Luka 22
22
mianger mulrek pinatray kani Yēsu
(Matay 26.1-5; Maruko 14.1-2; Yohanē 11.45-53)
1puwaelakan za paresasemak na wariyan (palalavat na wariyan kema ziya) na semasaharan na wariyan meraredek lra. 2na ma'izang na rahan zi na sinsi kana Sēsiyo 'alrana makakaud kana zinekalranan, zi kemiyaanger za muelrek pinatray kani Yēsu.
muwai paturus i Yoda meniwan kani Yēsu
(Matay 26.14-16; Maruko 14.10-11)
3a azu, na Satang musavak kanantu anger i Iskaliotē na trau i Yoda. (i Yoda maw na sito ni Yēsu na papulu' zi zazuwa na sasa.)
4i Yoda mukuwa kimazayara kana ma'izang na rahan zi na ki'alra'alra kana vangesar ruma', za kuwadakuda temuluz kanazu kani Yēsu. 5kasemangalan nazu, zi muwai veray za paisu kantaw. 6muwai i Yoda lra, zi kemirakaz maaya' lra za kalre'ayan na wari, kazu nu 'azi pulalingaw na zinekalranan mu tuluzanay i Yēsu kanazu.
penadang za keraviyan kana palalavat na wariyan
(Matay 26.17-25; Maruko 14.12-21; Yohanē 13.21-30)
7puwaelakan za paresasemak na wariyan, na katruwakan kana siri nu palalavat na wariyan mu meredek lra. 8i Yēsu pakarun kani Pētēro zi Yohanē mupatraran, patalru marengay kanazu: <<uwa i inmu penadanga kananta keraraviyan nu palalavat na wariyan.>>
9zi kiyumalr nazu: <<maranger u kaniyam za kazu i iyan penadang awa?>>
10marengay i Yēsu: <<uwa i kazekalran i inmu, nana'u mu sasa a trau, midinikesan za sadalilran za zanum, zi kurelrang kantaw, mukuwa kanantu inusavakan na ruma'. 11kiyumalri kana miraruma' marengay: <kiyumalr na sinsi, i intaw zi na temakesi keravi kana palalavat na wariyan mu izu na rawang ulra i iyan?> 12tu i pilralrangaw mu mukuwa mena'uwa i makatras na tre'elr na pinakavulay lra a saya ma'izang na rawang; zi kazuwa mu i kazu penadang.>>
13mukuwa lra nazu, na kiniretrevung penauwa maresan kanatu nirengay ni Yēsu, zi penadang kanantu keravien nu palalavat na wariyan nazu.
keravien ni Luzu
(Matay 26.26-30; Maruko 14.24-26; 1 Kolinto 11.23-25)
14meredek lra na keravien na tuki, kemayan i Yēsu; mukasa na sito kantaw kemayan. 15marengay i intaw kanazu: <<kiyalriman ku za pakangawayan kana kipakakuwatreng mukasa kanmu mekan kanini na keraviyan kana palalavat na wariyan. 16marengaya ku kanmu, 'azika'azi mengangara kanini na keraviyan kazu kanantu kanatal na Viruwa i itras mipauwayan lra za tatena', 'azi ku lra aasalr mekan kanizu.>>
17kemazu zi melak i Yēsu kana takilr, lrayuwan kana Viruwa i itras, marengay: <<elak i inmu kanini na takilr, karesepasepad trekel. 18marengaya ku kanmu, kemay kanini na wari, 'azika'azi mengarangara palru za meredek tu kanatal na Viruwa i itras, 'azi ku lra aasalr tremekel kanini na kutra.>>
19zi melak kana pang, lrayuwan kana Viruwa i itras, penisa', paniniyay kanazu, marengay: <<i ini mu maw nanku zazek, muramawan kanmu mutalri'emes. kemaniya mu patuanger kaninku.>> 20a piya lra mekan mu, i intaw kemazu melak kana takilr, marengay: <<i ini na takilr maw a vekal na kuret kana Viruwa i itras, maw muramawan kanmu mu'enun ku dara' zi pinatikezir.#22.20 ulra pidaya awatranan lulun iniyan za 19 vatras <<muramawan kanmu ... patuanger kaninku>> ini na ngay zi za 20 vatras.
21<<na'uwi i inmu, izu na meniwan kaninku na trau mu antrini mukasa kaninku kana etu! 22Alrak na trau kuwaazu miturus kana kuret na Viruwa i itras minatray, mawmu izu na meniwan kantaw na trau mu mikuwatrengan lra!>>
23marekiyumaumalr nazu: <<i eman izu na kuwaazu kanini na lremak awa?>>
marepasakisaki na temakesi za i eman na maraayawayawan
24ulra tu pinasakisakiyan na temakesi, i eman na maraayawayawan i savakan kanazu. 25marengay i Yēsu kanazu: <<na yawan i punapunan ulra tu kezang demikes mena'u kana zinekalranan, zi izu na demikes kinuwa maw na venavaaw kema; 26mawmu i inmu ikuwaani. kanmu i savakan izu na marama'iza'izang mu, muveliyas mutu maralralrak; na kemakezeng, kamawana kana pakarunan. 27ma'izang izu na kemayan mekan tremekel, zi za maw ma'izang izu na temara kantaw nay? tena' maw ma'izang izu na kemayan. mawmu, kazu ku kanmu i savakan mu maw na temara za trau.
28<<kazu ku ziya makaalrang za nanadaman mu, pa'etreng mu kurekasa kaninku. 29harem vaveray ku kanmu tu iveray kaninku ni Amalri na kezang na ayawan. 30kaazu mu kananku kanatal i savakan mukasa kaninku za etu mekan tremekel, pawnung kakayan i itras kana penazangal na kakayanan sayvang kana Iseraēl na muketrep zi zuwaya na sepi' 'atayan.>>
i Yēsu putralri marengay kani Pētēro 'azi pakanumaw kantaw
(Matay 26.31-35; Maruko 14.27-31; Yohanē 13.36-38)
31marengay ziya i Yēsu: <<Simon, Simon! kipaturus lra na satang palralrimaw kanmu, kamamawan kana muwa'uma venavitay kana emi maresan zuwa venitaya kanmu. 32mawmu piya ku lra patalru kiyanun kannu, 'aziya u 'ematelr za pakutatena'an. masalr u mareveliyas kaninku mu, zi pukezang kanannu wadiyan.>>
33marengay i Pētēro: <<Luzu a, uwawai ku kurelrang kannu muimeng, kurekasa minatray!>>
34marengay i Yēsu: <<Pētēro, marengaya ku kannu: harem kana wari nu pakangawayan za maruni na terukuk mu, paretatelun u marengay za 'azi pakanu malrazam kaninku.>>
na pupaisuwan, lravatr, tazaw
35i Yēsu masalr ziya marengay kanazu: <<a aziyu ziya pakarun ku kanmu mupatraran, iaurung za pupaisuwan, iaurung za lravatr zi za kuse, parainiyan mu za eman ziyamaw?>>
temuvang nazu: <<iniyan.>>
36marengay i Yēsu: <<mawmu harem na pupaisuwan zi lravatr mu, urungu; na iniyan za tazaw mu, niwanan na kavang uwa trima' za saya. 37marengaya ku kanmu, tu nirengay kana Sēsiyo <i intaw puravakanay i savakan za pinamelriyan> i izu na ngay 'azika'azi mula'esi kananku zazek. tatena', na kireeman kaninku peniya vinavalray mula'esi lra.>>
38marengay na temakesi: <<Luzu a, na'uwi, i kani ulra a zuwaya tazaw.>>
marengay i Yēsu: <<maruwa lra!>>
i Yēsu kazu i Olēv zenan kiyanun
(Matay 26.36-46; Maruko 14.32-42)
39mupana kana kazekalran i Yēsu, maw kemazu mukuwa i Olēv zenan; kurelrang na temakesi kantaw mukuwa. 40meredek lra kana kinazuwan, marengay i Yēsu kanazu: <<kiyanun i inmu, 'aziya mu mukezeng zi zemelengan.>>
41kemazu zi muwaday i Yēsu kanazu, zi karuwa za venulru' za varasa' tu kaadawilr, malrituzu kiyanun, 42marengay: <<Ama a, nu uwawai u mu, puwadayu i ini na 'apelrin na takilr! kemazu zi, amanan iturusay nanku niranger, mawmu pula'esiyay nannu nirangeran.>> [43ulra a sasa tēnsi kemay i itras pakurena'u kantaw, puwapuwa kanantu kezang. 44pasalaw kananayan i anger, penakasa pakirungetr kiyanun i Yēsu, nantu saringan kamawan za dara' kana dadawanan matuwa'etu' i dare'.#22.44 ulra pidaya awatranan lulun iniyan za 43-44 vatras.]
45piya kiyanun, marahan i Yēsu, mukuwa kanantu temakesi, mena'u kanazu za salaw nana i anger zi turin alrupe' lra. 46marengay i intaw kanazu: <<kemuda zi alralrupe'an mu? karahan, kiyanun a, 'aziya mu mukezeng zi zemelengan.>>
i Yēsu ki'evang
(Matay 26.47-56; Maruko 14.43-50; Yohanē 18.3-11)
47a mararengay ziya i Yēsu mu, ulra salepun a trau zuwa. na papulu' zi zazuwa na sito a sasa i Yoda pilralrangaw nazu, mungawayan i intaw mukuwa emumaya kani Yēsu.
48marengay i Yēsu kantaw: <<Yoda, mimanay u za emuma zi trima'anay na Alrak na trau?>>
49na kurekasa kani Yēsu na temakesi mena'u kanini na nirekudayan, zi marengay: <<Luzu a, karuwa mi mitazaw veneresa ziyamaw?>> 50kanazu i savakan a sasa trau veneresa kanantu kuli na tinuma'izang na rahan, ladipay tu tralinga i tarawalran.
51marengay i Yēsu: <<iasaasalr temengez!>> kemazu zi pupana za lima demikes tu tralinga kanizu na trau, paka'inavayaw lra i intaw.
52kemazu zi, i Yēsu marengay kanazu na zuwa 'emevang kantaw na ma'izang na rahan, na ki'alra'alra kana vangesar ruma', zi na ciyoro: <<murung mu za tazaw zi puwakepuk zuwa 'emevanga kaninku, kamawanaw ku kana malemu na trau ziyamaw? 53kana wariwari mukasa ku kanmu kazu kana vangesar ruma', zi 'azi mu 'emevang kaninku; mawmu harem maw ninmu anger kemuwatreng kana wari lra, demikes za kezang na 'aremengan lra.>>
'azi pakanu malrazam kani Yēsu i Pētēro
(Matay 26.57-58, 69-75; Maruko 14.53-54, 66-72; Yohanē 18.12-18, 25-27)
54a harem, 'emevang kani Yēsu nazu, tu urungaw mukuwa kana ruma' na tinuma'izang na rahan; i Pētēro kazu i dawilr kurelrang. 55kazu i vavalu purevu za apuy nazu, mulitrung kana apuy kemayan mapiya, i Pētēro kazu kurezaul kanazu i savakan. 56ulra a sasa vavayan a kiyakarun mena'u kani Pētēro kazu kemayan kuwaridu, zi mena'una'u kantaw, maregay: <<ini na trau mu nintaw resan naziyu a!>>
57i Pētēro ki'uli'ulid marengay: <<i ini na vavayan, 'azi ku malrazam kantaw!>>
58'azi sawariyan, ulra ziya a trau mena'una'u kantaw, marengay: <<maw u tu resan naziyu!>>
marengay i Pētēro: <<ini na trau mu, amelri ku!>>
59kararuwa ulra za saya tuki, zuma sasa a trau payas penatezelr marengay: <<iniyan za kalrivakan, ini na trau mu nintaw resan, 'alrana i intaw mu maw na Galili na trau!>>
60mawmu marengay i Pētēro: <<inu na trau mu, 'azi ku malrazam za mararengay u za eman!>>
'azi ziya piya marengay mu, maruni lra na terukuk. 61marepiles i Luzu, tremeketrek mena'u kani Pētēro, i Pētēro paranger kanantu nirengayan ni Luzu: <<harem kana wari nu maruni na terukuk pakanguwayan mu, paretatelun u marengay za 'azi u malrazam kaninku.>> 62zi mupatraran i Pētēro, pakirev trematrangis.
kitariyaeman i Yēsu
(Matay 26.67-68; Maruko 14.65)
63na ki'alra'alra kani Yēsu na trau temariyaeman kantaw, temengez kantaw. 64nazu tu atravaw tu matra, kiyumalr kantaw: <<talram marengay, i eman na semelretra' kannu?>> 65marengay ziya sazu za ngay temariyaeman kantaw nazu.
kazu i gikay kisayvang
(Matay 26.59-66; Maruko 14.55-64; Yohanē 18.19-24)
66a 'idenan mu, na ciyoro na Yodaya, ma'izang na rahan, zi na sinsi kana Sēsiyo mukasa muwazuk, zi tu urungaw i Yēsu mukuwa kanantu gikay. 67kiyumalr kantaw nazu: <<rengayaw mi, maw u i Kiristo?>>
temuvang i intaw: <<nu marengay ku lra kanmu mu, 'azi mu kiputatena'; 68nu kiyumalr ku kanmu za eman kiyaumalran mu, 'azi mu tematuvang. 69mawmu kemay harem kana wari, Alrak na trau kakayan i tarawalran kana pukasa za kezang na Viruwa i itras.>>
70marengay nazu mapiya: <<kemani mu, nintaw u Alrak na Viruwa i itras lra?>>
temuvang i Yēsu: <<i inmu na marengay maw ku!>>
71kemazu zi marengay nazu: <<amanan ta lra za eman za wawasayan! kinger ta lra tu nirengayan!>>
Právě zvoleno:
Luka 22: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 22
22
mianger mulrek pinatray kani Yēsu
(Matay 26.1-5; Maruko 14.1-2; Yohanē 11.45-53)
1puwaelakan za paresasemak na wariyan (palalavat na wariyan kema ziya) na semasaharan na wariyan meraredek lra. 2na ma'izang na rahan zi na sinsi kana Sēsiyo 'alrana makakaud kana zinekalranan, zi kemiyaanger za muelrek pinatray kani Yēsu.
muwai paturus i Yoda meniwan kani Yēsu
(Matay 26.14-16; Maruko 14.10-11)
3a azu, na Satang musavak kanantu anger i Iskaliotē na trau i Yoda. (i Yoda maw na sito ni Yēsu na papulu' zi zazuwa na sasa.)
4i Yoda mukuwa kimazayara kana ma'izang na rahan zi na ki'alra'alra kana vangesar ruma', za kuwadakuda temuluz kanazu kani Yēsu. 5kasemangalan nazu, zi muwai veray za paisu kantaw. 6muwai i Yoda lra, zi kemirakaz maaya' lra za kalre'ayan na wari, kazu nu 'azi pulalingaw na zinekalranan mu tuluzanay i Yēsu kanazu.
penadang za keraviyan kana palalavat na wariyan
(Matay 26.17-25; Maruko 14.12-21; Yohanē 13.21-30)
7puwaelakan za paresasemak na wariyan, na katruwakan kana siri nu palalavat na wariyan mu meredek lra. 8i Yēsu pakarun kani Pētēro zi Yohanē mupatraran, patalru marengay kanazu: <<uwa i inmu penadanga kananta keraraviyan nu palalavat na wariyan.>>
9zi kiyumalr nazu: <<maranger u kaniyam za kazu i iyan penadang awa?>>
10marengay i Yēsu: <<uwa i kazekalran i inmu, nana'u mu sasa a trau, midinikesan za sadalilran za zanum, zi kurelrang kantaw, mukuwa kanantu inusavakan na ruma'. 11kiyumalri kana miraruma' marengay: <kiyumalr na sinsi, i intaw zi na temakesi keravi kana palalavat na wariyan mu izu na rawang ulra i iyan?> 12tu i pilralrangaw mu mukuwa mena'uwa i makatras na tre'elr na pinakavulay lra a saya ma'izang na rawang; zi kazuwa mu i kazu penadang.>>
13mukuwa lra nazu, na kiniretrevung penauwa maresan kanatu nirengay ni Yēsu, zi penadang kanantu keravien nu palalavat na wariyan nazu.
keravien ni Luzu
(Matay 26.26-30; Maruko 14.24-26; 1 Kolinto 11.23-25)
14meredek lra na keravien na tuki, kemayan i Yēsu; mukasa na sito kantaw kemayan. 15marengay i intaw kanazu: <<kiyalriman ku za pakangawayan kana kipakakuwatreng mukasa kanmu mekan kanini na keraviyan kana palalavat na wariyan. 16marengaya ku kanmu, 'azika'azi mengangara kanini na keraviyan kazu kanantu kanatal na Viruwa i itras mipauwayan lra za tatena', 'azi ku lra aasalr mekan kanizu.>>
17kemazu zi melak i Yēsu kana takilr, lrayuwan kana Viruwa i itras, marengay: <<elak i inmu kanini na takilr, karesepasepad trekel. 18marengaya ku kanmu, kemay kanini na wari, 'azika'azi mengarangara palru za meredek tu kanatal na Viruwa i itras, 'azi ku lra aasalr tremekel kanini na kutra.>>
19zi melak kana pang, lrayuwan kana Viruwa i itras, penisa', paniniyay kanazu, marengay: <<i ini mu maw nanku zazek, muramawan kanmu mutalri'emes. kemaniya mu patuanger kaninku.>> 20a piya lra mekan mu, i intaw kemazu melak kana takilr, marengay: <<i ini na takilr maw a vekal na kuret kana Viruwa i itras, maw muramawan kanmu mu'enun ku dara' zi pinatikezir.#22.20 ulra pidaya awatranan lulun iniyan za 19 vatras <<muramawan kanmu ... patuanger kaninku>> ini na ngay zi za 20 vatras.
21<<na'uwi i inmu, izu na meniwan kaninku na trau mu antrini mukasa kaninku kana etu! 22Alrak na trau kuwaazu miturus kana kuret na Viruwa i itras minatray, mawmu izu na meniwan kantaw na trau mu mikuwatrengan lra!>>
23marekiyumaumalr nazu: <<i eman izu na kuwaazu kanini na lremak awa?>>
marepasakisaki na temakesi za i eman na maraayawayawan
24ulra tu pinasakisakiyan na temakesi, i eman na maraayawayawan i savakan kanazu. 25marengay i Yēsu kanazu: <<na yawan i punapunan ulra tu kezang demikes mena'u kana zinekalranan, zi izu na demikes kinuwa maw na venavaaw kema; 26mawmu i inmu ikuwaani. kanmu i savakan izu na marama'iza'izang mu, muveliyas mutu maralralrak; na kemakezeng, kamawana kana pakarunan. 27ma'izang izu na kemayan mekan tremekel, zi za maw ma'izang izu na temara kantaw nay? tena' maw ma'izang izu na kemayan. mawmu, kazu ku kanmu i savakan mu maw na temara za trau.
28<<kazu ku ziya makaalrang za nanadaman mu, pa'etreng mu kurekasa kaninku. 29harem vaveray ku kanmu tu iveray kaninku ni Amalri na kezang na ayawan. 30kaazu mu kananku kanatal i savakan mukasa kaninku za etu mekan tremekel, pawnung kakayan i itras kana penazangal na kakayanan sayvang kana Iseraēl na muketrep zi zuwaya na sepi' 'atayan.>>
i Yēsu putralri marengay kani Pētēro 'azi pakanumaw kantaw
(Matay 26.31-35; Maruko 14.27-31; Yohanē 13.36-38)
31marengay ziya i Yēsu: <<Simon, Simon! kipaturus lra na satang palralrimaw kanmu, kamamawan kana muwa'uma venavitay kana emi maresan zuwa venitaya kanmu. 32mawmu piya ku lra patalru kiyanun kannu, 'aziya u 'ematelr za pakutatena'an. masalr u mareveliyas kaninku mu, zi pukezang kanannu wadiyan.>>
33marengay i Pētēro: <<Luzu a, uwawai ku kurelrang kannu muimeng, kurekasa minatray!>>
34marengay i Yēsu: <<Pētēro, marengaya ku kannu: harem kana wari nu pakangawayan za maruni na terukuk mu, paretatelun u marengay za 'azi pakanu malrazam kaninku.>>
na pupaisuwan, lravatr, tazaw
35i Yēsu masalr ziya marengay kanazu: <<a aziyu ziya pakarun ku kanmu mupatraran, iaurung za pupaisuwan, iaurung za lravatr zi za kuse, parainiyan mu za eman ziyamaw?>>
temuvang nazu: <<iniyan.>>
36marengay i Yēsu: <<mawmu harem na pupaisuwan zi lravatr mu, urungu; na iniyan za tazaw mu, niwanan na kavang uwa trima' za saya. 37marengaya ku kanmu, tu nirengay kana Sēsiyo <i intaw puravakanay i savakan za pinamelriyan> i izu na ngay 'azika'azi mula'esi kananku zazek. tatena', na kireeman kaninku peniya vinavalray mula'esi lra.>>
38marengay na temakesi: <<Luzu a, na'uwi, i kani ulra a zuwaya tazaw.>>
marengay i Yēsu: <<maruwa lra!>>
i Yēsu kazu i Olēv zenan kiyanun
(Matay 26.36-46; Maruko 14.32-42)
39mupana kana kazekalran i Yēsu, maw kemazu mukuwa i Olēv zenan; kurelrang na temakesi kantaw mukuwa. 40meredek lra kana kinazuwan, marengay i Yēsu kanazu: <<kiyanun i inmu, 'aziya mu mukezeng zi zemelengan.>>
41kemazu zi muwaday i Yēsu kanazu, zi karuwa za venulru' za varasa' tu kaadawilr, malrituzu kiyanun, 42marengay: <<Ama a, nu uwawai u mu, puwadayu i ini na 'apelrin na takilr! kemazu zi, amanan iturusay nanku niranger, mawmu pula'esiyay nannu nirangeran.>> [43ulra a sasa tēnsi kemay i itras pakurena'u kantaw, puwapuwa kanantu kezang. 44pasalaw kananayan i anger, penakasa pakirungetr kiyanun i Yēsu, nantu saringan kamawan za dara' kana dadawanan matuwa'etu' i dare'.#22.44 ulra pidaya awatranan lulun iniyan za 43-44 vatras.]
45piya kiyanun, marahan i Yēsu, mukuwa kanantu temakesi, mena'u kanazu za salaw nana i anger zi turin alrupe' lra. 46marengay i intaw kanazu: <<kemuda zi alralrupe'an mu? karahan, kiyanun a, 'aziya mu mukezeng zi zemelengan.>>
i Yēsu ki'evang
(Matay 26.47-56; Maruko 14.43-50; Yohanē 18.3-11)
47a mararengay ziya i Yēsu mu, ulra salepun a trau zuwa. na papulu' zi zazuwa na sito a sasa i Yoda pilralrangaw nazu, mungawayan i intaw mukuwa emumaya kani Yēsu.
48marengay i Yēsu kantaw: <<Yoda, mimanay u za emuma zi trima'anay na Alrak na trau?>>
49na kurekasa kani Yēsu na temakesi mena'u kanini na nirekudayan, zi marengay: <<Luzu a, karuwa mi mitazaw veneresa ziyamaw?>> 50kanazu i savakan a sasa trau veneresa kanantu kuli na tinuma'izang na rahan, ladipay tu tralinga i tarawalran.
51marengay i Yēsu: <<iasaasalr temengez!>> kemazu zi pupana za lima demikes tu tralinga kanizu na trau, paka'inavayaw lra i intaw.
52kemazu zi, i Yēsu marengay kanazu na zuwa 'emevang kantaw na ma'izang na rahan, na ki'alra'alra kana vangesar ruma', zi na ciyoro: <<murung mu za tazaw zi puwakepuk zuwa 'emevanga kaninku, kamawanaw ku kana malemu na trau ziyamaw? 53kana wariwari mukasa ku kanmu kazu kana vangesar ruma', zi 'azi mu 'emevang kaninku; mawmu harem maw ninmu anger kemuwatreng kana wari lra, demikes za kezang na 'aremengan lra.>>
'azi pakanu malrazam kani Yēsu i Pētēro
(Matay 26.57-58, 69-75; Maruko 14.53-54, 66-72; Yohanē 18.12-18, 25-27)
54a harem, 'emevang kani Yēsu nazu, tu urungaw mukuwa kana ruma' na tinuma'izang na rahan; i Pētēro kazu i dawilr kurelrang. 55kazu i vavalu purevu za apuy nazu, mulitrung kana apuy kemayan mapiya, i Pētēro kazu kurezaul kanazu i savakan. 56ulra a sasa vavayan a kiyakarun mena'u kani Pētēro kazu kemayan kuwaridu, zi mena'una'u kantaw, maregay: <<ini na trau mu nintaw resan naziyu a!>>
57i Pētēro ki'uli'ulid marengay: <<i ini na vavayan, 'azi ku malrazam kantaw!>>
58'azi sawariyan, ulra ziya a trau mena'una'u kantaw, marengay: <<maw u tu resan naziyu!>>
marengay i Pētēro: <<ini na trau mu, amelri ku!>>
59kararuwa ulra za saya tuki, zuma sasa a trau payas penatezelr marengay: <<iniyan za kalrivakan, ini na trau mu nintaw resan, 'alrana i intaw mu maw na Galili na trau!>>
60mawmu marengay i Pētēro: <<inu na trau mu, 'azi ku malrazam za mararengay u za eman!>>
'azi ziya piya marengay mu, maruni lra na terukuk. 61marepiles i Luzu, tremeketrek mena'u kani Pētēro, i Pētēro paranger kanantu nirengayan ni Luzu: <<harem kana wari nu maruni na terukuk pakanguwayan mu, paretatelun u marengay za 'azi u malrazam kaninku.>> 62zi mupatraran i Pētēro, pakirev trematrangis.
kitariyaeman i Yēsu
(Matay 26.67-68; Maruko 14.65)
63na ki'alra'alra kani Yēsu na trau temariyaeman kantaw, temengez kantaw. 64nazu tu atravaw tu matra, kiyumalr kantaw: <<talram marengay, i eman na semelretra' kannu?>> 65marengay ziya sazu za ngay temariyaeman kantaw nazu.
kazu i gikay kisayvang
(Matay 26.59-66; Maruko 14.55-64; Yohanē 18.19-24)
66a 'idenan mu, na ciyoro na Yodaya, ma'izang na rahan, zi na sinsi kana Sēsiyo mukasa muwazuk, zi tu urungaw i Yēsu mukuwa kanantu gikay. 67kiyumalr kantaw nazu: <<rengayaw mi, maw u i Kiristo?>>
temuvang i intaw: <<nu marengay ku lra kanmu mu, 'azi mu kiputatena'; 68nu kiyumalr ku kanmu za eman kiyaumalran mu, 'azi mu tematuvang. 69mawmu kemay harem kana wari, Alrak na trau kakayan i tarawalran kana pukasa za kezang na Viruwa i itras.>>
70marengay nazu mapiya: <<kemani mu, nintaw u Alrak na Viruwa i itras lra?>>
temuvang i Yēsu: <<i inmu na marengay maw ku!>>
71kemazu zi marengay nazu: <<amanan ta lra za eman za wawasayan! kinger ta lra tu nirengayan!>>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023