ମାତିଉ 16
16
ଜୁନସତି ତୁର୍ରି
(ମାର୍କ ୮:୧୧–୧୩; ଲୁକ ୧୨:୫୪–୫୬)
1 #
ମାତି ୧୨:୩୮; ଲୁକ ୧୧:୧୬ ଏଚ୍ଚେ ଦାଲ୍ଲା ପାରୁସିଙ୍ଗ୍ ଅଟେ ସାଦୁକିଙ୍ଗ୍ ଜିସୁ ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ଜାଗ୍ଗୁଟି ରଣ୍ଡା ତୁର୍ରି ମାଙ୍ଗେ ତସ୍ତାମୁ ଇଞ୍ଜାନ୍ ଜିଗିତେରି । 2ମତ୍ର ଜିସୁ ଏୱାରିକି ୱେସ୍ତେଞ୍ଜି, ମିଡ୍ଡଡ଼୍ ତୁକାତାୱା ମିରୁ ୱେସ୍ପିଞ୍ଜେରି, ନିଞ୍ଜୁ ନେହି ଦିନା ଆନେ, ଇନାକି ଜାଗ୍ଗୁ କାମ୍ୱାନ୍ନେ । 3ଆଟେ ଡାଃଏସ୍ ଆତେସି ଜାଗ୍ଗୁ କାମ୍ୱନ୍ତାଃଆ ଅଟେ ଜାଗ୍ଗୁ ଆନ୍ନାଦାଃଆ ହୁଡ଼ାନାହି ମିରୁ ନିଞ୍ଜୁ ୱ୍ଲିକା ପିସ୍କା ଆନେ ଇଞ୍ଜାନ୍ ୱେସ୍ପିଞ୍ଜେରି । ମିରୁ ଜାଗ୍ଗୁତି ତୁର୍ରି ହୁଡ଼ାନ୍ ଇନ୍ନା ଆନେ ଏଦା ପୁଞ୍ଜିଞ୍ଜେରି, ମତ୍ର କାଲାତି ତୁର୍ରିଙ୍ଗ୍ ହାବେ ହୁଡ଼ାନ୍ ଇନ୍ନା ଆଅନ୍ ହାଜ୍ଜିନ୍ନେ ପୁନ୍ବନ୍ ମୁପେହେଃଲ୍ଲେରି । 4#ମାତି ୧୨:୩୯; ଲୁକ ୧୧:୨୯ଡ଼ଃଆନାରି ଅଟେ ଦାରିଗାଟି ପୁଣ୍ଡି ତୁର୍ରି ଦାହ୍ପିନ୍ନେରି, ମତ୍ର ଏୱାରିକି ଜୁନସତି ତୁର୍ରି ପିହାନ୍ ଇମ୍ୱିନ୍ ବିହି ତୁର୍ରି ହିୱାଆଃଏ । ଏମ୍ୱାଟି ଏୱାଞ୍ଜି ଏୱାରିକି ତୁହାନ୍ ହାଚ୍ଚେଞ୍ଜି ।
ପାରୁସିଙ୍ଗ୍ ଅଟେ ସାଦୁକିଙ୍ଗ୍ତି କମିର
(ମାର୍କ ୮:୧୪–୨୧)
5ଗ୍ରାମ୍ୱାଗାଟାରି ସାମ୍ନ୍ଦେର୍ତି ଆନେଟ୍ ୱାଡୁ ଏଚ୍ଚାନ୍ ହୁଡ଼ିତେରି ଜେ, ଏୱାରି ରୁଟିଙ୍ଗ୍ ଅନ୍ ବାଗା ବ୍ଡୁଜ୍ଜାନ୍ନେରି । 6#ଲୁକ ୧୨:୧ଜିସୁ ଏୱାରିକି ୱେସ୍ତେଞ୍ଜି, ହୁଡ଼ାଟୁ, ସାଦୁକିଙ୍ଗ୍ ଅଟେ ପାରୁସିଙ୍ଗ୍ତି କମିରତାୱାଟି ନେହେନ୍ ବାସାଆଦୁ । 7ଏମ୍ୱାଟି ଏୱାରି ତାରୁ ତାରୁ କାତାବାର୍ତା ଆନ୍ ୱେସ୍ପନ୍ ମ୍ରାସ୍ତେରି, ମାରୁ ରୁଟିଙ୍ଗ୍ ତାଚ୍ଚାହେଃଲ୍ଲାସୁ ଇଞ୍ଜାନ୍ ଏୱାଞ୍ଜ୍ ଇହିଙ୍ଗିସି ୱେସ୍ପିଞ୍ଜାନେଞ୍ଜି । 8ମତ୍ର ଜିସୁ ଏଦା ପୁଞ୍ଜାନ୍ ୱେସ୍ତେଞ୍ଜି, “ଏ ହିତେ ମାଞ୍ଜାଡ଼ି କିଅନ୍ତାତେରି, ମି ଟାକ୍କେ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? 9#ମାତି ୧୪:୧୭–୨୧ହାଦାଡ଼ି ଟିକ୍ନା ମିରୁ ଇନ୍ନା ପୁଞ୍ଜେହେଃଲ୍ଲେରି ମା ? ସେଙ୍ଗା ରୁଟିଙ୍ଗ୍ ସେ ହଜାର୍ ଦାଲ୍ଲା ତିଚ୍ଚେରି, ଆଟେ ହାରାଚ୍ଚି ଏଚି ହୁନ୍ଦା ମିରୁ ଉହି କିତେରି, ଇଦା ଏଲୁ କିହେଃଲ୍ଲେର୍ମା ? 10#ମାତି ୧୫:୩୪–୩୮ଆଟେ ଅଡ଼ିଗଟ୍ଟା ରୁଟିଙ୍ଗ୍ ନାଲ୍ ହଜାର୍ ଦାଲ୍ଲା ତିଚ୍ଚେରି, ଆଟେ ହାରାଚ୍ଚି ରୁଟିଙ୍ଗ୍ ଏଚି ହୁନ୍ଦା ମିରୁ ଉହି କିତେରି, ଇଦା ଇନ୍ନା ଏଲୁ କିହେଃଲ୍ଲେର୍ମା ? 11ନାନୁ ଜେ ମିଙ୍ଗେ ରୁଟିଙ୍ଗ୍ କୁଲାଟି ୱେସାହେଲ୍ଲାଦାଃଆତାନୁ, ଇଦା ଇନିମିଡି ପୁଞ୍ଜେହେଃଲ୍ଲେରି ? ମତ୍ର ପାରୁସି ଅଟେ ସାଦୁକିଙ୍ଗ୍ତି କମିରତାୱାଟି ନେହେନ୍ ଆନ୍ ମାଞ୍ଜୁ ।” 12ଏମ୍ବାଟି ଜିସୁ ଏୱାରିକି ରୁଟିଙ୍ଗ୍ନାୱା ଆଟ୍ପନ୍ତି କମିରତାୱାଟି ନେହେନ୍ ଆନ୍ ମାନ୍ବନ୍ ବାଗା ୱେସ୍ପେହେଃଲ୍ଲାତେଞ୍ଜି, ମତ୍ର ପାରୁସି ଅଟେ ସାଦୁକିଙ୍ଗ୍ତି କଲ ଗ୍ରାପାତାୱାଟି ନେହେନ୍ ବାସାଆଦୁ ଇଞ୍ଜାନ୍ ୱେସ୍ପିଚ୍ଚେଞ୍ଜି, ଇଦା ଏୱାରି ଏଚିତୁକାତାୱା ପୁଚ୍ଚେରି ।
ପିତର ଜିସୁନିକି କ୍ରିସ୍ଟ ଇଞ୍ଜାନ୍ ୱେସ୍ପନ୍
(ମାର୍କ ୮:୨୭–୩୦; ଲୁକ ୯:୧୮–୨୧)
13ଡେଗ୍ଗା ଜିସୁ କାଇସରିଆ ରାଜି ପିଲିପି ଗାଡ଼ାନାଜୁଇନ୍ଦା ୱାନ୍ ତା ଗ୍ରାମ୍ୱାଗାଟାରିକି ୱେନ୍ବନ୍ ମ୍ରାସ୍ତେଞ୍ଜି, “କୁଏଞ୍ଜି ମ୍ରିଃଏଞ୍ଜି ଏମ୍ୱେନାଞ୍ଜି ଇଞ୍ଜାନ୍ ଦାଲ୍ଲା ଇନ୍ନା ଇଞ୍ଜିନ୍ନେରି ?” 14#ମାତି ୧୪:୧,୨; ମାର୍କ ୬:୧୪,୧୫; ଲୁକ ୯:୭,୮ଏମ୍ୱାଟି ଏୱାରି ୱେସ୍ତେରି, “ଏମ୍ୱେ ଏମ୍ୱେ ଇଞ୍ଜିନ୍ନେରି ଡୁବନ୍ ହିନ୍ନି ଜହନ, ଏମ୍ୱେ ଏମ୍ୱେ ଏଲିୟ, ଆଟେ ଏମ୍ୱେ ଏମ୍ୱେ ଜିରିମିୟ କି ବାବବାଦିଙ୍ଗ୍ତାୱାଟି ରଃଅଞ୍ଜି ଇଞ୍ଜାନ୍ ୱେସ୍ପିନ୍ନେରି ।” 15ଏୱାଞ୍ଜି ଏୱାରିକି ୱେଚ୍ଚେଞ୍ଜି, ମତ୍ର “ନାନୁ ଏମ୍ୱେନାନୁ ଇଞ୍ଜାନ୍ ମିରୁ ଇନ୍ନା ଇଞ୍ଜିଞ୍ଜେରି ?” 