ମାତିଉ 15
15
କୁଇଙ୍ଗ୍ତି ହାଜୁତାୱାଟି ଦାର୍ମୁତି ହାଜୁ ବେର୍ରାଦି
(ମାର୍କ ୭:୧–୧୩)
1ଏ ତୁକାତାୱା ଜିରୁସାଲମତାୱାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ ଜିସୁ ରେଃଏସ୍ ୱାନ୍ ୱେସ୍ତେରି, 2“ନି ଗ୍ରାମ୍ୱାଗାଟାରି ଇନ୍ନା କିଅନ୍ ଜୁଜୁଆକେଙ୍ଗ୍ତି ରିତିନିତିତିଦି ମାନି ଆଇହେଃଲ୍ଲେରି ? ଇନାକି ଏୱାରି କାଜ୍ଜୁ ନଗେଟେଃଏ ଉଣ୍ଡିନ୍ନେରି ।” 3ଜିସୁ ଏୱାରିକି ୱେସ୍ତେଞ୍ଜି, ମିରୁ ୱାଡ଼େ ମି ରିତିନିତି ବାଗାଟି ଇନାକିଅନ୍ ମୁଲାପେନୁତି ଆଗ୍ୟାଁ ମାନି ଆଇହେଃଲ୍ଲେରି ? 4ଇନାକି ମୁଲାପେନୁ ୱେସାଞ୍ଜାନେଞ୍ଜି, ମି ଇୟାଆବାନିକି ସନ୍ମାନ୍ ହିଦୁ, ଆଟେ ଏମ୍ୱେନାଞ୍ଜିକି ଇୟାଆବାନିକି ୱ୍ଲିପା ହିନ୍ନେଞ୍ଜି, ଏୱାଞ୍ଜି ସାମେନେଃଏ ହାଅନ୍ତି ଦଣ୍ଡ ପାଁନେଞ୍ଜି । 5ମତ୍ର ମିରୁ ଇଞ୍ଜିଞ୍ଜେରି ଜେ, ଏମ୍ୱେନାଞ୍ଜିକି ତା ଇୟାଆବାନିକି ୱେସ୍ପିନ୍ନେଞ୍ଜି, ନାନୁ ମି ବାଗା ଇନ୍ନା ହାବେ ଇଟ୍ଟାମାଃଇ, ଏୱା ହାବେ ମୁଲାପେନୁ ରେଃଏସ୍ ଆଞ୍ଜାମାଃଇ । ଏଦାକି ନାନୁ ମିଙ୍ଗେ ସାହାଜ୍ୟ କିଅନ୍ ମୁତାଦାଃଆନୁ । 6ଆଟେ ଏହେଙ୍ଗିସି ମିରୁ ଇୟାଆବାନିକି ସନ୍ମାନ୍ ହିଅନ୍ ଆବସକ ଆଃଏ ଇଞ୍ଜାନ୍ ଦାଲ୍ଲାନିକି ଗ୍ରାପେଞ୍ଜେରି, ଆଟେ ମିରୁ ମି ନକିତି ରିତିନିତି ଆହାନ୍ ମୁଲାପେନୁତି ବାକ୍ୟ ମାନି ଆଏହେଃଲ୍ଲେରି । 7ଏ କୁଟୁଗାଟାତାତେରି, ଜିସାୟ ବାବବାଦି ମି କୁଲାଟି ନିଜ୍ଜାନେଃଏ ଇ ବାବବାନି ୱେସାନ୍ନେଞ୍ଜି । 8ଇ ଦାଲ୍ଲା ମ୍ରୁମ୍ୱୁତାୱା ନାଙ୍ଗେ ଜୁଙ୍ଗେଞ୍ଜାନେରି, ମତ୍ର ଏୱାର୍ତି ହଡାଙ୍ଗ୍ ନା ତାୱାଟି ଦେହା ମାନ୍ନୁ । 9ଏୱାରି ବାଃଏୱାଡ଼େ ନା ଗାଡ଼ିହେରୁ କିନ୍ନେରି, ଇନାକି କୁଇଙ୍ଗ୍ତି ହାଜୁତିଦି ମୁଲାପେନୁତି ଉପଦେସ ଡେହେଙ୍ଗ୍ ଗ୍ରାପେନ୍ନେରି ।
କୁଏଞ୍ଜିକି ଡ଼ଃଆନ୍ କିନ୍ନି କୁଲାଟି
(ମାର୍କ ୭:୧୪–୨୩)
10ଆଟେ ଜିସୁ ହାବେ ଦାଲ୍ଲାନିକି ରେଃଏସ୍ ଆର୍ଚାନ୍ ଏୱାରିକି ୱେସ୍ତେଞ୍ଜି, ୱେଞ୍ଜୁ ଅଟେ ପୁଞ୍ଜୁ । 11ଗୁତିତାୱା ଇନ୍ନା ହଲ୍ବିନ୍ନୁ, ଏୱା କୁଏଞ୍ଜିକି ଡ଼ଃଆନାଦା କିଏହେଃଲ୍ଲ, ମତ୍ର ଗୁତିତାୱାଟି ଇନ୍ନା ହପିନ୍ନୁ, ଏୱାନେଃଏ କୁଏଞ୍ଜିକି ଡ଼ଃଆନାଦା କିନ୍ନୁ । 12ଏଚିତୁକାତାୱା ଗ୍ରାମ୍ୱାଗାଟାରି ତା ରେଃଏସ୍ ୱାନ୍ ୱେସ୍ତେରି, ପାରୁସିଙ୍ଗ୍ ଇ କାତା ୱେଞ୍ଜାନ୍ ବିସ୍କି ଆନେରି ଇଞ୍ଜାନ୍, ନିନୁ ଇନ୍ନା ଇଦା ପୁଞ୍ଜାହେଃଲ୍ଲାମା ? 13ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ନା ସର୍ଗତି ଆବା ଇମ୍ୱିନ୍ ହାବେ ମ୍ରାକା ଉହାହେଃଲ୍ଲେଞ୍ଜି, ଏୱା ହାବେ ଜେସ୍କାନ୍ ତୁହ୍ପା ଆନେ । 14#ଲୁକ ୬:୩୯ଏୱାରିକି ପିହା ହିଦୁ, ଏୱାରି କାଡ଼ାଙ୍ଗ୍ଗାଟାରିକି ପାହେର୍ ତସ୍ପନ୍ତି କାଡ଼ାଙ୍ଗ୍ଗାଟାରି, ଜଦି ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜି ଆଟେ ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ପାହେର୍ ତସ୍ନେଞ୍ଜି, ଇଚ୍ଚେସି ରିଃଆର୍ ହାବେ କୁଟ୍ଟିତାୱା ମେଦ୍ଦିନେରି ।” 15ଏମ୍ୱାଟି ପିତର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ତୁକାଙ୍ଗାତାତି ଅର୍ତ ମାଙ୍ଗେ ବୁଜ୍ଜେ କିଆମୁ । 16ଜିସୁ ୱେସ୍ତେଞ୍ଜି, “ମିରୁ ୱାଡ଼େ ଇନ୍ନା ହାଦାଡ଼୍ ଟିକ୍ନା ପୁଞ୍ଜାହେଃଲ୍ଲେରି ? 17ଇନ୍ନା ହାବେ ଗୁତିତାୱା ହଲ୍ବିନ୍ନୁ, ଏୱା ଟୁଟୁ ଲାଃଇ ହଲ୍ଜାନାହି କାଟ ହପିନ୍ନୁ, ଇଦା ମିରୁ ଇନ୍ନା ପୁଞ୍ଜାହେଃଲ୍ଲେର୍ମା ? 18#ମାତି ୧୨:୩୪ମତ୍ର ଗୁତିଟି ଇନ୍ନା ହାବେ ହପିନ୍ନୁ, ଏୱା ହଡାଙ୍ଗିଃଆଟି ହପିନ୍ନୁ ଅଟେ ଏଦିନେଃଏ କୁଏଞ୍ଜିକି ଡ଼ଃଆନାଦି କିନ୍ନେ । 19ଇନାକି ଡ଼ଃଆନ୍ ଏଲୁ, ଗାଣ୍ଡିଙ୍ଗ୍ ପାଗନ୍, ଦାରି, ଲେଜ୍ଜାଗାଟି କାମା, ମ୍ଡାମି, କଲ ସାକି ଅଟେ ନାଣ୍ଡନି ଇ ହାବେତ୍ ଡ଼ଃଆନ୍ କୁଲା ହଡାଙ୍ଗିଃଆଟି ହପିନ୍ନୁ । 20ଇୱାହାବେ କୁଏଞ୍ଜିକି ଡ଼ଃଆନାଃଆ କିନ୍ନୁ । ମତ୍ର କାଜ୍ଜୁ ନଗେଟେଃଏ ଉନ୍ବନ୍ତାଦି କୁଏଞ୍ଜିକି ଡ଼ଃଆନାଦା କିଃହେଲ୍ଲେ ।”
କିନାନିୟ ଆଚାଲୁତି ମାଞ୍ଜାଡ଼ି
(ମାର୍କ ୭:୨୪–୩୦)
21ଜିସୁ ଏ ଗର୍ରିତାୱାଟି ସର ଅଟେ ସିଦନ ରାଜିଇନ୍ଦା ହାଚ୍ଚେଞ୍ଜି । 22ଆଟେ ହୁଡ଼ାଟୁ, ଏ ରାଜିତି ରଣ୍ଡି କିନାନିୟ ଆଚାଲୁ ୱାନ୍ ଗଜେଲ୍ ଆନ୍ ୱେସ୍ପନ୍ ମ୍ରାସ୍ତେ, “ଏ ଦାର୍ମୁ, ଦାଉଦ ମ୍ରିଃଏଞ୍ଜି, ନାଙ୍ଗେ ପାପୁଅଲ୍ତାମୁ, ଇନାକି ନା ମ୍ରାଗାନିକି ବୁତ ଆହାନ୍ନେ ଅଟେ ଏଦି ଗାପ୍ଚି କସ୍ଟ ପାଁଣ୍ଡିନ୍ନେ ।” 23ମତ୍ର ଏୱାଞ୍ଜି ଏଦାଡ଼ିକି ର ପଦ ୱାଡ଼େ ୱ୍ଡେପ୍ଚ୍ଚି ୱେଃସାତେଞ୍ଜି ଆଟେ ତା ଗ୍ରାମ୍ୱାଗାଟାରି ୱାନ୍ ତାଙ୍ଗେ ଜିଗନ୍ ମ୍ରାସ୍ତେରି, “ଇଦାଡ଼ିକି ପାଣ୍ଡାମୁ, ଇନାକି ଏଦି ମା ବେତଟ୍ ଗଜେଲ୍ ଆଏସ୍ନା ୱାଇନେ ।” 24ମତ୍ର ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାର୍ରି ଇସ୍ରାଏଲତି ମ୍ରାଙ୍ଗାନ୍ନି ମେଁଣ୍ଡାଅଡାଙ୍ଗ୍ ବାଗା ୱାମାଃଇ ।” 25ମତ୍ର ଏ ଆଚାଲୁ ୱାନ୍ ଜିସୁ ନକେସ୍ ମେଣ୍ଡାଙ୍ଗୁତାନ୍ ଜିଗାନ୍ ୱେସ୍ତେ, “ଏ ଦାର୍ମୁ ନାଙ୍ଗେ ସାହାଜ୍ୟ କିଆମୁ ।” 26ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ବଦାଙ୍ଗ୍ତି ତିନ୍ବା ପଡ଼ି ଅଆନ୍ ନାହୁଡ଼୍କାନିକି ହିଅନ୍ ନେହି ଆଃଏ ।” 27ମତ୍ର ଏଦି ୱେସ୍ତେ, “ହାଁ, ଦାର୍ମୁ, ଇଦି ତ ନିଜ୍ଜା, ଇନାକି ନାହୁଡ଼୍କା ତ ତା ତା ସକାରାଙ୍ଗାତି ଟେବୁଲ୍ତାୱାଟି ସ୍ରୁଇନି ଜୁଟ୍ଟା ତିଞ୍ଜିନ୍ନୁ ।” 28ଏମ୍ୱାଟି ଜିସୁ ଏଦାଡ଼ିକି ୱେସ୍ତେଞ୍ଜି, “ଏ ଆଚାଲୁ, ନି ମାଞ୍ଜାଡ଼ି ଗାପ୍ଚି ବେର୍ରାନାଦି । ଏଦାକି ନିନୁ ଇନ୍ନା ଇଚ୍ଚା କିଞ୍ଜି ଏଚିଡେହେଙ୍ଗ୍ ନି ପାଟ୍ଟି ଆପାକାଦି ।” ଆଟେ ଏଚିୱାଡ଼େ ତା ମ୍ରାଗା ନେହି ଆତେ ।
ଜିସୁ ଏଗେଲ୍ ଦାଲ୍ଲାନିକି ନେହି କିଅନି
(ଜିସାୟ ୩୫:୫–୭; ଲୁକ ୭:୨୨–୨୩)
29ଜିସୁ ଏ ଗର୍ରିତାୱାଟି ହାଜ୍ଜାନାହି ଗାଲିଲି ସାମ୍ନ୍ଦେର୍ ରେଃଏସ୍ ଏତେଞ୍ଜି, ଆଟେ ହରୁଇନ୍ଦା ହାଜ୍ଜାନାହି କକ୍ତେଞ୍ଜି । 30ଅଟେ ଏଗେଲ୍ ଦାଲ୍ଲା ଏୱାଞ୍ଜ୍ ଟାକ୍କେ ୱାତେରି । ଏୱାରି ଏଗେଲ୍ ମେଟ୍ଲାଙ୍ଗ୍, କାଡ଼ାଙ୍ଗ୍, ପଙ୍ଗୁ, ଜାଡ୍ଡା, ଅଟେ ବିହି ବିହି ରଗୁଗାଟାରିକି ଜିସୁ ଟାକ୍କେ ତାଚ୍ଚିୱାତେରି । ଆଟେ ଏୱାଞ୍ଜି ଏୱାରିକି ନେହି କିତେଞ୍ଜି । 31ଇହିଙ୍ଗିସି ଜାଡ୍ଡାଗାଟାରି କାତା ୱେସ୍ପିନ୍ନେରି, ପଙ୍ଗୁଗାଟାରି ନେହି ଆନ୍ନେରି, ମେଟ୍ଲାଙ୍ଗ୍ଗାଟାରି ତାକେନ୍ନେରି ଅଟେ କାଡ଼ାଙ୍ଗ୍ଗାଟାରି ହୁଡ଼େନ୍ନେରି, ଇଦା ହୁଡ଼ାନାହି ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆତେରି, ଆଟେ ଏୱାରି ଇସ୍ରାଏଲତି ମୁଲାପେନୁନିକି ଜୁଙ୍ଗିତେରି ।
ଜିସୁ ନାଲ୍ ହଜାର୍ ଦାଲ୍ଲାନିକି ତିନ୍ବନ୍ ହିଅନି
(ମାର୍କ ୮:୧–୧୦)
32ଆଟେ ଜିସୁ ତା ଗ୍ରାମ୍ୱାଗାଟାରିକି ରେଃଏସ୍ ଆର୍ଚାନାହି ୱେସ୍ତେଞ୍ଜି, “ଇ ଦାଲ୍ଲାନିକି ହୁଡ଼ିତେସି ନାଙ୍ଗେ ପାପୁଜେଡା ଆଇନେ, ଇନାକି ଇୱାରି ମୁ ଦିନା ଆତେ ନା ଡ଼ାହି ମାନ୍ନେରି ଅଟେ ଇୱାର୍ ରେଃଏସ୍ ତିନ୍ବନ୍ତିକି ଇନ୍ନା ହେଃଲ୍ଲେ; ଏୱାରିକି ହାକ୍କି ଏଡ୍ରେ ପାଣ୍ଡନ୍ ବାଗା ନା ଇଚ୍ଚା ଆଃଏ, କାଲେ ଏୱାରି ପାହେରିଃଆ ମୁର୍ଚା ଆନେରି ।” 33ଗ୍ରାମ୍ୱାଗାଟାରି ତାଙ୍ଗେ ୱେସ୍ତେରି, “ଇ ଚିହ୍ପି ଗର୍ରିତାୱା ଇଚ୍ଚେ ଦାଲ୍ଲାନିକି ଟୁଟୁ କ୍ଡିପା ତିନ୍ବନ୍ତିକି ହିଅନ୍ ବାଗା ଇମ୍ୱିନାୱାଟି ଇଚ୍ଚେ ରୁଟିଙ୍ଗ୍ ପାଁନା ?” 34ଜିସୁ ଏୱାରିକି ୱେଚ୍ଚେଞ୍ଜି, “ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ?” ଏୱାରି ୱେସ୍ତେରି, “ଅଡ଼ି ଗଟ୍ଟା, ଆଟେ ହିତଡ଼୍ ଡଟି ମିନ୍ଙ୍ଗା ମାନ୍ନୁ ।” 35ଏମ୍ୱାଟି ଜିସୁ ଦାଲ୍ଲାନିକି ହାବେ ପାଙ୍ଗାତାୱା କପ୍କନ୍ ବାଗା ୱେସ୍ତେଞ୍ଜି । 36ଆଟେ ଜିସୁ ଏ ଅଡ଼ି ଗଟ୍ଟା ରୁଟିଙ୍ଗ୍ ଅଟେ ମିନ୍ଙ୍ଗାତିଦି ଅଆନ୍ ଦନ୍ୟବାଦ ହିଆନାହି ପାହେଡ଼୍ କିଆନ୍ ଏୱା ଗ୍ରାମ୍ୱାଗାଟାରିକି ହିତେଞ୍ଜି, ଅଟେ ଏୱାରି ଦାଲ୍ଲାନିକି ହାବେ ପାହାହିତେରି । 37ଆଟେ ହାବେତାରି ତିଞ୍ଜାନାହି କ୍ଡିତେରି ଅଟେ ହାରାଚ୍ଚି ରୁଟି କାଣ୍ଡାଙ୍ଗ୍ ଗ୍ରାମ୍ୱାଗାଟାରି ପେବ୍ଗନେଃଏ ଅଡ଼ି ହୁନ୍ଦା ଆତୁ । 38ଆଟେ ଏମ୍ୱା ଆଚାସ୍କା ଅଟେ ବଦାଙ୍ଗ୍ନିକି ପିହାନ୍ ୱାର୍ରି ମ୍ଡେହେଙ୍ଗ୍ ନାଲ୍ ହଜାର୍ ଦାଲ୍ଲା ମାଚ୍ଚେରି । 39ଏମ୍ୱାଟି ଜିସୁ ଦାଲ୍ଲାନିକି ହାବେ ବଲା କିଆନାହି ଡଙ୍ଗାତାୱା ଏଙ୍ଗାନାହି ମଗଦାନ ପାଲିଇନ୍ଦା ହାଚ୍ଚେଞ୍ଜି ।
Právě zvoleno:
ମାତିଉ 15: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 15
15
କୁଇଙ୍ଗ୍ତି ହାଜୁତାୱାଟି ଦାର୍ମୁତି ହାଜୁ ବେର୍ରାଦି
(ମାର୍କ ୭:୧–୧୩)
1ଏ ତୁକାତାୱା ଜିରୁସାଲମତାୱାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ ଜିସୁ ରେଃଏସ୍ ୱାନ୍ ୱେସ୍ତେରି, 2“ନି ଗ୍ରାମ୍ୱାଗାଟାରି ଇନ୍ନା କିଅନ୍ ଜୁଜୁଆକେଙ୍ଗ୍ତି ରିତିନିତିତିଦି ମାନି ଆଇହେଃଲ୍ଲେରି ? ଇନାକି ଏୱାରି କାଜ୍ଜୁ ନଗେଟେଃଏ ଉଣ୍ଡିନ୍ନେରି ।” 3ଜିସୁ ଏୱାରିକି ୱେସ୍ତେଞ୍ଜି, ମିରୁ ୱାଡ଼େ ମି ରିତିନିତି ବାଗାଟି ଇନାକିଅନ୍ ମୁଲାପେନୁତି ଆଗ୍ୟାଁ ମାନି ଆଇହେଃଲ୍ଲେରି ? 4ଇନାକି ମୁଲାପେନୁ ୱେସାଞ୍ଜାନେଞ୍ଜି, ମି ଇୟାଆବାନିକି ସନ୍ମାନ୍ ହିଦୁ, ଆଟେ ଏମ୍ୱେନାଞ୍ଜିକି ଇୟାଆବାନିକି ୱ୍ଲିପା ହିନ୍ନେଞ୍ଜି, ଏୱାଞ୍ଜି ସାମେନେଃଏ ହାଅନ୍ତି ଦଣ୍ଡ ପାଁନେଞ୍ଜି । 5ମତ୍ର ମିରୁ ଇଞ୍ଜିଞ୍ଜେରି ଜେ, ଏମ୍ୱେନାଞ୍ଜିକି ତା ଇୟାଆବାନିକି ୱେସ୍ପିନ୍ନେଞ୍ଜି, ନାନୁ ମି ବାଗା ଇନ୍ନା ହାବେ ଇଟ୍ଟାମାଃଇ, ଏୱା ହାବେ ମୁଲାପେନୁ ରେଃଏସ୍ ଆଞ୍ଜାମାଃଇ । ଏଦାକି ନାନୁ ମିଙ୍ଗେ ସାହାଜ୍ୟ କିଅନ୍ ମୁତାଦାଃଆନୁ । 6ଆଟେ ଏହେଙ୍ଗିସି ମିରୁ ଇୟାଆବାନିକି ସନ୍ମାନ୍ ହିଅନ୍ ଆବସକ ଆଃଏ ଇଞ୍ଜାନ୍ ଦାଲ୍ଲାନିକି ଗ୍ରାପେଞ୍ଜେରି, ଆଟେ ମିରୁ ମି ନକିତି ରିତିନିତି ଆହାନ୍ ମୁଲାପେନୁତି ବାକ୍ୟ ମାନି ଆଏହେଃଲ୍ଲେରି । 7ଏ କୁଟୁଗାଟାତାତେରି, ଜିସାୟ ବାବବାଦି ମି କୁଲାଟି ନିଜ୍ଜାନେଃଏ ଇ ବାବବାନି ୱେସାନ୍ନେଞ୍ଜି । 8ଇ ଦାଲ୍ଲା ମ୍ରୁମ୍ୱୁତାୱା ନାଙ୍ଗେ ଜୁଙ୍ଗେଞ୍ଜାନେରି, ମତ୍ର ଏୱାର୍ତି ହଡାଙ୍ଗ୍ ନା ତାୱାଟି ଦେହା ମାନ୍ନୁ । 9ଏୱାରି ବାଃଏୱାଡ଼େ ନା ଗାଡ଼ିହେରୁ କିନ୍ନେରି, ଇନାକି କୁଇଙ୍ଗ୍ତି ହାଜୁତିଦି ମୁଲାପେନୁତି ଉପଦେସ ଡେହେଙ୍ଗ୍ ଗ୍ରାପେନ୍ନେରି ।
କୁଏଞ୍ଜିକି ଡ଼ଃଆନ୍ କିନ୍ନି କୁଲାଟି
(ମାର୍କ ୭:୧୪–୨୩)
10ଆଟେ ଜିସୁ ହାବେ ଦାଲ୍ଲାନିକି ରେଃଏସ୍ ଆର୍ଚାନ୍ ଏୱାରିକି ୱେସ୍ତେଞ୍ଜି, ୱେଞ୍ଜୁ ଅଟେ ପୁଞ୍ଜୁ । 11ଗୁତିତାୱା ଇନ୍ନା ହଲ୍ବିନ୍ନୁ, ଏୱା କୁଏଞ୍ଜିକି ଡ଼ଃଆନାଦା କିଏହେଃଲ୍ଲ, ମତ୍ର ଗୁତିତାୱାଟି ଇନ୍ନା ହପିନ୍ନୁ, ଏୱାନେଃଏ କୁଏଞ୍ଜିକି ଡ଼ଃଆନାଦା କିନ୍ନୁ । 12ଏଚିତୁକାତାୱା ଗ୍ରାମ୍ୱାଗାଟାରି ତା ରେଃଏସ୍ ୱାନ୍ ୱେସ୍ତେରି, ପାରୁସିଙ୍ଗ୍ ଇ କାତା ୱେଞ୍ଜାନ୍ ବିସ୍କି ଆନେରି ଇଞ୍ଜାନ୍, ନିନୁ ଇନ୍ନା ଇଦା ପୁଞ୍ଜାହେଃଲ୍ଲାମା ? 13ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ନା ସର୍ଗତି ଆବା ଇମ୍ୱିନ୍ ହାବେ ମ୍ରାକା ଉହାହେଃଲ୍ଲେଞ୍ଜି, ଏୱା ହାବେ ଜେସ୍କାନ୍ ତୁହ୍ପା ଆନେ । 14#ଲୁକ ୬:୩୯ଏୱାରିକି ପିହା ହିଦୁ, ଏୱାରି କାଡ଼ାଙ୍ଗ୍ଗାଟାରିକି ପାହେର୍ ତସ୍ପନ୍ତି କାଡ଼ାଙ୍ଗ୍ଗାଟାରି, ଜଦି ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜି ଆଟେ ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ପାହେର୍ ତସ୍ନେଞ୍ଜି, ଇଚ୍ଚେସି ରିଃଆର୍ ହାବେ କୁଟ୍ଟିତାୱା ମେଦ୍ଦିନେରି ।” 15ଏମ୍ୱାଟି ପିତର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ତୁକାଙ୍ଗାତାତି ଅର୍ତ ମାଙ୍ଗେ ବୁଜ୍ଜେ କିଆମୁ । 16ଜିସୁ ୱେସ୍ତେଞ୍ଜି, “ମିରୁ ୱାଡ଼େ ଇନ୍ନା ହାଦାଡ଼୍ ଟିକ୍ନା ପୁଞ୍ଜାହେଃଲ୍ଲେରି ? 17ଇନ୍ନା ହାବେ ଗୁତିତାୱା ହଲ୍ବିନ୍ନୁ, ଏୱା ଟୁଟୁ ଲାଃଇ ହଲ୍ଜାନାହି କାଟ ହପିନ୍ନୁ, ଇଦା ମିରୁ ଇନ୍ନା ପୁଞ୍ଜାହେଃଲ୍ଲେର୍ମା ? 18#ମାତି ୧୨:୩୪ମତ୍ର ଗୁତିଟି ଇନ୍ନା ହାବେ ହପିନ୍ନୁ, ଏୱା ହଡାଙ୍ଗିଃଆଟି ହପିନ୍ନୁ ଅଟେ ଏଦିନେଃଏ କୁଏଞ୍ଜିକି ଡ଼ଃଆନାଦି କିନ୍ନେ । 19ଇନାକି ଡ଼ଃଆନ୍ ଏଲୁ, ଗାଣ୍ଡିଙ୍ଗ୍ ପାଗନ୍, ଦାରି, ଲେଜ୍ଜାଗାଟି କାମା, ମ୍ଡାମି, କଲ ସାକି ଅଟେ ନାଣ୍ଡନି ଇ ହାବେତ୍ ଡ଼ଃଆନ୍ କୁଲା ହଡାଙ୍ଗିଃଆଟି ହପିନ୍ନୁ । 20ଇୱାହାବେ କୁଏଞ୍ଜିକି ଡ଼ଃଆନାଃଆ କିନ୍ନୁ । ମତ୍ର କାଜ୍ଜୁ ନଗେଟେଃଏ ଉନ୍ବନ୍ତାଦି କୁଏଞ୍ଜିକି ଡ଼ଃଆନାଦା କିଃହେଲ୍ଲେ ।”
କିନାନିୟ ଆଚାଲୁତି ମାଞ୍ଜାଡ଼ି
(ମାର୍କ ୭:୨୪–୩୦)
