ମାତିଉ 14
14
ଡୁବନ୍ ହିନ୍ନି ଜହନତି ହାଅନ୍
(ମାର୍କ ୬:୧୪–୨୯; ଲୁକ ୯:୭–୯)
1ଏଚିତୁକାତାୱା ଗାଲିଲି ରାଜିତି ରାଜେଞ୍ଜି ହେରଦ ଜିସୁ କୁଲାଟି ୱେଚ୍ଚେଞ୍ଜି । 2ଏମ୍ୱାଟି ଏୱାଞ୍ଜି ତା କାମ୍ୱାରାଙ୍ଗାନିକି ୱେସ୍ତେଞ୍ଜି, “ଇୱାଞ୍ଜି ଡୁବନ୍ ହିନ୍ନି ଜହନ, ଏମ୍ୱେନାଞ୍ଜିକି ହାନ୍ନି ଦାଲ୍ଲା ତାୱାଟି ନିଙ୍ଗାନ୍ ୱାନ୍ନେଞ୍ଜି, ଏଦାକି ଇ ହାବେ ଆକ୍କାବାଡ଼ାଙ୍ଗ୍ତି କାମା କିଅନ୍ତି ବଲ ତା ପାଟ୍ଟି ମାନ୍ନେ ।”
3 #
ଲୁକ ୩:୧୯,୨୦ ଇନାକି ହେରଦ ତା ଆମ୍ୱେସ୍ ପିଲିପତି କୁଆଲୁ ହେରଦିଆ ବାଗାଟି ଜହନନିକି ଆହାନାହି ଗାସାନ୍ ବନ୍ଦି ଇଡ୍ଡୁତାୱା କିଟ୍ଟାଚ୍ଚେଞ୍ଜି । 4ଇନାକି ଜହନ ତାଙ୍ଗେ ୱେସ୍ପିଚ୍ଚେଞ୍ଜି, “ନିନୁ ଇଦାଡ଼ିକି କିଟ୍ଟନ୍ତି ହାଜୁ ଆଃଏ ।” 5ଆଟେ ହେରଦ ଜହନନିକି ପାଗନ୍ ବାଗା ଇଚ୍ଚା କିଚ୍ଚେସ୍ ୱାଡ଼େ ଦାଲ୍ଲାନିକି ଆଜ୍ଜେଚ୍ଚେଞ୍ଜି, ଇନାକି ଏୱାରି ଜହନନିକି ବାବବାଦି ଇଞ୍ଜାନାହି ମାନି ଆଇଚ୍ଚେରି । 6ମତ୍ର ହେରଦ ପ୍ଲିଅନ୍ତି ଦିନାତାୱା ହେରଦିଆତି ମ୍ରାଗା ସବାତାୱା କ୍ରାହାନାହି ହେରଦନିକି ରାହାଙ୍ଗ୍ କିତେ । 7ଏମ୍ୱାଟି ଏଦି ଇନ୍ନି କୁଲା ୱ୍ରିହ୍ତାନେ, ଏଦାଡ଼ିକି ଏଦା ହିଃଇ ଇଞ୍ଜାନ୍ ହେରଦ ହାପ୍ପା କିତେଞ୍ଜି । 8ଆଟେ ଏଦି ତା ଇୟାତି କାତା ଆହାନାହି ୱେସ୍ତେ, “ଡୁବନ୍ ହିନ୍ନି ଜହନତି ତ୍ଲାଉ ଇଦିମ୍ୱା ରଣ୍ଡା ଚଡ଼ିଆତାୱା ନାଙ୍ଗେ ହିଆମୁ ।” 9ଏମ୍ୱାଟି ରାଜେଞ୍ଜି ଦୁଃକ ଆତେସ୍ୱାଡ଼େ ତା ହାପ୍ପା ଅଟେ ତା ଡ଼ାହି ବୁଜିତାୱା ମାଚ୍ଚି ଦାଲ୍ଲା ବାଗାଟି ତ୍ଲାଉ କ୍ରାଚାନ୍ ହିଅନ୍ତିକି ଆଗ୍ୟାଁ ହିତେଞ୍ଜି । 10ଆଟେ ଦାଲ୍ଲା ପାଣ୍ଡାନାହି, ବନ୍ଦି ଇଡ୍ଡୁତାୱା ଜହନତି ତ୍ଲାଉ ରାସ୍ପି କିତେଞ୍ଜି । 11ଆଟେ ତା ତ୍ଲାଉ ରଣ୍ଡା ଚଡ଼ିଆତାୱା ତାଚ୍ଚାନାହି ଏ ବଦାମାଙ୍ଗାନିକି ହିୱାଆତେ, ଆଟେ ଏଦି ତା ଇୟାଇନ୍ଦା ଆହାନ୍ ହାଚ୍ଚେ । 12ଏମ୍ୱାଟି ଡୁବନ୍ ହିଚ୍ଚି ଜହନତି ଗ୍ରାମ୍ୱାଗାଟାରି ୱାନାହି ହାତି ଗାଣ୍ଡି ଅଆନ୍ ତାଙ୍ଗେ ଗ୍ରିତେରି ଅଟେ ହାଜ୍ଜାନାହି ଇ ହାବେ ଡୁଣ୍ଡେଲ୍ ଜିସୁନିକି ୱେସ୍ତେରି ।
ଜିସୁ ସେ ହଜାର୍ ଦାଲ୍ଲାନିକି ତିନ୍ବା ହିଅନ୍
(ମାର୍କ ୬:୩୦–୪୪; ଲୁକ ୯:୧୦–୧୭; ଜହନ ୬:୧–୧୪)
13ଏମ୍ୱାଟି ଜିସୁ ଏଦା ୱେଞ୍ଜାନାହି ଏମ୍ୱାଟିଆଟି ଆଙ୍ଗେ ଆନାହି ଡଙ୍ଗାତାୱା ରଣ୍ଡା ଚିହ୍ପି ଗର୍ରିଇନ୍ଦା ହାଚ୍ଚେଞ୍ଜି । ଦାଲ୍ଲା ହାବେ ଇଦା ୱେଞ୍ଜାନାହି ତା ଗାଡ଼ାନାସ୍କାଟି ୱାନାହି ତା ବେତ ବେତଟ୍ ହାଚ୍ଚେରି । 14ଆଟେ ଏୱାଞ୍ଜି ଡଙ୍ଗାତାୱାଟି ଜାଚାନ୍ ଏଗେଲ୍ ଦାଲ୍ଲାନିକି ହୁଡ଼ାନ୍ ଏୱାରିକି ଗାପ୍ଚି ପାପୁଅଲ୍ତେଞ୍ଜି ଅଟେ ଏୱାର୍ତି ରଗୁଗାଟାରିକି ନେହି କିତେଞ୍ଜି । 15ୱେଲା ମେଦ୍ଦନେଃଏ ଗ୍ରାମ୍ୱାଗାଟାରି ତା ରେଃଏସ୍ ୱାନାହି ୱେସ୍ତେରି, ଇଦି ତ ପାଡ଼ୁ ଗର୍ରି ଅଟେ ୱେଲା ହାଚ୍ଚେଦେ; ଏଦାବାଗା ଦାଲ୍ଲା ହାବେ ଇନିମିଡି ନାସ୍କାଇନ୍ଦା ହାଜ୍ଜାନାହି ତା ତା ବାଗାଟି ତିନ୍ବା ପଡ଼ି କଡ୍ଡିନେରି, ଏଦାବାଗା ଏୱାରିକି ପାଣ୍ଡାମୁ । 16ମତ୍ର ଜିସୁ ଏୱାରିକି ୱେସ୍ତେଞ୍ଜି, ଏୱାରି ହାଲ୍ବନ୍ ଆବସକ ଆଃଏ, ମିରୁ ଏୱାରିକି ଇନ୍ନା ଆତେସି ତିନ୍ବନ୍ ହିଦୁ । 17ଏୱାରି ତାଙ୍ଗେ ୱେସ୍ତେରି, “ମା ପାଟ୍ଟି ୱାର୍ରି ସେଙ୍ଗି ରୁଟିଙ୍ଗ୍ ଅଟେ ରିଣ୍ଡି ମିନ୍ଙ୍ଗା ମାନ୍ନୁ ।” 18ଏୱାଞ୍ଜି ୱେସ୍ତେଞ୍ଜି, “ଏୱା ନା ଟାକ୍କେ ତାଚ୍ଚିୱାଦୁ ।” 19ଏମ୍ବାଟି ଏୱାଞ୍ଜି ହାବେ ଦାଲ୍ଲାନିକି ହଲା ମାଚ୍ଚି ପାଙ୍ଗାତାୱା କପ୍କନ୍ ବାଗା ୱେସ୍ତେଞ୍ଜି, ଆଟେ ଏୱାଞ୍ଜି ଏ ସେଙ୍ଗା ରୁଟିଙ୍ଗ୍ ଅଟେ ରିଣ୍ଡା ମିନ୍ଙ୍ଗା ଅଆନ୍ ସର୍ଗଇନ୍ଦା ମେହାନ୍ ମେଲା କିତେଞ୍ଜି ଅଟେ ରୁଟିଙ୍ଗ୍ତିଦି ପାହେଡ଼୍ କିଆନ୍ ଗ୍ରାମ୍ୱାଗାଟାରିକି ହିତେଞ୍ଜି, ଆଟେ ଗ୍ରାମ୍ୱାଗାଟାରି ହାବେ ଦାଲ୍ଲାନିକି ପାହାହିତେରି । 20ଆଟେ ହାବେତାରି ତିଞ୍ଜାନାହି କ୍ଡିତେରି ଅଟେ ପାହେଡ଼୍ ରୁଟିଙ୍ଗ୍ ଏଚ୍ଚେ ହାରିତୁ, ଏୱା ଏୱାରି ପେଗ୍ଜ୍ଜାନ୍ ବାରା ହୁନ୍ଦା ନେସ୍ତେରି । 21ଏ ରୁଟିଙ୍ଗ୍ ତିଞ୍ଜାଚ୍ଚି ଦାଲ୍ଲା ଆଚାସ୍କା ଅଟେ ବଦାଙ୍ଗିଆ ପିହାନାହି, ୱାର୍ରି ମ୍ଡେହେଙ୍ଗ୍ ବାଇକ୍ ସେ ହଜାର୍ ମାଚ୍ଚେରି ।
ଜିସୁ ଏଜୁ କୁଃଏଟି ତାକନି
(ମାର୍କ ୬:୪୫–୫୨; ଜହନ ୬:୧୫–୨୧)
22ଏଚିୱାଡ଼େ ଜିସୁ ଦାଲ୍ଲାନିକି ବଲା କିଆନ୍ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ମିରୁ ଡଙ୍ଗାତାୱା ଏଙ୍ଗାନ୍ ନା କାହେ ସାମ୍ନ୍ଦେର୍ତି ଆନେଟ୍ ୱାଡୁ ହାଜ୍ଜୁ । 23ହାବେ ଦାଲ୍ଲାନିକି ବଲା କିତାୱିଃଆଟି ଏୱାଞ୍ଜି ପ୍ରାତ୍ନା କିଅନ୍ ବାଗା ଆଙ୍ଗେ ଆନାହି ହରୁଡ଼ିପେ ହାଚ୍ଚେଞ୍ଜି, ଆଟେ ମାହୁ ଆଅନେଃଏ ଏୱାଞ୍ଜି ଏଦିମ୍ୱା ରଃଅଞ୍ଜେଃଏ ମାଚ୍ଚେଞ୍ଜି । 24ମତ୍ର ଡଙ୍ଗା ଏଚିତୁକାତାୱା ଗ୍ରିଆତାୱାଟି ଏଗେଲ୍ ଦେହା ମାଚ୍ଚେ ଅଟେ ଗାପ୍ଚି ୱ୍ଲିକା ଆଇଚ୍ଚି ବାଗାଟି ଏଦି ଲହଡ଼ା ଏଜୁ ଡ଼ାହି ଦ୍ଲାଙ୍ଗେଚ୍ଚେ । 25ମତ୍ର ୱେଗା ଡାଃଏସ୍ ଏୱାଞ୍ଜି ସାମ୍ନ୍ଦେର୍ କୁଃଏଟି ତାକାନ୍ ଏୱାର୍ ଟାକ୍କେ ୱାତେଞ୍ଜି, 26ଆଟେ ଗ୍ରାମ୍ୱାଗାଟାରି ତାଙ୍ଗେ ସାମ୍ନ୍ଦେର୍ କୁଃଏଟି ତାକାନ୍ ୱାଅନ୍ତାଦା ହୁଡ଼ାନ୍ ଗାପ୍ଚି ଆଜ୍ଜାନାହି, ଇଦି ତ ବୁତ ଇଞ୍ଜାନ୍ ଗଲି ଆତେରି । 27ମତ୍ର ଜିସୁ ଏଚିୱାଡ଼େ ଏୱାରିକି ୱେସ୍ତେଞ୍ଜି, “ବରେସ୍ ଆଦୁ, ନାନୁନେଃଏ ଏୱାତାନୁ, ମିରୁ ଆଃଜ୍ଜାଟୁ ।” 28ଏମ୍ୱାଟି ପିତର ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ଦାର୍ମୁ, ଜଦି ନିନୁ ଏୱାତାତି, ଏହେଙ୍ଗ୍ ଆତେସି ନାଙ୍ଗେ ଏଜୁ କୁଃଏଟି ତାକାନ୍ ନି ଟାକ୍କେ ୱାଅନ୍ ବାଗା ଆଦେସ୍ ହିଆମୁ ।” 29ଏୱାଞ୍ଜି ୱେସ୍ତେଞ୍ଜି, “ୱାମୁ ।” ଏମ୍ୱାଟି ପିତର ଡଙ୍ଗାତାୱାଟି ଜାଚାନାହି ଏଜୁ କୁଃଏଟି ତାକାନ୍ ଜିସୁ ରେଃଏସ୍ ହାଲ୍ବନ୍ତିକି ମ୍ରାସ୍ତେଞ୍ଜି । 30ମତ୍ର ଏଚିତୁକାତାୱା ଏୱାଞ୍ଜି ୱ୍ଲିକା ହୁଡ଼ାନ୍ ଏଗେଲ୍ ଆଜ୍ଜିତେଞ୍ଜି, ଆଟେ ଏଜୁତାୱା ମୁଞ୍ଜେଚ୍ଚି ତୁକାତାୱା ଗଲି ଆନାହି ଇଚ୍ଚେଞ୍ଜି, “ଏ ଦାର୍ମୁ, ନାଙ୍ଗେ ରକ୍ୟା କିଆମୁ ।” 31ଜିସୁ ଏଚିୱାଡ଼େ କାଜ୍ଜୁ କହାନାହି ଏୱାଞ୍ଜିକି ଆହ୍ତେଞ୍ଜି, ଅଟେ ୱେସ୍ତେଞ୍ଜି “ଏ ହିତେ ମାଞ୍ଜାଡ଼ି କିଅନ୍ତାତି, ନିନୁ ଇନାକିଅନ୍ ସନ୍ଦେହ କିତି ?” 32ଆଟେ ଏୱାରି ଡଙ୍ଗାତାୱା ଏଙ୍ଗନେଃଏ, ୱ୍ଲିକା ଡାମ୍ ଇଚ୍ଚୁ । 33ଏମ୍ୱାଟି ଡଙ୍ଗାତାୱା ମାଚ୍ଚି ଗ୍ରାମ୍ବାଗାଟାରି ତାଙ୍ଗେ ଗାଡ଼ିହେରୁ କିଆନ୍ ୱେସ୍ତେରି, “ନିନୁ ନିଜ୍ଜାନେଃଏ ମୁଲାପେନୁତି ମ୍ରିଃଏଞ୍ଜି ।”
ଜିସୁ ଗିନେସରତ ଗାଡ଼ାନାଜୁତି ରଗୁଗାଟାରିକି ନେହି କିଅନି
(ମାର୍କ ୬:୫୩–୫୬)
34ଜିସୁ ଅଟେ ତା ଗ୍ରାମ୍ବାଗାଟାର୍ ସାମ୍ନ୍ଦେର୍ ଗ୍ଡାଚାନାହି ଗିନେସରତ ରାଜିଇନ୍ଦା ଏତେରି । 35ଆଟେ ଏ ଗର୍ରିତି ଦାଲ୍ଲା ଜିସୁନିକି ପୁଞ୍ଜାନାହି ଏମ୍ୱାତି ଗୁଞ୍ଜେର୍ ମାନ୍ନି ହାବେତ୍ ରାଜିଇନ୍ଦା ୱେସାନ୍ ପାଣ୍ଡିତେରି ଅଟେ ଦାଲ୍ଲା ହାବେ ରଗୁଗାଟାରିକି ତା ଟାକ୍କେ ତାଚ୍ଚିୱାତେରି । 36ଆଟେ ଏୱାରି ଇନିମିଡି ୱାର୍ରି ତା ଜିରାତି ଲିଙ୍ଗୁସ୍ ଡିଗିନେରି, ଇଦା ତାଙ୍ଗେ ଜିଗନ୍ ମ୍ରାସ୍ତେରି, ଆଟେ ଏଚ୍ଚେ ଦାଲ୍ଲା ଡିଗିତେରି ଏୱାରି ହାବେତାରି ନେହିଆତେରି ।
Právě zvoleno:
ମାତିଉ 14: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 14
14
ଡୁବନ୍ ହିନ୍ନି ଜହନତି ହାଅନ୍
(ମାର୍କ ୬:୧୪–୨୯; ଲୁକ ୯:୭–୯)
1ଏଚିତୁକାତାୱା ଗାଲିଲି ରାଜିତି ରାଜେଞ୍ଜି ହେରଦ ଜିସୁ କୁଲାଟି ୱେଚ୍ଚେଞ୍ଜି । 2ଏମ୍ୱାଟି ଏୱାଞ୍ଜି ତା କାମ୍ୱାରାଙ୍ଗାନିକି ୱେସ୍ତେଞ୍ଜି, “ଇୱାଞ୍ଜି ଡୁବନ୍ ହିନ୍ନି ଜହନ, ଏମ୍ୱେନାଞ୍ଜିକି ହାନ୍ନି ଦାଲ୍ଲା ତାୱାଟି ନିଙ୍ଗାନ୍ ୱାନ୍ନେଞ୍ଜି, ଏଦାକି ଇ ହାବେ ଆକ୍କାବାଡ଼ାଙ୍ଗ୍ତି କାମା କିଅନ୍ତି ବଲ ତା ପାଟ୍ଟି ମାନ୍ନେ ।”
3 #
ଲୁକ ୩:୧୯,୨୦ ଇନାକି ହେରଦ ତା ଆମ୍ୱେସ୍ ପିଲିପତି କୁଆଲୁ ହେରଦିଆ ବାଗାଟି ଜହନନିକି ଆହାନାହି ଗାସାନ୍ ବନ୍ଦି ଇଡ୍ଡୁତାୱା କିଟ୍ଟାଚ୍ଚେଞ୍ଜି । 4ଇନାକି ଜହନ ତାଙ୍ଗେ ୱେସ୍ପିଚ୍ଚେଞ୍ଜି, “ନିନୁ ଇଦାଡ଼ିକି କିଟ୍ଟନ୍ତି ହାଜୁ ଆଃଏ ।” 5ଆଟେ ହେରଦ ଜହନନିକି ପାଗନ୍ ବାଗା ଇଚ୍ଚା କିଚ୍ଚେସ୍ ୱାଡ଼େ ଦାଲ୍ଲାନିକି ଆଜ୍ଜେଚ୍ଚେଞ୍ଜି, ଇନାକି ଏୱାରି ଜହନନିକି ବାବବାଦି ଇଞ୍ଜାନାହି ମାନି ଆଇଚ୍ଚେରି । 6ମତ୍ର ହେରଦ ପ୍ଲିଅନ୍ତି ଦିନାତାୱା ହେରଦିଆତି ମ୍ରାଗା ସବାତାୱା କ୍ରାହାନାହି ହେରଦନିକି ରାହାଙ୍ଗ୍ କିତେ । 7ଏମ୍ୱାଟି ଏଦି ଇନ୍ନି କୁଲା ୱ୍ରିହ୍ତାନେ, ଏଦାଡ଼ିକି ଏଦା ହିଃଇ ଇଞ୍ଜାନ୍ ହେରଦ ହାପ୍ପା କିତେଞ୍ଜି । 8ଆଟେ ଏଦି ତା ଇୟାତି କାତା ଆହାନାହି ୱେସ୍ତେ, “ଡୁବନ୍ ହିନ୍ନି ଜହନତି ତ୍ଲାଉ ଇଦିମ୍ୱା ରଣ୍ଡା ଚଡ଼ିଆତାୱା ନାଙ୍ଗେ ହିଆମୁ ।” 9ଏମ୍ୱାଟି ରାଜେଞ୍ଜି ଦୁଃକ ଆତେସ୍ୱାଡ଼େ ତା ହାପ୍ପା ଅଟେ ତା ଡ଼ାହି ବୁଜିତାୱା ମାଚ୍ଚି ଦାଲ୍ଲା ବାଗାଟି ତ୍ଲାଉ କ୍ରାଚାନ୍ ହିଅନ୍ତିକି ଆଗ୍ୟାଁ ହିତେଞ୍ଜି । 10ଆଟେ ଦାଲ୍ଲା ପାଣ୍ଡାନାହି, ବନ୍ଦି ଇଡ୍ଡୁତାୱା ଜହନତି ତ୍ଲାଉ ରାସ୍ପି କିତେଞ୍ଜି । 11ଆଟେ ତା ତ୍ଲାଉ ରଣ୍ଡା ଚଡ଼ିଆତାୱା ତାଚ୍ଚାନାହି ଏ ବଦାମାଙ୍ଗାନିକି ହିୱାଆତେ, ଆଟେ ଏଦି ତା ଇୟାଇନ୍ଦା ଆହାନ୍ ହାଚ୍ଚେ । 12ଏମ୍ୱାଟି ଡୁବନ୍ ହିଚ୍ଚି ଜହନତି ଗ୍ରାମ୍ୱାଗାଟାରି ୱାନାହି ହାତି ଗାଣ୍ଡି ଅଆନ୍ ତାଙ୍ଗେ ଗ୍ରିତେରି ଅଟେ ହାଜ୍ଜାନାହି ଇ ହାବେ ଡୁଣ୍ଡେଲ୍ ଜିସୁନିକି ୱେସ୍ତେରି ।
ଜିସୁ ସେ ହଜାର୍ ଦାଲ୍ଲାନିକି ତିନ୍ବା ହିଅନ୍
(ମାର୍କ ୬:୩୦–୪୪; ଲୁକ ୯:୧୦–୧୭; ଜହନ ୬:୧–୧୪)
13ଏମ୍ୱାଟି ଜିସୁ ଏଦା ୱେଞ୍ଜାନାହି ଏମ୍ୱାଟିଆଟି ଆଙ୍ଗେ ଆନାହି ଡଙ୍ଗାତାୱା ରଣ୍ଡା ଚିହ୍ପି ଗର୍ରିଇନ୍ଦା ହାଚ୍ଚେଞ୍ଜି । ଦାଲ୍ଲା ହାବେ ଇଦା ୱେଞ୍ଜାନାହି ତା ଗାଡ଼ାନାସ୍କାଟି ୱାନାହି ତା ବେତ ବେତଟ୍ ହାଚ୍ଚେରି । 14ଆଟେ ଏୱାଞ୍ଜି ଡଙ୍ଗାତାୱାଟି ଜାଚାନ୍ ଏଗେଲ୍ ଦାଲ୍ଲାନିକି ହୁଡ଼ାନ୍ ଏୱାରିକି ଗାପ୍ଚି ପାପୁଅଲ୍ତେଞ୍ଜି ଅଟେ ଏୱାର୍ତି ରଗୁଗାଟାରିକି ନେହି କିତେଞ୍ଜି । 15ୱେଲା ମେଦ୍ଦନେଃଏ ଗ୍ରାମ୍ୱାଗାଟାରି ତା ରେଃଏସ୍ ୱାନାହି ୱେସ୍ତେରି, ଇଦି ତ ପାଡ଼ୁ ଗର୍ରି ଅଟେ ୱେଲା ହାଚ୍ଚେଦେ; ଏଦାବାଗା ଦାଲ୍ଲା ହାବେ ଇନିମିଡି ନାସ୍କାଇନ୍ଦା ହାଜ୍ଜାନାହି ତା ତା ବାଗାଟି ତିନ୍ବା ପଡ଼ି କଡ୍ଡିନେରି, ଏଦାବାଗା ଏୱାରିକି ପାଣ୍ଡାମୁ । 16ମତ୍ର ଜିସୁ ଏୱାରିକି ୱେସ୍ତେଞ୍ଜି, ଏୱାରି ହାଲ୍ବନ୍ ଆବସକ ଆଃଏ, ମିରୁ ଏୱାରିକି ଇନ୍ନା ଆତେସି ତିନ୍ବନ୍ ହିଦୁ । 17ଏୱାରି ତାଙ୍ଗେ ୱେସ୍ତେରି, “ମା ପାଟ୍ଟି ୱାର୍ରି ସେଙ୍ଗି ରୁଟିଙ୍ଗ୍ ଅଟେ ରିଣ୍ଡି ମିନ୍ଙ୍ଗା ମାନ୍ନୁ ।” 18ଏୱାଞ୍ଜି ୱେସ୍ତେଞ୍ଜି, “ଏୱା ନା ଟାକ୍କେ ତାଚ୍ଚିୱାଦୁ ।” 19ଏମ୍ବାଟି ଏୱାଞ୍ଜି ହାବେ ଦାଲ୍ଲାନିକି ହଲା ମାଚ୍ଚି ପାଙ୍ଗାତାୱା କପ୍କନ୍ ବାଗା ୱେସ୍ତେଞ୍ଜି, ଆଟେ ଏୱାଞ୍ଜି ଏ ସେଙ୍ଗା ରୁଟିଙ୍ଗ୍ ଅଟେ ରିଣ୍ଡା ମିନ୍ଙ୍ଗା ଅଆନ୍ ସର୍ଗଇନ୍ଦା ମେହାନ୍ ମେଲା କିତେଞ୍ଜି ଅଟେ ରୁଟିଙ୍ଗ୍ତିଦି ପାହେଡ଼୍ କିଆନ୍ ଗ୍ରାମ୍ୱାଗାଟାରିକି ହିତେଞ୍ଜି, ଆଟେ ଗ୍ରାମ୍ୱାଗାଟାରି ହାବେ ଦାଲ୍ଲାନିକି ପାହାହିତେରି । 20ଆଟେ ହାବେତାରି ତିଞ୍ଜାନାହି କ୍ଡିତେରି ଅଟେ ପାହେଡ଼୍ ରୁଟିଙ୍ଗ୍ ଏଚ୍ଚେ ହାରିତୁ, ଏୱା ଏୱାରି ପେଗ୍ଜ୍ଜାନ୍ ବାରା ହୁନ୍ଦା ନେସ୍ତେରି । 21ଏ ରୁଟିଙ୍ଗ୍ ତିଞ୍ଜାଚ୍ଚି ଦାଲ୍ଲା ଆଚାସ୍କା ଅଟେ ବଦାଙ୍ଗିଆ ପିହାନାହି, ୱାର୍ରି ମ୍ଡେହେଙ୍ଗ୍ ବାଇକ୍ ସେ ହଜାର୍ ମାଚ୍ଚେରି ।
ଜିସୁ ଏଜୁ କୁଃଏଟି ତାକନି
(ମାର୍କ ୬:୪୫–୫୨; ଜହନ ୬:୧୫–୨୧)
22ଏଚିୱାଡ଼େ ଜିସୁ ଦାଲ୍ଲାନିକି ବଲା କିଆନ୍ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, ମିରୁ ଡଙ୍ଗାତାୱା ଏଙ୍ଗାନ୍ ନା କାହେ ସାମ୍ନ୍ଦେର୍ତି ଆନେଟ୍ ୱାଡୁ ହାଜ୍ଜୁ । 23ହାବେ ଦାଲ୍ଲାନିକି ବଲା କିତାୱିଃଆଟି ଏୱାଞ୍ଜି ପ୍ରାତ୍ନା କିଅନ୍ ବାଗା ଆଙ୍ଗେ ଆନାହି ହରୁଡ଼ିପେ ହାଚ୍ଚେଞ୍ଜି, ଆଟେ ମାହୁ ଆଅନେଃଏ ଏୱାଞ୍ଜି ଏଦିମ୍ୱା ରଃଅଞ୍ଜେଃଏ ମାଚ୍ଚେଞ୍ଜି । 24ମତ୍ର ଡଙ୍ଗା ଏଚିତୁକାତାୱା ଗ୍ରିଆତାୱାଟି ଏଗେଲ୍ ଦେହା ମାଚ୍ଚେ ଅଟେ ଗାପ୍ଚି ୱ୍ଲିକା ଆଇଚ୍ଚି ବାଗାଟି ଏଦି ଲହଡ଼ା ଏଜୁ ଡ଼ାହି ଦ୍ଲାଙ୍ଗେଚ୍ଚେ । 25ମତ୍ର ୱେଗା ଡାଃଏସ୍ ଏୱାଞ୍ଜି ସାମ୍ନ୍ଦେର୍ କୁଃଏଟି ତାକାନ୍ ଏୱାର୍ ଟାକ୍କେ ୱାତେଞ୍ଜି, 26ଆଟେ ଗ୍ରାମ୍ୱାଗାଟାରି ତାଙ୍ଗେ ସାମ୍ନ୍ଦେର୍ କୁଃଏଟି ତାକାନ୍ ୱାଅନ୍ତାଦା ହୁଡ଼ାନ୍ ଗାପ୍ଚି ଆଜ୍ଜାନାହି, ଇଦି ତ ବୁତ ଇଞ୍ଜାନ୍ ଗଲି ଆତେରି । 27ମତ୍ର ଜିସୁ ଏଚିୱାଡ଼େ ଏୱାରିକି ୱେସ୍ତେଞ୍ଜି, “ବରେସ୍ ଆଦୁ, ନାନୁନେଃଏ ଏୱାତାନୁ, ମିରୁ ଆଃଜ୍ଜାଟୁ ।” 28ଏମ୍ୱାଟି ପିତର ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ଦାର୍ମୁ, ଜଦି ନିନୁ ଏୱାତାତି, ଏହେଙ୍ଗ୍ ଆତେସି ନାଙ୍ଗେ ଏଜୁ କୁଃଏଟି ତାକାନ୍ ନି ଟାକ୍କେ ୱାଅନ୍ ବାଗା ଆଦେସ୍ ହିଆମୁ ।” 29ଏୱାଞ୍ଜି ୱେସ୍ତେଞ୍ଜି, “ୱାମୁ ।” ଏମ୍ୱାଟି ପିତର ଡଙ୍ଗାତାୱାଟି ଜାଚାନାହି ଏଜୁ କୁଃଏଟି ତାକାନ୍ ଜିସୁ ରେଃଏସ୍ ହାଲ୍ବନ୍ତିକି ମ୍ରାସ୍ତେଞ୍ଜି । 30ମତ୍ର ଏଚିତୁକାତାୱା ଏୱାଞ୍ଜି ୱ୍ଲିକା ହୁଡ଼ାନ୍ ଏଗେଲ୍ ଆଜ୍ଜିତେଞ୍ଜି, ଆଟେ ଏଜୁତାୱା ମୁଞ୍ଜେଚ୍ଚି ତୁକାତାୱା ଗଲି ଆନାହି ଇଚ୍ଚେଞ୍ଜି, “ଏ ଦାର୍ମୁ, ନାଙ୍ଗେ ରକ୍ୟା କିଆମୁ ।” 31ଜିସୁ ଏଚିୱାଡ଼େ କାଜ୍ଜୁ କହାନାହି ଏୱାଞ୍ଜିକି ଆହ୍ତେଞ୍ଜି, ଅଟେ ୱେସ୍ତେଞ୍ଜି “ଏ ହିତେ ମାଞ୍ଜାଡ଼ି କିଅନ୍ତାତି, ନିନୁ ଇନାକିଅନ୍ ସନ୍ଦେହ କିତି ?” 32ଆଟେ ଏୱାରି ଡଙ୍ଗାତାୱା ଏଙ୍ଗନେଃଏ, ୱ୍ଲିକା ଡାମ୍ ଇଚ୍ଚୁ । 33ଏମ୍ୱାଟି ଡଙ୍ଗାତାୱା ମାଚ୍ଚି ଗ୍ରାମ୍ବାଗାଟାରି ତାଙ୍ଗେ ଗାଡ଼ିହେରୁ କିଆନ୍ ୱେସ୍ତେରି, “ନିନୁ ନିଜ୍ଜାନେଃଏ ମୁଲାପେନୁତି ମ୍ରିଃଏଞ୍ଜି ।”
ଜିସୁ ଗିନେସରତ ଗାଡ଼ାନାଜୁତି ରଗୁଗାଟାରିକି ନେହି କିଅନି
(ମାର୍କ ୬:୫୩–୫୬)
34ଜିସୁ ଅଟେ ତା ଗ୍ରାମ୍ବାଗାଟାର୍ ସାମ୍ନ୍ଦେର୍ ଗ୍ଡାଚାନାହି ଗିନେସରତ ରାଜିଇନ୍ଦା ଏତେରି । 35ଆଟେ ଏ ଗର୍ରିତି ଦାଲ୍ଲା ଜିସୁନିକି ପୁଞ୍ଜାନାହି ଏମ୍ୱାତି ଗୁଞ୍ଜେର୍ ମାନ୍ନି ହାବେତ୍ ରାଜିଇନ୍ଦା ୱେସାନ୍ ପାଣ୍ଡିତେରି ଅଟେ ଦାଲ୍ଲା ହାବେ ରଗୁଗାଟାରିକି ତା ଟାକ୍କେ ତାଚ୍ଚିୱାତେରି । 36ଆଟେ ଏୱାରି ଇନିମିଡି ୱାର୍ରି ତା ଜିରାତି ଲିଙ୍ଗୁସ୍ ଡିଗିନେରି, ଇଦା ତାଙ୍ଗେ ଜିଗନ୍ ମ୍ରାସ୍ତେରି, ଆଟେ ଏଚ୍ଚେ ଦାଲ୍ଲା ଡିଗିତେରି ଏୱାରି ହାବେତାରି ନେହିଆତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0