Mak 8
8
Ia Jisas e tuva hadira e vati toha (4,000) na tinoni
(Matiu 15:32-39)
1Tana danina laka nira nia, mara laba mai na toha na tinoni tatana laka ia Jisas. Mi tana tahu nia, na tinoni nira nia ara teha tamani siki hahani. Ma ia Jisas e solora hana duli, me kori vanira vahai de, 2“Inau u sola tu sahavira na tinoni nira de, rongona ira ara toha koluhita hita e tolu noha na dani, me teha noha siki hahani kara hania. 3Me tina vahai ku raidira nau kara visu ngalo hahani i veradira, mi ngeni ba kara tangarebo ma kara luba i sala, rongona kesana na tinoni ara vota vasau mara mai.”
4Ma ira hana duli ia Jisas ara gesu vahai de, “?Mi tana talu mangu vahai de, ivei ba ka tahaa hita siki hahani tihilana ka tuva hadira na toha nira de?”
5Ma ia Jisas e gesu vahanira vahai de, “?E visa na bred tamu tamania hamu?”
Mi ira ara kori vahai vania de, “E vitu bamu.”
6Ma ia Jisas e kejalira na tinoni nira nia kara tohotuu i pari. Me tahara ia e vitu na bred nia me kamaa ia God, kode me kapukura me ngitira me sau vanira hana duli nira kara vatasara vanira na toha na tinoni. Mi ira hana duli ia ara agosi taonia na hua te koria ia. 7Ma ira ara tamani lakamua e ruka tolu na cheche pepechi. Ma ia Jisas e kamaa ia God, kode me raira hana duli nira kara vatasara na cheche nira nia vanira na tinoni nira. 8Ma ira kode ara hahani mara masu. Mi tahuna tara hahani kode ira, ma ira hana duli ia Jisas ara chakoa na tirenge ni hahani nira mara dangalia e vitu na kei. 9Ma na dangana na tinoni tana tahu nia e tihilana vahai ke vati na toha (4,000). Ma ia Jisas e raidira na tinoni nira nia mara visu, 10me dia ia me sahe tatana e chikai na vaka pepechi kolu hana duli nira, mara dia vahai tana nidira sasapa ira i Dalmanuta.
Ira na Parasii ara kejalia ia Jisas ke agosia ke chikai na valajaja
(Matiu 16:1-4)
11Me kesana na Parasii ara mai tatana ia Jisas mara vaisuhuni kolua ia. Ira ara ngavina kara tovoa ia, mara kejalia ia ke agosia ke chikai na valajaja ni heven, me ke ni tihisi lengaa ia e vota mai nomu tatana ia God. 12Ma ia Jisas e mahomaho leho me kori vahai de, “?E vahai sahata vei na tinonina okana de mara ngangavina morosi valajaja? Inau u kori vanihamu kalavata, inau ngeni ba ku teha na agosia siki valajaja vanira na tinoni nira de!”
13Me dia basiara ia Jisas, me visu sahe tana vaka pepechi nia, mara visu talihu i tabana tana namo nia.
Ia Jisas e paratanga vanira hana duli nira tana nidira naunau ira na Parasii ma ia Herod
(Matiu 16:5-12)
14Mi ira hana duli ia Jisas ara purusahania na tahaa ke danga na bred. E chikai bamu na bred tara tahaa ira mara sahe kolu tana vaka pepechi nia. 15Ma ia Jisas e paratanga vanira me kori vahai de, “Kamu kana hamu tana nidira isti ira na Parasii, ma nina isti ia Herod.”#8:15 Ira na Jiu ara hanaa koria na asa isti vahai na kori titihila, matengana na isti e chikai na omea te salavu me olisia na omea te toha tatana. Me tuhutuhu kolu na nidira naunau sekoseko ira na Parasii.
16Mi ira hana duli ia ara tuturiha na vaikorihi tovosi mara kori vahai de, “Ia Jisas e valagu vahai nia rongona hita a teha na tamania siki bred.”
17Ma ia Jisas e hana bamua na hua tara koria ira, ba me tu ia me gesu vahanira de, “?E vahai vei hamu mamu valaguna te teha siki bred? ?Amu teha vata hamu na pada manasana ia? ?E teha chana manasa vungamiu hamu? 18Ihamu amu tamani matamiu. ?Me vahai vei mamu teha hamu na morosia? Mihamu tamani valingemiu. ?Me vahai vei mamu teha hamu na valingea? ?Amu teha hamu padaa 19tahuna tu ngitia nau e chehe na bred mu tuva hadira e chehe toha na tinoni? ?Me visa danga ni kei tamu keia hamu tana tirenge ni hahani nira nia?”
Ma ira ara kori visu vahai vania de, “E sangavulu ruka na kei.”
20Ma ia Jisas e gesu vahai vanira laka de, “?Me visa danga ni kei tamu keia hamu tana tirenge ni hahani tahuna tu ngitia nau e vitu bamu na bred mu tuva hana e vati toha na tinoni?”
Ma ira ara kori visu vahai de, “E vitu na kei.”
21Ma ia Jisas e gesu vahanira laka de, “?Me vahai vei amu teha vata hamu pada manasana?”
Ia Jisas e maurisia e chikai na tinoni dokodoko ni Betseida
22Mi tahuna tara mai chau ira i Betsaeda, me kesana na tinoni ara taha mai vania ia Jisas e chikai na tinoni te doko na matana, mara navusia ia ke chibelia. 23Ma ia Jisas e taria na limana tinoni dokodoko nia me udungi salihia tana vera nia. Mi bukena me chuvehaa na matana koera na tinoni dokodoko nia, kode me sau dia limana tatana, me gesu vahania de, “?E vahai vei, o morosia siki omea?”
24Ma na tinoni nia e moro dato me kori vahai de, “Aa, u morosia nau kesana tinoni, mi ira ara moro vahai na hai tara diadia valego.”
25Ma ia Jisas e chibeli dia laka na matana koera tinoni nia. Mi tahuna te agosi vahania ia, ba me moro vatavata tinoni nia, te marara visu matana me morosi talanaa ia e visa na omea. 26Ma ia Jisas e sau visua na tinoni nia i valena me kori susuliha vania me kori vahai de, “Ko mui laka hoe visu tana vera nia.”
Ia Pita e kori lengaa kovahai ia Jisas na Mesaea
(Matiu 16:13-20; Luk 9:18-21)
27Ma ia Jisas kolu hana duli nira ara dia tana vera nira i lilihina na vera leho i Sisaria Pilipae. Mi tahuna tara diadia ira i sala, me laba ia Jisas me gesu vahanira hana duli nira de, “?E vahai vei, na tinoni nira ara padaa kovahai isei nau?”
28Ma ira hana duli ia ara kori vahai de, “Ira kesana ara koria kovahai hoe ia Jon na Tinoni Lesovitabu. Mi kesana ara kovahai hoe ia Elaeja, mi ira laka kesana ara kovahai hoe e chikai na vidadira ira na propet ni sau.”
29Ma ia Jisas e gesu vahanira laka de, “?Mihamu amu padaa kovahai isei nau?”
Ma ia Pita e kori vahai de, “Ihoe nomu na Mesaea nia.”
30Ma ia Jisas e kejalira vahai de, “Kamu mui laka hamu na kori vania ke chikai isei nau.”
Ia Jisas e kori lengaa nina vajangi savi ma nina matemate
(Matiu 16:21-23; Luk 9:22)
31Ma ia Jisas e tuturiha na sasanira hana duli nira me kori vahai de, “Inau, na Dalena Tinoni, ngeni ba ku vajangi savi solehana, mi ira na tinoni leholeho, ma nidira lehona nira ira na tinoni ni kere, mi ira na tinoni sau manasa tana nina keja ia Mosis ba kara hoso tahaniu. Ngeni ba kara labu mateu nau, mi tana tolunina na dani mu ku mauri visu soha.” 32Ia Jisas e kori lenga talana vanira visa na omea. Ma ia Pita e udungi salihia ia Jisas me tuturiha na rapachia. 33Ma ia Jisas e leleo me moro dia tatana hana duli nira, me rapachia ia Pita me kori vahai vania de, “!Ko dia choni, ia Setan! Nimu papada hoe e teha vota mai tatana ia God. E vota mai bamu tatana tinoni.”
Ia Jisas e kori lengaa kovahai isei te ke bukea ia ke onioni lakamu na mate
(Matiu 16:24-28; Luk 9:23-27)
34Ma ia Jisas e solo saia na toha na tinoni kolu hana duli nira, mara dia tatana me kori vahai vanira de, “Tina vahai ke chikai ke ngangavina ke bukeu nau, ia ke livu sivo tovosia, me ke kasoa nina kros, me ke bukeu nau. 35Matengana isei ke pada leho tovosia na mamaurina tana pari de, ia ba ke mate. Me tina vahai ke chikai ke saua na mamaurina tovosi tana rongogu inau mi tana rongona na saurongo talana nia, ia ngeni ba ke tamania na mamauri sali. 36?Me tina vahai ke chikai ke tamania e visa na tatamani tana pari de me ke mate kolura, mi ngeni ba ke vahai vei, na omea nira nia ngeni ba kara sangaa ia? E teha. 37E teha laka siki nina tatamani ia ke saua me ke ni taha visua na mamaurina. 38Na tinoni nira tara toha tana tahu de ara basiaa nidira God, vahai na daki te basiaa na tauna me biku kolu laka chikai na tinoni. Me tina vahai ke chikai na tinoni ke vahamaa tana matadira tana rongogu nau, mi tana rongona nigu valagu nau, mi ngeni ba inau, na Dalena Tinoni, ku vahamaa lakamu tatana ia tahuna tu ku laba mai tana mararana na Tohagu kolura na enjol tabu nira.”
Právě zvoleno:
Mak 8: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 8
8
Ia Jisas e tuva hadira e vati toha (4,000) na tinoni
(Matiu 15:32-39)
1Tana danina laka nira nia, mara laba mai na toha na tinoni tatana laka ia Jisas. Mi tana tahu nia, na tinoni nira nia ara teha tamani siki hahani. Ma ia Jisas e solora hana duli, me kori vanira vahai de, 2“Inau u sola tu sahavira na tinoni nira de, rongona ira ara toha koluhita hita e tolu noha na dani, me teha noha siki hahani kara hania. 3Me tina vahai ku raidira nau kara visu ngalo hahani i veradira, mi ngeni ba kara tangarebo ma kara luba i sala, rongona kesana na tinoni ara vota vasau mara mai.”
4Ma ira hana duli ia Jisas ara gesu vahai de, “?Mi tana talu mangu vahai de, ivei ba ka tahaa hita siki hahani tihilana ka tuva hadira na toha nira de?”
5Ma ia Jisas e gesu vahanira vahai de, “?E visa na bred tamu tamania hamu?”
Mi ira ara kori vahai vania de, “E vitu bamu.”
6Ma ia Jisas e kejalira na tinoni nira nia kara tohotuu i pari. Me tahara ia e vitu na bred nia me kamaa ia God, kode me kapukura me ngitira me sau vanira hana duli nira kara vatasara vanira na toha na tinoni. Mi ira hana duli ia ara agosi taonia na hua te koria ia. 7Ma ira ara tamani lakamua e ruka tolu na cheche pepechi. Ma ia Jisas e kamaa ia God, kode me raira hana duli nira kara vatasara na cheche nira nia vanira na tinoni nira. 8Ma ira kode ara hahani mara masu. Mi tahuna tara hahani kode ira, ma ira hana duli ia Jisas ara chakoa na tirenge ni hahani nira mara dangalia e vitu na kei. 9Ma na dangana na tinoni tana tahu nia e tihilana vahai ke vati na toha (4,000). Ma ia Jisas e raidira na tinoni nira nia mara visu, 10me dia ia me sahe tatana e chikai na vaka pepechi kolu hana duli nira, mara dia vahai tana nidira sasapa ira i Dalmanuta.
Ira na Parasii ara kejalia ia Jisas ke agosia ke chikai na valajaja
(Matiu 16:1-4)
11Me kesana na Parasii ara mai tatana ia Jisas mara vaisuhuni kolua ia. Ira ara ngavina kara tovoa ia, mara kejalia ia ke agosia ke chikai na valajaja ni heven, me ke ni tihisi lengaa ia e vota mai nomu tatana ia God. 12Ma ia Jisas e mahomaho leho me kori vahai de, “?E vahai sahata vei na tinonina okana de mara ngangavina morosi valajaja? Inau u kori vanihamu kalavata, inau ngeni ba ku teha na agosia siki valajaja vanira na tinoni nira de!”
13Me dia basiara ia Jisas, me visu sahe tana vaka pepechi nia, mara visu talihu i tabana tana namo nia.
Ia Jisas e paratanga vanira hana duli nira tana nidira naunau ira na Parasii ma ia Herod
(Matiu 16:5-12)
14Mi ira hana duli ia Jisas ara purusahania na tahaa ke danga na bred. E chikai bamu na bred tara tahaa ira mara sahe kolu tana vaka pepechi nia. 15Ma ia Jisas e paratanga vanira me kori vahai de, “Kamu kana hamu tana nidira isti ira na Parasii, ma nina isti ia Herod.”#8:15 Ira na Jiu ara hanaa koria na asa isti vahai na kori titihila, matengana na isti e chikai na omea te salavu me olisia na omea te toha tatana. Me tuhutuhu kolu na nidira naunau sekoseko ira na Parasii.
16Mi ira hana duli ia ara tuturiha na vaikorihi tovosi mara kori vahai de, “Ia Jisas e valagu vahai nia rongona hita a teha na tamania siki bred.”
17Ma ia Jisas e hana bamua na hua tara koria ira, ba me tu ia me gesu vahanira de, “?E vahai vei hamu mamu valaguna te teha siki bred? ?Amu teha vata hamu na pada manasana ia? ?E teha chana manasa vungamiu hamu? 18Ihamu amu tamani matamiu. ?Me vahai vei mamu teha hamu na morosia? Mihamu tamani valingemiu. ?Me vahai vei mamu teha hamu na valingea? ?Amu teha hamu padaa 19tahuna tu ngitia nau e chehe na bred mu tuva hadira e chehe toha na tinoni? ?Me visa danga ni kei tamu keia hamu tana tirenge ni hahani nira nia?”
Ma ira ara kori visu vahai vania de, “E sangavulu ruka na kei.”
20Ma ia Jisas e gesu vahai vanira laka de, “?Me visa danga ni kei tamu keia hamu tana tirenge ni hahani tahuna tu ngitia nau e vitu bamu na bred mu tuva hana e vati toha na tinoni?”
Ma ira ara kori visu vahai de, “E vitu na kei.”
21Ma ia Jisas e gesu vahanira laka de, “?Me vahai vei amu teha vata hamu pada manasana?”
Ia Jisas e maurisia e chikai na tinoni dokodoko ni Betseida
22Mi tahuna tara mai chau ira i Betsaeda, me kesana na tinoni ara taha mai vania ia Jisas e chikai na tinoni te doko na matana, mara navusia ia ke chibelia. 23Ma ia Jisas e taria na limana tinoni dokodoko nia me udungi salihia tana vera nia. Mi bukena me chuvehaa na matana koera na tinoni dokodoko nia, kode me sau dia limana tatana, me gesu vahania de, “?E vahai vei, o morosia siki omea?”
24Ma na tinoni nia e moro dato me kori vahai de, “Aa, u morosia nau kesana tinoni, mi ira ara moro vahai na hai tara diadia valego.”
25Ma ia Jisas e chibeli dia laka na matana koera tinoni nia. Mi tahuna te agosi vahania ia, ba me moro vatavata tinoni nia, te marara visu matana me morosi talanaa ia e visa na omea. 26Ma ia Jisas e sau visua na tinoni nia i valena me kori susuliha vania me kori vahai de, “Ko mui laka hoe visu tana vera nia.”
Ia Pita e kori lengaa kovahai ia Jisas na Mesaea
(Matiu 16:13-20; Luk 9:18-21)
27Ma ia Jisas kolu hana duli nira ara dia tana vera nira i lilihina na vera leho i Sisaria Pilipae. Mi tahuna tara diadia ira i sala, me laba ia Jisas me gesu vahanira hana duli nira de, “?E vahai vei, na tinoni nira ara padaa kovahai isei nau?”
28Ma ira hana duli ia ara kori vahai de, “Ira kesana ara koria kovahai hoe ia Jon na Tinoni Lesovitabu. Mi kesana ara kovahai hoe ia Elaeja, mi ira laka kesana ara kovahai hoe e chikai na vidadira ira na propet ni sau.”
29Ma ia Jisas e gesu vahanira laka de, “?Mihamu amu padaa kovahai isei nau?”
Ma ia Pita e kori vahai de, “Ihoe nomu na Mesaea nia.”
30Ma ia Jisas e kejalira vahai de, “Kamu mui laka hamu na kori vania ke chikai isei nau.”
Ia Jisas e kori lengaa nina vajangi savi ma nina matemate
(Matiu 16:21-23; Luk 9:22)
31Ma ia Jisas e tuturiha na sasanira hana duli nira me kori vahai de, “Inau, na Dalena Tinoni, ngeni ba ku vajangi savi solehana, mi ira na tinoni leholeho, ma nidira lehona nira ira na tinoni ni kere, mi ira na tinoni sau manasa tana nina keja ia Mosis ba kara hoso tahaniu. Ngeni ba kara labu mateu nau, mi tana tolunina na dani mu ku mauri visu soha.” 32Ia Jisas e kori lenga talana vanira visa na omea. Ma ia Pita e udungi salihia ia Jisas me tuturiha na rapachia. 33Ma ia Jisas e leleo me moro dia tatana hana duli nira, me rapachia ia Pita me kori vahai vania de, “!Ko dia choni, ia Setan! Nimu papada hoe e teha vota mai tatana ia God. E vota mai bamu tatana tinoni.”
Ia Jisas e kori lengaa kovahai isei te ke bukea ia ke onioni lakamu na mate
(Matiu 16:24-28; Luk 9:23-27)
34Ma ia Jisas e solo saia na toha na tinoni kolu hana duli nira, mara dia tatana me kori vahai vanira de, “Tina vahai ke chikai ke ngangavina ke bukeu nau, ia ke livu sivo tovosia, me ke kasoa nina kros, me ke bukeu nau. 35Matengana isei ke pada leho tovosia na mamaurina tana pari de, ia ba ke mate. Me tina vahai ke chikai ke saua na mamaurina tovosi tana rongogu inau mi tana rongona na saurongo talana nia, ia ngeni ba ke tamania na mamauri sali. 36?Me tina vahai ke chikai ke tamania e visa na tatamani tana pari de me ke mate kolura, mi ngeni ba ke vahai vei, na omea nira nia ngeni ba kara sangaa ia? E teha. 37E teha laka siki nina tatamani ia ke saua me ke ni taha visua na mamaurina. 38Na tinoni nira tara toha tana tahu de ara basiaa nidira God, vahai na daki te basiaa na tauna me biku kolu laka chikai na tinoni. Me tina vahai ke chikai na tinoni ke vahamaa tana matadira tana rongogu nau, mi tana rongona nigu valagu nau, mi ngeni ba inau, na Dalena Tinoni, ku vahamaa lakamu tatana ia tahuna tu ku laba mai tana mararana na Tohagu kolura na enjol tabu nira.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved