Luka 19
19
i Yēsu zi i Sakay
1i Yēsu mukuwa i Yēliko na kazekalran, penauwa makaalrang kanizu na kazekalran mu. 2kanizu na kinazuwan ulra sasa tu ma'izang na kisasata, mingadan kani Sakay, maw na mipaisuwan na trau. 3i Sakay kamarangeran mena'u kani Yēsu za maw a kemuda na trau, mawmu kaalusuwan, kana kazuwan na trau i savakan mu 'azi maruwa mena'u kani Yēsu. 4zi pavekas i intaw kazu i ngawayan kana trau, muitras za sarakazan kana talriyuz, menana'u kani Yēsu, 'alrana makaalrang i Yēsu kanini na dalan. 5i Yēsu makawang meredek kanizu na kinazuwan, teme'ang mena'u kani Sakay, marengay kantaw: <<Sakay, kadika ulusu! harem kana wari 'azi ku ka'azi kaazu kanmu.>>
6mahelrahelr mulusu i Sakay, kasemangalan temara kani Yēsu. 7mena'u mapiya na trau mu maselru marengay: <<ini na trau maruwaruwa mukuwa mutu lavang kana ruma' na mipinamelriyan na trau!>>
8marahan i Sakay marengay kani Luzu: <<Luzu a, ku pinieman na parekazuwa ku i sepadanay veray kana kalramalraman na trau; nu 'emuli'ulid ku lra kani eman mu, parevelaliyas ku kantaw za pinakapata.>>
9marengay i Yēsu kantaw: <<harem kana wari na ikalraman venaaw raredek kanini na ruma', 'alrana ini na trau mu mararesan maw tu temuwan ni Aburaham. 10zuwa na Alrak na trau maw maaya' zi venaaw kana zemelengan na trau.>>
na paruwalruwan kana pakarunan zi na kimpiya
(Matay 25.14-30)
11kiyangkinger ziya kanini na ngay mapiya mu, marengay ziya i Yēsu za saya paruwalruwan kanazu. a azu, i Yēsu adalrep lra meredek i Yērusalem, uwala'esi lra na pinitrepa tu kezang na Viruwa i itras kema nazu. 12marengay i Yēsu: <<ulra sasa a miruma' za yawayawan na trau makuwa i dawilr, uri kipatikezir mutu yawan, zi muruma'. 13a masikasik makuwa pakangawayan mu, tu pazuwayaw na papulu' tu pakarunan, verayay za saya kimpiya kurisaesa, marengay: <nu iniyan ku mu, elaku ini na paisu uwa kimatrima' i inmu, na'u za kararuwa mu mietan za manueman.> 14na trau kanantu kanatal tu kemazuwan awiles kantaw, pakarun za paruveli kantaw mukuwa marengaya: <amanan ini na trau putu yawan kaniyam.>
15<<izu na miruma' za yawayawan na trau kipatikezir mutu yawan a muruma' lra, payas semeratr kanazu na kiveray lra za kimpiya na pakarunan pazuwa kantaw i ngawayan, maranger malrazam kanazu kurisaesa za kimatrima' zi mietan za manueman. 16na inguwanguwayan zuwa marengay: <tawki, ku pimanayaw nannu iveray izu na kimpiya mietan za muketrep kimpiya.> 17marengay na tawki: <'inava! maw u a 'inava na pakarunan; nu maw kazu u kanini na makiteng na lremak katalrimayan mu, pakarun ku kannu demikes mena'u kana muketrep na kazekalran.> 18zuwa na pukazuwa na pakarunan marengay: <tawki, ku pimanayaw izu nannu iveray na kimpiya kimatrima' zi mietan za lruwatra kimpiya.> 19marengay kantaw na tawki: <kuwaazu dadikes u kana lruwatra na kazekalran.> 20ulra ziya a sasa na pakarunan zuwa marengaya: <tawki, antrini nannu kimpiya; ku liputraw kana himpu. 21taw ku kemazuwan makakaud kannu, 'alrana maw u na pakirungetr na trau. na iniyan za inepetr mu, maelak u ziya; na 'azi sinaleman mu, mare'a'ani u ziya.> 22marengay kantaw na tawki: <i inu na kuwatreng na pakarunan, ku pimanayaw nannu piningayan i inu kemuret kanannu pinamelriyan! nu malrazam u za maw ku na pakirungetr na trau, maelak kana iniyan za inepetr, mare'a'ani kana 'azi sinaleman, 23nu kemazu mu, kemuda zi 'azi u palrasezan ku paisu i gingko, nu muruma' ku lra mu, karuwa melak ziya kanantu taina na paisu zi tu alrak?> 24kemazu zi i intaw marengay kana matikezir i tarawiri tarawalran na trau: <elaku tu kimpiya pukuwani, verayan kanizu na ulra za muketrep kimpiya na pakarunan.> 25marengay nazu kantaw: <tawki, ulra lra muketrep tu kimpiya.> 26marengay na tawki: <marengaya ku kanmu, izu na ulra lra mu, vaverayay puwapuwa za sazu; izu na iniyan mu, arusay na ulra kantaw 'a'araway melak peniya. 27kema ta kanazu na 'azi muwai putu yawan kaninku nazu na 'alra, urungu pukuwani nazu, pinatrayu i ngawayan kaninku mu!> >>
milihu mukuwa i Yērusalem
(Matay 21.1-11; Maruko 11.1-11; Yohanē 12.12-19)
28piya maregay kananni na ngay mu, i Yēsu kazu i ngawayan kemakawang, makuwa i Yērusalem, 29uri raredek lra i Bētfaki zi i Bētaniya, tremepa i Olēv zenan mukuwa mu, i Yēsu pakarun za zazuwa kana temakesi iyanguwayan mukuwa. 30patalru kanazu marengay: <<uwa i ngawayan kana zekalr i inmu, nu mukuwa mu mu, nana'u za saya za makiteng na 'azi ziya inuitrasan za trau a rova irekep i kazu. i inmu vakevaki i intaw, kezengu pukuwani. 31nu ulra a trau kiyumalr kanmu za kemuda zi vakevakay na makiteng na rova, marengaya mu za: <maanayin ni Luzu#19.31 <<Luzu>> karuwa marengay za <<kanantu ma'izang>>..> >>
32mukuwa lra nazu, tu nina'uwan penauwa mararesan kanantu nirengay ni Yēsu kanazu. 33a venakevak nazu kana makiteng na rova mu, kiyumalr na mirova na trau kanazu: <<kemuda zi mu vakevakay na makiteng na rova awa?>>
34temuvang nazu: <<maanayin ni Luzu i intaw.>> 35kemazu zi kemezeng kana makiteng na rova mukuwa kani Yēsu i ngawayan nazu, tu sapayanay nantu kavang i intaw kana rova i itras, tu rakazaw i Yēsu puitras. 36a mungawayan i Yēsu mu, na trau mapiya melak kanantu kavang lre'apanay i dadalan.
37a adalrep i Yērusalem i intaw, meredek kana panuwanun i Olēv zenan mu, na kurelrang kani Yēsu na zinekalranan mena'u kanini na karepalripalri peniya zi lrayuwan kana Viruwa i itras, kematamuni 'emuy'uy: 38<<kiyalriman kana Viruwa i itras veray za ka'inavayan kana pakalrang kanantu ngadan ni Luzu zi zuwa na yawan! i itras ulra na paresaresan, na lihu kaya kana maraitraitras na Viruwa i itras!>>
39kana zinekalranan i savakan ulra papida Palisay na trau kema marengay kani Yēsu: <<sinsi, seratri nannu temakesi mapenga a!>>
40temuvang i Yēsu: <<marengay ku kanmu, nazu nu marapengan mu, arusay nanni na varasa' 'uway'uy.>>
trematrangis kana Yērusalem
41i Yēsu a raredek lra i Yērusalem mu, mena'u kanizu na kazekalran, zi trematrangis kantaw, 42marengay: <<kiyalriman harem kana wari malrazam u kana kireeman kannu na pareka'iyanava na lremak, mawmu harem kemazu u 'azi marulrazam. 43meraredek lra na wari, nu azu nannu 'alra dadapur kana dare' melitrung kannu, sikipaw u kemay i paliyus. 44tu i patuwalre'ayay u palremes nazu zi nannu zinekalranan kana iliveng na 'alaz i kazekalran i savakan, 'azi vavilinen za sasaya varasa' kana zuma na saya na varasa' i itras, 'alrana 'azi u pakanumaw mena'u kanantu iyavaaw na Viruwa i itras azu na wari.>>
kemirungetr kana vangesar ruma'
(Matay 21.12-17; Maruko 11.15-19; Yohanē 2.13-22)
45a musavak i Yēsu kana vangesar ruma', tu verelranganay na matriyamatrima' na trau, 46marengay kanazu: <<kana Sēsiyo vinavalrayan kanantu ngay na Viruwa i itras marengay: <nanku na vangesar ruma' utu kiyaanunan na ruma'>, mawmu i inmu venaliyasaw putu ruma' kana male'es lra!>>
47i Yēsu kana wariwari ziya mu kazu kana vangesar ruma' pananadam za trau. na ma'izang na rahan, na sinsi kana Sēsiyo, zi na kemakezeng kana zinekalranan mu papiyanatray kantaw, 48mawmu 'azi malrazam za kuwadakudain; 'alrana zinekalranan mu sahar kinger kantaw mapiya, kingkinger kanantu vinavati ziyan.
Právě zvoleno:
Luka 19: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 19
19
i Yēsu zi i Sakay
1i Yēsu mukuwa i Yēliko na kazekalran, penauwa makaalrang kanizu na kazekalran mu. 2kanizu na kinazuwan ulra sasa tu ma'izang na kisasata, mingadan kani Sakay, maw na mipaisuwan na trau. 3i Sakay kamarangeran mena'u kani Yēsu za maw a kemuda na trau, mawmu kaalusuwan, kana kazuwan na trau i savakan mu 'azi maruwa mena'u kani Yēsu. 4zi pavekas i intaw kazu i ngawayan kana trau, muitras za sarakazan kana talriyuz, menana'u kani Yēsu, 'alrana makaalrang i Yēsu kanini na dalan. 5i Yēsu makawang meredek kanizu na kinazuwan, teme'ang mena'u kani Sakay, marengay kantaw: <<Sakay, kadika ulusu! harem kana wari 'azi ku ka'azi kaazu kanmu.>>
6mahelrahelr mulusu i Sakay, kasemangalan temara kani Yēsu. 7mena'u mapiya na trau mu maselru marengay: <<ini na trau maruwaruwa mukuwa mutu lavang kana ruma' na mipinamelriyan na trau!>>
8marahan i Sakay marengay kani Luzu: <<Luzu a, ku pinieman na parekazuwa ku i sepadanay veray kana kalramalraman na trau; nu 'emuli'ulid ku lra kani eman mu, parevelaliyas ku kantaw za pinakapata.>>
9marengay i Yēsu kantaw: <<harem kana wari na ikalraman venaaw raredek kanini na ruma', 'alrana ini na trau mu mararesan maw tu temuwan ni Aburaham. 10zuwa na Alrak na trau maw maaya' zi venaaw kana zemelengan na trau.>>
na paruwalruwan kana pakarunan zi na kimpiya
(Matay 25.14-30)
11kiyangkinger ziya kanini na ngay mapiya mu, marengay ziya i Yēsu za saya paruwalruwan kanazu. a azu, i Yēsu adalrep lra meredek i Yērusalem, uwala'esi lra na pinitrepa tu kezang na Viruwa i itras kema nazu. 12marengay i Yēsu: <<ulra sasa a miruma' za yawayawan na trau makuwa i dawilr, uri kipatikezir mutu yawan, zi muruma'. 13a masikasik makuwa pakangawayan mu, tu pazuwayaw na papulu' tu pakarunan, verayay za saya kimpiya kurisaesa, marengay: <nu iniyan ku mu, elaku ini na paisu uwa kimatrima' i inmu, na'u za kararuwa mu mietan za manueman.> 14na trau kanantu kanatal tu kemazuwan awiles kantaw, pakarun za paruveli kantaw mukuwa marengaya: <amanan ini na trau putu yawan kaniyam.>
15<<izu na miruma' za yawayawan na trau kipatikezir mutu yawan a muruma' lra, payas semeratr kanazu na kiveray lra za kimpiya na pakarunan pazuwa kantaw i ngawayan, maranger malrazam kanazu kurisaesa za kimatrima' zi mietan za manueman. 16na inguwanguwayan zuwa marengay: <tawki, ku pimanayaw nannu iveray izu na kimpiya mietan za muketrep kimpiya.> 17marengay na tawki: <'inava! maw u a 'inava na pakarunan; nu maw kazu u kanini na makiteng na lremak katalrimayan mu, pakarun ku kannu demikes mena'u kana muketrep na kazekalran.> 18zuwa na pukazuwa na pakarunan marengay: <tawki, ku pimanayaw izu nannu iveray na kimpiya kimatrima' zi mietan za lruwatra kimpiya.> 19marengay kantaw na tawki: <kuwaazu dadikes u kana lruwatra na kazekalran.> 20ulra ziya a sasa na pakarunan zuwa marengaya: <tawki, antrini nannu kimpiya; ku liputraw kana himpu. 21taw ku kemazuwan makakaud kannu, 'alrana maw u na pakirungetr na trau. na iniyan za inepetr mu, maelak u ziya; na 'azi sinaleman mu, mare'a'ani u ziya.> 22marengay kantaw na tawki: <i inu na kuwatreng na pakarunan, ku pimanayaw nannu piningayan i inu kemuret kanannu pinamelriyan! nu malrazam u za maw ku na pakirungetr na trau, maelak kana iniyan za inepetr, mare'a'ani kana 'azi sinaleman, 23nu kemazu mu, kemuda zi 'azi u palrasezan ku paisu i gingko, nu muruma' ku lra mu, karuwa melak ziya kanantu taina na paisu zi tu alrak?> 24kemazu zi i intaw marengay kana matikezir i tarawiri tarawalran na trau: <elaku tu kimpiya pukuwani, verayan kanizu na ulra za muketrep kimpiya na pakarunan.> 25marengay nazu kantaw: <tawki, ulra lra muketrep tu kimpiya.> 26marengay na tawki: <marengaya ku kanmu, izu na ulra lra mu, vaverayay puwapuwa za sazu; izu na iniyan mu, arusay na ulra kantaw 'a'araway melak peniya. 27kema ta kanazu na 'azi muwai putu yawan kaninku nazu na 'alra, urungu pukuwani nazu, pinatrayu i ngawayan kaninku mu!> >>
milihu mukuwa i Yērusalem
(Matay 21.1-11; Maruko 11.1-11; Yohanē 12.12-19)
28piya maregay kananni na ngay mu, i Yēsu kazu i ngawayan kemakawang, makuwa i Yērusalem, 29uri raredek lra i Bētfaki zi i Bētaniya, tremepa i Olēv zenan mukuwa mu, i Yēsu pakarun za zazuwa kana temakesi iyanguwayan mukuwa. 30patalru kanazu marengay: <<uwa i ngawayan kana zekalr i inmu, nu mukuwa mu mu, nana'u za saya za makiteng na 'azi ziya inuitrasan za trau a rova irekep i kazu. i inmu vakevaki i intaw, kezengu pukuwani. 31nu ulra a trau kiyumalr kanmu za kemuda zi vakevakay na makiteng na rova, marengaya mu za: <maanayin ni Luzu#19.31 <<Luzu>> karuwa marengay za <<kanantu ma'izang>>..> >>
32mukuwa lra nazu, tu nina'uwan penauwa mararesan kanantu nirengay ni Yēsu kanazu. 33a venakevak nazu kana makiteng na rova mu, kiyumalr na mirova na trau kanazu: <<kemuda zi mu vakevakay na makiteng na rova awa?>>
34temuvang nazu: <<maanayin ni Luzu i intaw.>> 35kemazu zi kemezeng kana makiteng na rova mukuwa kani Yēsu i ngawayan nazu, tu sapayanay nantu kavang i intaw kana rova i itras, tu rakazaw i Yēsu puitras. 36a mungawayan i Yēsu mu, na trau mapiya melak kanantu kavang lre'apanay i dadalan.
37a adalrep i Yērusalem i intaw, meredek kana panuwanun i Olēv zenan mu, na kurelrang kani Yēsu na zinekalranan mena'u kanini na karepalripalri peniya zi lrayuwan kana Viruwa i itras, kematamuni 'emuy'uy: 38<<kiyalriman kana Viruwa i itras veray za ka'inavayan kana pakalrang kanantu ngadan ni Luzu zi zuwa na yawan! i itras ulra na paresaresan, na lihu kaya kana maraitraitras na Viruwa i itras!>>
39kana zinekalranan i savakan ulra papida Palisay na trau kema marengay kani Yēsu: <<sinsi, seratri nannu temakesi mapenga a!>>
40temuvang i Yēsu: <<marengay ku kanmu, nazu nu marapengan mu, arusay nanni na varasa' 'uway'uy.>>
trematrangis kana Yērusalem
41i Yēsu a raredek lra i Yērusalem mu, mena'u kanizu na kazekalran, zi trematrangis kantaw, 42marengay: <<kiyalriman harem kana wari malrazam u kana kireeman kannu na pareka'iyanava na lremak, mawmu harem kemazu u 'azi marulrazam. 43meraredek lra na wari, nu azu nannu 'alra dadapur kana dare' melitrung kannu, sikipaw u kemay i paliyus. 44tu i patuwalre'ayay u palremes nazu zi nannu zinekalranan kana iliveng na 'alaz i kazekalran i savakan, 'azi vavilinen za sasaya varasa' kana zuma na saya na varasa' i itras, 'alrana 'azi u pakanumaw mena'u kanantu iyavaaw na Viruwa i itras azu na wari.>>
kemirungetr kana vangesar ruma'
(Matay 21.12-17; Maruko 11.15-19; Yohanē 2.13-22)
45a musavak i Yēsu kana vangesar ruma', tu verelranganay na matriyamatrima' na trau, 46marengay kanazu: <<kana Sēsiyo vinavalrayan kanantu ngay na Viruwa i itras marengay: <nanku na vangesar ruma' utu kiyaanunan na ruma'>, mawmu i inmu venaliyasaw putu ruma' kana male'es lra!>>
47i Yēsu kana wariwari ziya mu kazu kana vangesar ruma' pananadam za trau. na ma'izang na rahan, na sinsi kana Sēsiyo, zi na kemakezeng kana zinekalranan mu papiyanatray kantaw, 48mawmu 'azi malrazam za kuwadakudain; 'alrana zinekalranan mu sahar kinger kantaw mapiya, kingkinger kanantu vinavati ziyan.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023