ମାତିଉ 18
18
ସର୍ଗ ରାଜିତାୱା ହାବେତାୱାଟି ଗାମିନାଞ୍ଜି
(ମାର୍କ ୯:୩୩–୩୭; ଲୁକ ୯:୪୬–୪୮)
1 #
ଲୁକ ୨୨:୨୪
ଏଚିତୁକାତାୱା ଗ୍ରାମ୍ୱାଗାଟାରି ଜିସୁ ରେଃଏସ୍ ୱାନ୍ ୱେଚ୍ଚେରି, “ଏହେଙ୍ଗ୍ ଆତେସି ସର୍ଗ ରାଜିତାୱା ହାବେତାୱାଟି ଏମ୍ୱେନାଞ୍ଜି ଗାମିନାଞ୍ଜି?” 2ଏମ୍ୱାଟି ଜିସୁ ରଃଅଞ୍ଜି ଡଟି ବଦାସିକି ରେଃଏସ୍ ଆର୍ଚାନ୍ ଏୱାର୍ ମାଦ୍ଦେ ଡିଡ୍ଡି କିଆନ୍ ୱେସ୍ତେଞ୍ଜି, 3#ମାର୍କ ୧୦:୧୫; ଲୁକ ୧୮:୧୭“ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଏଲୁୱ୍ଡେପ୍ଚାନ୍ ଡଟି ବଦାଙ୍ଗ୍ ଲାକ୍କାଟି ଆଃଆତେସି ସର୍ଗ ରାଜିତାୱା ହଲ୍ବନ୍ ମୁଃଏରି ।” 4ଆଟେ ୱାଡ଼େ ଏମ୍ୱେନାଞ୍ଜି ଇ ଡଟି ବଦାସ୍ ଲାକ୍କାଟି ଲୁଙ୍ଗୁର୍ ଆନେଞ୍ଜି, ଏୱାଞ୍ଜି ସର୍ଗ ରାଜିତାୱା ହାବେତାୱାଟି ଗାମିନାଞ୍ଜି ଆନେଞ୍ଜି । 5ଆଟେ ଏମ୍ୱେନାଞ୍ଜି ନା ପାରୁଟି ଇହିଙ୍ଗିସି ରଃଅଞ୍ଜି ଡଟି ବଦାସିକି ଗ୍ରହନ କିନେଞ୍ଜି, ଏୱାଞ୍ଜି ନାଙ୍ଗେ ୱାଡ଼େ ଗ୍ରହନ କିଞ୍ଜାନେଞ୍ଜି ।
ପାପ କିୱି କିଅନ୍ତାଞ୍ଜିତି ଦଣ୍ଡ
(ମାର୍କ ୯:୪୨–୪୮; ଲୁକ ୧୭:୧–୨)
6ମତ୍ର ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଇ ଡଟିଗାଟାର୍ ଟିଆଟି ରଃଅଞ୍ଜ୍ତି ପାପ କାମା କିୱିକିଅନ୍ତି କୁଲା ଆଇନ୍ନେଞ୍ଜି, ତା ବଟାତାୱା ରଣ୍ଡା ବେର୍ ଗୁରନ୍ ୱାଲ୍ଲି ଡ଼େଚ୍ଚାହିଆନ୍ ଏୱାଞ୍ଜିକି ସାମ୍ନ୍ଦେର୍ତି ଏଗେଲ୍ ଏଜୁତାୱା ମେସ୍ତେସି ତା ବାଗାଟି ନେହି ଆନେମା । 7ଇ ପୁର୍ତିତାୱା ପାପ କିୱି କିଅନ୍ତି ଦାଲ୍ଲା ବାଗାଟି ଦୁଃକ କିମାଃଇ, ପରିକ୍ୟା ତ ନିଜ୍ଜାନେଃଏ ଗଟି ଆନେ, ମତ୍ର ଇମ୍ୱିନ୍ କୁଏଞ୍ଜି ଇ ପୁର୍ତିତାୱା ପାପ କିୱି କିନ୍ନେଞ୍ଜି, ଏୱାଞ୍ଜି ଦଣ୍ଡ ପାଁନେଞ୍ଜି । 8#ମାତି ୫:୩୦ଜଦି ମି କାଜ୍ଜୁ କି କାଡୁ ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏୱା କ୍ରାଚାନ୍ ତୁହ୍ଦୁ, ରିଣ୍ଡା କାସ୍କା ଆଟେ ରିଣ୍ଡା କାଟ୍କା ଆହାନ୍ ଟାକ୍କିଡ଼ହ୍ନାତି ନାଡ଼ିକୁଟ୍ଟିତା ମେଦ୍ଦନ୍ତାୱାଟି ରଣ୍ଡା କାଡୁ ଅଟେ ରଣ୍ଡା କାଜ୍ଜୁ ଆହାନ୍ ଟାକ୍କିଡ଼ହ୍ନାତି ପରନ୍ତାୱା ହଲବନି ମି ବାଗା ନେହି । 9#ମାତି ୫:୨୯ଆଟେ ମି କାନ୍ନୁ ଜଦି ମିଙ୍ଗେ ପାପ କାମା କିୱିକିଞ୍ଜାନ୍ନେ ଏହେଙ୍ଗ୍ ଆତେସି, ଏଦା ୱେଚାନ୍ ତୁହ୍ଦୁ; ରିଣ୍ଡା କାଡ଼୍କା ଅଆନ୍ ନର୍କତାୱା ମେଦ୍ଦନ୍ତାୱାଟି ରଣ୍ଡା କାନ୍ନୁ ଡ଼ାହି ଟାକ୍କିଡ଼ହ୍ନା ପରନ୍ତାୱା ହଲବନି ମି ବାଗା ନେହି ।
ମ୍ରାଙ୍ଗାନ୍ନି ମେଁଣ୍ଡାଅଡାତି ତୁକାଙ୍ଗାତା
(ଲୁକ ୧୫:୩–୭)
10 #
ଲୁକ ୧୯:୧୦
ନେହେନ୍, ଇ ହିତାନାରିଟିଆଟି ରଃଅଞ୍ଜିକି ୱାଡ଼େ ହିନି ହୁଃଡ଼ାଟୁ, ଇନାକି ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ସର୍ଗ ରାଜିତାୱା ଏୱାର୍ତି ଦୁତଙ୍ଗ୍ ହାବେ ୱେଲା ନା ସର୍ଗ ରାଜିତାୱା ମାନ୍ନି ଆବାତି ମ୍ରୁମ୍ୱୁ ହୁଡ଼େନ୍ନେରି । 11#ଲୁକ ୧୯:୧୦ଇନାକି ଇନ୍ନା ମ୍ରାଙ୍ଗାନ୍ନୁ ଏଦା ଦାହାନ୍ ରକ୍ୟା କିଅନ୍ ବାଗାଟି କୁଏଞ୍ଜ୍ ମ୍ରିଃଏଞ୍ଜି ୱାନ୍ନେଞ୍ଜି । 12ମିରୁ ଇନ୍ନା ଏଲୁ କିଞ୍ଜେରି ? ଜଦି ରଃଅଞ୍ଜ୍ କୁଏଞ୍ଜ୍ତି ସେଙ୍ଗୁଡ଼ି ମେଁଣ୍ଡାଅଡାଙ୍ଗ୍ ମାନ୍ନୁ, ଆଟେ ଏ ମେଁଣ୍ଡାଅଡାଙ୍ଗ୍ଟିଆଟି ରଣ୍ଡି ବଡ଼ା ଆଇନେ, ଏହେଙ୍ଗ୍ ଆତେସି ଇନ୍ନା ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ତିଦି ହରୁତାୱା ତୁହାନ୍ ଏୱାଞ୍ଜି ଏ ବଡ଼ା ଆନ୍ନି ମେଁଣ୍ଡାଅଡାତିଦି ଦାହ୍ପନ୍ ହାଃଲ୍ଲେଞ୍ଜି ? 13ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଆଟେ ଜଦି ଏୱାଞ୍ଜି ଏଦା ପାଁନେଞ୍ଜି, ଏହେଙ୍ଗ୍ ଆତେସି, ଇମ୍ୱିନ୍ ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ ବଡ଼ା ଆହେଃଲ୍ଲାତୁ, ଏୱାତାୱାଟି ଇ ରଣ୍ଡା ବାଗାଟି ଏୱାଞ୍ଜି ଏଗେଲ୍ ରାହାଙ୍ଗ୍ ଆନେଞ୍ଜି । 14ଏଚିଲାକ୍କାଟି ଇ ହିତାନାରିତାୱାଟି ରଃଅଞ୍ଜି ନାହେଡ୍ ଆପାକାଞ୍ଜି, ଏଦା ମି ସର୍ଗ ରାଜିତାୱା ମାନ୍ନି ଆବାତି ଇଚ୍ଚା ଆଃଏ ।
ଆମ୍ୱେସ୍ ବିରୁଦିଆଟି ପାପ କିଆନ୍ନି ଆମ୍ବେସ୍ତି କୁଲାଟି
(ଲୁକ ୧୭:୩)
15 #
ଲୁକ ୧୭:୩
ଜଦି ନି ଆମ୍ୱେସ୍ ନି ବିରୁଦିଆଟି ପାପ କିଆନ୍ନେଞ୍ଜି, ଏହେଙ୍ଗ୍ ଆତେସି ତା ରେଃଏସ୍ ହାଜ୍ଜାନ୍, ଏୱାଞ୍ଜି ରଃଅଞ୍ଜେଃଏ ମାନ୍ନି ତୁକାତାୱା ନିନୁ ତାଙ୍ଗେ ତା ପାପ କୁଲାଟି ୱେସ୍ମୁ; ଜଦି ଏୱାଞ୍ଜି ନି କାତା ୱେନେଞ୍ଜି, ଏହେଙ୍ଗ୍ ଆତେସି ନିନୁ ନି ଆମ୍ୱେସିକି ୱ୍ଡେଚି ପାଟି । 16ମତ୍ର ଜଦି ଏୱାଞ୍ଜି ୱେଞ୍ଜେହେଃଲ୍ଲେଞ୍ଜି, ଏହେଙ୍ଗ୍ ଆତେସି ନି ଡ଼ାହି ଆଟେ ରଃଅଞ୍ଜିକି କି ରିଃଆରିକି ଅଚ୍ଚାନାହି; ଇନିସ୍ ରିଃଆରି କି ମୁଆରି ସାକିଙ୍ଗ୍ତି ନକେସି ହାବେତ୍ କାତା ରଞ୍ଜି କିଅନ୍ ମୁଦି । 17ଜଦି ଏୱାଞ୍ଜି ଏୱାର୍ତି କାତା ମାନି ଆଃଆତେଞ୍ଜି, ଏହେଙ୍ଗ୍ ଆତେସି ମଣ୍ଡଲିତିଦି ୱେସ୍ଦୁ, ଆଟେ ଜଦି ଏୱାଞ୍ଜି ମଣ୍ଡଲିତି କାତା ୱାଡ଼େ ମାନି ଆଃଆତେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ମି ନକେସି ଅନଜିହୁଦିଙ୍ଗ୍ ଅଟେ ସିସ୍ଟୁଅନ୍ତାରି ଲାକ୍କା ଆପାକାଞ୍ଜି ।
18 #
ମାତି ୧୬:୧୯; ଜହ ୨୦:୨୩ ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଇ ପୁର୍ତିତାୱା ଇନ୍ନା ହାବେ ଟୁଣ୍ଡିଦେରି, ସର୍ଗତାୱା ଏୱା ହାବେ ଟୁଣ୍ଡା ଆନୁ, ଆଟେ ଇ ପୁର୍ତିତାୱା ଇନ୍ନା ହାବେ ଗେର୍ଦେରି, ସର୍ଗତାୱା ଏୱା ହାବେ ଗେର୍ପା ଆନୁ ।
19ଆଟେ ୱାଡ଼େ ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ପୁର୍ତିତାୱା ମି ତାୱାଟି ଇମ୍ୱିନାୱା ରିଃଆରି ଆଡ୍ଡାନ୍ ଇମ୍ୱିନ୍ କୁଲା ୱାଡ଼େ ର ଏଲୁଟି ଇନ୍ନା ୱ୍ରିହ୍ନେରି, ଏୱା ନା ସର୍ଗ ରାଜିତାୱା ମାନ୍ନି ନା ଆବା ଏୱାରିକି ହିନେଞ୍ଜି ।
20ଇନାକି ଇମ୍ୱିନ୍ ଗର୍ରିତାୱା ରିଃଆର୍ କି ମୁଆରି ନା ପାରୁଟି ରପାଟ୍ଟେ ଆନେରି, ଏ ଗର୍ରିତାୱା ନାନୁ ଏୱାର୍ତି ମାଦ୍ଦେ ବାସାଆଃଇ ।
ମାକ୍ସାଡ଼ି ହିଃଆନ୍ କାମ୍ୱାରେଏଞ୍ଜ୍ତି ତୁକାଙ୍ଗାତା
21 #
ଲୁକ ୧୭:୩,୪ ଏମ୍ୱାଟି ପିତର ଜିସୁ ଟାକ୍କେ ୱାନ୍ ୱେଚ୍ଚେଞ୍ଜି, “ଏ ଦାର୍ମୁ, ଜଦି ନା ଆମ୍ୱେସ୍ ନା ବିରୁଦିଆଟି ପାପ କିଏସ୍ନା ହାଜ୍ଜିନ୍ନେଞ୍ଜି, ଏହେଙ୍ଗ୍ଆତେସ୍ ଏଚ୍ଚି ଅଲି ନାନୁ ତାଙ୍ଗେ ମାକ୍ସାଡ଼ି କିଃଇ ? ଇନ୍ନା ଅଡ଼ି ଅଲି ଟିକ୍ନା ନାନୁ ତାଙ୍ଗେ ମାକ୍ସାଡ଼ି କିଃଇ ?”
22ଜିସୁ ଏୱାଞ୍ଜିକି ୱେସ୍ତେଞ୍ଜି, ନିଙ୍ଗେ ୱାର୍ରି ଅଡ଼ି ଅଲି ଟିକ୍ନା ୱେସ୍ପେହେଲ୍ଲାଦାଃଏନୁ, ମତ୍ର ମୁ କୁଡ଼ି ଦାସା ଦୁଗୁଡ଼୍ ଅଡ଼ି ଅଲି ଟିକ୍ନା ମାକ୍ସାଡ଼ି କିମୁ । 23ଆଟେ ୱାଡ଼େ, ସର୍ଗ ରାଜି ତା କାମ୍ବାରାଙ୍ଗା ଡ଼ାହି ଲେକା କିଅନି ବାଗାଟି ଇଚ୍ଚା କିନ୍ନି ରଃଅଞ୍ଜି ରାଜେଞ୍ଜି ଲାକ୍କାଟି । 24ଏୱାଞ୍ଜି ହିସାବ ମ୍ରାସ୍ପନେଃଏ, ମୁ କଟି ଟାକ୍କାଙ୍ଗ୍#୧୮:୨୪ ରଃଅଞ୍ଜ୍ତି କଡ଼େ ଅଁଣ୍ଡୁ କାମା କିଆନ୍ନି କାମା ଟାକ୍କାଙ୍ଗ୍ ଉଦେର୍ ଅଆନ୍ନି ରଃଅଞ୍ଜି କାମ୍ୱାରେଏଞ୍ଜିକି ତା ରେଃଏସ୍ ତାଚ୍ଚିୱାତେରି । 25ମତ୍ର ଏୱାଞ୍ଜ୍ ପାଟ୍ଟି ରିଡ଼ା ତେହ୍ପନ୍ ବାଗାଟି ଇନ୍ନା ହେଃଲ୍ଲାତାୱାଟି ତା ସକାର ଏୱାଞ୍ଜିକି ତା କୁଆଲୁ, ତା ବଦାଙ୍ଗ୍ନିକି ଅଟେ ତା ପାଟ୍ଟି ଇନ୍ନା ହାବେ ମାନ୍ନୁ ପ୍ରାଚାନ୍ ରିଡ଼ା ତେହ୍ପନ୍ ବାଗା ଆଦେସ୍ ହିତେଞ୍ଜି । 26ଏଦାକି ଏ କାମ୍ବାରେଏଞ୍ଜି ଏୱାଞ୍ଜିକି ଅଲ୍ଗି ଆନ୍ ୱେସ୍ତେଞ୍ଜି, ନାଙ୍ଗେ ପାପୁଅଲ୍ଚାନ୍ ଏଚ୍ଚେ ଦିନା କାତାମୁ, ନାନୁ ନି ରିଡ଼ା ହାବେ ତେହ୍ତା ଇଞ୍ଜାନ୍ ଜିଗନ୍ ମ୍ରାସ୍ତେଞ୍ଜି । 27ଏମ୍ୱାଟି ଏ କାମ୍ବାରେଏଞ୍ଜ୍ତି ସକାର ପାପୁଅଲ୍ଚାନାହି ତା ରିଡ଼ା ହାବେ ମାକ୍ସାଡ଼ି କିଆନ୍ ଏୱାଞ୍ଜିକି ପିହାହିତେଞ୍ଜି ।
28ମତ୍ର ଏ କାମ୍ବାରେଏଞ୍ଜି ହଚାନ୍ ହାଜ୍ଜାନାହି ତା ତାୱାଟି ସେଙ୍ଗୁଡ଼ି ଟାକ୍କାଙ୍ଗ୍ ଉଦେର୍ ଅଆନ୍ନି ଆଡ୍ଡାନ୍ କାମା କିଚ୍ଚି ରଃଅଞ୍ଜି କାମ୍ୱାରେଏଞ୍ଜିକି ହୁଡ଼ନ୍ ପାଁଣ୍ଡାନ୍ ଏୱାଞ୍ଜିକି ଆହାନ୍ ତା ବଟା ବ୍ଡିଚାନ୍ ନିନୁ ନା ଟାକ୍କାଙ୍ଗ୍ ତେହ୍ତାମୁ ଇଞ୍ଜାନ୍ ୱେସ୍ପନ୍ ମ୍ରାସ୍ତେଞ୍ଜି ।
29ଏଦାକି ଆଡ୍ଡାନ୍ କାମା କିଚ୍ଚି କାମ୍ୱାରେଏଞ୍ଜି ଏୱାଞ୍ଜିକି ମେଣ୍ଡାଙ୍ଗୁତାନ୍ ଜିଗାନ୍ ୱେସ୍ତେଞ୍ଜି, ନାଙ୍ଗେ ପାପୁଅଲ୍ଚାନ୍ ଏଚ୍ଚେ ଦିନା କାତାମୁ, ନାନୁ ନି ରିଡ଼ା ହାବେ ତେହ୍ତା ।
30ମତ୍ର ଏୱାଞ୍ଜି ମାନି ଆଃଆତେଞ୍ଜି, ଆଟେ ମାକ୍ସାଡ଼ି କିଃଏଟେଃଏ ଉଦେର୍ ଟାକ୍କାଙ୍ଗ୍ ତେଃହାନ୍ ଟିକ୍ନା ଏୱାଞ୍ଜିକି ବନ୍ଦି ଇଡ୍ଡୁତାୱା ଇଟ୍ଟିତେଞ୍ଜି । 31ଏଦାକି ବିହି କାମ୍ୱାରାଙ୍ଗା ଇ ଡୁଣ୍ଡେଲ୍ ଆଅନ୍ତାଦା ହୁଡ଼ାନ୍ ଏଗେଲ୍ ଦୁଃକ କିତେରି ଅଟେ ହାଜ୍ଜାନ୍ ତା ସକାର୍ନିକି ହାବେତ୍ କୁଲାଟି ୱେସ୍ତେରି । 32ଏମ୍ୱାଟି ତା ସକାର ଏ କାମ୍ବାରେଏଞ୍ଜିକି ତା ରେଃଏସ୍ ଆର୍ଚାନାହି ୱେସ୍ତେଞ୍ଜି, ଏ ଡ଼ଃଆନ୍ କାମ୍ୱାରେଏଞ୍ଜ୍ତି, ନିନୁ ନାଙ୍ଗେ ଜିଗନେଃଏ ନାନୁ ନି ଏ ହାବେତ୍ ରିଡ଼ା ମାକ୍ସାଡ଼ି କିତେ; 33ନାନୁ ନିଙ୍ଗେ ଇନିସ୍ ପାପୁଅଲ୍ତାତେଃଏ, ଏଚିଲାକ୍କାଟି ନିନୁ ୱାଡ଼େ ନି ତାୱାଟି ରିଡ଼ା ଅଆନ୍ନି କାମ୍ୱାରେଏଞ୍ଜିକି ଇନ୍ନା ପାପୁଅଲ୍ପନ୍ ହେଃଲ୍ଲାତେ ?
34ଆଟେ ତା ସକାର ରାଗା ଆନାହି ହାବେତ୍ ରିଡ଼ା ତେଃହାନ୍ ଟିକ୍ନା ଏୱାଞ୍ଜିକି କସ୍ଟ ହିଅନ୍ତିକି ବନ୍ଦି ଇଡ୍ଡୁତି ସିପେଙ୍ଗ୍ କାଜ୍ଜୁତାୱା ସର୍ପି କିତେଞ୍ଜି ।
35“ମିରୁ ହାବେତାତେରି ଜଦି ହଡାଙ୍ଗ୍ ଡ଼ାହି ମି ଆମ୍ୱେସାଙ୍ଗାନିକି ମାକ୍ସାଡ଼ି କିଃଏରି, ଏହେଙ୍ଗ୍ ଆତେସି ସର୍ଗ ରାଜିତାୱା ମାନ୍ନି ନା ଆବା ୱାଡ଼େ ମିଙ୍ଗେ ଏଚିଲାକ୍କାଟି ମାକ୍ସାଡ଼ି କିଆଦାଃଏଞ୍ଜି ।”
Právě zvoleno:
ମାତିଉ 18: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 18
18
ସର୍ଗ ରାଜିତାୱା ହାବେତାୱାଟି ଗାମିନାଞ୍ଜି
(ମାର୍କ ୯:୩୩–୩୭; ଲୁକ ୯:୪୬–୪୮)
1 #
ଲୁକ ୨୨:୨୪
ଏଚିତୁକାତାୱା ଗ୍ରାମ୍ୱାଗାଟାରି ଜିସୁ ରେଃଏସ୍ ୱାନ୍ ୱେଚ୍ଚେରି, “ଏହେଙ୍ଗ୍ ଆତେସି ସର୍ଗ ରାଜିତାୱା ହାବେତାୱାଟି ଏମ୍ୱେନାଞ୍ଜି ଗାମିନାଞ୍ଜି?” 2ଏମ୍ୱାଟି ଜିସୁ ରଃଅଞ୍ଜି ଡଟି ବଦାସିକି ରେଃଏସ୍ ଆର୍ଚାନ୍ ଏୱାର୍ ମାଦ୍ଦେ ଡିଡ୍ଡି କିଆନ୍ ୱେସ୍ତେଞ୍ଜି, 3#ମାର୍କ ୧୦:୧୫; ଲୁକ ୧୮:୧୭“ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଏଲୁୱ୍ଡେପ୍ଚାନ୍ ଡଟି ବଦାଙ୍ଗ୍ ଲାକ୍କାଟି ଆଃଆତେସି ସର୍ଗ ରାଜିତାୱା ହଲ୍ବନ୍ ମୁଃଏରି ।” 4ଆଟେ ୱାଡ଼େ ଏମ୍ୱେନାଞ୍ଜି ଇ ଡଟି ବଦାସ୍ ଲାକ୍କାଟି ଲୁଙ୍ଗୁର୍ ଆନେଞ୍ଜି, ଏୱାଞ୍ଜି ସର୍ଗ ରାଜିତାୱା ହାବେତାୱାଟି ଗାମିନାଞ୍ଜି ଆନେଞ୍ଜି । 5ଆଟେ ଏମ୍ୱେନାଞ୍ଜି ନା ପାରୁଟି ଇହିଙ୍ଗିସି ରଃଅଞ୍ଜି ଡଟି ବଦାସିକି ଗ୍ରହନ କିନେଞ୍ଜି, ଏୱାଞ୍ଜି ନାଙ୍ଗେ ୱାଡ଼େ ଗ୍ରହନ କିଞ୍ଜାନେଞ୍ଜି ।
ପାପ କିୱି କିଅନ୍ତାଞ୍ଜିତି ଦଣ୍ଡ
(ମାର୍କ ୯:୪୨–୪୮; ଲୁକ ୧୭:୧–୨)
6ମତ୍ର ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଇ ଡଟିଗାଟାର୍ ଟିଆଟି ରଃଅଞ୍ଜ୍ତି ପାପ କାମା କିୱିକିଅନ୍ତି କୁଲା ଆଇନ୍ନେଞ୍ଜି, ତା ବଟାତାୱା ରଣ୍ଡା ବେର୍ ଗୁରନ୍ ୱାଲ୍ଲି ଡ଼େଚ୍ଚାହିଆନ୍ ଏୱାଞ୍ଜିକି ସାମ୍ନ୍ଦେର୍ତି ଏଗେଲ୍ ଏଜୁତାୱା ମେସ୍ତେସି ତା ବାଗାଟି ନେହି ଆନେମା । 7ଇ ପୁର୍ତିତାୱା ପାପ କିୱି କିଅନ୍ତି ଦାଲ୍ଲା ବାଗାଟି ଦୁଃକ କିମାଃଇ, ପରିକ୍ୟା ତ ନିଜ୍ଜାନେଃଏ ଗଟି ଆନେ, ମତ୍ର ଇମ୍ୱିନ୍ କୁଏଞ୍ଜି ଇ ପୁର୍ତିତାୱା ପାପ କିୱି କିନ୍ନେଞ୍ଜି, ଏୱାଞ୍ଜି ଦଣ୍ଡ ପାଁନେଞ୍ଜି । 8#ମାତି ୫:୩୦ଜଦି ମି କାଜ୍ଜୁ କି କାଡୁ ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏୱା କ୍ରାଚାନ୍ ତୁହ୍ଦୁ, ରିଣ୍ଡା କାସ୍କା ଆଟେ ରିଣ୍ଡା କାଟ୍କା ଆହାନ୍ ଟାକ୍କିଡ଼ହ୍ନାତି ନାଡ଼ିକୁଟ୍ଟିତା ମେଦ୍ଦନ୍ତାୱାଟି ରଣ୍ଡା କାଡୁ ଅଟେ ରଣ୍ଡା କାଜ୍ଜୁ ଆହାନ୍ ଟାକ୍କିଡ଼ହ୍ନାତି ପରନ୍ତାୱା ହଲବନି ମି ବାଗା ନେହି । 9#ମାତି ୫:୨୯ଆଟେ ମି କାନ୍ନୁ ଜଦି ମିଙ୍ଗେ ପାପ କାମା କିୱିକିଞ୍ଜାନ୍ନେ ଏହେଙ୍ଗ୍ ଆତେସି, ଏଦା ୱେଚାନ୍ ତୁହ୍ଦୁ; ରିଣ୍ଡା କାଡ଼୍କା ଅଆନ୍ ନର୍କତାୱା ମେଦ୍ଦନ୍ତାୱାଟି ରଣ୍ଡା କାନ୍ନୁ ଡ଼ାହି ଟାକ୍କିଡ଼ହ୍ନା ପରନ୍ତାୱା ହଲବନି ମି ବାଗା ନେହି ।
ମ୍ରାଙ୍ଗାନ୍ନି ମେଁଣ୍ଡାଅଡାତି ତୁକାଙ୍ଗାତା
(ଲୁକ ୧୫:୩–୭)
10 #
ଲୁକ ୧୯:୧୦
ନେହେନ୍, ଇ ହିତାନାରିଟିଆଟି ରଃଅଞ୍ଜିକି ୱାଡ଼େ ହିନି ହୁଃଡ଼ାଟୁ, ଇନାକି ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ସର୍ଗ ରାଜିତାୱା ଏୱାର୍ତି ଦୁତଙ୍ଗ୍ ହାବେ ୱେଲା ନା ସର୍ଗ ରାଜିତାୱା ମାନ୍ନି ଆବାତି ମ୍ରୁମ୍ୱୁ ହୁଡ଼େନ୍ନେରି । 11#ଲୁକ ୧୯:୧୦ଇନାକି ଇନ୍ନା ମ୍ରାଙ୍ଗାନ୍ନୁ ଏଦା ଦାହାନ୍ ରକ୍ୟା କିଅନ୍ ବାଗାଟି କୁଏଞ୍ଜ୍ ମ୍ରିଃଏଞ୍ଜି ୱାନ୍ନେଞ୍ଜି । 12ମିରୁ ଇନ୍ନା ଏଲୁ କିଞ୍ଜେରି ? ଜଦି ରଃଅଞ୍ଜ୍ କୁଏଞ୍ଜ୍ତି ସେଙ୍ଗୁଡ଼ି ମେଁଣ୍ଡାଅଡାଙ୍ଗ୍ ମାନ୍ନୁ, ଆଟେ ଏ ମେଁଣ୍ଡାଅଡାଙ୍ଗ୍ଟିଆଟି ରଣ୍ଡି ବଡ଼ା ଆଇନେ, ଏହେଙ୍ଗ୍ ଆତେସି ଇନ୍ନା ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ତିଦି ହରୁତାୱା ତୁହାନ୍ ଏୱାଞ୍ଜି ଏ ବଡ଼ା ଆନ୍ନି ମେଁଣ୍ଡାଅଡାତିଦି ଦାହ୍ପନ୍ ହାଃଲ୍ଲେଞ୍ଜି ? 13ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଆଟେ ଜଦି ଏୱାଞ୍ଜି ଏଦା ପାଁନେଞ୍ଜି, ଏହେଙ୍ଗ୍ ଆତେସି, ଇମ୍ୱିନ୍ ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ ବଡ଼ା ଆହେଃଲ୍ଲାତୁ, ଏୱାତାୱାଟି ଇ ରଣ୍ଡା ବାଗାଟି ଏୱାଞ୍ଜି ଏଗେଲ୍ ରାହାଙ୍ଗ୍ ଆନେଞ୍ଜି । 14ଏଚିଲାକ୍କାଟି ଇ ହିତାନାରିତାୱାଟି ରଃଅଞ୍ଜି ନାହେଡ୍ ଆପାକାଞ୍ଜି, ଏଦା ମି ସର୍ଗ ରାଜିତାୱା ମାନ୍ନି ଆବାତି ଇଚ୍ଚା ଆଃଏ ।
ଆମ୍ୱେସ୍ ବିରୁଦିଆଟି ପାପ କିଆନ୍ନି ଆମ୍ବେସ୍ତି କୁଲାଟି
(ଲୁକ ୧୭:୩)
15 #
ଲୁକ ୧୭:୩
ଜଦି ନି ଆମ୍ୱେସ୍ ନି ବିରୁଦିଆଟି ପାପ କିଆନ୍ନେଞ୍ଜି, ଏହେଙ୍ଗ୍ ଆତେସି ତା ରେଃଏସ୍ ହାଜ୍ଜାନ୍, ଏୱାଞ୍ଜି ରଃଅଞ୍ଜେଃଏ ମାନ୍ନି ତୁକାତାୱା ନିନୁ ତାଙ୍ଗେ ତା ପାପ କୁଲାଟି ୱେସ୍ମୁ; ଜଦି ଏୱାଞ୍ଜି ନି କାତା ୱେନେଞ୍ଜି, ଏହେଙ୍ଗ୍ ଆତେସି ନିନୁ ନି ଆମ୍ୱେସିକି ୱ୍ଡେଚି ପାଟି । 16ମତ୍ର ଜଦି ଏୱାଞ୍ଜି ୱେଞ୍ଜେହେଃଲ୍ଲେଞ୍ଜି, ଏହେଙ୍ଗ୍ ଆତେସି ନି ଡ଼ାହି ଆଟେ ରଃଅଞ୍ଜିକି କି ରିଃଆରିକି ଅଚ୍ଚାନାହି; ଇନିସ୍ ରିଃଆରି କି ମୁଆରି ସାକିଙ୍ଗ୍ତି ନକେସି ହାବେତ୍ କାତା ରଞ୍ଜି କିଅନ୍ ମୁଦି । 17ଜଦି ଏୱାଞ୍ଜି ଏୱାର୍ତି କାତା ମାନି ଆଃଆତେଞ୍ଜି, ଏହେଙ୍ଗ୍ ଆତେସି ମଣ୍ଡଲିତିଦି ୱେସ୍ଦୁ, ଆଟେ ଜଦି ଏୱାଞ୍ଜି ମଣ୍ଡଲିତି କାତା ୱାଡ଼େ ମାନି ଆଃଆତେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ମି ନକେସି ଅନଜିହୁଦିଙ୍ଗ୍ ଅଟେ ସିସ୍ଟୁଅନ୍ତାରି ଲାକ୍କା ଆପାକାଞ୍ଜି ।
18 #
ମାତି ୧୬:୧୯; ଜହ ୨୦:୨୩ ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ଇ ପୁର୍ତିତାୱା ଇନ୍ନା ହାବେ ଟୁଣ୍ଡିଦେରି, ସର୍ଗତାୱା ଏୱା ହାବେ ଟୁଣ୍ଡା ଆନୁ, ଆଟେ ଇ ପୁର୍ତିତାୱା ଇନ୍ନା ହାବେ ଗେର୍ଦେରି, ସର୍ଗତାୱା ଏୱା ହାବେ ଗେର୍ପା ଆନୁ ।
19ଆଟେ ୱାଡ଼େ ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ପୁର୍ତିତାୱା ମି ତାୱାଟି ଇମ୍ୱିନାୱା ରିଃଆରି ଆଡ୍ଡାନ୍ ଇମ୍ୱିନ୍ କୁଲା ୱାଡ଼େ ର ଏଲୁଟି ଇନ୍ନା ୱ୍ରିହ୍ନେରି, ଏୱା ନା ସର୍ଗ ରାଜିତାୱା ମାନ୍ନି ନା ଆବା ଏୱାରିକି ହିନେଞ୍ଜି ।
20ଇନାକି ଇମ୍ୱିନ୍ ଗର୍ରିତାୱା ରିଃଆର୍ କି ମୁଆରି ନା ପାରୁଟି ରପାଟ୍ଟେ ଆନେରି, ଏ ଗର୍ରିତାୱା ନାନୁ ଏୱାର୍ତି ମାଦ୍ଦେ ବାସାଆଃଇ ।
ମାକ୍ସାଡ଼ି ହିଃଆନ୍ କାମ୍ୱାରେଏଞ୍ଜ୍ତି ତୁକାଙ୍ଗାତା
21 #
ଲୁକ ୧୭:୩,୪ ଏମ୍ୱାଟି ପିତର ଜିସୁ ଟାକ୍କେ ୱାନ୍ ୱେଚ୍ଚେଞ୍ଜି, “ଏ ଦାର୍ମୁ, ଜଦି ନା ଆମ୍ୱେସ୍ ନା ବିରୁଦିଆଟି ପାପ କିଏସ୍ନା ହାଜ୍ଜିନ୍ନେଞ୍ଜି, ଏହେଙ୍ଗ୍ଆତେସ୍ ଏଚ୍ଚି ଅଲି ନାନୁ ତାଙ୍ଗେ ମାକ୍ସାଡ଼ି କିଃଇ ? ଇନ୍ନା ଅଡ଼ି ଅଲି ଟିକ୍ନା ନାନୁ ତାଙ୍ଗେ ମାକ୍ସାଡ଼ି କିଃଇ ?”
22ଜିସୁ ଏୱାଞ୍ଜିକି ୱେସ୍ତେଞ୍ଜି, ନିଙ୍ଗେ ୱାର୍ରି ଅଡ଼ି ଅଲି ଟିକ୍ନା ୱେସ୍ପେହେଲ୍ଲାଦାଃଏନୁ, ମତ୍ର ମୁ କୁଡ଼ି ଦାସା ଦୁଗୁଡ଼୍ ଅଡ଼ି ଅଲି ଟିକ୍ନା ମାକ୍ସାଡ଼ି କିମୁ । 23ଆଟେ ୱାଡ଼େ, ସର୍ଗ ରାଜି ତା କାମ୍ବାରାଙ୍ଗା ଡ଼ାହି ଲେକା କିଅନି ବାଗାଟି ଇଚ୍ଚା କିନ୍ନି ରଃଅଞ୍ଜି ରାଜେଞ୍ଜି ଲାକ୍କାଟି । 24ଏୱାଞ୍ଜି ହିସାବ ମ୍ରାସ୍ପନେଃଏ, ମୁ କଟି ଟାକ୍କାଙ୍ଗ୍#୧୮:୨୪ ରଃଅଞ୍ଜ୍ତି କଡ଼େ ଅଁଣ୍ଡୁ କାମା କିଆନ୍ନି କାମା ଟାକ୍କାଙ୍ଗ୍ ଉଦେର୍ ଅଆନ୍ନି ରଃଅଞ୍ଜି କାମ୍ୱାରେଏଞ୍ଜିକି ତା ରେଃଏସ୍ ତାଚ୍ଚିୱାତେରି । 25ମତ୍ର ଏୱାଞ୍ଜ୍ ପାଟ୍ଟି ରିଡ଼ା ତେହ୍ପନ୍ ବାଗାଟି ଇନ୍ନା ହେଃଲ୍ଲାତାୱାଟି ତା ସକାର ଏୱାଞ୍ଜିକି ତା କୁଆଲୁ, ତା ବଦାଙ୍ଗ୍ନିକି ଅଟେ ତା ପାଟ୍ଟି ଇନ୍ନା ହାବେ ମାନ୍ନୁ ପ୍ରାଚାନ୍ ରିଡ଼ା ତେହ୍ପନ୍ ବାଗା ଆଦେସ୍ ହିତେଞ୍ଜି । 26ଏଦାକି ଏ କାମ୍ବାରେଏଞ୍ଜି ଏୱାଞ୍ଜିକି ଅଲ୍ଗି ଆନ୍ ୱେସ୍ତେଞ୍ଜି, ନାଙ୍ଗେ ପାପୁଅଲ୍ଚାନ୍ ଏଚ୍ଚେ ଦିନା କାତାମୁ, ନାନୁ ନି ରିଡ଼ା ହାବେ ତେହ୍ତା ଇଞ୍ଜାନ୍ ଜିଗନ୍ ମ୍ରାସ୍ତେଞ୍ଜି । 27ଏମ୍ୱାଟି ଏ କାମ୍ବାରେଏଞ୍ଜ୍ତି ସକାର ପାପୁଅଲ୍ଚାନାହି ତା ରିଡ଼ା ହାବେ ମାକ୍ସାଡ଼ି କିଆନ୍ ଏୱାଞ୍ଜିକି ପିହାହିତେଞ୍ଜି ।
28ମତ୍ର ଏ କାମ୍ବାରେଏଞ୍ଜି ହଚାନ୍ ହାଜ୍ଜାନାହି ତା ତାୱାଟି ସେଙ୍ଗୁଡ଼ି ଟାକ୍କାଙ୍ଗ୍ ଉଦେର୍ ଅଆନ୍ନି ଆଡ୍ଡାନ୍ କାମା କିଚ୍ଚି ରଃଅଞ୍ଜି କାମ୍ୱାରେଏଞ୍ଜିକି ହୁଡ଼ନ୍ ପାଁଣ୍ଡାନ୍ ଏୱାଞ୍ଜିକି ଆହାନ୍ ତା ବଟା ବ୍ଡିଚାନ୍ ନିନୁ ନା ଟାକ୍କାଙ୍ଗ୍ ତେହ୍ତାମୁ ଇଞ୍ଜାନ୍ ୱେସ୍ପନ୍ ମ୍ରାସ୍ତେଞ୍ଜି ।
29ଏଦାକି ଆଡ୍ଡାନ୍ କାମା କିଚ୍ଚି କାମ୍ୱାରେଏଞ୍ଜି ଏୱାଞ୍ଜିକି ମେଣ୍ଡାଙ୍ଗୁତାନ୍ ଜିଗାନ୍ ୱେସ୍ତେଞ୍ଜି, ନାଙ୍ଗେ ପାପୁଅଲ୍ଚାନ୍ ଏଚ୍ଚେ ଦିନା କାତାମୁ, ନାନୁ ନି ରିଡ଼ା ହାବେ ତେହ୍ତା ।
30ମତ୍ର ଏୱାଞ୍ଜି ମାନି ଆଃଆତେଞ୍ଜି, ଆଟେ ମାକ୍ସାଡ଼ି କିଃଏଟେଃଏ ଉଦେର୍ ଟାକ୍କାଙ୍ଗ୍ ତେଃହାନ୍ ଟିକ୍ନା ଏୱାଞ୍ଜିକି ବନ୍ଦି ଇଡ୍ଡୁତାୱା ଇଟ୍ଟିତେଞ୍ଜି । 31ଏଦାକି ବିହି କାମ୍ୱାରାଙ୍ଗା ଇ ଡୁଣ୍ଡେଲ୍ ଆଅନ୍ତାଦା ହୁଡ଼ାନ୍ ଏଗେଲ୍ ଦୁଃକ କିତେରି ଅଟେ ହାଜ୍ଜାନ୍ ତା ସକାର୍ନିକି ହାବେତ୍ କୁଲାଟି ୱେସ୍ତେରି । 32ଏମ୍ୱାଟି ତା ସକାର ଏ କାମ୍ବାରେଏଞ୍ଜିକି ତା ରେଃଏସ୍ ଆର୍ଚାନାହି ୱେସ୍ତେଞ୍ଜି, ଏ ଡ଼ଃଆନ୍ କାମ୍ୱାରେଏଞ୍ଜ୍ତି, ନିନୁ ନାଙ୍ଗେ ଜିଗନେଃଏ ନାନୁ ନି ଏ ହାବେତ୍ ରିଡ଼ା ମାକ୍ସାଡ଼ି କିତେ; 33ନାନୁ ନିଙ୍ଗେ ଇନିସ୍ ପାପୁଅଲ୍ତାତେଃଏ, ଏଚିଲାକ୍କାଟି ନିନୁ ୱାଡ଼େ ନି ତାୱାଟି ରିଡ଼ା ଅଆନ୍ନି କାମ୍ୱାରେଏଞ୍ଜିକି ଇନ୍ନା ପାପୁଅଲ୍ପନ୍ ହେଃଲ୍ଲାତେ ?
34ଆଟେ ତା ସକାର ରାଗା ଆନାହି ହାବେତ୍ ରିଡ଼ା ତେଃହାନ୍ ଟିକ୍ନା ଏୱାଞ୍ଜିକି କସ୍ଟ ହିଅନ୍ତିକି ବନ୍ଦି ଇଡ୍ଡୁତି ସିପେଙ୍ଗ୍ କାଜ୍ଜୁତାୱା ସର୍ପି କିତେଞ୍ଜି ।
35“ମିରୁ ହାବେତାତେରି ଜଦି ହଡାଙ୍ଗ୍ ଡ଼ାହି ମି ଆମ୍ୱେସାଙ୍ଗାନିକି ମାକ୍ସାଡ଼ି କିଃଏରି, ଏହେଙ୍ଗ୍ ଆତେସି ସର୍ଗ ରାଜିତାୱା ମାନ୍ନି ନା ଆବା ୱାଡ଼େ ମିଙ୍ଗେ ଏଚିଲାକ୍କାଟି ମାକ୍ସାଡ଼ି କିଆଦାଃଏଞ୍ଜି ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0