Luka 20
20
na pinikezang ni Yēsu
(Matay 21.23-27; Maruko 11.27-33)
1ulra a saya wari, i Yēsu kazu kana vangesar ruma' pananadam za trau, venavati kana fukuing. ulra a ma'izang na rahan, na sinsi kana Sēsiyo, zi na ciyoro zuwa kirepana'uwa kantaw. 2kiyumalr kantaw: <<pakalrang u za eman kezangan kemakuda kananni na lremak? i eman na veray kannu kanini na kezang ziyamaw? 'alrazi rengayaw mi!>>
3temuvang i Yēsu kanazu: <<iyanguwayana ku ziya kiyumalr za saya a ngay kanmu, rengayaw ku, 4tu kezang semuwap ni Yohanē maw kemay kana Viruwa i itras zi za kemay kana trau zuwa ziyamaw?>>
5kemirakaz masakisaki nazu, marengay: <<kuwadakuda ta temuvang awa? nu marengay ta <zuwa kemay kana Viruwa i itras>, rarengay i intaw: <nu kemazu mu, kemuda zi 'azi mu pakutatena' kani Yohanē ziyamaw?> 6nu marengay ta <zuwa kemay kana trau>, na zinekalranan aelak za varasa' temengez kanta, 'alrana pakutatena' nazu mapiya kani Yohanē za maw a patralritralri.>> 7kemazu zi temuvang nazu: <<'azi mi malrazam za kemay i iyan.>>
8zi marengay i Yēsu kanazu: <<nu kemazu mu, kuwaazu 'azi ku rarengay kanmu, pakalrang ku za eman kezangan kemakuda kananni na lremak.>>
na paruwalruwan kana kuwaatrengan na kipu'uma
(Matay 21.33-46; Maruko 12.1-12)
9pakalusu mu, i Yēsu marengay kanazu kanini na paruwalruwan: <<ulra sasa a trau meravi za saya budo na 'uma, zi tu pavulasanay za trau, mukuwa muzangiya i dawilr i intaw, kikazu i panayan za sawariyan. 10meredek lra kana kiyabudo na vulan mu, i intaw pakarun za sasa a pakarunan mukuwa kana kivulas kana 'uma kiveraya kanantu tratrepa kiyaverain. mawmu tu tengezay izu na pakarunan nazu, tu paluwaluwaw puveruk. 11na miya'uma masalr ziya pakarun za sasa na pakarunan mukuwa; nazu tu kuwazuwaw temengez i intaw, temariyaeman kantaw, zi tu paluwaluwaw ziya puveruk. 12karetatelun na miya'uma masalr ziya pakarun sasa za pakarunan mukuwa; na kipu'uma penukepuk venuli' ziya kantaw, tu verelranganay pupatraran kana 'uma. 13na miya'uma kana budo marengay: <kuwadakuda ku awa? ku pakarunay nanku kinalraman na alrak na ma'inayan mukuwa, kaulra kaira kantaw.> 14mawmu na kivulas kana 'uma mena'u kanantu alrak na miya'uma mu, mazayazayar marengay: <ini na trau mu mawna kiyatuluz tremungulr kana miya'uma na trau, ta pinatrayaw i intaw, tu pinieman mu nintaya lra!> 15mawna kemani, nazu semukun kantaw pupatraran kana budo na 'uma, pinatrayaw lra.
<<nu kemani mu, na miya'uma kana budo mu tu i kudakudayaw nazu na kivulas kana 'uma awa? 16'azika'azi zuwa pinatraya palremes kanazu i intaw, asalraw pavulas na 'uma na budo kana zuma na trau.>>
a kinger kanini na ngay na zinekalranan mu, marengay mapiya: <<'azi kaazu a kemani na lremak!>>
17i Yēsu tremeketrek mena'u kanazu, kiyumalr marengay: <<marengay na Sēsiyo:
tu i'atelr na daykusang ini na varasa'
mutu marapazangazangal na pukaarekezan na varasa'.
ini na ngay a eman tu pauwayan ziyamaw? 18i eman na malradu' kanizu na varasa' i itras mu, uwarames tu zazek ni i eman; izu na varasa' nu mutani kani eman i zazek mu, zi kuwaazu tu i ruda'aw menakenak i eman.>>
na kiyaumalran kana pusata kani Hongti i Roma
(Matay 22.15-22; Maruko 12.13-17)
19na sinsi kana Sēsiyo zi na ma'izang na rahan malrazam kanantu paruwalruwan ni Yēsu za maw mararengay kanazu, zi marenger payas kazu i kazu 'emevang kani Yēsu; mawmu makaud nazu kana zinekalranan, 20'inava lra nu mengara ziya za penauwa za wari. pulravatr tremima' za papida za trau nazu, kitu'inavanava, pupana za kiyaumalran kani Yēsu, maranger 'emevang kanantu piningayan, tu kararuwayan temuluz kana sotok kipasavung. 21nanni na melalikap marengay kani Yēsu: <<sinsi, malrazam mi kanannu niyarengay na ipanadam penauwa za kakuwayanan za pauwayan, zi malrazam za 'azi u menana'u tu pinimudingan za trau, kemazu marayas penatezelr panadam kana trau kanantu vati na Viruwa i itras. 22'alrazi rengayaw mi, pusata veray kani Kaysa na Hongti i Roma mu veneliyas kananta kuret aulranay?>>
23patulre'ay mena'u i Yēsu kanazu kanantu piniangeran na kuwatreng, kema marengay kanazu: 24<<elak kana saya na ginpiya pana'uwan kaninku! kanini i itras na sasing zi na ngadan mu ni eman?>>
temuvang nazu: <<maw na Hongti i Roma.>>
25marengay i Yēsu kanazu: <<nu kemazu mu, tu eman na Hongti i Roma mu verayan kana Hongti i Roma, tu eman na Viruwa i itras mu verayan kana Viruwa i itras.>>
26nazu iniyan za kuwadakudayan kazu i ngawayan kana zinekalranan 'emevang za eman kemay kanantu piningayan ni Yēsu; salaw maherareher kanantu iyatuvang ni Yēsu nazu, zi marapengan iniyan za ngangay.
na kiyaumalran kana marevaaw
(Matay 22.23-33; Maruko 12.18-27)
27ulra a papida 'azi pakanu tatena' kanini na marevaaw na lremak na Satukay a trau zuwa kirepana'uwa kani Yēsu, 28kiyumalr kantaw: <<sinsi, muramawan kaniyam zi patikezir i Mosē za kuret: <nu minatray lra a sasa trau mu, muvilin na 'azin na vavayan, mawmu iniyan za alrak, i waditaw 'azika'azi mi'azin kani kuravaktaw na vavayan, venulas kani vautaw tremungulr mialrak.> 29a aziyu ziyan ulra a papitu maruwadiyadi: na marama'izang mi'azin lra, 'azi mialrak zi minatray lra. 30na pukazuwa mu mi'azin kani kuravaktaw, 31i likuzan lra na pukatelu mu kemazu mi'azin kantaw, palru kana pukapitu mi'azin kantaw mapiya, zi iniyan za alrak mapiya, zi minatray lra. 32i likuzan lra izu na vavayan minatray lra. 33'alrazi kiyumalra ku ziya kazu kana karevavaawan na wari, i intaw mu maw ni eman 'azin awa? 'alrana papitu na maruwadiyadi mu mi'azin kantaw.>>
34temuvang i Yēsu kanazu marengay: <<harem kani i punapunan na ma'inayan vavayan mu mi'a'azin; 35mawmu nazu na kirepa'uwa kemay kana minatray marevaaw, pawnung vaaw nu aziyu lra na trau mu, 'azi mi'a'azin. 36nazu maresan kana tēnsi 'azi miyanatray lra. maw nintaw lralrak na Viruwa i itras nazu, 'alrana marevaaw kemay kana minatray nazu. 37i Mosē uwasay lra pakanu tatena' za ulra a minatray na trau marevaaw ini na lremak, i intaw kazu kana muwavatri' na su'asu'ar vinavalray marengay lra: i Luzu maw <na Viruwa i itras ni Aburaham, na Viruwa i itras ni Isak, na Viruwa i itras ni Yakob.> 38ini na pauwayan maw mararengay kana Viruwa i itras mu maw na Viruwa i itras kana vaaw na trau, amelri tu Viruwa i itras kana minatray na trau. 'alrana kanantu iyana'u na Viruwa i itras mu, vaaw na trau mapiya.>>
39ulra papida na sinsi kana Sēsiyo marengay: <<sinsi, 'inava nannu nirengay!>> 40kemay kanizu, 'azi lra malemu pupana za kiyaumalran kani Yēsu.
na kiyaumalran kana kireeman kani Kiristo
(Matay 22.41-46; Maruko 12.35-37)
41mawmu marengay i Yēsu kanazu: <<kemuda zi maruwa marengay na trau za i Kiristo maw temuwan ni Davidē kema awa? 42i Davidē kazu kana Sihēng marengay lra i intaw:
i Luzu marengay kananku Luzu:
kayan kaninku i tarawalran i inu,
43ngangara kaninku za puilusaw nannu 'alra kanannu kuy i makalusu.
44nu kema marengay i Davidē kantaw <Luzu>, i Kiristo kemuda zi maw nintaw temuwan ni Davidē ziyamaw?>>
masaselru i Yēsu kana sinsi na Sēsiyo
(Matay 23.1-36; Maruko 12.38-40)
45a kiyangekinger na zinekalranan mu, i Yēsu marengay kanantu temakesi: 46<<taranapaw kanazu na sinsi kana Sēsiyo. nazu sahar mikavang kana tatelraw na lrungpaw zi mu'iva'ivat makadadalan, sahar kazu kana inukasakasayan za trau kisungal kimumalr za 'inavayan nazu, zi sahar ziya kana waazukan ruma' i savakan na pakamelri na kakayanan zi na kakayanan i ngawayan kana semasaharan. 47tu elakay kanantu pinieman na inavangulr nazu, zi kematatelraw kitukiyanuanun. 'azika'azi kipasavung za marapakirekirev nazu!>>
Právě zvoleno:
Luka 20: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 20
20
na pinikezang ni Yēsu
(Matay 21.23-27; Maruko 11.27-33)
1ulra a saya wari, i Yēsu kazu kana vangesar ruma' pananadam za trau, venavati kana fukuing. ulra a ma'izang na rahan, na sinsi kana Sēsiyo, zi na ciyoro zuwa kirepana'uwa kantaw. 2kiyumalr kantaw: <<pakalrang u za eman kezangan kemakuda kananni na lremak? i eman na veray kannu kanini na kezang ziyamaw? 'alrazi rengayaw mi!>>
3temuvang i Yēsu kanazu: <<iyanguwayana ku ziya kiyumalr za saya a ngay kanmu, rengayaw ku, 4tu kezang semuwap ni Yohanē maw kemay kana Viruwa i itras zi za kemay kana trau zuwa ziyamaw?>>
5kemirakaz masakisaki nazu, marengay: <<kuwadakuda ta temuvang awa? nu marengay ta <zuwa kemay kana Viruwa i itras>, rarengay i intaw: <nu kemazu mu, kemuda zi 'azi mu pakutatena' kani Yohanē ziyamaw?> 6nu marengay ta <zuwa kemay kana trau>, na zinekalranan aelak za varasa' temengez kanta, 'alrana pakutatena' nazu mapiya kani Yohanē za maw a patralritralri.>> 7kemazu zi temuvang nazu: <<'azi mi malrazam za kemay i iyan.>>
8zi marengay i Yēsu kanazu: <<nu kemazu mu, kuwaazu 'azi ku rarengay kanmu, pakalrang ku za eman kezangan kemakuda kananni na lremak.>>
na paruwalruwan kana kuwaatrengan na kipu'uma
(Matay 21.33-46; Maruko 12.1-12)
9pakalusu mu, i Yēsu marengay kanazu kanini na paruwalruwan: <<ulra sasa a trau meravi za saya budo na 'uma, zi tu pavulasanay za trau, mukuwa muzangiya i dawilr i intaw, kikazu i panayan za sawariyan. 10meredek lra kana kiyabudo na vulan mu, i intaw pakarun za sasa a pakarunan mukuwa kana kivulas kana 'uma kiveraya kanantu tratrepa kiyaverain. mawmu tu tengezay izu na pakarunan nazu, tu paluwaluwaw puveruk. 11na miya'uma masalr ziya pakarun za sasa na pakarunan mukuwa; nazu tu kuwazuwaw temengez i intaw, temariyaeman kantaw, zi tu paluwaluwaw ziya puveruk. 12karetatelun na miya'uma masalr ziya pakarun sasa za pakarunan mukuwa; na kipu'uma penukepuk venuli' ziya kantaw, tu verelranganay pupatraran kana 'uma. 13na miya'uma kana budo marengay: <kuwadakuda ku awa? ku pakarunay nanku kinalraman na alrak na ma'inayan mukuwa, kaulra kaira kantaw.> 14mawmu na kivulas kana 'uma mena'u kanantu alrak na miya'uma mu, mazayazayar marengay: <ini na trau mu mawna kiyatuluz tremungulr kana miya'uma na trau, ta pinatrayaw i intaw, tu pinieman mu nintaya lra!> 15mawna kemani, nazu semukun kantaw pupatraran kana budo na 'uma, pinatrayaw lra.
<<nu kemani mu, na miya'uma kana budo mu tu i kudakudayaw nazu na kivulas kana 'uma awa? 16'azika'azi zuwa pinatraya palremes kanazu i intaw, asalraw pavulas na 'uma na budo kana zuma na trau.>>
a kinger kanini na ngay na zinekalranan mu, marengay mapiya: <<'azi kaazu a kemani na lremak!>>
17i Yēsu tremeketrek mena'u kanazu, kiyumalr marengay: <<marengay na Sēsiyo:
tu i'atelr na daykusang ini na varasa'
mutu marapazangazangal na pukaarekezan na varasa'.
ini na ngay a eman tu pauwayan ziyamaw? 18i eman na malradu' kanizu na varasa' i itras mu, uwarames tu zazek ni i eman; izu na varasa' nu mutani kani eman i zazek mu, zi kuwaazu tu i ruda'aw menakenak i eman.>>
na kiyaumalran kana pusata kani Hongti i Roma
(Matay 22.15-22; Maruko 12.13-17)
19na sinsi kana Sēsiyo zi na ma'izang na rahan malrazam kanantu paruwalruwan ni Yēsu za maw mararengay kanazu, zi marenger payas kazu i kazu 'emevang kani Yēsu; mawmu makaud nazu kana zinekalranan, 20'inava lra nu mengara ziya za penauwa za wari. pulravatr tremima' za papida za trau nazu, kitu'inavanava, pupana za kiyaumalran kani Yēsu, maranger 'emevang kanantu piningayan, tu kararuwayan temuluz kana sotok kipasavung. 21nanni na melalikap marengay kani Yēsu: <<sinsi, malrazam mi kanannu niyarengay na ipanadam penauwa za kakuwayanan za pauwayan, zi malrazam za 'azi u menana'u tu pinimudingan za trau, kemazu marayas penatezelr panadam kana trau kanantu vati na Viruwa i itras. 22'alrazi rengayaw mi, pusata veray kani Kaysa na Hongti i Roma mu veneliyas kananta kuret aulranay?>>
23patulre'ay mena'u i Yēsu kanazu kanantu piniangeran na kuwatreng, kema marengay kanazu: 24<<elak kana saya na ginpiya pana'uwan kaninku! kanini i itras na sasing zi na ngadan mu ni eman?>>
temuvang nazu: <<maw na Hongti i Roma.>>
25marengay i Yēsu kanazu: <<nu kemazu mu, tu eman na Hongti i Roma mu verayan kana Hongti i Roma, tu eman na Viruwa i itras mu verayan kana Viruwa i itras.>>
26nazu iniyan za kuwadakudayan kazu i ngawayan kana zinekalranan 'emevang za eman kemay kanantu piningayan ni Yēsu; salaw maherareher kanantu iyatuvang ni Yēsu nazu, zi marapengan iniyan za ngangay.
na kiyaumalran kana marevaaw
(Matay 22.23-33; Maruko 12.18-27)
27ulra a papida 'azi pakanu tatena' kanini na marevaaw na lremak na Satukay a trau zuwa kirepana'uwa kani Yēsu, 28kiyumalr kantaw: <<sinsi, muramawan kaniyam zi patikezir i Mosē za kuret: <nu minatray lra a sasa trau mu, muvilin na 'azin na vavayan, mawmu iniyan za alrak, i waditaw 'azika'azi mi'azin kani kuravaktaw na vavayan, venulas kani vautaw tremungulr mialrak.> 29a aziyu ziyan ulra a papitu maruwadiyadi: na marama'izang mi'azin lra, 'azi mialrak zi minatray lra. 30na pukazuwa mu mi'azin kani kuravaktaw, 31i likuzan lra na pukatelu mu kemazu mi'azin kantaw, palru kana pukapitu mi'azin kantaw mapiya, zi iniyan za alrak mapiya, zi minatray lra. 32i likuzan lra izu na vavayan minatray lra. 33'alrazi kiyumalra ku ziya kazu kana karevavaawan na wari, i intaw mu maw ni eman 'azin awa? 'alrana papitu na maruwadiyadi mu mi'azin kantaw.>>
34temuvang i Yēsu kanazu marengay: <<harem kani i punapunan na ma'inayan vavayan mu mi'a'azin; 35mawmu nazu na kirepa'uwa kemay kana minatray marevaaw, pawnung vaaw nu aziyu lra na trau mu, 'azi mi'a'azin. 36nazu maresan kana tēnsi 'azi miyanatray lra. maw nintaw lralrak na Viruwa i itras nazu, 'alrana marevaaw kemay kana minatray nazu. 37i Mosē uwasay lra pakanu tatena' za ulra a minatray na trau marevaaw ini na lremak, i intaw kazu kana muwavatri' na su'asu'ar vinavalray marengay lra: i Luzu maw <na Viruwa i itras ni Aburaham, na Viruwa i itras ni Isak, na Viruwa i itras ni Yakob.> 38ini na pauwayan maw mararengay kana Viruwa i itras mu maw na Viruwa i itras kana vaaw na trau, amelri tu Viruwa i itras kana minatray na trau. 'alrana kanantu iyana'u na Viruwa i itras mu, vaaw na trau mapiya.>>
39ulra papida na sinsi kana Sēsiyo marengay: <<sinsi, 'inava nannu nirengay!>> 40kemay kanizu, 'azi lra malemu pupana za kiyaumalran kani Yēsu.
na kiyaumalran kana kireeman kani Kiristo
(Matay 22.41-46; Maruko 12.35-37)
41mawmu marengay i Yēsu kanazu: <<kemuda zi maruwa marengay na trau za i Kiristo maw temuwan ni Davidē kema awa? 42i Davidē kazu kana Sihēng marengay lra i intaw:
i Luzu marengay kananku Luzu:
kayan kaninku i tarawalran i inu,
43ngangara kaninku za puilusaw nannu 'alra kanannu kuy i makalusu.
44nu kema marengay i Davidē kantaw <Luzu>, i Kiristo kemuda zi maw nintaw temuwan ni Davidē ziyamaw?>>
masaselru i Yēsu kana sinsi na Sēsiyo
(Matay 23.1-36; Maruko 12.38-40)
45a kiyangekinger na zinekalranan mu, i Yēsu marengay kanantu temakesi: 46<<taranapaw kanazu na sinsi kana Sēsiyo. nazu sahar mikavang kana tatelraw na lrungpaw zi mu'iva'ivat makadadalan, sahar kazu kana inukasakasayan za trau kisungal kimumalr za 'inavayan nazu, zi sahar ziya kana waazukan ruma' i savakan na pakamelri na kakayanan zi na kakayanan i ngawayan kana semasaharan. 47tu elakay kanantu pinieman na inavangulr nazu, zi kematatelraw kitukiyanuanun. 'azika'azi kipasavung za marapakirekirev nazu!>>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023