁତାୱା ବିହି ଦାଲ୍ଲାନିକି କାମା କିଃଏଟେଃଏ ଡିଡ୍ଡାନ୍ ମାନ୍ନାଦାଃଆ ହୁଡ଼ାନ୍ ଏୱାରିକି ୱାଡ଼େ ୱେସ୍ତେଞ୍ଜି, 4“ମିରୁ ୱାଡ଼େ ଅଙ୍ଗୁର ପାଙ୍ଗାଇନ୍ଦା ହାଜ୍ଜୁ, ଆଟେ ଏଚ୍ଚେ ପାଁନ୍ବନ୍ ବାଗା ମାନ୍ନେ, ମିଙ୍ଗେ ଏଚେ ହିଆ” ଆଟେ ଏୱାରି ହାଚ୍ଚେରି । 5ଆଟେ ୱାଡ଼େ ଏୱାଞ୍ଜି ବାଇକ୍ ବାରଟା ଅଟେ ତିନିଟା ତୁକାତାୱା ହଚାନ୍ ହାଜ୍ଜାନାହି ଏଚିଲାକ୍କା ଦାଲ୍ଲାନିକି ହୁଡ଼ାନ୍ ୱେସ୍ତେଞ୍ଜି । 6ଆଟେ ବାଇକ୍ ପାଞ୍ଚଟା ତୁକାତାୱା ଏୱାଞ୍ଜି ହଚାନ୍ ହାଜ୍ଜାନାହି ଆଟେ ଏଚ୍ଚେ ଦାଲ୍ଲାନିକି ଡିଡ୍ଡାନ୍ ମାନ୍ନାଦାଃଆ ହୁଡ଼ାନ୍ ଏୱାରିକି ୱେଚ୍ଚେଞ୍ଜି, ମିରୁ ଇନାକିଅନ୍ ଇଦିମ୍ୱା କାମା କିଃଏଟେଃଏ ର କାର୍ରାତ୍ ଡିଡ୍ଡାନ୍ ମାଞ୍ଜେରି ? 7ଏୱାରି ଏୱାଞ୍ଜିକି ୱେସ୍ତେରି, ଇନାକି ଏମ୍ୱେ ମାଙ୍ଗେ କାମା ହିଆହେଲ୍ଲାଦାଃଏରି । ଏୱାଞ୍ଜି ଏୱାରିକି ୱେସ୍ତେଞ୍ଜି, ମିରୁ ୱାଡ଼େ ଅଙ୍ଗୁର ପାଙ୍ଗାଇନ୍ଦା ହାଜ୍ଜୁ ଅଟେ କାମା କିଦୁ ।
8ଏଚ୍ଚିକିଃଆ ମିଡ୍ଡଡ଼୍ ଆତେ, ଅଙ୍ଗୁରପାଙ୍ଗାତି ସକାର ତା ଗୁମୁସ୍ତାନିକି ୱେସ୍ତେଞ୍ଜି, କୁଲିଗାଟାରିକି ଆର୍ଚାନ୍ ଡେଗ୍ଗା ୱାନ୍ନି ଦାଲ୍ଲାତାୱାଟି ମ୍ରାସାନ୍ କାହେ ୱାନ୍ନି ଦାଲ୍ଲା ଟିକ୍ନା କୁଲିମୁଲ ହିମୁ । 9ଏମ୍ୱାଟି ଏମ୍ୱେନାରି ବାଇକ୍ ପାଞ୍ଚଟା ତୁକାତାୱା କାମା କିଅନ୍ ହାଜ୍ଜାଚ୍ଚେରି, ଏୱାରି ରଣ୍ଡା ଲାକ୍କା ରୁପା ଟାକ୍କା କୁଲିମୁଲ ପାଟେରି । 10ଆଟେ କାହେ କାମା ହାଜ୍ଜାନ୍ନି କୁଲିଗାଟାରି ଏଗେଲ୍ ପାଁନାମୁ ଇଞ୍ଜାନ୍ ଏଲୁ କିଚ୍ଚେରି; ମତ୍ର ଏୱାରି ୱାଡ଼େ ରଣ୍ଡା ଲାକ୍କାଟେଃଏ ରୁପା ଟାକ୍କା ର ଦିନାତି କୁଲିମୁଲ ପାଟେରି । 11ମତ୍ର ଏୱା ପାଁଣ୍ଡାନ୍ ଏୱାରି ଅଙ୍ଗୁର ପାଙ୍ଗାତି ସକାର ବିରୁଦିଟିଆଟି କାତା କିଅନ୍ ମ୍ରାସ୍ତେରି, 12ଇ ଡେଗ୍ଗା ୱାନ୍ନି ଦାଲ୍ଲା ୱାର୍ରି ର ଗଣ୍ଟା କାମା କିତେରି, ମତ୍ର ମାମୁ ର କାର୍ରାତାୱା ମା ଗାଣ୍ଡି ୱେୱି କିଆନ୍ କାମା କିତାମୁ ଆତେସ୍ୱାଡ଼େ ନିନୁ ଏୱାର୍ ସମାନ୍ ହିଆତି ।
13ମତ୍ର ଏୱାଞ୍ଜି ଏୱାରି ତାୱାଟି ରଃଅଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ଆମ୍ବେସ୍ତି ନିଙ୍ଗେ ନାନୁ ଅନିୟେ କିଆହେଲ୍ଲାଦାଃଏନୁ; ନିନୁ ଇନ୍ନା ନା ଡ଼ାହି ରଣ୍ଡା ରୁପା ଟାକ୍କା କୁଲିମୁଲ ବାଗାଟି ଚୁକ୍ତି କିଆହେଃଲ୍ଲାତି ? 14ନିନୁ ଏଚ୍ଚେ ଟାକ୍କା ପାଁନ୍ବନ୍ ମାନ୍ନେ, ଏଚେ ଆହାନ୍ ହାଲ୍ମୁ, ମତ୍ର ଇ ଡେଗ୍ଗାତ୍ କୁଲିଗାଟାଞ୍ଜିକି ୱାଡ଼େ ନି ଲାକ୍କା ହିଅନ୍ ବାଗାଟି ନା ଇଚ୍ଚା । 15ନାନୁ ନା ଦନ ନା ଇଚ୍ଚାଟି ବେବାର୍ କିଅନ୍ ବାଗାଟି ଇନ୍ନା ନା ହକତ୍ ହେଃଲ୍ଲେମା ? ନାନୁ ରଃଅଞ୍ଜିକି ପାପୁଅଲ୍ଚାନ୍ ନେହି କାମା କିତେସି ନିନୁ ଇନାକିଅନ୍ ହେଃଏସ୍ ଆଇଞ୍ଜି ? 16#ମାତି ୧୯:୩୦; ମାର୍କ ୧୦:୩୧; ଲୁକ ୧୩:୩୦“ଏଚିଲାକ୍କା ଡେଗ୍ଗା ମାନ୍ନି ଦାଲ୍ଲା କାହେ ଆନେରି ଅଟେ କାହେ ମାନ୍ନି ଦାଲ୍ଲା ଡେଗ୍ଗା ଆନେରି ।”
ଜିସୁ ତା ହାଅନ୍ତି କୁଲାଟି ମୁଅଲି ୱେସ୍ପନି
(ମାର୍କ ୧୦:୩୨–୩୪; ଲୁକ ୧୮:୩୧–୩୪)
17ଜିସୁ ଜିରୁସାଲମଇନ୍ଦା ହାଲ୍ବନ୍ ବାଗାଟି ହାମ୍ୱେର୍ ଆଇଚ୍ଚି ତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚାନ୍ ପାହେର୍ତାୱା ଏୱାରିକି ୱେସ୍ତେଞ୍ଜି, 18“ୱେଞ୍ଜୁ, ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି ଆଟେ ଏୱାରି ତାଙ୍ଗେ ହାଅନ୍ତି ଦଣ୍ଡ ପାଁନ୍ବନ୍ତି ଦୁସ ହିନେରି, 19ଏମ୍ୱାଟି ତାଙ୍ଗେ ଗେରୁ କିନେରି, ହାପ୍କାନଡ଼ ଡ଼ାହି ଚାହ୍ନେରି ଅଟେ କ୍ରୁସତାୱା ଏକ୍ଚାନ୍ ପାଗନ୍ ବାଗାଟି ଅନଜିହୁଦିଙ୍ଗ୍ କାଜ୍ଜୁତାୱା ସର୍ପି କିନେରି, ଆଟେ ମୁ ଦିନାଟି ଏୱାଞ୍ଜି ନିଙ୍ଗିନେଞ୍ଜି ।”
ଇୟାତି ଜିଗନ୍
(ମାର୍କ ୧୦:୩୫–୪୫)
20ଏମ୍ୱାଟି ଜେବଦିତି କୁଆଲୁ ତା ମ୍ରିକାନିକି ଆହାନ୍ ଜିସୁ ଟାକ୍କେ ୱାନ୍ ମେଣ୍ଡାଙ୍ଗୁତାନ୍ ଜୁହାରି କିଆନ୍ ୱେସ୍ତେ, ମାଙ୍ଗେ ଅନୁଗ୍ରହ କିଆମୁ । 21ଏମ୍ୱାଟି ଜିସୁ ଏଦାଡ଼ିକି ୱେଚ୍ଚେଞ୍ଜି, “ନିନୁ ଇନ୍ନା ମନ କିଞ୍ଜି ?” ଏଦି ଏୱାଞ୍ଜିକି ୱେସ୍ତେ, “ନି ରାଜିତାୱା ଇନିସ୍ ନା ରିଃଆରି ମ୍ରିକାଟିଆଟି ରଃଅଞ୍ଜି ନି ତିନ୍ନି ଇନ୍ଦେଟ୍ ଆଟେ ରଃଅଞ୍ଜି ଗିଃଇ ଇନ୍ଦେଟ୍ କକ୍ନେରି, ଇଦା ଆଦେସ୍ କିମୁ ।” 22ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱ୍ରିହ୍ପିଞ୍ଜାଦେରି ଏଦା ପୁଞ୍ଜେହେଃଲ୍ଲେରି । ନାନୁ ଇମ୍ୱିନ୍ ଗିନ୍ନାତାୱା#୨୦:୨୨ ଗିନ୍ନା ଇଚ୍ଚେସି ଜିସୁତି ଦୁଃକ ଅଟେ ବିହାନପୁତିଦି ବୁଜ୍ଜେ କିନ୍ନେ । ଉନ୍ବନ୍ ବାଗାଟି ହାଜ୍ଜିମାଃଇ, ଏ ଗିନ୍ନାତାୱା ଇନ୍ନା ମିରୁ ଉନ୍ବନ୍ ମୁଦେରି ?” 23ଏୱାରି ଏୱାଞ୍ଜିକି ୱେସ୍ତେରି, “ମାମୁ ମୁନାମୁ ।” ଏୱାଞ୍ଜି ଏୱାରିକି ୱେସ୍ତେଞ୍ଜି, ମିରୁ ନିଜ୍ଜାନେଃଏ ନା ଗିନ୍ନାତାୱା ଉନ୍ବନ୍ ମୁଦେରି, ମତ୍ର ନା ତିନ୍ନି ଇନ୍ଦେଟ୍ ଅଟେ ଗିଃଇ ଇନ୍ଦେଟ୍ କକ୍କି କିଅନ୍ ବାଗା ନା ହକତ୍ ହେଃଲ୍ଲେ, ମତ୍ର ଇନ୍ଦାର୍ ବାଗାଟି ନା ଆବା ଗର୍ରି ହାମ୍ୱେର୍ କିଆନ୍ନେଞ୍ଜି, ଏୱାରି କକ୍ନେରି । 24ଆଟେ ବିହି ଦାସା ଜାଡ଼ା ଗ୍ରାମ୍ୱାଗାଟାର୍ ଇଦା ୱେଞ୍ଜାନ୍ ଏ ତାଜ୍ଜି ରିଃଆରିକି ରାଗା ଆତେରି । 25#ଲୁକ ୨୨:୨୫,୨୬ମତ୍ର ଜିସୁ ଗ୍ରାମ୍ବାଗାଟାରିକି ଆର୍ଚାନ୍ ୱେସ୍ତେଞ୍ଜି, ଅନଜିହୁଦିଙ୍ଗ୍ ଆକୁଡ଼୍ କିଅନ୍ତାରି ଦାଲ୍ଲା ତାୱା ତା ବଲ ବେବାର୍ କିନ୍ନେରି ଅଟେ ଏୱାର୍ତି ଗାମିନ୍ ଦାଲ୍ଲା ବିହି ଦାଲ୍ଲା କୁଃଏଟି ଏୱାର୍ତି ହକତ୍ କିନ୍ନେରି, ଇଦା ମିରୁ ପୁଞ୍ଜାଞ୍ଜେରି । 26#ମାତି ୨୩:୧୧; ମାର୍କ ୯:୩୫; ଲୁକ ୨୨:୨୬ମି ତାୱା ଏଚିଲାକ୍କାଟି ଆଃଏ, ମତ୍ର ମି ତାୱା ଏମ୍ୱେନାଞ୍ଜି ବେର୍ରାନାଞ୍ଜି ଆଅନି ଇଚ୍ଚା କିନ୍ନେଞ୍ଜି, ଏୱାଞ୍ଜି ମି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି, 27ଆଟେ ଏମ୍ୱେନାଞ୍ଜି ବେର୍ରାନାଞ୍ଜି ଆଅନ୍ ଇଚ୍ଚା କିନ୍ନେଞ୍ଜି, ଏୱାଞ୍ଜି ମି କାମ୍ବାରେଏଞ୍ଜି ଆପାକାଞ୍ଜି, 28ଇନିମିଡି କୁଏଞ୍ଜ୍ ମ୍ରିଃଏଞ୍ଜି ଆଙ୍ଗୁଲ୍ ପାଁନ୍ବନ୍ ବାଗା ୱାହେଃଲ୍ଲେଞ୍ଜି, ମତ୍ର ଆଙ୍ଗୁଲ୍ ଆଅନ୍ ବାଗା ଅଟେ ଏଗେଲ୍ ଦାଲ୍ଲା ବାଗା କୁଲ୍ପାତି ମୁଲ ଡେହେଙ୍ଗ୍ ପରନ୍ ହିଅନ୍ ବାଗା ୱାନ୍ନେଞ୍ଜି ।
ଜିସୁ ରିଃଆରି କାଡ଼ାଙ୍ଗ୍ଗାଟାରିକି ହୁଡ଼ନ୍ତି ବଲ ହିଅନି
(ମାର୍କ ୧୦:୪୬–୫୨; ଲୁକ ୧୮:୩୫–୪୩)
29ଏୱାରି ଜିରିହ ଗାଡ଼ାନାଜୁଟିଆଟି ହଚାନ୍ ହାଜ୍ଜିନ୍ନି ତୁକାତାୱା ଏଗେଲ୍ ଦାଲ୍ଲା ତା ବେତ ବେତଟ୍ ହାଚ୍ଚେରି । 30ଆଟେ ହୁଡ଼ାଟୁ, ପାହେର୍ ରେଃଏସ୍ ରିଃଆରି କାଡ଼ାଙ୍ଗ୍ଗାଟାରି ମାଚ୍ଚେରି, ଆଟେ ଜିସୁ ଏ ପାହେର୍ ହିଆନ୍ ହାଜ୍ଜିନ୍ନେଞ୍ଜି ଇଞ୍ଜାନ୍ ୱେଚ୍ଚେରି ଏମ୍ୱାଟି ବେର୍ ଉକୁଡ଼୍ଟିଆଟି ୱେସ୍ତେରି, “ଏ ଦାର୍ମୁ, ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 31ମତ୍ର ଦାଲ୍ଲା ହାବେ ଏୱାରିକି ଡାମ୍ନା ମାନ୍ବନ୍ ବାଗାଟି ଆସ୍ପି କିତେରି, ଆତେସ୍ୱାଡ଼େ ଏୱାରି ଆଟେ ଏଗେଲ୍ ଗଜେଲ୍ ଆନ୍ ଆର୍ପନ୍ ମ୍ରାସ୍ତେରି, “ଏ ଦାର୍ମୁ, ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 32ଏମ୍ୱାଟି ଜିସୁ ଡିଡ୍ଡାନାହି ଏୱାରିକି ଆର୍ଚାନ୍ ୱେଚ୍ଚେଞ୍ଜି, “ନାନୁ ମି ବାଗାଟି ଇନ୍ନା କିଃଇ ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?” 33ଏୱାରି ଜିସୁନିକି ୱେସ୍ତେରି, “ଏ ଦାର୍ମୁ, ଇନିମିଡି ମାମୁ ମା କାଡ଼୍କାଟି ହୁଡ଼ନ୍ ମୁନାମୁ ।” 34ଆଟେ ଜିସୁ ଏୱାରକି ପାପୁଅଲ୍ଚାନ୍ ଏୱାର୍ତି କାଡ଼୍କା ଡିଗିତେଞ୍ଜି ଆଟେ ଏଚିୱାଡ଼େ ଏୱାରି ହୁଡ଼ନ୍ ମୁତେରି ଆଟେ ଏୱାଞ୍ଜ୍ତି ବେତଟ୍ ହାଲ୍ବନ୍ ମ୍ରାସ୍ତେରି ।
Právě zvoleno:
ମାତିଉ 20: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 20
20
ଅଙ୍ଗୁର ପାଙ୍ଗାତାୱା କାମା କିନ୍ନି ଦାଲ୍ଲାତି ତୁକାଙ୍ଗାତା
1ଇନାକି ସର୍ଗ ରାଜି ଇହିଙ୍ଗିସି ରଃଅଞ୍ଜି ଇଡ୍ଡୁତି ଗାମିନାଞ୍ଜି ଲାକ୍କାଟି, ଏମ୍ୱେନାଞ୍ଜିକି ଡାଃଏସ୍ ଆଅନେଃଏ ତା ଅଙ୍ଗୁର ପାଙ୍ଗାତାୱା କୁଲିଗାଟାରିକି କାମା କିୱି କିଅନ୍ ବାଗାଟି ହଚାନାହି ହାଚ୍ଚେଞ୍ଜି । 2ଆଟେ ଏୱାଞ୍ଜି କୁଲିମୁଲଗାଟାର୍ ଡ଼ାହି ରନେସ୍ତିକି ରଣ୍ଡା ରୁପା ଟାକ୍କା ହିଆ ଇଞ୍ଜାନ୍ ଏୱାରିକି ତା ଅଙ୍ଗୁର ପାଙ୍ଗାଇନ୍ଦା ପାଣ୍ଡିତେଞ୍ଜି । 3ଆଟେ ବାଇକ୍ ନଟା ତୁକାତାୱା ଏୱାଞ୍ଜି ହଚାନ୍ ହାଜ୍ଜାନାହି ହାଟ୍ଟୁତାୱା ବିହି ଦାଲ୍ଲାନିକି କାମା କିଃଏଟେଃଏ ଡିଡ୍ଡାନ୍ ମାନ୍ନାଦାଃଆ ହୁଡ଼ାନ୍ ଏୱାରିକି ୱାଡ଼େ ୱେସ୍ତେଞ୍ଜି, 4“ମିରୁ ୱାଡ଼େ ଅଙ୍ଗୁର ପାଙ୍ଗାଇନ୍ଦା ହାଜ୍ଜୁ, ଆଟେ ଏଚ୍ଚେ ପାଁନ୍ବନ୍ ବାଗା ମାନ୍ନେ, ମିଙ୍ଗେ ଏଚେ ହିଆ” ଆଟେ ଏୱାରି ହାଚ୍ଚେରି । 5ଆଟେ ୱାଡ଼େ ଏୱାଞ୍ଜି ବାଇକ୍ ବାରଟା ଅଟେ ତିନିଟା ତୁକାତାୱା ହଚାନ୍ ହାଜ୍ଜାନାହି ଏଚିଲାକ୍କା ଦାଲ୍ଲାନିକି ହୁଡ଼ାନ୍ ୱେସ୍ତେଞ୍ଜି । 6ଆଟେ ବାଇକ୍ ପାଞ୍ଚଟା ତୁକାତାୱା ଏୱାଞ୍ଜି ହଚାନ୍ ହାଜ୍ଜାନାହି ଆଟେ ଏଚ୍ଚେ ଦାଲ୍ଲାନିକି ଡିଡ୍ଡାନ୍ ମାନ୍ନାଦାଃଆ ହୁଡ଼ାନ୍ ଏୱାରିକି ୱେଚ୍ଚେଞ୍ଜି, ମିରୁ ଇନାକିଅନ୍ ଇଦିମ୍ୱା କାମା କିଃଏଟେଃଏ ର କାର୍ରାତ୍ ଡିଡ୍ଡାନ୍ ମାଞ୍ଜେରି ? 7ଏୱାରି ଏୱାଞ୍ଜିକି ୱେସ୍ତେରି, ଇନାକି ଏମ୍ୱେ ମାଙ୍ଗେ କାମା ହିଆହେଲ୍ଲାଦାଃଏରି । ଏୱାଞ୍ଜି ଏୱାରିକି ୱେସ୍ତେଞ୍ଜି, ମିରୁ ୱାଡ଼େ ଅଙ୍ଗୁର ପାଙ୍ଗାଇନ୍ଦା ହାଜ୍ଜୁ ଅଟେ କାମା କିଦୁ ।
8ଏଚ୍ଚିକିଃଆ ମିଡ୍ଡଡ଼୍ ଆତେ, ଅଙ୍ଗୁରପାଙ୍ଗାତି ସକାର ତା ଗୁମୁସ୍ତାନିକି ୱେସ୍ତେଞ୍ଜି, କୁଲିଗାଟାରିକି ଆର୍ଚାନ୍ ଡେଗ୍ଗା ୱାନ୍ନି ଦାଲ୍ଲାତାୱାଟି ମ୍ରାସାନ୍ କାହେ ୱାନ୍ନି ଦାଲ୍ଲା ଟିକ୍ନା କୁଲିମୁଲ ହିମୁ । 9ଏମ୍ୱାଟି ଏମ୍ୱେନାରି ବାଇକ୍ ପାଞ୍ଚଟା ତୁକାତାୱା କାମା କିଅନ୍ ହାଜ୍ଜାଚ୍ଚେରି, ଏୱାରି ରଣ୍ଡା ଲାକ୍କା ରୁପା ଟାକ୍କା କୁଲିମୁଲ ପାଟେରି । 10ଆଟେ କାହେ କାମା ହାଜ୍ଜାନ୍ନି କୁଲିଗାଟାରି ଏଗେଲ୍ ପାଁନାମୁ ଇଞ୍ଜାନ୍ ଏଲୁ କିଚ୍ଚେରି; ମତ୍ର ଏୱାରି ୱାଡ଼େ ରଣ୍ଡା ଲାକ୍କାଟେଃଏ ରୁପା ଟାକ୍କା ର ଦିନାତି କୁଲିମୁଲ ପାଟେରି । 11ମତ୍ର ଏୱା ପାଁଣ୍ଡାନ୍ ଏୱାରି ଅଙ୍ଗୁର ପାଙ୍ଗାତି ସକାର ବିରୁଦିଟିଆଟି କାତା କିଅନ୍ ମ୍ରାସ୍ତେରି, 12ଇ ଡେଗ୍ଗା ୱାନ୍ନି ଦାଲ୍ଲା ୱାର୍ରି ର ଗଣ୍ଟା କାମା କିତେରି, ମତ୍ର ମାମୁ ର କାର୍ରାତାୱା ମା ଗାଣ୍ଡି ୱେୱି କିଆନ୍ କାମା କିତାମୁ ଆତେସ୍ୱାଡ଼େ ନିନୁ ଏୱାର୍ ସମାନ୍ ହିଆତି ।
13ମତ୍ର ଏୱାଞ୍ଜି ଏୱାରି ତାୱାଟି ରଃଅଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ଆମ୍ବେସ୍ତି ନିଙ୍ଗେ ନାନୁ ଅନିୟେ କିଆହେଲ୍ଲାଦାଃଏନୁ; ନିନୁ ଇନ୍ନା ନା ଡ଼ାହି ରଣ୍ଡା ରୁପା ଟାକ୍କା କୁଲିମୁଲ ବାଗାଟି ଚୁକ୍ତି କିଆହେଃଲ୍ଲାତି ? 14ନିନୁ ଏଚ୍ଚେ ଟାକ୍କା ପାଁନ୍ବନ୍ ମାନ୍ନେ, ଏଚେ ଆହାନ୍ ହାଲ୍ମୁ, ମତ୍ର ଇ ଡେଗ୍ଗାତ୍ କୁଲିଗାଟାଞ୍ଜିକି ୱାଡ଼େ ନି ଲାକ୍କା ହିଅନ୍ ବାଗାଟି ନା ଇଚ୍ଚା । 15ନାନୁ ନା ଦନ ନା ଇଚ୍ଚାଟି ବେବାର୍ କିଅନ୍ ବାଗାଟି ଇନ୍ନା ନା ହକତ୍ ହେଃଲ୍ଲେମା ? ନାନୁ ରଃଅଞ୍ଜିକି ପାପୁଅଲ୍ଚାନ୍ ନେହି କାମା କିତେସି ନିନୁ ଇନାକିଅନ୍ ହେଃଏସ୍ ଆଇଞ୍ଜି ? 16#ମାତି ୧୯:୩୦; ମାର୍କ ୧୦:୩୧; ଲୁକ ୧୩:୩୦“ଏଚିଲାକ୍କା ଡେଗ୍ଗା ମାନ୍ନି ଦାଲ୍ଲା କାହେ ଆନେରି ଅଟେ କାହେ ମାନ୍ନି ଦାଲ୍ଲା ଡେଗ୍ଗା ଆନେରି ।”
ଜିସୁ ତା ହାଅନ୍ତି କୁଲାଟି ମୁଅଲି ୱେସ୍ପନି
(ମାର୍କ ୧୦:୩୨–୩୪; ଲୁକ ୧୮:୩୧–୩୪)
17ଜିସୁ ଜିରୁସାଲମଇନ୍ଦା ହାଲ୍ବନ୍ ବାଗାଟି ହାମ୍ୱେର୍ ଆଇଚ୍ଚି ତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚାନ୍ ପାହେର୍ତାୱା ଏୱାରିକି ୱେସ୍ତେଞ୍ଜି, 18“ୱେଞ୍ଜୁ, ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି ଆଟେ ଏୱାରି ତାଙ୍ଗେ ହାଅନ୍ତି ଦଣ୍ଡ ପାଁନ୍ବନ୍ତି ଦୁସ ହିନେରି, 19ଏମ୍ୱାଟି ତାଙ୍ଗେ ଗେରୁ କିନେରି, ହାପ୍କାନଡ଼ ଡ଼ାହି ଚାହ୍ନେରି ଅଟେ କ୍ରୁସତାୱା ଏକ୍ଚାନ୍ ପାଗନ୍ ବାଗାଟି ଅନଜିହୁଦିଙ୍ଗ୍ କାଜ୍ଜୁତାୱା ସର୍ପି କିନେରି, ଆଟେ ମୁ ଦିନାଟି ଏୱାଞ୍ଜି ନିଙ୍ଗିନେଞ୍ଜି ।”
ଇୟାତି ଜିଗନ୍
(ମାର୍କ ୧୦:୩୫–୪୫)
20ଏମ୍ୱାଟି ଜେବଦିତି କୁଆଲୁ ତା ମ୍ରିକାନିକି ଆହାନ୍ ଜିସୁ ଟାକ୍କେ ୱାନ୍ ମେଣ୍ଡାଙ୍ଗୁତାନ୍ ଜୁହାରି କିଆନ୍ ୱେସ୍ତେ, ମାଙ୍ଗେ ଅନୁଗ୍ରହ କିଆମୁ । 21ଏମ୍ୱାଟି ଜିସୁ ଏଦାଡ଼ିକି ୱେଚ୍ଚେଞ୍ଜି, “ନିନୁ ଇନ୍ନା ମନ କିଞ୍ଜି ?” ଏଦି ଏୱାଞ୍ଜିକି ୱେସ୍ତେ, “ନି ରାଜିତାୱା ଇନିସ୍ ନା ରିଃଆରି ମ୍ରିକାଟିଆଟି ରଃଅଞ୍ଜି ନି ତିନ୍ନି ଇନ୍ଦେଟ୍ ଆଟେ ରଃଅଞ୍ଜି ଗିଃଇ ଇନ୍ଦେଟ୍ କକ୍ନେରି, ଇଦା ଆଦେସ୍ କିମୁ ।” 22ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱ୍ରିହ୍ପିଞ୍ଜାଦେରି ଏଦା ପୁଞ୍ଜେହେଃଲ୍ଲେରି । ନାନୁ ଇମ୍ୱିନ୍ ଗିନ୍ନାତାୱା#୨୦:୨୨ ଗିନ୍ନା ଇଚ୍ଚେସି ଜିସୁତି ଦୁଃକ ଅଟେ ବିହାନପୁତିଦି ବୁଜ୍ଜେ କିନ୍ନେ । ଉନ୍ବନ୍ ବାଗାଟି ହାଜ୍ଜିମାଃଇ, ଏ ଗିନ୍ନାତାୱା ଇନ୍ନା ମିରୁ ଉନ୍ବନ୍ ମୁଦେରି ?” 23ଏୱାରି ଏୱାଞ୍ଜିକି ୱେସ୍ତେରି, “ମାମୁ ମୁନାମୁ ।” ଏୱାଞ୍ଜି ଏୱାରିକି ୱେସ୍ତେଞ୍ଜି, ମିରୁ ନିଜ୍ଜାନେଃଏ ନା ଗିନ୍ନାତାୱା ଉନ୍ବନ୍ ମୁଦେରି, ମତ୍ର ନା ତିନ୍ନି ଇନ୍ଦେଟ୍ ଅଟେ ଗିଃଇ ଇନ୍ଦେଟ୍ କକ୍କି କିଅନ୍ ବାଗା ନା ହକତ୍ ହେଃଲ୍ଲେ, ମତ୍ର ଇନ୍ଦାର୍ ବାଗାଟି ନା ଆବା ଗର୍ରି ହାମ୍ୱେର୍ କିଆନ୍ନେଞ୍ଜି, ଏୱାରି କକ୍ନେରି । 24ଆଟେ ବିହି ଦାସା ଜାଡ଼ା ଗ୍ରାମ୍ୱାଗାଟାର୍ ଇଦା ୱେଞ୍ଜାନ୍ ଏ ତାଜ୍ଜି ରିଃଆରିକି ରାଗା ଆତେରି । 25#ଲୁକ ୨୨:୨୫,୨୬ମତ୍ର ଜିସୁ ଗ୍ରାମ୍ବାଗାଟାରିକି ଆର୍ଚାନ୍ ୱେସ୍ତେଞ୍ଜି, ଅନଜିହୁଦିଙ୍ଗ୍ ଆକୁଡ଼୍ କିଅନ୍ତାରି ଦାଲ୍ଲା ତାୱା ତା ବଲ ବେବାର୍ କିନ୍ନେରି ଅଟେ ଏୱାର୍ତି ଗାମିନ୍ ଦାଲ୍ଲା ବିହି ଦାଲ୍ଲା କୁଃଏଟି ଏୱାର୍ତି ହକତ୍ କିନ୍ନେରି, ଇଦା ମିରୁ ପୁଞ୍ଜାଞ୍ଜେରି । 26#ମାତି ୨୩:୧୧; ମାର୍କ ୯:୩୫; ଲୁକ ୨୨:୨୬ମି ତାୱା ଏଚିଲାକ୍କାଟି ଆଃଏ, ମତ୍ର ମି ତାୱା ଏମ୍ୱେନାଞ୍ଜି ବେର୍ରାନାଞ୍ଜି ଆଅନି ଇଚ୍ଚା କିନ୍ନେଞ୍ଜି, ଏୱାଞ୍ଜି ମି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି, 27ଆଟେ ଏମ୍ୱେନାଞ୍ଜି ବେର୍ରାନାଞ୍ଜି ଆଅନ୍ ଇଚ୍ଚା କିନ୍ନେଞ୍ଜି, ଏୱାଞ୍ଜି ମି କାମ୍ବାରେଏଞ୍ଜି ଆପାକାଞ୍ଜି, 28ଇନିମିଡି କୁଏଞ୍ଜ୍ ମ୍ରିଃଏଞ୍ଜି ଆଙ୍ଗୁଲ୍ ପାଁନ୍ବନ୍ ବାଗା ୱାହେଃଲ୍ଲେଞ୍ଜି, ମତ୍ର ଆଙ୍ଗୁଲ୍ ଆଅନ୍ ବାଗା ଅଟେ ଏଗେଲ୍ ଦାଲ୍ଲା ବାଗା କୁଲ୍ପାତି ମୁଲ ଡେହେଙ୍ଗ୍ ପରନ୍ ହିଅନ୍ ବାଗା ୱାନ୍ନେଞ୍ଜି ।
ଜିସୁ ରିଃଆରି କାଡ଼ାଙ୍ଗ୍ଗାଟାରିକି ହୁଡ଼ନ୍ତି ବଲ ହିଅନି
(ମାର୍କ ୧୦:୪୬–୫୨; ଲୁକ ୧୮:୩୫–୪୩)
29ଏୱାରି ଜିରିହ ଗାଡ଼ାନାଜୁଟିଆଟି ହଚାନ୍ ହାଜ୍ଜିନ୍ନି ତୁକାତାୱା ଏଗେଲ୍ ଦାଲ୍ଲା ତା ବେତ ବେତଟ୍ ହାଚ୍ଚେରି । 30ଆଟେ ହୁଡ଼ାଟୁ, ପାହେର୍ ରେଃଏସ୍ ରିଃଆରି କାଡ଼ାଙ୍ଗ୍ଗାଟାରି ମାଚ୍ଚେରି, ଆଟେ ଜିସୁ ଏ ପାହେର୍ ହିଆନ୍ ହାଜ୍ଜିନ୍ନେଞ୍ଜି ଇଞ୍ଜାନ୍ ୱେଚ୍ଚେରି ଏମ୍ୱାଟି ବେର୍ ଉକୁଡ଼୍ଟିଆଟି ୱେସ୍ତେରି, “ଏ ଦାର୍ମୁ, ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 31ମତ୍ର ଦାଲ୍ଲା ହାବେ ଏୱାରିକି ଡାମ୍ନା ମାନ୍ବନ୍ ବାଗାଟି ଆସ୍ପି କିତେରି, ଆତେସ୍ୱାଡ଼େ ଏୱାରି ଆଟେ ଏଗେଲ୍ ଗଜେଲ୍ ଆନ୍ ଆର୍ପନ୍ ମ୍ରାସ୍ତେରି, “ଏ ଦାର୍ମୁ, ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 32ଏମ୍ୱାଟି ଜିସୁ ଡିଡ୍ଡାନାହି ଏୱାରିକି ଆର୍ଚାନ୍ ୱେଚ୍ଚେଞ୍ଜି, “ନାନୁ ମି ବାଗାଟି ଇନ୍ନା କିଃଇ ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?” 33ଏୱାରି ଜିସୁନିକି ୱେସ୍ତେରି, “ଏ ଦାର୍ମୁ, ଇନିମିଡି ମାମୁ ମା କାଡ଼୍କାଟି ହୁଡ଼ନ୍ ମୁନାମୁ ।” 34ଆଟେ ଜିସୁ ଏୱାରକି ପାପୁଅଲ୍ଚାନ୍ ଏୱାର୍ତି କାଡ଼୍କା ଡିଗିତେଞ୍ଜି ଆଟେ ଏଚିୱାଡ଼େ ଏୱାରି ହୁଡ଼ନ୍ ମୁତେରି ଆଟେ ଏୱାଞ୍ଜ୍ତି ବେତଟ୍ ହାଲ୍ବନ୍ ମ୍ରାସ୍ତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0