Luka 15
15
na paruwalruwan kana zemelengan na takulris
(Matay 18.12-14)
1ulra paresan, kazuwan na kisasata zi na kuwatrengan na trau zuwa kingera za venavati i Yēsu. 2na Palisay na trau zi na sinsi kana Sēsiyo 'ilrames zi marengay: <<ini na trau kemuda zi maruwaruwa kituluz kana kuwatrengan na trau, pawnung mukasa kanazu mekan!>> 3mawna kemani, i Yēsu marengay za saya paruwalruwan kanazu:
4<<kanmu i savakan nu ulra a trau mitakulris za saleman, zemelengan a saya kanazu, kudakudayaw awa? i intaw 'azika'azi venilin kana zuma na makaiwa zi iwaya i tralutralun, mukuwa miya'a kanizu na saya na zemelengan, palru za muatrevung. 5nu muatrevung lra mu, semangal i intaw zi tu sangalraw i 'iyav na takulris, 6urungaw muruma', zi demaulr kana 'ali'an zi na 'udar'udar, marengay kanazu: <alamu mukasaya ta semasaharan a, izu nanku takulris na zemelengan mu muatrevung lra!> 7mararesan, marengaya ku kanmu, nu muwasalr pakavekalr na mipinamelriyan na trau, kazu i itras tu kasemangal marama'izang kanazu na makaiwa zi aiwa na amanan lra muwasalr pakavekal na penatezelr na trau!>>
na paruwalruwan kana mu'atelr za paisu
8<<na vavayan nu ular a ginpiya za muketrep, mu'atelr a saya, kudayaw awa? 'azika'azi pasenan za lrawlraw, 'emelresap i savak, miya' makaiyaiyan, palru za muatrevung. 9nu atrevung lra mu, zi demaulr za 'ali'an zi na 'udar'udar, marengay kanazu: <alamu mukasaya ta semasaharan mu, izu nanku na mu'atelr na ginpiya muatrevung lra!> 10mararesan, marengaya ku kanmu, tu tēnsi na Viruwa i itras kasemangal za muasalr pavekal kana sasa na mipinamelriyan na trau.>>
na paruwalruwan kana melraman na temama
11patrutru marengay i Yēsu: <<ulra a trau mialrak za zazuwa ma'inayan. 12izu na maralrak marengay kani temamataw: <ama, nanku trepa na pinieman mu verayan kaninku harem.> zi na temama semepad kana pinieman veray kana zazuwa na alrak. 13melavat za pida wariyan, na maralrak tu trima'anay tu kinisepad na pinieman, murung kana paisu, muveruk lra i ruma'. mukuwa i dawilr kana kinazuwan i intaw, kazu i kazu meraranak za iniyan za paalruwan, maaulrang pimamelri tu wayway. 14a mukipiya lra tu pinieman ziya, i kazu na kinazuwan mupana a salaw pakirev na savelawan, zi mukiskis iniyan lra za emaeman i intaw. 15'inava lra nu mukuwa kuretalrimaya i kazu a sasa na trau; izu na trau pakarun kantaw patavur za lriyung i 'uma. 16halemehem lra za melak kana inaakan na lriyung na kuvay i intaw, mawmu, iniyan za trau veray za emaeman paekan kantaw. 17i likuzan, masenekin lra i intaw, marengay: <kazu kani amalri kazuwan tu pakarunan, sasazu tu aekanen zi misama' ziya nazu, kuwazazu ku minatray i kani za savelawan ziyamaw? 18kararahan ku, mareveliyas mukuwa kani amalri i kazu, marengay kantaw: ama, pamelri ku kana i itras, zi pamelri ku kannu. 19'azi ku lra kirepa'uwa mutu alrak kannu; putukuliyaw ku kannu mu!> 20kemazu zi, masikasik mareveliyas i intaw mukuwa kani temamataw.
<<adawilr ziya i ruma' i intaw, i temamataw mena'u lra kantaw, zi melraman, pavekas mungawayan, mava pakirev kantaw, masamasalr emuma kantaw. 21marengay na alrak: <ama, pamelri ku kana i itras, zi pamelri ku kannu; 'azi ku lra kirepa'uwa mutu alrak kannu.> 22mawmu i temamataw patalru kana pakarunan marengay: <kadika elak kana mara'inavanava na kavang pukavang kantaw, elak kana puwalima puwalimai i intaw, elak kana kuse pukusei i intaw. 23kezengu pukuwani izu na makiteng ulane' na hung, truwaku lra, semangala ta semasaharan! 24'alrana ini ku alrak maw na minatray zi marevaaw, mu'atelr zi muatrevung.> kemazu zi muwazuk semasaharan mapapiya.
25<<a azu, na marama'izang na alrak penauwa kazu i 'uma. muruma' i intaw. 'azi adawilr i ruma' mu, kinger za lrengaw kana semasenay zi na maliyakasaw. 26venina za sasa kana pakarunan pazuwa, kiyumalr kantaw za kemudakuda. 27temuvang na pakarunan: <muruma' lra i wadiyu, mena'u i temama za muruma' zi 'azi mukuda 'azi kuwaleng, truwakaw na makiteng ulane' na hung.> 28ka'ilremesan na ma'izang na alrak, 'azi muwai musavak; mupana i temamataw 'emunusa kantaw. 29mawmu kema kani temamataw marengay: <na'uwi, kanini na pida 'ami, kamawan ku kana kuli kikarun kannu, 'azi ku semuveli kanannu seratr, veray u lra za eman kaninku? arusay saya na makiteng na takulris 'azi ziyan pakasemangal kaninku zi ku 'ali'an! 30mawmu ini nu alrak, tu lremesaw nannu pinieman kana vavayan, muruma' harem, zi nu truwakanay za makiteng ulane' na hung veray kantaw!> 31marengay kantaw i temamataw: <alrak a, marayas u kurekasa kaninku; nanku pinieman ziya maw ninu. 32mawmu ini i wadiyu maw minatray zi marevaaw, mu'atelr zi muatrevung, semangal ta kantaw zi semasaharan mu maw kapauwayan.> >>
Právě zvoleno:
Luka 15: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
Luka 15
15
na paruwalruwan kana zemelengan na takulris
(Matay 18.12-14)
1ulra paresan, kazuwan na kisasata zi na kuwatrengan na trau zuwa kingera za venavati i Yēsu. 2na Palisay na trau zi na sinsi kana Sēsiyo 'ilrames zi marengay: <<ini na trau kemuda zi maruwaruwa kituluz kana kuwatrengan na trau, pawnung mukasa kanazu mekan!>> 3mawna kemani, i Yēsu marengay za saya paruwalruwan kanazu:
4<<kanmu i savakan nu ulra a trau mitakulris za saleman, zemelengan a saya kanazu, kudakudayaw awa? i intaw 'azika'azi venilin kana zuma na makaiwa zi iwaya i tralutralun, mukuwa miya'a kanizu na saya na zemelengan, palru za muatrevung. 5nu muatrevung lra mu, semangal i intaw zi tu sangalraw i 'iyav na takulris, 6urungaw muruma', zi demaulr kana 'ali'an zi na 'udar'udar, marengay kanazu: <alamu mukasaya ta semasaharan a, izu nanku takulris na zemelengan mu muatrevung lra!> 7mararesan, marengaya ku kanmu, nu muwasalr pakavekalr na mipinamelriyan na trau, kazu i itras tu kasemangal marama'izang kanazu na makaiwa zi aiwa na amanan lra muwasalr pakavekal na penatezelr na trau!>>
na paruwalruwan kana mu'atelr za paisu
8<<na vavayan nu ular a ginpiya za muketrep, mu'atelr a saya, kudayaw awa? 'azika'azi pasenan za lrawlraw, 'emelresap i savak, miya' makaiyaiyan, palru za muatrevung. 9nu atrevung lra mu, zi demaulr za 'ali'an zi na 'udar'udar, marengay kanazu: <alamu mukasaya ta semasaharan mu, izu nanku na mu'atelr na ginpiya muatrevung lra!> 10mararesan, marengaya ku kanmu, tu tēnsi na Viruwa i itras kasemangal za muasalr pavekal kana sasa na mipinamelriyan na trau.>>
na paruwalruwan kana melraman na temama
11patrutru marengay i Yēsu: <<ulra a trau mialrak za zazuwa ma'inayan. 12izu na maralrak marengay kani temamataw: <ama, nanku trepa na pinieman mu verayan kaninku harem.> zi na temama semepad kana pinieman veray kana zazuwa na alrak. 13melavat za pida wariyan, na maralrak tu trima'anay tu kinisepad na pinieman, murung kana paisu, muveruk lra i ruma'. mukuwa i dawilr kana kinazuwan i intaw, kazu i kazu meraranak za iniyan za paalruwan, maaulrang pimamelri tu wayway. 14a mukipiya lra tu pinieman ziya, i kazu na kinazuwan mupana a salaw pakirev na savelawan, zi mukiskis iniyan lra za emaeman i intaw. 15'inava lra nu mukuwa kuretalrimaya i kazu a sasa na trau; izu na trau pakarun kantaw patavur za lriyung i 'uma. 16halemehem lra za melak kana inaakan na lriyung na kuvay i intaw, mawmu, iniyan za trau veray za emaeman paekan kantaw. 17i likuzan, masenekin lra i intaw, marengay: <kazu kani amalri kazuwan tu pakarunan, sasazu tu aekanen zi misama' ziya nazu, kuwazazu ku minatray i kani za savelawan ziyamaw? 18kararahan ku, mareveliyas mukuwa kani amalri i kazu, marengay kantaw: ama, pamelri ku kana i itras, zi pamelri ku kannu. 19'azi ku lra kirepa'uwa mutu alrak kannu; putukuliyaw ku kannu mu!> 20kemazu zi, masikasik mareveliyas i intaw mukuwa kani temamataw.
<<adawilr ziya i ruma' i intaw, i temamataw mena'u lra kantaw, zi melraman, pavekas mungawayan, mava pakirev kantaw, masamasalr emuma kantaw. 21marengay na alrak: <ama, pamelri ku kana i itras, zi pamelri ku kannu; 'azi ku lra kirepa'uwa mutu alrak kannu.> 22mawmu i temamataw patalru kana pakarunan marengay: <kadika elak kana mara'inavanava na kavang pukavang kantaw, elak kana puwalima puwalimai i intaw, elak kana kuse pukusei i intaw. 23kezengu pukuwani izu na makiteng ulane' na hung, truwaku lra, semangala ta semasaharan! 24'alrana ini ku alrak maw na minatray zi marevaaw, mu'atelr zi muatrevung.> kemazu zi muwazuk semasaharan mapapiya.
25<<a azu, na marama'izang na alrak penauwa kazu i 'uma. muruma' i intaw. 'azi adawilr i ruma' mu, kinger za lrengaw kana semasenay zi na maliyakasaw. 26venina za sasa kana pakarunan pazuwa, kiyumalr kantaw za kemudakuda. 27temuvang na pakarunan: <muruma' lra i wadiyu, mena'u i temama za muruma' zi 'azi mukuda 'azi kuwaleng, truwakaw na makiteng ulane' na hung.> 28ka'ilremesan na ma'izang na alrak, 'azi muwai musavak; mupana i temamataw 'emunusa kantaw. 29mawmu kema kani temamataw marengay: <na'uwi, kanini na pida 'ami, kamawan ku kana kuli kikarun kannu, 'azi ku semuveli kanannu seratr, veray u lra za eman kaninku? arusay saya na makiteng na takulris 'azi ziyan pakasemangal kaninku zi ku 'ali'an! 30mawmu ini nu alrak, tu lremesaw nannu pinieman kana vavayan, muruma' harem, zi nu truwakanay za makiteng ulane' na hung veray kantaw!> 31marengay kantaw i temamataw: <alrak a, marayas u kurekasa kaninku; nanku pinieman ziya maw ninu. 32mawmu ini i wadiyu maw minatray zi marevaaw, mu'atelr zi muatrevung, semangal ta kantaw zi semasaharan mu maw kapauwayan.> >>
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023