Mak 7
7
Ia Jisas e kori lengaa na hua te vahania na tinoni me teha male na mamaurina
(Matiu 15:1-9)
1E chikai na dani, e kesana na Parasii ma na tinoni sau manasa tana nina keja ia Mosis tara vota mai i Jerusalem ara mai mara toha talihu labaa ia Jisas. 2Ma ira ara morosia e kesana hana duli ia Jisas ara teha na vuli luhia na limadira kode kara vu hahani, taonia na naunau tara ngavina ira na Parasii kara taonia ira na tinoni.
3Ira na Parasii mi ira kode na Jiu, ara toha taonia na sasani nia tara tahaa tana kukuadira. Ira kara vuli talana luhia na limadira kode ba kara hahani. 4Ma siki omea tara tahaa tana maket kara vuli luhia kode ba kara hania. Mara toha taoni lakamua ira e danga na naunau tara taha datoa tana kukuadira, vahai na naunau talana na vulia na kapu ma na sopeni kolu na diho.
5Mi ira na Parasii mi ira na tinoni sau manasa tana nina keja ia Mosis ara gesu vahania ia Jisas de, “?E vahai vei hamu duli nira hoe mara teha na taonia na naunau tara sau maia na tutugada nira hita i sau? Ira ara hahani kolu bamu na limadira te teha na male.”
6Ma ia Jisas e kori vahai de, “Ihamu na tinoni vanga tuliuliu. E hadovihamu kalavata hamu na hua te koria ia Aesaea tana rongomiu hamu, me mare vahania de,
“Ia God e kori vahai de, ‘Na tinoni nira de ara livu kaeu nau tana mangadira bamu,
ma na tobadira ira e vasau solehana vaniu nau.’
7‘Ira ara rota volo na livu kaeu nau,
rongona ara sasanira ira na tinoni na keja tara agosi tovosi bamua ira.’ ”#Aesaea 29:13
8Me kori vahai laka ia Jisas de, “Ihamu amu basiaa nina keja nira ia God, mamu bukea hamu na hua tara sasanihamu bamu na tinoni.”
9Me kori vahai laka de, “Ihamu amu hana solehanaa na didiana na hoso tahaniana nina keja ia God, ma kamu ni bukea hamu nimiu naunau tovosi ni sau. 10Ia Mosis e kori vahai de, ‘Ko kukuni tatana na tinamu ma na tohamu. Me tina vahai ke chikai ke kori sekolia na tinana ma na tohana, ia ngeni ba kara labu matea.’ 11Ba, mihamu amu kori vahai tina ke chikai na tinoni ke tamani siki omea te tihilana ke saua ke ni sangaa na tinana ma na tohana, ma ia ke kori vahai ke, ‘Ide nia na ninana ia God tu livu nohaa nau.’ 12Ma ia e valagu vahai nia ke ni tuu liuliu ia me ke teha sangaa na tinana ma na tohana. 13Mihamu amu liangaa nina valagu ia God tahuna tamu sasanira na tinoni kara bukea na nimiu naunau tovosi ni sau. Me danga laka na omea vahai de tamu kukutu na agosiana.”#7:13 Na naunau tuali e toha tana buka ni Nabas 30:1-2, te koria tinoni ke toha taonia nina vacha. Ma na naunau nia e vahania na keja chikai me ke morosi sivoa na keja chikai. Me vahania mara morosi toba lelaa kodira ago na keja koera nia, te ke sanga kodea visa na tinoni. Ia God e ngangavina ira na gari kara haekaea na tinatohadira, ma na sangara ira tana golo tahuna tara ngangavina ira. Morosia tana Provebs 28:24 mi tana 1 Timoti 5:4.
14Ma ia Jisas e solo sai lakara ira na tinoni kara haru dia tatana me kori vahai vanira de, “Ihamu kode kamu valingeu nau ma kamu pada manasana na hua tu ku koria nau. 15-16E teha siki omea te ke liu kuli me ke sahe tana mangana tinoni te ke vahania ia me ke teha na male na mamaurina. Ma na hua te chulu mai tana mangana tinoni te vahania ia me teha na male tana matana ia God.” #7:15-16 Kesana na kopi tuali ara marea ves 16 te mare vahai de, “Kamu vavalinge talana tina vahai kamu tamani valingemiu.”
17Mi tahuna te basiaa ia na ala-ala ni tinoni nira nia, me sahe ia vale, mi ira hana duli ara kori vania ia ke kori vanira na hua na papadana na kori titihila te koria ia. 18Ma ia Jisas e kori vahai vanira de, “!So! ?Amu teha vata hamu pada manasana? E teha siki omea te ke hania na tinoni te ke vahania ia me ke teha na male tana matana ia God. 19E teha sahe tana manasana ia, ma ia e sahe bamu tana jukuna, kode me chulu me ke dia choni soha tana tanona ia.” Tana valagu vahai nia, ia Jisas e kori lengaa kovahai e visa na hahani e talana bamu na haniana.
20Me valagu ia Jisas me kori vahai laka de, “Na omea tara chulu mai tana tobana tinoni e vahania ia me teha na male tana matana ia God. 21Rongona tana tobana tinoni e vota mai na papada seko, na biku kolu siki tinoni, na beli, na labu mate tinoni, 22na kiboha, na vangachavu, na goni seko, na lelekaha, na naunau vahai na pai, na pitu, na kori sekoli tinoni, na hotuhotu, ma na agosiana e danga laka na omea bulebule. 23Na omea kode nira nia ara vota mai tana tobana tinoni, me vahania ia me teha male na mamaurina.”
Na daki te tamani dodonu tatana ia Jisas
(Matiu 15:21-28)
24Ma ia Jisas e basiaa na vera nia, me dia tatana kesana na vera lilihina na vera leho i Taea. Me dia me sahe tatana e chikai na vale, matengana ia e teha na ngangavina ke chikai ke hanaa ia e toha inge, maia matengana te utu ke vu koku. 25Me toha inge e chikai na daki te tohavia na tarunga seko na dalena daki. Me tahuna te valingea ia na kokorina ia Jisas, me dia kesakesa me sivo tuturu tana matana ia Jisas. 26Na daki nia e chikai na Jentael tara vasua i Ponisia tana provins i Siria. Me nongia ia Jisas ke huru chonia na tarunga nia tana dalena. 27Ma ia Jisas e kori vania e chikai na kori titihila me kori vahai vania de, “Ira na gari kara hahani luhi. E teha tihilana na tahaa hadira hahani gari nira ma na choni vanira ira na pai.”#7:27 Tana kori titihila nia, ira na gari ara vahai ira na Jiu. Mi ira na pai nira nia, ara vahai na tinonina i Jentael.
28Ma na daki nia e kori vahai de, “E mana, Taovia, mi ira na pai ara hania na meni hadira gari nira te ruchu sivo tana vava ni belabela.”
29Ma ia Jisas e kori vahai vania daki nia de, “Tana rongona nimu valagu visu vahai hoe ia, ko visu valemu mo ko haea na dalemu te dia choni noha na tarunga te toha tatana.”
30Me visu na daki nia i valena, me morosia na dalena te jajaro i mihe, ma na tarunga nia e dia choni noha tatana ia.
Ia Jisas e maurisia na tinoni te mui valingena me moko
31Ma ia Jisas e basiaa na vera nira lilihina na vera leho i Taea, me liu dia vahai i Saedon, me tave dia vahai tana tabana i Dekapolis, me ke dia vahai tana namo leho i Galili. 32Me kesana na tinoni ara taha maia e chikai na tinoni te mui na valingena me teha na valagu talana, mara nongia ia Jisas ke sau limana tatana. 33Ma ia Jisas e udungi salihia mara ko dia tovosi basiara na tinoni nira. Me tahaa e ruka na kakauna me jongi dia tana lalo ni valingena koera na tinoni nia, kode me chuvehaa na kakauna koera me chibeli lakaa na lapina. 34Me moro dato ia Jisas i heven me mahomaho leho, me kori vahai vania tinoni nia de, “!Epata!”#7:34 Ia Jisas e vavalagu tana valagu ni Aramaik. Ma na papadana na valagu nia, “!Ko haruharu!”
35Mi tana tahu vahai kalavata nia, me vavalinge na valingena koera na tinoni nia me valagu talana. 36Ma ia Jisas e tongo vanira kode na tinoni na kori vani lakaa ke chikai. Mi seisuge te tongo vanira ia, ira ara kokori valego bamua. 37Mi ira kode tara valingea ara makai mara kori vahai de, “Ia e agosi talanaa visa na omea. E vahania mara vavalinge na tinoni te mui, mara valagu soha ira tara moko.”
Právě zvoleno:
Mak 7: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 7
7
Ia Jisas e kori lengaa na hua te vahania na tinoni me teha male na mamaurina
(Matiu 15:1-9)
1E chikai na dani, e kesana na Parasii ma na tinoni sau manasa tana nina keja ia Mosis tara vota mai i Jerusalem ara mai mara toha talihu labaa ia Jisas. 2Ma ira ara morosia e kesana hana duli ia Jisas ara teha na vuli luhia na limadira kode kara vu hahani, taonia na naunau tara ngavina ira na Parasii kara taonia ira na tinoni.
3Ira na Parasii mi ira kode na Jiu, ara toha taonia na sasani nia tara tahaa tana kukuadira. Ira kara vuli talana luhia na limadira kode ba kara hahani. 4Ma siki omea tara tahaa tana maket kara vuli luhia kode ba kara hania. Mara toha taoni lakamua ira e danga na naunau tara taha datoa tana kukuadira, vahai na naunau talana na vulia na kapu ma na sopeni kolu na diho.
5Mi ira na Parasii mi ira na tinoni sau manasa tana nina keja ia Mosis ara gesu vahania ia Jisas de, “?E vahai vei hamu duli nira hoe mara teha na taonia na naunau tara sau maia na tutugada nira hita i sau? Ira ara hahani kolu bamu na limadira te teha na male.”
6Ma ia Jisas e kori vahai de, “Ihamu na tinoni vanga tuliuliu. E hadovihamu kalavata hamu na hua te koria ia Aesaea tana rongomiu hamu, me mare vahania de,
“Ia God e kori vahai de, ‘Na tinoni nira de ara livu kaeu nau tana mangadira bamu,
ma na tobadira ira e vasau solehana vaniu nau.’
7‘Ira ara rota volo na livu kaeu nau,
rongona ara sasanira ira na tinoni na keja tara agosi tovosi bamua ira.’ ”#Aesaea 29:13
8Me kori vahai laka ia Jisas de, “Ihamu amu basiaa nina keja nira ia God, mamu bukea hamu na hua tara sasanihamu bamu na tinoni.”
9Me kori vahai laka de, “Ihamu amu hana solehanaa na didiana na hoso tahaniana nina keja ia God, ma kamu ni bukea hamu nimiu naunau tovosi ni sau. 10Ia Mosis e kori vahai de, ‘Ko kukuni tatana na tinamu ma na tohamu. Me tina vahai ke chikai ke kori sekolia na tinana ma na tohana, ia ngeni ba kara labu matea.’ 11Ba, mihamu amu kori vahai tina ke chikai na tinoni ke tamani siki omea te tihilana ke saua ke ni sangaa na tinana ma na tohana, ma ia ke kori vahai ke, ‘Ide nia na ninana ia God tu livu nohaa nau.’ 12Ma ia e valagu vahai nia ke ni tuu liuliu ia me ke teha sangaa na tinana ma na tohana. 13Mihamu amu liangaa nina valagu ia God tahuna tamu sasanira na tinoni kara bukea na nimiu naunau tovosi ni sau. Me danga laka na omea vahai de tamu kukutu na agosiana.”#7:13 Na naunau tuali e toha tana buka ni Nabas 30:1-2, te koria tinoni ke toha taonia nina vacha. Ma na naunau nia e vahania na keja chikai me ke morosi sivoa na keja chikai. Me vahania mara morosi toba lelaa kodira ago na keja koera nia, te ke sanga kodea visa na tinoni. Ia God e ngangavina ira na gari kara haekaea na tinatohadira, ma na sangara ira tana golo tahuna tara ngangavina ira. Morosia tana Provebs 28:24 mi tana 1 Timoti 5:4.
14Ma ia Jisas e solo sai lakara ira na tinoni kara haru dia tatana me kori vahai vanira de, “Ihamu kode kamu valingeu nau ma kamu pada manasana na hua tu ku koria nau. 15-16E teha siki omea te ke liu kuli me ke sahe tana mangana tinoni te ke vahania ia me ke teha na male na mamaurina. Ma na hua te chulu mai tana mangana tinoni te vahania ia me teha na male tana matana ia God.” #7:15-16 Kesana na kopi tuali ara marea ves 16 te mare vahai de, “Kamu vavalinge talana tina vahai kamu tamani valingemiu.”
17Mi tahuna te basiaa ia na ala-ala ni tinoni nira nia, me sahe ia vale, mi ira hana duli ara kori vania ia ke kori vanira na hua na papadana na kori titihila te koria ia. 18Ma ia Jisas e kori vahai vanira de, “!So! ?Amu teha vata hamu pada manasana? E teha siki omea te ke hania na tinoni te ke vahania ia me ke teha na male tana matana ia God. 19E teha sahe tana manasana ia, ma ia e sahe bamu tana jukuna, kode me chulu me ke dia choni soha tana tanona ia.” Tana valagu vahai nia, ia Jisas e kori lengaa kovahai e visa na hahani e talana bamu na haniana.
20Me valagu ia Jisas me kori vahai laka de, “Na omea tara chulu mai tana tobana tinoni e vahania ia me teha na male tana matana ia God. 21Rongona tana tobana tinoni e vota mai na papada seko, na biku kolu siki tinoni, na beli, na labu mate tinoni, 22na kiboha, na vangachavu, na goni seko, na lelekaha, na naunau vahai na pai, na pitu, na kori sekoli tinoni, na hotuhotu, ma na agosiana e danga laka na omea bulebule. 23Na omea kode nira nia ara vota mai tana tobana tinoni, me vahania ia me teha male na mamaurina.”
Na daki te tamani dodonu tatana ia Jisas
(Matiu 15:21-28)
24Ma ia Jisas e basiaa na vera nia, me dia tatana kesana na vera lilihina na vera leho i Taea. Me dia me sahe tatana e chikai na vale, matengana ia e teha na ngangavina ke chikai ke hanaa ia e toha inge, maia matengana te utu ke vu koku. 25Me toha inge e chikai na daki te tohavia na tarunga seko na dalena daki. Me tahuna te valingea ia na kokorina ia Jisas, me dia kesakesa me sivo tuturu tana matana ia Jisas. 26Na daki nia e chikai na Jentael tara vasua i Ponisia tana provins i Siria. Me nongia ia Jisas ke huru chonia na tarunga nia tana dalena. 27Ma ia Jisas e kori vania e chikai na kori titihila me kori vahai vania de, “Ira na gari kara hahani luhi. E teha tihilana na tahaa hadira hahani gari nira ma na choni vanira ira na pai.”#7:27 Tana kori titihila nia, ira na gari ara vahai ira na Jiu. Mi ira na pai nira nia, ara vahai na tinonina i Jentael.
28Ma na daki nia e kori vahai de, “E mana, Taovia, mi ira na pai ara hania na meni hadira gari nira te ruchu sivo tana vava ni belabela.”
29Ma ia Jisas e kori vahai vania daki nia de, “Tana rongona nimu valagu visu vahai hoe ia, ko visu valemu mo ko haea na dalemu te dia choni noha na tarunga te toha tatana.”
30Me visu na daki nia i valena, me morosia na dalena te jajaro i mihe, ma na tarunga nia e dia choni noha tatana ia.
Ia Jisas e maurisia na tinoni te mui valingena me moko
31Ma ia Jisas e basiaa na vera nira lilihina na vera leho i Taea, me liu dia vahai i Saedon, me tave dia vahai tana tabana i Dekapolis, me ke dia vahai tana namo leho i Galili. 32Me kesana na tinoni ara taha maia e chikai na tinoni te mui na valingena me teha na valagu talana, mara nongia ia Jisas ke sau limana tatana. 33Ma ia Jisas e udungi salihia mara ko dia tovosi basiara na tinoni nira. Me tahaa e ruka na kakauna me jongi dia tana lalo ni valingena koera na tinoni nia, kode me chuvehaa na kakauna koera me chibeli lakaa na lapina. 34Me moro dato ia Jisas i heven me mahomaho leho, me kori vahai vania tinoni nia de, “!Epata!”#7:34 Ia Jisas e vavalagu tana valagu ni Aramaik. Ma na papadana na valagu nia, “!Ko haruharu!”
35Mi tana tahu vahai kalavata nia, me vavalinge na valingena koera na tinoni nia me valagu talana. 36Ma ia Jisas e tongo vanira kode na tinoni na kori vani lakaa ke chikai. Mi seisuge te tongo vanira ia, ira ara kokori valego bamua. 37Mi ira kode tara valingea ara makai mara kori vahai de, “Ia e agosi talanaa visa na omea. E vahania mara vavalinge na tinoni te mui, mara valagu soha ira tara moko.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved