Luka 21
21
na iyasunan na inavangulr
(Maruko 12.41-44)
1teme'ang mena'una'u i Yēsu, mena'u za ulra a papida za mipaisuwan na trau meretra' kanantu sasunan kana vangvang i vangesar ruma'. 2mena'u ziya i intaw a sasa na kalramalraman na inavangulr meretra' za zuwaya tangpiya. 3zi marengay i intaw: <<penatezelra ku marengay kanmu, ini na kalramalraman na inavangulr tu iyasunan mu marasazu kana zuma na trau. 4'alrana na trau kemay kanantu pinieman na sama' pupana semunan; mawmu kalramalraman lra i intaw, mawmu tu sunananay lra peniya nantu kavaawan na paisu.>>
putrali marengay kana uwatrerev na vangesar ruma'
(Matay 24.1-2; Maruko 13.1-2)
5ulra a trau mazayazayar kana vangesar ruma', marengay za kemuda melak kana vulay na varasa' zi na iveray semunan na kulriyames pakavulavulay. marenagay i Yēsu: 6<<mena'u mu kananni na peniya ziyamaw? raredek lra na wari, nu azu mu, iniyan za sasaya za varasa' uwavilin kana zuma na saya na varasa' i itras, na saya saya aivasaw putani peniya.>>
na kakuwatrengan zi na pakakuwatreng
(Matay 24.3-14; Maruko 13.3-13)
7zi kiyumalr nazu: <<sinsi, uwapana nu aidan nanni na lremak? ini peniya nu mupana mu ulra a eman pakalralrazaman pungaway ziyamaw?>>
8marengay i Yēsu: <<taranapaw i inmu, amanan ki'uli'ulid; 'alrana ulra kazuwan a trau venavetra' mingadan kananku ngadan zi zuwa, marengay: <maw ku i Kiristo!> zi marengay ziya: <penauwa lra na wari!> mawmu ikuwarelrang kanazu. 9nu kinger mu kana matengangetengez zi venelaliyas na lremak mu, ikakaud. nanni na lremak mu 'azika'azi iyanguwayan mupana; mawmu ini amelri mararengay za adalrep lra tu uwaludusan na pinakalrangan i punapunan.>>
10pakalusu marengay i Yēsu: <<na saya 'alrayan kimatatengez kana zuma a saya na 'alrayan; saya na kanatal tatengez kana zuma a saya na kanatal. 11kaazu a pakirev za ngunin i iyan ziya, savelawan, zi na alung, zi ulra ziya a kakaukaud a karepalripalri pakamelri na nirekudayan mupana i lingatr. 12mawmu nu uwapana nanni na lremak pakangawayan mu, ki'a'evang mu zi pawnung uwaelep za pakakuwatreng; na trau tu i tuluzanay mu i waazukan ruma' kikiyumaumalr, zi imengaw mu ziya. muramawan kananku nirekudayan, tu i urungaw mu mukuwa i ngawayan kana yawan zi na demadikes. 13i ini maw nanmu uwasay kana fukuing na wari lra. 14semeneng, kakuretan patulre'ay zanmu anger, amanan iyanguwayan kemianger za kuwadakudayan marengay papatezelr kanta i inta; 15'alrana vaveray ku kanmu za misayhuwan venavati zi za sayhuwan, 'aziya maruwa temuvang nanmu 'alra semuveli kananmu ngay. 16arusay nanmu ma'izangan, wadiyan, niruma'enan, 'ali'an kuwaazu 'ema'alang kanmu; kanmu i savakan ulra a trau kipinatray kanazu. 17muramawan kananku nirekudayan, kaawiles kanmu mapapiya, 18mawmu arusay nanmu 'arevu na sasaya 'azi uwalremes. 19kakerevat i inmu zi maruwaya mu i'elaw kananmu uwavaawan i inmu.>>
putralri marengay kana uwalremes na Yērusalem
(Matay 24.15-21; Maruko 13.14-19)
20<<nu mena'u mu za kilitrung na Yērusalem kana hitay na 'alra mu, kalrazam mu za uri kipakakuwatreng kalremes lra. 21nu azu mu, na kaazu i Yodaya, papusar piyazenan; na kaazu i kazekalran mu, uwapana; na kaazu kana mudawilr na zekalr mu, iauwa i kazekalran. 22'alrana ini mu maw <kapasavungan na wari>, papula'esi kanantu ngay ziya kana Sēsiyo. 23kanazu na wari, na malii na vavayan zi na pasusu za vu'enin na tainayan mu kaulep lra! uri raredek a pakirev na kakuwatrengan kanini na kinazuwan, tu 'ilremesan za patezelran kana Viruwa i itras mu uwalusu mukuwa kananni na zinekalranan. 24kiyanatray kana tazaw zi na ilrus nazu, zi za kihuliyu mukuwa kana makaiyaiyan na kanatal. na kirekamelri na sinziya tu i lrumetraw na Yērusalem, palru za penauwa tu wari nazu lra.>>
tu zazuwayan na Alrak na trau
(Matay 24.29-31; Maruko 13.24-27)
25<<nu azu mu, na kadaw, vulan, vitu'en peniya uwapana a kirekamelri za nirekudayan. na kanatal i dare' ziya 'alrana ma'izang na kelun i lrevek zi mare'alav ma'ulid lra za kuwadakudayan. 26na tratrautrau ziyan mengangara kanizu na uri raredek i punapunan na lremak, makakaud hirarehiran zi apapedes lra, 'alrana i rukup na nirekudayan ziya uhiyalrehilr. 27nu azu mu, uwapana na Alrak na trau, matemuy za ma'izang na kezang zi lihu muitras kana kutrem mulusu zuwa. 28nu mupana nanni na lremak mu, patezelru nanmu tranguru' zi zazek, 'alrana nanmu kiyavaaw na wari meredek lra!>>
tu ipanadam na tepur na kawi
(Matay 24.32-35; Maruko 13.28-31)
29i Yēsu marengay ziya kanazu za saya a paruwalruwan: <<i inmu na'uwi na tepur na kawi zi na zuma na marekamelrimelri na kawi. 30nazu nu temelriyu na ulane' na vira', zi kalrazam mu za raredek lra na derun. 31mararesan, nu mena'u mu kanini na nirekudayan peniya mu kalrazam mu za ula'esi tu pinitrepa na kezang kana Viruwa i itras.
32<<piangeru i inmu, na trau kana ziday harem nu 'azi ziyan minatray pakangawayan mu, ini na lremak peniya uri uwapana lra. 33uwalremes na lingatr na dare', mawmu nanku ngay 'azi uwalremes munayun.>>
'azika'azi masenekin
34<<kasenekin i inmu! amanan paka'iyavurengaw nanmu anger kana kutra aekanen zi na vangavangan i wayway, makawud ta kanizu na wari za maherareher meredek kanmu. 'alrana izu na wari 35kamawan kana tavukulr, raredek kana trau ziyan i punapunan. 36kasenekin i inmu, karayas kiyanun, mikezanga mu semaseker kana uwapana na lremak peniya, maruwaya mu matikezir kana Alrak na trau i ngawayan.>>
37i Yēsu nu 'uninan kazu kana vangesar ruma' panadam za trau, nu 'aremeng mupana i kazekalran, iyulray i Olēv zenan; 38na zinekalranan semavalr mukuwa kana vangesar ruma', maranger kinger za venavati i Yēsu.
Právě zvoleno:
Luka 21: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 21
21
na iyasunan na inavangulr
(Maruko 12.41-44)
1teme'ang mena'una'u i Yēsu, mena'u za ulra a papida za mipaisuwan na trau meretra' kanantu sasunan kana vangvang i vangesar ruma'. 2mena'u ziya i intaw a sasa na kalramalraman na inavangulr meretra' za zuwaya tangpiya. 3zi marengay i intaw: <<penatezelra ku marengay kanmu, ini na kalramalraman na inavangulr tu iyasunan mu marasazu kana zuma na trau. 4'alrana na trau kemay kanantu pinieman na sama' pupana semunan; mawmu kalramalraman lra i intaw, mawmu tu sunananay lra peniya nantu kavaawan na paisu.>>
putrali marengay kana uwatrerev na vangesar ruma'
(Matay 24.1-2; Maruko 13.1-2)
5ulra a trau mazayazayar kana vangesar ruma', marengay za kemuda melak kana vulay na varasa' zi na iveray semunan na kulriyames pakavulavulay. marenagay i Yēsu: 6<<mena'u mu kananni na peniya ziyamaw? raredek lra na wari, nu azu mu, iniyan za sasaya za varasa' uwavilin kana zuma na saya na varasa' i itras, na saya saya aivasaw putani peniya.>>
na kakuwatrengan zi na pakakuwatreng
(Matay 24.3-14; Maruko 13.3-13)
7zi kiyumalr nazu: <<sinsi, uwapana nu aidan nanni na lremak? ini peniya nu mupana mu ulra a eman pakalralrazaman pungaway ziyamaw?>>
8marengay i Yēsu: <<taranapaw i inmu, amanan ki'uli'ulid; 'alrana ulra kazuwan a trau venavetra' mingadan kananku ngadan zi zuwa, marengay: <maw ku i Kiristo!> zi marengay ziya: <penauwa lra na wari!> mawmu ikuwarelrang kanazu. 9nu kinger mu kana matengangetengez zi venelaliyas na lremak mu, ikakaud. nanni na lremak mu 'azika'azi iyanguwayan mupana; mawmu ini amelri mararengay za adalrep lra tu uwaludusan na pinakalrangan i punapunan.>>
10pakalusu marengay i Yēsu: <<na saya 'alrayan kimatatengez kana zuma a saya na 'alrayan; saya na kanatal tatengez kana zuma a saya na kanatal. 11kaazu a pakirev za ngunin i iyan ziya, savelawan, zi na alung, zi ulra ziya a kakaukaud a karepalripalri pakamelri na nirekudayan mupana i lingatr. 12mawmu nu uwapana nanni na lremak pakangawayan mu, ki'a'evang mu zi pawnung uwaelep za pakakuwatreng; na trau tu i tuluzanay mu i waazukan ruma' kikiyumaumalr, zi imengaw mu ziya. muramawan kananku nirekudayan, tu i urungaw mu mukuwa i ngawayan kana yawan zi na demadikes. 13i ini maw nanmu uwasay kana fukuing na wari lra. 14semeneng, kakuretan patulre'ay zanmu anger, amanan iyanguwayan kemianger za kuwadakudayan marengay papatezelr kanta i inta; 15'alrana vaveray ku kanmu za misayhuwan venavati zi za sayhuwan, 'aziya maruwa temuvang nanmu 'alra semuveli kananmu ngay. 16arusay nanmu ma'izangan, wadiyan, niruma'enan, 'ali'an kuwaazu 'ema'alang kanmu; kanmu i savakan ulra a trau kipinatray kanazu. 17muramawan kananku nirekudayan, kaawiles kanmu mapapiya, 18mawmu arusay nanmu 'arevu na sasaya 'azi uwalremes. 19kakerevat i inmu zi maruwaya mu i'elaw kananmu uwavaawan i inmu.>>
putralri marengay kana uwalremes na Yērusalem
(Matay 24.15-21; Maruko 13.14-19)
20<<nu mena'u mu za kilitrung na Yērusalem kana hitay na 'alra mu, kalrazam mu za uri kipakakuwatreng kalremes lra. 21nu azu mu, na kaazu i Yodaya, papusar piyazenan; na kaazu i kazekalran mu, uwapana; na kaazu kana mudawilr na zekalr mu, iauwa i kazekalran. 22'alrana ini mu maw <kapasavungan na wari>, papula'esi kanantu ngay ziya kana Sēsiyo. 23kanazu na wari, na malii na vavayan zi na pasusu za vu'enin na tainayan mu kaulep lra! uri raredek a pakirev na kakuwatrengan kanini na kinazuwan, tu 'ilremesan za patezelran kana Viruwa i itras mu uwalusu mukuwa kananni na zinekalranan. 24kiyanatray kana tazaw zi na ilrus nazu, zi za kihuliyu mukuwa kana makaiyaiyan na kanatal. na kirekamelri na sinziya tu i lrumetraw na Yērusalem, palru za penauwa tu wari nazu lra.>>
tu zazuwayan na Alrak na trau
(Matay 24.29-31; Maruko 13.24-27)
25<<nu azu mu, na kadaw, vulan, vitu'en peniya uwapana a kirekamelri za nirekudayan. na kanatal i dare' ziya 'alrana ma'izang na kelun i lrevek zi mare'alav ma'ulid lra za kuwadakudayan. 26na tratrautrau ziyan mengangara kanizu na uri raredek i punapunan na lremak, makakaud hirarehiran zi apapedes lra, 'alrana i rukup na nirekudayan ziya uhiyalrehilr. 27nu azu mu, uwapana na Alrak na trau, matemuy za ma'izang na kezang zi lihu muitras kana kutrem mulusu zuwa. 28nu mupana nanni na lremak mu, patezelru nanmu tranguru' zi zazek, 'alrana nanmu kiyavaaw na wari meredek lra!>>
tu ipanadam na tepur na kawi
(Matay 24.32-35; Maruko 13.28-31)
29i Yēsu marengay ziya kanazu za saya a paruwalruwan: <<i inmu na'uwi na tepur na kawi zi na zuma na marekamelrimelri na kawi. 30nazu nu temelriyu na ulane' na vira', zi kalrazam mu za raredek lra na derun. 31mararesan, nu mena'u mu kanini na nirekudayan peniya mu kalrazam mu za ula'esi tu pinitrepa na kezang kana Viruwa i itras.
32<<piangeru i inmu, na trau kana ziday harem nu 'azi ziyan minatray pakangawayan mu, ini na lremak peniya uri uwapana lra. 33uwalremes na lingatr na dare', mawmu nanku ngay 'azi uwalremes munayun.>>
'azika'azi masenekin
34<<kasenekin i inmu! amanan paka'iyavurengaw nanmu anger kana kutra aekanen zi na vangavangan i wayway, makawud ta kanizu na wari za maherareher meredek kanmu. 'alrana izu na wari 35kamawan kana tavukulr, raredek kana trau ziyan i punapunan. 36kasenekin i inmu, karayas kiyanun, mikezanga mu semaseker kana uwapana na lremak peniya, maruwaya mu matikezir kana Alrak na trau i ngawayan.>>
37i Yēsu nu 'uninan kazu kana vangesar ruma' panadam za trau, nu 'aremeng mupana i kazekalran, iyulray i Olēv zenan; 38na zinekalranan semavalr mukuwa kana vangesar ruma', maranger kinger za venavati i Yēsu.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023