Luka 17
17
venavati kana pinamelriyan
(Matay 18.6-7, 21-22; Maruko 9.42)
1marengay i Yēsu kanantu temakesi: <<na papamelri kana trau na lremak mu 'azika'azi kazu, mawmu na demaway kanini na lremak na trau mu uwaelep lra za kuwatrengan! 2mara'inava tilu'ay kana ma'izang na varasa' na ailangan kanantu ni'en, tenepanay i intaw kana lrevek; nu kemani mara'inava ziya kana i intaw nu papamelri kani i eman na 'azi kirungerungetr na trau. 3karayas temaranapaw i inmu!
<<nu pamelri nannu wadadiyan, zi panadam papuanger kantaw; nu muasalr lra i intaw, zi lapusi i intaw. 4nu kazu za saya wari parepitun pamelri kannu i intaw mu, masamasalr mareveliyas marengay kannu: <muasalr ku lra>, 'azika'azi melapus kantaw i inu.>>
venavati za pakutatena'
5marengay na sito kani Luzu: <<'alrazi puwapuwai naniyam pakutatena'an!>>
6marengay i Luzu: <<nu mipakutatena'an mu za kamuwan kana saya 'apiyar na karasina tu ka'izang mu, zi marengay kanini na talriyuz kawi: <zulrutru matarami, uwa saleman i savakan kana lrevek!> kuwaazu kinger kanmu.>>
tu zelreng na pakarunan
7<<i savakan kanmu nu ulra a pakarunan za muwa'uma zi za puwarikan za takulris mu, nu kemay 'uma muruma' i intaw mu, rarengay u nay kantaw za <pakunamun kemayan zi ekan>? 8'azi kakuwa! kakuwa u marenay kantaw: <iyanguwayan padang kananku keravien, pisukun, tarayaw ku, ngara kaninku za piya lra mekan mu, ekan lra i inu.> 9na pakarunan paturus kanantu ipatalru na tawki kikarun, kamelriya lra sasungal ziya na tawki kantaw ziyamaw? 10kuwaazu mu maresan. nu piya mu lra kanantu ipaturu na Viruwa i itras kanmu za kikarunan ziya mu, rarengay za: <a maw mi na 'azi pakakudain na pakarunan; mawmau piya mi kananiyam pinitrepa na kiyakarunan.> >>
paka'inava kana papulu' na malripay na trau
11i Yēsu kazu kana makuwa i Yērusalem na dalan mu, makalrang i Samaliya zi i Galili kana paduk na pinidare'an. 12a mukuwa za saya kana zekalr i intaw mu, ulra a papulu' na malripay na trau trempa kantaw zuwa. nazu matikezir i dawilr, 13kematamuni 'emui'uy marengay: <<Yēsu, sinsi a, kalramanaw mi mu!>>
14a mena'u lra i Yēsu mu, marengay kanazu: <<uwa i inmu, pakinsayan nanmu zazek kana rahan a!>>
a makuwa nazu mu mukirungetr lra. 15ulra a sasa kanazu mena'u kantaw i intaw za 'inava lra, payas mahelrahelr mareveliyas, kematamuni semenay pulihu kana Viruwa i itras. 16zi mihelrupu i ngawayan kani Yēsu lrayuwan kantaw. ini maw a Samaliya na trau. 17marengay i Yēsu: <<papulu' na kipaka'inava, na zuma na aiwa ulra i iyan awa? 18kemuda zi mawmau ini na trau i 'alra'alra mareveliyas zuwa lrayuwan kana Viruwa i itras awa?>> 19kemazu zi marengay i Yēsu kantaw: <<karahan, uwa lra! tu paka'inavayaw u lra kanannu pakutatena'an.>>
pula'esi kana Viruwa i itras tu pinitrepa na kezang
(Matay 24.23-28, 37-41)
20ulra papida Palisay na trau zuwa kiyumalra kani Yēsu, maranger malrazam kana Viruwa i itras tu pinitrepa na kezang ula'esi nu aidan. temuvang i Yēsu: <<ula'esi na Viruwa i itras tu pinitrepa na kezang mu amelri na matra na karuwa mena'u. 21iniyan za trau maruwa marengay: <na'uwi mu, ulra i kani!> zi za <kazu i kaziyu i intaw!> 'alrana tu pinitrepa na kezang kana Viruwa i itras maw kazu kananmu anger!#17.21 <<kazu kanmu anger>> karuwa marengay za <<kazu kanmu i savak>> zi za <<maherareher mupana kanmu i savak>>.>>
22patrungulr, marengay ziya kana temakesi i intaw: <<uri raredek lra na wari, maranger mu mena'u kana Alrak na trau za demikes kana kezang na wari za meredek, mawmu 'azi pakana'u. 23ulra a trau za rarengay kanmu: <na'uwi, antriyu> zi za <na'uwi, antrini>, inmu iuwapatraran mena'u, zi iauwa kurelranga kanazu. 24kamawan kana truli' semelrap i lingatr, kemay kana lingatr i kani pasenan palru i kaziyu, tu zazuwa na wari kana Alrak na trau a maw kemani. 25mawmu 'azika'azi iyanguwayan kipakaulep za sazu i intaw, ki'atelr kanini na ziday na trau. 26penauwa kamawan kana ziday ni Nowa, tu zazuwa na Alrak na trau na wari mu maw maresan. 27a azu na ziday na trau kemazu maekan tremekel mi'a'azin, palru za musavak kana sudang i Nowa kanizu na wari, meredek na ngalun, papalremesaw lra nazu mapiya. 28tu zazuwa na wari kana Alrak na trau, kamuwan ziya kana ziday ni Lot; na trau a azu kana ziday kemazu mekan tremekel, kemazu matrimatrima', zi muwa'uma semalem zi pararahan demaway. 29palru kani Lot za muveruk i Sotoma kanizu na wari, mulusu kemay i itras na apuy zi na liyusang, palremesaw lra mapiya nazu. 30nu kurena'u na Alrak na trau kanizu na wari kuwanani.
31<<kanizu na wari, na kazu i itras kana sa'uv, iuwalusu musavak kana ruma' melak kanantu eman; mararesan, na kazu i 'uma kiyakarun mu, kuwaazu iuwaruma'. 32patuangeru kanantu inuelep tu 'azin ni Lot! 33izu na maranger venaaw kanantu uwavaawan mu, uwalremes za uwavaawan; izu na malremes tu uwavaawan mu, waepetr za uwavaawan. 34marengaya ku kanmu, kanizu na karauvan, zazuwa na mi'ezeng kana saya na sa'esa', urungaw muveruk na sasa, vilinaw na sasa; 35zazuwa a vavayan mukasa mailang, tu urungaw muveruk na sasa, vilinaw na sasa.#17.35 ulra pidaya na awatranan na valray puwayay za 36 vatras <<zazuwa na trau kazu i 'uma kiyakarun, sasa tu pilralrangaw muveruk, sasa muvilin.>> (na'u kana Matay24.40)>>
37kiyumalr na temakesi marengay: <<Luzu a, nanni na lremak uwapana i iyan awa?>>
temuvang i Yēsu: <<na inulid nu kazu i iyan mu, kazu muwazuk na ma'unal na 'adawisan.>>
Právě zvoleno:
Luka 17: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 17
17
venavati kana pinamelriyan
(Matay 18.6-7, 21-22; Maruko 9.42)
1marengay i Yēsu kanantu temakesi: <<na papamelri kana trau na lremak mu 'azika'azi kazu, mawmu na demaway kanini na lremak na trau mu uwaelep lra za kuwatrengan! 2mara'inava tilu'ay kana ma'izang na varasa' na ailangan kanantu ni'en, tenepanay i intaw kana lrevek; nu kemani mara'inava ziya kana i intaw nu papamelri kani i eman na 'azi kirungerungetr na trau. 3karayas temaranapaw i inmu!
<<nu pamelri nannu wadadiyan, zi panadam papuanger kantaw; nu muasalr lra i intaw, zi lapusi i intaw. 4nu kazu za saya wari parepitun pamelri kannu i intaw mu, masamasalr mareveliyas marengay kannu: <muasalr ku lra>, 'azika'azi melapus kantaw i inu.>>
venavati za pakutatena'
5marengay na sito kani Luzu: <<'alrazi puwapuwai naniyam pakutatena'an!>>
6marengay i Luzu: <<nu mipakutatena'an mu za kamuwan kana saya 'apiyar na karasina tu ka'izang mu, zi marengay kanini na talriyuz kawi: <zulrutru matarami, uwa saleman i savakan kana lrevek!> kuwaazu kinger kanmu.>>
tu zelreng na pakarunan
7<<i savakan kanmu nu ulra a pakarunan za muwa'uma zi za puwarikan za takulris mu, nu kemay 'uma muruma' i intaw mu, rarengay u nay kantaw za <pakunamun kemayan zi ekan>? 8'azi kakuwa! kakuwa u marenay kantaw: <iyanguwayan padang kananku keravien, pisukun, tarayaw ku, ngara kaninku za piya lra mekan mu, ekan lra i inu.> 9na pakarunan paturus kanantu ipatalru na tawki kikarun, kamelriya lra sasungal ziya na tawki kantaw ziyamaw? 10kuwaazu mu maresan. nu piya mu lra kanantu ipaturu na Viruwa i itras kanmu za kikarunan ziya mu, rarengay za: <a maw mi na 'azi pakakudain na pakarunan; mawmau piya mi kananiyam pinitrepa na kiyakarunan.> >>
paka'inava kana papulu' na malripay na trau
11i Yēsu kazu kana makuwa i Yērusalem na dalan mu, makalrang i Samaliya zi i Galili kana paduk na pinidare'an. 12a mukuwa za saya kana zekalr i intaw mu, ulra a papulu' na malripay na trau trempa kantaw zuwa. nazu matikezir i dawilr, 13kematamuni 'emui'uy marengay: <<Yēsu, sinsi a, kalramanaw mi mu!>>
14a mena'u lra i Yēsu mu, marengay kanazu: <<uwa i inmu, pakinsayan nanmu zazek kana rahan a!>>
a makuwa nazu mu mukirungetr lra. 15ulra a sasa kanazu mena'u kantaw i intaw za 'inava lra, payas mahelrahelr mareveliyas, kematamuni semenay pulihu kana Viruwa i itras. 16zi mihelrupu i ngawayan kani Yēsu lrayuwan kantaw. ini maw a Samaliya na trau. 17marengay i Yēsu: <<papulu' na kipaka'inava, na zuma na aiwa ulra i iyan awa? 18kemuda zi mawmau ini na trau i 'alra'alra mareveliyas zuwa lrayuwan kana Viruwa i itras awa?>> 19kemazu zi marengay i Yēsu kantaw: <<karahan, uwa lra! tu paka'inavayaw u lra kanannu pakutatena'an.>>
pula'esi kana Viruwa i itras tu pinitrepa na kezang
(Matay 24.23-28, 37-41)
20ulra papida Palisay na trau zuwa kiyumalra kani Yēsu, maranger malrazam kana Viruwa i itras tu pinitrepa na kezang ula'esi nu aidan. temuvang i Yēsu: <<ula'esi na Viruwa i itras tu pinitrepa na kezang mu amelri na matra na karuwa mena'u. 21iniyan za trau maruwa marengay: <na'uwi mu, ulra i kani!> zi za <kazu i kaziyu i intaw!> 'alrana tu pinitrepa na kezang kana Viruwa i itras maw kazu kananmu anger!#17.21 <<kazu kanmu anger>> karuwa marengay za <<kazu kanmu i savak>> zi za <<maherareher mupana kanmu i savak>>.>>
22patrungulr, marengay ziya kana temakesi i intaw: <<uri raredek lra na wari, maranger mu mena'u kana Alrak na trau za demikes kana kezang na wari za meredek, mawmu 'azi pakana'u. 23ulra a trau za rarengay kanmu: <na'uwi, antriyu> zi za <na'uwi, antrini>, inmu iuwapatraran mena'u, zi iauwa kurelranga kanazu. 24kamawan kana truli' semelrap i lingatr, kemay kana lingatr i kani pasenan palru i kaziyu, tu zazuwa na wari kana Alrak na trau a maw kemani. 25mawmu 'azika'azi iyanguwayan kipakaulep za sazu i intaw, ki'atelr kanini na ziday na trau. 26penauwa kamawan kana ziday ni Nowa, tu zazuwa na Alrak na trau na wari mu maw maresan. 27a azu na ziday na trau kemazu maekan tremekel mi'a'azin, palru za musavak kana sudang i Nowa kanizu na wari, meredek na ngalun, papalremesaw lra nazu mapiya. 28tu zazuwa na wari kana Alrak na trau, kamuwan ziya kana ziday ni Lot; na trau a azu kana ziday kemazu mekan tremekel, kemazu matrimatrima', zi muwa'uma semalem zi pararahan demaway. 29palru kani Lot za muveruk i Sotoma kanizu na wari, mulusu kemay i itras na apuy zi na liyusang, palremesaw lra mapiya nazu. 30nu kurena'u na Alrak na trau kanizu na wari kuwanani.
31<<kanizu na wari, na kazu i itras kana sa'uv, iuwalusu musavak kana ruma' melak kanantu eman; mararesan, na kazu i 'uma kiyakarun mu, kuwaazu iuwaruma'. 32patuangeru kanantu inuelep tu 'azin ni Lot! 33izu na maranger venaaw kanantu uwavaawan mu, uwalremes za uwavaawan; izu na malremes tu uwavaawan mu, waepetr za uwavaawan. 34marengaya ku kanmu, kanizu na karauvan, zazuwa na mi'ezeng kana saya na sa'esa', urungaw muveruk na sasa, vilinaw na sasa; 35zazuwa a vavayan mukasa mailang, tu urungaw muveruk na sasa, vilinaw na sasa.#17.35 ulra pidaya na awatranan na valray puwayay za 36 vatras <<zazuwa na trau kazu i 'uma kiyakarun, sasa tu pilralrangaw muveruk, sasa muvilin.>> (na'u kana Matay24.40)>>
37kiyumalr na temakesi marengay: <<Luzu a, nanni na lremak uwapana i iyan awa?>>
temuvang i Yēsu: <<na inulid nu kazu i iyan mu, kazu muwazuk na ma'unal na 'adawisan.>>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023