Mak 13
13
Ia Jisas e kori lengaa na Vale Tabu Leho ba kara vuti sivoa
(Matiu 24:1-2; Luk 21:5-6)
1Mi tana tahu te basiaa ia Jisas na Vale Tabu Leho nia, chikai na vidadira hana duli nira nia e kori vahai vania ia de, “!Ticha, ko hae diaa ba na makara leho ma na Vale Tabu Leho tara ko moro odo taengana de!”
2Ma ia Jisas e tuhu visua me kori vahai vania de, “Ko haea hoe ia na vale leho nira de. Minau ku kori vaniho hoe, e visa na makara nira tana vale nira nia ba kara vuti sivo kodera, me ba ke teha laka siki makara ke toha tana hana tuhu vahai te toha tahuna de.”
Ia Jisas e kori lengaa na tahu sekoseko te ke mai
(Matiu 24:3-14; Luk 21:7-19)
3Me chikai na tahu ia Jisas e tohotuu tana vungavunga i Olivi, hana tuhu vahai tara hanaa moro mai hotohoto tana Vale Tabu Leho nia. Mi loera e vati hana duli ia Jisas, ia Pita, ma ia Jemes, ma ia Jon ma ia Andru, ara mai tovosi tatana ia Jisas mara gesu vahania de, 4“?Tana tahu vahai vei te ke laba ia na omea seko nira nia? Ma na valajaja vahai vei ba ke tihisia na omea nira nia ke maravia laba lenga?”
5Ma ia Jisas e tuhu vaniloera me kori vahai de, “Lohamu kamu kanakana, kara ni teha ira na lekasilohamu. 6Matengana ira na tinoni danga nira ngeni ba kara tuu ira tana asagu nau, ma kara kori vahai de, ‘!Inau ia!’ Mi ngeni ba kara lekasira dangana. 7Tahuna ta kamu valingea lohamu na pidu leho me danga laka baa na saurongona na pidu leho, kamu teha kama toba. Na omea nira nia ngeni ba kara laba mai, ma na kokodena na tahu ba ke mai vata buke. 8Ngeni ba ira na tinonina vera chikai ba kara vaipiduhi kolu na tinonina na vera chikai, me chikai momoru ngeni ba kara vaipiduhi kolu na momoru chikai. Na vuluhe nira ngeni ba kara ganilira danga na vera tana pari de, mi ngeni ba ke laba danga na tahu ni tavoro. Ma na omea nira nia ba ke vahai na tahuna na daki te tuturiha na vajangia na vasu gari.
9“Mi lohamu kamu paravata talana, matengana ngeni ba kara tahalohamu dia tana vale ni pede, mi ngeni ba kara labulohamu laka lalona na vale lotu nira. Ba kara tahalohamu dia tana matadira na taovia na vera ma na king nira tana rongogu nau. Mi lohamu kamu kori lengaa na saurongo talana vanira ira nia. 10Matengana na saurongo talana de kara kori lenga vanira na tinonina visa na momoru tana pari de, bukena ke vu chau tana kokodena na tahu. 11Mi tana tahu ta kara tarilohamu mara tahalohamu dia tana vale ni pede, kamu mui lohamu na pada savi tana hua ba kamu koria. Kamu kori hotosia lohamu na valagu te totoha tana lomiu manasa lohamu, matengana ba ke teha siki lohamu tovosi ta kamu valagu nia, ma na Tarunga Tabu te ke valagu tana lomiu manasa lohamu. 12Mi ira na tinoni ba kara sau diaa na tasidira tana limadira hadira hala, ma kara ni labu matesira. Mi ira na tohamiu ba kara saua na daledira ma kara ni labu mate sohara lakamu. Mi ira na gari lakamu nira ngeni ba kara seko vanira na tina tohadira, ma kara sau diara tana limadira hadira hala, ma kara ni labu matesira. 13Me visa na tinoni ba kara halatilohamu, matengana lohamu nia na nigua nau. Misei te tuu ngachi me ke chau tana kokodena na tahu, ia God ba ke taha maurisia ia.”
Ia Jisas e kori lengaa na hua ba ke laba i Jerusalem
(Matiu 24:15-28; Luk 21:20-24)
14Ma ia Jisas e kori vahai laka de, “Ba kamu haea lohamu chikai na omea sekoseko solehana te ke hoso tahania ia God, mi ngeni ba ke tuu na omea sekoseko nia tana malengana vahai te ke teha tihilana ia na tuu tatana.” (Misei te ke ijua na mamare de, ia ke hana talanaa na papada ia na mamare de.) “Ba, mi tana tahu nia, ira na tinoni ta kara toha tana provins i Jiudia kara choho ma kara toha koku tana vungavunga nira. 15Misei te ke toha tana vovotuna na valena, ia ke mui laka sahe lalo vale me ke tahaa kesana nina omea levo. 16Misei te ke toha mai tana nina uta, ia ke mui na visu laka tana valena me ke tahaa na tivina. 17Mi ngeni ba ke matahuha vanira ira na daki mahara mi ira ta kara tamani gari pepechi tara chuchuchu vata tana tahu nia. 18Kamu nonginongi vania ia God, me ke ni teha na omea nira nia na hadovihamu tana tahu ni bisi. 19Matengana na rota de ba ke seko solehana laka liungisia visa na rota tu mai i sau, tuturiha tana tahu ia God te agosia na pari de, maimai me chau ngeni de. Mi seisuge bukena ia, ba ke teha laka siki rota leho vahai nia te ke mai. 20Me tina vahai ke teha na taha kukumua na Taovia na tahu ni rota leho nia, mi ngeni ba ke teha siki tinoni ke mauri. Me matengana ia e padara ira na tinoni te vili nohara ia, mi ngeni ba ke taha kukumua ia na tahu de.
21“Tana tahu nia, tina vahai kamu valingea lohamu siki tinoni te ke kori vahai vanilohamu de, ‘!Kamu haea, ia na Mesaea nia ide noha!’ teha me ke kori vahai de, ‘!Kamu haea, ia noha inge!’ kamu mui lohamu na donua ia. 22Matengana ira na mesaea lelekaha ma na propet lelekaha nira ngeni ba kara tu ma kara agosia kesana na valajaja ma na omea taengana nira, ma kara ni tovo voloa na lekasira ira na tinoni te vilira ia God. 23!Kamu paravata talana! !Inau u kateli lenga luhi vanilohamu na hua ba ke laba!”
Ia Jisas e kori lengaa na visumaiana
(Matiu 24:29-31; Luk 21:25-28)
24Me kori vahai vaniloera laka ia Jisas de, “Bukena na tahu ni rota leho de, ba ke puti roiroi na aso, ma na vula lakamu ba ke teha marara. 25Mi ngeni ba kara ruchu na vetuhu nira tana barahata, me visa na omea levo susuliha tana barahata ba kara ganigani. 26Mi tana tahu nia, ba kara haeu nau, na Dalena Tinoni, tu ku visu mai tana lalona na parako i barahata kolu nigu marara ma na susuliha leho. 27Mi tana tahu vahai nia, ba ku saua nau na enjol nira ma kara dia tatana vati na chuchukena na pari de, tuturiha tana tabana na pari de diadia me ke chau tana kokodena, ma kara ni sai maira na tinoni nira te vili nohara ia God.”
Na kori titihila tatana na hai ni fig
(Matiu 24:32-35; Luk 21:29-33)
28Me kori vahai laka ia Jisas de, “Kamu momoro lohamu tana hai ni fig nia ma kamu ni manasana na hua te ke laba mai. Tahuna te vasu na arengana na hai nia, me koli vaolu laka na malosodira, ma kamu hanaa lohamu, ia nidira tahu e visa na omea kara ni dato talana. 29Me vahai lakamu, tana tahu vahai ta kamu haera lohamu na omea vahai nira nia kara laba, kamu hana nohaa e maravia noha na tahu tu ku visu mai nau. 30Inau u koria na kori tutuni vanilohamu, e visa na omea nira nia ba kara laba luhi, bukena kara vu mate ira na tinoni tara mamauri tana tahu de. 31Na barahata ma na pari de ba kara ko kode, ma na nigu valagu nau ba ke toha savaliu.”
Ia Jisas e kori lengaa na tahu te ke visu mai
(Matiu 24:36-44)
32Me kori vahai laka ia Jisas de, “Na dani tu ku visu mai nau, e teha ke chikai na tinoni na hanaa. Na Tohagu bamu nau te hanaa, minau na Dalena ia kolura na enjol nira i heven, hami ami teha na hana lakamua. 33Mi lohamu kamu paravata talana, me ke visa na tahu kamu onioni bamu lohamu, matengana amu teha lohamu na hanaa na tahu tu ku visu mai nau. 34Ba ke vahai e chikai na tinoni te ke onioni na dia tatana chikai na vera. Tana tahu te teha vata ia na dia basiaa na valena, ia ba ke livu kodea visa nina omea levo tana limadira nina tinoni ago nira ia, me vanira tovosi diadia na vatana na ago. Me kejalia ia na tinoni te hae taonia na sanganiana na valena ia ke ni hae taoni talanaa. 35Mi tana naunau vahai nia, ilohamu lakamu kamu paravata talana, matengana lohamu ba kamu voo tana tahu vahai vei tu ku visu mai nau. Ku vu mai nau tana auau teha mi tana levuhata, teha mi tana mohomoho putiputi tahuna vahai te tangi na koroko, teha mi tana tahu vahai te bocha dato mai na aso. 36Me teha talana kamu vu taora lohamu tana tahu tu ku visu mai nau mu ku haelohamu ta kamu bibiku bamu. 37Na hua tu kori vanilohamu nau tana tahu de, u kori vanira lakamu visa na tinoni. !Kamu paravata savaliu lohamu!”
Právě zvoleno:
Mak 13: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 13
13
Ia Jisas e kori lengaa na Vale Tabu Leho ba kara vuti sivoa
(Matiu 24:1-2; Luk 21:5-6)
1Mi tana tahu te basiaa ia Jisas na Vale Tabu Leho nia, chikai na vidadira hana duli nira nia e kori vahai vania ia de, “!Ticha, ko hae diaa ba na makara leho ma na Vale Tabu Leho tara ko moro odo taengana de!”
2Ma ia Jisas e tuhu visua me kori vahai vania de, “Ko haea hoe ia na vale leho nira de. Minau ku kori vaniho hoe, e visa na makara nira tana vale nira nia ba kara vuti sivo kodera, me ba ke teha laka siki makara ke toha tana hana tuhu vahai te toha tahuna de.”
Ia Jisas e kori lengaa na tahu sekoseko te ke mai
(Matiu 24:3-14; Luk 21:7-19)
3Me chikai na tahu ia Jisas e tohotuu tana vungavunga i Olivi, hana tuhu vahai tara hanaa moro mai hotohoto tana Vale Tabu Leho nia. Mi loera e vati hana duli ia Jisas, ia Pita, ma ia Jemes, ma ia Jon ma ia Andru, ara mai tovosi tatana ia Jisas mara gesu vahania de, 4“?Tana tahu vahai vei te ke laba ia na omea seko nira nia? Ma na valajaja vahai vei ba ke tihisia na omea nira nia ke maravia laba lenga?”
5Ma ia Jisas e tuhu vaniloera me kori vahai de, “Lohamu kamu kanakana, kara ni teha ira na lekasilohamu. 6Matengana ira na tinoni danga nira ngeni ba kara tuu ira tana asagu nau, ma kara kori vahai de, ‘!Inau ia!’ Mi ngeni ba kara lekasira dangana. 7Tahuna ta kamu valingea lohamu na pidu leho me danga laka baa na saurongona na pidu leho, kamu teha kama toba. Na omea nira nia ngeni ba kara laba mai, ma na kokodena na tahu ba ke mai vata buke. 8Ngeni ba ira na tinonina vera chikai ba kara vaipiduhi kolu na tinonina na vera chikai, me chikai momoru ngeni ba kara vaipiduhi kolu na momoru chikai. Na vuluhe nira ngeni ba kara ganilira danga na vera tana pari de, mi ngeni ba ke laba danga na tahu ni tavoro. Ma na omea nira nia ba ke vahai na tahuna na daki te tuturiha na vajangia na vasu gari.
9“Mi lohamu kamu paravata talana, matengana ngeni ba kara tahalohamu dia tana vale ni pede, mi ngeni ba kara labulohamu laka lalona na vale lotu nira. Ba kara tahalohamu dia tana matadira na taovia na vera ma na king nira tana rongogu nau. Mi lohamu kamu kori lengaa na saurongo talana vanira ira nia. 10Matengana na saurongo talana de kara kori lenga vanira na tinonina visa na momoru tana pari de, bukena ke vu chau tana kokodena na tahu. 11Mi tana tahu ta kara tarilohamu mara tahalohamu dia tana vale ni pede, kamu mui lohamu na pada savi tana hua ba kamu koria. Kamu kori hotosia lohamu na valagu te totoha tana lomiu manasa lohamu, matengana ba ke teha siki lohamu tovosi ta kamu valagu nia, ma na Tarunga Tabu te ke valagu tana lomiu manasa lohamu. 12Mi ira na tinoni ba kara sau diaa na tasidira tana limadira hadira hala, ma kara ni labu matesira. Mi ira na tohamiu ba kara saua na daledira ma kara ni labu mate sohara lakamu. Mi ira na gari lakamu nira ngeni ba kara seko vanira na tina tohadira, ma kara sau diara tana limadira hadira hala, ma kara ni labu matesira. 13Me visa na tinoni ba kara halatilohamu, matengana lohamu nia na nigua nau. Misei te tuu ngachi me ke chau tana kokodena na tahu, ia God ba ke taha maurisia ia.”
Ia Jisas e kori lengaa na hua ba ke laba i Jerusalem
(Matiu 24:15-28; Luk 21:20-24)
14Ma ia Jisas e kori vahai laka de, “Ba kamu haea lohamu chikai na omea sekoseko solehana te ke hoso tahania ia God, mi ngeni ba ke tuu na omea sekoseko nia tana malengana vahai te ke teha tihilana ia na tuu tatana.” (Misei te ke ijua na mamare de, ia ke hana talanaa na papada ia na mamare de.) “Ba, mi tana tahu nia, ira na tinoni ta kara toha tana provins i Jiudia kara choho ma kara toha koku tana vungavunga nira. 15Misei te ke toha tana vovotuna na valena, ia ke mui laka sahe lalo vale me ke tahaa kesana nina omea levo. 16Misei te ke toha mai tana nina uta, ia ke mui na visu laka tana valena me ke tahaa na tivina. 17Mi ngeni ba ke matahuha vanira ira na daki mahara mi ira ta kara tamani gari pepechi tara chuchuchu vata tana tahu nia. 18Kamu nonginongi vania ia God, me ke ni teha na omea nira nia na hadovihamu tana tahu ni bisi. 19Matengana na rota de ba ke seko solehana laka liungisia visa na rota tu mai i sau, tuturiha tana tahu ia God te agosia na pari de, maimai me chau ngeni de. Mi seisuge bukena ia, ba ke teha laka siki rota leho vahai nia te ke mai. 20Me tina vahai ke teha na taha kukumua na Taovia na tahu ni rota leho nia, mi ngeni ba ke teha siki tinoni ke mauri. Me matengana ia e padara ira na tinoni te vili nohara ia, mi ngeni ba ke taha kukumua ia na tahu de.
21“Tana tahu nia, tina vahai kamu valingea lohamu siki tinoni te ke kori vahai vanilohamu de, ‘!Kamu haea, ia na Mesaea nia ide noha!’ teha me ke kori vahai de, ‘!Kamu haea, ia noha inge!’ kamu mui lohamu na donua ia. 22Matengana ira na mesaea lelekaha ma na propet lelekaha nira ngeni ba kara tu ma kara agosia kesana na valajaja ma na omea taengana nira, ma kara ni tovo voloa na lekasira ira na tinoni te vilira ia God. 23!Kamu paravata talana! !Inau u kateli lenga luhi vanilohamu na hua ba ke laba!”
Ia Jisas e kori lengaa na visumaiana
(Matiu 24:29-31; Luk 21:25-28)
24Me kori vahai vaniloera laka ia Jisas de, “Bukena na tahu ni rota leho de, ba ke puti roiroi na aso, ma na vula lakamu ba ke teha marara. 25Mi ngeni ba kara ruchu na vetuhu nira tana barahata, me visa na omea levo susuliha tana barahata ba kara ganigani. 26Mi tana tahu nia, ba kara haeu nau, na Dalena Tinoni, tu ku visu mai tana lalona na parako i barahata kolu nigu marara ma na susuliha leho. 27Mi tana tahu vahai nia, ba ku saua nau na enjol nira ma kara dia tatana vati na chuchukena na pari de, tuturiha tana tabana na pari de diadia me ke chau tana kokodena, ma kara ni sai maira na tinoni nira te vili nohara ia God.”
Na kori titihila tatana na hai ni fig
(Matiu 24:32-35; Luk 21:29-33)
28Me kori vahai laka ia Jisas de, “Kamu momoro lohamu tana hai ni fig nia ma kamu ni manasana na hua te ke laba mai. Tahuna te vasu na arengana na hai nia, me koli vaolu laka na malosodira, ma kamu hanaa lohamu, ia nidira tahu e visa na omea kara ni dato talana. 29Me vahai lakamu, tana tahu vahai ta kamu haera lohamu na omea vahai nira nia kara laba, kamu hana nohaa e maravia noha na tahu tu ku visu mai nau. 30Inau u koria na kori tutuni vanilohamu, e visa na omea nira nia ba kara laba luhi, bukena kara vu mate ira na tinoni tara mamauri tana tahu de. 31Na barahata ma na pari de ba kara ko kode, ma na nigu valagu nau ba ke toha savaliu.”
Ia Jisas e kori lengaa na tahu te ke visu mai
(Matiu 24:36-44)
32Me kori vahai laka ia Jisas de, “Na dani tu ku visu mai nau, e teha ke chikai na tinoni na hanaa. Na Tohagu bamu nau te hanaa, minau na Dalena ia kolura na enjol nira i heven, hami ami teha na hana lakamua. 33Mi lohamu kamu paravata talana, me ke visa na tahu kamu onioni bamu lohamu, matengana amu teha lohamu na hanaa na tahu tu ku visu mai nau. 34Ba ke vahai e chikai na tinoni te ke onioni na dia tatana chikai na vera. Tana tahu te teha vata ia na dia basiaa na valena, ia ba ke livu kodea visa nina omea levo tana limadira nina tinoni ago nira ia, me vanira tovosi diadia na vatana na ago. Me kejalia ia na tinoni te hae taonia na sanganiana na valena ia ke ni hae taoni talanaa. 35Mi tana naunau vahai nia, ilohamu lakamu kamu paravata talana, matengana lohamu ba kamu voo tana tahu vahai vei tu ku visu mai nau. Ku vu mai nau tana auau teha mi tana levuhata, teha mi tana mohomoho putiputi tahuna vahai te tangi na koroko, teha mi tana tahu vahai te bocha dato mai na aso. 36Me teha talana kamu vu taora lohamu tana tahu tu ku visu mai nau mu ku haelohamu ta kamu bibiku bamu. 37Na hua tu kori vanilohamu nau tana tahu de, u kori vanira lakamu visa na tinoni. !Kamu paravata savaliu lohamu!”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved