ମାତିଉ 19
19
ୱିଅର୍କିଚ୍ଚନ୍ତି କୁଲାଟି ଜିସୁତି ଗ୍ରାପନ୍
(ମାର୍କ ୧୦:୧–୧୨)
1ଜିସୁ ଇ ହାବେତ୍ କାତା ୱିହି କିତାୱିଃଆଟି ଗାଲିଲି ରାଜିତାୱାଟି ହଚାନ୍ ହାଜ୍ଜାନାହି ଜର୍ଦ୍ଦନ ପେରେଏଜୁ ଗ୍ଡାଚାନ୍ ଜିହୁଦା ରାଜିତି ପାଲି ଏତେଞ୍ଜି । 2ଆଟେ ଏଗେଲ୍ ଦାଲ୍ଲା ତା ବେତେ ବେତଟ୍ ହାଚ୍ଚେରି, ଆଟେ ଏୱାଞ୍ଜି ଏଦିମ୍ୱା ଏୱାରିକି ନେହି କିତେଞ୍ଜି । 3ଏମ୍ୱାଟି ପାରୁସିଙ୍ଗ୍ ତା ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ୱେଚ୍ଚେରି, “ଇନ୍ନି ଦୁସତାୱା ୱାଡ଼େ ନିଜ କୁଆଲୁନିକି ତୁହ୍ପନ୍ ବାଗା ୱିଅର୍ କିଚ୍ଚନ୍ ହକତ୍ ମାନ୍ନେମା ?” 4ଏୱାଞ୍ଜି ୱେସ୍ତେଞ୍ଜି, “ମିରୁ ଇନ୍ନା ଦର୍ମପୁତିତାୱା ପଡ଼ି ଆହେଃଲ୍ଲେର୍ମା ? କ୍ଲେହନ୍ତାଞ୍ଜି କାହେଟେଃଏ କୁଇଙ୍ଗିକି ମ୍ଡେହେଞ୍ଜି ଅଟେ ଆଚାଲୁ କିଆନ୍ କ୍ଲେହିତେଞ୍ଜି , 5ଆଟେ ୱେସ୍ତେଞ୍ଜି, ଇଦାବାଗା ମ୍ଡେହେଞ୍ଜ୍ ଇୟାଆବାନିକି ପିହାନ୍ ତା କୁଆଲୁ ଡ଼ାହି ଆଡ୍ଡାନ୍ ବାସାଆନେଞ୍ଜି, ଆଟେ ଏୱାରି ରିଃଆରି ର ଗାଣ୍ଡି ଆନେରି । 6ଏଦାକି ଏୱାରି ଆଟେ ରିଃଆରି ଆଃଏରି, ମତ୍ର ର ଗାଣ୍ଡି ଆନେରି । ଆଟେ ୱାଡ଼େ, ମୁଲାପେନୁ ଇନ୍ଦାରିକି ପୁଟ୍ଚାନ୍ନେଞ୍ଜି, କୁଏଞ୍ଜି ଏଦା ଆଙ୍ଗେ କିଃଆକାଞ୍ଜି ।” 7#ମାତି ୫:୩୧ଏୱାରି ତାଙ୍ଗେ ୱେଚ୍ଚେରି, “ଆତେସି ମସା ଇନାକିଅନ୍ ୱିଅର୍କିଚ୍ଚନ୍ତି ଆକୁ ହିଆନ୍ କୁଆଲୁନିକି ତୁହ୍ପନ୍ ବାଗା ଆଦେସ୍ ହିତେଞ୍ଜି ?” 8ଜିସୁ ଏୱାରିକି ୱେସ୍ତେଞ୍ଜି, “ଇନାକି ମି ହିଟ୍ଟାଗାଟି ହଡାଙ୍ଗ୍ତି ଗର୍ବ ହୁଡ଼ାନ୍ ମସା ମିଙ୍ଗେ ମି ମି କୁଆସ୍କାନିକି ତୁହ୍ପନ୍ ବାଗା ୱିଅର୍ କିଚ୍ଚନ୍ ଅନୁମତି ହିଆତେଞ୍ଜି, ମତ୍ର କାହେ ଇହିଙ୍ଗିସି ହେଃଲ୍ଲାତେ । 9#ମାତି ୫:୩୨; ୧କ ୭:୧୦,୧୧ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ତା କୁଆଲୁନିକି ଦାରିକାମାତି ଦୁସ ପିହାନ୍ ବିହି ଦୁସ ବାଗାଟି ତୁହାନାହି ଆଟେ ରଣ୍ଡାଡ଼ିକି ବିବା ଆଇନ୍ନେଞ୍ଜି, ଇଚ୍ଚେସି ଏୱାଞ୍ଜି ଦାରି ଆଇନ୍ନେଞ୍ଜି ।” 10ଗ୍ରାମ୍ୱାଗାଟାରି ଜିସୁନିକି ୱେସ୍ତେରି, “ଜଦି କୁଏଞ୍ଜି ଅଟେ କୁଆଲୁ ଲାଃଇ ଇହିଙ୍ଗ୍ତି କାମା ବାସାଆଇନେ, ଏହେଙ୍ଗ୍ ଆତେସି ଏୱାରି ବିବା ଆଃଆତେସି ନେହି ଆନେ ।” 11ମତ୍ର ଜିସୁ ଏୱାରିକି ୱେସ୍ତେଞ୍ଜି, “ହାବେତାରି ଇ କାତା ଗ୍ରହନ କିଅନ୍ ମୁଃଏରି, ଇନ୍ଦାରିକି ମୁଲାପେନୁ ଇ କୁଲାଟି ଗ୍ରହନ କିଅନ୍ ବାଗା ବଲ ହିଆନ୍ନେଞ୍ଜି, ୱାର୍ରି ଏୱାରି ଗ୍ରହନ କିଅନ୍ ମୁନେରି । 12ଇନାକି ତୁଲ୍ଲେତାରି ଇୟା ଟୁଟୁତାୱାଟି ମାଇଚିଆ ଆନ୍ ପ୍ଲିଆନ୍ନେରି, ଆଟେ ତୁଲ୍ଲେତାରି କୁଇଙ୍ଗ୍ତାୱାଟି ମାଇଚିଆ କିୱା ଆନ୍ନେରି, ଆଟେ ତୁଲ୍ଲେତାରି ସର୍ଗ ରାଜି ବାଗାଟି ତା ଗାଣ୍ଡି ମାଇଚିଆ କିଆନ୍ନେରି । ଇମ୍ୱିନ୍ କୁଏଞ୍ଜି ଗ୍ରହନ କିଅନ୍ ମୁନେଞ୍ଜି, ଏୱାଞ୍ଜି ଗ୍ରହନ କିପାକାଞ୍ଜି ।”
ଜିସୁ ବଦାଙ୍ଗ୍ନିକି ମେଲା କିଅନି
(ମାର୍କ ୧୦:୧୩–୧୬; ଲୁକ ୧୮:୧୫–୧୭)
13ଏଚିତୁକାତାୱା ଜିସୁ ଇନିସ୍ ବଦାଙ୍ଗ୍ କୁଃଏଟି କାଜ୍ଜୁ ଇଟ୍ଟାନ୍ ପ୍ରାତ୍ନା କିନେଞ୍ଜି, ଏଦାବାଗା ଦାଲ୍ଲା ତା ରେଃଏସ୍ ତାଚ୍ଚିୱାତେରି । ମତ୍ର ତା ଗ୍ରାମ୍ୱାଗାଟାରି ତାପ୍ପିନ୍ନି ଦାଲ୍ଲାନିକି ଆସ୍ପି କିତେରି । 14ମତ୍ର ଜିସୁ ୱେସ୍ତେଞ୍ଜି, “ବଦାଙ୍ଗ୍ନିକି ପିହ୍ତାଟୁ, ଏୱାରିକି ନା ରେଃଏସ୍ ୱାଅନ୍ ବାଗା ଆଃଏ କିଃଆଟୁ, ଇନାକି ସର୍ଗ ରାଜି ଇହିଙ୍ଗ୍ତି ଦାଲ୍ଲାତାଦି ।” 15ଆଟେ ଏୱାଞ୍ଜି ଏୱାରି କୁଃଏଟି କାଜ୍ଜୁ କିଟ୍ଟାନ୍ ମେଲା କିତେଞ୍ଜି ଏମ୍ୱାଟି ଏୱାଞ୍ଜି ହାଚ୍ଚେଞ୍ଜି ।
ରଃଅଞ୍ଜି ଦନିଗାଟି ଲାୱେଞ୍ଜି
(ମାର୍କ ୧୦:୧୭–୩୧; ଲୁକ ୧୮:୧୮–୩୦)
16ଏମ୍ୱାଟି ରଃଅଞ୍ଜି କୁଏଞ୍ଜି ଜିସୁ ରେଃଏସ୍ ୱାନ୍ ୱେଚ୍ଚେଞ୍ଜି, “ଏ ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନି ନେହି କାମା କିଃଇ ?”
17ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିଗ୍ଗା କୁଲାଟି ନାଙ୍ଗେ ଇନାକିଅନ୍ ୱେଞ୍ଜିଞ୍ଜାଦି ? ନିଗ୍ଗା ୱାର୍ରି ରଃଅଞ୍ଜି ମାନ୍ନେଞ୍ଜି; ମତ୍ର ନିନୁ ଜଦି ଟାକ୍କିଡ଼ହ୍ନାତି ପରନ୍ତାୱା ହଲ୍ବନ୍ ବାଗା ଇଚ୍ଚା କିଞ୍ଜି, ଏହେଙ୍ଗ୍ ଆତେସି ହାବେତ୍ ଆଗ୍ୟାଁ ପାଲ୍ନି ଆମୁ ।”
18ଏୱାଞ୍ଜି ଜିସୁନିକି ୱେଚ୍ଚେଞ୍ଜି, “ଇନ୍ନି ଇନିମିଡିତି ଆଗ୍ୟାଁ ?”
ଜିସୁ ୱେସ୍ତେଞ୍ଜି, “କୁଇଙ୍ଗିଆ ପାଃଗାଟୁ, ଦାରି ଆଃଆଟୁ, ମ୍ଡାମି କିଃଆ, କଲ ସାକି ୱେଃସାଟୁ, 19ନି ଇୟାଆବାନିକି ସନ୍ମାନ୍ ହିମୁ, ଆଟେ ମି ହଡ଼୍ଗି ଦାଲ୍ଲାନିକି ନି ଗାଣ୍ଡି ଡେହେଙ୍ଗ୍ ଜେଡା କିମୁ ।”
20ଏ ଲାୱେଞ୍ଜି ତାଙ୍ଗେ ୱେସ୍ତେଞ୍ଜି, “ନାନୁ ଇୱାହାବେ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ, ଆଟେ ନାନୁ ଇନ୍ନା ପାଲ୍ନି ଆଅନ୍ ମାନ୍ନେ ?”
21ଜିସୁ ଏୱାଞ୍ଜିକି ୱେସ୍ତେଞ୍ଜି, “ଜଦି ନିନୁ ସିଦ୍ଦ ଆଅନ୍ ବାଗାଟି ଇଚ୍ଚା କିଞ୍ଜି, ଏହେଙ୍ଗ୍ ଆତେସି ହାଜ୍ଜାନାହି ନି ଦନ ହାବେ ପ୍ରାଚାନ୍, ପାଃନାନାରିନିକି ଟାକ୍କାଙ୍ଗ୍ ହିମୁ, ଆଟେ ନିନୁ ସର୍ଗ ରାଜିତି ଦନ ପାଁଣ୍ଡି; ଏମ୍ବାଟି ନିନୁ ନା ବେତଟ୍ ୱାମୁ ।”
22ମତ୍ର ଇ କାତା ୱେଞ୍ଜାନ୍ ଲାୱେଞ୍ଜି ଦୁଃକ ଆନାହି ହାଚ୍ଚେଞ୍ଜି, ଇନାକି ତା ଟାକ୍କେ ଏଗେଲ୍ ଦନ ମାଚ୍ଚେ ।
23ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଦନିଗାଟାଞ୍ଜି ଏଗେଲ୍ କସ୍ଟଟି ସର୍ଗ ରାଜିତାୱା ହଲ୍ନେଞ୍ଜି । 24ଆଟେ ୱାଡ଼େ ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜିତାୱା ଦନିଗାଟି କୁଏଞ୍ଜି ହଲ୍ବନ୍ ତାୱାଟି ନିମା ଉନାତାୱା ଉଟୁ ହଲ୍ବନ୍ ସହଜ ।”
25ଏଚ୍ଚିକିଃଆ ଗ୍ରାମ୍ୱାଗାଟାରି ଇଦା ୱେଚ୍ଚେରି, ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆନାହି ୱେସ୍ତେରି, “ଆତେସି ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?”
26ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ଇଦି କୁଇଙ୍ଗ୍ତାୱାଟି ଆଅନ୍ ମୁଃଏ, ମତ୍ର ମୁଲାପେନୁ ବାଗା ହାବେ ଆଅନ୍ ମୁନେ ।”
27ଏମ୍ୱାଟି ପିତର ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ହୁଡ଼ାମୁ, ମାମୁ ହାବେ ତୁହାନାହି ନି ବେତଟ୍ ୱାନ୍ନାମୁ; ଏହେଙ୍ଗ୍ ଆତେସି ମାମୁ ଇନ୍ନା ପାଁନାମୁ ?”
28 #
ମାତି ୨୫:୩୧;
ଲୁକ ୨୨:୩୦
ଜିସୁ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ପୁନି ପୁର୍ତିତାୱା ଏଚ୍ଚିକିଃଆ କୁଏଞ୍ଜି ମ୍ରିଃଏଞ୍ଜି ତା ମହିମାତି ଗାଦିତାୱା କକ୍ନେଞ୍ଜି, ମିରୁ ଏମ୍ୱେନାତେରି ନା ବେତଟ୍ ୱାଞ୍ଜେରି, ଏଚିତୁକାତାୱା ବାରାଗଟ୍ଟା ଗାଦିତାୱା କକ୍ଦେରି ଅଟେ ଇସ୍ରାଏଲତି ବାରାଗଟ୍ଟା ପୁଣ୍ଡିତିଦି ଆକୁଡ଼୍ କିଦେରି । 29ଆଟେ ଏମ୍ୱେନାଞ୍ଜି ନା ପାରୁ ବାଗାଟି ଇଡ୍ଡୁ କି ଆମ୍ୱେସ୍ କି ଆଙ୍ଗି କି ଆବା କି ଇୟା କି କୁଆଲୁ କି ବଦାଙ୍ଗ୍ କି ପାଙ୍ଗା ପିହ୍ପିନେଞ୍ଜି, ଏୱାଞ୍ଜି ସେଙ୍ଗୁଡ଼ି ଦୁଗୁଡ଼୍ ଏଗେଲ୍ ପାଁନେଞ୍ଜି, ଆଟେ ଟାକ୍କିଡ଼ହ୍ନାତି ପରନ୍ତି ହକତ୍ଗାଟାଞ୍ଜି ଆନେଞ୍ଜି ।
30 #
ମାତି ୨୦:୧୬; ଲୁକ ୧୩:୩୦ ମତ୍ର କାହେ ମାନ୍ନି ଗାପ୍ଚି ଦାଲ୍ଲା ଡେଗ୍ଗା ଆନେରି ଅଟେ ଡେଗ୍ଗା ମାନ୍ନି ଗାପ୍ଚି ଦାଲ୍ଲା ନକିନେରି ।
Právě zvoleno:
ମାତିଉ 19: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 19
19
ୱିଅର୍କିଚ୍ଚନ୍ତି କୁଲାଟି ଜିସୁତି ଗ୍ରାପନ୍
(ମାର୍କ ୧୦:୧–୧୨)
1ଜିସୁ ଇ ହାବେତ୍ କାତା ୱିହି କିତାୱିଃଆଟି ଗାଲିଲି ରାଜିତାୱାଟି ହଚାନ୍ ହାଜ୍ଜାନାହି ଜର୍ଦ୍ଦନ ପେରେଏଜୁ ଗ୍ଡାଚାନ୍ ଜିହୁଦା ରାଜିତି ପାଲି ଏତେଞ୍ଜି । 2ଆଟେ ଏଗେଲ୍ ଦାଲ୍ଲା ତା ବେତେ ବେତଟ୍ ହାଚ୍ଚେରି, ଆଟେ ଏୱାଞ୍ଜି ଏଦିମ୍ୱା ଏୱାରିକି ନେହି କିତେଞ୍ଜି । 3ଏମ୍ୱାଟି ପାରୁସିଙ୍ଗ୍ ତା ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ୱେଚ୍ଚେରି, “ଇନ୍ନି ଦୁସତାୱା ୱାଡ଼େ ନିଜ କୁଆଲୁନିକି ତୁହ୍ପନ୍ ବାଗା ୱିଅର୍ କିଚ୍ଚନ୍ ହକତ୍ ମାନ୍ନେମା ?” 4ଏୱାଞ୍ଜି ୱେସ୍ତେଞ୍ଜି, “ମିରୁ ଇନ୍ନା ଦର୍ମପୁତିତାୱା ପଡ଼ି ଆହେଃଲ୍ଲେର୍ମା ? କ୍ଲେହନ୍ତାଞ୍ଜି କାହେଟେଃଏ କୁଇଙ୍ଗିକି ମ୍ଡେହେଞ୍ଜି ଅଟେ ଆଚାଲୁ କିଆନ୍ କ୍ଲେହିତେଞ୍ଜି , 5ଆଟେ ୱେସ୍ତେଞ୍ଜି, ଇଦାବାଗା ମ୍ଡେହେଞ୍ଜ୍ ଇୟାଆବାନିକି ପିହାନ୍ ତା କୁଆଲୁ ଡ଼ାହି ଆଡ୍ଡାନ୍ ବାସାଆନେଞ୍ଜି, ଆଟେ ଏୱାରି ରିଃଆରି ର ଗାଣ୍ଡି ଆନେରି । 6ଏଦାକି ଏୱାରି ଆଟେ ରିଃଆରି ଆଃଏରି, ମତ୍ର ର ଗାଣ୍ଡି ଆନେରି । ଆଟେ ୱାଡ଼େ, ମୁଲାପେନୁ ଇନ୍ଦାରିକି ପୁଟ୍ଚାନ୍ନେଞ୍ଜି, କୁଏଞ୍ଜି ଏଦା ଆଙ୍ଗେ କିଃଆକାଞ୍ଜି ।” 7#ମାତି ୫:୩୧ଏୱାରି ତାଙ୍ଗେ ୱେଚ୍ଚେରି, “ଆତେସି ମସା ଇନାକିଅନ୍ ୱିଅର୍କିଚ୍ଚନ୍ତି ଆକୁ ହିଆନ୍ କୁଆଲୁନିକି ତୁହ୍ପନ୍ ବାଗା ଆଦେସ୍ ହିତେଞ୍ଜି ?” 8ଜିସୁ ଏୱାରିକି ୱେସ୍ତେଞ୍ଜି, “ଇନାକି ମି ହିଟ୍ଟାଗାଟି ହଡାଙ୍ଗ୍ତି ଗର୍ବ ହୁଡ଼ାନ୍ ମସା ମିଙ୍ଗେ ମି ମି କୁଆସ୍କାନିକି ତୁହ୍ପନ୍ ବାଗା ୱିଅର୍ କିଚ୍ଚନ୍ ଅନୁମତି ହିଆତେଞ୍ଜି, ମତ୍ର କାହେ ଇହିଙ୍ଗିସି ହେଃଲ୍ଲାତେ । 9#ମାତି ୫:୩୨; ୧କ ୭:୧୦,୧୧ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏମ୍ୱେନାଞ୍ଜି ତା କୁଆଲୁନିକି ଦାରିକାମାତି ଦୁସ ପିହାନ୍ ବିହି ଦୁସ ବାଗାଟି ତୁହାନାହି ଆଟେ ରଣ୍ଡାଡ଼ିକି ବିବା ଆଇନ୍ନେଞ୍ଜି, ଇଚ୍ଚେସି ଏୱାଞ୍ଜି ଦାରି ଆଇନ୍ନେଞ୍ଜି ।” 10ଗ୍ରାମ୍ୱାଗାଟାରି ଜିସୁନିକି ୱେସ୍ତେରି, “ଜଦି କୁଏଞ୍ଜି ଅଟେ କୁଆଲୁ ଲାଃଇ ଇହିଙ୍ଗ୍ତି କାମା ବାସାଆଇନେ, ଏହେଙ୍ଗ୍ ଆତେସି ଏୱାରି ବିବା ଆଃଆତେସି ନେହି ଆନେ ।” 11ମତ୍ର ଜିସୁ ଏୱାରିକି ୱେସ୍ତେଞ୍ଜି, “ହାବେତାରି ଇ କାତା ଗ୍ରହନ କିଅନ୍ ମୁଃଏରି, ଇନ୍ଦାରିକି ମୁଲାପେନୁ ଇ କୁଲାଟି ଗ୍ରହନ କିଅନ୍ ବାଗା ବଲ ହିଆନ୍ନେଞ୍ଜି, ୱାର୍ରି ଏୱାରି ଗ୍ରହନ କିଅନ୍ ମୁନେରି । 12ଇନାକି ତୁଲ୍ଲେତାରି ଇୟା ଟୁଟୁତାୱାଟି ମାଇଚିଆ ଆନ୍ ପ୍ଲିଆନ୍ନେରି, ଆଟେ ତୁଲ୍ଲେତାରି କୁଇଙ୍ଗ୍ତାୱାଟି ମାଇଚିଆ କିୱା ଆନ୍ନେରି, ଆଟେ ତୁଲ୍ଲେତାରି ସର୍ଗ ରାଜି ବାଗାଟି ତା ଗାଣ୍ଡି ମାଇଚିଆ କିଆନ୍ନେରି । ଇମ୍ୱିନ୍ କୁଏଞ୍ଜି ଗ୍ରହନ କିଅନ୍ ମୁନେଞ୍ଜି, ଏୱାଞ୍ଜି ଗ୍ରହନ କିପାକାଞ୍ଜି ।”
ଜିସୁ ବଦାଙ୍ଗ୍ନିକି ମେଲା କିଅନି
(ମାର୍କ ୧୦:୧୩–୧୬; ଲୁକ ୧୮:୧୫–୧୭)
13ଏଚିତୁକାତାୱା ଜିସୁ ଇନିସ୍ ବଦାଙ୍ଗ୍ କୁଃଏଟି କାଜ୍ଜୁ ଇଟ୍ଟାନ୍ ପ୍ରାତ୍ନା କିନେଞ୍ଜି, ଏଦାବାଗା ଦାଲ୍ଲା ତା ରେଃଏସ୍ ତାଚ୍ଚିୱାତେରି । ମତ୍ର ତା ଗ୍ରାମ୍ୱାଗାଟାରି ତାପ୍ପିନ୍ନି ଦାଲ୍ଲାନିକି ଆସ୍ପି କିତେରି । 14ମତ୍ର ଜିସୁ ୱେସ୍ତେଞ୍ଜି, “ବଦାଙ୍ଗ୍ନିକି ପିହ୍ତାଟୁ, ଏୱାରିକି ନା ରେଃଏସ୍ ୱାଅନ୍ ବାଗା ଆଃଏ କିଃଆଟୁ, ଇନାକି ସର୍ଗ ରାଜି ଇହିଙ୍ଗ୍ତି ଦାଲ୍ଲାତାଦି ।” 15ଆଟେ ଏୱାଞ୍ଜି ଏୱାରି କୁଃଏଟି କାଜ୍ଜୁ କିଟ୍ଟାନ୍ ମେଲା କିତେଞ୍ଜି ଏମ୍ୱାଟି ଏୱାଞ୍ଜି ହାଚ୍ଚେଞ୍ଜି ।
ରଃଅଞ୍ଜି ଦନିଗାଟି ଲାୱେଞ୍ଜି
(ମାର୍କ ୧୦:୧୭–୩୧; ଲୁକ ୧୮:୧୮–୩୦)
16ଏମ୍ୱାଟି ରଃଅଞ୍ଜି କୁଏଞ୍ଜି ଜିସୁ ରେଃଏସ୍ ୱାନ୍ ୱେଚ୍ଚେଞ୍ଜି, “ଏ ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନି ନେହି କାମା କିଃଇ ?”
17ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିଗ୍ଗା କୁଲାଟି ନାଙ୍ଗେ ଇନାକିଅନ୍ ୱେଞ୍ଜିଞ୍ଜାଦି ? ନିଗ୍ଗା ୱାର୍ରି ରଃଅଞ୍ଜି ମାନ୍ନେଞ୍ଜି; ମତ୍ର ନିନୁ ଜଦି ଟାକ୍କିଡ଼ହ୍ନାତି ପରନ୍ତାୱା ହଲ୍ବନ୍ ବାଗା ଇଚ୍ଚା କିଞ୍ଜି, ଏହେଙ୍ଗ୍ ଆତେସି ହାବେତ୍ ଆଗ୍ୟାଁ ପାଲ୍ନି ଆମୁ ।”
18ଏୱାଞ୍ଜି ଜିସୁନିକି ୱେଚ୍ଚେଞ୍ଜି, “ଇନ୍ନି ଇନିମିଡିତି ଆଗ୍ୟାଁ ?”
ଜିସୁ ୱେସ୍ତେଞ୍ଜି, “କୁଇଙ୍ଗିଆ ପାଃଗାଟୁ, ଦାରି ଆଃଆଟୁ, ମ୍ଡାମି କିଃଆ, କଲ ସାକି ୱେଃସାଟୁ, 19ନି ଇୟାଆବାନିକି ସନ୍ମାନ୍ ହିମୁ, ଆଟେ ମି ହଡ଼୍ଗି ଦାଲ୍ଲାନିକି ନି ଗାଣ୍ଡି ଡେହେଙ୍ଗ୍ ଜେଡା କିମୁ ।”
20ଏ ଲାୱେଞ୍ଜି ତାଙ୍ଗେ ୱେସ୍ତେଞ୍ଜି, “ନାନୁ ଇୱାହାବେ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ, ଆଟେ ନାନୁ ଇନ୍ନା ପାଲ୍ନି ଆଅନ୍ ମାନ୍ନେ ?”
21ଜିସୁ ଏୱାଞ୍ଜିକି ୱେସ୍ତେଞ୍ଜି, “ଜଦି ନିନୁ ସିଦ୍ଦ ଆଅନ୍ ବାଗାଟି ଇଚ୍ଚା କିଞ୍ଜି, ଏହେଙ୍ଗ୍ ଆତେସି ହାଜ୍ଜାନାହି ନି ଦନ ହାବେ ପ୍ରାଚାନ୍, ପାଃନାନାରିନିକି ଟାକ୍କାଙ୍ଗ୍ ହିମୁ, ଆଟେ ନିନୁ ସର୍ଗ ରାଜିତି ଦନ ପାଁଣ୍ଡି; ଏମ୍ବାଟି ନିନୁ ନା ବେତଟ୍ ୱାମୁ ।”
22ମତ୍ର ଇ କାତା ୱେଞ୍ଜାନ୍ ଲାୱେଞ୍ଜି ଦୁଃକ ଆନାହି ହାଚ୍ଚେଞ୍ଜି, ଇନାକି ତା ଟାକ୍କେ ଏଗେଲ୍ ଦନ ମାଚ୍ଚେ ।
23ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଦନିଗାଟାଞ୍ଜି ଏଗେଲ୍ କସ୍ଟଟି ସର୍ଗ ରାଜିତାୱା ହଲ୍ନେଞ୍ଜି । 24ଆଟେ ୱାଡ଼େ ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜିତାୱା ଦନିଗାଟି କୁଏଞ୍ଜି ହଲ୍ବନ୍ ତାୱାଟି ନିମା ଉନାତାୱା ଉଟୁ ହଲ୍ବନ୍ ସହଜ ।”
25ଏଚ୍ଚିକିଃଆ ଗ୍ରାମ୍ୱାଗାଟାରି ଇଦା ୱେଚ୍ଚେରି, ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆନାହି ୱେସ୍ତେରି, “ଆତେସି ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?”
26ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ଇଦି କୁଇଙ୍ଗ୍ତାୱାଟି ଆଅନ୍ ମୁଃଏ, ମତ୍ର ମୁଲାପେନୁ ବାଗା ହାବେ ଆଅନ୍ ମୁନେ ।”
27ଏମ୍ୱାଟି ପିତର ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ହୁଡ଼ାମୁ, ମାମୁ ହାବେ ତୁହାନାହି ନି ବେତଟ୍ ୱାନ୍ନାମୁ; ଏହେଙ୍ଗ୍ ଆତେସି ମାମୁ ଇନ୍ନା ପାଁନାମୁ ?”
28 #
ମାତି ୨୫:୩୧;
ଲୁକ ୨୨:୩୦
ଜିସୁ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ପୁନି ପୁର୍ତିତାୱା ଏଚ୍ଚିକିଃଆ କୁଏଞ୍ଜି ମ୍ରିଃଏଞ୍ଜି ତା ମହିମାତି ଗାଦିତାୱା କକ୍ନେଞ୍ଜି, ମିରୁ ଏମ୍ୱେନାତେରି ନା ବେତଟ୍ ୱାଞ୍ଜେରି, ଏଚିତୁକାତାୱା ବାରାଗଟ୍ଟା ଗାଦିତାୱା କକ୍ଦେରି ଅଟେ ଇସ୍ରାଏଲତି ବାରାଗଟ୍ଟା ପୁଣ୍ଡିତିଦି ଆକୁଡ଼୍ କିଦେରି । 29ଆଟେ ଏମ୍ୱେନାଞ୍ଜି ନା ପାରୁ ବାଗାଟି ଇଡ୍ଡୁ କି ଆମ୍ୱେସ୍ କି ଆଙ୍ଗି କି ଆବା କି ଇୟା କି କୁଆଲୁ କି ବଦାଙ୍ଗ୍ କି ପାଙ୍ଗା ପିହ୍ପିନେଞ୍ଜି, ଏୱାଞ୍ଜି ସେଙ୍ଗୁଡ଼ି ଦୁଗୁଡ଼୍ ଏଗେଲ୍ ପାଁନେଞ୍ଜି, ଆଟେ ଟାକ୍କିଡ଼ହ୍ନାତି ପରନ୍ତି ହକତ୍ଗାଟାଞ୍ଜି ଆନେଞ୍ଜି ।
30 #
ମାତି ୨୦:୧୬; ଲୁକ ୧୩:୩୦ ମତ୍ର କାହେ ମାନ୍ନି ଗାପ୍ଚି ଦାଲ୍ଲା ଡେଗ୍ଗା ଆନେରି ଅଟେ ଡେଗ୍ଗା ମାନ୍ନି ଗାପ୍ଚି ଦାଲ୍ଲା ନକିନେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0