Luka 23
23
kisayvang i ngawayan kani Pilato
(Matay 27.1-2, 11-14; Maruko 15.1-5; Yohanē 18.28-38)
1mulalepun a trau muparazuk, tu zakalraw i Yēsu mukuwa kani Pilato i ngawayan. 2kokso nazu kantaw marengay: <<mena'u mi kanini na trau za pusuwasuwan kananta mawan, semuveli za puwasata kana Hongti i Roma, zi marengay ziya za maw ku i Kiristo, maw ayawan.>>
3kiyumalr i Pilato kani Yēsu: <<maw u yawan kana Yodaya na trau ziyamaw?>>
temuvang i Yēsu: <<ninnu nirengay i ini.>>
4kemazu mu i Pilato marengay kana ma'izang na rahan zi na zinekalranan: <<'azi ku pakaaya' za ulra a eman tu pinamelriyan ini na trau.>>
5mawmu nazu marakakerevat marengay: <<tu pakalranganay za palenak za vati, kazu kani Yodaya kana dare' peniya pusuwasuwan kana zinekalranan, kemay i Galili kemirakaz, harem 'aulray lra i kani.>>
kazu i ngawayan kani Hērodē
6a kinger i Pilato kanini na ngay mu kiyumalr: <<ini na trau mu a trau i Galili ziyamaw?>> 7a malrazam i intaw kani Yēsu kemay kani Hērodē tu dinikes kana dare' zuwa mu, zi tu atezanay kaziyu kani Hērodē. (a azu i Hērodē kazu i Yērusalem.) 8mena'u kani Yēsu i Hērodē, salaw semangal; 'alrana mikiningeran lra intaw kana kireeman kani Yēsu na lremak, maranger lra a aziyuziyan kirepana'u kantaw, kiyalriman mena'u za pupana za karepalripalri i Yēsu. 9mawna kemani, kiyumalr kani Yēsu za sazu a kiyaumalran, mawmu i Yēsu 'azi temuvang za sasaya za ngay. 10mungawayan na ma'izang na rahan zi na sinsi kana Sēsiyo, merukezang kokso kantaw. 11Hērodē zi nantu hitay temariyaeman kantaw, semiri kantaw. nazu tu pukavangay za saya salaw vulay a lrungpaw, tu pareveliyasaw matez kani Pilato kazu. 12kazu kanizu na saya wari, mareali' lra i Hērodē zi i Pilato; kanini pakangawayan na zazuwa mu marekaawiles.
kisayvang za kiyanatrayan
(Matay 27.15-26; Maruko 15.6-15; Yohanē 18.39--19.16)
13puwazuk lra kana ma'izang na rahan i Pilato, tu ayawanan na zinekalranan, zi na zinekalranan, 14marengay kanazu: <<mu zakalraw ini na trau zuwa kaninku i kani, kokso kantaw za pusuwasuwan kana zinekalranan; kiumaumalr ku kantaw i ngawayan kanmu, mawmu 'azi ku pakaaya' za ulra pamelri kananmu i kokso na pinamelriyan ziya. 15arusay i Hērodē 'azi pakaaya' za ulra tu pinamelriyan, atezanay pukuwani i intaw. kurena'uwan iniyan za eman a kiyanatrayan tu paelrangan. 16ku i vavinayaw na trau melrepit kantaw, kemazu mu tu retra'anay lra i intaw.>>#23.16 ulra pidaya awatranan lulun puwayay za 17 vatras <<nu penauwa ziya kana kapalavatan na wariyan, i Pilato tu i turusanay na kuret maretra' a sasa kana inimeng.>> (na'u kana Matay 27.15 zi Maruko 15.6)
18mawmu na zinekalranan mukasa 'emuy'uy: <<pinatrayaw i intaw! retra'an i Baraba verayan kaniyam!>> 19(i Baraba kazu lra i kazekalran kemuwatreng, pawnung pinatray lra za trau, mawna kemani zi tu pusavakaw i imengan.)
20maranger meretra' kani Yēsu i Pilato, zi masalr ziya 'emunus kana zinekalranan. 21mawmu puwapuwa kematamuni 'uway'uy: <<trehetrehan i ziyuzika i intaw! trehetrehan i ziyuzika i intaw!>>
22karetatelun marengay kanazu i Pilato: <<kemuda zi pamelri za eman pamelriyan i intaw? 'azi ku pakaaya' za ulra tu pinamelriyan za kiyanatrayan. ku vavinayaw na trau melrepit kantaw, retra'anay lra i intaw.>>
23na zinekalranan patrutru kematamuni 'emuy'uy, penakasa merukezang za patrehetreh kana ziyuzika kani Yēsu; nantu i 'uway'uy nazu tivus kiseker lra. 24kemazu ziyanay i Pilato paturusanay kanantu kiniyaami sayvang. 25nazu tu retra'anay lra izu na kemuwatreng pinatray za trau, na inimeng i imengan na malemu na trau, zi tu tuluzanay ziya i Yēsu kanazu, tu kalrawalrawanay lra kanazu za kuwadakudayan.
kitrehetreh kana ziyuzika i Yēsu
(Matay 27.32-44; Maruko 15.21-32; Yohanē 19.17-27)
26na hitay tu pilralrangaw i Yēsu, kiretrevung i dalan za sasa kemay kana mudawilr na zekalr makuwa i kazekalran i Kulinay na trau, mingadan kani Simon. nazu taw 'evangaw i intaw, tu pasangalranay na ziyuzika kanantu 'iyav, sangalru taw kuwayaw, kurelrang i likuzan kani Yēsu kemakawang.
27mulepun a trau kurelrang kani Yēsu, kanazu i savak ulra papida a vavayan muramawan kantaw zi nana i anger trematrangis. 28marepiles i Yēsu, marengay kanazu: <<na vavayan i Yērusalem a, itratrangisay ku, tratrangis kanmu zi kananmu lralrak! 29'alrana meraredek lra na wari, rarengay a trau: <na 'azi mialrak, na 'azi ziyan malii, na 'azi ziyan pasusu za vu'enin mu, kemuda kana mi'inavayan a!> 30nu azu, na trau kakuwa marengay kana ma'izang na zenan: <ureve' kaniyam i zazek mu!> kakuwa kana makiteng na zenan marengay: <traruvay mi mu!> 31'alrana, nazu nu i kakuda za kemani na lremak kana mera'at na kawi mu, zi kararuwa ziya kemakuda kana marum na kawi ziyamaw?>>
32a azu nazu taw pilralrangaw zuwa a zazuwa inimeng, taw puwakasayaw kani Yēsu pinatray. 33meredek nazu za saya kinazuwan, i kazu i <<ukaukakan na 'uma>>, kazu i kazu taw trehetrehanay i Yēsu kana ziyuzika i itras, a azu tremehetreh ziya za zazuwa na inimeng, a sasa kazu i tarawalran kantaw, na sasa kazu i tarawiri kantaw. 34marengay i Yēsu: <<Ama a, lapusi zantu pinamelriyan nazu, 'alrana nazu mu 'azi malrazam kanintaw za kemakuda#23.34 ulra pidaya na awatranan lulun 'azi ipuwa za meravak i savak na valray..>>
nazu karaivuivus marepanini kanantu kavang ni Yēsu. 35na zinekalranan matikezir mena'una'u, tu ayawan na Yodaya semiri karalikeliked kantaw, marengay: <<venaaw za trau i intaw, nu maw tatena' nintaw pinalimi' za Viruwa i itras i Kiristo mu, venaawa kantaw i intaw mu!>>
36na hitay mararesan semiri kantaw. mungawayan nazu, melak kana 'aresem na kutra veray kantaw, 37marengay: <<nu maw u tu ayawan na Yodaya, venaawa u kannu i inu!>>
38i kantaw i itras ulra a paya vinavalrayan za: <<i ini mu nintaw yawan na Yodaya na trau.>>
39na zazuwa pinukasa itrehetreh i ziyuzika kantaw na inimeng, ulra a sasa semiri kantaw marengay: <<amelri u i Kiristo ziyamaw? venaawa u kannu i inu, zi vaawaw mi a!>>
40mawmu zuma na sasa maselru kanizu na inimeng marengay: <<mararesan u kipasavung, zi 'azi u makakaud kana Viruwa i itras ziyamaw? 41tulis ta kipasavung, 'alrana kirepa'uwa ta kipasavung; mawmu ini na trau 'azi ziyan kemakuda za sasaya lremak za kuwatreng.>> 42kemazu zi marengay intaw kani Yēsu: <<Yēsu a, nu mutu ayawan u mu, kiyami ku kannu parangeraw ku lra!>>
43marengay i Yēsu kantaw: <<marengay ku kannu, harem kana wari uwakasa u kaninku kazu kana rakuing i savak.>>
a kiyanatray ni Yēsu
(Matay 27.45-56; Maruko 15.33-41; Yohanē 19.28-30)
44-45karuwa lra za kare'alriyan mu, malremes a senan na kadaw lra, 'emaremeng i dare' peniya, palru za teluwa tuki a alusu kadaw; na ise'uz kana vangesar ruma' na ipalingez na inuwan musilra' parekazuwa. 46pakirev kematamuni 'emuy'uy i Yēsu: <<Ama a, kuwa tuluzanay kannu i lima nanku tinavawan!>> marengay kanini na ngay mu, mureput lra tu iyaengaz.
47izu na ma'izang kana hitay a mena'u kanini na lremak tu pinakalrangan mu, zi semenay pulihu kana Viruwa i itras marengay: <<ini na trau tatena' za maw patezelr a trau!>>
48na mulitrung menana'u kanini peniya zantu nirekudayan na zinekalranan mu, nana i anger mapiya zi tremunetrun i taharang muveruk. 49na ulra ziya manadam kani Yēsu na trau mu, zi na kemay Galili kurelrang kantaw zuwa na vavayan, tikakeziran i dawilr mena'una'u kananni na lremak tu pinakalrangan.
iyatrevelr ni Yēsu
(Matay 27.57-61; Maruko 15.42-47; Yohanē 19.38-42)
50-51ulra a sasa kemay i Yodaya kana dare' i Alimatay na kazekalran zuwa, mingadan kani Yosēf. ini na trau 'inava patezelr, kemazu marayas kiyalriman za mula'esiya na Viruwa i itras tu pinitrepa na kezang. aramawa a giing i gikay mu, mawmu 'azi kurarelrang za trau tu piniangeran na kuwatreng zi tu paelrangan. 52mukuwa intaw kani Pilato i ngawayan kiyami kanantu zazek ni Yēsu, 53zi mukuwa pulusuwa kana zazek, liputraw kana muwa na inuwan, tra'anay kana saya a tinu'etu'an na varasa' za vuwang na trevelran i savakan -- ini na trevelran 'azi ziyan trinevelran za trau. 54a azu na wari maw a kapadangan, raredek lra na katalaulepan na wari.
55nazu na kemay Galili kurelrang kani Yēsu zuwa na vavayan zi i Yosēf salrangan mukuwa, mena'u lra kana trevelran, zi mena'u lra kanantu zazek ni Yēsu za kemuda tu niretra'an i savakan. 56zi muveruk nazu, muramawan kanantu zazek penadang za pakauwalringulr zi na lrawlraw na ulringulr.
tu iturusanay za kuret nazu, kazu kana katalaulepan na wari temalaulep.
Právě zvoleno:
Luka 23: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 23
23
kisayvang i ngawayan kani Pilato
(Matay 27.1-2, 11-14; Maruko 15.1-5; Yohanē 18.28-38)
1mulalepun a trau muparazuk, tu zakalraw i Yēsu mukuwa kani Pilato i ngawayan. 2kokso nazu kantaw marengay: <<mena'u mi kanini na trau za pusuwasuwan kananta mawan, semuveli za puwasata kana Hongti i Roma, zi marengay ziya za maw ku i Kiristo, maw ayawan.>>
3kiyumalr i Pilato kani Yēsu: <<maw u yawan kana Yodaya na trau ziyamaw?>>
temuvang i Yēsu: <<ninnu nirengay i ini.>>
4kemazu mu i Pilato marengay kana ma'izang na rahan zi na zinekalranan: <<'azi ku pakaaya' za ulra a eman tu pinamelriyan ini na trau.>>
5mawmu nazu marakakerevat marengay: <<tu pakalranganay za palenak za vati, kazu kani Yodaya kana dare' peniya pusuwasuwan kana zinekalranan, kemay i Galili kemirakaz, harem 'aulray lra i kani.>>
kazu i ngawayan kani Hērodē
6a kinger i Pilato kanini na ngay mu kiyumalr: <<ini na trau mu a trau i Galili ziyamaw?>> 7a malrazam i intaw kani Yēsu kemay kani Hērodē tu dinikes kana dare' zuwa mu, zi tu atezanay kaziyu kani Hērodē. (a azu i Hērodē kazu i Yērusalem.) 8mena'u kani Yēsu i Hērodē, salaw semangal; 'alrana mikiningeran lra intaw kana kireeman kani Yēsu na lremak, maranger lra a aziyuziyan kirepana'u kantaw, kiyalriman mena'u za pupana za karepalripalri i Yēsu. 9mawna kemani, kiyumalr kani Yēsu za sazu a kiyaumalran, mawmu i Yēsu 'azi temuvang za sasaya za ngay. 10mungawayan na ma'izang na rahan zi na sinsi kana Sēsiyo, merukezang kokso kantaw. 11Hērodē zi nantu hitay temariyaeman kantaw, semiri kantaw. nazu tu pukavangay za saya salaw vulay a lrungpaw, tu pareveliyasaw matez kani Pilato kazu. 12kazu kanizu na saya wari, mareali' lra i Hērodē zi i Pilato; kanini pakangawayan na zazuwa mu marekaawiles.
kisayvang za kiyanatrayan
(Matay 27.15-26; Maruko 15.6-15; Yohanē 18.39--19.16)
13puwazuk lra kana ma'izang na rahan i Pilato, tu ayawanan na zinekalranan, zi na zinekalranan, 14marengay kanazu: <<mu zakalraw ini na trau zuwa kaninku i kani, kokso kantaw za pusuwasuwan kana zinekalranan; kiumaumalr ku kantaw i ngawayan kanmu, mawmu 'azi ku pakaaya' za ulra pamelri kananmu i kokso na pinamelriyan ziya. 15arusay i Hērodē 'azi pakaaya' za ulra tu pinamelriyan, atezanay pukuwani i intaw. kurena'uwan iniyan za eman a kiyanatrayan tu paelrangan. 16ku i vavinayaw na trau melrepit kantaw, kemazu mu tu retra'anay lra i intaw.>>#23.16 ulra pidaya awatranan lulun puwayay za 17 vatras <<nu penauwa ziya kana kapalavatan na wariyan, i Pilato tu i turusanay na kuret maretra' a sasa kana inimeng.>> (na'u kana Matay 27.15 zi Maruko 15.6)
18mawmu na zinekalranan mukasa 'emuy'uy: <<pinatrayaw i intaw! retra'an i Baraba verayan kaniyam!>> 19(i Baraba kazu lra i kazekalran kemuwatreng, pawnung pinatray lra za trau, mawna kemani zi tu pusavakaw i imengan.)
20maranger meretra' kani Yēsu i Pilato, zi masalr ziya 'emunus kana zinekalranan. 21mawmu puwapuwa kematamuni 'uway'uy: <<trehetrehan i ziyuzika i intaw! trehetrehan i ziyuzika i intaw!>>
22karetatelun marengay kanazu i Pilato: <<kemuda zi pamelri za eman pamelriyan i intaw? 'azi ku pakaaya' za ulra tu pinamelriyan za kiyanatrayan. ku vavinayaw na trau melrepit kantaw, retra'anay lra i intaw.>>
23na zinekalranan patrutru kematamuni 'emuy'uy, penakasa merukezang za patrehetreh kana ziyuzika kani Yēsu; nantu i 'uway'uy nazu tivus kiseker lra. 24kemazu ziyanay i Pilato paturusanay kanantu kiniyaami sayvang. 25nazu tu retra'anay lra izu na kemuwatreng pinatray za trau, na inimeng i imengan na malemu na trau, zi tu tuluzanay ziya i Yēsu kanazu, tu kalrawalrawanay lra kanazu za kuwadakudayan.
kitrehetreh kana ziyuzika i Yēsu
(Matay 27.32-44; Maruko 15.21-32; Yohanē 19.17-27)
26na hitay tu pilralrangaw i Yēsu, kiretrevung i dalan za sasa kemay kana mudawilr na zekalr makuwa i kazekalran i Kulinay na trau, mingadan kani Simon. nazu taw 'evangaw i intaw, tu pasangalranay na ziyuzika kanantu 'iyav, sangalru taw kuwayaw, kurelrang i likuzan kani Yēsu kemakawang.
27mulepun a trau kurelrang kani Yēsu, kanazu i savak ulra papida a vavayan muramawan kantaw zi nana i anger trematrangis. 28marepiles i Yēsu, marengay kanazu: <<na vavayan i Yērusalem a, itratrangisay ku, tratrangis kanmu zi kananmu lralrak! 29'alrana meraredek lra na wari, rarengay a trau: <na 'azi mialrak, na 'azi ziyan malii, na 'azi ziyan pasusu za vu'enin mu, kemuda kana mi'inavayan a!> 30nu azu, na trau kakuwa marengay kana ma'izang na zenan: <ureve' kaniyam i zazek mu!> kakuwa kana makiteng na zenan marengay: <traruvay mi mu!> 31'alrana, nazu nu i kakuda za kemani na lremak kana mera'at na kawi mu, zi kararuwa ziya kemakuda kana marum na kawi ziyamaw?>>
32a azu nazu taw pilralrangaw zuwa a zazuwa inimeng, taw puwakasayaw kani Yēsu pinatray. 33meredek nazu za saya kinazuwan, i kazu i <<ukaukakan na 'uma>>, kazu i kazu taw trehetrehanay i Yēsu kana ziyuzika i itras, a azu tremehetreh ziya za zazuwa na inimeng, a sasa kazu i tarawalran kantaw, na sasa kazu i tarawiri kantaw. 34marengay i Yēsu: <<Ama a, lapusi zantu pinamelriyan nazu, 'alrana nazu mu 'azi malrazam kanintaw za kemakuda#23.34 ulra pidaya na awatranan lulun 'azi ipuwa za meravak i savak na valray..>>
nazu karaivuivus marepanini kanantu kavang ni Yēsu. 35na zinekalranan matikezir mena'una'u, tu ayawan na Yodaya semiri karalikeliked kantaw, marengay: <<venaaw za trau i intaw, nu maw tatena' nintaw pinalimi' za Viruwa i itras i Kiristo mu, venaawa kantaw i intaw mu!>>
36na hitay mararesan semiri kantaw. mungawayan nazu, melak kana 'aresem na kutra veray kantaw, 37marengay: <<nu maw u tu ayawan na Yodaya, venaawa u kannu i inu!>>
38i kantaw i itras ulra a paya vinavalrayan za: <<i ini mu nintaw yawan na Yodaya na trau.>>
39na zazuwa pinukasa itrehetreh i ziyuzika kantaw na inimeng, ulra a sasa semiri kantaw marengay: <<amelri u i Kiristo ziyamaw? venaawa u kannu i inu, zi vaawaw mi a!>>
40mawmu zuma na sasa maselru kanizu na inimeng marengay: <<mararesan u kipasavung, zi 'azi u makakaud kana Viruwa i itras ziyamaw? 41tulis ta kipasavung, 'alrana kirepa'uwa ta kipasavung; mawmu ini na trau 'azi ziyan kemakuda za sasaya lremak za kuwatreng.>> 42kemazu zi marengay intaw kani Yēsu: <<Yēsu a, nu mutu ayawan u mu, kiyami ku kannu parangeraw ku lra!>>
43marengay i Yēsu kantaw: <<marengay ku kannu, harem kana wari uwakasa u kaninku kazu kana rakuing i savak.>>
a kiyanatray ni Yēsu
(Matay 27.45-56; Maruko 15.33-41; Yohanē 19.28-30)
44-45karuwa lra za kare'alriyan mu, malremes a senan na kadaw lra, 'emaremeng i dare' peniya, palru za teluwa tuki a alusu kadaw; na ise'uz kana vangesar ruma' na ipalingez na inuwan musilra' parekazuwa. 46pakirev kematamuni 'emuy'uy i Yēsu: <<Ama a, kuwa tuluzanay kannu i lima nanku tinavawan!>> marengay kanini na ngay mu, mureput lra tu iyaengaz.
47izu na ma'izang kana hitay a mena'u kanini na lremak tu pinakalrangan mu, zi semenay pulihu kana Viruwa i itras marengay: <<ini na trau tatena' za maw patezelr a trau!>>
48na mulitrung menana'u kanini peniya zantu nirekudayan na zinekalranan mu, nana i anger mapiya zi tremunetrun i taharang muveruk. 49na ulra ziya manadam kani Yēsu na trau mu, zi na kemay Galili kurelrang kantaw zuwa na vavayan, tikakeziran i dawilr mena'una'u kananni na lremak tu pinakalrangan.
iyatrevelr ni Yēsu
(Matay 27.57-61; Maruko 15.42-47; Yohanē 19.38-42)
50-51ulra a sasa kemay i Yodaya kana dare' i Alimatay na kazekalran zuwa, mingadan kani Yosēf. ini na trau 'inava patezelr, kemazu marayas kiyalriman za mula'esiya na Viruwa i itras tu pinitrepa na kezang. aramawa a giing i gikay mu, mawmu 'azi kurarelrang za trau tu piniangeran na kuwatreng zi tu paelrangan. 52mukuwa intaw kani Pilato i ngawayan kiyami kanantu zazek ni Yēsu, 53zi mukuwa pulusuwa kana zazek, liputraw kana muwa na inuwan, tra'anay kana saya a tinu'etu'an na varasa' za vuwang na trevelran i savakan -- ini na trevelran 'azi ziyan trinevelran za trau. 54a azu na wari maw a kapadangan, raredek lra na katalaulepan na wari.
55nazu na kemay Galili kurelrang kani Yēsu zuwa na vavayan zi i Yosēf salrangan mukuwa, mena'u lra kana trevelran, zi mena'u lra kanantu zazek ni Yēsu za kemuda tu niretra'an i savakan. 56zi muveruk nazu, muramawan kanantu zazek penadang za pakauwalringulr zi na lrawlraw na ulringulr.
tu iturusanay za kuret nazu, kazu kana katalaulepan na wari temalaulep.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023