21ଜିସୁ ଏ ଗର୍ରିତାୱାଟି ସର ଅଟେ ସିଦନ ରାଜିଇନ୍ଦା ହାଚ୍ଚେଞ୍ଜି । 22ଆଟେ ହୁଡ଼ାଟୁ, ଏ ରାଜିତି ରଣ୍ଡି କିନାନିୟ ଆଚାଲୁ ୱାନ୍ ଗଜେଲ୍ ଆନ୍ ୱେସ୍ପନ୍ ମ୍ରାସ୍ତେ, “ଏ ଦାର୍ମୁ, ଦାଉଦ ମ୍ରିଃଏଞ୍ଜି, ନାଙ୍ଗେ ପାପୁଅଲ୍ତାମୁ, ଇନାକି ନା ମ୍ରାଗାନିକି ବୁତ ଆହାନ୍ନେ ଅଟେ ଏଦି ଗାପ୍ଚି କସ୍ଟ ପାଁଣ୍ଡିନ୍ନେ ।” 23ମତ୍ର ଏୱାଞ୍ଜି ଏଦାଡ଼ିକି ର ପଦ ୱାଡ଼େ ୱ୍ଡେପ୍ଚ୍ଚି ୱେଃସାତେଞ୍ଜି ଆଟେ ତା ଗ୍ରାମ୍ୱାଗାଟାରି ୱାନ୍ ତାଙ୍ଗେ ଜିଗନ୍ ମ୍ରାସ୍ତେରି, “ଇଦାଡ଼ିକି ପାଣ୍ଡାମୁ, ଇନାକି ଏଦି ମା ବେତଟ୍ ଗଜେଲ୍ ଆଏସ୍ନା ୱାଇନେ ।” 24ମତ୍ର ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାର୍ରି ଇସ୍ରାଏଲତି ମ୍ରାଙ୍ଗାନ୍ନି ମେଁଣ୍ଡାଅଡାଙ୍ଗ୍ ବାଗା ୱାମାଃଇ ।” 25ମତ୍ର ଏ ଆଚାଲୁ ୱାନ୍ ଜିସୁ ନକେସ୍ ମେଣ୍ଡାଙ୍ଗୁତାନ୍ ଜିଗାନ୍ ୱେସ୍ତେ, “ଏ ଦାର୍ମୁ ନାଙ୍ଗେ ସାହାଜ୍ୟ କିଆମୁ ।” 26ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ବଦାଙ୍ଗ୍ତି ତିନ୍ବା ପଡ଼ି ଅଆନ୍ ନାହୁଡ଼୍କାନିକି ହିଅନ୍ ନେହି ଆଃଏ ।” 27ମତ୍ର ଏଦି ୱେସ୍ତେ, “ହାଁ, ଦାର୍ମୁ, ଇଦି ତ ନିଜ୍ଜା, ଇନାକି ନାହୁଡ଼୍କା ତ ତା ତା ସକାରାଙ୍ଗାତି ଟେବୁଲ୍ତାୱାଟି ସ୍ରୁଇନି ଜୁଟ୍ଟା ତିଞ୍ଜିନ୍ନୁ ।” 28ଏମ୍ୱାଟି ଜିସୁ ଏଦାଡ଼ିକି ୱେସ୍ତେଞ୍ଜି, “ଏ ଆଚାଲୁ, ନି ମାଞ୍ଜାଡ଼ି ଗାପ୍ଚି ବେର୍ରାନାଦି । ଏଦାକି ନିନୁ ଇନ୍ନା ଇଚ୍ଚା କିଞ୍ଜି ଏଚିଡେହେଙ୍ଗ୍ ନି ପାଟ୍ଟି ଆପାକାଦି ।” ଆଟେ ଏଚିୱାଡ଼େ ତା ମ୍ରାଗା ନେହି ଆତେ ।
ଜିସୁ ଏଗେଲ୍ ଦାଲ୍ଲାନିକି ନେହି କିଅନି
(ଜିସାୟ ୩୫:୫–୭; ଲୁକ ୭:୨୨–୨୩)
29ଜିସୁ ଏ ଗର୍ରିତାୱାଟି ହାଜ୍ଜାନାହି ଗାଲିଲି ସାମ୍ନ୍ଦେର୍ ରେଃଏସ୍ ଏତେଞ୍ଜି, ଆଟେ ହରୁଇନ୍ଦା ହାଜ୍ଜାନାହି କକ୍ତେଞ୍ଜି । 30ଅଟେ ଏଗେଲ୍ ଦାଲ୍ଲା ଏୱାଞ୍ଜ୍ ଟାକ୍କେ ୱାତେରି । ଏୱାରି ଏଗେଲ୍ ମେଟ୍ଲାଙ୍ଗ୍, କାଡ଼ାଙ୍ଗ୍, ପଙ୍ଗୁ, ଜାଡ୍ଡା, ଅଟେ ବିହି ବିହି ରଗୁଗାଟାରିକି ଜିସୁ ଟାକ୍କେ ତାଚ୍ଚିୱାତେରି । ଆଟେ ଏୱାଞ୍ଜି ଏୱାରିକି ନେହି କିତେଞ୍ଜି । 31ଇହିଙ୍ଗିସି ଜାଡ୍ଡାଗାଟାରି କାତା ୱେସ୍ପିନ୍ନେରି, ପଙ୍ଗୁଗାଟାରି ନେହି ଆନ୍ନେରି, ମେଟ୍ଲାଙ୍ଗ୍ଗାଟାରି ତାକେନ୍ନେରି ଅଟେ କାଡ଼ାଙ୍ଗ୍ଗାଟାରି ହୁଡ଼େନ୍ନେରି, ଇଦା ହୁଡ଼ାନାହି ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆତେରି, ଆଟେ ଏୱାରି ଇସ୍ରାଏଲତି ମୁଲାପେନୁନିକି ଜୁଙ୍ଗିତେରି ।
ଜିସୁ ନାଲ୍ ହଜାର୍ ଦାଲ୍ଲାନିକି ତିନ୍ବନ୍ ହିଅନି
(ମାର୍କ ୮:୧–୧୦)
32ଆଟେ ଜିସୁ ତା ଗ୍ରାମ୍ୱାଗାଟାରିକି ରେଃଏସ୍ ଆର୍ଚାନାହି ୱେସ୍ତେଞ୍ଜି, “ଇ ଦାଲ୍ଲାନିକି ହୁଡ଼ିତେସି ନାଙ୍ଗେ ପାପୁଜେଡା ଆଇନେ, ଇନାକି ଇୱାରି ମୁ ଦିନା ଆତେ ନା ଡ଼ାହି ମାନ୍ନେରି ଅଟେ ଇୱାର୍ ରେଃଏସ୍ ତିନ୍ବନ୍ତିକି ଇନ୍ନା ହେଃଲ୍ଲେ; ଏୱାରିକି ହାକ୍କି ଏଡ୍ରେ ପାଣ୍ଡନ୍ ବାଗା ନା ଇଚ୍ଚା ଆଃଏ, କାଲେ ଏୱାରି ପାହେରିଃଆ ମୁର୍ଚା ଆନେରି ।” 33ଗ୍ରାମ୍ୱାଗାଟାରି ତାଙ୍ଗେ ୱେସ୍ତେରି, “ଇ ଚିହ୍ପି ଗର୍ରିତାୱା ଇଚ୍ଚେ ଦାଲ୍ଲାନିକି ଟୁଟୁ କ୍ଡିପା ତିନ୍ବନ୍ତିକି ହିଅନ୍ ବାଗା ଇମ୍ୱିନାୱାଟି ଇଚ୍ଚେ ରୁଟିଙ୍ଗ୍ ପାଁନା ?” 34ଜିସୁ ଏୱାରିକି ୱେଚ୍ଚେଞ୍ଜି, “ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ?” ଏୱାରି ୱେସ୍ତେରି, “ଅଡ଼ି ଗଟ୍ଟା, ଆଟେ ହିତଡ଼୍ ଡଟି ମିନ୍ଙ୍ଗା ମାନ୍ନୁ ।” 35ଏମ୍ୱାଟି ଜିସୁ ଦାଲ୍ଲାନିକି ହାବେ ପାଙ୍ଗାତାୱା କପ୍କନ୍ ବାଗା ୱେସ୍ତେଞ୍ଜି । 36ଆଟେ ଜିସୁ ଏ ଅଡ଼ି ଗଟ୍ଟା ରୁଟିଙ୍ଗ୍ ଅଟେ ମିନ୍ଙ୍ଗାତିଦି ଅଆନ୍ ଦନ୍ୟବାଦ ହିଆନାହି ପାହେଡ଼୍ କିଆନ୍ ଏୱା ଗ୍ରାମ୍ୱାଗାଟାରିକି ହିତେଞ୍ଜି, ଅଟେ ଏୱାରି ଦାଲ୍ଲାନିକି ହାବେ ପାହାହିତେରି । 37ଆଟେ ହାବେତାରି ତିଞ୍ଜାନାହି କ୍ଡିତେରି ଅଟେ ହାରାଚ୍ଚି ରୁଟି କାଣ୍ଡାଙ୍ଗ୍ ଗ୍ରାମ୍ୱାଗାଟାରି ପେବ୍ଗନେଃଏ ଅଡ଼ି ହୁନ୍ଦା ଆତୁ । 38ଆଟେ ଏମ୍ୱା ଆଚାସ୍କା ଅଟେ ବଦାଙ୍ଗ୍ନିକି ପିହାନ୍ ୱାର୍ରି ମ୍ଡେହେଙ୍ଗ୍ ନାଲ୍ ହଜାର୍ ଦାଲ୍ଲା ମାଚ୍ଚେରି । 39ଏମ୍ୱାଟି ଜିସୁ ଦାଲ୍ଲାନିକି ହାବେ ବଲା କିଆନାହି ଡଙ୍ଗାତାୱା ଏଙ୍ଗାନାହି ମଗଦାନ ପାଲିଇନ୍ଦା ହାଚ୍ଚେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0