ମାତିଉ 17
17
ମୁଆରି ଗ୍ରାମ୍ୱାଗାଟାରି ଜିସୁ ଡ଼ାହି ମସା ଅଟେ ଏଲିୟନିକି ହୁଡ଼ନ୍
(ମାର୍କ ୯:୨–୧୩; ଲୁକ ୯:୨୮–୩୬)
1ହାରା ଦିନା ହାଚ୍ଚି ଡେଗ୍ଗା ଜିସୁ ପିତର, ଜାକୁବ ଅଟେ ତା ଆମ୍ୱେସ୍ ଜହନନିକି ଆର୍ଚାନ୍ ରଣ୍ଡା ପ୍ଡିତି ହରୁଇନ୍ଦା ଅତେଞ୍ଜି । 2ଆଟେ ଏଦିମ୍ୱା ଏୱାର୍ ନକେସ୍ ଜିସୁତି ୱାନ୍ନା ମ୍ଲିତେ, ତା ମ୍ରୁମ୍ବୁ ୱେଲା ଲାକ୍କା ଅସ୍ପିଚ୍ଚେ ଅଟେ ତା ଜିରା ଅଲା ଲାକ୍କାଟ୍ ହୁକୁଲ୍ ଆତେ । 3ଆଟେ ହୁଡ଼ାଟୁ, ମସା ଅଟେ ଏଲିୟ ଜିସୁ ଡ଼ାହି କାତାବାର୍ତା ଆଇଚ୍ଚାଦାଃଆ ଏୱାରି ହୁଡ଼ିତେରି ।
4ଏମ୍ୱାଟି ପିତର ଜିସୁନିକି ୱେସ୍ତେଞ୍ଜି, “ଏ ଦାର୍ମୁ, ମାରୁ ଇମ୍ୱିନ୍ ଗର୍ରିତାୱା ମାନ୍ନା, ଇଦି ନିଗ୍ଗାଗାଟାଦି, ନି ଇଚ୍ଚା ଆତେସି ନାନୁ ଇଦିମ୍ୱା ନି ବାଗା ରଣ୍ଡା, ମସା ବାଗା ରଣ୍ଡା ଅଟେ ଏଲିୟ ବାଗା ରଣ୍ଡା ତମ୍ୱୁ ଇଡ୍ଡୁ କ୍ଲେହିଃଇ ।” 5#ମାତି ୩:୧୭; ୧୨:୧୮; ମାର୍କ ୧:୧୧; ଲୁକ ୩:୨୨#୨ପି ୧:୧୭,୧୮ଏୱାଞ୍ଜି ଇ କାତା ୱେସି ୱେସି, ହିତେ ଜାଗ୍ଗୁ ୱାନ୍ ଏୱାରିକି ମୁଚ୍ଚି କିତେ, “ଆଟେ ହୁଡ଼ାଟୁ, ଏ ଜାଗ୍ଗୁଟି ଇ ଉକୁଡ଼୍ ଆତେ, ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ ପାଟ୍ଟି ନା ଏଗେଲ୍ ରାହାଙ୍ଗ୍, ଇୱାଞ୍ଜ୍ତି କାତା ୱେଞ୍ଜୁ ।” 6ଇଦା ୱେଞ୍ଜାନ୍ ଗ୍ରାମ୍ୱାଗାଟାରି ଏଗେଲ୍ ଆଜ୍ଜାନାହି ମୁଞ୍ଜୁଙ୍ଗୁତାନ୍ ନେତେ ବ୍ଡିତେରି । 7ଏମ୍ୱାଟି ଜିସୁ ୱାନ୍ ଏୱାରିକି ଡିଗାନ୍ ୱେସ୍ତେଞ୍ଜି, “ନିଙ୍ଗାଟୁ” ମିରୁ ଆଃଜ୍ଜାଟୁ । 8ଆଟେ ଏଚ୍ଚିକିଃଆ ଏୱାରି ନିଙ୍ଗାନ୍ ୱାନ୍ଦା ମେହ୍ତେରି ୱାର୍ରି ଜିସୁନିକି ପିହାନ୍ ଆଟେ ଇନ୍ଦାରିକି ହୁଃଡ଼ାତେରି । 9ଏୱାରି ହରୁତାୱାଟି ଜାପିଞ୍ଜାତ୍ ତୁକାତାୱା ଜିସୁ ଏୱାରିକି ଆଦେସ୍ ହିଆନ୍ ୱେସ୍ତେଞ୍ଜି, “କୁଏଞ୍ଜ୍ତି ମ୍ରିଃଏଞ୍ଜି ହାନ୍ନାନାରି ଟିଆଟି ନିଃଙ୍ଗାନ୍ ଟିକ୍ନା ଇମ୍ୱା ଇନ୍ନା ହୁଡ଼ିତେରି ଇ କାତା ଇନ୍ଦାରିକି ୱେଃସାଟୁ ।” 10ଆଟେ ଗ୍ରାମ୍ୱାଗାଟାରି ତାଙ୍ଗେ ୱେଚ୍ଚେରି, “ଆତେସି ଏଲିୟ କାହେ ୱାନ୍ନେଞ୍ଜି ଇଞ୍ଜାନ୍ ସାସ୍ତ୍ରିଙ୍ଗ୍ ଇନାକିଅନ୍ ୱେସ୍ପିନ୍ନେରି ?” 11ଜିସୁ ୱେସ୍ତେଞ୍ଜି, ଏଲିୟ ୱାନ୍ ହାବେତ୍ କୁଲା ରିହିକ୍ ରଞ୍ଜି କିଅନ୍ତି କାତା ନିଜ୍ଜା । 12#ମାତି ୧୧:୧୪ମତ୍ର ନାନୁ ମିଙ୍ଗେ ୱେସ୍ପିଞ୍ଜା, “ଏଲିୟ ତ ୱାତେଞ୍ଜ୍ଦେ, ମତ୍ର ଦାଲ୍ଲା ତାଙ୍ଗେ ପୁନ୍ନେଟେଃଏ ଇନ୍ନା ଇଚ୍ଚା ଏଦା ଏୱାଞ୍ଜ୍ ପାଟ୍ଟି କିତେରି । ଏଚିଲାକ୍କାଟି କୁଏଞ୍ଜ୍ତି ମ୍ରିଃଏଞ୍ଜି ୱାଡ଼େ ଏୱାର୍ତି କାଜ୍ଜୁତାୱା ଦୁଃକବୁଗ କିଅନ୍ ବାଗାଟି ହାଜ୍ଜିନ୍ନେଞ୍ଜି ।” 13ଏମ୍ୱାଟି ଗ୍ରାମ୍ୱାଗାଟାରି ପୁଚ୍ଚେରି ଜେ ଏୱାଞ୍ଜି ଏୱାରିକି ଡୁବନ୍ ହିଚ୍ଚି ଜହନ କୁଲାଟି ୱେସ୍ପିଚ୍ଚେଞ୍ଜି ।
ବୁତ ଆହାଚ୍ଚି ବଦାସିକି ନେହି କିଅନି
(ମାର୍କ ୯:୧୪–୨୯; ଲୁକ ୯:୩୭–୪୩)
14ଏଚ୍ଚିକିଃଆ ଜିସୁ ଅଟେ ତା ଗ୍ରାମ୍ବାଗାଟାରି ଏଗେଲ୍ ଦାଲ୍ଲା ରେଃଏସ୍ ୱାଅନେଃଏ, ରଃଅଞ୍ଜି କୁଏଞ୍ଜି ଜିସୁ ରେଃଏସ୍ ୱାନ୍ ମେଣ୍ଡାଙ୍ଗୁତାନ୍ ୱେସ୍ତେଞ୍ଜି, 15“ଏ ଦାର୍ମୁ, ନା ମ୍ରିଃଏଞ୍ଜିକି ପାପୁଅଲ୍ମୁ ଇନାକି ଏୱାଞ୍ଜି ମୁର୍ଚା ରଗୁଟି ଏଗେଲ୍ କସ୍ଟ ପାଁଣ୍ଡିନ୍ନେଞ୍ଜି, ଏଦାକି ଏୱାଞ୍ଜି ରଲିତିକି ରଲି ନାଡ଼ିତାୱା ଅଟେ ରଲିତିକି ରଲି ଏଜୁତାୱା ଦିନ୍ନେଞ୍ଜି । 16ନାନୁ ନି ଗ୍ରାମ୍ୱାଗାଟାରି ରେଃଏସ୍ ତାଙ୍ଗେ ତାଚ୍ଚାଚେଃଏ, ମତ୍ର ଏୱାରି ଏୱାଞ୍ଜିକି ନେହି କିଅନି ମୁଃଆତେରି ।” 17ଜିସୁ ୱେସ୍ତେଞ୍ଜି, “ଏ ମାଞ୍ଜାଡ଼ି କିଃଆନାତି ଅଟେ ଡ଼ଃଆନ୍ ପାହେରିଃଆ ହାଲ୍ବନ୍ତି ପୁଣ୍ଡି, ଏଚ୍ଚେ କାଲା ନାନୁ ମି ଡ଼ାହି ବାସାଆଃଇ ? ଏଚ୍ଚେ କାଲା ମି ବେବାର୍ ସହି ଆଃଇ ? ଏ ବଦାସିକି ନା ଟାକ୍କେ ତାଚ୍ଚିୱାଦୁ ।” 18ଆଟେ ଜିସୁ ବୁତତିଦି ୱ୍ଲିଚାନାହି ୱେସ୍ପନେଃଏ ଏଦି ଏୱାଞ୍ଜ୍ତାୱାଟି ହଚାନାହି ହାଚ୍ଚେ ଅଟେ ବଦାସ୍ ଏଚିୱାଡ଼େ ନେହିଆତେଞ୍ଜି । 19ଏମ୍ୱାଟି ଗ୍ରାମ୍ୱାଗାଟାରି ଜିସୁ ରଃଅଞ୍ଜେଃଏ ମାଚ୍ଚି ତୁକାତାୱା ତା ଟାକ୍କେ ୱାନ୍ ୱେଚ୍ଚେରି, “ମାମୁ ଇନ୍ନା କିଅନ୍ ଏୱାଞ୍ଜ୍ତାୱାଟି ବୁତ ପେରନ୍ ମୁଃଆତାମୁ ?” 20#ମାତି ୨୧:୨୧; ମାର୍କ ୧୧:୨୩; ୧କ ୧୩:୨ଜିସୁ ଏୱାରକି ୱେସ୍ତେଞ୍ଜି, “ମି ହିତେ ମାଞ୍ଜାଡ଼ି ବାଗାଟି ମିରୁ ବୁତ ପିହ୍ପି କିଅନି ମୁଃଆତେରି, ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଜଦି ରିଚ୍ଚ ପନ୍ନ ଡେହେଙ୍ଗ୍ ମି ମାଞ୍ଜାଡ଼ି ମାନ୍ନେ ମା, ଏହେଙ୍ଗ୍ ଆତେସି ଇ ହରୁତିଦି ଇମ୍ୱାଟି ଗୁଚ୍ଚିଆମୁ ଇଞ୍ଜାନ୍ ୱେସ୍ତେସି ଏଦି ଗୁଚ୍ଚିଆନେ, ଆଟେ ମି ବାଗାଟି ହାବେ କୁଲା ଆଅନ୍ ମୁନେ ।” 21#ମାର୍କ ୯:୨୯ମତ୍ର ପ୍ରାତ୍ନା ଅଟେ ୱାରାଆଞ୍ଜନ୍ ପିହାନ୍ ବିହି ଇମ୍ୱିନ୍ ବଲଟି ଇହିଙ୍ଗ୍ତି ବୁତ ହଚାନ୍ ହାଃଲ୍ଲେ ।
ଜିସୁ ତା ହାଅନ୍ତି କୁଲାଟି ରିହିକ୍ ୱେସ୍ପନି
(ମାର୍କ ୯:୩୦–୩୨; ଲୁକ ୯:୪୩–୪୫)
22ଆଟେ ଜିସୁ ଅଟେ ଗ୍ରାମ୍ବାଗାଟାରି ଗାଲିଲିତାୱା ରପାଟ୍ଟେ ଆଇଚ୍ଚି ତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି, “କୁଏଞ୍ଜ୍ ମ୍ରିଃଏଞ୍ଜି କୁଇଙ୍ଗ୍ତି କାଜ୍ଜୁତାୱା ସର୍ପି ଆଅନ୍ ବାଗା ହାଜ୍ଜିନ୍ନେଞ୍ଜି । 23ଆଟେ ଏୱାରି ଏୱାଞ୍ଜିକି ପାଗିନେରି, ଆଟେ ମୁ ଦିନାଟି ଏୱାଞ୍ଜି ନିଙ୍ଗିନେଞ୍ଜି ।” ଏମ୍ୱାଟି ଗ୍ରାମ୍ୱାଗାଟାରି ଏଗେଲ୍ ଦୁଃକ କିତେରି ।
ଜିସୁ ଅଟେ ସିସ୍ଟୁ ଜାପନ୍ତାରି
24ଏମ୍ୱାଟି ଜିସୁ ଅଟେ ତା ଗ୍ରାମ୍ୱାଗାଟାରି କପର୍ନାହୁମଇନ୍ଦା ୱାଅନେଃଏ, ଜିରୁସାଲମ ମନ୍ଦିରତି ସିସ୍ଟୁ ଜାପନ୍ତି ଦାଲ୍ଲା ପିତର ରେଃଏସ୍ ୱାନ୍ ୱେଚ୍ଚେରି, “ମି ଗ୍ରାପାଗାଟାଞ୍ଜି ଇନ୍ନା ଜିରୁସାଲମ ମନ୍ଦିରତି ସିସ୍ଟୁ ହିହେଃଲ୍ଲେଞ୍ଜି ?” 25ପିତର ୱେସ୍ତେଞ୍ଜି, “ହାଁ ହିନ୍ନେଞ୍ଜି ।” ଆଟେ ଏୱାଞ୍ଜି ଇଜ୍ଜା ୱାତାୱିଃଆଟି ଜିସୁ କାହେ ଏୱାଞ୍ଜିକି ୱେସ୍ତେଞ୍ଜି, “ସିମନ ନି ମତ ଇନ୍ନାଦି ? ଇ ପୁର୍ତିତି ରାଜେଙ୍ଗ୍ ଇନ୍ଦାର୍ତାୱାଟି ସିସ୍ଟୁ ଅଇନ୍ନେରି ? ଏୱାର୍ତି ମ୍ରିକାତାୱାଟି କି ବିହି ଦାଲ୍ଲା ତାୱାଟି ?” 26ଏୱାଞ୍ଜି ବିହି ଦାଲ୍ଲାଟିଆଟି ଇଞ୍ଜାନ୍ ୱେସ୍ପନେଃଏ, ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏହେଙ୍ଗ୍ଆତେସ୍ ତ ମ୍ରିକା ସିସ୍ଟୁ ହିଃଏରି ।” 27ମତ୍ର ମାରୁ ଇନିମିଡି ସିସ୍ଟୁ ଅନ୍ତାରିନିକି ଲେଜ୍ଜା କିୱି କିଃଆସୁ, ଏଦାବାଗା ସାମ୍ନ୍ଦେର୍ଇନ୍ଦା ହାଜ୍ଜାନ୍ ମିନୁଗଡ୍ଡି ମେସ୍ମୁ, ଆଟେ କାହେ ଇମ୍ୱିନ୍ ମିନୁ ହେଗ୍ନେ, ଏଦା ଆହାନ୍ ତା ଗୁତି ୱ୍ଲେକ୍ତେସି ନିନୁ ରଣ୍ଡା ରୁପା ଟାକ୍କା ପାଁଣ୍ଡି; ଏଦା ଅଆନ୍ ନା ବାଗା ଅଟେ ନି ବାଗା ଏୱାରିକି ହିମୁ ।
Právě zvoleno:
ମାତିଉ 17: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 17
17
ମୁଆରି ଗ୍ରାମ୍ୱାଗାଟାରି ଜିସୁ ଡ଼ାହି ମସା ଅଟେ ଏଲିୟନିକି ହୁଡ଼ନ୍
(ମାର୍କ ୯:୨–୧୩; ଲୁକ ୯:୨୮–୩୬)
1ହାରା ଦିନା ହାଚ୍ଚି ଡେଗ୍ଗା ଜିସୁ ପିତର, ଜାକୁବ ଅଟେ ତା ଆମ୍ୱେସ୍ ଜହନନିକି ଆର୍ଚାନ୍ ରଣ୍ଡା ପ୍ଡିତି ହରୁଇନ୍ଦା ଅତେଞ୍ଜି । 2ଆଟେ ଏଦିମ୍ୱା ଏୱାର୍ ନକେସ୍ ଜିସୁତି ୱାନ୍ନା ମ୍ଲିତେ, ତା ମ୍ରୁମ୍ବୁ ୱେଲା ଲାକ୍କା ଅସ୍ପିଚ୍ଚେ ଅଟେ ତା ଜିରା ଅଲା ଲାକ୍କାଟ୍ ହୁକୁଲ୍ ଆତେ । 3ଆଟେ ହୁଡ଼ାଟୁ, ମସା ଅଟେ ଏଲିୟ ଜିସୁ ଡ଼ାହି କାତାବାର୍ତା ଆଇଚ୍ଚାଦାଃଆ ଏୱାରି ହୁଡ଼ିତେରି ।
4ଏମ୍ୱାଟି ପିତର ଜିସୁନିକି ୱେସ୍ତେଞ୍ଜି, “ଏ ଦାର୍ମୁ, ମାରୁ ଇମ୍ୱିନ୍ ଗର୍ରିତାୱା ମାନ୍ନା, ଇଦି ନିଗ୍ଗାଗାଟାଦି, ନି ଇଚ୍ଚା ଆତେସି ନାନୁ ଇଦିମ୍ୱା ନି ବାଗା ରଣ୍ଡା, ମସା ବାଗା ରଣ୍ଡା ଅଟେ ଏଲିୟ ବାଗା ରଣ୍ଡା ତମ୍ୱୁ ଇଡ୍ଡୁ କ୍ଲେହିଃଇ ।” 5#ମାତି ୩:୧୭; ୧୨:୧୮; ମାର୍କ ୧:୧୧; ଲୁକ ୩:୨୨#୨ପି ୧:୧୭,୧୮ଏୱାଞ୍ଜି ଇ କାତା ୱେସି ୱେସି, ହିତେ ଜାଗ୍ଗୁ ୱାନ୍ ଏୱାରିକି ମୁଚ୍ଚି କିତେ, “ଆଟେ ହୁଡ଼ାଟୁ, ଏ ଜାଗ୍ଗୁଟି ଇ ଉକୁଡ଼୍ ଆତେ, ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ ପାଟ୍ଟି ନା ଏଗେଲ୍ ରାହାଙ୍ଗ୍, ଇୱାଞ୍ଜ୍ତି କାତା ୱେଞ୍ଜୁ ।” 6ଇଦା ୱେଞ୍ଜାନ୍ ଗ୍ରାମ୍ୱାଗାଟାରି ଏଗେଲ୍ ଆଜ୍ଜାନାହି ମୁଞ୍ଜୁଙ୍ଗୁତାନ୍ ନେତେ ବ୍ଡିତେରି । 7ଏମ୍ୱାଟି ଜିସୁ ୱାନ୍ ଏୱାରିକି ଡିଗାନ୍ ୱେସ୍ତେଞ୍ଜି, “ନିଙ୍ଗାଟୁ” ମିରୁ ଆଃଜ୍ଜାଟୁ । 8ଆଟେ ଏଚ୍ଚିକିଃଆ ଏୱାରି ନିଙ୍ଗାନ୍ ୱାନ୍ଦା ମେହ୍ତେରି ୱାର୍ରି ଜିସୁନିକି ପିହାନ୍ ଆଟେ ଇନ୍ଦାରିକି ହୁଃଡ଼ାତେରି । 9ଏୱାରି ହରୁତାୱାଟି ଜାପିଞ୍ଜାତ୍ ତୁକାତାୱା ଜିସୁ ଏୱାରିକି ଆଦେସ୍ ହିଆନ୍ ୱେସ୍ତେଞ୍ଜି, “କୁଏଞ୍ଜ୍ତି ମ୍ରିଃଏଞ୍ଜି ହାନ୍ନାନାରି ଟିଆଟି ନିଃଙ୍ଗାନ୍ ଟିକ୍ନା ଇମ୍ୱା ଇନ୍ନା ହୁଡ଼ିତେରି ଇ କାତା ଇନ୍ଦାରିକି ୱେଃସାଟୁ ।” 10ଆଟେ ଗ୍ରାମ୍ୱାଗାଟାରି ତାଙ୍ଗେ ୱେଚ୍ଚେରି, “ଆତେସି ଏଲିୟ କାହେ ୱାନ୍ନେଞ୍ଜି ଇଞ୍ଜାନ୍ ସାସ୍ତ୍ରିଙ୍ଗ୍ ଇନାକିଅନ୍ ୱେସ୍ପିନ୍ନେରି ?” 11ଜିସୁ ୱେସ୍ତେଞ୍ଜି, ଏଲିୟ ୱାନ୍ ହାବେତ୍ କୁଲା ରିହିକ୍ ରଞ୍ଜି କିଅନ୍ତି କାତା ନିଜ୍ଜା । 12#ମାତି ୧୧:୧୪ମତ୍ର ନାନୁ ମିଙ୍ଗେ ୱେସ୍ପିଞ୍ଜା, “ଏଲିୟ ତ ୱାତେଞ୍ଜ୍ଦେ, ମତ୍ର ଦାଲ୍ଲା ତାଙ୍ଗେ ପୁନ୍ନେଟେଃଏ ଇନ୍ନା ଇଚ୍ଚା ଏଦା ଏୱାଞ୍ଜ୍ ପାଟ୍ଟି କିତେରି । ଏଚିଲାକ୍କାଟି କୁଏଞ୍ଜ୍ତି ମ୍ରିଃଏଞ୍ଜି ୱାଡ଼େ ଏୱାର୍ତି କାଜ୍ଜୁତାୱା ଦୁଃକବୁଗ କିଅନ୍ ବାଗାଟି ହାଜ୍ଜିନ୍ନେଞ୍ଜି ।” 13ଏମ୍ୱାଟି ଗ୍ରାମ୍ୱାଗାଟାରି ପୁଚ୍ଚେରି ଜେ ଏୱାଞ୍ଜି ଏୱାରିକି ଡୁବନ୍ ହିଚ୍ଚି ଜହନ କୁଲାଟି ୱେସ୍ପିଚ୍ଚେଞ୍ଜି ।
ବୁତ ଆହାଚ୍ଚି ବଦାସିକି ନେହି କିଅନି
(ମାର୍କ ୯:୧୪–୨୯; ଲୁକ ୯:୩୭–୪୩)
14ଏଚ୍ଚିକିଃଆ ଜିସୁ ଅଟେ ତା ଗ୍ରାମ୍ବାଗାଟାରି ଏଗେଲ୍ ଦାଲ୍ଲା ରେଃଏସ୍ ୱାଅନେଃଏ, ରଃଅଞ୍ଜି କୁଏଞ୍ଜି ଜିସୁ ରେଃଏସ୍ ୱାନ୍ ମେଣ୍ଡାଙ୍ଗୁତାନ୍ ୱେସ୍ତେଞ୍ଜି, 15“ଏ ଦାର୍ମୁ, ନା ମ୍ରିଃଏଞ୍ଜିକି ପାପୁଅଲ୍ମୁ ଇନାକି ଏୱାଞ୍ଜି ମୁର୍ଚା ରଗୁଟି ଏଗେଲ୍ କସ୍ଟ ପାଁଣ୍ଡିନ୍ନେଞ୍ଜି, ଏଦାକି ଏୱାଞ୍ଜି ରଲିତିକି ରଲି ନାଡ଼ିତାୱା ଅଟେ ରଲିତିକି ରଲି ଏଜୁତାୱା ଦିନ୍ନେଞ୍ଜି । 16ନାନୁ ନି ଗ୍ରାମ୍ୱାଗାଟାରି ରେଃଏସ୍ ତାଙ୍ଗେ ତାଚ୍ଚାଚେଃଏ, ମତ୍ର ଏୱାରି ଏୱାଞ୍ଜିକି ନେହି କିଅନି ମୁଃଆତେରି ।” 17ଜିସୁ ୱେସ୍ତେଞ୍ଜି, “ଏ ମାଞ୍ଜାଡ଼ି କିଃଆନାତି ଅଟେ ଡ଼ଃଆନ୍ ପାହେରିଃଆ ହାଲ୍ବନ୍ତି ପୁଣ୍ଡି, ଏଚ୍ଚେ କାଲା ନାନୁ ମି ଡ଼ାହି ବାସାଆଃଇ ? ଏଚ୍ଚେ କାଲା ମି ବେବାର୍ ସହି ଆଃଇ ? ଏ ବଦାସିକି ନା ଟାକ୍କେ ତାଚ୍ଚିୱାଦୁ ।” 18ଆଟେ ଜିସୁ ବୁତତିଦି ୱ୍ଲିଚାନାହି ୱେସ୍ପନେଃଏ ଏଦି ଏୱାଞ୍ଜ୍ତାୱାଟି ହଚାନାହି ହାଚ୍ଚେ ଅଟେ ବଦାସ୍ ଏଚିୱାଡ଼େ ନେହିଆତେଞ୍ଜି । 19ଏମ୍ୱାଟି ଗ୍ରାମ୍ୱାଗାଟାରି ଜିସୁ ରଃଅଞ୍ଜେଃଏ ମାଚ୍ଚି ତୁକାତାୱା ତା ଟାକ୍କେ ୱାନ୍ ୱେଚ୍ଚେରି, “ମାମୁ ଇନ୍ନା କିଅନ୍ ଏୱାଞ୍ଜ୍ତାୱାଟି ବୁତ ପେରନ୍ ମୁଃଆତାମୁ ?” 20#ମାତି ୨୧:୨୧; ମାର୍କ ୧୧:୨୩; ୧କ ୧୩:୨ଜିସୁ ଏୱାରକି ୱେସ୍ତେଞ୍ଜି, “ମି ହିତେ ମାଞ୍ଜାଡ଼ି ବାଗାଟି ମିରୁ ବୁତ ପିହ୍ପି କିଅନି ମୁଃଆତେରି, ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଜଦି ରିଚ୍ଚ ପନ୍ନ ଡେହେଙ୍ଗ୍ ମି ମାଞ୍ଜାଡ଼ି ମାନ୍ନେ ମା, ଏହେଙ୍ଗ୍ ଆତେସି ଇ ହରୁତିଦି ଇମ୍ୱାଟି ଗୁଚ୍ଚିଆମୁ ଇଞ୍ଜାନ୍ ୱେସ୍ତେସି ଏଦି ଗୁଚ୍ଚିଆନେ, ଆଟେ ମି ବାଗାଟି ହାବେ କୁଲା ଆଅନ୍ ମୁନେ ।” 21#ମାର୍କ ୯:୨୯ମତ୍ର ପ୍ରାତ୍ନା ଅଟେ ୱାରାଆଞ୍ଜନ୍ ପିହାନ୍ ବିହି ଇମ୍ୱିନ୍ ବଲଟି ଇହିଙ୍ଗ୍ତି ବୁତ ହଚାନ୍ ହାଃଲ୍ଲେ ।
ଜିସୁ ତା ହାଅନ୍ତି କୁଲାଟି ରିହିକ୍ ୱେସ୍ପନି
(ମାର୍କ ୯:୩୦–୩୨; ଲୁକ ୯:୪୩–୪୫)
22ଆଟେ ଜିସୁ ଅଟେ ଗ୍ରାମ୍ବାଗାଟାରି ଗାଲିଲିତାୱା ରପାଟ୍ଟେ ଆଇଚ୍ଚି ତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି, “କୁଏଞ୍ଜ୍ ମ୍ରିଃଏଞ୍ଜି କୁଇଙ୍ଗ୍ତି କାଜ୍ଜୁତାୱା ସର୍ପି ଆଅନ୍ ବାଗା ହାଜ୍ଜିନ୍ନେଞ୍ଜି । 23ଆଟେ ଏୱାରି ଏୱାଞ୍ଜିକି ପାଗିନେରି, ଆଟେ ମୁ ଦିନାଟି ଏୱାଞ୍ଜି ନିଙ୍ଗିନେଞ୍ଜି ।” ଏମ୍ୱାଟି ଗ୍ରାମ୍ୱାଗାଟାରି ଏଗେଲ୍ ଦୁଃକ କିତେରି ।
ଜିସୁ ଅଟେ ସିସ୍ଟୁ ଜାପନ୍ତାରି
24ଏମ୍ୱାଟି ଜିସୁ ଅଟେ ତା ଗ୍ରାମ୍ୱାଗାଟାରି କପର୍ନାହୁମଇନ୍ଦା ୱାଅନେଃଏ, ଜିରୁସାଲମ ମନ୍ଦିରତି ସିସ୍ଟୁ ଜାପନ୍ତି ଦାଲ୍ଲା ପିତର ରେଃଏସ୍ ୱାନ୍ ୱେଚ୍ଚେରି, “ମି ଗ୍ରାପାଗାଟାଞ୍ଜି ଇନ୍ନା ଜିରୁସାଲମ ମନ୍ଦିରତି ସିସ୍ଟୁ ହିହେଃଲ୍ଲେଞ୍ଜି ?” 25ପିତର ୱେସ୍ତେଞ୍ଜି, “ହାଁ ହିନ୍ନେଞ୍ଜି ।” ଆଟେ ଏୱାଞ୍ଜି ଇଜ୍ଜା ୱାତାୱିଃଆଟି ଜିସୁ କାହେ ଏୱାଞ୍ଜିକି ୱେସ୍ତେଞ୍ଜି, “ସିମନ ନି ମତ ଇନ୍ନାଦି ? ଇ ପୁର୍ତିତି ରାଜେଙ୍ଗ୍ ଇନ୍ଦାର୍ତାୱାଟି ସିସ୍ଟୁ ଅଇନ୍ନେରି ? ଏୱାର୍ତି ମ୍ରିକାତାୱାଟି କି ବିହି ଦାଲ୍ଲା ତାୱାଟି ?” 26ଏୱାଞ୍ଜି ବିହି ଦାଲ୍ଲାଟିଆଟି ଇଞ୍ଜାନ୍ ୱେସ୍ପନେଃଏ, ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏହେଙ୍ଗ୍ଆତେସ୍ ତ ମ୍ରିକା ସିସ୍ଟୁ ହିଃଏରି ।” 27ମତ୍ର ମାରୁ ଇନିମିଡି ସିସ୍ଟୁ ଅନ୍ତାରିନିକି ଲେଜ୍ଜା କିୱି କିଃଆସୁ, ଏଦାବାଗା ସାମ୍ନ୍ଦେର୍ଇନ୍ଦା ହାଜ୍ଜାନ୍ ମିନୁଗଡ୍ଡି ମେସ୍ମୁ, ଆଟେ କାହେ ଇମ୍ୱିନ୍ ମିନୁ ହେଗ୍ନେ, ଏଦା ଆହାନ୍ ତା ଗୁତି ୱ୍ଲେକ୍ତେସି ନିନୁ ରଣ୍ଡା ରୁପା ଟାକ୍କା ପାଁଣ୍ଡି; ଏଦା ଅଆନ୍ ନା ବାଗା ଅଟେ ନି ବାଗା ଏୱାରିକି ହିମୁ ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0