ମାତିଉ 10
10
ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ପାଣ୍ଡନ୍
(ମାର୍କ ୩:୧୩–୧୯; ୬:୭–୧୩; ଲୁକ ୬:୧୨–୧୬; ୯:୧–୬)
1ଏମ୍ବାଟି ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆର୍ଚାନ୍ ଏୱାରିକି ଡ଼ଃଆନ୍ ଡିଙ୍ଗାଙ୍ଗ୍ତିଦି ପିହ୍ପି କିଅନ୍, ହାବେତ୍ ୱାହୁତି ରଗୁ ଅଟେ ରେଡ଼ମ୍ ଦାଲ୍ଲାତାୱାଟି ନେହି କିଅନ୍ ବାଗା ହକତ୍ ହିତେଞ୍ଜି । 2ଏ ବାରାଗାଣ୍ଡି ପେରିତଙ୍ଗ୍ତି ପାର୍କା ଆଇନୁ, କାହେ ସିମନ, ଇନ୍ଦାରିକି ପିତର ଇଞ୍ଜାନ୍ ୱେସ୍ପିନ୍ନେରି, ଆଟେ ତା ଆମ୍ୱେସ୍ ଆନ୍ଦ୍ରିୟ; ଜେବଦିତି ମ୍ରିଃଏଞ୍ଜି ଜାକୁବ ଅଟେ ତା ଆମ୍ୱେସ୍ ଜହନ; 3ପିଲିପ ଅଟେ ବାର୍ତଲମି; ତମାସ ଅଟେ ସିସ୍ଟୁଅନ୍ତି ମାତିଉ; ଆଲପିତି ମ୍ରିଃଏଞ୍ଜି ଜାକୁବ ଅଟେ ତଦିୟ; 4କିନାନିୟ ସିମନ ଅଟେ ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଆନ୍ନି ଇସ୍କାରିୟତି ଜିହୁଦା । 5ଜିସୁ ଇ ବାରାଗାଣ୍ଡି ଗ୍ରାମ୍ବାଗାଟାରିକି ପାଣ୍ଡନ୍ତି ତୁକାତାୱା ଏୱାରିକି ୱେସ୍ତେଞ୍ଜି, ଏମ୍ୱେନାରି ଅନଜିହୁଦିଙ୍ଗ୍ ଏୱାରି ରେଃଏସ୍ ହାଃଲ୍ଲାଟୁ ଅଟେ ସମିରନ ଦାଲ୍ଲାତି ଇମ୍ୱିନ୍ ଗାଡ଼ାନାଜୁଇନ୍ଦା ହଃଲାଟୁ । 6ମତ୍ର ମ୍ରାଙ୍ଗାନ୍ନି ମେଁଣ୍ଡାଅଡାଙ୍ଗ୍ ଲାକ୍କାଟି ମାନ୍ନି ଇସ୍ରାଏଲ ପୁଣ୍ଡିତି ଦାଲ୍ଲା ଟାକ୍କେ ହାଜ୍ଜୁ । 7ଆଟେ ହାଜ୍ଜି ହାଜ୍ଜି ସର୍ଗ ରାଜି ଟାକ୍କେ ଏତାତେ ଇଞ୍ଜାନ୍ ପକ୍ଦୁ । 8ମିରୁ ରଗୁଗାଟାରିକି ନେହି କିଦୁ, ହାନ୍ନାରିକି ନିପ୍ଦୁ, ମୁଟ୍ଡାଙ୍ଗ୍ଗାଟାରିକି ନେହି କିଦୁ, ବୁତଙ୍ଗ୍ତିଦି ପେରାଟୁ । ମିରୁ ବାଃଏନେଃଏ ପାଁଣ୍ଡାଞ୍ଜେରି, ବାଃଏନେଃଏ ହିଦୁ । 9ମି ଗାଞ୍ଜିତାୱା ସୁନା କି ରୁପା କି ତାମ୍ୱା ଆହାନ୍ ହାଃଲ୍ଲାଟୁ । 10#୧କ ୯:୧୪; ୧ତି ୫:୧୮ଆଟେ ମିରୁ ହାଜ୍ଜିନ୍ନି ତୁକାତାୱା ବେଗୁ କି ରିଣ୍ଡା ଅଙ୍ଗିଙ୍ଗ୍ କି ପାଣ୍ଡେଙ୍ଗ୍ କି ଡେଙ୍ଗ ଅଃଆଟୁ, ଇନାକି କାମା କିନ୍ନାରି ତା ଆବସକ କୁଲା ପାଁନ୍ବନ୍ ଜୁଗ୍ୟ । 11ଆଟେ ମିରୁ ଇମ୍ୱିନ୍ ଗାଡ଼ାନାଜୁତାୱା କି ନାଜୁତାୱା ହଡେରି, ଏଦିମ୍ୱା ଇମ୍ୱିନ୍ କୁଏଞ୍ଜି ଜୁଗ୍ୟ ଏୱାଞ୍ଜିକି ଦାହ୍ଦୁ, ଆଟେ ଏମ୍ବାଟି ୱ୍ଡେନି ଟିକ୍ନା ଏଦିମ୍ୱା ବାସାଆଦୁ । 12ଆଟେ ଇଡ୍ଡୁତାୱା ହଲ୍ବନ୍ତି ତୁକାତାୱା ତାଙ୍ଗେ ମେଲା କିଦୁ; 13ଜଦି ଇଡ୍ଡୁତି ଦାଲ୍ଲା ଜୁଗ୍ୟ ଗାଟାରି ଏହେଙ୍ଗ୍ ଆତେସି ତା ପାଟ୍ଟି ମି ଲତୁ ଆପାକାଦି, ମତ୍ର ଜଦି ଆଃଏ, ଏହେଙ୍ଗ୍ ଆତେସି ମି ଲତୁ ମି ରେଃଏସ୍ ୱ୍ଡେଚାନ୍ ୱାପାକାଦି । 14#ପେରି ୧୩:୫୧ଆଟେ ଜଦି ଏମ୍ୱେନାଞ୍ଜି ମିଙ୍ଗେ ଗ୍ରହନ କିଆଦାଃଏଞ୍ଜି କି ମି କାତା ୱେଃନ୍ନେଞ୍ଜି, ଏ ଇଡ୍ଡୁତାୱାଟି କି ଏ ଗାଡ଼ାନାଜୁଟି ହଚାନ୍ ୱାନି ତୁକାତାୱା ମିରୁ ମି ପାନେଡ଼୍କାତି ଦୁଲି ହାଡ଼୍ଦୁ । 15#ମାତି ୧୧:୨୪#ଲୁକ ୧୦:୪–୧୨ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ବିଚାର ଦିନାତାୱା ଏ ଗାଡ଼ାନାଜୁତି ଦଣ୍ଡ ତାୱାଟି ସଦମ ଅଟେ ଗମରା ରାଜିତି ଦଣ୍ଡ ସହି ଆଅନ୍ ଆନେ ।
ୱାଇନି ବିହାନପୁ
(ମାର୍କ ୧୩:୯–୧୩; ଲୁକ ୨୧:୧୨–୧୭)
16 #
ଲୁକ ୧୦:୩
ହୁଡ଼ାଟୁ, କ୍ଡାଡିଙ୍ଗ୍ ମାଦ୍ଦେ ମେଁଣ୍ଡାଡଟିଙ୍ଗ୍ ଲାକ୍କା ନାନୁ ମିଙ୍ଗେ ପାଣ୍ଡେଞ୍ଜା, ଏଦାବାଗା ରାଚୁ ଡେହେଙ୍ଗ୍ ବୁଦ୍ଦିମାନ ଅଟେ ଗୁଗୁର୍ ଡେହେଙ୍ଗ୍ ଲୁଙ୍ଗୁର୍ ଆଦୁ । 17#ମାର୍କ ୧୩:୯–୧୧; ଲୁକ ୧୨:୧୧,୧୨; ୨୧:୧୨–୧୫ମତ୍ର କୁଇଙ୍ଗ୍ତାୱାଟି ନେହେନ୍ ବାସାଆଦୁ, ଇନାକି ଏୱାରି ମିଙ୍ଗେ ବିଚାର ଗର୍ରିତାୱା ସର୍ପି କିଆନେରି ଅଟେ ଏୱାର୍ତି ହାଜା ଇଡ୍ଡୁ ନକେସି ହାପ୍କାନଡ଼ ଡ଼ାହି ଚାହ୍ତାନେରି । 18ଆଟେ ନା ବାଗାଟି ମିଙ୍ଗେ ଆକୁଡ଼୍ କିଅନ୍ତାରି ଅଟେ ରାଜେଙ୍ଗ୍ ରେଃଏସ୍ ତାଚ୍ଚିୱାନେରି; ଏଦି ଏୱାର୍ ବାଗା ଅଟେ ଅନଜିହୁଦିଙ୍ଗ୍ ବାଗା ସାକ୍ୟ ଡେହେଙ୍ଗ୍ ଆନେ । 19ମତ୍ର ଏଚ୍ଚିକିଃଆ ଏୱାରି ମିଙ୍ଗେ ସର୍ପି କିଆନେରି, ଏଚିତୁକାତାୱା ମିରୁ ଇନିମିଡି ଅଟେ ଇନ୍ନି କାତା ୱେସ୍ଦେରି, ଏ କୁଲାଟି ଏଲୁ କିଃଆଟୁ, ଇନାକି ଇନ୍ନା ୱେସ୍ଦେରି, ଏଦା ଏ ତୁକାତାୱା ମିଙ୍ଗେ ୱେସ୍ପା ଆନେ । 20ଇନାକି ମିରୁ ବକ୍ତା ଆଃଏ, ମତ୍ର ମି ଆବାତି ଡିଙ୍ଗା ମି ହଡାଙ୍ଗ୍ତାୱା କାତା ୱେସ୍ପିନ୍ନେଞ୍ଜି, ଏୱାଞ୍ଜି ବକ୍ତା । 21#ମାର୍କ ୧୩:୧୨; ଲୁକ ୨୧:୧୬ଆମ୍ୱେସ୍ ଆମ୍ବେସ୍ନିକି ଅଟେ ଆବା ମ୍ରିଃଏଞ୍ଜିକି ପାଗନ୍ ବାଗାଟି ସର୍ପି କିନେଞ୍ଜି; ଆଟେ ମ୍ରିକା ଇୟାଆବାତି ବିରୁଦିଆଟି ନିଙ୍ଗାନ୍ ଏୱାରିକି ପାଗି କିନେରି, 22#ମାତି ୨୪:୯; ମାର୍କ ୧୩:୧୩; ଲୁକ ୨୧:୧୭; ମାତି ୨୪:୧୩; ମାର୍କ ୧୩:୧୩ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି, ମତ୍ର ଏମ୍ୱେନାଞ୍ଜି ୱିହାନ୍ଦୁକା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି । 23ମତ୍ର ଏୱାରି ଏଚ୍ଚିକିଃଆ ମିଙ୍ଗେ ରଣ୍ଡା ଗାଡ଼ାନାଜୁତାୱା ବିହାନପୁ ହିଆନେରି, ଏଚିତୁକାତାୱା ବିହି ଗାଡ଼ାନାଜୁଇନ୍ଦା ଡେହାଟୁ, ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇସ୍ରାଏଲ ଗାଡ଼ାନାସ୍କା ଏସେନ୍ ମିରୁ ତ୍ରେବନି ୱିହିକିଃଆନ୍ କାହେନେଃଏ କୁଏଞ୍ଜି ମ୍ରିଃଏଞ୍ଜି ୱାନେଞ୍ଜି । 24#ଲୁକ ୬:୪୦; ଜହ ୧୩:୧୬; ୧୫:୨୦ଗ୍ରାପାଗାଟାଞ୍ଜ୍ତାୱାଟି ଗ୍ରାମ୍ୱାଗାଟାଞ୍ଜି କି ସକାରତାୱାଟି କାମ୍ବାରେଏଞ୍ଜି ଗାମିନାଞ୍ଜି ଆଃଏଞ୍ଜି । 25#ମାତି ୯:୩୪; ୧୨:୨୪; ମାର୍କ ୩:୨୨; ଲୁକ ୧୧:୧୫ଗ୍ରାମ୍ୱାଗାଟାଞ୍ଜି ତା ଗ୍ରାପାଗାଟାଞ୍ଜି ଲାକ୍କାଟି ଅଟେ କାମ୍ବାରେଏଞ୍ଜି ତା ସକାର ଡେହେଙ୍ଗ୍ ଆଅନ୍ ଆବସକ ମାନ୍ନେ । ଦାଲ୍ଲା ଜଦି ଇଡ୍ଡୁତି ଗାମିନାଞ୍ଜିନିକି ବାଲ୍ଜିବୁଲ୍ ଇଞ୍ଜାନାହି ଆର୍ନେରି, ଏହେଙ୍ଗ୍ଆତେସ୍ ତା ଇଜ୍ଜାନ୍ ଦାଲ୍ଲାନିକି ୱାଡ଼େ ଗାପ୍ଚି ଏହେଙ୍ଗିସି ଆର୍ନେରି ।
ମୁଲାପେନୁନିକି ଆଜ୍ଜନି
(ଲୁକ ୧୨:୨–୭)
26 #
ମାର୍କ ୪:୨୨; ଲୁକ ୮:୧୭ ଏଦାବାଗା ଏ ଦାଲ୍ଲାନିକି ଆଃଜ୍ଜାଟୁ; ଇନାକି ଇନ୍ନିକୁଲା ପଃଙ୍ଗେଏ, ଇହିଙ୍ଗିସି ଇନାଦି ମୁଚ୍ଚି ଆନ୍ ହେଃଲ୍ଲେଏ, ଆଟେ ଇନ୍ନିକୁଲା ୱେସ୍ପନ୍ ଆଃଏ, ଇହିଙ୍ଗିସି ଇନାଦି ମ୍ରାଗାନ୍ ହେଃଲ୍ଲେ । 27ନାନୁ ମିଙ୍ଗେ ଇନ୍ନା ଆନ୍ଦେରିଃଆ ୱେସ୍ପିଞ୍ଜା, ଏ ହାବେ ଅଲାତାୱା ୱେନ୍ବନ୍ ଆନେ, ଆଟେ ଇନ୍ନା ମିରୁ ମ୍ଡାମି ୱେଞ୍ଜିଞ୍ଜେରି, ଏଦା ଇଡ୍ଡୁତି ଦଲାନ୍ କୁଃଏଟି ପକ୍ଦୁ । 28ଆଟେ ଏମ୍ୱେନାରି ଗାଣ୍ଡିଙ୍ଗ୍ ପାଗେନ୍ନେରି, ମତ୍ର ଡିଙ୍ଗାନିକି ପାଗନ୍ ମୁଃଏରି, ଏୱାରିକି ଆଃଜ୍ଜାଟୁ; ମତ୍ର ଏମ୍ୱେନାଞ୍ଜି ଗାଣ୍ଡି ଅଟେ ଡିଙ୍ଗାତିଦି ନର୍କତାୱା ନାହେଡ୍ କିଅନ୍ ମୁପିନ୍ନେଞ୍ଜି, ତାଙ୍ଗେ ଆଜ୍ଜାଟୁ । 29ରିଣ୍ଡା କସ୍ପଟାଙ୍ଗ୍ ଇନ୍ନା ର ଟାକ୍କାଟି ପ୍ରାପନ୍ ଆଇହେଃଲ୍ଲେଏ ? ଆଟେ ମି ଆବାତି ଅନୁମତି ଆଃଏଟେଃଏ ଏ କସ୍ପଟାଙ୍ଗ୍ ୱାଡ଼େ ୱିର୍ରା ନେତେ ତ୍ରଃଙ୍ଗଅ । 30ଆଟେ ମି ତ୍ଲାଉତି ହାବେ ତ୍ଲାଏର୍କା ୱାଡ଼େ ଲେକା ଆନ୍ନୁ । 31ଏଦାକି ଆଃଜ୍ଜାଟୁ, ମିରୁ ଏଗେଲ୍ କସ୍ପଟାଙ୍ଗ୍ ତାୱାଟି ଗାମିନାତେରି ।
ଜିସୁତି କୁଲାଟି ବିହି ଦାଲ୍ଲାନିକି ୱେସ୍ପନି
(ଲୁକ ୧୨:୮–୯)
32ଆଟେ ଏମ୍ୱେନାଞ୍ଜି ନାଙ୍ଗେ ଦାଲ୍ଲା ନକେସି ସ୍ୱିକାର କିଆନେଞ୍ଜି, ନାନୁ ୱାଡ଼େ ନା ସର୍ଗତି ଆବା ନକେସି ତାଙ୍ଗେ ସ୍ୱିକାର କିଃଇ । 33#୨ତି ୨:୧୨ମତ୍ର ଏମ୍ୱେନାଞ୍ଜିକି ନାଙ୍ଗେ ଦାଲ୍ଲା ନକେସି ଅସ୍ପିକାର କିଆନେଞ୍ଜି, ନାନୁ ୱାଡ଼େ ନା ସର୍ଗତି ଆବା ନକେସି ତାଙ୍ଗେ ସ୍ୱିକାର କିଃଆନୁ ।
ଜିସୁ ବେତଟ୍ ତାକନ୍ତାଦି କସ୍ଟ
(ଲୁକ ୧୨:୫୧–୫୩; ୧୪:୨୬–୨୭)
34ନାନୁ ପୁର୍ତିତାୱା ଲତୁ ହିଅନ୍ ବାଗା ୱାମାଃଇ, ଇଞ୍ଜାନ୍ ମିରୁ ଏଲୁ କିଃଆଟୁ; ନାନୁ ଲତୁ ହିଅନ୍ ବାଗା ୱାହେଃଲ୍ଲାନୁ, ମତ୍ର ବିହାନପୁ ହିଅନ୍ତିକି ୱାମାଃଇ । 35ଇନାକି ନାନୁ ଆବା ଡ଼ାହି ମ୍ରିଃଏଞ୍ଜିକି ଅଟେ ଇୟା ଡ଼ାହି ମ୍ରାଗାନିକି, ଅଟେ ପଦା ଡ଼ାହି କ୍ଡୁଆନିକି ବିରୁଦି କିୱି କିଅନ୍ତିକି ୱାମାଃଇ; 36ଆଟେ କୁଏଞ୍ଜିକି ତା ଇଜ୍ଜାତି ଦାଲ୍ଲାନେଃଏ ତା ସତ୍ରୁ ଆନେରି । 37ଏମ୍ୱେନାଞ୍ଜି ଆବା କି ଇୟାନିକି ନା ତାୱାଟି ଏଗେଲ୍ ଜେଡା କିନ୍ନେଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ତିକି ଜୁଗ୍ୟ ଆଃଏଞ୍ଜି, ଆଟେ ଏମ୍ୱେନାଞ୍ଜି ମ୍ରିଃଏଞ୍ଜି କି ମ୍ରାଗାନିକି ନା ତାୱାଟି ଏଗେଲ୍ ଜେଡା କିନ୍ନେଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ ମୁଃଏଞ୍ଜି । 38#ମାତି ୧୬:୨୪; ମାର୍କ ୮:୩୪; ଲୁକ ୯:୨୩ଆଟେ ଏମ୍ୱେନାଞ୍ଜିକି ତା କ୍ରୁସ ଡେକାନାହି ନା ବେତଟ୍ ୱାଃଏଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ତିକି ଜୁଗ୍ୟ ଆଃଏଞ୍ଜି । 39#ମାତି ୧୬:୨୫; ମାର୍କ ୮:୩୫; ଲୁକ ୯:୨୪; ୧୭:୩୩; ଜହ ୧୨:୨୫ଏମ୍ୱେନାଞ୍ଜି ତା ପରନ୍ ନିପ୍ନେଞ୍ଜି, ଏୱାଞ୍ଜି ଏଦା ନାହେଡ୍ କିନେଞ୍ଜି, ଆଟେ ଏମ୍ୱେନାଞ୍ଜି ନା ବାଗାଟି ତା ପରନ୍ ନାହେଡ୍ କିନେଞ୍ଜି, ଏୱାଞ୍ଜି ଏଦା ପାଁନେଞ୍ଜି ।
ପୁରସ୍କାର ପାଁନ୍ବନ୍ତାଞ୍ଜି
(ମାର୍କ ୯:୪୧)
40 #
ଲୁକ ୧୦:୧୬; ଜହ ୧୩:୨୦;
ମାର୍କ ୯:୩୭; ଲୁକ ୯:୪୮ ଏମ୍ୱେନାଞ୍ଜି ମିଙ୍ଗେ ଗ୍ରହନ କିଆନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଆନେଞ୍ଜି, ଆଟେ ଏମ୍ୱେନାଞ୍ଜି ନାଙ୍ଗେ ଗ୍ରହନ କିଆନେଞ୍ଜି, ଏୱାଞ୍ଜି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ଗ୍ରହନ କିନେଞ୍ଜି । 41ଏମ୍ୱେନାଞ୍ଜି ବାବବାଦିନିକି ବାବବାଦି ଇଞ୍ଜାନାହି ଗ୍ରହନ କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ବାବବାଦି ପାଁନ୍ବନ୍ତି ପୁରସ୍କାର ପାଁନେଞ୍ଜି । ଆଟେ ଏମ୍ୱେନାଞ୍ଜି ଦାର୍ମିକନିକି ଦାର୍ମିକ ଇଞ୍ଜାନାହି ଗ୍ରହନ କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ଦାର୍ମିକ ପାଁନ୍ବନ୍ତି ପୁରସ୍କାର ପାଁନେଞ୍ଜି । 42ଆଟେ ଏମ୍ୱେନାଞ୍ଜିକି ଇ ଡଟିଗାଟାର୍ ତାୱାଟି ରଃଅଞ୍ଜିକି ନା ଗ୍ରାମ୍ୱାଗାଟାଞ୍ଜି ଇଞ୍ଜାନାହି ର ଗିନ୍ନା ହିଡି ଏଜୁ ଉନ୍ବନ୍ ହିନ୍ନେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଇନିମିଡି ୱାଡ଼େ ତା ପୁରସ୍କାର ସାମେନେଃଏ ପାଁନେଞ୍ଜି ।
Právě zvoleno:
ମାତିଉ 10: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 10
10
ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ପାଣ୍ଡନ୍
(ମାର୍କ ୩:୧୩–୧୯; ୬:୭–୧୩; ଲୁକ ୬:୧୨–୧୬; ୯:୧–୬)
1ଏମ୍ବାଟି ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆର୍ଚାନ୍ ଏୱାରିକି ଡ଼ଃଆନ୍ ଡିଙ୍ଗାଙ୍ଗ୍ତିଦି ପିହ୍ପି କିଅନ୍, ହାବେତ୍ ୱାହୁତି ରଗୁ ଅଟେ ରେଡ଼ମ୍ ଦାଲ୍ଲାତାୱାଟି ନେହି କିଅନ୍ ବାଗା ହକତ୍ ହିତେଞ୍ଜି । 2ଏ ବାରାଗାଣ୍ଡି ପେରିତଙ୍ଗ୍ତି ପାର୍କା ଆଇନୁ, କାହେ ସିମନ, ଇନ୍ଦାରିକି ପିତର ଇଞ୍ଜାନ୍ ୱେସ୍ପିନ୍ନେରି, ଆଟେ ତା ଆମ୍ୱେସ୍ ଆନ୍ଦ୍ରିୟ; ଜେବଦିତି ମ୍ରିଃଏଞ୍ଜି ଜାକୁବ ଅଟେ ତା ଆମ୍ୱେସ୍ ଜହନ; 3ପିଲିପ ଅଟେ ବାର୍ତଲମି; ତମାସ ଅଟେ ସିସ୍ଟୁଅନ୍ତି ମାତିଉ; ଆଲପିତି ମ୍ରିଃଏଞ୍ଜି ଜାକୁବ ଅଟେ ତଦିୟ; 4କିନାନିୟ ସିମନ ଅଟେ ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଆନ୍ନି ଇସ୍କାରିୟତି ଜିହୁଦା । 5ଜିସୁ ଇ ବାରାଗାଣ୍ଡି ଗ୍ରାମ୍ବାଗାଟାରିକି ପାଣ୍ଡନ୍ତି ତୁକାତାୱା ଏୱାରିକି ୱେସ୍ତେଞ୍ଜି, ଏମ୍ୱେନାରି ଅନଜିହୁଦିଙ୍ଗ୍ ଏୱାରି ରେଃଏସ୍ ହାଃଲ୍ଲାଟୁ ଅଟେ ସମିରନ ଦାଲ୍ଲାତି ଇମ୍ୱିନ୍ ଗାଡ଼ାନାଜୁଇନ୍ଦା ହଃଲାଟୁ । 6ମତ୍ର ମ୍ରାଙ୍ଗାନ୍ନି ମେଁଣ୍ଡାଅଡାଙ୍ଗ୍ ଲାକ୍କାଟି ମାନ୍ନି ଇସ୍ରାଏଲ ପୁଣ୍ଡିତି ଦାଲ୍ଲା ଟାକ୍କେ ହାଜ୍ଜୁ । 7ଆଟେ ହାଜ୍ଜି ହାଜ୍ଜି ସର୍ଗ ରାଜି ଟାକ୍କେ ଏତାତେ ଇଞ୍ଜାନ୍ ପକ୍ଦୁ । 8ମିରୁ ରଗୁଗାଟାରିକି ନେହି କିଦୁ, ହାନ୍ନାରିକି ନିପ୍ଦୁ, ମୁଟ୍ଡାଙ୍ଗ୍ଗାଟାରିକି ନେହି କିଦୁ, ବୁତଙ୍ଗ୍ତିଦି ପେରାଟୁ । ମିରୁ ବାଃଏନେଃଏ ପାଁଣ୍ଡାଞ୍ଜେରି, ବାଃଏନେଃଏ ହିଦୁ । 9ମି ଗାଞ୍ଜିତାୱା ସୁନା କି ରୁପା କି ତାମ୍ୱା ଆହାନ୍ ହାଃଲ୍ଲାଟୁ । 10#୧କ ୯:୧୪; ୧ତି ୫:୧୮ଆଟେ ମିରୁ ହାଜ୍ଜିନ୍ନି ତୁକାତାୱା ବେଗୁ କି ରିଣ୍ଡା ଅଙ୍ଗିଙ୍ଗ୍ କି ପାଣ୍ଡେଙ୍ଗ୍ କି ଡେଙ୍ଗ ଅଃଆଟୁ, ଇନାକି କାମା କିନ୍ନାରି ତା ଆବସକ କୁଲା ପାଁନ୍ବନ୍ ଜୁଗ୍ୟ । 11ଆଟେ ମିରୁ ଇମ୍ୱିନ୍ ଗାଡ଼ାନାଜୁତାୱା କି ନାଜୁତାୱା ହଡେରି, ଏଦିମ୍ୱା ଇମ୍ୱିନ୍ କୁଏଞ୍ଜି ଜୁଗ୍ୟ ଏୱାଞ୍ଜିକି ଦାହ୍ଦୁ, ଆଟେ ଏମ୍ବାଟି ୱ୍ଡେନି ଟିକ୍ନା ଏଦିମ୍ୱା ବାସାଆଦୁ । 12ଆଟେ ଇଡ୍ଡୁତାୱା ହଲ୍ବନ୍ତି ତୁକାତାୱା ତାଙ୍ଗେ ମେଲା କିଦୁ; 13ଜଦି ଇଡ୍ଡୁତି ଦାଲ୍ଲା ଜୁଗ୍ୟ ଗାଟାରି ଏହେଙ୍ଗ୍ ଆତେସି ତା ପାଟ୍ଟି ମି ଲତୁ ଆପାକାଦି, ମତ୍ର ଜଦି ଆଃଏ, ଏହେଙ୍ଗ୍ ଆତେସି ମି ଲତୁ ମି ରେଃଏସ୍ ୱ୍ଡେଚାନ୍ ୱାପାକାଦି । 14#ପେରି ୧୩:୫୧ଆଟେ ଜଦି ଏମ୍ୱେନାଞ୍ଜି ମିଙ୍ଗେ ଗ୍ରହନ କିଆଦାଃଏଞ୍ଜି କି ମି କାତା ୱେଃନ୍ନେଞ୍ଜି, ଏ ଇଡ୍ଡୁତାୱାଟି କି ଏ ଗାଡ଼ାନାଜୁଟି ହଚାନ୍ ୱାନି ତୁକାତାୱା ମିରୁ ମି ପାନେଡ଼୍କାତି ଦୁଲି ହାଡ଼୍ଦୁ । 15#ମାତି ୧୧:୨୪#ଲୁକ ୧୦:୪–୧୨ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ବିଚାର ଦିନାତାୱା ଏ ଗାଡ଼ାନାଜୁତି ଦଣ୍ଡ ତାୱାଟି ସଦମ ଅଟେ ଗମରା ରାଜିତି ଦଣ୍ଡ ସହି ଆଅନ୍ ଆନେ ।
ୱାଇନି ବିହାନପୁ
(ମାର୍କ ୧୩:୯–୧୩; ଲୁକ ୨୧:୧୨–୧୭)
16 #
ଲୁକ ୧୦:୩
ହୁଡ଼ାଟୁ, କ୍ଡାଡିଙ୍ଗ୍ ମାଦ୍ଦେ ମେଁଣ୍ଡାଡଟିଙ୍ଗ୍ ଲାକ୍କା ନାନୁ ମିଙ୍ଗେ ପାଣ୍ଡେଞ୍ଜା, ଏଦାବାଗା ରାଚୁ ଡେହେଙ୍ଗ୍ ବୁଦ୍ଦିମାନ ଅଟେ ଗୁଗୁର୍ ଡେହେଙ୍ଗ୍ ଲୁଙ୍ଗୁର୍ ଆଦୁ । 17#ମାର୍କ ୧୩:୯–୧୧; ଲୁକ ୧୨:୧୧,୧୨; ୨୧:୧୨–୧୫ମତ୍ର କୁଇଙ୍ଗ୍ତାୱାଟି ନେହେନ୍ ବାସାଆଦୁ, ଇନାକି ଏୱାରି ମିଙ୍ଗେ ବିଚାର ଗର୍ରିତାୱା ସର୍ପି କିଆନେରି ଅଟେ ଏୱାର୍ତି ହାଜା ଇଡ୍ଡୁ ନକେସି ହାପ୍କାନଡ଼ ଡ଼ାହି ଚାହ୍ତାନେରି । 18ଆଟେ ନା ବାଗାଟି ମିଙ୍ଗେ ଆକୁଡ଼୍ କିଅନ୍ତାରି ଅଟେ ରାଜେଙ୍ଗ୍ ରେଃଏସ୍ ତାଚ୍ଚିୱାନେରି; ଏଦି ଏୱାର୍ ବାଗା ଅଟେ ଅନଜିହୁଦିଙ୍ଗ୍ ବାଗା ସାକ୍ୟ ଡେହେଙ୍ଗ୍ ଆନେ । 19ମତ୍ର ଏଚ୍ଚିକିଃଆ ଏୱାରି ମିଙ୍ଗେ ସର୍ପି କିଆନେରି, ଏଚିତୁକାତାୱା ମିରୁ ଇନିମିଡି ଅଟେ ଇନ୍ନି କାତା ୱେସ୍ଦେରି, ଏ କୁଲାଟି ଏଲୁ କିଃଆଟୁ, ଇନାକି ଇନ୍ନା ୱେସ୍ଦେରି, ଏଦା ଏ ତୁକାତାୱା ମିଙ୍ଗେ ୱେସ୍ପା ଆନେ । 20ଇନାକି ମିରୁ ବକ୍ତା ଆଃଏ, ମତ୍ର ମି ଆବାତି ଡିଙ୍ଗା ମି ହଡାଙ୍ଗ୍ତାୱା କାତା ୱେସ୍ପିନ୍ନେଞ୍ଜି, ଏୱାଞ୍ଜି ବକ୍ତା । 21#ମାର୍କ ୧୩:୧୨; ଲୁକ ୨୧:୧୬ଆମ୍ୱେସ୍ ଆମ୍ବେସ୍ନିକି ଅଟେ ଆବା ମ୍ରିଃଏଞ୍ଜିକି ପାଗନ୍ ବାଗାଟି ସର୍ପି କିନେଞ୍ଜି; ଆଟେ ମ୍ରିକା ଇୟାଆବାତି ବିରୁଦିଆଟି ନିଙ୍ଗାନ୍ ଏୱାରିକି ପାଗି କିନେରି, 22#ମାତି ୨୪:୯; ମାର୍କ ୧୩:୧୩; ଲୁକ ୨୧:୧୭; ମାତି ୨୪:୧୩; ମାର୍କ ୧୩:୧୩ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି, ମତ୍ର ଏମ୍ୱେନାଞ୍ଜି ୱିହାନ୍ଦୁକା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି । 23ମତ୍ର ଏୱାରି ଏଚ୍ଚିକିଃଆ ମିଙ୍ଗେ ରଣ୍ଡା ଗାଡ଼ାନାଜୁତାୱା ବିହାନପୁ ହିଆନେରି, ଏଚିତୁକାତାୱା ବିହି ଗାଡ଼ାନାଜୁଇନ୍ଦା ଡେହାଟୁ, ଇନାକି ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇସ୍ରାଏଲ ଗାଡ଼ାନାସ୍କା ଏସେନ୍ ମିରୁ ତ୍ରେବନି ୱିହିକିଃଆନ୍ କାହେନେଃଏ କୁଏଞ୍ଜି ମ୍ରିଃଏଞ୍ଜି ୱାନେଞ୍ଜି । 24#ଲୁକ ୬:୪୦; ଜହ ୧୩:୧୬; ୧୫:୨୦ଗ୍ରାପାଗାଟାଞ୍ଜ୍ତାୱାଟି ଗ୍ରାମ୍ୱାଗାଟାଞ୍ଜି କି ସକାରତାୱାଟି କାମ୍ବାରେଏଞ୍ଜି ଗାମିନାଞ୍ଜି ଆଃଏଞ୍ଜି । 25#ମାତି ୯:୩୪; ୧୨:୨୪; ମାର୍କ ୩:୨୨; ଲୁକ ୧୧:୧୫ଗ୍ରାମ୍ୱାଗାଟାଞ୍ଜି ତା ଗ୍ରାପାଗାଟାଞ୍ଜି ଲାକ୍କାଟି ଅଟେ କାମ୍ବାରେଏଞ୍ଜି ତା ସକାର ଡେହେଙ୍ଗ୍ ଆଅନ୍ ଆବସକ ମାନ୍ନେ । ଦାଲ୍ଲା ଜଦି ଇଡ୍ଡୁତି ଗାମିନାଞ୍ଜିନିକି ବାଲ୍ଜିବୁଲ୍ ଇଞ୍ଜାନାହି ଆର୍ନେରି, ଏହେଙ୍ଗ୍ଆତେସ୍ ତା ଇଜ୍ଜାନ୍ ଦାଲ୍ଲାନିକି ୱାଡ଼େ ଗାପ୍ଚି ଏହେଙ୍ଗିସି ଆର୍ନେରି ।
ମୁଲାପେନୁନିକି ଆଜ୍ଜନି
(ଲୁକ ୧୨:୨–୭)
26 #
ମାର୍କ ୪:୨୨; ଲୁକ ୮:୧୭ ଏଦାବାଗା ଏ ଦାଲ୍ଲାନିକି ଆଃଜ୍ଜାଟୁ; ଇନାକି ଇନ୍ନିକୁଲା ପଃଙ୍ଗେଏ, ଇହିଙ୍ଗିସି ଇନାଦି ମୁଚ୍ଚି ଆନ୍ ହେଃଲ୍ଲେଏ, ଆଟେ ଇନ୍ନିକୁଲା ୱେସ୍ପନ୍ ଆଃଏ, ଇହିଙ୍ଗିସି ଇନାଦି ମ୍ରାଗାନ୍ ହେଃଲ୍ଲେ । 27ନାନୁ ମିଙ୍ଗେ ଇନ୍ନା ଆନ୍ଦେରିଃଆ ୱେସ୍ପିଞ୍ଜା, ଏ ହାବେ ଅଲାତାୱା ୱେନ୍ବନ୍ ଆନେ, ଆଟେ ଇନ୍ନା ମିରୁ ମ୍ଡାମି ୱେଞ୍ଜିଞ୍ଜେରି, ଏଦା ଇଡ୍ଡୁତି ଦଲାନ୍ କୁଃଏଟି ପକ୍ଦୁ । 28ଆଟେ ଏମ୍ୱେନାରି ଗାଣ୍ଡିଙ୍ଗ୍ ପାଗେନ୍ନେରି, ମତ୍ର ଡିଙ୍ଗାନିକି ପାଗନ୍ ମୁଃଏରି, ଏୱାରିକି ଆଃଜ୍ଜାଟୁ; ମତ୍ର ଏମ୍ୱେନାଞ୍ଜି ଗାଣ୍ଡି ଅଟେ ଡିଙ୍ଗାତିଦି ନର୍କତାୱା ନାହେଡ୍ କିଅନ୍ ମୁପିନ୍ନେଞ୍ଜି, ତାଙ୍ଗେ ଆଜ୍ଜାଟୁ । 29ରିଣ୍ଡା କସ୍ପଟାଙ୍ଗ୍ ଇନ୍ନା ର ଟାକ୍କାଟି ପ୍ରାପନ୍ ଆଇହେଃଲ୍ଲେଏ ? ଆଟେ ମି ଆବାତି ଅନୁମତି ଆଃଏଟେଃଏ ଏ କସ୍ପଟାଙ୍ଗ୍ ୱାଡ଼େ ୱିର୍ରା ନେତେ ତ୍ରଃଙ୍ଗଅ । 30ଆଟେ ମି ତ୍ଲାଉତି ହାବେ ତ୍ଲାଏର୍କା ୱାଡ଼େ ଲେକା ଆନ୍ନୁ । 31ଏଦାକି ଆଃଜ୍ଜାଟୁ, ମିରୁ ଏଗେଲ୍ କସ୍ପଟାଙ୍ଗ୍ ତାୱାଟି ଗାମିନାତେରି ।
ଜିସୁତି କୁଲାଟି ବିହି ଦାଲ୍ଲାନିକି ୱେସ୍ପନି
(ଲୁକ ୧୨:୮–୯)
32ଆଟେ ଏମ୍ୱେନାଞ୍ଜି ନାଙ୍ଗେ ଦାଲ୍ଲା ନକେସି ସ୍ୱିକାର କିଆନେଞ୍ଜି, ନାନୁ ୱାଡ଼େ ନା ସର୍ଗତି ଆବା ନକେସି ତାଙ୍ଗେ ସ୍ୱିକାର କିଃଇ । 33#୨ତି ୨:୧୨ମତ୍ର ଏମ୍ୱେନାଞ୍ଜିକି ନାଙ୍ଗେ ଦାଲ୍ଲା ନକେସି ଅସ୍ପିକାର କିଆନେଞ୍ଜି, ନାନୁ ୱାଡ଼େ ନା ସର୍ଗତି ଆବା ନକେସି ତାଙ୍ଗେ ସ୍ୱିକାର କିଃଆନୁ ।
ଜିସୁ ବେତଟ୍ ତାକନ୍ତାଦି କସ୍ଟ
(ଲୁକ ୧୨:୫୧–୫୩; ୧୪:୨୬–୨୭)
34ନାନୁ ପୁର୍ତିତାୱା ଲତୁ ହିଅନ୍ ବାଗା ୱାମାଃଇ, ଇଞ୍ଜାନ୍ ମିରୁ ଏଲୁ କିଃଆଟୁ; ନାନୁ ଲତୁ ହିଅନ୍ ବାଗା ୱାହେଃଲ୍ଲାନୁ, ମତ୍ର ବିହାନପୁ ହିଅନ୍ତିକି ୱାମାଃଇ । 35ଇନାକି ନାନୁ ଆବା ଡ଼ାହି ମ୍ରିଃଏଞ୍ଜିକି ଅଟେ ଇୟା ଡ଼ାହି ମ୍ରାଗାନିକି, ଅଟେ ପଦା ଡ଼ାହି କ୍ଡୁଆନିକି ବିରୁଦି କିୱି କିଅନ୍ତିକି ୱାମାଃଇ; 36ଆଟେ କୁଏଞ୍ଜିକି ତା ଇଜ୍ଜାତି ଦାଲ୍ଲାନେଃଏ ତା ସତ୍ରୁ ଆନେରି । 37ଏମ୍ୱେନାଞ୍ଜି ଆବା କି ଇୟାନିକି ନା ତାୱାଟି ଏଗେଲ୍ ଜେଡା କିନ୍ନେଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ତିକି ଜୁଗ୍ୟ ଆଃଏଞ୍ଜି, ଆଟେ ଏମ୍ୱେନାଞ୍ଜି ମ୍ରିଃଏଞ୍ଜି କି ମ୍ରାଗାନିକି ନା ତାୱାଟି ଏଗେଲ୍ ଜେଡା କିନ୍ନେଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ ମୁଃଏଞ୍ଜି । 38#ମାତି ୧୬:୨୪; ମାର୍କ ୮:୩୪; ଲୁକ ୯:୨୩ଆଟେ ଏମ୍ୱେନାଞ୍ଜିକି ତା କ୍ରୁସ ଡେକାନାହି ନା ବେତଟ୍ ୱାଃଏଞ୍ଜି, ଏୱାଞ୍ଜି ନା ଗ୍ରାମ୍ବାଗାଟାଞ୍ଜି ଆଅନ୍ତିକି ଜୁଗ୍ୟ ଆଃଏଞ୍ଜି । 39#ମାତି ୧୬:୨୫; ମାର୍କ ୮:୩୫; ଲୁକ ୯:୨୪; ୧୭:୩୩; ଜହ ୧୨:୨୫ଏମ୍ୱେନାଞ୍ଜି ତା ପରନ୍ ନିପ୍ନେଞ୍ଜି, ଏୱାଞ୍ଜି ଏଦା ନାହେଡ୍ କିନେଞ୍ଜି, ଆଟେ ଏମ୍ୱେନାଞ୍ଜି ନା ବାଗାଟି ତା ପରନ୍ ନାହେଡ୍ କିନେଞ୍ଜି, ଏୱାଞ୍ଜି ଏଦା ପାଁନେଞ୍ଜି ।
ପୁରସ୍କାର ପାଁନ୍ବନ୍ତାଞ୍ଜି
(ମାର୍କ ୯:୪୧)
40 #
ଲୁକ ୧୦:୧୬; ଜହ ୧୩:୨୦;
ମାର୍କ ୯:୩୭; ଲୁକ ୯:୪୮ ଏମ୍ୱେନାଞ୍ଜି ମିଙ୍ଗେ ଗ୍ରହନ କିଆନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଆନେଞ୍ଜି, ଆଟେ ଏମ୍ୱେନାଞ୍ଜି ନାଙ୍ଗେ ଗ୍ରହନ କିଆନେଞ୍ଜି, ଏୱାଞ୍ଜି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ଗ୍ରହନ କିନେଞ୍ଜି । 41ଏମ୍ୱେନାଞ୍ଜି ବାବବାଦିନିକି ବାବବାଦି ଇଞ୍ଜାନାହି ଗ୍ରହନ କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ବାବବାଦି ପାଁନ୍ବନ୍ତି ପୁରସ୍କାର ପାଁନେଞ୍ଜି । ଆଟେ ଏମ୍ୱେନାଞ୍ଜି ଦାର୍ମିକନିକି ଦାର୍ମିକ ଇଞ୍ଜାନାହି ଗ୍ରହନ କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ଦାର୍ମିକ ପାଁନ୍ବନ୍ତି ପୁରସ୍କାର ପାଁନେଞ୍ଜି । 42ଆଟେ ଏମ୍ୱେନାଞ୍ଜିକି ଇ ଡଟିଗାଟାର୍ ତାୱାଟି ରଃଅଞ୍ଜିକି ନା ଗ୍ରାମ୍ୱାଗାଟାଞ୍ଜି ଇଞ୍ଜାନାହି ର ଗିନ୍ନା ହିଡି ଏଜୁ ଉନ୍ବନ୍ ହିନ୍ନେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏୱାଞ୍ଜି ଇନିମିଡି ୱାଡ଼େ ତା ପୁରସ୍କାର ସାମେନେଃଏ ପାଁନେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0