Luka 18
18
na paruwalruwan kana inavangulr zi na hokang
1marengay i Yēsu kana temakesi za saya a paruwalruwan, karayas kiyanun kema kanazu, itatelak za anger. 2marengay i intaw: <<ulra i kazekalran a sasa hokang, 'azi kemaira kemakaud kana Viruwa i itras, zi 'azi semanueman za trau. 3izu na kazekalran ulra a sasa inavangulr marayas mukuwa kirepana'uwa kantaw, kiyami kantaw za pupeduk paresaresan, sayvang kanantu kina'ilremesan na trau. 4ini na hokang marayas tu katatelrawaw na wari, mawmu kimiyaanger lra i likuzan: ara 'aziya ku kemaira kemakaud kana Viruwa i itras, zi 'azi semanueman za trau, 5mawmu ini na inavangulr 'azi maziyaazi zuwa meringiza kaninku, para'inava lra puwalrangay marengay papatezelr, munu marayas zuwa i intaw, 'azi maziyaazi meraringiz.>>
6tremungulr marengay i Luzu: <<kingeri i inmu tu ngay izu na 'azi penatezelr na hokang a! 7na Viruwa i itras kamelriya lra 'azi muwai paruveli kanazu na miyawari kiyaami kantaw kipuwalrang marengay papatezelr na zinekalranan ziyamaw? tu i puwariyay puwalrang kanazu ziyamaw? 8marengaya ku kanmu, i intaw 'azika'azi dikadika puwalrang marengay papatezelr kanazu. mawmu, nu meredek na Alrak na trau nu azu mu, i intaw karuwa atrevung i punapunan za kemani na pakutatena'an ziyamaw?>>
na paruwalruwan kana Palisay na trau zi na kisasata
9i Yēsu marengay ziya za zuma a saya za paruwalruwan, maw mararengay kanazu na penatezelra ku kema i intaw zi 'azi seme'er kana trau. marengay i intaw: 10<<ulra a zazuwa mukuwa kana vangesar ruma' kiyanun: na sasa mu a Palisay na trau, na sasa maw na kisasata. 11izu na Palisay na trau kazu kemamatras matikezir, kema kiyanun marengay:#18.11 <<kazu kemamatras matikezir, kema kiyanun marengay>> pakazuma ulra pidaya awatranan lulun vinavalray za <<katikezir, malrenguwadengud kiyanun kema marengay>> (na'u kana Matay 6.5). <na Viruwa i itras a, lrayuwan ku kannu, 'alrana 'azi ku kamawan kana zuma na trau kemazu kana alengatr, 'azi penatezelr, semasiya' zemanga, zi 'azi ku kamawan lra kanizu na kisasata. 12'emiway ku parepuwan kana saliyusan, zi semunan ziya kana inuvalesan peniya za saya kana pinakamuketrep.> 13mawmu izu na kisasata matikezir i dawilr, arusay makaud mena'u piyaitras, mawmau tremunetrun za tu taherang marengay: <na Viruwa i itras a, kalramanaw ku na mipinamelriyan na trau!> 14marengaya ku kanmu, nu muveruk ini na zazuwa mu, kanantu iyana'u na Viruwa i itras na penatezelr na trau mu maw izu na kisasata, zi amelri izu na Palisay na trau. 'alrana na Viruwa i itras tu pulusuwaw izu na matras na trau, mawmu papuitras kana kemaira i intaw na trau.>>
i Yēsu 'emaperez kana lralrak
(Matay 19.13-15; Maruko 10.13-16)
15ulra a trau murung kanantu vu'enin zuwa kirepana'uwa kani Yēsu, papadikes kani Yēsu kanazu. mena'u na temakesi lra, zi maselru kanazu. 16mawmu venina i Yēsu kana lralrak pazuwa kantaw i ngawayan, marengay: <<pazuwayu na lralrak kaninku i kani, itatala' kanazu, 'alrana zinekalranan kana kanatal na Viruwa i itras penauwa maw na kamawan kanazu na kemani na trau. 17patuangeru i inmu: na 'azi kamawan kana lralrak kituluz kana pinitrepa tu kezang na Viruwa i itras na trau mu, ka'azi'aziyan karuwa mutu zinekalranan kantaw.>>
tu kakuwalengan na miyaeman na tawki
(Matay 19.10-30; Maruko 10.17-31)
18ulra a sasa tu ayawan i Yodaya na trau zuwa kipanadama kani Yēsu marengay: <<na mi'inavayan na sinsi, kemudaya ku zi karuwa ku kiveray kana uwavaawan munayun awa?>>
19kiyumalr kantaw i Yēsu: <<kemuda zi kema u kaninku za mi'inavayan ziyamaw? mawmau na Viruwa i itras a sasa pakazuma, iniyan lra za mi'inavayan. 20'azi u ka'azi malrazam kana kuret kanantu kinakuret: <isasiya'; ipiyanatray za trau; itratrakaw; ivavetra' wasay; kirungetru mena'u na ma'izangan.> >>
21temuvang izu na trau: <<ini na kuret peniya miturus ku lra kemay kinamakitengan.>>
22kinger i Yēsu kanini na ngay mu, masalr marengay kantaw: <<'azi u ziya penauwa za saya. uwa trima'an nannu piniemanan peniya, na paisu verayan kana kalramalraman na trau; kemazu mu miinepetr u za pinieman i itras; zi alamu kurelrang kaninku.>> 23a kinger izu na trau kanini na ngay mu, zi sipeleng, 'alrana salaw miyaeman i intaw.
24mena'u i Yēsu kantaw, zi marengay: <<na mipaisuwan na trau utu zinekalranan kana kanatal na Viruwa i itras mu kemuda kana kakuwalengan a! 25na mipaisuwan na trau nu utu zinekalranan kana kanatal na Viruwa i itras mu marakakuwalengan kana rakuda za mulisek kana vuwang na daum!>>
26na kinger kanini na ngay na trau mu kiyumalr: <<nu kema ta mu, ulra i eman na karuwa muvaaw ziyamaw?>>
27marengay i Yēsu: <<na 'azi kararuwa na trau mu, na Viruwa i itras maruwa peniya.>>
28a azu, marengay i Pētēro: <<na'uwi, mi retra'anay lra niyam ruma' zuwa kurelranga kannu.>>
29marengay i Yēsu: <<ai, penatezelra ku marengay kanmu, na muramawan kana kanatal na Viruwa i itras zi meretra' kanantu ruma', 'azin, wadiyan, ma'izangan, zi za lralrak mu, 30kazu harem i punapunan 'azika'azi aelak za marasazu, pawnung nu aziyu lra pa'inava za uwavaawan munayun.>>
i Yēsu karetatelun putralri marengay kanantu kiyanatrayan
(Matay 20.17-19; Maruko 10.32-34)
31i Yēsu tu pilralrangaw na papulu' zi zazuwa na sito mukuwa i saninin, marengay kanazu: <<makuwa ta i Yērusalem harem; tu vinavalray na patralritralri na kireeman kana Alrak na trau na saya saya na lremak ula'esi peniya. 32uri tatuluzanay i lima taw kana sizumayan na trau i intaw; temariyaeman kantaw nazu, semiri kantaw, temama za ngalay kantaw, 33zi melrepit ziya kantaw, pinatray kantaw; mawmu katelu wari, kavavaaw i intaw.>>
34na temakesi 'azi malrazam za saya saya kananni na lremak, kanantu nirengay ni Yēsu na ngay mu 'azi malrazalrazam, 'alrana nazu na ngay tu pauwayan mu maw mulrasez.
i Yēsu paka'inava kana mavutri' na pakusiya
(Matay 20.29-34; Maruko 10.46-52)
35i Yēsu meredek kana adalrep i Yēliko na kinazuwan, ulra a sasa mavutri' kemayan i ngaydiran kana dalan kiyaveray za maderu. 36kinger i intaw za melalavat a zinekalranan, zi kiyumalr maw za eman lremak.
37ulra a trau marengay kantaw: <<penauwa za makaalrang i kani na Nazalē i Yēsu.>>
38zi 'emuy'uy i intaw: <<na Alrak ni Davidē i Yēsu a, kalramanaw ku a!>>
39na kazu i ngawayan kantaw kemakawang na trau mu maselru kantaw, apapeng kema kantaw. mawmu i intaw puwapuwa tamuni 'emuy'uy: <<na Alrak ni Davidē a, kalramanaw ku mu!>>
40zi maziyazi i Yēsu, patalru za murung kana mavutri' zuwa i nguwayan kantaw. a mungawayan i intaw mu, kiyumalr i Yēsu kantaw: 41<<kakudayanay ku za eman kema u kaninku?>>
temuvang i intaw: <<Luzu a, maruwaya ku mena'u!>>
42marengay i Yēsu kantaw: <<mena'uwa u lra! paka'inava lra kannu nannu pakutatena'an.>>
43na mavutri' payas maruwa mena'u, zi kurelrang kani Yēsu, makadadalan semenay pulihu kana Viruwa i itras. mena'u na zinekalranan kanini na lremak, kemazu semenay pulihu kana Viruwa i itras.
Právě zvoleno:
Luka 18: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 18
18
na paruwalruwan kana inavangulr zi na hokang
1marengay i Yēsu kana temakesi za saya a paruwalruwan, karayas kiyanun kema kanazu, itatelak za anger. 2marengay i intaw: <<ulra i kazekalran a sasa hokang, 'azi kemaira kemakaud kana Viruwa i itras, zi 'azi semanueman za trau. 3izu na kazekalran ulra a sasa inavangulr marayas mukuwa kirepana'uwa kantaw, kiyami kantaw za pupeduk paresaresan, sayvang kanantu kina'ilremesan na trau. 4ini na hokang marayas tu katatelrawaw na wari, mawmu kimiyaanger lra i likuzan: ara 'aziya ku kemaira kemakaud kana Viruwa i itras, zi 'azi semanueman za trau, 5mawmu ini na inavangulr 'azi maziyaazi zuwa meringiza kaninku, para'inava lra puwalrangay marengay papatezelr, munu marayas zuwa i intaw, 'azi maziyaazi meraringiz.>>
6tremungulr marengay i Luzu: <<kingeri i inmu tu ngay izu na 'azi penatezelr na hokang a! 7na Viruwa i itras kamelriya lra 'azi muwai paruveli kanazu na miyawari kiyaami kantaw kipuwalrang marengay papatezelr na zinekalranan ziyamaw? tu i puwariyay puwalrang kanazu ziyamaw? 8marengaya ku kanmu, i intaw 'azika'azi dikadika puwalrang marengay papatezelr kanazu. mawmu, nu meredek na Alrak na trau nu azu mu, i intaw karuwa atrevung i punapunan za kemani na pakutatena'an ziyamaw?>>
na paruwalruwan kana Palisay na trau zi na kisasata
9i Yēsu marengay ziya za zuma a saya za paruwalruwan, maw mararengay kanazu na penatezelra ku kema i intaw zi 'azi seme'er kana trau. marengay i intaw: 10<<ulra a zazuwa mukuwa kana vangesar ruma' kiyanun: na sasa mu a Palisay na trau, na sasa maw na kisasata. 11izu na Palisay na trau kazu kemamatras matikezir, kema kiyanun marengay:#18.11 <<kazu kemamatras matikezir, kema kiyanun marengay>> pakazuma ulra pidaya awatranan lulun vinavalray za <<katikezir, malrenguwadengud kiyanun kema marengay>> (na'u kana Matay 6.5). <na Viruwa i itras a, lrayuwan ku kannu, 'alrana 'azi ku kamawan kana zuma na trau kemazu kana alengatr, 'azi penatezelr, semasiya' zemanga, zi 'azi ku kamawan lra kanizu na kisasata. 12'emiway ku parepuwan kana saliyusan, zi semunan ziya kana inuvalesan peniya za saya kana pinakamuketrep.> 13mawmu izu na kisasata matikezir i dawilr, arusay makaud mena'u piyaitras, mawmau tremunetrun za tu taherang marengay: <na Viruwa i itras a, kalramanaw ku na mipinamelriyan na trau!> 14marengaya ku kanmu, nu muveruk ini na zazuwa mu, kanantu iyana'u na Viruwa i itras na penatezelr na trau mu maw izu na kisasata, zi amelri izu na Palisay na trau. 'alrana na Viruwa i itras tu pulusuwaw izu na matras na trau, mawmu papuitras kana kemaira i intaw na trau.>>
i Yēsu 'emaperez kana lralrak
(Matay 19.13-15; Maruko 10.13-16)
15ulra a trau murung kanantu vu'enin zuwa kirepana'uwa kani Yēsu, papadikes kani Yēsu kanazu. mena'u na temakesi lra, zi maselru kanazu. 16mawmu venina i Yēsu kana lralrak pazuwa kantaw i ngawayan, marengay: <<pazuwayu na lralrak kaninku i kani, itatala' kanazu, 'alrana zinekalranan kana kanatal na Viruwa i itras penauwa maw na kamawan kanazu na kemani na trau. 17patuangeru i inmu: na 'azi kamawan kana lralrak kituluz kana pinitrepa tu kezang na Viruwa i itras na trau mu, ka'azi'aziyan karuwa mutu zinekalranan kantaw.>>
tu kakuwalengan na miyaeman na tawki
(Matay 19.10-30; Maruko 10.17-31)
18ulra a sasa tu ayawan i Yodaya na trau zuwa kipanadama kani Yēsu marengay: <<na mi'inavayan na sinsi, kemudaya ku zi karuwa ku kiveray kana uwavaawan munayun awa?>>
19kiyumalr kantaw i Yēsu: <<kemuda zi kema u kaninku za mi'inavayan ziyamaw? mawmau na Viruwa i itras a sasa pakazuma, iniyan lra za mi'inavayan. 20'azi u ka'azi malrazam kana kuret kanantu kinakuret: <isasiya'; ipiyanatray za trau; itratrakaw; ivavetra' wasay; kirungetru mena'u na ma'izangan.> >>
21temuvang izu na trau: <<ini na kuret peniya miturus ku lra kemay kinamakitengan.>>
22kinger i Yēsu kanini na ngay mu, masalr marengay kantaw: <<'azi u ziya penauwa za saya. uwa trima'an nannu piniemanan peniya, na paisu verayan kana kalramalraman na trau; kemazu mu miinepetr u za pinieman i itras; zi alamu kurelrang kaninku.>> 23a kinger izu na trau kanini na ngay mu, zi sipeleng, 'alrana salaw miyaeman i intaw.
24mena'u i Yēsu kantaw, zi marengay: <<na mipaisuwan na trau utu zinekalranan kana kanatal na Viruwa i itras mu kemuda kana kakuwalengan a! 25na mipaisuwan na trau nu utu zinekalranan kana kanatal na Viruwa i itras mu marakakuwalengan kana rakuda za mulisek kana vuwang na daum!>>
26na kinger kanini na ngay na trau mu kiyumalr: <<nu kema ta mu, ulra i eman na karuwa muvaaw ziyamaw?>>
27marengay i Yēsu: <<na 'azi kararuwa na trau mu, na Viruwa i itras maruwa peniya.>>
28a azu, marengay i Pētēro: <<na'uwi, mi retra'anay lra niyam ruma' zuwa kurelranga kannu.>>
29marengay i Yēsu: <<ai, penatezelra ku marengay kanmu, na muramawan kana kanatal na Viruwa i itras zi meretra' kanantu ruma', 'azin, wadiyan, ma'izangan, zi za lralrak mu, 30kazu harem i punapunan 'azika'azi aelak za marasazu, pawnung nu aziyu lra pa'inava za uwavaawan munayun.>>
i Yēsu karetatelun putralri marengay kanantu kiyanatrayan
(Matay 20.17-19; Maruko 10.32-34)
31i Yēsu tu pilralrangaw na papulu' zi zazuwa na sito mukuwa i saninin, marengay kanazu: <<makuwa ta i Yērusalem harem; tu vinavalray na patralritralri na kireeman kana Alrak na trau na saya saya na lremak ula'esi peniya. 32uri tatuluzanay i lima taw kana sizumayan na trau i intaw; temariyaeman kantaw nazu, semiri kantaw, temama za ngalay kantaw, 33zi melrepit ziya kantaw, pinatray kantaw; mawmu katelu wari, kavavaaw i intaw.>>
34na temakesi 'azi malrazam za saya saya kananni na lremak, kanantu nirengay ni Yēsu na ngay mu 'azi malrazalrazam, 'alrana nazu na ngay tu pauwayan mu maw mulrasez.
i Yēsu paka'inava kana mavutri' na pakusiya
(Matay 20.29-34; Maruko 10.46-52)
35i Yēsu meredek kana adalrep i Yēliko na kinazuwan, ulra a sasa mavutri' kemayan i ngaydiran kana dalan kiyaveray za maderu. 36kinger i intaw za melalavat a zinekalranan, zi kiyumalr maw za eman lremak.
37ulra a trau marengay kantaw: <<penauwa za makaalrang i kani na Nazalē i Yēsu.>>
38zi 'emuy'uy i intaw: <<na Alrak ni Davidē i Yēsu a, kalramanaw ku a!>>
39na kazu i ngawayan kantaw kemakawang na trau mu maselru kantaw, apapeng kema kantaw. mawmu i intaw puwapuwa tamuni 'emuy'uy: <<na Alrak ni Davidē a, kalramanaw ku mu!>>
40zi maziyazi i Yēsu, patalru za murung kana mavutri' zuwa i nguwayan kantaw. a mungawayan i intaw mu, kiyumalr i Yēsu kantaw: 41<<kakudayanay ku za eman kema u kaninku?>>
temuvang i intaw: <<Luzu a, maruwaya ku mena'u!>>
42marengay i Yēsu kantaw: <<mena'uwa u lra! paka'inava lra kannu nannu pakutatena'an.>>
43na mavutri' payas maruwa mena'u, zi kurelrang kani Yēsu, makadadalan semenay pulihu kana Viruwa i itras. mena'u na zinekalranan kanini na lremak, kemazu semenay pulihu kana Viruwa i itras.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023