Luka 16
16
na paruwalruwan kana 'elrepat na kemiyarungetr kana ruma'
1marengay i Yēsu kanantu temakesi: <<na tawki ulra a sasa tu kemiyarungetr kana ruma'; ulra a trau sema'ur kantaw, kema marengay ini na kemiyarungetr kana ruma' meraranak kanantu pinizuwa na tawki. 2zi na tawki venina kana kemiyarungetr kana ruma', marengay kantaw: <ku kiningeran na lremakan mu kemudakuda? pupanayu nannu valray na paisu mu, 'azi u lra karuwa mitrepa kemiyarungetr kana ruma'.> 3izu na kemiyarungetr kana ruma' kemiyaanger: <na tawki pararetra' lra kaninku, nu daman lra mu kakuda ku lra awa? penapitaw ziyamaw? iniyan za kezang; kiyamiya za maderu ziyamaw? kasamasamaz. 4pamaw lra, malrazam ku za kakuda lra, 'inava lra nu iniyan ku za kiyakarunan mu ulra ku 'ali'an a muwai pikazu kaninku kantaw.>
5<<kemazu zi tu daulraw na mikiyam kana tawki na sasa sasa pazuwa. kema marengay kana ngawngaway i intaw: <mikiyam u za manueman kananku tawki?> 6temuvang i intaw: <saleman vakisan na lrawlraw za olēv.> marengay na kemiyarungetr kana ruma': <ini mu ninu kiyam, anamun kemayan, asalru venavalray za makalruwatr.> 7kiyumalr i intaw kana zuma a sasa marengay: <inu mu, mikiyam u za manueman?> temuvang i intaw: <saleman kazayan na emi.> marengay na kemiyarungetr kana ruma': <ini mu ninu kiyam, asalru venavalray za makawalun.>
8<<puitras na tawki kanizu na 'azi patezelr na kemiyarungetr kana ruma' kanantu 'elrepatan. 'alrana maruwa parekituluz kemakuda kana lremak i punapunan, na trau i punapunan marasayhu kemiyaanger kana kazu i senan na trau.>>
9patrungulr ziya marengay i Yēsu: <<marengaya ku kanmu, pakalranganay harem kana paisu i punapunan mi'ali'an, kemani mu, mukipiya lra na paisu mu, maruwa u kikituluz mukuwa kana munayun na zekalr. 10na trau nu kazu kana makiteng na lremak kinatalrima mu, kazu kana ma'izang na lremak kuwaazu kinatalrima; na trau nu kazu kana makiteng na lremak 'azi penatezelr, nu kazu kana ma'izang na lremak kuwaazu 'azi penatezelr. 11nu demikes mu kana pinieman i punapunan anu 'azi katalrimayan mu, i eman na padadikes kanizu na tatena' na pinieman kanmu awa? 12nu 'azi mu katalrima kanantu eman na trau mu, i eman na vaveray kanmu kananmu eman i inmu awa?
13<<iniyan a pakarunan za maruwa kikarun kana zazuwa na tawki. i intaw nu 'azi marasak kanini mu, sahar kaniziyu, mawna kemapazangal mena'u kanini, zi 'azi seme'er kanizu. 'azi mu karuwa pukasa mutu pakarunan kana Viruwa i itras, zi mutu kuli ziya kana paisu.>>
na zuma na panadam
(Matay 5.31-32; Matay 11.12-13; Maruko 10.11-12)
14nazu na sahar kana paisu na Palisay na trau kinger kananni na ngay, zi semiri laliked kani Yēsu. 15marengay i Yēsu kanazu: <<kazu mu kana trau i ngawayan kamawanan kana patezelr na trau, mawmu na Viruwa i itras patulre'ay mena'u kananmu anger i savakan; 'alrana tu kinapazangal mena'u na trau mu, mawmu tu iyana'u na Viruwa i itras maw na kaawilewiles.
16<<tu kuret ni Mosē zi tu valray na patralritralri kanantu pauwayan palru kani Yohanē na semasuwap; kemay azu, tu fukuing kana kanatal na Viruwa i itras mupalenak lra, na tratrautrau ziyan pakirungetr masalasalaw musavak. 17mawmu, uwalremes na lingatr na dare' mu marakalre'ayan kana mitrul za savalrayan saturikan kana kuret nay!
18<<nu i eman lra meretra' 'ematelr kanantu 'azin na vavayan zi mukuwa kurekasaya kana zuma na vavayan mu mawna semiya'; na mi'azin kana iretra' na vavayan mu kemazu maw semiya'.>>
na miyaeman zi i Lazaru
19<<a awatr ziya kazu a sasa na miyaeman, kana wariwari ziya mu mikavang za salaw vavulayan, pasalaw meraranak tu wayway. 20a azu mu ulra a sasa kiyaveray za maderu, mingadan kani Lazaru, palraway i zazek; marayas kiurung i intaw mukuwa kanantu sulray na miyaeman, 21maranger mazuk kana mutani kamay kana miyaeman tu etu mekan kanantu savelawan; arusay na suwan mu zuwa 'emalev kanantu palraw.
22<<likuzan lra mu ini na kalramalraman na trau minatray lra, na tēnsi tu urungaw mukuwa kani Aburaham i trapingiran i intaw. na miyaeman mu minatray lra, pawnung itrevelr lra. 23na miyaeman kazu i 'aremeremeng pasalaw lra maulep; teme'ang i intaw mu mena'u kani Aburaham kazu i dawilr, zi mena'u ziya kani Lazaru kazu i trapingiran kantaw, 24zi venina marengay: <nanku temuwamuwan i Aburaham a, kalramanaw ku a! 'alrazi pakaruni i Lazaru temimusa kanantu tatimus za zanum temelrepu' pakalritek kananku lidam mu, 'alrana kazu ku kani kana apuy i savakan, salaw maulep!>
25<<mawmu marengay i Aburaham: <alrak a, kaparanger u a vaaw u ziyan mu kemipiya lra za ka'inavayan, mawmu i Lazaru 'azi ziyan pa'inava kana wariwari; harem kazu i kani kidele'us, muveliyas kazu u za nanayan ulepan. 26pawnung, i paduk kanmu zi i kaniyam ulra a sede'an za kakaukaud na asavak na dare', na trau kemay kani auwa i kanmu i kazu mu 'azi kararuwa, kemay kanmu i kazu mukuwani kaniyam mu 'azi kararuwa.> 27marengay na miyaeman: <temuwamuwan a, nu maw kemani mu, kiyami ku kannu pakaruni i Lazaru mukuwa kani amalri; 28ulra a lralruwatr ku wadiyan, pauwa kantaw za pataranapawa kanazu, munu zuwa i kani kana kaulepan nazu.>
29<<marengay i Aburaham: <nannu wadadiyan ulra i Mosē zi na patralritralri mukuwa pataranapawa kanazu, pauwayu nannu wadadiyan mukuwa kingera kanazu mu!> 30marengay na miyaeman: <na temuwamuwan i Aburaham a, 'azi penauwa i izu. nu ulra a trau kemay kana minatray marevaaw, mukuwa kanazu i kazu, zi uwaasalr za anger nazu.> 31mawmu marengay i Aburaham: <nu 'azi muwai kinger kanantu ngay ni Mosē zi na patralritralri mu, nu tena' ulra a trau marevaaw kemay kana minatray, kuwaazu 'azi pakutatena' nazu!> >>
Právě zvoleno:
Luka 16: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 16
16
na paruwalruwan kana 'elrepat na kemiyarungetr kana ruma'
1marengay i Yēsu kanantu temakesi: <<na tawki ulra a sasa tu kemiyarungetr kana ruma'; ulra a trau sema'ur kantaw, kema marengay ini na kemiyarungetr kana ruma' meraranak kanantu pinizuwa na tawki. 2zi na tawki venina kana kemiyarungetr kana ruma', marengay kantaw: <ku kiningeran na lremakan mu kemudakuda? pupanayu nannu valray na paisu mu, 'azi u lra karuwa mitrepa kemiyarungetr kana ruma'.> 3izu na kemiyarungetr kana ruma' kemiyaanger: <na tawki pararetra' lra kaninku, nu daman lra mu kakuda ku lra awa? penapitaw ziyamaw? iniyan za kezang; kiyamiya za maderu ziyamaw? kasamasamaz. 4pamaw lra, malrazam ku za kakuda lra, 'inava lra nu iniyan ku za kiyakarunan mu ulra ku 'ali'an a muwai pikazu kaninku kantaw.>
5<<kemazu zi tu daulraw na mikiyam kana tawki na sasa sasa pazuwa. kema marengay kana ngawngaway i intaw: <mikiyam u za manueman kananku tawki?> 6temuvang i intaw: <saleman vakisan na lrawlraw za olēv.> marengay na kemiyarungetr kana ruma': <ini mu ninu kiyam, anamun kemayan, asalru venavalray za makalruwatr.> 7kiyumalr i intaw kana zuma a sasa marengay: <inu mu, mikiyam u za manueman?> temuvang i intaw: <saleman kazayan na emi.> marengay na kemiyarungetr kana ruma': <ini mu ninu kiyam, asalru venavalray za makawalun.>
8<<puitras na tawki kanizu na 'azi patezelr na kemiyarungetr kana ruma' kanantu 'elrepatan. 'alrana maruwa parekituluz kemakuda kana lremak i punapunan, na trau i punapunan marasayhu kemiyaanger kana kazu i senan na trau.>>
9patrungulr ziya marengay i Yēsu: <<marengaya ku kanmu, pakalranganay harem kana paisu i punapunan mi'ali'an, kemani mu, mukipiya lra na paisu mu, maruwa u kikituluz mukuwa kana munayun na zekalr. 10na trau nu kazu kana makiteng na lremak kinatalrima mu, kazu kana ma'izang na lremak kuwaazu kinatalrima; na trau nu kazu kana makiteng na lremak 'azi penatezelr, nu kazu kana ma'izang na lremak kuwaazu 'azi penatezelr. 11nu demikes mu kana pinieman i punapunan anu 'azi katalrimayan mu, i eman na padadikes kanizu na tatena' na pinieman kanmu awa? 12nu 'azi mu katalrima kanantu eman na trau mu, i eman na vaveray kanmu kananmu eman i inmu awa?
13<<iniyan a pakarunan za maruwa kikarun kana zazuwa na tawki. i intaw nu 'azi marasak kanini mu, sahar kaniziyu, mawna kemapazangal mena'u kanini, zi 'azi seme'er kanizu. 'azi mu karuwa pukasa mutu pakarunan kana Viruwa i itras, zi mutu kuli ziya kana paisu.>>
na zuma na panadam
(Matay 5.31-32; Matay 11.12-13; Maruko 10.11-12)
14nazu na sahar kana paisu na Palisay na trau kinger kananni na ngay, zi semiri laliked kani Yēsu. 15marengay i Yēsu kanazu: <<kazu mu kana trau i ngawayan kamawanan kana patezelr na trau, mawmu na Viruwa i itras patulre'ay mena'u kananmu anger i savakan; 'alrana tu kinapazangal mena'u na trau mu, mawmu tu iyana'u na Viruwa i itras maw na kaawilewiles.
16<<tu kuret ni Mosē zi tu valray na patralritralri kanantu pauwayan palru kani Yohanē na semasuwap; kemay azu, tu fukuing kana kanatal na Viruwa i itras mupalenak lra, na tratrautrau ziyan pakirungetr masalasalaw musavak. 17mawmu, uwalremes na lingatr na dare' mu marakalre'ayan kana mitrul za savalrayan saturikan kana kuret nay!
18<<nu i eman lra meretra' 'ematelr kanantu 'azin na vavayan zi mukuwa kurekasaya kana zuma na vavayan mu mawna semiya'; na mi'azin kana iretra' na vavayan mu kemazu maw semiya'.>>
na miyaeman zi i Lazaru
19<<a awatr ziya kazu a sasa na miyaeman, kana wariwari ziya mu mikavang za salaw vavulayan, pasalaw meraranak tu wayway. 20a azu mu ulra a sasa kiyaveray za maderu, mingadan kani Lazaru, palraway i zazek; marayas kiurung i intaw mukuwa kanantu sulray na miyaeman, 21maranger mazuk kana mutani kamay kana miyaeman tu etu mekan kanantu savelawan; arusay na suwan mu zuwa 'emalev kanantu palraw.
22<<likuzan lra mu ini na kalramalraman na trau minatray lra, na tēnsi tu urungaw mukuwa kani Aburaham i trapingiran i intaw. na miyaeman mu minatray lra, pawnung itrevelr lra. 23na miyaeman kazu i 'aremeremeng pasalaw lra maulep; teme'ang i intaw mu mena'u kani Aburaham kazu i dawilr, zi mena'u ziya kani Lazaru kazu i trapingiran kantaw, 24zi venina marengay: <nanku temuwamuwan i Aburaham a, kalramanaw ku a! 'alrazi pakaruni i Lazaru temimusa kanantu tatimus za zanum temelrepu' pakalritek kananku lidam mu, 'alrana kazu ku kani kana apuy i savakan, salaw maulep!>
25<<mawmu marengay i Aburaham: <alrak a, kaparanger u a vaaw u ziyan mu kemipiya lra za ka'inavayan, mawmu i Lazaru 'azi ziyan pa'inava kana wariwari; harem kazu i kani kidele'us, muveliyas kazu u za nanayan ulepan. 26pawnung, i paduk kanmu zi i kaniyam ulra a sede'an za kakaukaud na asavak na dare', na trau kemay kani auwa i kanmu i kazu mu 'azi kararuwa, kemay kanmu i kazu mukuwani kaniyam mu 'azi kararuwa.> 27marengay na miyaeman: <temuwamuwan a, nu maw kemani mu, kiyami ku kannu pakaruni i Lazaru mukuwa kani amalri; 28ulra a lralruwatr ku wadiyan, pauwa kantaw za pataranapawa kanazu, munu zuwa i kani kana kaulepan nazu.>
29<<marengay i Aburaham: <nannu wadadiyan ulra i Mosē zi na patralritralri mukuwa pataranapawa kanazu, pauwayu nannu wadadiyan mukuwa kingera kanazu mu!> 30marengay na miyaeman: <na temuwamuwan i Aburaham a, 'azi penauwa i izu. nu ulra a trau kemay kana minatray marevaaw, mukuwa kanazu i kazu, zi uwaasalr za anger nazu.> 31mawmu marengay i Aburaham: <nu 'azi muwai kinger kanantu ngay ni Mosē zi na patralritralri mu, nu tena' ulra a trau marevaaw kemay kana minatray, kuwaazu 'azi pakutatena' nazu!> >>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023