Mak 5
5
Ia Jisas e maurisia e chikai na tinoni te tohavia na tarunga
(Matiu 8:28-34; Luk 8:26-39)
1Ma ia Jisas kolu hana duli nira ara talihu tabana tana namo i Galili mara chau i Gerasa. 2Tahuna te sivo ia Jisas me longa i lihilihi, me mai chikai na tinoni te tohavia na tarunga. Ia e vota mai tana baba nira tara hanaa ira na koku tinoni mate tatana. 3Na tinoni nia e totoha tana baba nira nia, mara utu laka ira na soriana tana halo ma na chen. 4E danga noha na tahu ara soria ira na tuana ma na limana tana chen, me pichu bamua ia na chen nia kolu na aean tana tuana. Ia e suliha solehana, me utu siki tinoni na tariana me ke ni toha kanau. 5E visa na puti ma na dani, ia e diadia valego tana baba ma na vungavunga nira nia, me haila me tahaa na makara vavanga me pari tovosia na tanona.
6E vasau vata tinoni nia, me morosi dia ia Jisas me rahe mai me sivo tuturu i matana, 7me haila leho vahai de, “Ia Jisas, ihoe na Dalena ia God Picha Kae. ?Ihoe kovahai ko vahaniu nau vei? !Tana asana ia God, ko mui sahata hoe na rotasiu nau!” 8Ia e valagu vahai nia matengana ia Jisas e kori vahai vania de, “!Tarunga sekoseko, ko dia choni tatana tinoni de!”
9Ma ia Jisas e gesuaa na tinoni nia, “?Isei na asamu hoe?”
Me kori vahai ia de, “Inau asagu ia Ala-ala, rongona ihami ami danga solehana.” 10Ma na tinoni nia e kutu na nongiana ia Jisas ke mui na huru chonira ira tana vera nia.
11E danga na bolo ara toha mara hahani tatana e chikai na vungavunga te toha varangi inge. 12Ma na tarunga nira nia ara navusia ia Jisas mara kori vahai de, “Ko sau diahami hami tana bolo nira nia ma kami sahe tatadira.” 13Ma ia Jisas e talasangara, mara ba chulu mara sahe tana bolo nira nia. Ma na ala-ala ni bolo nira ara hana tuhu vahai ke ruka na toha. Mara vinavinau mara sivo tana kabikabi nia, mara sivo lalo ni namo mara lulumi mara mate kode.
14Ma na tinoni tara morosi taoni bolo nira ara choho mara kori lengaa na omea nia tana vera leho kolu tana vera laka kesana. Mi ira na tinoni ara dia na morosiana na omea te laba nia. 15Mi tahuna tara laba ira tatana ia Jisas, mara morosia na tinoni te tohavia na ala-ala ni tarunga nira. Ia e totoha tuu kanau inge, me talana noha na manasana me saheli kalekona noha. Mi ira kode ara matahu. 16Mi ira tara morosia visa na omea te laba nia, ara kori vanira visa na tinoni na hua te laba vania na tinoni te tohavia na tarunga, ma na omea te laba vanira na bolo nira.
17Mi ira na tinoni ara nongia ia Jisas ke dia choni tana vera nia.
18Mi tahuna te visu sahe ia Jisas tana vaka, me tu na tinoni te dia choni na tarunga tatana nia, me navusia me kori vahai de, “Ko talasangau nau ku bukeho hoe.”
19Ma ia Jisas e teha talasangaa, me kori vahai vania de, “Ko visu hoe i veramu mo ko kori vanira na kamamu nira te sahaviho na Taovia, ma na omea taengana te agosi vaniho.”
20Me dia na tinoni nia tana vera nira i Dekapolis, me kori lengaa na omea taengana te tu ia Jisas me agosi vania. Mi ira kode tara valingea ia ara sola tara makai.
Ia Jisas e maurisia na dalena daki ia Jaeras ma na daki ocheoche
(Matiu 9:18-26; Luk 8:40-56)
21Me visu talihu laka ia Jisas i tabana tana namo nia, ma na toha na tinoni ara mai mara toha talihu labaa ia tana lihilihi ni namo nia. 22Me mai lakamu e chikai na tinoni, ia Jaeras na asana. Na tinoni nia e hae taonia na vale lotu ira na Jiu tana vera nia. Mi tahuna te morosia ia Jisas me sivo tuturu i matana, 23me navusia me kori vahai de, “E oche solehana na dalegu daki pepechi nau, me maravia ke mate. Ko mai kiki mo ko livu limamu tatana, me ke ni laka soha me ke mauri.”
24Ma ia Jisas e duli kolua mara ko dia. Ma na toha na tinoni tara bukea mara vaikapilihi tabana mi tabana.
25Mi tana lalodira na toha nia e toha chikai na daki te tavelia na habu lalona e sangavulu ruka na uvi.#5:25 Tana nidira naunau ira na Jiu, na daki te tavelia na habu e teha na male. Ia ke toha tovosi me ke mui na chibelia siki tinoni. 26Na daki nia e kodesi voloa nina golo vanira ira na dokta kara taruhia ia, mara teha ira na tangomana. Ma ia e oche solehana laka ba. 27Mi tahuna te valingea ia na kokorina tana rongona ia Jisas, me buke ia i lalona na toha nia me ba chibelia na kalekona ia Jisas, 28rongona e padaa ia tina vahai ke chibeli bamua ia na kalekona ia Jisas, mi ngeni ba ke laka soha.
29Mi tahuna te chibelia ia na kalekona ia Jisas, me kode nina oche ia tana tahu vahai kalavata nia, me vajangia ia tana kokorana te kode nina vajangi savi ia. 30Mi tana tahu vahai nia, me vajangia ia Jisas nina susuliha ia e maurisia chikai na tinoni. Me tuu pililiu ia me gesu vahai de, “?Isei te chibelia na kalekogu nau?”
31Mi ira hana duli ara kori vahai vania de, “?O vahai hoe vei o vu gesu vahai de, ‘?Isei te chibeliu nau?’ Ihoe o morosi nohaa e danga solehana na tinoni tara vunguliho hoe de. ”
32Me tu ia Jisas me momoro valego me daia sei te chibelia ia. 33Ma na daki nia e hanaa na hua te laba vania, me matahu me hahariri, me sivo tuturu tana matana ia Jisas, me kori lengaa visa na omea te laba vania ia. 34Ma ia Jisas e kori vahai vania daki nia de, “Dalegu, nimu dodonu hoe tatagu nau te vahaniho mo laka nia. Ko dia tana rapo, mo ko laka visu tana nimu vajangi savi.”
35Mi tahuna te vavalagu ia Jisas, mara mai laba kesana tinoni tara vota mai tana valena ia Jaeras, mara kori vahai vania ia Jaeras de, “E mate noha na dalemu hoe. Ko mui laka hoe na bulesiana na Ticha nia.”
36Ma ia Jisas e valinge toba lelaa na hua tara koria ira nia, me kori vahai vania ia Jaeras de, “Ko mui hoe na toba sahata. Ko dodonu bamu hoe tatagu nau.” 37Ma ia e tongo vanira kara bukea ia. Ma ia Pita bamu ma ia Jemes ma ia Jon, na tasina ia Jemes, ta kara bukea ia. 38Mi tahuna tara dia ira mara laba tana valena ia Jaeras, me morosira ia Jisas na tinoni tara ora mara ngangai leho. 39Me sahe ia Jisas i vale me kori vahai vanira de, “?Na hua tamu melu matena mamu ngangai mamu ora leho vahai sahata nia? Na gari de e teha na mate. E biku bamu.”
40Mi ira ara changi kiana ia, ba me tu ia Jisas me kori vanira kara chulu kode ira i kuli. Me udungia ia Jisas na tinana ma na tohana na gari nia kolu ia Pita, ma ia Jemes ma ia Jon, mara sahe tana malengana te jajaro na gari nia. 41Me taria ia Jisas na limana garidaki nia me kori vahai vania de, “!Talita kum!”#5:41 Ia Jisas e vavalagu tana valagu ni Aramaik. Ma ia ma na hana duli nira ara hanaa na valagu lakamu tana valagu ni Hibru mi tana valagu ni Grik. ma na papadana na valagu nia, “!Daki pepechi, inau u kori vaniho hoe ko tatuhuru!”
42Mi tana tahu vahai kalavata nia, me tatuhuru na garidaki nia me tuturiha na tuu valego. Na garidaki nia e sangavulu me ruka na uvina. Mi loera ara makai kode tahuna te laba vahai nia. 43Ma ia Jisas e tongo vanikoera kara ko kori lenga valegoa na hua te laba nia, me kori vanikoera kara ko tuva hana na garidaki nia siki hahani me ke hania.
Právě zvoleno:
Mak 5: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 5
5
Ia Jisas e maurisia e chikai na tinoni te tohavia na tarunga
(Matiu 8:28-34; Luk 8:26-39)
1Ma ia Jisas kolu hana duli nira ara talihu tabana tana namo i Galili mara chau i Gerasa. 2Tahuna te sivo ia Jisas me longa i lihilihi, me mai chikai na tinoni te tohavia na tarunga. Ia e vota mai tana baba nira tara hanaa ira na koku tinoni mate tatana. 3Na tinoni nia e totoha tana baba nira nia, mara utu laka ira na soriana tana halo ma na chen. 4E danga noha na tahu ara soria ira na tuana ma na limana tana chen, me pichu bamua ia na chen nia kolu na aean tana tuana. Ia e suliha solehana, me utu siki tinoni na tariana me ke ni toha kanau. 5E visa na puti ma na dani, ia e diadia valego tana baba ma na vungavunga nira nia, me haila me tahaa na makara vavanga me pari tovosia na tanona.
6E vasau vata tinoni nia, me morosi dia ia Jisas me rahe mai me sivo tuturu i matana, 7me haila leho vahai de, “Ia Jisas, ihoe na Dalena ia God Picha Kae. ?Ihoe kovahai ko vahaniu nau vei? !Tana asana ia God, ko mui sahata hoe na rotasiu nau!” 8Ia e valagu vahai nia matengana ia Jisas e kori vahai vania de, “!Tarunga sekoseko, ko dia choni tatana tinoni de!”
9Ma ia Jisas e gesuaa na tinoni nia, “?Isei na asamu hoe?”
Me kori vahai ia de, “Inau asagu ia Ala-ala, rongona ihami ami danga solehana.” 10Ma na tinoni nia e kutu na nongiana ia Jisas ke mui na huru chonira ira tana vera nia.
11E danga na bolo ara toha mara hahani tatana e chikai na vungavunga te toha varangi inge. 12Ma na tarunga nira nia ara navusia ia Jisas mara kori vahai de, “Ko sau diahami hami tana bolo nira nia ma kami sahe tatadira.” 13Ma ia Jisas e talasangara, mara ba chulu mara sahe tana bolo nira nia. Ma na ala-ala ni bolo nira ara hana tuhu vahai ke ruka na toha. Mara vinavinau mara sivo tana kabikabi nia, mara sivo lalo ni namo mara lulumi mara mate kode.
14Ma na tinoni tara morosi taoni bolo nira ara choho mara kori lengaa na omea nia tana vera leho kolu tana vera laka kesana. Mi ira na tinoni ara dia na morosiana na omea te laba nia. 15Mi tahuna tara laba ira tatana ia Jisas, mara morosia na tinoni te tohavia na ala-ala ni tarunga nira. Ia e totoha tuu kanau inge, me talana noha na manasana me saheli kalekona noha. Mi ira kode ara matahu. 16Mi ira tara morosia visa na omea te laba nia, ara kori vanira visa na tinoni na hua te laba vania na tinoni te tohavia na tarunga, ma na omea te laba vanira na bolo nira.
17Mi ira na tinoni ara nongia ia Jisas ke dia choni tana vera nia.
18Mi tahuna te visu sahe ia Jisas tana vaka, me tu na tinoni te dia choni na tarunga tatana nia, me navusia me kori vahai de, “Ko talasangau nau ku bukeho hoe.”
19Ma ia Jisas e teha talasangaa, me kori vahai vania de, “Ko visu hoe i veramu mo ko kori vanira na kamamu nira te sahaviho na Taovia, ma na omea taengana te agosi vaniho.”
20Me dia na tinoni nia tana vera nira i Dekapolis, me kori lengaa na omea taengana te tu ia Jisas me agosi vania. Mi ira kode tara valingea ia ara sola tara makai.
Ia Jisas e maurisia na dalena daki ia Jaeras ma na daki ocheoche
(Matiu 9:18-26; Luk 8:40-56)
21Me visu talihu laka ia Jisas i tabana tana namo nia, ma na toha na tinoni ara mai mara toha talihu labaa ia tana lihilihi ni namo nia. 22Me mai lakamu e chikai na tinoni, ia Jaeras na asana. Na tinoni nia e hae taonia na vale lotu ira na Jiu tana vera nia. Mi tahuna te morosia ia Jisas me sivo tuturu i matana, 23me navusia me kori vahai de, “E oche solehana na dalegu daki pepechi nau, me maravia ke mate. Ko mai kiki mo ko livu limamu tatana, me ke ni laka soha me ke mauri.”
24Ma ia Jisas e duli kolua mara ko dia. Ma na toha na tinoni tara bukea mara vaikapilihi tabana mi tabana.
25Mi tana lalodira na toha nia e toha chikai na daki te tavelia na habu lalona e sangavulu ruka na uvi.#5:25 Tana nidira naunau ira na Jiu, na daki te tavelia na habu e teha na male. Ia ke toha tovosi me ke mui na chibelia siki tinoni. 26Na daki nia e kodesi voloa nina golo vanira ira na dokta kara taruhia ia, mara teha ira na tangomana. Ma ia e oche solehana laka ba. 27Mi tahuna te valingea ia na kokorina tana rongona ia Jisas, me buke ia i lalona na toha nia me ba chibelia na kalekona ia Jisas, 28rongona e padaa ia tina vahai ke chibeli bamua ia na kalekona ia Jisas, mi ngeni ba ke laka soha.
29Mi tahuna te chibelia ia na kalekona ia Jisas, me kode nina oche ia tana tahu vahai kalavata nia, me vajangia ia tana kokorana te kode nina vajangi savi ia. 30Mi tana tahu vahai nia, me vajangia ia Jisas nina susuliha ia e maurisia chikai na tinoni. Me tuu pililiu ia me gesu vahai de, “?Isei te chibelia na kalekogu nau?”
31Mi ira hana duli ara kori vahai vania de, “?O vahai hoe vei o vu gesu vahai de, ‘?Isei te chibeliu nau?’ Ihoe o morosi nohaa e danga solehana na tinoni tara vunguliho hoe de. ”
32Me tu ia Jisas me momoro valego me daia sei te chibelia ia. 33Ma na daki nia e hanaa na hua te laba vania, me matahu me hahariri, me sivo tuturu tana matana ia Jisas, me kori lengaa visa na omea te laba vania ia. 34Ma ia Jisas e kori vahai vania daki nia de, “Dalegu, nimu dodonu hoe tatagu nau te vahaniho mo laka nia. Ko dia tana rapo, mo ko laka visu tana nimu vajangi savi.”
35Mi tahuna te vavalagu ia Jisas, mara mai laba kesana tinoni tara vota mai tana valena ia Jaeras, mara kori vahai vania ia Jaeras de, “E mate noha na dalemu hoe. Ko mui laka hoe na bulesiana na Ticha nia.”
36Ma ia Jisas e valinge toba lelaa na hua tara koria ira nia, me kori vahai vania ia Jaeras de, “Ko mui hoe na toba sahata. Ko dodonu bamu hoe tatagu nau.” 37Ma ia e tongo vanira kara bukea ia. Ma ia Pita bamu ma ia Jemes ma ia Jon, na tasina ia Jemes, ta kara bukea ia. 38Mi tahuna tara dia ira mara laba tana valena ia Jaeras, me morosira ia Jisas na tinoni tara ora mara ngangai leho. 39Me sahe ia Jisas i vale me kori vahai vanira de, “?Na hua tamu melu matena mamu ngangai mamu ora leho vahai sahata nia? Na gari de e teha na mate. E biku bamu.”
40Mi ira ara changi kiana ia, ba me tu ia Jisas me kori vanira kara chulu kode ira i kuli. Me udungia ia Jisas na tinana ma na tohana na gari nia kolu ia Pita, ma ia Jemes ma ia Jon, mara sahe tana malengana te jajaro na gari nia. 41Me taria ia Jisas na limana garidaki nia me kori vahai vania de, “!Talita kum!”#5:41 Ia Jisas e vavalagu tana valagu ni Aramaik. Ma ia ma na hana duli nira ara hanaa na valagu lakamu tana valagu ni Hibru mi tana valagu ni Grik. ma na papadana na valagu nia, “!Daki pepechi, inau u kori vaniho hoe ko tatuhuru!”
42Mi tana tahu vahai kalavata nia, me tatuhuru na garidaki nia me tuturiha na tuu valego. Na garidaki nia e sangavulu me ruka na uvina. Mi loera ara makai kode tahuna te laba vahai nia. 43Ma ia Jisas e tongo vanikoera kara ko kori lenga valegoa na hua te laba nia, me kori vanikoera kara ko tuva hana na garidaki nia siki hahani me ke hania.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved