Mak 9
9
1Ma ia Jisas e kori vahai vanira laka de, “Inau u kori vanihamu kalavata, e kesana na tinoni tara tuchau de ngeni ba kara teha vata mate, ma kara morosia nina baravata ia God te ke mai tana nina susuliha.”
E oli na hihilona ia Jisas
(Matiu 17:1-13; Luk 9:28-36)
2Mi bukena e ono na dani, ia Jisas e udungiloera ia Pita, ma ia Jemes, ma ia Jon mara dato tatana e chikai na vungavunga daho, mara toha tovosi. Mi tahuna tara moro dia loera hana duli ia, me oli na hihilona ia Jisas. 3Na kalekona ia e sere makamaka me dadara. E teha siki tinoni tana pari de ke hanaa vulia me ke sere vahai. 4Mi tana tahu nia, ara morosi lakamua loera ia Elaeja ma ia Mosis, tara ko valagu kolua ia Jisas. 5Ma ia Pita e kori vahai vania ia Jisas de, “Ticha, e talana solehana tami toha lohami de. Ngeni ba kami lohoa lohami ke tolu na vale halahala, ke chikai na nimua hoe, me ke chikai ninana ia Mosis, me ke chikai ninana ia Elaeja.” 6Ia Pita e valagu vahai nia matengana loera ara matahu solehana, me voo ia na hua te ke koria.
7Mi tana tahu vahai nia, me laba chikai na parako me raravira ira. Mi loera ara valingea chikai na valagu tana parako nia te kori vahai de, “Ide na borongana Dalegu nau tu sahavi solehanaa. !Kamu valinge mangana!” 8Me chikai ni kusi matalodira loera, mara hae bamua ia Jisas te tuu koluloera.
9Mi tahuna tara sisivo mai loera tana vungavunga nia, ma ia Jisas e paratanga vaniloera vahai de, “Kamu mui na kori vania ke chikai na hua tamu morosia, diadia me ke chau tahuna tu ku mauri visu soha na Dalena Tinoni tana matemate.”
10Mi loera ara rongomangana mara teha na kori vani lakaa ke chikai, mara vaigesuahi vahai de, “?Na hua nomu na rongona na mauri visu tana matemate?” 11Mi loera ara gesu vahania ia Jisas de, “?E vahai vei mara koria ira na tinoni sau manasa tana nina keja ia Mosis kovahai ia Elaeja te ke visu mai luhi vania na Mesaea?”#9:11 Morosia tana Malakae 4:5
12Ma ia Jisas e kori vahai vaniloera de, “E mana nomu, ia Elaeja te ke mai luhi#9:12 Morosia tana Mak 1:1-8. Ia Jon na Tinoni Lesovitabu te mai vahai ia Elaeja., me ke ni livu hotosia visa na omea. Me mana lakamu na hua tara marea tana Mamare Tabu na Dalena Tinoni ngeni ba ke rota solehana ma kara hoso tahania. 13Minau u kori vanilohamu, ia Elaeja e mai noha, mi ira na tinoni ara sekolia ia taonia nidira papada, vahai tara mare nohaa ira tana Mamare Tabu tana rongona ia.”
Ia Jisas e huru chonia na tarunga te toha tatana e chikai na garimane
(Matiu 17:14-21; Luk 9:37-43)
14Mi tahuna tara laba sivo loera tatana lodira duli nira kesana, mara morosia na ala-ala leho na tinoni tara toha talihu labara ira. Mara toha lakamu kesana na tinoni sau manasa tana nina keja ia Mosis, mara kukutu na vaisuhuni kolura hana duli ia Jisas. 15Mi tahuna tara morosia ira na tinoni ia Jisas mara taora solehana mara rahe dia tatana mara kori mamahela vania. 16Ma ia Jisas e gesu vahai vanira de, “?Na hua tamu vaisuhuni matena hamu ia?”
17Me chikai na tinoni tatadira ira na toha nia e kori visu vahai de, “Ticha, inau u taha mai vaniho hoe na dalegu mane, matengana e tohavia na tarunga seko me vahania me utu ia na valagu. 18Tahuna te leho na tarunga tatana gari de, me vahania ia me ruchu sivo i pari. Me chulu na rorovehana tana mangana, me giri livona, me kaihotohoto na tanona nia. Minau u nongia hamu duli nira hoe kara huru chonia na tarunga nia, mara teha na tangomana.”
19Me valagu vanira ia Jisas me kori vahai de, “!Ihamu na tinoni vanga voo na dodonu! ?Ke vahai vei okana tu ku toha koluhamu nau? E oka solehana noha tu toha koluhamu nau. Kamu taha maia de na garimane nia.”
20Mara taha maia ira na garimane nia tatana ia Jisas. Mi tahuna te morosia na tarunga nia ia Jisas, me tu ia me vahania na garimane nia me hahariri me ruchu sivo i pari me takelu valego, me chulu na ubena tana mangana. 21Ma ia Jisas e gesuaa na tohana garimane nia me gesu vahai de, “?E vahai noha vei na okana te vahai de gari nia?”
Me kori vahai de na tohana gari nia, “E tuturiha noha tahuna te gari pepechi vata. 22Me danga noha na tahu te tu na tarunga seko nia me vahania me ruchu sivo tana lake ma na kolo me ke ni mate. Me tina vahai to ko hanaa hoe agosia, ko sahavikohami mo ko sangakohami kiki.”
23Ma ia Jisas e kori susuliha vahai vania de, “Hoe o gesuu nau tina vahai tu ku hanaa nau na agosiana. Ira na tinoni tara tamani dodonu tatana ia God, e teha siki omea ke utu vanira.”
24Mi tana tahu vahai kalavata nia, me valagu leho vahai de na tohana garimane nia, “Inau u tamani dodonu me teha vata tihilana. Ko sangau me ke susuliha laka ba nigu dodonu!”
25Ma ia Jisas e morosia na ala-ala tara rahe mai varangi tatadira, ba me tu ia me raia na tarunga nia me kori vahai vania de, “Ihoe na tarunga ni valinge mui ma na moko, inau u kejaliho hoe ko dia choni tatana gari de, mo ko mui laka na visu sahe tatana.”
26Me huu leho na tarunga nia me vahania na gari nia me hahariri, me dia choni. Ma na garimane nia e moro vahai te mate, mi ira tara toha inge ara kori vahai de, “E mate kalavata gari nia.” 27Ma ia Jisas e taria na limana gari nia me sangaa me tuchau.
28Mi bukena te sahe tovosidira ia Jisas kolu hana duli nira i vale, mi ira hana duli ia ara gesu vahai vahania ia Jisas de, “?E vahai vei mami utu hami na huru chonia na tarunga nia?”
29Me kori vahai vanira ia Jisas de, “Na nonginongi bamu ke hanaa na huru chonia na tarunga vahai nia.”
Ia Jisas e kori lakaa nina matemate ma na mauri visuana
(Matiu 17:22-23; Luk 9:43-45)
30Ia Jisas kolu hana duli nira ara basiaa na vera nia mara liu dia vahai tana provins i Galili ma kara ni dia i Jiudia. Ia Jisas e teha na ngangavina ke chikai ke hanaa vei tara toha ira, 31rongona ia e sasanira hana duli nira. Me kori vahai vanira de, “Ngeni ba kara sau diau inau, na Dalena Tinoni, tana limadira ira hagu hala nira, ma kara labu mateu. Mi tana tolunina na dani, inau ngeni ba ku mauri visu soha.”
32Mi ira hana duli nia ara teha na pada manasana na hua te koria ia, mara matahu bamu ira na gesuaa.
Isei ngeni ba ke leho pichakae tana nina baravata ia God
(Matiu 18:1-5; Luk 9:46-48)
33Ma ia Jisas kolu hana duli nira ara laba tana vera i Kapaneam, mara sahe tatana e chikai na vale. Ma ia Jisas e gesu vahai vanira de, “?Na hua tamu vaisuhuni matena lohamu i sala?”
34Ma ira ara mui bamu, matengana ira ara vahamaa na kori vania ia kovahai ira ara vaisuhuni matena isei te leho pichakae tatadira ira. 35Ma ia Jisas e tohotuu, me solora e sangavulu ruka hana duli me kori vahai vanira de, “Isei te ngangavina ke pichakae, ia ke livu sivo tovosia, me ke lia bamu nina tinoni ago visa tinoni.” 36Me tu ia Jisas me tahaa chikai na gari pepechi me livua me tuu i levuhadira. Me tabalaa ia na gari nia me kori vahai de, 37“Isei te ke talana vania ke chikai na gari pepechi vahai de tana asagu nau, ia ke talana vani lakamuu nau. Misei te ke talana vaniu nau, ia ke talana vani lakamua sei te sau maiu nau.”
Ia Jisas e kori labatia isei na ninana ia
(Luk 9:49,50)
38Ma ia Jon e kori vahai vania ia Jisas de, “Ticha, ihami ami morosia e chikai na tinoni te huru tarunga tana asamu hoe, mami tongo vania hami, matengana ia e teha toha tana nida ala-ala hita.”
39Me kori vahai vanira ia Jisas de, “Kamu mui hamu na tongo vania ia, matengana na tinoni te agosi koemana tana asagu nau, e teha kevu kori sekoli lakau nau. 40Matengana isei te teha seko vanihita hita, ia nida papi hita. 41Inau u kori vanihamu na omea tutuni, tina vahai ke chikai ke sau vanihamu na kolo ni inu matengana ihamu na nigua nau, ia ngeni ba ke taha kalavataa na pepeluna.”
Na tinoni te vahania na tinoni tovosi me basiaa nina dodonu
(Matiu 18:6-9; Luk 17:1-2)
42Me kori vahai laka ia Jisas de, “Tina vahai ke chikai ke vahania ke chikai na gari pepechi nira de tara tamani dodonu tatagu nau ma kara goni savi, ba ke talana ia baa vania tina vahai kara soria na makara leho tana liona ma kara choni sivoa tana tasi gou, liungisia tina vahai ke tu ia God me ke rotasia. 43-44Me tina vahai na limamu ke vahaniho mo ko goni savi, ko tohi chonia. E talana tina vahai ko sahe tana mamauri sali kolu bamu ke chikai na limamu, liungisia tina vahai ke toha ruka na limamu ma kara choni saheho kolukoera tana lake te voo na mate.#9:43-44 Kesana na kopi tuali ara tamania na mamare vahai kalavata ide te toha tana ves 48. 45-46Me tina vahai na tuamu ke vahaniho mo ko goni savi, ko tohi chonia. E talana tina vahai ko sahe tana mamauri sali kolu bamu ke chikai na tuamu, liungisia tina vahai ke toha ruka na tuamu ma kara choni saheho kolukoera tana lake te voo na mate.#9:45-46 Kesana na kopi tuali ara tamania na mamare vahai kalavata ide te toha tana ves 48. 47Me tina vahai na matamu ke vahaniho mo ko goni savi, ko kati chonia. E talana tina vahai ko sahe kolu bamu ke chikai na matamu tana nina baravata ia God, liungisia tina vahai ke toha ruka na matamu mo ko sahe kolukoera tana lake te voo na mate.
48“‘Tana vera nia, na meri ara voo na mate,
ma na lake e voo lakamu na mate.’#Aesaea 66:24
49“Na lake ngeni ba ke vani malea visa kode na tinoni, vahai na tasi te vani malea na omea tara kere vania ia God.#9:49 Na mamarena kalavata e mare vahai de, “Visa na tinoni ia God ba ke tasira tana lake.”
50“Na tasi na omea talana solehana, me tina vahai ke dia choni na mijuana nia, me utu laka na taha visua.
“Na mijua ni tasi ke toha tana maurimiu kode, ma kamu ni mauri kolukolu tana rapo.”
Právě zvoleno:
Mak 9: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 9
9
1Ma ia Jisas e kori vahai vanira laka de, “Inau u kori vanihamu kalavata, e kesana na tinoni tara tuchau de ngeni ba kara teha vata mate, ma kara morosia nina baravata ia God te ke mai tana nina susuliha.”
E oli na hihilona ia Jisas
(Matiu 17:1-13; Luk 9:28-36)
2Mi bukena e ono na dani, ia Jisas e udungiloera ia Pita, ma ia Jemes, ma ia Jon mara dato tatana e chikai na vungavunga daho, mara toha tovosi. Mi tahuna tara moro dia loera hana duli ia, me oli na hihilona ia Jisas. 3Na kalekona ia e sere makamaka me dadara. E teha siki tinoni tana pari de ke hanaa vulia me ke sere vahai. 4Mi tana tahu nia, ara morosi lakamua loera ia Elaeja ma ia Mosis, tara ko valagu kolua ia Jisas. 5Ma ia Pita e kori vahai vania ia Jisas de, “Ticha, e talana solehana tami toha lohami de. Ngeni ba kami lohoa lohami ke tolu na vale halahala, ke chikai na nimua hoe, me ke chikai ninana ia Mosis, me ke chikai ninana ia Elaeja.” 6Ia Pita e valagu vahai nia matengana loera ara matahu solehana, me voo ia na hua te ke koria.
7Mi tana tahu vahai nia, me laba chikai na parako me raravira ira. Mi loera ara valingea chikai na valagu tana parako nia te kori vahai de, “Ide na borongana Dalegu nau tu sahavi solehanaa. !Kamu valinge mangana!” 8Me chikai ni kusi matalodira loera, mara hae bamua ia Jisas te tuu koluloera.
9Mi tahuna tara sisivo mai loera tana vungavunga nia, ma ia Jisas e paratanga vaniloera vahai de, “Kamu mui na kori vania ke chikai na hua tamu morosia, diadia me ke chau tahuna tu ku mauri visu soha na Dalena Tinoni tana matemate.”
10Mi loera ara rongomangana mara teha na kori vani lakaa ke chikai, mara vaigesuahi vahai de, “?Na hua nomu na rongona na mauri visu tana matemate?” 11Mi loera ara gesu vahania ia Jisas de, “?E vahai vei mara koria ira na tinoni sau manasa tana nina keja ia Mosis kovahai ia Elaeja te ke visu mai luhi vania na Mesaea?”#9:11 Morosia tana Malakae 4:5
12Ma ia Jisas e kori vahai vaniloera de, “E mana nomu, ia Elaeja te ke mai luhi#9:12 Morosia tana Mak 1:1-8. Ia Jon na Tinoni Lesovitabu te mai vahai ia Elaeja., me ke ni livu hotosia visa na omea. Me mana lakamu na hua tara marea tana Mamare Tabu na Dalena Tinoni ngeni ba ke rota solehana ma kara hoso tahania. 13Minau u kori vanilohamu, ia Elaeja e mai noha, mi ira na tinoni ara sekolia ia taonia nidira papada, vahai tara mare nohaa ira tana Mamare Tabu tana rongona ia.”
Ia Jisas e huru chonia na tarunga te toha tatana e chikai na garimane
(Matiu 17:14-21; Luk 9:37-43)
14Mi tahuna tara laba sivo loera tatana lodira duli nira kesana, mara morosia na ala-ala leho na tinoni tara toha talihu labara ira. Mara toha lakamu kesana na tinoni sau manasa tana nina keja ia Mosis, mara kukutu na vaisuhuni kolura hana duli ia Jisas. 15Mi tahuna tara morosia ira na tinoni ia Jisas mara taora solehana mara rahe dia tatana mara kori mamahela vania. 16Ma ia Jisas e gesu vahai vanira de, “?Na hua tamu vaisuhuni matena hamu ia?”
17Me chikai na tinoni tatadira ira na toha nia e kori visu vahai de, “Ticha, inau u taha mai vaniho hoe na dalegu mane, matengana e tohavia na tarunga seko me vahania me utu ia na valagu. 18Tahuna te leho na tarunga tatana gari de, me vahania ia me ruchu sivo i pari. Me chulu na rorovehana tana mangana, me giri livona, me kaihotohoto na tanona nia. Minau u nongia hamu duli nira hoe kara huru chonia na tarunga nia, mara teha na tangomana.”
19Me valagu vanira ia Jisas me kori vahai de, “!Ihamu na tinoni vanga voo na dodonu! ?Ke vahai vei okana tu ku toha koluhamu nau? E oka solehana noha tu toha koluhamu nau. Kamu taha maia de na garimane nia.”
20Mara taha maia ira na garimane nia tatana ia Jisas. Mi tahuna te morosia na tarunga nia ia Jisas, me tu ia me vahania na garimane nia me hahariri me ruchu sivo i pari me takelu valego, me chulu na ubena tana mangana. 21Ma ia Jisas e gesuaa na tohana garimane nia me gesu vahai de, “?E vahai noha vei na okana te vahai de gari nia?”
Me kori vahai de na tohana gari nia, “E tuturiha noha tahuna te gari pepechi vata. 22Me danga noha na tahu te tu na tarunga seko nia me vahania me ruchu sivo tana lake ma na kolo me ke ni mate. Me tina vahai to ko hanaa hoe agosia, ko sahavikohami mo ko sangakohami kiki.”
23Ma ia Jisas e kori susuliha vahai vania de, “Hoe o gesuu nau tina vahai tu ku hanaa nau na agosiana. Ira na tinoni tara tamani dodonu tatana ia God, e teha siki omea ke utu vanira.”
24Mi tana tahu vahai kalavata nia, me valagu leho vahai de na tohana garimane nia, “Inau u tamani dodonu me teha vata tihilana. Ko sangau me ke susuliha laka ba nigu dodonu!”
25Ma ia Jisas e morosia na ala-ala tara rahe mai varangi tatadira, ba me tu ia me raia na tarunga nia me kori vahai vania de, “Ihoe na tarunga ni valinge mui ma na moko, inau u kejaliho hoe ko dia choni tatana gari de, mo ko mui laka na visu sahe tatana.”
26Me huu leho na tarunga nia me vahania na gari nia me hahariri, me dia choni. Ma na garimane nia e moro vahai te mate, mi ira tara toha inge ara kori vahai de, “E mate kalavata gari nia.” 27Ma ia Jisas e taria na limana gari nia me sangaa me tuchau.
28Mi bukena te sahe tovosidira ia Jisas kolu hana duli nira i vale, mi ira hana duli ia ara gesu vahai vahania ia Jisas de, “?E vahai vei mami utu hami na huru chonia na tarunga nia?”
29Me kori vahai vanira ia Jisas de, “Na nonginongi bamu ke hanaa na huru chonia na tarunga vahai nia.”
Ia Jisas e kori lakaa nina matemate ma na mauri visuana
(Matiu 17:22-23; Luk 9:43-45)
30Ia Jisas kolu hana duli nira ara basiaa na vera nia mara liu dia vahai tana provins i Galili ma kara ni dia i Jiudia. Ia Jisas e teha na ngangavina ke chikai ke hanaa vei tara toha ira, 31rongona ia e sasanira hana duli nira. Me kori vahai vanira de, “Ngeni ba kara sau diau inau, na Dalena Tinoni, tana limadira ira hagu hala nira, ma kara labu mateu. Mi tana tolunina na dani, inau ngeni ba ku mauri visu soha.”
32Mi ira hana duli nia ara teha na pada manasana na hua te koria ia, mara matahu bamu ira na gesuaa.
Isei ngeni ba ke leho pichakae tana nina baravata ia God
(Matiu 18:1-5; Luk 9:46-48)
33Ma ia Jisas kolu hana duli nira ara laba tana vera i Kapaneam, mara sahe tatana e chikai na vale. Ma ia Jisas e gesu vahai vanira de, “?Na hua tamu vaisuhuni matena lohamu i sala?”
34Ma ira ara mui bamu, matengana ira ara vahamaa na kori vania ia kovahai ira ara vaisuhuni matena isei te leho pichakae tatadira ira. 35Ma ia Jisas e tohotuu, me solora e sangavulu ruka hana duli me kori vahai vanira de, “Isei te ngangavina ke pichakae, ia ke livu sivo tovosia, me ke lia bamu nina tinoni ago visa tinoni.” 36Me tu ia Jisas me tahaa chikai na gari pepechi me livua me tuu i levuhadira. Me tabalaa ia na gari nia me kori vahai de, 37“Isei te ke talana vania ke chikai na gari pepechi vahai de tana asagu nau, ia ke talana vani lakamuu nau. Misei te ke talana vaniu nau, ia ke talana vani lakamua sei te sau maiu nau.”
Ia Jisas e kori labatia isei na ninana ia
(Luk 9:49,50)
38Ma ia Jon e kori vahai vania ia Jisas de, “Ticha, ihami ami morosia e chikai na tinoni te huru tarunga tana asamu hoe, mami tongo vania hami, matengana ia e teha toha tana nida ala-ala hita.”
39Me kori vahai vanira ia Jisas de, “Kamu mui hamu na tongo vania ia, matengana na tinoni te agosi koemana tana asagu nau, e teha kevu kori sekoli lakau nau. 40Matengana isei te teha seko vanihita hita, ia nida papi hita. 41Inau u kori vanihamu na omea tutuni, tina vahai ke chikai ke sau vanihamu na kolo ni inu matengana ihamu na nigua nau, ia ngeni ba ke taha kalavataa na pepeluna.”
Na tinoni te vahania na tinoni tovosi me basiaa nina dodonu
(Matiu 18:6-9; Luk 17:1-2)
42Me kori vahai laka ia Jisas de, “Tina vahai ke chikai ke vahania ke chikai na gari pepechi nira de tara tamani dodonu tatagu nau ma kara goni savi, ba ke talana ia baa vania tina vahai kara soria na makara leho tana liona ma kara choni sivoa tana tasi gou, liungisia tina vahai ke tu ia God me ke rotasia. 43-44Me tina vahai na limamu ke vahaniho mo ko goni savi, ko tohi chonia. E talana tina vahai ko sahe tana mamauri sali kolu bamu ke chikai na limamu, liungisia tina vahai ke toha ruka na limamu ma kara choni saheho kolukoera tana lake te voo na mate.#9:43-44 Kesana na kopi tuali ara tamania na mamare vahai kalavata ide te toha tana ves 48. 45-46Me tina vahai na tuamu ke vahaniho mo ko goni savi, ko tohi chonia. E talana tina vahai ko sahe tana mamauri sali kolu bamu ke chikai na tuamu, liungisia tina vahai ke toha ruka na tuamu ma kara choni saheho kolukoera tana lake te voo na mate.#9:45-46 Kesana na kopi tuali ara tamania na mamare vahai kalavata ide te toha tana ves 48. 47Me tina vahai na matamu ke vahaniho mo ko goni savi, ko kati chonia. E talana tina vahai ko sahe kolu bamu ke chikai na matamu tana nina baravata ia God, liungisia tina vahai ke toha ruka na matamu mo ko sahe kolukoera tana lake te voo na mate.
48“‘Tana vera nia, na meri ara voo na mate,
ma na lake e voo lakamu na mate.’#Aesaea 66:24
49“Na lake ngeni ba ke vani malea visa kode na tinoni, vahai na tasi te vani malea na omea tara kere vania ia God.#9:49 Na mamarena kalavata e mare vahai de, “Visa na tinoni ia God ba ke tasira tana lake.”
50“Na tasi na omea talana solehana, me tina vahai ke dia choni na mijuana nia, me utu laka na taha visua.
“Na mijua ni tasi ke toha tana maurimiu kode, ma kamu ni mauri kolukolu tana rapo.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved