ମାତିଉ 12
12
ୱାହୁଜାମ୍ୱାୱାରାତି ଦାର୍ମୁ
(ମାର୍କ ୨:୨୩–୨୮; ଲୁକ ୬:୧–୫)
1ଏ ତୁକାତାୱା ଜିସୁ ଅଟେ ତା ଗ୍ରାମ୍ବାଗାଟାରି ୱାହୁଜାମ୍ବା ୱାରାତାୱା ୱେହା ପାଙ୍ଗା ଏସେନ୍ ହାଜ୍ଜିଚ୍ଚେରି, ଆଟେ ତା ଗ୍ରାମ୍ୱାଗାଟାରିକି ହାକ୍କି ଆଅନେଃଏ, ଏୱାରି ୱେହା କେରାଙ୍ଗ୍ ଡାପ୍ଚାନ୍ ତିନ୍ବନ୍ତିକି ମ୍ରାସ୍ତେରି । 2ପାରୁସିଙ୍ଗ୍ ଏଦା ହୁଡ଼ାନାହି ତାଙ୍ଗେ ୱେସ୍ତେରି, “ହୁଡ଼ାମୁ, ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ହେଃଲ୍ଲେଏ, ଏଦା ନି ଗ୍ରାମ୍ୱାଗାଟାରି ଇନ୍ନା ବାଗା କିନ୍ନେରି ?” 3ମତ୍ର ଜିସୁ ଏୱାରିକି ୱେସ୍ତେଞ୍ଜି, “ଦାଉଦ ଅଟେ ତା ଡ଼ାହି ମାଚ୍ଚି ଦାଲ୍ଲା ହାକ୍କି ଆଇଚ୍ଚି ତୁକାତାୱା ଦାଉଦ ଇନ୍ନା କିଆଚ୍ଚେଞ୍ଜି, ପୁତିତାୱା ୱ୍ରିଗା ଆନ୍ନାଦାଃଆ ମିରୁ ଇନ୍ନା ପଡ଼ି ଆହେଃଲ୍ଲେରି ? 4ଏୱାଞ୍ଜି ମୁଲାପେନୁତି ଇଡ୍ଡୁ ଲାଃଇ ହଲ୍ଜାନାହି; ମୁଲାପେନୁନିକି ଉଚ୍ଚର୍ଗ କିଆଚ୍ଚି ରୁଟିଙ୍ଗ୍ ୱେଚାନ୍, ଏୱାଞ୍ଜି ଅଟେ ତା ଡ଼ାହି ମାଚ୍ଚାରି ତିଞ୍ଜାଚ୍ଚେରି । ଇମ୍ୱିନାଃଆକି ଏୱାରି ତିନ୍ବନ୍ତି ହାଜୁ ହେଃଲ୍ଲାତେ, ମତ୍ର ୱାର୍ରି ଜାଜକଙ୍ଗ୍ ତିନ୍ବନ୍ତି ହାଜୁ ମାଚ୍ଚେ । 5ୱାହୁଜାମ୍ବା ୱାରାତାୱା ଜାଜକଙ୍ଗ୍ ମନ୍ଦିରତାୱା କାମା କିଆନ୍ ୱାହୁଜାମ୍ବା ୱାରାତି ହାଜୁତିଦି ଲେକ୍ଚାନ୍ ଅସୁଚି କିତେସ୍ ୱାଡ଼େ ଏୱାରିକି ଏମ୍ୱେ ଦୁସି ଇଞ୍ଜାନ୍ ୱେସ୍ପେହେଃଲ୍ଲାତେରି, ଇଦା ଇନ୍ନା ମିରୁ ମସାତି ହାଜୁତାୱା ପଡ଼ି ଆହେଃଲ୍ଲେରି ? 6ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ମନ୍ଦିରତାୱାଟି ଗାପ୍ଚି ବେର୍ରାନାଦି ଇଦିମ୍ୱା ମାନ୍ନେ । 7#ମାତି ୯:୧୩ମତ୍ର ନାନୁ ବଲି ହିଅନ୍ତାଦା ଇଚ୍ଚା କିଃଏଟେଃଏ ପାପୁଅଲ୍ପନ୍ତାଦା ଇଚ୍ଚା କିମାଃଇ, ଇ କାତାତି ଅର୍ତ ଜଦି ମିରୁ ପୁଞ୍ଜାଞ୍ଜେରିମା, ଇଚ୍ଚେସି ଇ ଦୁସି ଆହେଃଲ୍ଲାନ୍ ଦାଲ୍ଲାନିକି ଦୁସି କିଃଏର୍ମା । 8ଇନାକି କୁଏଞ୍ଜି ମ୍ରିଃଏଞ୍ଜି ଆଇନ୍ନେଞ୍ଜି ୱାହୁଜାମ୍ବା ୱାରାତି ଦାର୍ମୁ ।”
କାଜ୍ଜୁ ୱାଚ୍ଚାନ୍ନି କୁଏଞ୍ଜି ନେହି ଆଅନି
(ମାର୍କ ୩:୧–୬; ଲୁକ ୬:୬–୧୧)
9ଜିସୁ ଏ ଗର୍ରିତାୱାଟି ହଚାନାହି ହାଜ୍ଜାନ୍ ଏୱାର୍ତି ରଣ୍ଡା ହାଜା ଇଡ୍ଡୁ ଲାଃଇ ହଟେଞ୍ଜି । 10ଆଟେ ହୁଡ଼ାଟୁ, ଏଦିମ୍ୱା ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜ୍ତି ରଣ୍ଡି କାଜ୍ଜୁ ୱାଚ୍ଚାଚ୍ଚେ । ଆଟେ ଏୱାରି ତାଙ୍ଗେ ଦୁସି କିଅନ୍ ବାଗାଟି ତାଙ୍ଗେ ୱେଚ୍ଚେରି, ୱାହୁଜାମ୍ବା ୱାରାତାୱା ରଗୁଟି ନେହି କିଅନ୍ ଇନ୍ନା ହାଜୁ ମାନ୍ନେ ? 11#ଲୁକ ୧୪:୫ମତ୍ର ଜିସୁ ଏୱାରିକି ୱେସ୍ତେଞ୍ଜି, “ଜଦି ଇନ୍ଦାରିକି ରଣ୍ଡି ମେଁଣ୍ଡାଅଡା ମାନ୍ନେ ଅଟେ ଏଦି ୱାହୁଜାମ୍ବା ୱାରାତାୱା କୁଟ୍ଟିତାୱା ତ୍ରଙ୍ଗିନେ, ଏହେଙ୍ଗ୍ ଆତେସି ଏଦା ଇନ୍ନା ଏୱାଞ୍ଜି କୁଟ୍ଟିତାୱାଟି ୱେଚାନ୍ ତାଚ୍ଚିୱାଃଏଞ୍ଜି ? 12ଏହେଙ୍ଗ୍ ଆତେସି, ମେଁଣ୍ଡାଅଡା ତାୱାଟି କୁଏଞ୍ଜି ଆଟେ ଏଚ୍ଚେ ଏଗେଲ୍ ଗାମିନାଞ୍ଜି । ଏଦାବାଗା ୱାହୁଜାମ୍ବା ୱାରାତାୱା ନେହି କାମା କିଅନ୍ ହାଜୁ ମାନ୍ନେ ।” 13ଏମ୍ୱାଟି ଏୱାଞ୍ଜି ଏ କୁଏଞ୍ଜିକି ୱେସ୍ତେଞ୍ଜି, “ନି କାଜ୍ଜୁ କହ୍ତାମୁ ।” ଏୱାଞ୍ଜି କାଜ୍ଜୁ କହ୍ତେଞ୍ଜି, ଆଟେ ଏ କାଜ୍ଜୁ ବିହି କାଜ୍ଜୁ ଡେହେଙ୍ଗ୍ ଡ଼ାଙ୍ଗ୍ନା ନେହି ଆତେ । 14ମତ୍ର ଏ ଗର୍ରିତାୱାଟି ପାରୁସିଙ୍ଗ୍ କାଟ ହଚାନ୍ ହାଜ୍ଜାନ୍ ତାଙ୍ଗେ ପାଗନ୍ ବାଗାଟି ତା ବିରୁଦିଆଟି କାତା ଆତେରି ।
ମୁଲାପେନୁ ଆଚି କିଆନ୍ନି କାମ୍ୱାରେଏଞ୍ଜି
15ଜିସୁ ଏଦା ପୁଞ୍ଜାନାହି ଏ ଗର୍ରିତାୱାଟି ହଚାନ୍ ହାଚ୍ଚେଞ୍ଜି, ଆଟେ ଏଗେଲ୍ ଦାଲ୍ଲା ତା ବେତଟ୍ ହାଚ୍ଚେରି, ଆଟେ ଏୱାଞ୍ଜି ହାବେତାରିନିକି ରଗୁଟି ନେହି କିତେଞ୍ଜି । 16ଆଟେ ତାଙ୍ଗେ ପଃକାନ୍ ବାଗାଟି ଏୱାଞ୍ଜି ଏୱାରିକି ମାଞ୍ଜାଟି ଆଦେସ୍ ହିତେଞ୍ଜି, 17ଇନିସ୍ ଜିସାୟ ବାବବାଦି ତାୱାଟି ୱେସାନ୍ନି ଇ କାତା ସପଲ ଆନେ, 18ଏୱାଞ୍ଜି ୱେସ୍ତେଞ୍ଜି, “ହୁଡ଼ାଟୁ, ନା କାମ୍ୱାରେଏଞ୍ଜି ଇନ୍ଦାରିକି ନାନୁ ଆଚି କିଆମାଃଇ; ନାନୁ ତାଙ୍ଗେ ଜେଡା କିମାଃଇ, ଏୱାଞ୍ଜିକି ନାନୁ ଗାପ୍ଚି ରାହାଙ୍ଗ୍ ଆଇମାଃଇ; ନାନୁ ତାଙ୍ଗେ ନା ଡିଙ୍ଗା ହିଃଇ ଆଟେ ଏୱାଞ୍ଜି ଅନଜିହୁଦିଙ୍ଗ୍ ଦାଲ୍ଲାନିକି ମୁଲାପେନୁତି ନିୟେ ବିଚାର କୁଲାଟି ପ୍ରଚାର କିନେଞ୍ଜି । 19ଏୱାଞ୍ଜି ହିଲାବାଦେର୍ ଆଃଏଞ୍ଜି, ଆଟେ ଗଲି ଆଃଏଞ୍ଜି, ଆଟେ ପାଡ଼ାତାୱା ତା ଉକୁଡ଼୍ ଏମ୍ୱେ ୱାଡ଼େ ୱେନ୍ନେରି । 20ଏୱାଞ୍ଜି ଲେଙ୍ଗାନ୍ନି ଡୁଙ୍ଗାତିଦି ଲେଃକେଞ୍ଜି କି ବୁସୁଡ଼୍ ଆଇନି ଡୁବ୍ବିତି ସଲ୍ତା ଡୁଃପେଞ୍ଜି, ନିୟେଟି ଜିତିଆଃଆନ୍ ଟିକ୍ନା ଏୱାଞ୍ଜି ଜାଙ୍ଗ୍ନା ବାସାଆନେଞ୍ଜି । 21ଆଟେ ଅନଜିହୁଦିଙ୍ଗ୍ ତା ପାରୁଟି ନାର୍ରା ଇଟ୍ଟିନେରି ।”
ପିର୍ନି ଡିଙ୍ଗା ବିରୁଦଟି ଅଡ୍ଡନ୍
(ମାର୍କ ୩:୨୦–୩୦; ଲୁକ ୧୧:୧୪–୨୩; ୧୨:୧୦)
22ଏମ୍ୱାଟି ରଃଅଞ୍ଜି ବୁତ ଆହାନ୍ନି କାଡ଼ାଙ୍ଗ୍ ଅଟେ ଜାଡ୍ଡାଗାଟି କୁଏଞ୍ଜିକି ଜିସୁ ଟାକ୍କେ ତାଚ୍ଚିୱାତେରି, ଆଟେ ଏୱାଞ୍ଜି ଏୱାଞ୍ଜିକି ନେହି କିତେଞ୍ଜି; ଏମ୍ୱାଟି ଏ ଜାଡ୍ଡାଗାଟାଞ୍ଜି କାତା ୱେସ୍ପନ୍ ମୁତେଞ୍ଜି ଅଟେ ହୁଡ଼ନ୍ ମୁତେଞ୍ଜି । 23ଆଟେ ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆନାହି ୱେସ୍ପନ୍ ମ୍ରାସ୍ତେରି, “ଇୱାଞ୍ଜି ଇନ୍ନା ଏ ଦାଉଦ ମ୍ରିଃଏଞ୍ଜି ଆଃଏ ?” 24#ମାତି ୯:୩୪; ୧୦:୨୫ମତ୍ର ପାରୁସିଙ୍ଗ୍ ଏଦା ୱେଞ୍ଜାନାହି ୱେସ୍ତେରି, “ଇ କୁଏଞ୍ଜି ବୁତଙ୍ଗ୍ତି ଗାମିନାଞ୍ଜି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।” 25ମତ୍ର ଏୱାଞ୍ଜି ଏୱାର୍ତି ମନତି ଏଲୁ ପୁଞ୍ଜାନାହି ଏୱାରିକି ୱେସ୍ତେଞ୍ଜି, ଇମ୍ୱିନ୍ ରାଜିତି ଦାଲ୍ଲା ତାରୁ ତାରୁ ହିଲାବାଦେର୍ ଆନ୍ ବାଗା ବାଗା ଆଇନ୍ନେରି ଏ ରାଜି ଲେଙ୍ଗିନେ; ଆଟେ ଇମ୍ୱିନ୍ ଗାଡ଼ାନାଜୁ କି ଇଡ୍ଡୁ ତା ବିରୁଦି ଆନ୍ ବାଗା ବାଗା ଆନେ, ଏଦି ରଞ୍ଜାନ୍ ବାସାଆଃଏ । 26ଆଟେ ସଇତାନ ଜଦି ସଇତାନନିକି ପିହ୍ପିକିନ୍ନେ ଏହେଙ୍ଗ୍ ଆତେସି ତାନୁ ରି ବାଗା ଆଇନେ; ଏହେଙ୍ଗ୍ ଆତେସି ତା ରାଜି ଇନିମିଡି ରଞ୍ଜାନ୍ ବାସାଆଅନ୍ ମୁନେ ? 27ନାନୁ ଜଦି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ନି ମ୍ରିକା ଇନ୍ଦାର୍ ସାହାଜ୍ୟଟି ବୁତଙ୍ଗ୍ ପିହ୍ପି କିନ୍ନେରି । ଏଦାକି ମି ଦାଲ୍ଲାନେଃଏ ମିଙ୍ଗେ ବିଚାର କିଅନ୍ତାରି ଆନେରି । 28ମତ୍ର ନାନୁ ଜଦି ମୁଲାପେନୁତି ଡିଙ୍ଗା ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ତ ମୁଲାପେନୁତି ରାଜି ମି ରେଃଏସ୍ ଏତାତ୍ଦେ । 29ଆଟେ ଏମ୍ୱେ ୱାଡ଼େ କାହେ ବଲଗାଟି କୁଏଞ୍ଜିକି ଗାସେଟେଃଏ ତା ଇଡ୍ଡୁ ଲାଃଇ ହଲ୍ଜାନ୍ ଇନିମିଡି ଏୱାଞ୍ଜ୍ତି ଦନ ହାବେ ଜୁରି କିଅନ୍ ମୁନେଞ୍ଜି ? ତାଙ୍ଗେ କାହେ ଗାସ୍ତେସ୍ ପାଃଏ ତା ଇଡ୍ଡୁତି ଦନ ଜୁରି କିଆନ୍ ଅନ୍ ମୁନେଞ୍ଜି । 30#ମାର୍କ ୯:୪୦ଏମ୍ୱେନାଞ୍ଜି ନାପେଟ୍ ହେଃଲ୍ଲେଞ୍ଜି, ଏୱାଞ୍ଜି ନା ବିରୁଦିଗାଟାଞ୍ଜି, ଆଟେ ଏମ୍ୱେନାଞ୍ଜି ନା ଡ଼ାହି ଉହି କିହେଃଲ୍ଲେଞ୍ଜି, ଏୱାଞ୍ଜି ବାରାୱିତି କିନ୍ନେଞ୍ଜି । 31“ଏଦାବାଗା ନାନୁ ମିଙ୍ଗେ ୱେସ୍ପିଞ୍ଜା, କୁଇଙ୍ଗ୍ତି ହାବେ ପାପ ଅଟେ ଅଡ୍ଡାଙ୍ଗାତା ମାକ୍ସାଡ଼ି ଆନେ, ମତ୍ର ପିର୍ନି ଡିଙ୍ଗାତି ବିରୁଦିଆଟି ଅଡ୍ଡାଙ୍ଗାତା କିତେସି ମାକ୍ସାଡ଼ି ଆଃଏ । 32#ଲୁକ ୧୨:୧୦ଆଟେ ଏମ୍ୱେନାଞ୍ଜି କୁଏଞ୍ଜି ମ୍ରିଃଏଞ୍ଜି ବିରୁଦିଆଟି କାତା ୱେସ୍ନେଞ୍ଜି, ତାଙ୍ଗେ ମାକ୍ସାଡ଼ି ହିୱା ଆନେ, ମତ୍ର ଏମ୍ୱେନାଞ୍ଜିକି ପିର୍ନି ଡିଙ୍ଗାତି ବିରୁଦିଆଟି କାତା ୱେସ୍ନେଞ୍ଜି, ଇ କାଲାତାୱା କି ୱାଇନି କାଲାତାୱା ତାଙ୍ଗେ ମାକ୍ସାଡ଼ି ହିୱାଆଃଏ ।”
କାଉ ହୁଡ଼ାନ୍ ମ୍ରାନୁତିଦି ପୁନ୍ବନ୍ ଆନେ
(ଲୁକ ୬:୪୩–୪୫)
33 #
ମାତି ୭:୨୦; ଲୁକ ୬:୪୪ “ମ୍ରାନୁ ନେହାଦି ଆତେସି ତା କାଉ ନେହି ଆନେ, ଆଟେ ମ୍ରାନୁ ଡ଼ଃଆନାଦି ଆତେସି ତା କାଉ ଡ଼ଃଆନାଦି, ଇନାକି କାଉ ହୁଡ଼ାନ୍ ମ୍ରାନୁତିଦି ପୁନ୍ବନ୍ ଆନେ । 34#ମାତି ୩:୭; ୨୩:୩୩; ଲୁକ ୩:୭; ମାତି ୧୫:୧୮; ଲୁକ ୬:୪୫ଏ ରନା ରାଚୁତି ପୁଣ୍ଡି, ମିରୁ ଡ଼ଃଆନାତେରି ଆନାହି ଇନିମିଡି ନେହି କାତା ୱେସ୍ପନ୍ ମୁପିଞ୍ଜେରି ? ଇନାକି ରଃଅଞ୍ଜି ତା ହଡାଙ୍ଗିଃଆ ଇନ୍ନା ନେଞ୍ଜାନ୍ ମାନ୍ନୁ ଏଦାନେଃଏ ଏୱାଞ୍ଜି ଗୁତିଟି ୱେସ୍ପିନ୍ନେଞ୍ଜି । 35ରଃଅଞ୍ଜି ନେହି କୁଏଞ୍ଜି ତା ହଡାଙ୍ଗ୍ତି ନେହି ଗର୍ରିତାୱାଟି ନେହି କୁଲା ହପେନ୍ନେଞ୍ଜି, ଆଟେ ଡ଼ଃଆନ୍ କୁଏଞ୍ଜି ଡ଼ଃଆନ୍ ଗର୍ରିତାୱାଟି ଡ଼ଃଆନ୍ କୁଲା ହପେନ୍ନେଞ୍ଜି । 36ମତ୍ର ନାନୁ ମିଙ୍ଗେ ୱେସ୍ପିଞ୍ଜା, କୁଇଙ୍ଗ୍ ୱେସାନ୍ନି ହାବେତ୍ ଅର୍ତହେଃଲ୍ଲାନ୍ କାତା ବାଗାଟି ବିଚାର ଦିନାତାୱା ଏୱାରି ଏ କୁଲାଟି ହିସାବ ହିନେରି । 37ଇନାକି ନି କାତାଟି ନିନୁ ଦୁସି ଆଃଏ ଅଟେ ନି କାତାଟି ନିଙ୍ଗେ ଦୁସି ଇଞ୍ଜାନ୍ ପୁଞ୍ଜାନେରି ।”
ଜୁନସତି ତୁର୍ରି
(ମାର୍କ ୮:୧୧–୧୨; ଲୁକ ୧୧:୨୯–୩୨)
38 #
ମାତି ୧୬:୧; ମାର୍କ ୮:୧୧; ଲୁକ ୧୧:୧୬ ଏମ୍ୱାଟି ସାସ୍ତ୍ରି ଅଟେ ପାରୁସିଙ୍ଗ୍ ତାୱାଟି ଏଚ୍ଚେ ଦାଲ୍ଲା ତାଙ୍ଗେ ୱେସ୍ତେରି, “ଏ ଗ୍ରାପାଗାଟାତି, ମାମୁ ନି ତାୱାଟି ରଣ୍ଡା ତୁର୍ରି ହୁଡ଼ନ୍ତିକି ଇଚ୍ଚା କିନ୍ନାମୁ ।” 39#ମାତି ୧୬:୪; ମାର୍କ ୮:୧୨ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, “ଡ଼ଃଆନାରି ଅଟେ ଦାରିଗାଟି ପୁଣ୍ଡି ତୁର୍ରି ଦାହ୍ନେରି, ମତ୍ର ବାବବାଦି ଜୁନସତି ତୁର୍ରି ପିହାନ୍ ବିହି ଇମ୍ୱିନ୍ ତୁର୍ରି ଏୱାରିକି ହିୱାଆଃଏ ।” 40ଇନାକି ଜୁନସ ଇନିମିଡି ମୁ ଦିନା ଅଟେ ମୁ ଡାଡ଼ିଙ୍ଗ୍ ବେର୍ ମିନୁ ଟୁଟୁତାୱା ମାଚ୍ଚେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ଏହେଙ୍ଗିସି ମୁ ଦିନା ଅଟେ ମୁ ଡାଡ଼ିଙ୍ଗ୍ ୱିର୍ରା ଲାଃଇ ବାସାଆନେଞ୍ଜି । 41ନିନିବିତି ଦାଲ୍ଲା ବିଚାରତାୱା ଇ କାଲାତି କୁଇଙ୍ଗ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେରି, ଇନାକି ଏୱାରି ଜୁନସତି ପ୍ରଚାରତାୱା ଏଲୁୱ୍ଡେପ୍ଚାଚ୍ଚେରି । ଆଟେ ହୁଡ଼ାଟୁ, ଜୁନସ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ । 42ଆଟେ ୱେଲାରାସି ଇନ୍ଦେଟ୍ ମାନ୍ନି ଦେସାତି ରାଡ଼ିଆଲୁ ବିଚାରତାୱା ଇ କାଲାତି କୁଏଞ୍ଜ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେ, ଇନାକି ଏଦି ସଲମନତି ଗ୍ୟାଁନତି କାତା ୱେନ୍ବନ୍ ବାଗା ପୁର୍ତିତି ଗାପ୍ଚି ଦେହାଟି ୱାଚ୍ଚେ, ଆଟେ ହୁଡ଼ାଟୁ, ହାଦାଡ଼ି ସଲମନ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ ।
ଡ଼ଃଆନ୍ ଡିଙ୍ଗା ୱ୍ଡେଚାନ୍ ୱାଅନ୍
(ଲୁକ ୧୧:୨୪–୨୬)
43ଏଚ୍ଚିକିଃଆ ରଣ୍ଡି “ଡ଼ଃଆନ୍ ଡିଙ୍ଗା ରଃଅଞ୍ଜି କୁଏଞ୍ଜ୍ତାୱାଟି ହଚାନ୍ ହାଜ୍ଜିନ୍ନେ, ଏଚିତୁକାତାୱା ଏଦି ଏଜୁ ହେଃଲ୍ଲାନ୍ ଗର୍ରିଙ୍ଗ୍ ହାବେ ତ୍ରେଜାନାହି ଜାମ୍ୱନ୍ତି ଗର୍ରି ଦାହ୍ପିନ୍ନେ ଅଟେ ଏଦା ପାଁଣ୍ଡେହେଃଲ୍ଲେ । 44ଏମ୍ୱାଟି ଏ ଡ଼ଃଆନ୍ ଡିଙ୍ଗା ୱେସ୍ପିନ୍ନେ, ନାନୁ ଇମ୍ୱିନ୍ ଇଡ୍ଡୁତାୱାଟି ହଚାନ୍ ୱାଚ୍ଚେଏ, ନା ଏ ଇଡ୍ଡୁଇନ୍ଦା ୱ୍ଡେଚାନ୍ ହାଃଇ; ଆଟେ ଏଦି ୱାନାହି ଏଦିମ୍ୱା ଇନ୍ନା ହେଃଲ୍ଲାନାଦା, ହାମ୍ୱେର୍ ଆନ୍ନାଦାଃଆ ଅଟେ ଆଡାନ୍ନାନାଦା ହୁଡ଼େନ୍ନେ । 45ଏଚିତୁକାତାୱା ଏ ଡ଼ଃଆନ୍ ଡିଙ୍ଗା ହାଜ୍ଜାନ୍ ତା ତାୱାଟି ଏଗେଲ୍ ଡ଼ଃଆନ୍ ଆଟେ ଅଡ଼ି ଗଟ୍ଟା ଡିଙ୍ଗାଙ୍ଗ୍ ତା ଡ଼ାହି ଆହାନ୍ ୱାଇନେ, ଆଟେ ଏୱା ହଲ୍ଜାନାହି ଏଦିମ୍ୱା ବାସାଆନୁ, ଆଟେ ଏ କୁଏଞ୍ଜ୍ତି କାହେତ୍ ଦଣ୍ଡ ତାୱାଟ୍ ଡେଗ୍ଗାତ୍ ଦଣ୍ଡ ଏଗେଲ୍ ଡ଼ଃଆନାଦି ଆନେ । ଇ ଡ଼ଃଆନ୍ ପୁରୁତି ଦାଲ୍ଲା କୁଃଏଟି ୱାଡ଼େ ଏଚିଡେହେଙ୍ଗ୍ ଆନେ ।”
ଜିସୁତି ଇୟା ଅଟେ ଆମ୍ୱେସାଙ୍ଗା
(ମାର୍କ ୩:୩୧–୩୫; ଲୁକ ୮:୧୯–୨୧)
46ଏୱାଞ୍ଜି ଦାଲ୍ଲାଙ୍ଗ୍ନିକି କାତା ୱେସ୍ପିଚ୍ଚି ତୁକାତାୱା ହୁଡ଼ାଟୁ, ତା ଇୟା ଅଟେ ଆମ୍ୱେସାଙ୍ଗା ତା ଡ଼ାହି କାତା ଆଅନ୍ତିକି ମନ କିଆନ୍ କାଟ ଡିଡ୍ଡାଚ୍ଚେରି । 47ଏମ୍ୱାଟି ରଃଅଞ୍ଜି ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ନି ଇୟା ଅଟେ ଆମ୍ୱେସାଙ୍ଗା ନି ଡ଼ାହି କାତା ଆଅନ୍ତିକି ମନ କିଆନ୍ କାଟ ଡିଡ୍ଡାନ୍ନେରି ।” 48ମତ୍ର ଏମ୍ୱେନାଞ୍ଜି ତାଙ୍ଗେ ଇ କାତା ୱେସ୍ତେଞ୍ଜି, ତାଙ୍ଗେ ଏୱାଞ୍ଜି ୱେସ୍ତେଞ୍ଜି, “ନା ଇୟା ଏମ୍ୱେନାଦି ? ଆଟେ ନା ଆମ୍ୱେସାଙ୍ଗା ଏମ୍ୱେନାରି ?” 49ଆଟେ ଏୱାଞ୍ଜି ତା ଗ୍ରାମ୍ୱାଗାଟାରିଇନ୍ଦା କାଜ୍ଜୁ ହୁଟାନାହି ୱେସ୍ତେଞ୍ଜି, “ହୁଡ଼ାଟୁ, ନା ଇୟା ଅଟେ ନା ଆମ୍ୱେସାଙ୍ଗା 50ଇନାକି ଏମ୍ୱେନାଞ୍ଜି ନା ସର୍ଗତାୱା ମାନି ଆବାତି ଇଚ୍ଚା ପାଲ୍ନି ଆଇନ୍ନେଞ୍ଜି, ଏୱାଞ୍ଜି ନା ଆମ୍ୱେସ୍, ଆଙ୍ଗି ଅଟେ ଇୟା ।”
Právě zvoleno:
ମାତିଉ 12: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 12
12
ୱାହୁଜାମ୍ୱାୱାରାତି ଦାର୍ମୁ
(ମାର୍କ ୨:୨୩–୨୮; ଲୁକ ୬:୧–୫)
1ଏ ତୁକାତାୱା ଜିସୁ ଅଟେ ତା ଗ୍ରାମ୍ବାଗାଟାରି ୱାହୁଜାମ୍ବା ୱାରାତାୱା ୱେହା ପାଙ୍ଗା ଏସେନ୍ ହାଜ୍ଜିଚ୍ଚେରି, ଆଟେ ତା ଗ୍ରାମ୍ୱାଗାଟାରିକି ହାକ୍କି ଆଅନେଃଏ, ଏୱାରି ୱେହା କେରାଙ୍ଗ୍ ଡାପ୍ଚାନ୍ ତିନ୍ବନ୍ତିକି ମ୍ରାସ୍ତେରି । 2ପାରୁସିଙ୍ଗ୍ ଏଦା ହୁଡ଼ାନାହି ତାଙ୍ଗେ ୱେସ୍ତେରି, “ହୁଡ଼ାମୁ, ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ହେଃଲ୍ଲେଏ, ଏଦା ନି ଗ୍ରାମ୍ୱାଗାଟାରି ଇନ୍ନା ବାଗା କିନ୍ନେରି ?” 3ମତ୍ର ଜିସୁ ଏୱାରିକି ୱେସ୍ତେଞ୍ଜି, “ଦାଉଦ ଅଟେ ତା ଡ଼ାହି ମାଚ୍ଚି ଦାଲ୍ଲା ହାକ୍କି ଆଇଚ୍ଚି ତୁକାତାୱା ଦାଉଦ ଇନ୍ନା କିଆଚ୍ଚେଞ୍ଜି, ପୁତିତାୱା ୱ୍ରିଗା ଆନ୍ନାଦାଃଆ ମିରୁ ଇନ୍ନା ପଡ଼ି ଆହେଃଲ୍ଲେରି ? 4ଏୱାଞ୍ଜି ମୁଲାପେନୁତି ଇଡ୍ଡୁ ଲାଃଇ ହଲ୍ଜାନାହି; ମୁଲାପେନୁନିକି ଉଚ୍ଚର୍ଗ କିଆଚ୍ଚି ରୁଟିଙ୍ଗ୍ ୱେଚାନ୍, ଏୱାଞ୍ଜି ଅଟେ ତା ଡ଼ାହି ମାଚ୍ଚାରି ତିଞ୍ଜାଚ୍ଚେରି । ଇମ୍ୱିନାଃଆକି ଏୱାରି ତିନ୍ବନ୍ତି ହାଜୁ ହେଃଲ୍ଲାତେ, ମତ୍ର ୱାର୍ରି ଜାଜକଙ୍ଗ୍ ତିନ୍ବନ୍ତି ହାଜୁ ମାଚ୍ଚେ । 5ୱାହୁଜାମ୍ବା ୱାରାତାୱା ଜାଜକଙ୍ଗ୍ ମନ୍ଦିରତାୱା କାମା କିଆନ୍ ୱାହୁଜାମ୍ବା ୱାରାତି ହାଜୁତିଦି ଲେକ୍ଚାନ୍ ଅସୁଚି କିତେସ୍ ୱାଡ଼େ ଏୱାରିକି ଏମ୍ୱେ ଦୁସି ଇଞ୍ଜାନ୍ ୱେସ୍ପେହେଃଲ୍ଲାତେରି, ଇଦା ଇନ୍ନା ମିରୁ ମସାତି ହାଜୁତାୱା ପଡ଼ି ଆହେଃଲ୍ଲେରି ? 6ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ମନ୍ଦିରତାୱାଟି ଗାପ୍ଚି ବେର୍ରାନାଦି ଇଦିମ୍ୱା ମାନ୍ନେ । 7#ମାତି ୯:୧୩ମତ୍ର ନାନୁ ବଲି ହିଅନ୍ତାଦା ଇଚ୍ଚା କିଃଏଟେଃଏ ପାପୁଅଲ୍ପନ୍ତାଦା ଇଚ୍ଚା କିମାଃଇ, ଇ କାତାତି ଅର୍ତ ଜଦି ମିରୁ ପୁଞ୍ଜାଞ୍ଜେରିମା, ଇଚ୍ଚେସି ଇ ଦୁସି ଆହେଃଲ୍ଲାନ୍ ଦାଲ୍ଲାନିକି ଦୁସି କିଃଏର୍ମା । 8ଇନାକି କୁଏଞ୍ଜି ମ୍ରିଃଏଞ୍ଜି ଆଇନ୍ନେଞ୍ଜି ୱାହୁଜାମ୍ବା ୱାରାତି ଦାର୍ମୁ ।”
କାଜ୍ଜୁ ୱାଚ୍ଚାନ୍ନି କୁଏଞ୍ଜି ନେହି ଆଅନି
(ମାର୍କ ୩:୧–୬; ଲୁକ ୬:୬–୧୧)
9ଜିସୁ ଏ ଗର୍ରିତାୱାଟି ହଚାନାହି ହାଜ୍ଜାନ୍ ଏୱାର୍ତି ରଣ୍ଡା ହାଜା ଇଡ୍ଡୁ ଲାଃଇ ହଟେଞ୍ଜି । 10ଆଟେ ହୁଡ଼ାଟୁ, ଏଦିମ୍ୱା ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜ୍ତି ରଣ୍ଡି କାଜ୍ଜୁ ୱାଚ୍ଚାଚ୍ଚେ । ଆଟେ ଏୱାରି ତାଙ୍ଗେ ଦୁସି କିଅନ୍ ବାଗାଟି ତାଙ୍ଗେ ୱେଚ୍ଚେରି, ୱାହୁଜାମ୍ବା ୱାରାତାୱା ରଗୁଟି ନେହି କିଅନ୍ ଇନ୍ନା ହାଜୁ ମାନ୍ନେ ? 11#ଲୁକ ୧୪:୫ମତ୍ର ଜିସୁ ଏୱାରିକି ୱେସ୍ତେଞ୍ଜି, “ଜଦି ଇନ୍ଦାରିକି ରଣ୍ଡି ମେଁଣ୍ଡାଅଡା ମାନ୍ନେ ଅଟେ ଏଦି ୱାହୁଜାମ୍ବା ୱାରାତାୱା କୁଟ୍ଟିତାୱା ତ୍ରଙ୍ଗିନେ, ଏହେଙ୍ଗ୍ ଆତେସି ଏଦା ଇନ୍ନା ଏୱାଞ୍ଜି କୁଟ୍ଟିତାୱାଟି ୱେଚାନ୍ ତାଚ୍ଚିୱାଃଏଞ୍ଜି ? 12ଏହେଙ୍ଗ୍ ଆତେସି, ମେଁଣ୍ଡାଅଡା ତାୱାଟି କୁଏଞ୍ଜି ଆଟେ ଏଚ୍ଚେ ଏଗେଲ୍ ଗାମିନାଞ୍ଜି । ଏଦାବାଗା ୱାହୁଜାମ୍ବା ୱାରାତାୱା ନେହି କାମା କିଅନ୍ ହାଜୁ ମାନ୍ନେ ।” 13ଏମ୍ୱାଟି ଏୱାଞ୍ଜି ଏ କୁଏଞ୍ଜିକି ୱେସ୍ତେଞ୍ଜି, “ନି କାଜ୍ଜୁ କହ୍ତାମୁ ।” ଏୱାଞ୍ଜି କାଜ୍ଜୁ କହ୍ତେଞ୍ଜି, ଆଟେ ଏ କାଜ୍ଜୁ ବିହି କାଜ୍ଜୁ ଡେହେଙ୍ଗ୍ ଡ଼ାଙ୍ଗ୍ନା ନେହି ଆତେ । 14ମତ୍ର ଏ ଗର୍ରିତାୱାଟି ପାରୁସିଙ୍ଗ୍ କାଟ ହଚାନ୍ ହାଜ୍ଜାନ୍ ତାଙ୍ଗେ ପାଗନ୍ ବାଗାଟି ତା ବିରୁଦିଆଟି କାତା ଆତେରି ।
ମୁଲାପେନୁ ଆଚି କିଆନ୍ନି କାମ୍ୱାରେଏଞ୍ଜି
15ଜିସୁ ଏଦା ପୁଞ୍ଜାନାହି ଏ ଗର୍ରିତାୱାଟି ହଚାନ୍ ହାଚ୍ଚେଞ୍ଜି, ଆଟେ ଏଗେଲ୍ ଦାଲ୍ଲା ତା ବେତଟ୍ ହାଚ୍ଚେରି, ଆଟେ ଏୱାଞ୍ଜି ହାବେତାରିନିକି ରଗୁଟି ନେହି କିତେଞ୍ଜି । 16ଆଟେ ତାଙ୍ଗେ ପଃକାନ୍ ବାଗାଟି ଏୱାଞ୍ଜି ଏୱାରିକି ମାଞ୍ଜାଟି ଆଦେସ୍ ହିତେଞ୍ଜି, 17ଇନିସ୍ ଜିସାୟ ବାବବାଦି ତାୱାଟି ୱେସାନ୍ନି ଇ କାତା ସପଲ ଆନେ, 18ଏୱାଞ୍ଜି ୱେସ୍ତେଞ୍ଜି, “ହୁଡ଼ାଟୁ, ନା କାମ୍ୱାରେଏଞ୍ଜି ଇନ୍ଦାରିକି ନାନୁ ଆଚି କିଆମାଃଇ; ନାନୁ ତାଙ୍ଗେ ଜେଡା କିମାଃଇ, ଏୱାଞ୍ଜିକି ନାନୁ ଗାପ୍ଚି ରାହାଙ୍ଗ୍ ଆଇମାଃଇ; ନାନୁ ତାଙ୍ଗେ ନା ଡିଙ୍ଗା ହିଃଇ ଆଟେ ଏୱାଞ୍ଜି ଅନଜିହୁଦିଙ୍ଗ୍ ଦାଲ୍ଲାନିକି ମୁଲାପେନୁତି ନିୟେ ବିଚାର କୁଲାଟି ପ୍ରଚାର କିନେଞ୍ଜି । 19ଏୱାଞ୍ଜି ହିଲାବାଦେର୍ ଆଃଏଞ୍ଜି, ଆଟେ ଗଲି ଆଃଏଞ୍ଜି, ଆଟେ ପାଡ଼ାତାୱା ତା ଉକୁଡ଼୍ ଏମ୍ୱେ ୱାଡ଼େ ୱେନ୍ନେରି । 20ଏୱାଞ୍ଜି ଲେଙ୍ଗାନ୍ନି ଡୁଙ୍ଗାତିଦି ଲେଃକେଞ୍ଜି କି ବୁସୁଡ଼୍ ଆଇନି ଡୁବ୍ବିତି ସଲ୍ତା ଡୁଃପେଞ୍ଜି, ନିୟେଟି ଜିତିଆଃଆନ୍ ଟିକ୍ନା ଏୱାଞ୍ଜି ଜାଙ୍ଗ୍ନା ବାସାଆନେଞ୍ଜି । 21ଆଟେ ଅନଜିହୁଦିଙ୍ଗ୍ ତା ପାରୁଟି ନାର୍ରା ଇଟ୍ଟିନେରି ।”
ପିର୍ନି ଡିଙ୍ଗା ବିରୁଦଟି ଅଡ୍ଡନ୍
(ମାର୍କ ୩:୨୦–୩୦; ଲୁକ ୧୧:୧୪–୨୩; ୧୨:୧୦)
22ଏମ୍ୱାଟି ରଃଅଞ୍ଜି ବୁତ ଆହାନ୍ନି କାଡ଼ାଙ୍ଗ୍ ଅଟେ ଜାଡ୍ଡାଗାଟି କୁଏଞ୍ଜିକି ଜିସୁ ଟାକ୍କେ ତାଚ୍ଚିୱାତେରି, ଆଟେ ଏୱାଞ୍ଜି ଏୱାଞ୍ଜିକି ନେହି କିତେଞ୍ଜି; ଏମ୍ୱାଟି ଏ ଜାଡ୍ଡାଗାଟାଞ୍ଜି କାତା ୱେସ୍ପନ୍ ମୁତେଞ୍ଜି ଅଟେ ହୁଡ଼ନ୍ ମୁତେଞ୍ଜି । 23ଆଟେ ଦାଲ୍ଲା ହାବେ ଆକ୍କାବାଡ଼ାଙ୍ଗ୍ ଆନାହି ୱେସ୍ପନ୍ ମ୍ରାସ୍ତେରି, “ଇୱାଞ୍ଜି ଇନ୍ନା ଏ ଦାଉଦ ମ୍ରିଃଏଞ୍ଜି ଆଃଏ ?” 24#ମାତି ୯:୩୪; ୧୦:୨୫ମତ୍ର ପାରୁସିଙ୍ଗ୍ ଏଦା ୱେଞ୍ଜାନାହି ୱେସ୍ତେରି, “ଇ କୁଏଞ୍ଜି ବୁତଙ୍ଗ୍ତି ଗାମିନାଞ୍ଜି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।” 25ମତ୍ର ଏୱାଞ୍ଜି ଏୱାର୍ତି ମନତି ଏଲୁ ପୁଞ୍ଜାନାହି ଏୱାରିକି ୱେସ୍ତେଞ୍ଜି, ଇମ୍ୱିନ୍ ରାଜିତି ଦାଲ୍ଲା ତାରୁ ତାରୁ ହିଲାବାଦେର୍ ଆନ୍ ବାଗା ବାଗା ଆଇନ୍ନେରି ଏ ରାଜି ଲେଙ୍ଗିନେ; ଆଟେ ଇମ୍ୱିନ୍ ଗାଡ଼ାନାଜୁ କି ଇଡ୍ଡୁ ତା ବିରୁଦି ଆନ୍ ବାଗା ବାଗା ଆନେ, ଏଦି ରଞ୍ଜାନ୍ ବାସାଆଃଏ । 26ଆଟେ ସଇତାନ ଜଦି ସଇତାନନିକି ପିହ୍ପିକିନ୍ନେ ଏହେଙ୍ଗ୍ ଆତେସି ତାନୁ ରି ବାଗା ଆଇନେ; ଏହେଙ୍ଗ୍ ଆତେସି ତା ରାଜି ଇନିମିଡି ରଞ୍ଜାନ୍ ବାସାଆଅନ୍ ମୁନେ ? 27ନାନୁ ଜଦି ବାଲ୍ଜିବୁଲ୍ତି ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ନି ମ୍ରିକା ଇନ୍ଦାର୍ ସାହାଜ୍ୟଟି ବୁତଙ୍ଗ୍ ପିହ୍ପି କିନ୍ନେରି । ଏଦାକି ମି ଦାଲ୍ଲାନେଃଏ ମିଙ୍ଗେ ବିଚାର କିଅନ୍ତାରି ଆନେରି । 28ମତ୍ର ନାନୁ ଜଦି ମୁଲାପେନୁତି ଡିଙ୍ଗା ସାହାଜ୍ୟଟି ବୁତଙ୍ଗ୍ତିଦି ପିହ୍ପି କିମାଃଇ, ଏହେଙ୍ଗ୍ ଆତେସି ତ ମୁଲାପେନୁତି ରାଜି ମି ରେଃଏସ୍ ଏତାତ୍ଦେ । 29ଆଟେ ଏମ୍ୱେ ୱାଡ଼େ କାହେ ବଲଗାଟି କୁଏଞ୍ଜିକି ଗାସେଟେଃଏ ତା ଇଡ୍ଡୁ ଲାଃଇ ହଲ୍ଜାନ୍ ଇନିମିଡି ଏୱାଞ୍ଜ୍ତି ଦନ ହାବେ ଜୁରି କିଅନ୍ ମୁନେଞ୍ଜି ? ତାଙ୍ଗେ କାହେ ଗାସ୍ତେସ୍ ପାଃଏ ତା ଇଡ୍ଡୁତି ଦନ ଜୁରି କିଆନ୍ ଅନ୍ ମୁନେଞ୍ଜି । 30#ମାର୍କ ୯:୪୦ଏମ୍ୱେନାଞ୍ଜି ନାପେଟ୍ ହେଃଲ୍ଲେଞ୍ଜି, ଏୱାଞ୍ଜି ନା ବିରୁଦିଗାଟାଞ୍ଜି, ଆଟେ ଏମ୍ୱେନାଞ୍ଜି ନା ଡ଼ାହି ଉହି କିହେଃଲ୍ଲେଞ୍ଜି, ଏୱାଞ୍ଜି ବାରାୱିତି କିନ୍ନେଞ୍ଜି । 31“ଏଦାବାଗା ନାନୁ ମିଙ୍ଗେ ୱେସ୍ପିଞ୍ଜା, କୁଇଙ୍ଗ୍ତି ହାବେ ପାପ ଅଟେ ଅଡ୍ଡାଙ୍ଗାତା ମାକ୍ସାଡ଼ି ଆନେ, ମତ୍ର ପିର୍ନି ଡିଙ୍ଗାତି ବିରୁଦିଆଟି ଅଡ୍ଡାଙ୍ଗାତା କିତେସି ମାକ୍ସାଡ଼ି ଆଃଏ । 32#ଲୁକ ୧୨:୧୦ଆଟେ ଏମ୍ୱେନାଞ୍ଜି କୁଏଞ୍ଜି ମ୍ରିଃଏଞ୍ଜି ବିରୁଦିଆଟି କାତା ୱେସ୍ନେଞ୍ଜି, ତାଙ୍ଗେ ମାକ୍ସାଡ଼ି ହିୱା ଆନେ, ମତ୍ର ଏମ୍ୱେନାଞ୍ଜିକି ପିର୍ନି ଡିଙ୍ଗାତି ବିରୁଦିଆଟି କାତା ୱେସ୍ନେଞ୍ଜି, ଇ କାଲାତାୱା କି ୱାଇନି କାଲାତାୱା ତାଙ୍ଗେ ମାକ୍ସାଡ଼ି ହିୱାଆଃଏ ।”
କାଉ ହୁଡ଼ାନ୍ ମ୍ରାନୁତିଦି ପୁନ୍ବନ୍ ଆନେ
(ଲୁକ ୬:୪୩–୪୫)
33 #
ମାତି ୭:୨୦; ଲୁକ ୬:୪୪ “ମ୍ରାନୁ ନେହାଦି ଆତେସି ତା କାଉ ନେହି ଆନେ, ଆଟେ ମ୍ରାନୁ ଡ଼ଃଆନାଦି ଆତେସି ତା କାଉ ଡ଼ଃଆନାଦି, ଇନାକି କାଉ ହୁଡ଼ାନ୍ ମ୍ରାନୁତିଦି ପୁନ୍ବନ୍ ଆନେ । 34#ମାତି ୩:୭; ୨୩:୩୩; ଲୁକ ୩:୭; ମାତି ୧୫:୧୮; ଲୁକ ୬:୪୫ଏ ରନା ରାଚୁତି ପୁଣ୍ଡି, ମିରୁ ଡ଼ଃଆନାତେରି ଆନାହି ଇନିମିଡି ନେହି କାତା ୱେସ୍ପନ୍ ମୁପିଞ୍ଜେରି ? ଇନାକି ରଃଅଞ୍ଜି ତା ହଡାଙ୍ଗିଃଆ ଇନ୍ନା ନେଞ୍ଜାନ୍ ମାନ୍ନୁ ଏଦାନେଃଏ ଏୱାଞ୍ଜି ଗୁତିଟି ୱେସ୍ପିନ୍ନେଞ୍ଜି । 35ରଃଅଞ୍ଜି ନେହି କୁଏଞ୍ଜି ତା ହଡାଙ୍ଗ୍ତି ନେହି ଗର୍ରିତାୱାଟି ନେହି କୁଲା ହପେନ୍ନେଞ୍ଜି, ଆଟେ ଡ଼ଃଆନ୍ କୁଏଞ୍ଜି ଡ଼ଃଆନ୍ ଗର୍ରିତାୱାଟି ଡ଼ଃଆନ୍ କୁଲା ହପେନ୍ନେଞ୍ଜି । 36ମତ୍ର ନାନୁ ମିଙ୍ଗେ ୱେସ୍ପିଞ୍ଜା, କୁଇଙ୍ଗ୍ ୱେସାନ୍ନି ହାବେତ୍ ଅର୍ତହେଃଲ୍ଲାନ୍ କାତା ବାଗାଟି ବିଚାର ଦିନାତାୱା ଏୱାରି ଏ କୁଲାଟି ହିସାବ ହିନେରି । 37ଇନାକି ନି କାତାଟି ନିନୁ ଦୁସି ଆଃଏ ଅଟେ ନି କାତାଟି ନିଙ୍ଗେ ଦୁସି ଇଞ୍ଜାନ୍ ପୁଞ୍ଜାନେରି ।”
ଜୁନସତି ତୁର୍ରି
(ମାର୍କ ୮:୧୧–୧୨; ଲୁକ ୧୧:୨୯–୩୨)
38 #
ମାତି ୧୬:୧; ମାର୍କ ୮:୧୧; ଲୁକ ୧୧:୧୬ ଏମ୍ୱାଟି ସାସ୍ତ୍ରି ଅଟେ ପାରୁସିଙ୍ଗ୍ ତାୱାଟି ଏଚ୍ଚେ ଦାଲ୍ଲା ତାଙ୍ଗେ ୱେସ୍ତେରି, “ଏ ଗ୍ରାପାଗାଟାତି, ମାମୁ ନି ତାୱାଟି ରଣ୍ଡା ତୁର୍ରି ହୁଡ଼ନ୍ତିକି ଇଚ୍ଚା କିନ୍ନାମୁ ।” 39#ମାତି ୧୬:୪; ମାର୍କ ୮:୧୨ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, “ଡ଼ଃଆନାରି ଅଟେ ଦାରିଗାଟି ପୁଣ୍ଡି ତୁର୍ରି ଦାହ୍ନେରି, ମତ୍ର ବାବବାଦି ଜୁନସତି ତୁର୍ରି ପିହାନ୍ ବିହି ଇମ୍ୱିନ୍ ତୁର୍ରି ଏୱାରିକି ହିୱାଆଃଏ ।” 40ଇନାକି ଜୁନସ ଇନିମିଡି ମୁ ଦିନା ଅଟେ ମୁ ଡାଡ଼ିଙ୍ଗ୍ ବେର୍ ମିନୁ ଟୁଟୁତାୱା ମାଚ୍ଚେଞ୍ଜି, କୁଏଞ୍ଜ୍ ମ୍ରିଃଏଞ୍ଜି ଏହେଙ୍ଗିସି ମୁ ଦିନା ଅଟେ ମୁ ଡାଡ଼ିଙ୍ଗ୍ ୱିର୍ରା ଲାଃଇ ବାସାଆନେଞ୍ଜି । 41ନିନିବିତି ଦାଲ୍ଲା ବିଚାରତାୱା ଇ କାଲାତି କୁଇଙ୍ଗ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେରି, ଇନାକି ଏୱାରି ଜୁନସତି ପ୍ରଚାରତାୱା ଏଲୁୱ୍ଡେପ୍ଚାଚ୍ଚେରି । ଆଟେ ହୁଡ଼ାଟୁ, ଜୁନସ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ । 42ଆଟେ ୱେଲାରାସି ଇନ୍ଦେଟ୍ ମାନ୍ନି ଦେସାତି ରାଡ଼ିଆଲୁ ବିଚାରତାୱା ଇ କାଲାତି କୁଏଞ୍ଜ୍ ଡ଼ାହି ନିଙ୍ଗାନ୍ ଇୱାରିକି ଦୁସି କିନେ, ଇନାକି ଏଦି ସଲମନତି ଗ୍ୟାଁନତି କାତା ୱେନ୍ବନ୍ ବାଗା ପୁର୍ତିତି ଗାପ୍ଚି ଦେହାଟି ୱାଚ୍ଚେ, ଆଟେ ହୁଡ଼ାଟୁ, ହାଦାଡ଼ି ସଲମନ ତାୱାଟି ଗାପ୍ଚି ବେର୍ କୁଲା ଇ ଗର୍ରିତାୱା ମାନ୍ନେ ।
ଡ଼ଃଆନ୍ ଡିଙ୍ଗା ୱ୍ଡେଚାନ୍ ୱାଅନ୍
(ଲୁକ ୧୧:୨୪–୨୬)
43ଏଚ୍ଚିକିଃଆ ରଣ୍ଡି “ଡ଼ଃଆନ୍ ଡିଙ୍ଗା ରଃଅଞ୍ଜି କୁଏଞ୍ଜ୍ତାୱାଟି ହଚାନ୍ ହାଜ୍ଜିନ୍ନେ, ଏଚିତୁକାତାୱା ଏଦି ଏଜୁ ହେଃଲ୍ଲାନ୍ ଗର୍ରିଙ୍ଗ୍ ହାବେ ତ୍ରେଜାନାହି ଜାମ୍ୱନ୍ତି ଗର୍ରି ଦାହ୍ପିନ୍ନେ ଅଟେ ଏଦା ପାଁଣ୍ଡେହେଃଲ୍ଲେ । 44ଏମ୍ୱାଟି ଏ ଡ଼ଃଆନ୍ ଡିଙ୍ଗା ୱେସ୍ପିନ୍ନେ, ନାନୁ ଇମ୍ୱିନ୍ ଇଡ୍ଡୁତାୱାଟି ହଚାନ୍ ୱାଚ୍ଚେଏ, ନା ଏ ଇଡ୍ଡୁଇନ୍ଦା ୱ୍ଡେଚାନ୍ ହାଃଇ; ଆଟେ ଏଦି ୱାନାହି ଏଦିମ୍ୱା ଇନ୍ନା ହେଃଲ୍ଲାନାଦା, ହାମ୍ୱେର୍ ଆନ୍ନାଦାଃଆ ଅଟେ ଆଡାନ୍ନାନାଦା ହୁଡ଼େନ୍ନେ । 45ଏଚିତୁକାତାୱା ଏ ଡ଼ଃଆନ୍ ଡିଙ୍ଗା ହାଜ୍ଜାନ୍ ତା ତାୱାଟି ଏଗେଲ୍ ଡ଼ଃଆନ୍ ଆଟେ ଅଡ଼ି ଗଟ୍ଟା ଡିଙ୍ଗାଙ୍ଗ୍ ତା ଡ଼ାହି ଆହାନ୍ ୱାଇନେ, ଆଟେ ଏୱା ହଲ୍ଜାନାହି ଏଦିମ୍ୱା ବାସାଆନୁ, ଆଟେ ଏ କୁଏଞ୍ଜ୍ତି କାହେତ୍ ଦଣ୍ଡ ତାୱାଟ୍ ଡେଗ୍ଗାତ୍ ଦଣ୍ଡ ଏଗେଲ୍ ଡ଼ଃଆନାଦି ଆନେ । ଇ ଡ଼ଃଆନ୍ ପୁରୁତି ଦାଲ୍ଲା କୁଃଏଟି ୱାଡ଼େ ଏଚିଡେହେଙ୍ଗ୍ ଆନେ ।”
ଜିସୁତି ଇୟା ଅଟେ ଆମ୍ୱେସାଙ୍ଗା
(ମାର୍କ ୩:୩୧–୩୫; ଲୁକ ୮:୧୯–୨୧)
46ଏୱାଞ୍ଜି ଦାଲ୍ଲାଙ୍ଗ୍ନିକି କାତା ୱେସ୍ପିଚ୍ଚି ତୁକାତାୱା ହୁଡ଼ାଟୁ, ତା ଇୟା ଅଟେ ଆମ୍ୱେସାଙ୍ଗା ତା ଡ଼ାହି କାତା ଆଅନ୍ତିକି ମନ କିଆନ୍ କାଟ ଡିଡ୍ଡାଚ୍ଚେରି । 47ଏମ୍ୱାଟି ରଃଅଞ୍ଜି ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ନି ଇୟା ଅଟେ ଆମ୍ୱେସାଙ୍ଗା ନି ଡ଼ାହି କାତା ଆଅନ୍ତିକି ମନ କିଆନ୍ କାଟ ଡିଡ୍ଡାନ୍ନେରି ।” 48ମତ୍ର ଏମ୍ୱେନାଞ୍ଜି ତାଙ୍ଗେ ଇ କାତା ୱେସ୍ତେଞ୍ଜି, ତାଙ୍ଗେ ଏୱାଞ୍ଜି ୱେସ୍ତେଞ୍ଜି, “ନା ଇୟା ଏମ୍ୱେନାଦି ? ଆଟେ ନା ଆମ୍ୱେସାଙ୍ଗା ଏମ୍ୱେନାରି ?” 49ଆଟେ ଏୱାଞ୍ଜି ତା ଗ୍ରାମ୍ୱାଗାଟାରିଇନ୍ଦା କାଜ୍ଜୁ ହୁଟାନାହି ୱେସ୍ତେଞ୍ଜି, “ହୁଡ଼ାଟୁ, ନା ଇୟା ଅଟେ ନା ଆମ୍ୱେସାଙ୍ଗା 50ଇନାକି ଏମ୍ୱେନାଞ୍ଜି ନା ସର୍ଗତାୱା ମାନି ଆବାତି ଇଚ୍ଚା ପାଲ୍ନି ଆଇନ୍ନେଞ୍ଜି, ଏୱାଞ୍ଜି ନା ଆମ୍ୱେସ୍, ଆଙ୍ଗି ଅଟେ ଇୟା ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0