ମାତିଉ 11
11
ଜିସୁ ଅଟେ ଡୁବନ୍ ହିଅନ୍ତି ଜହନ
(ଲୁକ ୭:୧୮–୩୫)
1ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆଦେସ୍ ହାତାୱିଃଆଟି ଗୁଞ୍ଜେର୍ ମାନ୍ନି ଦାଲ୍ଲାତି ଗାଡ଼ାନାସ୍କା ଏସେନ୍ ଗ୍ରାପ୍ଚାନାହି ପ୍ରଚାର କିଅନ୍ତିକି ଏ ଗର୍ରିଟି ହାଚ୍ଚେଞ୍ଜି ।
2ଏମ୍ୱାଟି କ୍ରିସ୍ଟତି କାମା କୁଲାଟି ୱେଞ୍ଜାନାହି, ବନ୍ଦି ଇଡ୍ଡୁତାୱା ମାଞ୍ଜାନ୍ ଡୁବନ୍ ହିନ୍ନି ଜହନ ତା ଗ୍ରାମ୍ୱାଗାଟାରିକି ଜିସୁ ରେଃଏସ୍ ୱେନ୍ବନ୍ ବାଗା ପାଣ୍ଡିତେଞ୍ଜି ।
3ଏୱାରି ଜିସୁନିକି ୱେଚ୍ଚେରି, ଏମ୍ୱେନାଞ୍ଜିକି ୱାଅନ୍ ମାନ୍ନେଞ୍ଜି, ଏ କୁଏଞ୍ଜି ଇନ୍ନା ନିନୁ କି ମାମୁ ବିହିତାଞ୍ଜିନିକି କାଚାନ୍ ବାସାଆନାମୁ ?
4ଜିସୁ ଏୱାରିକି ୱେସ୍ତେଞ୍ଜି, “ମିରୁ ହାଜ୍ଜାନାହି ଇନ୍ନା ଇନ୍ନା ୱେଞ୍ଜିଞ୍ଜେରି ଅଟେ ହୁଡ଼େଞ୍ଜେରି, ଏ ହାବେ ଜହନନିକି ୱେସ୍ଦୁ; 5କାଡ଼ାଙ୍ଗ୍ଗାଟାରି ହୁଡ଼େନ୍ନେରି, ମେଟ୍ଲାଙ୍ଗ୍ଗାଟାରି ତାକେନ୍ନେରି, ମୁଟ୍ଡାଙ୍ଗ୍ ରଗୁଗାଟାରି ନେହିଆଇନେରି, କାଲ୍ଲାଗାଟାରି ୱେଞ୍ଜିନ୍ନେରି, ହାନ୍ନାରି ନିଙ୍ଗେନ୍ନେରି, ଆଟେ ପାଃନାନାରି ରେଃଏସ୍ ସୁସମାଚାର ୱେସ୍ପା ଆଇନେ; 6ଆଟେ ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଆନ୍ ବେତକ୍ ୱ୍ଡେଃଏଞ୍ଜି, ଏୱାଞ୍ଜି ଦନ୍ୟ ।”
7ଏୱାରି ହାଜ୍ଜିଚ୍ଚି ତୁକାତାୱା ଜିସୁ ଜହନ କୁଲାଟି ଦାଲ୍ଲାନିକି ୱେସ୍ପନ୍ ମ୍ରାସ୍ତେଞ୍ଜି, ମିରୁ ଇନ୍ନା ହୁଡ଼ନ୍ ବାଗା ଚିହ୍ପି ଗର୍ରିଇନ୍ଦା ହଚାନ୍ ହାଜ୍ଜାଚ୍ଚେରି ? ଇନ୍ନା ୱ୍ଲିଉଟି ଦୁଙ୍ଗେନ୍ନି ଡୁଙ୍ଗା ? 8ଏହେଙ୍ଗ୍ ଆଃଆତେସି ମିରୁ ଇନ୍ନା ହୁଡ଼ନ୍ ବାଗା ହଚାନ୍ ହାଜ୍ଜାଚ୍ଚେରି ? ଇନ୍ନା ଏଗେଲ୍ ମର୍ଗତି ନେହି ଅଙ୍ଗିଙ୍ଗ୍ ମେଦ୍ଦାଚି ରଃଅଞ୍ଜି କୁଏଞ୍ଜିକି ? ହୁଡ଼ାଟୁ, ଏମ୍ବେନାରି ଏଗେଲ୍ ମର୍ଗତି ନେହି ଜିରାଙ୍ଗ୍ ମେଦ୍ଦେନ୍ନେରି, ଏୱାରି ରାଜେଞ୍ଜ୍ତି ଇଡ୍ଡୁତାୱା ମାଞ୍ଜିନ୍ନେରି । 9ଏହେଙ୍ଗ୍ ଆଃଆତେସି ଇନ୍ନା ବାଗାଟି ହାଜ୍ଜାଚ୍ଚେରି ? ଇନ୍ନା ରଃଅଞ୍ଜି ବାବବାଦିନିକି ହୁଡ଼ନ୍ତିକି ? ହାଁ, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ବାବବାଦି ତାୱାଟି ଏଗେଲ୍ ନେହି କୁଏଞ୍ଜିକି ହୁଡ଼ନ୍ ବାଗା ହାଜ୍ଜାଚ୍ଚେରି । 10ଦର୍ମପୁତିତାୱା ଇନ୍ଦାର୍ତି କୁଲାଟି ଇଦି ୱ୍ରିଗାଆନ୍ନେ, ହୁଡ଼ାଟୁ, ନାନୁ ନା ଦୁତନିକି ନି ନକେସ୍ ପାଣ୍ଡେଞ୍ଜା, ଏୱାଞ୍ଜି ନି ନକେସ୍ ନି ପାହେର୍ ହାମ୍ୱେର୍ କିନେଞ୍ଜି, ଇୱାଞ୍ଜି ଏ କୁଏଞ୍ଜି । 11ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ ପୁର୍ତିତାୱା ଆଚାଲୁ ଟୁଟୁତାୱାଟି ପ୍ଲିଆନ୍ନି ହାବେ ଦାଲ୍ଲାତାୱାଟି ଡୁବନ୍ ହିଅନ୍ତି ଜହନତାୱାଟି ବେର୍ରାନାଞ୍ଜି ଏମ୍ୱେ ପ୍ଲିଆହେଃଲ୍ଲେଞ୍ଜି; ମତ୍ର ସର୍ଗ ରାଜିତାୱା ଏମ୍ୱେନାଞ୍ଜି ଡଟିଗାଟାଞ୍ଜି, ଏୱାଞ୍ଜି ଜହନତାୱାଟି ବେର୍ରାନାଞ୍ଜି । 12#ଲୁକ ୧୬:୧୬ଆଟେ ଡୁବନ୍ହିଅନ୍ତି ଜହନ ଡୁବନ୍ ତୁକାତାୱାଟି ନିଞ୍ଜୁ ଟିକ୍ନା ସର୍ଗ ରାଜି ବଲଟି ଗାମେନ୍ନେ; ଆଟେ ଇନ୍ଦାର୍ ପାଟ୍ଟି ଏଗେଲ୍ ବଲ ମାନ୍ନେ, ଏୱାରି ତା ବଲ ଡ଼ାହି ସର୍ଗ ରାଜିତିଦି ହକତ୍ କିନ୍ନେରି । 13ଇନାକି ମସାତି ହାଜୁ ଅଟେ ହାବେତ୍ ବାବବାଦିଙ୍ଗ୍ ଜହନ ଟିକ୍ନା ବାବବାନି ୱେସାଚ୍ଚେରି । 14#ମାତି ୧୭:୧୦–୧୩; ମାର୍କ ୯:୧୧–୧୩ଏଦା ମିରୁ ଜଦି ସ୍ୱିକାର କିଅନ୍ ବାଗା ଇଚ୍ଚା କିଞ୍ଜେରି, ଇଚ୍ଚେସି ଇମ୍ୱିନ୍ ଏଲିୟ ୱାଅନ୍ ମାଚ୍ଚେ, ଇୱାଞ୍ଜି ଏ କୁଏଞ୍ଜି । 15ଇନ୍ଦାରିକି କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।
16ମତ୍ର ଇ ତୁକାତି ଦାଲ୍ଲାନିକି ନାନୁ ଇନ୍ଦାର୍ ଡ଼ାହି ତୁକା କିଃଇ ? ଏୱାରି ହାଟ୍ଟୁ ବଜାରତାୱା କକ୍ଚ୍ଚାନ୍ନି ବଦାଙ୍ଗ୍ ଡେହେଙ୍ଗ୍, ଏୱାରି ରଃଅଞ୍ଜି ଆଟେ ରଃଅଞ୍ଜିକି ଆର୍ଚାନ୍ ୱେସ୍ପିନ୍ନେରି, 17ମାମୁ ମି ବାଗାଟି ହେଲୁକ୍ ଉକିତାମୁ, ମତ୍ର ମିରୁ କ୍ରାଃହାତେରି; ମାମୁ ଦୁଃକତି ଗାଡ଼ି କିତାମୁ, ମତ୍ର ମିରୁ କିରେଡ଼୍ ଆଃଆତେରି । ଇ ତୁକାତି ଦାଲ୍ଲା ଏହେଙ୍ଗ୍ତି ବଦାଙ୍ଗ୍ ଡେହେଙ୍ଗ୍ । 18ଇନାକି ଜହନ ୱାନାହି ତିନ୍ବା ଉନ୍ବା କିଃଆତେଞ୍ଜି, ଆଟେ ଦାଲ୍ଲା ୱେସ୍ତେରି, “ଏୱାଞ୍ଜିକି ବୁତ ଆହାନ୍ନେ ।” 19କୁଏଞ୍ଜି ମ୍ରିଃଏଞ୍ଜି ୱାନାହି ତିନ୍ବା ଉନ୍ବା କିନ୍ନେଞ୍ଜି, ଆଟେ ଦାଲ୍ଲା ୱେସ୍ପିନ୍ନେରି ହୁଡ଼ାଟୁ, ଇୱାଞ୍ଜି ରଃଅଞ୍ଜି ରାକାଗାଟାଞ୍ଜି ଅଟେ କାଲୁଗାଟାଞ୍ଜି, ସିସ୍ଟୁଅନ୍ତାଞ୍ଜି ଅଟେ ପାପିଗାଟାର୍ତି ତଡ଼େଞ୍ଜି; ମତ୍ର ରଃଅଞ୍ଜ୍ତି କାମାତାୱାଟି ଏୱାଞ୍ଜ୍ତି ଗ୍ୟାଁନ ନିଜ୍ଜା ଇଞ୍ଜାନ୍ ପୁନ୍ବନ୍ ଆନେ ।
ମାଞ୍ଜାଡ଼ି କିହେଃଲ୍ଲାନ୍ ଦାଲ୍ଲାତି ବିଚାର
(ଲୁକ ୧୦:୧୩–୧୫)
20ଏମ୍ୱାଟି ଇମ୍ୱିନ୍ ଗାଡ଼ାନାଜୁ ଏସେନ୍ ଜିସୁ ଆକ୍କାବାଡ଼ାଙ୍ଗ୍ତି କାମା ଏଗେଲ୍ କିଆଚ୍ଚେଞ୍ଜି, ଏ ଗାଡ଼ାନାସ୍କାତିଦି ଏୱାଞ୍ଜି ରାଗା ଆଅନ୍ ମ୍ରାସ୍ତେଞ୍ଜି, ଇନାକି ଏୱାରି ଏଲୁ ୱ୍ଡେପ୍ଚ୍ଚାହେଃଲ୍ଲାତେରି । 21ହାୟ, ଏ କରାଜିନ୍ ଗାଡ଼ାନାଜୁତି ଦାଲ୍ଲା ଅଟେ ବେତ୍ସାଇଦା ଗାଡ଼ାନାଜୁତି ଦାଲ୍ଲା ମୁଲାପେନୁ ମିଙ୍ଗେ ଏଗେଲ୍ ଦଣ୍ଡ ହିଆନେଞ୍ଜି, ଇନାକି ମି ତାୱାଟି ଇମ୍ୱିନ୍ ବଲତି କାମା କିଅନ୍ ଆନ୍ନେ, ଏ ହାବେ ଜଦି ସର ଗାଡ଼ାନାଜୁ ଅଟେ ସିଦନ ଗାଡ଼ାନାଜୁତାୱା କିୱା ଆନ୍ନେମା, ଏହେଙ୍ଗ୍ ଆତେସି ଏୱାରି କାହେନେଃଏ ଅକ୍କା ମେଦ୍ଦାନ୍ ନାଡ଼ିଗୁଣ୍ଡାତାୱା କକ୍ଚ୍ଚାନ୍ ଏଲୁ ୱ୍ଡେପ୍ନେରିମା ।
22ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ବିଚାର ଦିନାତାୱା ମି ଦଣ୍ଡ ତାୱାଟି ସର ଗାଡ଼ାନାଜୁ ଅଟେ ସିଦନ ଗାଡ଼ାନାଜୁତି ଦଣ୍ଡ ସଇ ଆଅନ୍ ଆନେ ।
23ଆଟେ ଏ କପର୍ନାହୁମ, ନିନୁ ଇନ୍ନା ସର୍ଗ ରାଜି ଟିକ୍ନା ନିଙ୍ଗିଦି ? ବାଃଏ, ନିନୁ ନାଡ଼ିକୁଟ୍ଟି ଟିକ୍ନା ଦଣ୍ଡ ପାଁନ୍ବନ୍ ବାଗା ହାଜ୍ଜି । ଇନାକି ଇମ୍ୱିନ୍ ବଲତି କାମା ହାବେ ନି ତାୱା ଆନ୍ନେ, ଏ ହାବେ ଜଦି ସଦମତାୱା କିୱା ଆନ୍ନେମା ଇଚ୍ଚେସି, ଏମ୍ୱାତି ଦାଲ୍ଲା ପାପ ଆଟେ କିଃଏର୍ମା ଅଟେ ଏ ଗାଡ଼ାନାଜୁ ହାଦାଡ଼୍ ଟିକ୍ନା ବାସାଆନେମା ।
24 #
ମାତି ୧୦:୧୫; ଲୁକ ୧୦:୧୨ ମତ୍ର ନାନୁ ମିଙ୍ଗେ ୱେସ୍ପିଞ୍ଜାଆ, “ବିଚାର ଦିନାତାୱା ମି ଦଣ୍ଡ ତାୱାଟି ସଦମ ରାଜିତି ଦଣ୍ଡ ସଇ ଆଅନ୍ ଆନେ ।”
ଜିସୁତାୱା ଜାମ୍ୱନି
(ଲୁକ ୧୦:୨୧–୨୨)
25ଏଚିତୁକାତାୱା ଜିସୁ ୱେସ୍ତେଞ୍ଜି, ଏ ଆବା, ସର୍ଗ ଅଟେ ପୁର୍ତିତି ଦାର୍ମୁ, ନିନୁ ଗ୍ୟାଁନିଗାଟାଞ୍ଜି ଅଟେ ବୁଦ୍ଦି ମାନ୍ନି ଦାଲ୍ଲା ତାୱାଟି ଇ ହାବେ କୁଲା ଆଡ଼୍ଚ୍ଚାନ୍ ଇଟ୍ଟାନାହି ବଦାଙ୍ଗ୍ ଡେହେଙ୍ଗ୍ ମାନ୍ନି ଦାଲ୍ଲା ପାଟ୍ଟି ପକ୍ତି, ଇଦାବାଗା ନାନୁ ନି ଗଉରବ କିମାଃଇ; 26ହାଁ, ଏ ଆବା, ଇହିଙ୍ଗିସି କିଅନ୍ ନି ଇଚ୍ଚା ମାଚ୍ଚେ ।
27 #
ଜହ ୩:୩୫;
ଜହ ୧:୧୮; ୧୦:୧୫ ନା ଆବା ହାବେତ୍ କୁଲା ନାଙ୍ଗେ ସର୍ପି କିଆଞ୍ଜାନେଞ୍ଜି । ଆବାନିକି ପିହାନ୍ ମ୍ରିଃଏଞ୍ଜିକି ଆଟେ ଏମ୍ୱେ ପୁଞ୍ଜାହେଃଲ୍ଲେ, ଆଟେ ମ୍ରିଃଏଞ୍ଜିକି ପିହାନ୍ ଆବାନିକି ଆଟେ ଏମ୍ୱେ ପୁଞ୍ଜାହେଃଲ୍ଲେ । ଆଟେ ମ୍ରିଃଏଞ୍ଜି ଇନ୍ଦାରିକି ଆଚି କିନେଞ୍ଜି, ୱାର୍ରି ଏୱାରି ଆବାନିକି ପୁନ୍ନେରି ।
28ଏ ୱାହାନ୍ନାତାତେରି ଅଟେ କାଁଞ୍ଜୁ ଡେକାନ୍ନାତାତେରି ହାବେ, ନା ଟାକ୍କେ ୱାଦୁ, ନାନୁ ମିଙ୍ଗେ ଜାମ୍ୱନି ହିଆ । 29ନା ଜୁଏଲି ମି ନେପିତାୱା ମାଟ୍ଦୁ ଅଟେ ନା ଟିଆଟି ଗ୍ରାମ୍ୱାଟୁ, ଇନାକି ନାନୁ ଜେଡାଗାଟାନୁ ଅଟେ ଲୁଙ୍ଗୁର୍ଗାଟାନୁ, ଆଟେ ମିରୁ ମି ପରନ୍ତାୱା ଜାମ୍ୱନି ପାଁଣ୍ଡେରି । 30ଇନାକି ନା ଜୁଏଲି ସହଜ ଅଟେ ନା କାଁଞ୍ଜୁ ପିପ୍କି ଆଃଏ ।
Právě zvoleno:
ମାତିଉ 11: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 11
11
ଜିସୁ ଅଟେ ଡୁବନ୍ ହିଅନ୍ତି ଜହନ
(ଲୁକ ୭:୧୮–୩୫)
1ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆଦେସ୍ ହାତାୱିଃଆଟି ଗୁଞ୍ଜେର୍ ମାନ୍ନି ଦାଲ୍ଲାତି ଗାଡ଼ାନାସ୍କା ଏସେନ୍ ଗ୍ରାପ୍ଚାନାହି ପ୍ରଚାର କିଅନ୍ତିକି ଏ ଗର୍ରିଟି ହାଚ୍ଚେଞ୍ଜି ।
2ଏମ୍ୱାଟି କ୍ରିସ୍ଟତି କାମା କୁଲାଟି ୱେଞ୍ଜାନାହି, ବନ୍ଦି ଇଡ୍ଡୁତାୱା ମାଞ୍ଜାନ୍ ଡୁବନ୍ ହିନ୍ନି ଜହନ ତା ଗ୍ରାମ୍ୱାଗାଟାରିକି ଜିସୁ ରେଃଏସ୍ ୱେନ୍ବନ୍ ବାଗା ପାଣ୍ଡିତେଞ୍ଜି ।
3ଏୱାରି ଜିସୁନିକି ୱେଚ୍ଚେରି, ଏମ୍ୱେନାଞ୍ଜିକି ୱାଅନ୍ ମାନ୍ନେଞ୍ଜି, ଏ କୁଏଞ୍ଜି ଇନ୍ନା ନିନୁ କି ମାମୁ ବିହିତାଞ୍ଜିନିକି କାଚାନ୍ ବାସାଆନାମୁ ?
4ଜିସୁ ଏୱାରିକି ୱେସ୍ତେଞ୍ଜି, “ମିରୁ ହାଜ୍ଜାନାହି ଇନ୍ନା ଇନ୍ନା ୱେଞ୍ଜିଞ୍ଜେରି ଅଟେ ହୁଡ଼େଞ୍ଜେରି, ଏ ହାବେ ଜହନନିକି ୱେସ୍ଦୁ; 5କାଡ଼ାଙ୍ଗ୍ଗାଟାରି ହୁଡ଼େନ୍ନେରି, ମେଟ୍ଲାଙ୍ଗ୍ଗାଟାରି ତାକେନ୍ନେରି, ମୁଟ୍ଡାଙ୍ଗ୍ ରଗୁଗାଟାରି ନେହିଆଇନେରି, କାଲ୍ଲାଗାଟାରି ୱେଞ୍ଜିନ୍ନେରି, ହାନ୍ନାରି ନିଙ୍ଗେନ୍ନେରି, ଆଟେ ପାଃନାନାରି ରେଃଏସ୍ ସୁସମାଚାର ୱେସ୍ପା ଆଇନେ; 6ଆଟେ ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଆନ୍ ବେତକ୍ ୱ୍ଡେଃଏଞ୍ଜି, ଏୱାଞ୍ଜି ଦନ୍ୟ ।”
7ଏୱାରି ହାଜ୍ଜିଚ୍ଚି ତୁକାତାୱା ଜିସୁ ଜହନ କୁଲାଟି ଦାଲ୍ଲାନିକି ୱେସ୍ପନ୍ ମ୍ରାସ୍ତେଞ୍ଜି, ମିରୁ ଇନ୍ନା ହୁଡ଼ନ୍ ବାଗା ଚିହ୍ପି ଗର୍ରିଇନ୍ଦା ହଚାନ୍ ହାଜ୍ଜାଚ୍ଚେରି ? ଇନ୍ନା ୱ୍ଲିଉଟି ଦୁଙ୍ଗେନ୍ନି ଡୁଙ୍ଗା ? 8ଏହେଙ୍ଗ୍ ଆଃଆତେସି ମିରୁ ଇନ୍ନା ହୁଡ଼ନ୍ ବାଗା ହଚାନ୍ ହାଜ୍ଜାଚ୍ଚେରି ? ଇନ୍ନା ଏଗେଲ୍ ମର୍ଗତି ନେହି ଅଙ୍ଗିଙ୍ଗ୍ ମେଦ୍ଦାଚି ରଃଅଞ୍ଜି କୁଏଞ୍ଜିକି ? ହୁଡ଼ାଟୁ, ଏମ୍ବେନାରି ଏଗେଲ୍ ମର୍ଗତି ନେହି ଜିରାଙ୍ଗ୍ ମେଦ୍ଦେନ୍ନେରି, ଏୱାରି ରାଜେଞ୍ଜ୍ତି ଇଡ୍ଡୁତାୱା ମାଞ୍ଜିନ୍ନେରି । 9ଏହେଙ୍ଗ୍ ଆଃଆତେସି ଇନ୍ନା ବାଗାଟି ହାଜ୍ଜାଚ୍ଚେରି ? ଇନ୍ନା ରଃଅଞ୍ଜି ବାବବାଦିନିକି ହୁଡ଼ନ୍ତିକି ? ହାଁ, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମିରୁ ବାବବାଦି ତାୱାଟି ଏଗେଲ୍ ନେହି କୁଏଞ୍ଜିକି ହୁଡ଼ନ୍ ବାଗା ହାଜ୍ଜାଚ୍ଚେରି । 10ଦର୍ମପୁତିତାୱା ଇନ୍ଦାର୍ତି କୁଲାଟି ଇଦି ୱ୍ରିଗାଆନ୍ନେ, ହୁଡ଼ାଟୁ, ନାନୁ ନା ଦୁତନିକି ନି ନକେସ୍ ପାଣ୍ଡେଞ୍ଜା, ଏୱାଞ୍ଜି ନି ନକେସ୍ ନି ପାହେର୍ ହାମ୍ୱେର୍ କିନେଞ୍ଜି, ଇୱାଞ୍ଜି ଏ କୁଏଞ୍ଜି । 11ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ ପୁର୍ତିତାୱା ଆଚାଲୁ ଟୁଟୁତାୱାଟି ପ୍ଲିଆନ୍ନି ହାବେ ଦାଲ୍ଲାତାୱାଟି ଡୁବନ୍ ହିଅନ୍ତି ଜହନତାୱାଟି ବେର୍ରାନାଞ୍ଜି ଏମ୍ୱେ ପ୍ଲିଆହେଃଲ୍ଲେଞ୍ଜି; ମତ୍ର ସର୍ଗ ରାଜିତାୱା ଏମ୍ୱେନାଞ୍ଜି ଡଟିଗାଟାଞ୍ଜି, ଏୱାଞ୍ଜି ଜହନତାୱାଟି ବେର୍ରାନାଞ୍ଜି । 12#ଲୁକ ୧୬:୧୬ଆଟେ ଡୁବନ୍ହିଅନ୍ତି ଜହନ ଡୁବନ୍ ତୁକାତାୱାଟି ନିଞ୍ଜୁ ଟିକ୍ନା ସର୍ଗ ରାଜି ବଲଟି ଗାମେନ୍ନେ; ଆଟେ ଇନ୍ଦାର୍ ପାଟ୍ଟି ଏଗେଲ୍ ବଲ ମାନ୍ନେ, ଏୱାରି ତା ବଲ ଡ଼ାହି ସର୍ଗ ରାଜିତିଦି ହକତ୍ କିନ୍ନେରି । 13ଇନାକି ମସାତି ହାଜୁ ଅଟେ ହାବେତ୍ ବାବବାଦିଙ୍ଗ୍ ଜହନ ଟିକ୍ନା ବାବବାନି ୱେସାଚ୍ଚେରି । 14#ମାତି ୧୭:୧୦–୧୩; ମାର୍କ ୯:୧୧–୧୩ଏଦା ମିରୁ ଜଦି ସ୍ୱିକାର କିଅନ୍ ବାଗା ଇଚ୍ଚା କିଞ୍ଜେରି, ଇଚ୍ଚେସି ଇମ୍ୱିନ୍ ଏଲିୟ ୱାଅନ୍ ମାଚ୍ଚେ, ଇୱାଞ୍ଜି ଏ କୁଏଞ୍ଜି । 15ଇନ୍ଦାରିକି କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।
16ମତ୍ର ଇ ତୁକାତି ଦାଲ୍ଲାନିକି ନାନୁ ଇନ୍ଦାର୍ ଡ଼ାହି ତୁକା କିଃଇ ? ଏୱାରି ହାଟ୍ଟୁ ବଜାରତାୱା କକ୍ଚ୍ଚାନ୍ନି ବଦାଙ୍ଗ୍ ଡେହେଙ୍ଗ୍, ଏୱାରି ରଃଅଞ୍ଜି ଆଟେ ରଃଅଞ୍ଜିକି ଆର୍ଚାନ୍ ୱେସ୍ପିନ୍ନେରି, 17ମାମୁ ମି ବାଗାଟି ହେଲୁକ୍ ଉକିତାମୁ, ମତ୍ର ମିରୁ କ୍ରାଃହାତେରି; ମାମୁ ଦୁଃକତି ଗାଡ଼ି କିତାମୁ, ମତ୍ର ମିରୁ କିରେଡ଼୍ ଆଃଆତେରି । ଇ ତୁକାତି ଦାଲ୍ଲା ଏହେଙ୍ଗ୍ତି ବଦାଙ୍ଗ୍ ଡେହେଙ୍ଗ୍ । 18ଇନାକି ଜହନ ୱାନାହି ତିନ୍ବା ଉନ୍ବା କିଃଆତେଞ୍ଜି, ଆଟେ ଦାଲ୍ଲା ୱେସ୍ତେରି, “ଏୱାଞ୍ଜିକି ବୁତ ଆହାନ୍ନେ ।” 19କୁଏଞ୍ଜି ମ୍ରିଃଏଞ୍ଜି ୱାନାହି ତିନ୍ବା ଉନ୍ବା କିନ୍ନେଞ୍ଜି, ଆଟେ ଦାଲ୍ଲା ୱେସ୍ପିନ୍ନେରି ହୁଡ଼ାଟୁ, ଇୱାଞ୍ଜି ରଃଅଞ୍ଜି ରାକାଗାଟାଞ୍ଜି ଅଟେ କାଲୁଗାଟାଞ୍ଜି, ସିସ୍ଟୁଅନ୍ତାଞ୍ଜି ଅଟେ ପାପିଗାଟାର୍ତି ତଡ଼େଞ୍ଜି; ମତ୍ର ରଃଅଞ୍ଜ୍ତି କାମାତାୱାଟି ଏୱାଞ୍ଜ୍ତି ଗ୍ୟାଁନ ନିଜ୍ଜା ଇଞ୍ଜାନ୍ ପୁନ୍ବନ୍ ଆନେ ।
ମାଞ୍ଜାଡ଼ି କିହେଃଲ୍ଲାନ୍ ଦାଲ୍ଲାତି ବିଚାର
(ଲୁକ ୧୦:୧୩–୧୫)
20ଏମ୍ୱାଟି ଇମ୍ୱିନ୍ ଗାଡ଼ାନାଜୁ ଏସେନ୍ ଜିସୁ ଆକ୍କାବାଡ଼ାଙ୍ଗ୍ତି କାମା ଏଗେଲ୍ କିଆଚ୍ଚେଞ୍ଜି, ଏ ଗାଡ଼ାନାସ୍କାତିଦି ଏୱାଞ୍ଜି ରାଗା ଆଅନ୍ ମ୍ରାସ୍ତେଞ୍ଜି, ଇନାକି ଏୱାରି ଏଲୁ ୱ୍ଡେପ୍ଚ୍ଚାହେଃଲ୍ଲାତେରି । 21ହାୟ, ଏ କରାଜିନ୍ ଗାଡ଼ାନାଜୁତି ଦାଲ୍ଲା ଅଟେ ବେତ୍ସାଇଦା ଗାଡ଼ାନାଜୁତି ଦାଲ୍ଲା ମୁଲାପେନୁ ମିଙ୍ଗେ ଏଗେଲ୍ ଦଣ୍ଡ ହିଆନେଞ୍ଜି, ଇନାକି ମି ତାୱାଟି ଇମ୍ୱିନ୍ ବଲତି କାମା କିଅନ୍ ଆନ୍ନେ, ଏ ହାବେ ଜଦି ସର ଗାଡ଼ାନାଜୁ ଅଟେ ସିଦନ ଗାଡ଼ାନାଜୁତାୱା କିୱା ଆନ୍ନେମା, ଏହେଙ୍ଗ୍ ଆତେସି ଏୱାରି କାହେନେଃଏ ଅକ୍କା ମେଦ୍ଦାନ୍ ନାଡ଼ିଗୁଣ୍ଡାତାୱା କକ୍ଚ୍ଚାନ୍ ଏଲୁ ୱ୍ଡେପ୍ନେରିମା ।
22ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ବିଚାର ଦିନାତାୱା ମି ଦଣ୍ଡ ତାୱାଟି ସର ଗାଡ଼ାନାଜୁ ଅଟେ ସିଦନ ଗାଡ଼ାନାଜୁତି ଦଣ୍ଡ ସଇ ଆଅନ୍ ଆନେ ।
23ଆଟେ ଏ କପର୍ନାହୁମ, ନିନୁ ଇନ୍ନା ସର୍ଗ ରାଜି ଟିକ୍ନା ନିଙ୍ଗିଦି ? ବାଃଏ, ନିନୁ ନାଡ଼ିକୁଟ୍ଟି ଟିକ୍ନା ଦଣ୍ଡ ପାଁନ୍ବନ୍ ବାଗା ହାଜ୍ଜି । ଇନାକି ଇମ୍ୱିନ୍ ବଲତି କାମା ହାବେ ନି ତାୱା ଆନ୍ନେ, ଏ ହାବେ ଜଦି ସଦମତାୱା କିୱା ଆନ୍ନେମା ଇଚ୍ଚେସି, ଏମ୍ୱାତି ଦାଲ୍ଲା ପାପ ଆଟେ କିଃଏର୍ମା ଅଟେ ଏ ଗାଡ଼ାନାଜୁ ହାଦାଡ଼୍ ଟିକ୍ନା ବାସାଆନେମା ।
24 #
ମାତି ୧୦:୧୫; ଲୁକ ୧୦:୧୨ ମତ୍ର ନାନୁ ମିଙ୍ଗେ ୱେସ୍ପିଞ୍ଜାଆ, “ବିଚାର ଦିନାତାୱା ମି ଦଣ୍ଡ ତାୱାଟି ସଦମ ରାଜିତି ଦଣ୍ଡ ସଇ ଆଅନ୍ ଆନେ ।”
ଜିସୁତାୱା ଜାମ୍ୱନି
(ଲୁକ ୧୦:୨୧–୨୨)
25ଏଚିତୁକାତାୱା ଜିସୁ ୱେସ୍ତେଞ୍ଜି, ଏ ଆବା, ସର୍ଗ ଅଟେ ପୁର୍ତିତି ଦାର୍ମୁ, ନିନୁ ଗ୍ୟାଁନିଗାଟାଞ୍ଜି ଅଟେ ବୁଦ୍ଦି ମାନ୍ନି ଦାଲ୍ଲା ତାୱାଟି ଇ ହାବେ କୁଲା ଆଡ଼୍ଚ୍ଚାନ୍ ଇଟ୍ଟାନାହି ବଦାଙ୍ଗ୍ ଡେହେଙ୍ଗ୍ ମାନ୍ନି ଦାଲ୍ଲା ପାଟ୍ଟି ପକ୍ତି, ଇଦାବାଗା ନାନୁ ନି ଗଉରବ କିମାଃଇ; 26ହାଁ, ଏ ଆବା, ଇହିଙ୍ଗିସି କିଅନ୍ ନି ଇଚ୍ଚା ମାଚ୍ଚେ ।
27 #
ଜହ ୩:୩୫;
ଜହ ୧:୧୮; ୧୦:୧୫ ନା ଆବା ହାବେତ୍ କୁଲା ନାଙ୍ଗେ ସର୍ପି କିଆଞ୍ଜାନେଞ୍ଜି । ଆବାନିକି ପିହାନ୍ ମ୍ରିଃଏଞ୍ଜିକି ଆଟେ ଏମ୍ୱେ ପୁଞ୍ଜାହେଃଲ୍ଲେ, ଆଟେ ମ୍ରିଃଏଞ୍ଜିକି ପିହାନ୍ ଆବାନିକି ଆଟେ ଏମ୍ୱେ ପୁଞ୍ଜାହେଃଲ୍ଲେ । ଆଟେ ମ୍ରିଃଏଞ୍ଜି ଇନ୍ଦାରିକି ଆଚି କିନେଞ୍ଜି, ୱାର୍ରି ଏୱାରି ଆବାନିକି ପୁନ୍ନେରି ।
28ଏ ୱାହାନ୍ନାତାତେରି ଅଟେ କାଁଞ୍ଜୁ ଡେକାନ୍ନାତାତେରି ହାବେ, ନା ଟାକ୍କେ ୱାଦୁ, ନାନୁ ମିଙ୍ଗେ ଜାମ୍ୱନି ହିଆ । 29ନା ଜୁଏଲି ମି ନେପିତାୱା ମାଟ୍ଦୁ ଅଟେ ନା ଟିଆଟି ଗ୍ରାମ୍ୱାଟୁ, ଇନାକି ନାନୁ ଜେଡାଗାଟାନୁ ଅଟେ ଲୁଙ୍ଗୁର୍ଗାଟାନୁ, ଆଟେ ମିରୁ ମି ପରନ୍ତାୱା ଜାମ୍ୱନି ପାଁଣ୍ଡେରି । 30ଇନାକି ନା ଜୁଏଲି ସହଜ ଅଟେ ନା କାଁଞ୍ଜୁ ପିପ୍କି ଆଃଏ ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0