Mak 10
10
Ia Jisas e sau manasa tana rongona na vaichonibasiahi
(Matiu 19:1-12; Luk 16:18)
1Ma ia Jisas e basiaa i Kapaneam, me dia vahai tana provins i Jiudia me talihu tana tabana kolo i Jodan. Me danga na tinoni ara mai laka tatana ia, me sasanira ira vahai te agosi nohaa visa tahu.
2Mara mai kesana na Parasii mara tovoa ia Jisas, mara gesu vahania de, “?Ko kori vanihami ba hoe, e talasanga nida keja hita ke basiaa na tinoni na tauna?”
3Ma ia Jisas e gesu visu vahai vanira de, “?Na keja vahai vei te sau vanihamu ia Mosis i sau?”
4Mi ira ara kori vahai de, “Ia Mosis e talasangaa na tinoni ke basiaa na tauna tina vahai ke mare luhia na mamarena na vaichonibasiahi, me ke basiaa ia na tauna.”
5Ma ia Jisas e kori vahai vanira de, “Ia Mosis e mare vanihamu na keja nia matengana te ngachi vahai na makara na manasamiu. 6Tana tuturihana, tahuna te volaa ia God visa na omea, ia e agosia na mane ma na daki, vahai tara mare nohaa tana Mamare Tabu.
7“Me mare vahani lakamua na Mamare Tabu de, ‘Ia nimu na rongona vahai ba ke basiaa na mane nia na tinana ma na tohana me ke toha kolua na tauna. 8Mi koera ruka ngeni ba kara ko lia bamu ke chikai.’#10:8 Morosia tana Jenesis 2:24
“Ia te vahai nia, i koera ara ko teha noha vahai e ruka na tinoni, ara ko chikai bamu na tinoni. 9Ma na hua te livu saia ia God, ba ke teha laka siki tinoni ke vu vota lakaa.”
10Ma ia Jisas kolu hana duli nira ia ara visu sahe soha ira i vale, ma ira hana duli ara gesuaa ia na hua na papadana na omea nira te koria ia. 11Me kori vahai ia Jisas de, “Na tinoni te ke choni basiaa na tauna me ke taulahani lakaa e chikai na daki, ia e kiboha. 12Me vahai soha lakamu na daki. Tina vahai ke choni basiaa na tauna me ke taulahani lakaa e chikai na tinoni, ia e kiboha lakamu.”
Ia Jisas e tabura na gari pepechi
(Matiu 19:13-15; Luk 18:15-17)
13Kesana tinoni ara dungi maira ira na gari pepechi tatana ia Jisas me ke livu limana ia tatadira. Ma ira hana duli ia ara rapachira na tinoni nira. 14Mi tahuna te morosia ia Jisas tara vahai ira ia, me kore vania hana duli nira me kori vahai de, “Kamu livura na gari nira kara mai tatagu nau. Kamu mui utusira, matengana nina baravata ia God na nidira ira tara vahai na gari pepechi nira nia. 15Inau u kori vanihamu na omea tutuni, isei te teha saua na mamaurina vania ia God vahai na gari pepechi, ia ba ke utu chulu sahe tana nina baravata ia God.” 16Me tu ia Jisas me tabalara me halora na gari pepechi nira, me sau limana tana vungadira me tabura ira.
Na tinoni lehona te tamani
(Matiu 19:16-30; Luk 18:18-30)
17Mi tahuna te tuturiha ia Jisas na dia, me rahe mai chikai na tinoni, me sivo tuturu i matana, me gesu vahai de, “?Ticha Talana, na hua tu ku agosia nau ku ni tamania na mamauri sali?”
18Ma ia Jisas e gesuaa na tinoni nia me kori vahai de, “?E vahai vei o vu koria hoe nau talana? E teha ke chikai ke talana, ia God bamu te talana. 19Ihoe o hana nohaa nina keja nira ia God tara kori vahai de: ‘Mui na labu mate tinoni, mui na kiboha, mui na beli, mui na lelekaha lalona na vale ni pede, mui na lelekaha mo ko ni beli, ko tamani kukuni tatana na tinamu ma na tohamu.”
20Ma na tinoni nia e kori vahai de, “Ticha, e tuturiha mai tahuna tu pechi nau, u toha taonia nau visa kode na keja.”
21Ma ia Jisas e moro dia tatana tinoni nia me sahavia, me kori vahai vania de, “Ihoe e chikai na omea to teha vata agosia. Ko dia mo ko chabiria visa kode nimu tatamani, mo ko tahaa na golona mo ko sau vanira ira tara teha tamani siki omea. Mihoe ngeni ba ko tamania ke danga na omea levo i heven. Kode mo ko mai mo ko bukeu nau.” 22Mi tahuna te valingea na tinoni nia na valagu vahai nia, me melu na tobana me visu, matengana ia na tinoni tatamani.
23Me tuu ia Jisas me moro dia tatana hana duli nira me kori vahai de, “E utu solehana vanira ira na tinoni tatamani kara sahe tana nina baravata ia God.”
24Mi ira hana duli ia ara makai tana nina valagu ia, ma ia Jisas e valagu vahai laka de, “Dalegu hamu, e utu nomu na sahe tana nina baravata ia God. 25E utu ke chikai na kamel ke sahe chapa tuhu tana ovana na nila ni chuki kaleko, me utu solehana laka baa vania na tinoni tatamani ke sahe tana nina baravata ia God.”
26Mi ira hana duli ara sola tara makai mara vaigesuahi vahai de, “?Me tina ke vahai nia, misei bamu te ke hanaa tamania na mamauri sali?”
27Ma ia Jisas e moro dia tatadira me kori vahai de, “Na omea de e utu vania na tinoni, ma ia God e teha siki omea te ke utu vania.”
28Ma ia Pita e kori vahai vania de, “?Mi hami vahai vei? Ihami ami basia kodea visa tatamani mami bukeho hoe.”
29Ma ia Jisas e kori vahai vania de, “Inau u kori vaniho na omea tutuni, isei te ke basiaa na valena, ma na tasina, ma na vavinena, ma na tinana ma na tohana, ma na dalena, ma na nina uta tana mategu nau kolu na Saurongo Talana, 30ia ba ke tamania ke danga laka baa na valena, ma na tasina, ma na vavinena, ma na tinana, ma na dalena, ma na nina uta, ma kara rotasi lakamua matengana te ke bukeu nau. Mi tana tahu te ke mai, ia ngeni ba ke tamania na mamauri sali. 31Mi ira dangana tara naho tana tahu de ba kara buke, mi ira dangana tara buke tana tahu de ngeni ba kara naho.”
Na tolunina tahu te kori lengaa ia Jisas nina matemate
(Matiu 20:17-19; Luk 18:31-34)
32Ma ia Jisas ma na hana duli nira ara dia tana sala te dato dia i Jerusalem, me naho sala ia Jisas. Ma ira hana duli ara makai tatana ia, ma ira na tinoni tara bubuke nia ara matahu kode. Ma ia Jisas e solo salihira laka na sangavulu ruka hana duli nia me kori vanira na hua ngeni ba te ke laba vania ia. 33Me kori vanira vahai de, “Kamu vavalinge talana. Hita a dato dia i Jerusalem, mi inge inau, na Dalena Tinoni, ngeni ba kara sau diau tana limadira nidira lehona nira ira na tinoni ni kere mi ira na tinoni sau manasa tana nina keja ia Mosis. Mi ira ngeni ba kara pedeu nau, kode ma kara sau diau tana limadira ira na Jentael, 34ma kara chiri sekoliu, ma kara chuvehau, ma kara huliu, ma kara labu mateu. Mi tana tolunina na dani, inau ngeni ba ku mauri visu soha.”
Ia Jemes ma ia Jon ara ko nongia ia Jisas na borongana na malengakodira tana nina baravata ia God
(Matiu 20:20-28)
35Ia Jemes ma ia Jon, na dalena koera ia Sebedi, ara ko mai tatana ia Jisas mara ko kori vahai vania de, “Ticha, kohami ami ko ngangavina ko agosi vanikohami e chikai na omea.”
36Ma ia Jisas e gesukoera vahai de, “?Na hua tamu ko ngangavina kohamu?”
37Mi koera ara ko kori vahai de, “Kohami ami ko ngangavina ko talasanga hoe kami ko toha koluho, ke chikai tana madoamu me ke chikai tana maulimu, tahuna to ko tohotuu hoe tana susulihana ma na mararana nimu baravata.”
38Ma ia Jisas e kori vahai vanikoera de, “Kohamu amu ko teha hanaa na hua tamu ko nongia. ?Me vahai vei, kohamu amu ko hanaa na inu tatana na kapu ni rota vahai na kapu ni rota tu ku inuvia nau,#10:38 Morosia tana Mak 14:36 me tihilakomiu na lesotabu tana rota vahai tu ku rota nau tatana?”#10:38 Morosia tana Luk 12:50; Romans 6:3
39Mi koera ara ko kori vahai de, “Aa. E tihilakomami.”
Ma ia Jisas e kori vahai vanikoera de, “Me ngeni ba nimu kamu ko sanga na rota vahai tana rota ngeni ba te ke hadoviu nau, ma kamu ko sanga na lesotabu tana rota tu ku lesotabu nau tatana. 40Me teha siki nigu ago nau ku koria isei te ke toha tana madoagu mi tana mauligu. Ia God ngeni ba ke saua na malenga ni toha nia vanira ira te vili nohara.”
41Mi tahuna tara valingea ira e sangavulu hana duli nia na hua tara ko nongia koera nia, mi ira ara kore vanikoera ia Jemes ma ia Jon. 42Ma ia Jisas e solo kokolura hana duli nira tatana me kori vahai vanira de, “Ihamu amu morosi nohaa nidira tinoni taovia ira tana pari de, ira ara hotuhotu tana nidira susuliha. Mi ira na tinoni leholeho ara tamania na susuliha kara ni raira na nidira tinoni. 43Mihamu kamu mui vahai ia. Tina vahai ke chikai vidamiu hamu te ke ngangavina ke lia nimiu tinoni lehona hamu, ia ba ke lia bamu na nimiu tinoni ago hamu. 44Me tina vahai ke chikai te ke ngangavina ke lia na nimiu tinoni pichakae hamu, ia ke lia bamu nimiu tinoni nonoru hamu. 45Me seisuge inau, na Dalena Tinoni, u teha na mai kara ni ago vaniu. Minau u mai na ago vanira ira na tinoni, mu ku saua na mamaurigu mu ku ni sivo salana hana seko danga na tinoni.”
Ia Jisas e maragasia na matana ia Batameas te doko
(Matiu 20:29-34; Luk 18:35-43)
46Mi bukena mai, ma ia Jisas kolu hana duli nira ara mai chau i Jeriko. Mi tahuna tara basiaa na vera nia kolu na ala-ala ni tinoni mara tuturiha na dia, me chikai na tinoni dokodoko te totohotuu tana lilihi ni sala me nongi hana. Ia Batameas na asana, na dalena ia Timeas. 47Mi tana tahu te valingea ia te liu mai ia Jisas ni Nasaret tana sala nia, me tuturiha ia na huu leho me kori vahai de, “Jisas, na Dalena ia Deved, ko sahaviu nau!”
48Me danga na tinoni ara ngahasia mara kori vania ke toha mui. Ma ia e huu leho laka baa me kori vahai laka de, “Dalena ia Deved, ko sahaviu nau!”
49Ma ia Jisas e tuu me kori vahai vanira ira de, “Kamu kejalia ke mai.”
Mi ira ara soloa na tinoni dokodoko nia mara kori vahai vania de, “Ko mamahela mo ko tatuhuru! Ia Jisas te soloho hoe.”
50Ma na tinoni dokodoko nia e chonia nina kaleko daho nia, me chipu me tatuhuru me mai tatana ia Jisas.
51Me gesu vahania ia Jisas de, “?Na hua to ngangavina hoe ku agosi vaniho nau?”
Me kori vahai na tinoni dokodoko nia de, “Ticha, u ngangavina kiki ku momoro.”
52Me kori vahai ia Jisas de, “Ko dia. Nimu dodonu tatagu nau e vahaniho mo mauri.”
Mi tana tahu vahai kalavata nia, me momoro na tinoni nia, me bukea ia Jisas.
Právě zvoleno:
Mak 10: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 10
10
Ia Jisas e sau manasa tana rongona na vaichonibasiahi
(Matiu 19:1-12; Luk 16:18)
1Ma ia Jisas e basiaa i Kapaneam, me dia vahai tana provins i Jiudia me talihu tana tabana kolo i Jodan. Me danga na tinoni ara mai laka tatana ia, me sasanira ira vahai te agosi nohaa visa tahu.
2Mara mai kesana na Parasii mara tovoa ia Jisas, mara gesu vahania de, “?Ko kori vanihami ba hoe, e talasanga nida keja hita ke basiaa na tinoni na tauna?”
3Ma ia Jisas e gesu visu vahai vanira de, “?Na keja vahai vei te sau vanihamu ia Mosis i sau?”
4Mi ira ara kori vahai de, “Ia Mosis e talasangaa na tinoni ke basiaa na tauna tina vahai ke mare luhia na mamarena na vaichonibasiahi, me ke basiaa ia na tauna.”
5Ma ia Jisas e kori vahai vanira de, “Ia Mosis e mare vanihamu na keja nia matengana te ngachi vahai na makara na manasamiu. 6Tana tuturihana, tahuna te volaa ia God visa na omea, ia e agosia na mane ma na daki, vahai tara mare nohaa tana Mamare Tabu.
7“Me mare vahani lakamua na Mamare Tabu de, ‘Ia nimu na rongona vahai ba ke basiaa na mane nia na tinana ma na tohana me ke toha kolua na tauna. 8Mi koera ruka ngeni ba kara ko lia bamu ke chikai.’#10:8 Morosia tana Jenesis 2:24
“Ia te vahai nia, i koera ara ko teha noha vahai e ruka na tinoni, ara ko chikai bamu na tinoni. 9Ma na hua te livu saia ia God, ba ke teha laka siki tinoni ke vu vota lakaa.”
10Ma ia Jisas kolu hana duli nira ia ara visu sahe soha ira i vale, ma ira hana duli ara gesuaa ia na hua na papadana na omea nira te koria ia. 11Me kori vahai ia Jisas de, “Na tinoni te ke choni basiaa na tauna me ke taulahani lakaa e chikai na daki, ia e kiboha. 12Me vahai soha lakamu na daki. Tina vahai ke choni basiaa na tauna me ke taulahani lakaa e chikai na tinoni, ia e kiboha lakamu.”
Ia Jisas e tabura na gari pepechi
(Matiu 19:13-15; Luk 18:15-17)
13Kesana tinoni ara dungi maira ira na gari pepechi tatana ia Jisas me ke livu limana ia tatadira. Ma ira hana duli ia ara rapachira na tinoni nira. 14Mi tahuna te morosia ia Jisas tara vahai ira ia, me kore vania hana duli nira me kori vahai de, “Kamu livura na gari nira kara mai tatagu nau. Kamu mui utusira, matengana nina baravata ia God na nidira ira tara vahai na gari pepechi nira nia. 15Inau u kori vanihamu na omea tutuni, isei te teha saua na mamaurina vania ia God vahai na gari pepechi, ia ba ke utu chulu sahe tana nina baravata ia God.” 16Me tu ia Jisas me tabalara me halora na gari pepechi nira, me sau limana tana vungadira me tabura ira.
Na tinoni lehona te tamani
(Matiu 19:16-30; Luk 18:18-30)
17Mi tahuna te tuturiha ia Jisas na dia, me rahe mai chikai na tinoni, me sivo tuturu i matana, me gesu vahai de, “?Ticha Talana, na hua tu ku agosia nau ku ni tamania na mamauri sali?”
18Ma ia Jisas e gesuaa na tinoni nia me kori vahai de, “?E vahai vei o vu koria hoe nau talana? E teha ke chikai ke talana, ia God bamu te talana. 19Ihoe o hana nohaa nina keja nira ia God tara kori vahai de: ‘Mui na labu mate tinoni, mui na kiboha, mui na beli, mui na lelekaha lalona na vale ni pede, mui na lelekaha mo ko ni beli, ko tamani kukuni tatana na tinamu ma na tohamu.”
20Ma na tinoni nia e kori vahai de, “Ticha, e tuturiha mai tahuna tu pechi nau, u toha taonia nau visa kode na keja.”
21Ma ia Jisas e moro dia tatana tinoni nia me sahavia, me kori vahai vania de, “Ihoe e chikai na omea to teha vata agosia. Ko dia mo ko chabiria visa kode nimu tatamani, mo ko tahaa na golona mo ko sau vanira ira tara teha tamani siki omea. Mihoe ngeni ba ko tamania ke danga na omea levo i heven. Kode mo ko mai mo ko bukeu nau.” 22Mi tahuna te valingea na tinoni nia na valagu vahai nia, me melu na tobana me visu, matengana ia na tinoni tatamani.
23Me tuu ia Jisas me moro dia tatana hana duli nira me kori vahai de, “E utu solehana vanira ira na tinoni tatamani kara sahe tana nina baravata ia God.”
24Mi ira hana duli ia ara makai tana nina valagu ia, ma ia Jisas e valagu vahai laka de, “Dalegu hamu, e utu nomu na sahe tana nina baravata ia God. 25E utu ke chikai na kamel ke sahe chapa tuhu tana ovana na nila ni chuki kaleko, me utu solehana laka baa vania na tinoni tatamani ke sahe tana nina baravata ia God.”
26Mi ira hana duli ara sola tara makai mara vaigesuahi vahai de, “?Me tina ke vahai nia, misei bamu te ke hanaa tamania na mamauri sali?”
27Ma ia Jisas e moro dia tatadira me kori vahai de, “Na omea de e utu vania na tinoni, ma ia God e teha siki omea te ke utu vania.”
28Ma ia Pita e kori vahai vania de, “?Mi hami vahai vei? Ihami ami basia kodea visa tatamani mami bukeho hoe.”
29Ma ia Jisas e kori vahai vania de, “Inau u kori vaniho na omea tutuni, isei te ke basiaa na valena, ma na tasina, ma na vavinena, ma na tinana ma na tohana, ma na dalena, ma na nina uta tana mategu nau kolu na Saurongo Talana, 30ia ba ke tamania ke danga laka baa na valena, ma na tasina, ma na vavinena, ma na tinana, ma na dalena, ma na nina uta, ma kara rotasi lakamua matengana te ke bukeu nau. Mi tana tahu te ke mai, ia ngeni ba ke tamania na mamauri sali. 31Mi ira dangana tara naho tana tahu de ba kara buke, mi ira dangana tara buke tana tahu de ngeni ba kara naho.”
Na tolunina tahu te kori lengaa ia Jisas nina matemate
(Matiu 20:17-19; Luk 18:31-34)
32Ma ia Jisas ma na hana duli nira ara dia tana sala te dato dia i Jerusalem, me naho sala ia Jisas. Ma ira hana duli ara makai tatana ia, ma ira na tinoni tara bubuke nia ara matahu kode. Ma ia Jisas e solo salihira laka na sangavulu ruka hana duli nia me kori vanira na hua ngeni ba te ke laba vania ia. 33Me kori vanira vahai de, “Kamu vavalinge talana. Hita a dato dia i Jerusalem, mi inge inau, na Dalena Tinoni, ngeni ba kara sau diau tana limadira nidira lehona nira ira na tinoni ni kere mi ira na tinoni sau manasa tana nina keja ia Mosis. Mi ira ngeni ba kara pedeu nau, kode ma kara sau diau tana limadira ira na Jentael, 34ma kara chiri sekoliu, ma kara chuvehau, ma kara huliu, ma kara labu mateu. Mi tana tolunina na dani, inau ngeni ba ku mauri visu soha.”
Ia Jemes ma ia Jon ara ko nongia ia Jisas na borongana na malengakodira tana nina baravata ia God
(Matiu 20:20-28)
35Ia Jemes ma ia Jon, na dalena koera ia Sebedi, ara ko mai tatana ia Jisas mara ko kori vahai vania de, “Ticha, kohami ami ko ngangavina ko agosi vanikohami e chikai na omea.”
36Ma ia Jisas e gesukoera vahai de, “?Na hua tamu ko ngangavina kohamu?”
37Mi koera ara ko kori vahai de, “Kohami ami ko ngangavina ko talasanga hoe kami ko toha koluho, ke chikai tana madoamu me ke chikai tana maulimu, tahuna to ko tohotuu hoe tana susulihana ma na mararana nimu baravata.”
38Ma ia Jisas e kori vahai vanikoera de, “Kohamu amu ko teha hanaa na hua tamu ko nongia. ?Me vahai vei, kohamu amu ko hanaa na inu tatana na kapu ni rota vahai na kapu ni rota tu ku inuvia nau,#10:38 Morosia tana Mak 14:36 me tihilakomiu na lesotabu tana rota vahai tu ku rota nau tatana?”#10:38 Morosia tana Luk 12:50; Romans 6:3
39Mi koera ara ko kori vahai de, “Aa. E tihilakomami.”
Ma ia Jisas e kori vahai vanikoera de, “Me ngeni ba nimu kamu ko sanga na rota vahai tana rota ngeni ba te ke hadoviu nau, ma kamu ko sanga na lesotabu tana rota tu ku lesotabu nau tatana. 40Me teha siki nigu ago nau ku koria isei te ke toha tana madoagu mi tana mauligu. Ia God ngeni ba ke saua na malenga ni toha nia vanira ira te vili nohara.”
41Mi tahuna tara valingea ira e sangavulu hana duli nia na hua tara ko nongia koera nia, mi ira ara kore vanikoera ia Jemes ma ia Jon. 42Ma ia Jisas e solo kokolura hana duli nira tatana me kori vahai vanira de, “Ihamu amu morosi nohaa nidira tinoni taovia ira tana pari de, ira ara hotuhotu tana nidira susuliha. Mi ira na tinoni leholeho ara tamania na susuliha kara ni raira na nidira tinoni. 43Mihamu kamu mui vahai ia. Tina vahai ke chikai vidamiu hamu te ke ngangavina ke lia nimiu tinoni lehona hamu, ia ba ke lia bamu na nimiu tinoni ago hamu. 44Me tina vahai ke chikai te ke ngangavina ke lia na nimiu tinoni pichakae hamu, ia ke lia bamu nimiu tinoni nonoru hamu. 45Me seisuge inau, na Dalena Tinoni, u teha na mai kara ni ago vaniu. Minau u mai na ago vanira ira na tinoni, mu ku saua na mamaurigu mu ku ni sivo salana hana seko danga na tinoni.”
Ia Jisas e maragasia na matana ia Batameas te doko
(Matiu 20:29-34; Luk 18:35-43)
46Mi bukena mai, ma ia Jisas kolu hana duli nira ara mai chau i Jeriko. Mi tahuna tara basiaa na vera nia kolu na ala-ala ni tinoni mara tuturiha na dia, me chikai na tinoni dokodoko te totohotuu tana lilihi ni sala me nongi hana. Ia Batameas na asana, na dalena ia Timeas. 47Mi tana tahu te valingea ia te liu mai ia Jisas ni Nasaret tana sala nia, me tuturiha ia na huu leho me kori vahai de, “Jisas, na Dalena ia Deved, ko sahaviu nau!”
48Me danga na tinoni ara ngahasia mara kori vania ke toha mui. Ma ia e huu leho laka baa me kori vahai laka de, “Dalena ia Deved, ko sahaviu nau!”
49Ma ia Jisas e tuu me kori vahai vanira ira de, “Kamu kejalia ke mai.”
Mi ira ara soloa na tinoni dokodoko nia mara kori vahai vania de, “Ko mamahela mo ko tatuhuru! Ia Jisas te soloho hoe.”
50Ma na tinoni dokodoko nia e chonia nina kaleko daho nia, me chipu me tatuhuru me mai tatana ia Jisas.
51Me gesu vahania ia Jisas de, “?Na hua to ngangavina hoe ku agosi vaniho nau?”
Me kori vahai na tinoni dokodoko nia de, “Ticha, u ngangavina kiki ku momoro.”
52Me kori vahai ia Jisas de, “Ko dia. Nimu dodonu tatagu nau e vahaniho mo mauri.”
Mi tana tahu vahai kalavata nia, me momoro na tinoni nia, me bukea ia Jisas.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved