Mak 6
6
Ira i Nasaret ara hoso tahania ia Jisas
(Matiu 13:53-58; Luk 4:16-30)
1Ma ia Jisas e basiaa na vera nia me visu i verana i Nasaret kolu hana duli nira. 2Mi tana dani na Sabat, me dia ia tana nidira vale lotu ira na Jiu me sasanira na tinoni. Mi ira danga na tinoni tara valingea ia ara makai mara gesu vahai de, “?E vahai vei e vu hanaa ia na omea nira nia? ?Me vahai vei e vu manasa solehana vahai nia? ?Mivei te tahaa ia na susuliha e vu agosia na koemana#6:2 Na koemana na “miracle” tana Iglis. nira nia? 3Na tinoni de na tinoni loho vale, na dalena koi Meri, ma na tasina nira nia ia Jemes, ma ia Josep, ma ia Jiudas, ma ia Saemon. Ma na vavinena nira ia ara toha lakamu de.” Mi tana tahu vahai nia mara hoso tahania ira ia Jisas.
4Ma ia Jisas e kori vahai vanira de, “E visa na tinoni ara kukuni tatana e chikai na propet. Mi ira bamu na vangana verana ia kolu na kamana tara teha na kukuni tatana ia.”
5Me utu na agosia siki koemana tana vera nia, ma ia e livu limana bamu tatana ruka tolu na tinoni ocheoche, mara laka soha. 6Ma ia Jisas e makai solehana rongona ira ara teha na tamani dodonu tatana ia.
Ia Jisas e sau diara e sangavulu ruka hana duli nira
(Matiu 10:5-15; Luk 9:1-6)
Me dia ia Jisas tana vera ma na vera me sasanira na tinoni nira. 7Me solora e sangavulu ruka hana duli me sau vanira na susuliha vati ni huru tarunga, me livura ruka me ruka ma kara dia. 8-9Ma ia Jisas e paratanga vanira vahai de, “Kamu mui hamu tahaa siki omea vahai na bred, ma na kei, ma na golo. Kamu taha bamua na radimiu, ma kamu sahelia nimiu sadolo ma kamu mui laka na tahaa siki oliolimiu. 10Mi tana vale tara solohamu, kamu toha tatana diadia me ke chau tahuna ta kamu basiaa hamu na vera nia. 11Me tina kamu laba tana vera tara teha na solohamu mara teha na ngavina na valingea na hua tamu koria hamu, ma kamu chapu chonia na pasana na vera nia tana tuamiu tahuna ta kamu dia. Na naunau vahai nia ba ke tihisi lengaa vahai na paratanga vanira ira tana vera nia.”
12Mi ira hana duli ia ara dia tana vera ma na vera, mara kori vanira ira na tinoni kara tuu pililiu ma kara basiaa hadira seko. 13Mi ira ara huru chonia e danga na tarunga seko, mara savulaa na oela tatadira ira na tinoni ocheoche, mara laka soha.#6:13 Ira hana duli ia Jisas ara hanaa kovahai ia God bamu te maurisia na tinoni ocheoche. Mi tahuna tara savulaa na oela, mara nonginongi vania ia God ke maurisia na tinoni ocheoche.
Ia Herod e labu matea ia Jon na Tinoni Lesovitabu
(Matiu 14:1-12; Luk 9:7-9)
14Ma ia Herod Antipas, na king vanira ira i Galili, e valingea visa na omea te laba tana rongona ia Jisas, matengana na kokorina ia e tangi talihu laba tatana visa vera. Me kesana tinoni ara kori vahai de, “Ia Jon na Tinoni Lesovitabu te mauri visu soha, ia vahai e vu ni tamani susuliha vati ni agosia na koemana nira nia.”
15Mi ira kesana ara kori vahai de, “Ia Elaeja ia.”
Mi ira laka kesana ara kori vahai de, “Ia e chikai na propet, vahai na propet nira i sau.”
16Mi tahuna te valinge vahania ia Herod ia, me kori vahai ia de, “!Ha! !Ia Jon, tu tohi pichu nohaa nau na liona, te mauri visu soha nia!” 17-18Ia e kori vahai nia rongona ia te koria mara taria ira ia Jon mara livua tana vale peresini, me ke ni vani mamahelaa koi Herodias. Me agosi vahania ia Herod rongona te tu ia Jon me kori vahai vania de, “E teha hoto tana nina keja ia God to taulahani lakaa hoe na tauna tasimu.” Matengana ia Herod e taulahani lakaa ia koi Herodias, na tauna ia Pilip, na tasina kalavata ia.
19Ma koi Herodias e kore solehana me ngangavina ke labu matea ia Jon. Ma ia e teha na tangomana, 20rongona ia Herod e matahunia ia Jon. Me livua ia me toha bamu, rongona ia e hanaa ia Jon na tinoni te hoto me tabu. Me ngangavina ia na valingea nina kori nira ia Jon, seisuge ke toba sahata ia tahuna te valingea na valagu te koria ia.
21Toha me chikai na dani me manalia koi Herodias nina papada. Na dani nia tahuna te agosia ia Herod e chikai na kabu leho vata ni pada visua ia na dani tara vasua. Ia Herod e vailivua visa nina tinoni taovia tana nina gaumane, ma na tinoni taovia tana malahai kolu ira na tinoni leholeho ni Galili.
22Me sahe na dalena daki koi Herodias me havai, me vahania ia Herod kolu ira tara mai tana kabu nia mara mamahela solehana. Me tu ia Herod me kori vahai vania garidaki nia de, “Na hua to ngangavina hoe ko nongia tatagu nau, minau ngeni ba ku sau vaniho.” 23Ma ia e vacha vania na garidaki nia me kori vahai de, “Inau ngeni ba ku sau vaniho hoe na hua bamu to ko nongia hoe tatagu nau, seisuge na busuna nigu tatamani nau kolu visa na omea tu morosi taonia nau.”
24Me dia na garidaki nia me kori vahai vania na tinana de, “?Na hua tu ku nongia nau?”
Ma na tinana e kori vahai vania de, “Ko nongia na vungana ia Jon na Tinoni Lesovitabu.”
25Ma na garidaki nia e visu kesakesa tatana na king nia me kori vahai de, “Inau u ngangavina ko sau maia hoe okana vahai de na vungana ia Jon na Tinoni Lesovitabu tatana ke chikai na diho.”
26Ma na king nia e sola te sasahavi, me utu laka kevu hoso, matengana ia e kori nohaa nina vacha tana matadira ira tara totoha inge. 27Me tu ia me kori vani kesaa chikai na malahai ke dia me ke tohia na liona ia Jon me ke taha mai vania ia na vungana. Ma na malahai nia e dia tana vale peresini me tohi pichua na liona ia Jon, 28me taha visu maia na vungana ia tatana chikai na diho me sau vania na garidaki nia. Me tahaa ia me sau vania na tinana. 29Mi tahuna tara valingea ira hana duli ia Jon te mate ia, mara dia ira mara tahaa na kokorana mara kokua.
Ia Jisas e tuva hadira e chehe toha (5,000) na tinoni
(Matiu 14:13-21; Luk 9:10-17; Jon 6:1-14)
30Mi tahuna tara visu mai ira na tinoni ni saurongo nira, mara kori vania ia Jisas e visa na omea tara sasania ira ma na hua tara agosi vanira na tinoni. 31Mara danga solehana na tinoni tara maimai mara vivisu tatana ia Jisas, me vahania ia Jisas kolu hana duli mara teha tamani siki tahu ni hahani. Me tu ia Jisas me kori vahai vanira hana duli nira de, “Hita ka dia tovosi ke chikai na malengana te mangu ma ka toha tovosi, ma kamu ni mango kalikali hamu.” 32Mara sahe ira tatana chikai na vaka pepechi mara dia tatana chikai malengana te mangu.
33Me danga na tinoni tara morosia tahuna tara dia ira, mara hae vagora. Ma ira ara basiaa na veradira mara liu lihilihi mara hida tangochaku luhi vania ia Jisas kolu hana duli nira, mara dia noha mara pipitu noha tana malengana te ke longa na vaka nia. 34Mi tahuna te sivo ia Jisas me longa i lihilihi, me morosia te danga solehana na tinoni, ma ia e sola te sahavira, rongona ira ara vahai na sipsip te teha siki tinoni na morosi taonira. Ma ia e tuturiha na sasanira e danga na omea. 35Mi tahuna te varangi noha na puti, mi ira hana duli ia ara mai tatana mara kori vahai vania de, “E varangi noha na puti de, me teha siki vale ide. 36Ko kori vanira na tinoni nira kara visu, ma kara dia tana vera varangi nira nia, ma kara ni pelu hadira hahani tovosi.”
37Ma ia Jisas e kori vahai vanira de, “Hamu ta kamu sau hadira hahani ira.”
Mi ira ara kori vahai vania ia de, “Me ngeni ba ke tihilana na pepeluna e alu na vula ni ago. ?Ihoe o ngangavina kami pelu bred hami tana golo danga vahai sahata nia?”
38Ma ia Jisas e gesu vahai vanira de, “?E visa na bred tamu tamania hamu? Dia kamu morosia.”
Mi tahuna tara morosia ira na dangana, mara mai mara kori vahai vania de, “E chehe na bred kolu ruka na cheche.”
39Ma ia Jisas e kori vanira hana duli nira kara kori vanira na tinoni kara toha diadia tana ala-ala, ma kara tohotuu tana buruburu. 40Ma na tinoni nira nia ara tohotuu diadia tana ala-ala te chikai sangatu tinoni tatana, me kesana e chehe sangavulu tinoni tatana. 41Me kapukua ia Jisas e chehe na bred me ruka na cheche, me moro dato i heven me kamaa ia God. Kode me ngitia na bred me sau vanira hana duli nira mara votasa vanira na toha na tinoni. Me votasa vanira lakamu ira na tinoni na cheche koera nia. 42Mi ira kode ara hahani diadia mara masu. 43Mi bukena, mi ira hana duli ia ara chako kokolura na tirenge ni hahani tara basiaa nia, me danga e sangavulu ruka na kei. 44Ma na dangana na mane tara hahani tana tahu nia e chehe toha (5,000).#6:44 Morosia tana Matiu 14:21. Tana nidira naunau ni iju tinoni ira na Jiu, ba kara iju bamua ira na mane. Me toha lakamu tana tahu nia e danga na daki ma na gari, mara teha bamu ira na ijura.
E didia ia Jisas tana hotu ni kolo
(Matiu 14:22-33; Jon 6:15-21)
45Mi bukena, ma ia Jisas e raira hana duli nira kara sahe tana vaka pepechi nia ma kara hida dia i Betsaeda, levu huri tabana tana namo nia. Me toha visu ia Jisas me ke ni raira na toha na tinoni nira kara visu i veradira. 46Mi tahuna te livura mara dia, me dato ia tatana e chikai na vungavungana me nonginongi. 47Mi tahuna te tuturiha na puti, ma na vaka nia e laba tana levuha ni namo nia, ma ia Jisas e toha tovosina hotu tana vungavunga. 48Me moro dia ia me morosira hana duli nira tara tovoa na vosea na vaka pepechi nia me utu, rongona na hurihuri e liu levu naho me mai. Mi tana mohomoho putiputi, me sivo ia Jisas me dia vahai tatana hana duli nira, me didia tana hotu ni kolo, me maravia ke dia savaliu. 49Mi tahuna tara morosia ira ia te didia tana hotu ni kolo, mara padaa ira ia e chikai na tarunga, mara huu leho. 50Mi ira kode ara matahu tahuna tara morosia ia.
Ma ia Jisas e kori vahai kesa de, “Kamu mui hamu na matahu! Inau bamu ia.” 51Me sahe kolura ira tana vaka, me luba sivo na hurihuri nia. Mi ira hana duli ia ara sola tara makai, 52rongona ira ara teha na morosi vagoa nina susuliha ia God tatana ia Jisas, mara teha na pada manasana na hua na papadana na koemana te agosia ia tatana e chehe na bred.
Ia Jisas e maurisira na tinoni oche nira i Genesaret
(Matiu 14:34-36)
53Mi tahuna tara talihu i tabana tana namo nia mara laba i Genesaret, mara soria nidira vaka inge. 54Mi tahuna ba tara sivo ira tana vaka nia, ma ira na tinoni inge ara morosi vago kesaa ia Jisas. 55Mara rahe valego tana vera diadia nira nia, mara taha maira na tinoni ocheoche tana mihe, mara taha diara tana malengana tara valingea ira te toha ia Jisas. 56Me visa malengana te dia ia Jisas, tana vera pepechi nira, mi tana vera leho nira, ira na tinoni ara livura na tinoni ocheoche tana malenga ni sai. Mara navusia ia ke talasanga kara chibelia ira na tinoni ocheoche seisuge na vuvusina na kalekona ia. Mi ira kode tara chibelia ia ara laka visu soha.
Právě zvoleno:
Mak 6: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 6
6
Ira i Nasaret ara hoso tahania ia Jisas
(Matiu 13:53-58; Luk 4:16-30)
1Ma ia Jisas e basiaa na vera nia me visu i verana i Nasaret kolu hana duli nira. 2Mi tana dani na Sabat, me dia ia tana nidira vale lotu ira na Jiu me sasanira na tinoni. Mi ira danga na tinoni tara valingea ia ara makai mara gesu vahai de, “?E vahai vei e vu hanaa ia na omea nira nia? ?Me vahai vei e vu manasa solehana vahai nia? ?Mivei te tahaa ia na susuliha e vu agosia na koemana#6:2 Na koemana na “miracle” tana Iglis. nira nia? 3Na tinoni de na tinoni loho vale, na dalena koi Meri, ma na tasina nira nia ia Jemes, ma ia Josep, ma ia Jiudas, ma ia Saemon. Ma na vavinena nira ia ara toha lakamu de.” Mi tana tahu vahai nia mara hoso tahania ira ia Jisas.
4Ma ia Jisas e kori vahai vanira de, “E visa na tinoni ara kukuni tatana e chikai na propet. Mi ira bamu na vangana verana ia kolu na kamana tara teha na kukuni tatana ia.”
5Me utu na agosia siki koemana tana vera nia, ma ia e livu limana bamu tatana ruka tolu na tinoni ocheoche, mara laka soha. 6Ma ia Jisas e makai solehana rongona ira ara teha na tamani dodonu tatana ia.
Ia Jisas e sau diara e sangavulu ruka hana duli nira
(Matiu 10:5-15; Luk 9:1-6)
Me dia ia Jisas tana vera ma na vera me sasanira na tinoni nira. 7Me solora e sangavulu ruka hana duli me sau vanira na susuliha vati ni huru tarunga, me livura ruka me ruka ma kara dia. 8-9Ma ia Jisas e paratanga vanira vahai de, “Kamu mui hamu tahaa siki omea vahai na bred, ma na kei, ma na golo. Kamu taha bamua na radimiu, ma kamu sahelia nimiu sadolo ma kamu mui laka na tahaa siki oliolimiu. 10Mi tana vale tara solohamu, kamu toha tatana diadia me ke chau tahuna ta kamu basiaa hamu na vera nia. 11Me tina kamu laba tana vera tara teha na solohamu mara teha na ngavina na valingea na hua tamu koria hamu, ma kamu chapu chonia na pasana na vera nia tana tuamiu tahuna ta kamu dia. Na naunau vahai nia ba ke tihisi lengaa vahai na paratanga vanira ira tana vera nia.”
12Mi ira hana duli ia ara dia tana vera ma na vera, mara kori vanira ira na tinoni kara tuu pililiu ma kara basiaa hadira seko. 13Mi ira ara huru chonia e danga na tarunga seko, mara savulaa na oela tatadira ira na tinoni ocheoche, mara laka soha.#6:13 Ira hana duli ia Jisas ara hanaa kovahai ia God bamu te maurisia na tinoni ocheoche. Mi tahuna tara savulaa na oela, mara nonginongi vania ia God ke maurisia na tinoni ocheoche.
Ia Herod e labu matea ia Jon na Tinoni Lesovitabu
(Matiu 14:1-12; Luk 9:7-9)
14Ma ia Herod Antipas, na king vanira ira i Galili, e valingea visa na omea te laba tana rongona ia Jisas, matengana na kokorina ia e tangi talihu laba tatana visa vera. Me kesana tinoni ara kori vahai de, “Ia Jon na Tinoni Lesovitabu te mauri visu soha, ia vahai e vu ni tamani susuliha vati ni agosia na koemana nira nia.”
15Mi ira kesana ara kori vahai de, “Ia Elaeja ia.”
Mi ira laka kesana ara kori vahai de, “Ia e chikai na propet, vahai na propet nira i sau.”
16Mi tahuna te valinge vahania ia Herod ia, me kori vahai ia de, “!Ha! !Ia Jon, tu tohi pichu nohaa nau na liona, te mauri visu soha nia!” 17-18Ia e kori vahai nia rongona ia te koria mara taria ira ia Jon mara livua tana vale peresini, me ke ni vani mamahelaa koi Herodias. Me agosi vahania ia Herod rongona te tu ia Jon me kori vahai vania de, “E teha hoto tana nina keja ia God to taulahani lakaa hoe na tauna tasimu.” Matengana ia Herod e taulahani lakaa ia koi Herodias, na tauna ia Pilip, na tasina kalavata ia.
19Ma koi Herodias e kore solehana me ngangavina ke labu matea ia Jon. Ma ia e teha na tangomana, 20rongona ia Herod e matahunia ia Jon. Me livua ia me toha bamu, rongona ia e hanaa ia Jon na tinoni te hoto me tabu. Me ngangavina ia na valingea nina kori nira ia Jon, seisuge ke toba sahata ia tahuna te valingea na valagu te koria ia.
21Toha me chikai na dani me manalia koi Herodias nina papada. Na dani nia tahuna te agosia ia Herod e chikai na kabu leho vata ni pada visua ia na dani tara vasua. Ia Herod e vailivua visa nina tinoni taovia tana nina gaumane, ma na tinoni taovia tana malahai kolu ira na tinoni leholeho ni Galili.
22Me sahe na dalena daki koi Herodias me havai, me vahania ia Herod kolu ira tara mai tana kabu nia mara mamahela solehana. Me tu ia Herod me kori vahai vania garidaki nia de, “Na hua to ngangavina hoe ko nongia tatagu nau, minau ngeni ba ku sau vaniho.” 23Ma ia e vacha vania na garidaki nia me kori vahai de, “Inau ngeni ba ku sau vaniho hoe na hua bamu to ko nongia hoe tatagu nau, seisuge na busuna nigu tatamani nau kolu visa na omea tu morosi taonia nau.”
24Me dia na garidaki nia me kori vahai vania na tinana de, “?Na hua tu ku nongia nau?”
Ma na tinana e kori vahai vania de, “Ko nongia na vungana ia Jon na Tinoni Lesovitabu.”
25Ma na garidaki nia e visu kesakesa tatana na king nia me kori vahai de, “Inau u ngangavina ko sau maia hoe okana vahai de na vungana ia Jon na Tinoni Lesovitabu tatana ke chikai na diho.”
26Ma na king nia e sola te sasahavi, me utu laka kevu hoso, matengana ia e kori nohaa nina vacha tana matadira ira tara totoha inge. 27Me tu ia me kori vani kesaa chikai na malahai ke dia me ke tohia na liona ia Jon me ke taha mai vania ia na vungana. Ma na malahai nia e dia tana vale peresini me tohi pichua na liona ia Jon, 28me taha visu maia na vungana ia tatana chikai na diho me sau vania na garidaki nia. Me tahaa ia me sau vania na tinana. 29Mi tahuna tara valingea ira hana duli ia Jon te mate ia, mara dia ira mara tahaa na kokorana mara kokua.
Ia Jisas e tuva hadira e chehe toha (5,000) na tinoni
(Matiu 14:13-21; Luk 9:10-17; Jon 6:1-14)
30Mi tahuna tara visu mai ira na tinoni ni saurongo nira, mara kori vania ia Jisas e visa na omea tara sasania ira ma na hua tara agosi vanira na tinoni. 31Mara danga solehana na tinoni tara maimai mara vivisu tatana ia Jisas, me vahania ia Jisas kolu hana duli mara teha tamani siki tahu ni hahani. Me tu ia Jisas me kori vahai vanira hana duli nira de, “Hita ka dia tovosi ke chikai na malengana te mangu ma ka toha tovosi, ma kamu ni mango kalikali hamu.” 32Mara sahe ira tatana chikai na vaka pepechi mara dia tatana chikai malengana te mangu.
33Me danga na tinoni tara morosia tahuna tara dia ira, mara hae vagora. Ma ira ara basiaa na veradira mara liu lihilihi mara hida tangochaku luhi vania ia Jisas kolu hana duli nira, mara dia noha mara pipitu noha tana malengana te ke longa na vaka nia. 34Mi tahuna te sivo ia Jisas me longa i lihilihi, me morosia te danga solehana na tinoni, ma ia e sola te sahavira, rongona ira ara vahai na sipsip te teha siki tinoni na morosi taonira. Ma ia e tuturiha na sasanira e danga na omea. 35Mi tahuna te varangi noha na puti, mi ira hana duli ia ara mai tatana mara kori vahai vania de, “E varangi noha na puti de, me teha siki vale ide. 36Ko kori vanira na tinoni nira kara visu, ma kara dia tana vera varangi nira nia, ma kara ni pelu hadira hahani tovosi.”
37Ma ia Jisas e kori vahai vanira de, “Hamu ta kamu sau hadira hahani ira.”
Mi ira ara kori vahai vania ia de, “Me ngeni ba ke tihilana na pepeluna e alu na vula ni ago. ?Ihoe o ngangavina kami pelu bred hami tana golo danga vahai sahata nia?”
38Ma ia Jisas e gesu vahai vanira de, “?E visa na bred tamu tamania hamu? Dia kamu morosia.”
Mi tahuna tara morosia ira na dangana, mara mai mara kori vahai vania de, “E chehe na bred kolu ruka na cheche.”
39Ma ia Jisas e kori vanira hana duli nira kara kori vanira na tinoni kara toha diadia tana ala-ala, ma kara tohotuu tana buruburu. 40Ma na tinoni nira nia ara tohotuu diadia tana ala-ala te chikai sangatu tinoni tatana, me kesana e chehe sangavulu tinoni tatana. 41Me kapukua ia Jisas e chehe na bred me ruka na cheche, me moro dato i heven me kamaa ia God. Kode me ngitia na bred me sau vanira hana duli nira mara votasa vanira na toha na tinoni. Me votasa vanira lakamu ira na tinoni na cheche koera nia. 42Mi ira kode ara hahani diadia mara masu. 43Mi bukena, mi ira hana duli ia ara chako kokolura na tirenge ni hahani tara basiaa nia, me danga e sangavulu ruka na kei. 44Ma na dangana na mane tara hahani tana tahu nia e chehe toha (5,000).#6:44 Morosia tana Matiu 14:21. Tana nidira naunau ni iju tinoni ira na Jiu, ba kara iju bamua ira na mane. Me toha lakamu tana tahu nia e danga na daki ma na gari, mara teha bamu ira na ijura.
E didia ia Jisas tana hotu ni kolo
(Matiu 14:22-33; Jon 6:15-21)
45Mi bukena, ma ia Jisas e raira hana duli nira kara sahe tana vaka pepechi nia ma kara hida dia i Betsaeda, levu huri tabana tana namo nia. Me toha visu ia Jisas me ke ni raira na toha na tinoni nira kara visu i veradira. 46Mi tahuna te livura mara dia, me dato ia tatana e chikai na vungavungana me nonginongi. 47Mi tahuna te tuturiha na puti, ma na vaka nia e laba tana levuha ni namo nia, ma ia Jisas e toha tovosina hotu tana vungavunga. 48Me moro dia ia me morosira hana duli nira tara tovoa na vosea na vaka pepechi nia me utu, rongona na hurihuri e liu levu naho me mai. Mi tana mohomoho putiputi, me sivo ia Jisas me dia vahai tatana hana duli nira, me didia tana hotu ni kolo, me maravia ke dia savaliu. 49Mi tahuna tara morosia ira ia te didia tana hotu ni kolo, mara padaa ira ia e chikai na tarunga, mara huu leho. 50Mi ira kode ara matahu tahuna tara morosia ia.
Ma ia Jisas e kori vahai kesa de, “Kamu mui hamu na matahu! Inau bamu ia.” 51Me sahe kolura ira tana vaka, me luba sivo na hurihuri nia. Mi ira hana duli ia ara sola tara makai, 52rongona ira ara teha na morosi vagoa nina susuliha ia God tatana ia Jisas, mara teha na pada manasana na hua na papadana na koemana te agosia ia tatana e chehe na bred.
Ia Jisas e maurisira na tinoni oche nira i Genesaret
(Matiu 14:34-36)
53Mi tahuna tara talihu i tabana tana namo nia mara laba i Genesaret, mara soria nidira vaka inge. 54Mi tahuna ba tara sivo ira tana vaka nia, ma ira na tinoni inge ara morosi vago kesaa ia Jisas. 55Mara rahe valego tana vera diadia nira nia, mara taha maira na tinoni ocheoche tana mihe, mara taha diara tana malengana tara valingea ira te toha ia Jisas. 56Me visa malengana te dia ia Jisas, tana vera pepechi nira, mi tana vera leho nira, ira na tinoni ara livura na tinoni ocheoche tana malenga ni sai. Mara navusia ia ke talasanga kara chibelia ira na tinoni ocheoche seisuge na vuvusina na kalekona ia. Mi ira kode tara chibelia ia ara laka visu soha.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved