ମାତିଉ 9
9
କେରିୱାଚ୍ଚାନ୍ନି ରଗୁଗାଟାଞ୍ଜି ନେହି ଆଅନ୍
(ମାର୍କ ୨:୧–୧୨; ଲୁକ ୫:୧୭–୨୬)
1ଏମ୍ୱାଟି ଜିସୁ ଡଙ୍ଗାତାୱା ଏଙ୍ଗାନାହି ସାମ୍ନ୍ଦେର୍ତି ଆନେଟ୍ ୱାଡୁ ମାନ୍ନି ତା ଗାଡ଼ାନାଜୁ କପର୍ନାହୁମଇନ୍ଦା ୱାତେଞ୍ଜି । 2ଆଟେ ହୁଡ଼ାଟୁ, ଏଚ୍ଚେ ଦାଲ୍ଲା ରେଡ଼ମ୍ ଆନ୍ ଗାଡ୍ଡେଲ୍ତାୱା ଡଚାନ୍ ମାଞ୍ଜିଚ୍ଚି ରଃଅଞ୍ଜି କେରିୱାଚ୍ଚା ରଗୁଗାଟାଞ୍ଜିକି ଡେକାନାହି ତା ରେଃଏସ୍ ତାଚ୍ଚିୱାତେରି, ଆଟେ ଜିସୁ ଏୱାର୍ତି ମାଞ୍ଜାଡ଼ି ହୁଡ଼ାନାହି ଏ କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, “ମ୍ରିଃଏଞ୍ଜାତି ବରେସ୍ ଆହ୍ମୁ, ନି ପାପ ହାବେ ମାକ୍ସାଡ଼ି କିୱା ଆତେ ।” 3ଆଟେ ହୁଡ଼ାଟୁ, ସାସ୍ତ୍ରିଙ୍ଗ୍ତାୱାଟି ତୁଲ୍ଲେତାରି ତା ମନତାୱା ଏଲୁ କିଚ୍ଚେରି, ଇ କୁଏଞ୍ଜି ମୁଲାପେନୁନିକି ଅଡ୍ଡେନ୍ନେଞ୍ଜି । 4ଜିସୁ ଏୱାର୍ତି ହଡାଙ୍ଗ୍ତି କାତା ପୁଞ୍ଜାନାହି ୱେସ୍ତେଞ୍ଜି, ମିରୁ ମି ମି ମନତାୱା ଇନାକିଅନ୍ ଡ଼ଃଆନ୍ ଏଲୁ କିଞ୍ଜେରି ? 5ନି ପାପ ହାବେ ମାକ୍ସାଡ଼ି ଆତେ ଇଞ୍ଜାନ୍ ୱେସ୍ପନ୍ କି ନିଙ୍ଗାନ୍ ତାକାମୁ ଇଞ୍ଜାନ୍ ୱେସ୍ପନ୍ ଇନ୍ନା ସହଜ ? 6ମତ୍ର ପୁର୍ତିତାୱା ପାପ ମାକ୍ସାଡ଼ି କିଅନ୍ ବାଗା କୁଏଞ୍ଜ୍ ମ୍ରିଃଏଞ୍ଜିକି ଜେ, ହକତ୍ ମାନ୍ନେ, ଇଦା ଇନିସ୍କି ମିରୁ ପୁଞ୍ଜେରି, ଏଦାବାଗା ଏୱାଞ୍ଜି କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, ନାନୁ ନିଙ୍ଗେ ୱେସ୍ପିଞ୍ଜା, “ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ନି ଇଜ୍ଜା ହାଲ୍ମୁ ।” 7ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ଇଜ୍ଜା ହାଚ୍ଚେଞ୍ଜି । 8ଏଦା ହୁଡ଼ାନ୍ ଦାଲ୍ଲା ହାବେ ଆଜ୍ଜିତେରି, ଆଟେ ଇମ୍ୱିନ୍ ମୁଲାପେନୁ କୁଇଙ୍ଗ୍ନିକି ଇହିଙ୍ଗିସିତି ହକତ୍ ହିଆନ୍ନି ବାଗା ଏୱାରି ଏୱାଞ୍ଜିକି ଜୁଙ୍ଗିତେରି ।
ଜିସୁ ମାତିଉନିକି ଆର୍ପନି
(ମାର୍କ ୨:୧୩–୧୭; ଲୁକ ୫:୨୭–୩୨)
9ଜିସୁ ଏମ୍ୱାଟି ହାଜ୍ଜି ହାଜ୍ଜି ମାତିଉ ପାରୁଗାଟି ରଃଅଞ୍ଜି କୁଏଞ୍ଜି ସିସ୍ଟୁ ଗାସ୍ପନ୍ତି ଗର୍ରିତାୱା କକ୍ଚାଚ୍ଚାଦାଃଆ ହୁଡ଼ାନ୍ ତାଙ୍ଗେ ଆର୍ଚାନ୍ ୱେସ୍ତେଞ୍ଜି, ନା ବେତଟ୍ ୱାମୁ । ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ବେତଟ୍ ହାଚ୍ଚେଞ୍ଜି । 10#ଲୁକ ୧୫:୧,୨ଆଟେ ଜିସୁ ମାତିଉତି ଇଡ୍ଡୁତାୱା ତିନ୍ବା ଉନ୍ବା କିଅନ୍ ବାଗା କକ୍ଚାଚ୍ଚି ତୁକାତାୱା, ହୁଡ଼ାଟୁ, ଗାପ୍ଚି ସିସ୍ଟୁଅନ୍ତାରି ଅଟେ ପାପିଗାଟାରି ୱାନାହି ତା ଡ଼ାହି ଅଟେ ତା ଗ୍ରାମ୍ୱାଗାଟାରି ଡ଼ାହି ଆଡ୍ଡାନ୍ କକ୍ତେରି । 11ପାରୁସି ଦାଲ୍ଲା ଏଦା ହୁଡ଼ାନାହି ତା ଗ୍ରାମ୍ୱାଗାଟାରିକି ୱେସ୍ପନ୍ ମ୍ରାସ୍ତେରି, “ମି ଗ୍ରାପାଗାଟାଞ୍ଜି ଇନାବାଗା ସିସ୍ଟୁଅନ୍ତାରି ଅଟେ ପାପିଗାଟାର୍ ଡ଼ାହି ଆଡ୍ଡାନ୍ ତିନ୍ବା ଉନ୍ବା କିନ୍ନେଞ୍ଜି ?” 12ମତ୍ର ଜିସୁ ଏଦା ୱେଞ୍ଜାନ୍ ୱେସ୍ତେଞ୍ଜି, “ନେହାର୍ ବାଗା ଅସାଗାଟାଞ୍ଜିକି ଆବସକ ଆଃଏ, ମତ୍ର ରଗୁଗାଟାର୍ ବାଗା ଅସାଗାଟାଞ୍ଜିକି ଆବସକ ।” 13#ମାତି ୧୨:୭ମତ୍ର ଦର୍ମପୁତିତାୱା ୱ୍ରିଗାଆନ୍ନେ, “ବଲି ହିଅନ୍ତାଦା ନାନୁ ଇଚ୍ଚା କିଃଏଟେଃଏ ପାପୁଅଲ୍ପନ୍ ଇଚ୍ଚା କିମାଃଇ, ଇ କାତା କୁଲାଟି ମିରୁ ହାଜ୍ଜାନାହି ଗ୍ରାମ୍ୱାଟୁ, ଇନାକି ନାନୁ ଦାର୍ମିକଗାଟାରିକି ଆର୍ପନ୍ ବାଗା ୱାହେଃଲ୍ଲାନୁ, ମତ୍ର ପାପିଗାଟାରିକି ଆର୍ପନ୍ ବାଗା ୱାମାଃଇ ।”
ୱାରାଆଞ୍ଜନ୍ କୁଲାଟି ଗ୍ରାପନି
(ମାର୍କ ୨:୧୮–୨୨; ଲୁକ ୫:୩୩–୩୯)
14ଏଚିତୁକାତାୱା ଜହନତି ଗ୍ରାମ୍ୱାଗାଟାରି ଜିସୁ ଟାକ୍କେ ୱାନାହି ୱେସ୍ତେରି, “ମାମୁ ଅଟେ ପାରୁସିଙ୍ଗ୍ ୱାରାଆଞ୍ଜେନାମୁ, ମତ୍ର ନି ଗ୍ରାମ୍ୱାଗାଟାରି ଇନାବାଗା ୱାରାଆଞ୍ଜେହେଃଲ୍ଲେରି ?” 15ଜିସୁ ଏୱାରିକି ୱେସ୍ତେଞ୍ଜି, “ବିବା ଲାୱେଞ୍ଜି ଇମ୍ୱିନ୍ ଟିକ୍ନା କୁଆଲୁ ତାପ୍କନ୍ତାରି ଡ଼ାହି ମାନ୍ନେଞ୍ଜି, ଏଚି ଟିକ୍ନା ଏୱାରି ଡ଼ିଃଏରି । ମତ୍ର ଦିନା ୱାନେ, ଏଚ୍ଚିକିଃଆ ଏୱାର୍ତାୱାଟି ବିବା ଲାୱେଞ୍ଜିକି ୱେଚାନ୍ ଅୱାଆନେ, ଆଟେ ଏଚିତୁକାତାୱା ଏୱାରି ୱାରାଆଞ୍ଜିନେରି । 16ଏମ୍ୱେ ୱାଡ଼େ ପୁନି ଜିରାତି ଦାନ୍ଦା ପ୍ଡାଃଇ ଜିରାତାୱା ଆଟ୍ଚାନ୍ କୁତେରି, ଇନାକି ଏ ପୁନି ଦାନ୍ଦା ଏ ଗେଞ୍ଜାନ୍ନି ପ୍ଡାଃଇ ଜିରାତିଦି ଏଗେଲ୍ ଗେସ୍ନେ ଅଟେ ଏଗେଲ୍ ବେର୍ରାଦ୍ ଆନ୍ ଗେଞ୍ଜିନେ । 17ଆଟେ ଦାଲ୍ଲା ପୁନି ଅଙ୍ଗୁରନିରୁ ପ୍ଡାଃଇ ଟଡୁ କୁପାତାୱା ଇଟ୍ଟେରି; ଇଟ୍ଟିତେସି ଏ କୁପା ଗେଞ୍ଜିନେ ଅଟେ ଅଙ୍ଗୁରନିରୁ ବଙ୍ଗାନାହି ନାହେଡ୍ ଆନେ, ଆଟେ ଟଡୁ କୁପାଙ୍ଗ୍ ଗେଞ୍ଜିନୁ; ମତ୍ର ଦାଲ୍ଲା ପୁନି ଅଙ୍ଗୁରନିରୁ ପୁନି ଟଡୁ କୁପାତାୱା ଇଟ୍ଟେନ୍ନେରି, ଆଟେ ଏ ରିଣ୍ଡି ହାବେ ନାହେଡ୍ ଆଃଅ ।”
ହାଚି ବଦାମାଙ୍ଗା ନିମ୍ୱନି ଅଟେ କାଟକ୍ ଆନ୍ ମାଞ୍ଜିଚ୍ଚାଦି ନେହି ଆଅନି
(ମାର୍କ ୫:୨୧–୪୩; ଲୁକ ୮:୪୦–୫୬)
18ଜିସୁ ଏୱାରିକି ଇ ହାବେ କାତା ୱେସ୍ପିଚ୍ଚି ତୁକାତାୱା ହୁଡ଼ାଟୁ, ଜିହୁଦିଙ୍ଗ୍ତି ହାଜା ଇଡ୍ଡୁତି ରଃଅଞ୍ଜି ଗାମିନାଞ୍ଜି ତା ଟାକ୍କେ ୱାନାହି ଅଲ୍ଗି ଆନ୍ ଜୁହାରି କିଆନ୍ ଜିଗିତେଞ୍ଜି, “ନା ମ୍ରାଗା ହାଦାଡ଼ି ହାତେ, ମତ୍ର ନିନୁ ୱାନାହି ତା କୁଃଏଟି କାଜ୍ଜୁ ଇଟ୍ଟାମୁ, ଆଟେ ଏଦି ନିମ୍ୱିନେ ।” 19ଏମ୍ୱାଟି ଜିସୁ ନିଙ୍ଗାନ୍ ତା ଗ୍ରାମ୍ୱାଗାଟାର୍ ଡ଼ାହି ତା ବେତଟ୍ ହାଚ୍ଚେଞ୍ଜି । 20ଆଟେ ହୁଡ଼ାଟୁ, ବାରା ଅଁଣ୍ଡୁ ଟିକ୍ନା କାଟକ୍ ଆନ୍ ମାଞ୍ଜିଚ୍ଚି ରଗୁଗାଟି ରଣ୍ଡି ଆଚାଲୁ ବେତଟ୍ ୱାନାହି ତା ଜିରାତି ଲିଙ୍ଗୁସ୍ ଡିଗିତେ, 21ଇନାକି ଏଦି ତା ମନତାୱା ଏଲୁ କିଚ୍ଚେ, “ୱାର୍ରି ତା ଜିରାତି ଲିଙ୍ଗୁସ୍ ଡିଗିତେସି ନାନୁ ନେହି ଆଃଇ ।” 22ଏମ୍ୱାଟି ଜିସୁ ମ୍ଲିଆନାହି ଏଦାଡ଼ିକି ହୁଡ଼ାନ୍ ୱେସ୍ତେଞ୍ଜି, “ଏ ମ୍ରାଗାନାତି ବରେସ୍ ଆହ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।” ଏଚିୱାଡ଼େ ଏ ଆଚାଲୁ ନେହି ଆତେ । 23ଡେଗ୍ଗା ଜିସୁ ଏ ଗାମିନାଞ୍ଜି ଇଜ୍ଜା ହାଚ୍ଚେଞ୍ଜି ଅଟେ ହେଲୁକ୍ ଉକନ୍ତାରିନିକି#୯:୨୩ ହେଲୁକ୍ ଉକନ୍ତାରି ଇଚ୍ଚେସି ଦୁଃକଟି ବାଜା, ହେଲୁକ୍ ଅଟେ ଗାଡ଼ି କିଅନ୍ତାରି । ଅଟେ ଡ଼ିଆୱିଚ୍ଚି ଦାଲ୍ଲାନିକି ହୁଡ଼ିତେଞ୍ଜି । 24ଏଦାକି ଏୱାଞ୍ଜି ୱେସ୍ତେଞ୍ଜି, “ମିରୁ କାଟ ହାଜ୍ଜୁ, ବଦାମାଙ୍ଗା ତ ହାହେଃଲ୍ଲେଏ, ମତ୍ର ଏଦି ହୁଞ୍ଜାନ୍ନେ ।” ମତ୍ର ଏୱାରି ଏଦା ୱେଞ୍ଜାନ୍ ତାଙ୍ଗେ ଗେରୁ କିଅନ୍ ମ୍ରାସ୍ତେରି । 25ମତ୍ର ଏୱାଞ୍ଜି ଦାଲ୍ଲାନିକି ହାବେ କାଟ ପାଣ୍ଡିତେଞ୍ଜି, ଆଟେ ଲାଃଇ ହାଜ୍ଜାନାହି ବଦାମାଙ୍ଗାତି କାଜ୍ଜୁ ଆହ୍ତେଞ୍ଜି, ଆଟେ ଏ ବଦାମାଙ୍ଗା ନିଙ୍ଗିତେ । 26ଆଟେ ଇ କାତା ଏ ରାଜିତି ହାବେଇନ୍ଦା ପ୍ରେଜିତେ ।
ଜିସୁ ରିଃଆରି କାଡ଼ାଙ୍ଗ୍ଗାଟାରିକି ନେହି କିଅନି
(ମାତିଉ ୨୦:୩୦–୩୧; ମାର୍କ ୧୦:୪୭,୪୮; ଲୁକ ୧୮:୩୮,୩୯)
27ଜିସୁ ଏମ୍ବାଟିଆଟି ହାଜ୍ଜିଚ୍ଚି ତୁକାତାୱା ରିଃଆରି କାଡ଼ାଙ୍ଗ୍ଗାଟାରି ବେତ ବେତଟ୍ ହାଜ୍ଜାନ୍ ଏଗେଲ୍ ଗଲି ଆନ୍ ୱେସ୍ପନ୍ ମ୍ରାସ୍ତେରି, “ଏ ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 28ଆଟେ ଏୱାଞ୍ଜି ଇଡ୍ଡୁ ଲାଃଇ ହଲ୍ବନେଃଏ ଏ କାଡ଼ାଙ୍ଗ୍ଗାଟାରି ତା ଟାକ୍କେ ୱାତେରି । ଜିସୁ ଏୱାରିକି ୱେସ୍ତେଞ୍ଜି, “ନାନୁ ଇଦା କିଅନ୍ ମୁଃଇ ଇଞ୍ଜାନ୍ ମିରୁ ମାଞ୍ଜାଡ଼ି କିଞ୍ଜେରି ?” ଏୱାରି ୱେସ୍ତେରି, “ହାଁ ଦାର୍ମୁ ।” 29ଏମ୍ୱାଟି ଏୱାଞ୍ଜି ଏୱାର୍ତି କାଡ଼୍କା ଡିଗାନାହି ୱେସ୍ତେଞ୍ଜି, “ମି ମାଞ୍ଜାଡ଼ି କିନ୍ନି ଡେହେଙ୍ଗ୍ ମି ପାଟ୍ଟି ଏଦି ଆପାକାଦି ।” 30ଏମ୍ୱାଟି ଏୱାର୍ତି କାଡ଼୍କା ୱ୍ରିଙ୍ଗିତୁ । ଆଟେ ଜିସୁ ଏୱାରିକି ଏଗେଲ୍ ମାଞ୍ଜାଟି ଆଗ୍ୟାଁ ହିଆନ୍ ୱେସ୍ତେଞ୍ଜି, “ହୁଡ଼ାଟୁ, ଇ କୁଲାଟି ମିରୁ ଇନ୍ଦାରିକି ୱେଃସାଟୁ ।”
ବୁତ ଆହାଚ୍ଚି ଜାଡ୍ଡାଗାଟାଞ୍ଜିକି ଜିସୁ ନେହି କିଅନି
31ମତ୍ର ଏୱାରି ହଚାନ୍ ହାଜ୍ଜାନାହି ଏ ରାଜିଇନ୍ଦା ହାବେ ଜିସୁତି କାତା ପକ୍ତେରି । 32ଏୱାରି ହଚାନ୍ ହାଜ୍ଜିଚ୍ଚି ତୁକାତାୱା ହୁଡ଼ାଟୁ, ଦାଲ୍ଲା ରଃଅଞ୍ଜି ବୁତ ଆହାଚ୍ଚି ଜାଡ୍ଡାଗାଟାଞ୍ଜିକି ଜିସୁ ଟାକ୍କେ ତାଚ୍ଚିୱାତେରି । 33ଆଟେ ଏୱାଞ୍ଜି ବୁତ ପିହ୍ପି କିଅନେଃଏ, ଏ ଜାଡ୍ଡାଗାଟାଞ୍ଜି କାତା ୱେସ୍ତେଞ୍ଜି । ଏମ୍ୱାଟି ଦାଲ୍ଲା ହାବେ ଆକ୍କାବାକ୍କା ଆନାହି ୱେସ୍ତେରି, “ଇସ୍ରାଏଲ ଦାଲ୍ଲାତାୱା ଇହିଙ୍ଗିସି ଏଚ୍ଚେକ୍ୱାଡ଼େ ଆହେଃଲ୍ଲାତେ ।” 34#ମାତି ୧୦:୨୫; ୧୨:୨୪; ମାର୍କ ୩:୨୨; ଲୁକ ୧୧:୧୫ମତ୍ର ପାରୁସି ଦାଲ୍ଲା ୱେସ୍ତେରି, “ଏୱାଞ୍ଜି ବୁତଙ୍ଗ୍ତି ଗାମିନାଞ୍ଜି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।” 35#ମାତି ୪:୨୩; ମାର୍କ ୧:୩୯; ଲୁକ ୪:୪୪ଏମ୍ୱାଟି ଜିସୁ ଏୱାର୍ତି ହାଜା ଇଟ୍କା ଏସେନ୍ ଗ୍ରାପ୍ଚାନ୍ ସର୍ଗ ରାଜିତି ସୁସମାଚାର ପ୍ରଚାର କିଆନ୍ ଅଟେ ହାବେତ୍ ୱାହୁତି ରଗୁ ଅଟେ ହାବେତ୍ ୱାହୁତି ରେଡ଼ମ୍ ଦାଲ୍ଲାନିକି ନେହି କିଆନ୍ ହାବେତ୍ ଗାଡ଼ାନାସ୍କା, ଆଟେ ନାସ୍କାଇନ୍ଦା ତ୍ରେବନ୍ ମ୍ରାସ୍ତେଞ୍ଜି ।
ୱେହା ଏଗେଲ୍ ମତ୍ର କାମା କିଅନ୍ତାରି କକ୍ଚି
36 #
ମାର୍କ ୬:୩୪
ଆଟେ ହାବେ ଦାଲ୍ଲାନିକି ହୁଡ଼ାନାହି ଜିସୁ ଏୱାରିକି ଗାପ୍ଚି ପାପୁଅଲ୍ତେଞ୍ଜି, ଇନାକି ଏୱାରି ଗାଉଡ଼େଏଞ୍ଜି ହେଃଲ୍ଲାନ୍ ମେଁଣ୍ଡାଅଡାଙ୍ଗ୍ ଡେହେଙ୍ଗ୍ ଦୁଃକ କସ୍ଟ ପାଁଣ୍ଡାନ୍ ବାରାୱିତି ଆନ୍ ମାଚ୍ଚେରି । 37#ଲୁକ ୧୦:୨ଏଚିତୁକାତାୱା ଏୱାଞ୍ଜି ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ୱେହା ପାଃଏ ଏଗେଲ୍, ମତ୍ର କାମା କିଅନ୍ତାରି କକ୍ଚି । 38ଏଦାକି ତା ୱେହା ମେରାଇନ୍ଦା କାମା କିଅନ୍ତାରିନିକି ପାଣ୍ଡନ୍ ବାଗାଟି ମେରାତି ସକାରେଏଞ୍ଜିକି ଜିଗାଟୁ ।”
Právě zvoleno:
ମାତିଉ 9: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 9
9
କେରିୱାଚ୍ଚାନ୍ନି ରଗୁଗାଟାଞ୍ଜି ନେହି ଆଅନ୍
(ମାର୍କ ୨:୧–୧୨; ଲୁକ ୫:୧୭–୨୬)
1ଏମ୍ୱାଟି ଜିସୁ ଡଙ୍ଗାତାୱା ଏଙ୍ଗାନାହି ସାମ୍ନ୍ଦେର୍ତି ଆନେଟ୍ ୱାଡୁ ମାନ୍ନି ତା ଗାଡ଼ାନାଜୁ କପର୍ନାହୁମଇନ୍ଦା ୱାତେଞ୍ଜି । 2ଆଟେ ହୁଡ଼ାଟୁ, ଏଚ୍ଚେ ଦାଲ୍ଲା ରେଡ଼ମ୍ ଆନ୍ ଗାଡ୍ଡେଲ୍ତାୱା ଡଚାନ୍ ମାଞ୍ଜିଚ୍ଚି ରଃଅଞ୍ଜି କେରିୱାଚ୍ଚା ରଗୁଗାଟାଞ୍ଜିକି ଡେକାନାହି ତା ରେଃଏସ୍ ତାଚ୍ଚିୱାତେରି, ଆଟେ ଜିସୁ ଏୱାର୍ତି ମାଞ୍ଜାଡ଼ି ହୁଡ଼ାନାହି ଏ କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, “ମ୍ରିଃଏଞ୍ଜାତି ବରେସ୍ ଆହ୍ମୁ, ନି ପାପ ହାବେ ମାକ୍ସାଡ଼ି କିୱା ଆତେ ।” 3ଆଟେ ହୁଡ଼ାଟୁ, ସାସ୍ତ୍ରିଙ୍ଗ୍ତାୱାଟି ତୁଲ୍ଲେତାରି ତା ମନତାୱା ଏଲୁ କିଚ୍ଚେରି, ଇ କୁଏଞ୍ଜି ମୁଲାପେନୁନିକି ଅଡ୍ଡେନ୍ନେଞ୍ଜି । 4ଜିସୁ ଏୱାର୍ତି ହଡାଙ୍ଗ୍ତି କାତା ପୁଞ୍ଜାନାହି ୱେସ୍ତେଞ୍ଜି, ମିରୁ ମି ମି ମନତାୱା ଇନାକିଅନ୍ ଡ଼ଃଆନ୍ ଏଲୁ କିଞ୍ଜେରି ? 5ନି ପାପ ହାବେ ମାକ୍ସାଡ଼ି ଆତେ ଇଞ୍ଜାନ୍ ୱେସ୍ପନ୍ କି ନିଙ୍ଗାନ୍ ତାକାମୁ ଇଞ୍ଜାନ୍ ୱେସ୍ପନ୍ ଇନ୍ନା ସହଜ ? 6ମତ୍ର ପୁର୍ତିତାୱା ପାପ ମାକ୍ସାଡ଼ି କିଅନ୍ ବାଗା କୁଏଞ୍ଜ୍ ମ୍ରିଃଏଞ୍ଜିକି ଜେ, ହକତ୍ ମାନ୍ନେ, ଇଦା ଇନିସ୍କି ମିରୁ ପୁଞ୍ଜେରି, ଏଦାବାଗା ଏୱାଞ୍ଜି କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, ନାନୁ ନିଙ୍ଗେ ୱେସ୍ପିଞ୍ଜା, “ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ନି ଇଜ୍ଜା ହାଲ୍ମୁ ।” 7ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ଇଜ୍ଜା ହାଚ୍ଚେଞ୍ଜି । 8ଏଦା ହୁଡ଼ାନ୍ ଦାଲ୍ଲା ହାବେ ଆଜ୍ଜିତେରି, ଆଟେ ଇମ୍ୱିନ୍ ମୁଲାପେନୁ କୁଇଙ୍ଗ୍ନିକି ଇହିଙ୍ଗିସିତି ହକତ୍ ହିଆନ୍ନି ବାଗା ଏୱାରି ଏୱାଞ୍ଜିକି ଜୁଙ୍ଗିତେରି ।
ଜିସୁ ମାତିଉନିକି ଆର୍ପନି
(ମାର୍କ ୨:୧୩–୧୭; ଲୁକ ୫:୨୭–୩୨)
9ଜିସୁ ଏମ୍ୱାଟି ହାଜ୍ଜି ହାଜ୍ଜି ମାତିଉ ପାରୁଗାଟି ରଃଅଞ୍ଜି କୁଏଞ୍ଜି ସିସ୍ଟୁ ଗାସ୍ପନ୍ତି ଗର୍ରିତାୱା କକ୍ଚାଚ୍ଚାଦାଃଆ ହୁଡ଼ାନ୍ ତାଙ୍ଗେ ଆର୍ଚାନ୍ ୱେସ୍ତେଞ୍ଜି, ନା ବେତଟ୍ ୱାମୁ । ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ବେତଟ୍ ହାଚ୍ଚେଞ୍ଜି । 10#ଲୁକ ୧୫:୧,୨ଆଟେ ଜିସୁ ମାତିଉତି ଇଡ୍ଡୁତାୱା ତିନ୍ବା ଉନ୍ବା କିଅନ୍ ବାଗା କକ୍ଚାଚ୍ଚି ତୁକାତାୱା, ହୁଡ଼ାଟୁ, ଗାପ୍ଚି ସିସ୍ଟୁଅନ୍ତାରି ଅଟେ ପାପିଗାଟାରି ୱାନାହି ତା ଡ଼ାହି ଅଟେ ତା ଗ୍ରାମ୍ୱାଗାଟାରି ଡ଼ାହି ଆଡ୍ଡାନ୍ କକ୍ତେରି । 11ପାରୁସି ଦାଲ୍ଲା ଏଦା ହୁଡ଼ାନାହି ତା ଗ୍ରାମ୍ୱାଗାଟାରିକି ୱେସ୍ପନ୍ ମ୍ରାସ୍ତେରି, “ମି ଗ୍ରାପାଗାଟାଞ୍ଜି ଇନାବାଗା ସିସ୍ଟୁଅନ୍ତାରି ଅଟେ ପାପିଗାଟାର୍ ଡ଼ାହି ଆଡ୍ଡାନ୍ ତିନ୍ବା ଉନ୍ବା କିନ୍ନେଞ୍ଜି ?” 12ମତ୍ର ଜିସୁ ଏଦା ୱେଞ୍ଜାନ୍ ୱେସ୍ତେଞ୍ଜି, “ନେହାର୍ ବାଗା ଅସାଗାଟାଞ୍ଜିକି ଆବସକ ଆଃଏ, ମତ୍ର ରଗୁଗାଟାର୍ ବାଗା ଅସାଗାଟାଞ୍ଜିକି ଆବସକ ।” 13#ମାତି ୧୨:୭ମତ୍ର ଦର୍ମପୁତିତାୱା ୱ୍ରିଗାଆନ୍ନେ, “ବଲି ହିଅନ୍ତାଦା ନାନୁ ଇଚ୍ଚା କିଃଏଟେଃଏ ପାପୁଅଲ୍ପନ୍ ଇଚ୍ଚା କିମାଃଇ, ଇ କାତା କୁଲାଟି ମିରୁ ହାଜ୍ଜାନାହି ଗ୍ରାମ୍ୱାଟୁ, ଇନାକି ନାନୁ ଦାର୍ମିକଗାଟାରିକି ଆର୍ପନ୍ ବାଗା ୱାହେଃଲ୍ଲାନୁ, ମତ୍ର ପାପିଗାଟାରିକି ଆର୍ପନ୍ ବାଗା ୱାମାଃଇ ।”
ୱାରାଆଞ୍ଜନ୍ କୁଲାଟି ଗ୍ରାପନି
(ମାର୍କ ୨:୧୮–୨୨; ଲୁକ ୫:୩୩–୩୯)
14ଏଚିତୁକାତାୱା ଜହନତି ଗ୍ରାମ୍ୱାଗାଟାରି ଜିସୁ ଟାକ୍କେ ୱାନାହି ୱେସ୍ତେରି, “ମାମୁ ଅଟେ ପାରୁସିଙ୍ଗ୍ ୱାରାଆଞ୍ଜେନାମୁ, ମତ୍ର ନି ଗ୍ରାମ୍ୱାଗାଟାରି ଇନାବାଗା ୱାରାଆଞ୍ଜେହେଃଲ୍ଲେରି ?” 15ଜିସୁ ଏୱାରିକି ୱେସ୍ତେଞ୍ଜି, “ବିବା ଲାୱେଞ୍ଜି ଇମ୍ୱିନ୍ ଟିକ୍ନା କୁଆଲୁ ତାପ୍କନ୍ତାରି ଡ଼ାହି ମାନ୍ନେଞ୍ଜି, ଏଚି ଟିକ୍ନା ଏୱାରି ଡ଼ିଃଏରି । ମତ୍ର ଦିନା ୱାନେ, ଏଚ୍ଚିକିଃଆ ଏୱାର୍ତାୱାଟି ବିବା ଲାୱେଞ୍ଜିକି ୱେଚାନ୍ ଅୱାଆନେ, ଆଟେ ଏଚିତୁକାତାୱା ଏୱାରି ୱାରାଆଞ୍ଜିନେରି । 16ଏମ୍ୱେ ୱାଡ଼େ ପୁନି ଜିରାତି ଦାନ୍ଦା ପ୍ଡାଃଇ ଜିରାତାୱା ଆଟ୍ଚାନ୍ କୁତେରି, ଇନାକି ଏ ପୁନି ଦାନ୍ଦା ଏ ଗେଞ୍ଜାନ୍ନି ପ୍ଡାଃଇ ଜିରାତିଦି ଏଗେଲ୍ ଗେସ୍ନେ ଅଟେ ଏଗେଲ୍ ବେର୍ରାଦ୍ ଆନ୍ ଗେଞ୍ଜିନେ । 17ଆଟେ ଦାଲ୍ଲା ପୁନି ଅଙ୍ଗୁରନିରୁ ପ୍ଡାଃଇ ଟଡୁ କୁପାତାୱା ଇଟ୍ଟେରି; ଇଟ୍ଟିତେସି ଏ କୁପା ଗେଞ୍ଜିନେ ଅଟେ ଅଙ୍ଗୁରନିରୁ ବଙ୍ଗାନାହି ନାହେଡ୍ ଆନେ, ଆଟେ ଟଡୁ କୁପାଙ୍ଗ୍ ଗେଞ୍ଜିନୁ; ମତ୍ର ଦାଲ୍ଲା ପୁନି ଅଙ୍ଗୁରନିରୁ ପୁନି ଟଡୁ କୁପାତାୱା ଇଟ୍ଟେନ୍ନେରି, ଆଟେ ଏ ରିଣ୍ଡି ହାବେ ନାହେଡ୍ ଆଃଅ ।”
ହାଚି ବଦାମାଙ୍ଗା ନିମ୍ୱନି ଅଟେ କାଟକ୍ ଆନ୍ ମାଞ୍ଜିଚ୍ଚାଦି ନେହି ଆଅନି
(ମାର୍କ ୫:୨୧–୪୩; ଲୁକ ୮:୪୦–୫୬)
18ଜିସୁ ଏୱାରିକି ଇ ହାବେ କାତା ୱେସ୍ପିଚ୍ଚି ତୁକାତାୱା ହୁଡ଼ାଟୁ, ଜିହୁଦିଙ୍ଗ୍ତି ହାଜା ଇଡ୍ଡୁତି ରଃଅଞ୍ଜି ଗାମିନାଞ୍ଜି ତା ଟାକ୍କେ ୱାନାହି ଅଲ୍ଗି ଆନ୍ ଜୁହାରି କିଆନ୍ ଜିଗିତେଞ୍ଜି, “ନା ମ୍ରାଗା ହାଦାଡ଼ି ହାତେ, ମତ୍ର ନିନୁ ୱାନାହି ତା କୁଃଏଟି କାଜ୍ଜୁ ଇଟ୍ଟାମୁ, ଆଟେ ଏଦି ନିମ୍ୱିନେ ।” 19ଏମ୍ୱାଟି ଜିସୁ ନିଙ୍ଗାନ୍ ତା ଗ୍ରାମ୍ୱାଗାଟାର୍ ଡ଼ାହି ତା ବେତଟ୍ ହାଚ୍ଚେଞ୍ଜି । 20ଆଟେ ହୁଡ଼ାଟୁ, ବାରା ଅଁଣ୍ଡୁ ଟିକ୍ନା କାଟକ୍ ଆନ୍ ମାଞ୍ଜିଚ୍ଚି ରଗୁଗାଟି ରଣ୍ଡି ଆଚାଲୁ ବେତଟ୍ ୱାନାହି ତା ଜିରାତି ଲିଙ୍ଗୁସ୍ ଡିଗିତେ, 21ଇନାକି ଏଦି ତା ମନତାୱା ଏଲୁ କିଚ୍ଚେ, “ୱାର୍ରି ତା ଜିରାତି ଲିଙ୍ଗୁସ୍ ଡିଗିତେସି ନାନୁ ନେହି ଆଃଇ ।” 22ଏମ୍ୱାଟି ଜିସୁ ମ୍ଲିଆନାହି ଏଦାଡ଼ିକି ହୁଡ଼ାନ୍ ୱେସ୍ତେଞ୍ଜି, “ଏ ମ୍ରାଗାନାତି ବରେସ୍ ଆହ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।” ଏଚିୱାଡ଼େ ଏ ଆଚାଲୁ ନେହି ଆତେ । 23ଡେଗ୍ଗା ଜିସୁ ଏ ଗାମିନାଞ୍ଜି ଇଜ୍ଜା ହାଚ୍ଚେଞ୍ଜି ଅଟେ ହେଲୁକ୍ ଉକନ୍ତାରିନିକି#୯:୨୩ ହେଲୁକ୍ ଉକନ୍ତାରି ଇଚ୍ଚେସି ଦୁଃକଟି ବାଜା, ହେଲୁକ୍ ଅଟେ ଗାଡ଼ି କିଅନ୍ତାରି । ଅଟେ ଡ଼ିଆୱିଚ୍ଚି ଦାଲ୍ଲାନିକି ହୁଡ଼ିତେଞ୍ଜି । 24ଏଦାକି ଏୱାଞ୍ଜି ୱେସ୍ତେଞ୍ଜି, “ମିରୁ କାଟ ହାଜ୍ଜୁ, ବଦାମାଙ୍ଗା ତ ହାହେଃଲ୍ଲେଏ, ମତ୍ର ଏଦି ହୁଞ୍ଜାନ୍ନେ ।” ମତ୍ର ଏୱାରି ଏଦା ୱେଞ୍ଜାନ୍ ତାଙ୍ଗେ ଗେରୁ କିଅନ୍ ମ୍ରାସ୍ତେରି । 25ମତ୍ର ଏୱାଞ୍ଜି ଦାଲ୍ଲାନିକି ହାବେ କାଟ ପାଣ୍ଡିତେଞ୍ଜି, ଆଟେ ଲାଃଇ ହାଜ୍ଜାନାହି ବଦାମାଙ୍ଗାତି କାଜ୍ଜୁ ଆହ୍ତେଞ୍ଜି, ଆଟେ ଏ ବଦାମାଙ୍ଗା ନିଙ୍ଗିତେ । 26ଆଟେ ଇ କାତା ଏ ରାଜିତି ହାବେଇନ୍ଦା ପ୍ରେଜିତେ ।
ଜିସୁ ରିଃଆରି କାଡ଼ାଙ୍ଗ୍ଗାଟାରିକି ନେହି କିଅନି
(ମାତିଉ ୨୦:୩୦–୩୧; ମାର୍କ ୧୦:୪୭,୪୮; ଲୁକ ୧୮:୩୮,୩୯)
27ଜିସୁ ଏମ୍ବାଟିଆଟି ହାଜ୍ଜିଚ୍ଚି ତୁକାତାୱା ରିଃଆରି କାଡ଼ାଙ୍ଗ୍ଗାଟାରି ବେତ ବେତଟ୍ ହାଜ୍ଜାନ୍ ଏଗେଲ୍ ଗଲି ଆନ୍ ୱେସ୍ପନ୍ ମ୍ରାସ୍ତେରି, “ଏ ଦାଉଦ ମ୍ରିଃଏଞ୍ଜାତି, ମାଙ୍ଗେ ପାପୁଅଲ୍ତାମୁ ।” 28ଆଟେ ଏୱାଞ୍ଜି ଇଡ୍ଡୁ ଲାଃଇ ହଲ୍ବନେଃଏ ଏ କାଡ଼ାଙ୍ଗ୍ଗାଟାରି ତା ଟାକ୍କେ ୱାତେରି । ଜିସୁ ଏୱାରିକି ୱେସ୍ତେଞ୍ଜି, “ନାନୁ ଇଦା କିଅନ୍ ମୁଃଇ ଇଞ୍ଜାନ୍ ମିରୁ ମାଞ୍ଜାଡ଼ି କିଞ୍ଜେରି ?” ଏୱାରି ୱେସ୍ତେରି, “ହାଁ ଦାର୍ମୁ ।” 29ଏମ୍ୱାଟି ଏୱାଞ୍ଜି ଏୱାର୍ତି କାଡ଼୍କା ଡିଗାନାହି ୱେସ୍ତେଞ୍ଜି, “ମି ମାଞ୍ଜାଡ଼ି କିନ୍ନି ଡେହେଙ୍ଗ୍ ମି ପାଟ୍ଟି ଏଦି ଆପାକାଦି ।” 30ଏମ୍ୱାଟି ଏୱାର୍ତି କାଡ଼୍କା ୱ୍ରିଙ୍ଗିତୁ । ଆଟେ ଜିସୁ ଏୱାରିକି ଏଗେଲ୍ ମାଞ୍ଜାଟି ଆଗ୍ୟାଁ ହିଆନ୍ ୱେସ୍ତେଞ୍ଜି, “ହୁଡ଼ାଟୁ, ଇ କୁଲାଟି ମିରୁ ଇନ୍ଦାରିକି ୱେଃସାଟୁ ।”
ବୁତ ଆହାଚ୍ଚି ଜାଡ୍ଡାଗାଟାଞ୍ଜିକି ଜିସୁ ନେହି କିଅନି
31ମତ୍ର ଏୱାରି ହଚାନ୍ ହାଜ୍ଜାନାହି ଏ ରାଜିଇନ୍ଦା ହାବେ ଜିସୁତି କାତା ପକ୍ତେରି । 32ଏୱାରି ହଚାନ୍ ହାଜ୍ଜିଚ୍ଚି ତୁକାତାୱା ହୁଡ଼ାଟୁ, ଦାଲ୍ଲା ରଃଅଞ୍ଜି ବୁତ ଆହାଚ୍ଚି ଜାଡ୍ଡାଗାଟାଞ୍ଜିକି ଜିସୁ ଟାକ୍କେ ତାଚ୍ଚିୱାତେରି । 33ଆଟେ ଏୱାଞ୍ଜି ବୁତ ପିହ୍ପି କିଅନେଃଏ, ଏ ଜାଡ୍ଡାଗାଟାଞ୍ଜି କାତା ୱେସ୍ତେଞ୍ଜି । ଏମ୍ୱାଟି ଦାଲ୍ଲା ହାବେ ଆକ୍କାବାକ୍କା ଆନାହି ୱେସ୍ତେରି, “ଇସ୍ରାଏଲ ଦାଲ୍ଲାତାୱା ଇହିଙ୍ଗିସି ଏଚ୍ଚେକ୍ୱାଡ଼େ ଆହେଃଲ୍ଲାତେ ।” 34#ମାତି ୧୦:୨୫; ୧୨:୨୪; ମାର୍କ ୩:୨୨; ଲୁକ ୧୧:୧୫ମତ୍ର ପାରୁସି ଦାଲ୍ଲା ୱେସ୍ତେରି, “ଏୱାଞ୍ଜି ବୁତଙ୍ଗ୍ତି ଗାମିନାଞ୍ଜି ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।” 35#ମାତି ୪:୨୩; ମାର୍କ ୧:୩୯; ଲୁକ ୪:୪୪ଏମ୍ୱାଟି ଜିସୁ ଏୱାର୍ତି ହାଜା ଇଟ୍କା ଏସେନ୍ ଗ୍ରାପ୍ଚାନ୍ ସର୍ଗ ରାଜିତି ସୁସମାଚାର ପ୍ରଚାର କିଆନ୍ ଅଟେ ହାବେତ୍ ୱାହୁତି ରଗୁ ଅଟେ ହାବେତ୍ ୱାହୁତି ରେଡ଼ମ୍ ଦାଲ୍ଲାନିକି ନେହି କିଆନ୍ ହାବେତ୍ ଗାଡ଼ାନାସ୍କା, ଆଟେ ନାସ୍କାଇନ୍ଦା ତ୍ରେବନ୍ ମ୍ରାସ୍ତେଞ୍ଜି ।
ୱେହା ଏଗେଲ୍ ମତ୍ର କାମା କିଅନ୍ତାରି କକ୍ଚି
36 #
ମାର୍କ ୬:୩୪
ଆଟେ ହାବେ ଦାଲ୍ଲାନିକି ହୁଡ଼ାନାହି ଜିସୁ ଏୱାରିକି ଗାପ୍ଚି ପାପୁଅଲ୍ତେଞ୍ଜି, ଇନାକି ଏୱାରି ଗାଉଡ଼େଏଞ୍ଜି ହେଃଲ୍ଲାନ୍ ମେଁଣ୍ଡାଅଡାଙ୍ଗ୍ ଡେହେଙ୍ଗ୍ ଦୁଃକ କସ୍ଟ ପାଁଣ୍ଡାନ୍ ବାରାୱିତି ଆନ୍ ମାଚ୍ଚେରି । 37#ଲୁକ ୧୦:୨ଏଚିତୁକାତାୱା ଏୱାଞ୍ଜି ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ୱେହା ପାଃଏ ଏଗେଲ୍, ମତ୍ର କାମା କିଅନ୍ତାରି କକ୍ଚି । 38ଏଦାକି ତା ୱେହା ମେରାଇନ୍ଦା କାମା କିଅନ୍ତାରିନିକି ପାଣ୍ଡନ୍ ବାଗାଟି ମେରାତି ସକାରେଏଞ୍ଜିକି ଜିଗାଟୁ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0