16#ଜହ ୬:୬୮,୬୯ସିମନ ପିତର ୱେସ୍ତେଞ୍ଜି, “ନିନୁ ଆଇଞ୍ଜି କ୍ରିସ୍ଟ, ନିମ୍ୱାନ୍ ମାନ୍ନି ମୁଲାପେନୁତି ମ୍ରିଃଏଞ୍ଜାତି ।” 17ଏମ୍ୱାଟି ଜିସୁ ତାଙ୍ଗେ ୱେସ୍ତେଞ୍ଜି, “ଏ ଜୁନସତି ମ୍ରିଃଏଞ୍ଜି ସିମନ, ନିନୁ ଦନ୍ୟ, ଇନାକି ନିନୁ ଇ କାତା କୁଇଙ୍ଗ୍ତାୱାଟି ପୁଞ୍ଜାନ୍ ପକ୍ଚାହେଃଲ୍ଲା, ମତ୍ର ନା ସର୍ଗତି ଆବା ପକ୍ଚାଞ୍ଜାନ୍ନେଞ୍ଜି । 18ଆଟେ ନାନୁ ୱାଡ଼େ ନିଙ୍ଗେ ୱେସ୍ପିଞ୍ଜା, ନିନୁ ପିତର ଇଚ୍ଚେସି ୱାଲ୍ଲି, ଆଟେ ଇ ୱାଲ୍ଲି କୁଃଏଟି ନାନୁ ନା ମଣ୍ଡଲି କ୍ଲେହିଃଇ, ଆଟେ ନର୍କତି ବଲ ତାଙ୍ଗେ ହାରି କିଅନ୍ ମୁଃଏ । 19#ମାତି ୧୮:୧୮; ଜହ ୨୦:୨୩ନାନୁ ନିଙ୍ଗେ ସର୍ଗ ରାଜିତି କୁଚ୍ଚିକିଲା ହିଆ, ଆଟେ ନିନୁ ଇ ପୁର୍ତିତାୱା ଇନ୍ନା ଟୁଣ୍ଡିଦି ସର୍ଗତାୱା ଏୱା ଟୁଣ୍ଡା ଆନୁ, ଆଟେ ଇ ପୁର୍ତିତାୱା ଇନ୍ନା ହାବେ ଗେର୍ଦି, ସର୍ଗତାୱା ଏୱା ଗେର୍ପା ଆନୁ ।” 20ଏମ୍ବାଟି ଏୱାଞ୍ଜି ଜେ କ୍ରିସ୍ଟ ଇଦା ଇନ୍ଦାରିକି ୱେଃସାନ୍ ବାଗା, ଏୱାଞ୍ଜି ତା ଗ୍ରାମ୍ୱାଗାଟାରିକି ମାଞ୍ଜାଟି ଆଦେସ୍ ହିତେଞ୍ଜି ।
ଜିସୁ ତା ଦୁଃକ ପାଁନ୍ବନ୍ ଅଟେ ହାଅନ୍ତି କୁଲାଟି ୱେସ୍ପନ୍
(ମାର୍କ ୮:୩୧–୩୩; ଲୁକ ୯:୨୨)
21ଏ ତୁକାତାୱାଟି ଜିସୁ କ୍ରିସ୍ଟ ତା ଗ୍ରାମ୍ୱାଗାଟାରିକି ପୁନ୍ବି କିଅନ୍ ମ୍ରାସ୍ତେଞ୍ଜି ଜେ, ନାନୁ ନିଜ୍ଜାନେଃଏ ଜିରୁସାଲମଇନ୍ଦା ହାଃଇ, ଅଟେ ଗାମିନାରି, ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ତାୱାଟି ଏଗେଲ୍ ଦୁଃକ ପାଁଣ୍ଡାନାହି ହାଇ ଆଟେ ମୁ ଦିନାଟି ନିଙ୍ଗିଃଇ । 22ଏମ୍ୱାଟି ପିତର ଜିସୁନିକି ବିହିଇନ୍ଦା ଆର୍ଚାନ୍ ଇହିଙ୍ଗିସି ୱେଃସା ଇଞ୍ଜାନ୍ ଆଦେସ୍ ହିତେଞ୍ଜି, “ଏ ଦାର୍ମୁ, ମୁଲାପେନୁ ନିଙ୍ଗେ ପାପୁଅଲ୍ତାକାଞ୍ଜି, ଇହିଙ୍ଗ୍ତି ଡୁଣ୍ଡେଲ୍ ନି ପାଟ୍ଟି ଏଚ୍ଚେକ୍ ଆଃଆକାଦି ।” 23ମତ୍ର ଜିସୁ ମ୍ଲିଆନ୍ ପିତରନିକି ୱେସ୍ତେଞ୍ଜି, “ନା ତାୱାଟି ଦେହା ଆମୁ, ସଇତାନ, ନିନୁ ନା ଗିଜ୍ଜୁ ଆଙ୍ଗେଞ୍ଜାଦି, ଇନାକି ନିନୁ ମୁଲାପେନୁ କୁଲା ଏଲୁ କିଃଏଟେଃଏ କୁଇଙ୍ଗ୍ତି କୁଲା ଏଲୁ କିଞ୍ଜି ।” 24#ମାତି ୧୦:୩୮; ଲୁକ ୧୪:୨୭ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଏମ୍ୱେ ଜଦି ନା ବେତଟ୍ ୱାଅନ୍ ବାଗା ଇଚ୍ଚା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ତା ଗାଣ୍ଡି ବ୍ଡୁଜ୍ଜାକାଞ୍ଜି, ଆଟେ ତା କ୍ରୁସ#୧୬:୨୪ ଇଦିମ୍ୱା କ୍ରୁସ ଇଚ୍ଚେସି ଦୁଃକ କସ୍ଟତିକି ବୁଜ୍ଜେ କିନ୍ନେ । ଡେକାନ୍ ନା ବେତଟ୍ ୱାପାକାଞ୍ଜି । 25#ମାତି ୧୦:୩୯; ଲୁକ ୧୭:୩୩; ଜହ ୧୨:୨୫ଇନାକି ଏମ୍ୱେନାଞ୍ଜି ତା ପରନ୍ ରକ୍ୟା କିଅନ୍ ବାଗାଟି ଇଚ୍ଚା କିନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁଃଏଞ୍ଜି; ମତ୍ର ଏମ୍ୱେନାଞ୍ଜି ନା ବାଗାଟି ତା ପରନି ହିନ୍ନେଞ୍ଜି; ଏୱାଞ୍ଜି ଏଦା ପାଁନେଞ୍ଜି । 26ଆଟେ କୁଏଞ୍ଜି ଜଦି ପୁର୍ତି ହାବେ ଜିତି ଆନାହି ତା ପରନ୍ ରକ୍ୟା କିଅନ୍ ମୁପେହେଃଲ୍ଲେଞ୍ଜି, ଏହେଙ୍ଗ୍ ଆତେସି ଏଦି ତା ବାଗା ଇନ୍ନି ଲାବା? ଆଟେ କୁଏଞ୍ଜି ତା ପରନ୍ ପାଁନ୍ବନ୍ ବାଗାଟି ଇନ୍ନି କୁଲା ହିଅନ୍ ମୁନେଞ୍ଜି ? 27#ମାତି ୨୫:୩୧; ରୁମି ୨:୬ଆଟେ କୁଏଞ୍ଜ୍ତି ମ୍ରିଃଏଞ୍ଜି ତା ଆବାତି ମହିମାଟି ତା ଦୁତଙ୍ଗ୍ ଡ଼ାହି ୱାନେଞ୍ଜି ଅଟେ ଏଚିତୁକାତାୱା ଏୱାଞ୍ଜି ହାବେ ଦାଲ୍ଲାନିକି ତା କାମା ଡେହେଙ୍ଗ୍ କାଉ ହିନେଞ୍ଜି । 28ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, କୁଏଞ୍ଜ୍ ମ୍ରିଃଏଞ୍ଜି ତା ରାଜି ୱାଅନ୍ତାଦା ହୁଃଡ଼ାନ୍ ଟିକ୍ନା ଇମ୍ୱା ଡିଡ୍ଡାନ୍ ମାନ୍ନି ଦାଲ୍ଲା ତାୱାଟି ଏଚ୍ଚେ ଦାଲ୍ଲା ହାଃଏରି ।
Právě zvoleno:
ମାତିଉ 16: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 16
16
ଜୁନସତି ତୁର୍ରି
(ମାର୍କ ୮:୧୧–୧୩; ଲୁକ ୧୨:୫୪–୫୬)
1 #
ମାତି ୧୨:୩୮; ଲୁକ ୧୧:୧୬ ଏଚ୍ଚେ ଦାଲ୍ଲା ପାରୁସିଙ୍ଗ୍ ଅଟେ ସାଦୁକିଙ୍ଗ୍ ଜିସୁ ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ଜାଗ୍ଗୁଟି ରଣ୍ଡା ତୁର୍ରି ମାଙ୍ଗେ ତସ୍ତାମୁ ଇଞ୍ଜାନ୍ ଜିଗିତେରି । 2ମତ୍ର ଜିସୁ ଏୱାରିକି ୱେସ୍ତେଞ୍ଜି, ମିଡ୍ଡଡ଼୍ ତୁକାତାୱା ମିରୁ ୱେସ୍ପିଞ୍ଜେରି, ନିଞ୍ଜୁ ନେହି ଦିନା ଆନେ, ଇନାକି ଜାଗ୍ଗୁ କାମ୍ୱାନ୍ନେ । 3ଆଟେ ଡାଃଏସ୍ ଆତେସି ଜାଗ୍ଗୁ କାମ୍ୱନ୍ତାଃଆ ଅଟେ ଜାଗ୍ଗୁ ଆନ୍ନାଦାଃଆ ହୁଡ଼ାନାହି ମିରୁ ନିଞ୍ଜୁ ୱ୍ଲିକା ପିସ୍କା ଆନେ ଇଞ୍ଜାନ୍ ୱେସ୍ପିଞ୍ଜେରି । ମିରୁ ଜାଗ୍ଗୁତି ତୁର୍ରି ହୁଡ଼ାନ୍ ଇନ୍ନା ଆନେ ଏଦା ପୁଞ୍ଜିଞ୍ଜେରି, ମତ୍ର କାଲାତି ତୁର୍ରିଙ୍ଗ୍ ହାବେ ହୁଡ଼ାନ୍ ଇନ୍ନା ଆଅନ୍ ହାଜ୍ଜିନ୍ନେ ପୁନ୍ବନ୍ ମୁପେହେଃଲ୍ଲେରି । 4#ମାତି ୧୨:୩୯; ଲୁକ ୧୧:୨୯ଡ଼ଃଆନାରି ଅଟେ ଦାରିଗାଟି ପୁଣ୍ଡି ତୁର୍ରି ଦାହ୍ପିନ୍ନେରି, ମତ୍ର ଏୱାରିକି ଜୁନସତି ତୁର୍ରି ପିହାନ୍ ଇମ୍ୱିନ୍ ବିହି ତୁର୍ରି ହିୱାଆଃଏ । ଏମ୍ୱାଟି ଏୱାଞ୍ଜି ଏୱାରିକି ତୁହାନ୍ ହାଚ୍ଚେଞ୍ଜି ।
ପାରୁସିଙ୍ଗ୍ ଅଟେ ସାଦୁକିଙ୍ଗ୍ତି କମିର
(ମାର୍କ ୮:୧୪–୨୧)
5ଗ୍ରାମ୍ୱାଗାଟାରି ସାମ୍ନ୍ଦେର୍ତି ଆନେଟ୍ ୱାଡୁ ଏଚ୍ଚାନ୍ ହୁଡ଼ିତେରି ଜେ, ଏୱାରି ରୁଟିଙ୍ଗ୍ ଅନ୍ ବାଗା ବ୍ଡୁଜ୍ଜାନ୍ନେରି । 6#ଲୁକ ୧୨:୧ଜିସୁ ଏୱାରିକି ୱେସ୍ତେଞ୍ଜି, ହୁଡ଼ାଟୁ, ସାଦୁକିଙ୍ଗ୍ ଅଟେ ପାରୁସିଙ୍ଗ୍ତି କମିରତାୱାଟି ନେହେନ୍ ବାସାଆଦୁ । 7ଏମ୍ୱାଟି ଏୱାରି ତାରୁ ତାରୁ କାତାବାର୍ତା ଆନ୍ ୱେସ୍ପନ୍ ମ୍ରାସ୍ତେରି, ମାରୁ ରୁଟିଙ୍ଗ୍ ତାଚ୍ଚାହେଃଲ୍ଲାସୁ ଇଞ୍ଜାନ୍ ଏୱାଞ୍ଜ୍ ଇହିଙ୍ଗିସି ୱେସ୍ପିଞ୍ଜାନେଞ୍ଜି । 8ମତ୍ର ଜିସୁ ଏଦା ପୁଞ୍ଜାନ୍ ୱେସ୍ତେଞ୍ଜି, “ଏ ହିତେ ମାଞ୍ଜାଡ଼ି କିଅନ୍ତାତେରି, ମି ଟାକ୍କେ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? 9#ମାତି ୧୪:୧୭–୨୧ହାଦାଡ଼ି ଟିକ୍ନା ମିରୁ ଇନ୍ନା ପୁଞ୍ଜେହେଃଲ୍ଲେରି ମା ? ସେଙ୍ଗା ରୁଟିଙ୍ଗ୍ ସେ ହଜାର୍ ଦାଲ୍ଲା ତିଚ୍ଚେରି, ଆଟେ ହାରାଚ୍ଚି ଏଚି ହୁନ୍ଦା ମିରୁ ଉହି କିତେରି, ଇଦା ଏଲୁ କିହେଃଲ୍ଲେର୍ମା ? 10#ମାତି ୧୫:୩୪–୩୮ଆଟେ ଅଡ଼ିଗଟ୍ଟା ରୁଟିଙ୍ଗ୍ ନାଲ୍ ହଜାର୍ ଦାଲ୍ଲା ତିଚ୍ଚେରି, ଆଟେ ହାରାଚ୍ଚି ରୁଟିଙ୍ଗ୍ ଏଚି ହୁନ୍ଦା ମିରୁ ଉହି କିତେରି, ଇଦା ଇନ୍ନା ଏଲୁ କିହେଃଲ୍ଲେର୍ମା ? 11ନାନୁ ଜେ ମିଙ୍ଗେ ରୁଟିଙ୍ଗ୍ କୁଲାଟି ୱେସାହେଲ୍ଲାଦାଃଆତାନୁ, ଇଦା ଇନିମିଡି ପୁଞ୍ଜେହେଃଲ୍ଲେରି ? ମତ୍ର ପାରୁସି ଅଟେ ସାଦୁକିଙ୍ଗ୍ତି କମିରତାୱାଟି ନେହେନ୍ ଆନ୍ ମାଞ୍ଜୁ ।” 12ଏମ୍ବାଟି ଜିସୁ ଏୱାରିକି ରୁଟିଙ୍ଗ୍ନାୱା ଆଟ୍ପନ୍ତି କମିରତାୱାଟି ନେହେନ୍ ଆନ୍ ମାନ୍ବନ୍ ବାଗା ୱେସ୍ପେହେଃଲ୍ଲାତେଞ୍ଜି, ମତ୍ର ପାରୁସି ଅଟେ ସାଦୁକିଙ୍ଗ୍ତି କଲ ଗ୍ରାପାତାୱାଟି ନେହେନ୍ ବାସାଆଦୁ ଇଞ୍ଜାନ୍ ୱେସ୍ପିଚ୍ଚେଞ୍ଜି, ଇଦା ଏୱାରି ଏଚିତୁକାତାୱା ପୁଚ୍ଚେରି ।
ପିତର ଜିସୁନିକି କ୍ରିସ୍ଟ ଇଞ୍ଜାନ୍ ୱେସ୍ପନ୍
(ମାର୍କ ୮:୨୭–୩୦; ଲୁକ ୯:୧୮–୨୧)
13ଡେଗ୍ଗା ଜିସୁ କାଇସରିଆ ରାଜି ପିଲିପି ଗାଡ଼ାନାଜୁଇନ୍ଦା ୱାନ୍ ତା ଗ୍ରାମ୍ୱାଗାଟାରିକି ୱେନ୍ବନ୍ ମ୍ରାସ୍ତେଞ୍ଜି, “କୁଏଞ୍ଜି ମ୍ରିଃଏଞ୍ଜି ଏମ୍ୱେନାଞ୍ଜି ଇଞ୍ଜାନ୍ ଦାଲ୍ଲା ଇନ୍ନା ଇଞ୍ଜିନ୍ନେରି ?” 14#ମାତି ୧୪:୧,୨; ମାର୍କ ୬:୧୪,୧୫; ଲୁକ ୯:୭,୮ଏମ୍ୱାଟି ଏୱାରି ୱେସ୍ତେରି, “ଏମ୍ୱେ ଏମ୍ୱେ ଇଞ୍ଜିନ୍ନେରି ଡୁବନ୍ ହିନ୍ନି ଜହନ, ଏମ୍ୱେ ଏମ୍ୱେ ଏଲିୟ, ଆଟେ ଏମ୍ୱେ ଏମ୍ୱେ ଜିରିମିୟ କି ବାବବାଦିଙ୍ଗ୍ତାୱାଟି ରଃଅଞ୍ଜି ଇଞ୍ଜାନ୍ ୱେସ୍ପିନ୍ନେରି ।” 15ଏୱାଞ୍ଜି ଏୱାରିକି ୱେଚ୍ଚେଞ୍ଜି, ମତ୍ର “ନାନୁ ଏମ୍ୱେନାନୁ ଇଞ୍ଜାନ୍ ମିରୁ ଇନ୍ନା ଇଞ୍ଜିଞ୍ଜେରି ?” 16#ଜହ ୬:୬୮,୬୯ସିମନ ପିତର ୱେସ୍ତେଞ୍ଜି, “ନିନୁ ଆଇଞ୍ଜି କ୍ରିସ୍ଟ, ନିମ୍ୱାନ୍ ମାନ୍ନି ମୁଲାପେନୁତି ମ୍ରିଃଏଞ୍ଜାତି ।” 17ଏମ୍ୱାଟି ଜିସୁ ତାଙ୍ଗେ ୱେସ୍ତେଞ୍ଜି, “ଏ ଜୁନସତି ମ୍ରିଃଏଞ୍ଜି ସିମନ, ନିନୁ ଦନ୍ୟ, ଇନାକି ନିନୁ ଇ କାତା କୁଇଙ୍ଗ୍ତାୱାଟି ପୁଞ୍ଜାନ୍ ପକ୍ଚାହେଃଲ୍ଲା, ମତ୍ର ନା ସର୍ଗତି ଆବା ପକ୍ଚାଞ୍ଜାନ୍ନେଞ୍ଜି । 18ଆଟେ ନାନୁ ୱାଡ଼େ ନିଙ୍ଗେ ୱେସ୍ପିଞ୍ଜା, ନିନୁ ପିତର ଇଚ୍ଚେସି ୱାଲ୍ଲି, ଆଟେ ଇ ୱାଲ୍ଲି କୁଃଏଟି ନାନୁ ନା ମଣ୍ଡଲି କ୍ଲେହିଃଇ, ଆଟେ ନର୍କତି ବଲ ତାଙ୍ଗେ ହାରି କିଅନ୍ ମୁଃଏ । 19#ମାତି ୧୮:୧୮; ଜହ ୨୦:୨୩ନାନୁ ନିଙ୍ଗେ ସର୍ଗ ରାଜିତି କୁଚ୍ଚିକିଲା ହିଆ, ଆଟେ ନିନୁ ଇ ପୁର୍ତିତାୱା ଇନ୍ନା ଟୁଣ୍ଡିଦି ସର୍ଗତାୱା ଏୱା ଟୁଣ୍ଡା ଆନୁ, ଆଟେ ଇ ପୁର୍ତିତାୱା ଇନ୍ନା ହାବେ ଗେର୍ଦି, ସର୍ଗତାୱା ଏୱା ଗେର୍ପା ଆନୁ ।” 20ଏମ୍ବାଟି ଏୱାଞ୍ଜି ଜେ କ୍ରିସ୍ଟ ଇଦା ଇନ୍ଦାରିକି ୱେଃସାନ୍ ବାଗା, ଏୱାଞ୍ଜି ତା ଗ୍ରାମ୍ୱାଗାଟାରିକି ମାଞ୍ଜାଟି ଆଦେସ୍ ହିତେଞ୍ଜି ।
ଜିସୁ ତା ଦୁଃକ ପାଁନ୍ବନ୍ ଅଟେ ହାଅନ୍ତି କୁଲାଟି ୱେସ୍ପନ୍
(ମାର୍କ ୮:୩୧–୩୩; ଲୁକ ୯:୨୨)
21ଏ ତୁକାତାୱାଟି ଜିସୁ କ୍ରିସ୍ଟ ତା ଗ୍ରାମ୍ୱାଗାଟାରିକି ପୁନ୍ବି କିଅନ୍ ମ୍ରାସ୍ତେଞ୍ଜି ଜେ, ନାନୁ ନିଜ୍ଜାନେଃଏ ଜିରୁସାଲମଇନ୍ଦା ହାଃଇ, ଅଟେ ଗାମିନାରି, ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ତାୱାଟି ଏଗେଲ୍ ଦୁଃକ ପାଁଣ୍ଡାନାହି ହାଇ ଆଟେ ମୁ ଦିନାଟି ନିଙ୍ଗିଃଇ । 22ଏମ୍ୱାଟି ପିତର ଜିସୁନିକି ବିହିଇନ୍ଦା ଆର୍ଚାନ୍ ଇହିଙ୍ଗିସି ୱେଃସା ଇଞ୍ଜାନ୍ ଆଦେସ୍ ହିତେଞ୍ଜି, “ଏ ଦାର୍ମୁ, ମୁଲାପେନୁ ନିଙ୍ଗେ ପାପୁଅଲ୍ତାକାଞ୍ଜି, ଇହିଙ୍ଗ୍ତି ଡୁଣ୍ଡେଲ୍ ନି ପାଟ୍ଟି ଏଚ୍ଚେକ୍ ଆଃଆକାଦି ।” 23ମତ୍ର ଜିସୁ ମ୍ଲିଆନ୍ ପିତରନିକି ୱେସ୍ତେଞ୍ଜି, “ନା ତାୱାଟି ଦେହା ଆମୁ, ସଇତାନ, ନିନୁ ନା ଗିଜ୍ଜୁ ଆଙ୍ଗେଞ୍ଜାଦି, ଇନାକି ନିନୁ ମୁଲାପେନୁ କୁଲା ଏଲୁ କିଃଏଟେଃଏ କୁଇଙ୍ଗ୍ତି କୁଲା ଏଲୁ କିଞ୍ଜି ।” 24#ମାତି ୧୦:୩୮; ଲୁକ ୧୪:୨୭ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଏମ୍ୱେ ଜଦି ନା ବେତଟ୍ ୱାଅନ୍ ବାଗା ଇଚ୍ଚା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ତା ଗାଣ୍ଡି ବ୍ଡୁଜ୍ଜାକାଞ୍ଜି, ଆଟେ ତା କ୍ରୁସ#୧୬:୨୪ ଇଦିମ୍ୱା କ୍ରୁସ ଇଚ୍ଚେସି ଦୁଃକ କସ୍ଟତିକି ବୁଜ୍ଜେ କିନ୍ନେ । ଡେକାନ୍ ନା ବେତଟ୍ ୱାପାକାଞ୍ଜି । 25#ମାତି ୧୦:୩୯; ଲୁକ ୧୭:୩୩; ଜହ ୧୨:୨୫ଇନାକି ଏମ୍ୱେନାଞ୍ଜି ତା ପରନ୍ ରକ୍ୟା କିଅନ୍ ବାଗାଟି ଇଚ୍ଚା କିନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁଃଏଞ୍ଜି; ମତ୍ର ଏମ୍ୱେନାଞ୍ଜି ନା ବାଗାଟି ତା ପରନି ହିନ୍ନେଞ୍ଜି; ଏୱାଞ୍ଜି ଏଦା ପାଁନେଞ୍ଜି । 26ଆଟେ କୁଏଞ୍ଜି ଜଦି ପୁର୍ତି ହାବେ ଜିତି ଆନାହି ତା ପରନ୍ ରକ୍ୟା କିଅନ୍ ମୁପେହେଃଲ୍ଲେଞ୍ଜି, ଏହେଙ୍ଗ୍ ଆତେସି ଏଦି ତା ବାଗା ଇନ୍ନି ଲାବା? ଆଟେ କୁଏଞ୍ଜି ତା ପରନ୍ ପାଁନ୍ବନ୍ ବାଗାଟି ଇନ୍ନି କୁଲା ହିଅନ୍ ମୁନେଞ୍ଜି ? 27#ମାତି ୨୫:୩୧; ରୁମି ୨:୬ଆଟେ କୁଏଞ୍ଜ୍ତି ମ୍ରିଃଏଞ୍ଜି ତା ଆବାତି ମହିମାଟି ତା ଦୁତଙ୍ଗ୍ ଡ଼ାହି ୱାନେଞ୍ଜି ଅଟେ ଏଚିତୁକାତାୱା ଏୱାଞ୍ଜି ହାବେ ଦାଲ୍ଲାନିକି ତା କାମା ଡେହେଙ୍ଗ୍ କାଉ ହିନେଞ୍ଜି । 28ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, କୁଏଞ୍ଜ୍ ମ୍ରିଃଏଞ୍ଜି ତା ରାଜି ୱାଅନ୍ତାଦା ହୁଃଡ଼ାନ୍ ଟିକ୍ନା ଇମ୍ୱା ଡିଡ୍ଡାନ୍ ମାନ୍ନି ଦାଲ୍ଲା ତାୱାଟି ଏଚ୍ଚେ ଦାଲ୍ଲା ହାଃଏରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0