Mak 12
12
Na kori titihila tatana na tinoni sekoseko nira tara ago tatana na uta leho
(Matiu 21:33-46; Luk 20:9-19)
1Me valagu ia Jisas tatana kesana laka na kori titihila, me kori vahai vanira de, “Totoha me chikai na tinoni e chukaa chikai na uta ni grep. Ia e agosia chikai na bara me talihu labaa na uta nia, me vurua na marahova vati ni dakepepetaa na vuaeni, kolu chikai na vale dahodato vati ni hae taoniana na uta nia. Bukena, me talasangaa ia kesana na tinoni ma kara ni ago uluhi ira tatana na uta nia. Me dia ia me toha tatana chikai na vera vasau. 2Me chau tahuna tara mahutu na vuana na hai nira, ma na tinoni te tamania na uta nia e sau diaa chikai nina tinoni ago me ke ni taha visu maia ia na pepeluna nina uta ia tara ago ira tatana. 3Mara tu ira mara taria na tinoni nia, mara labua mara sau visu voloa ia. 4Ma na tamanina na uta nia e sau dia lakaa e chikai nina tinoni ago, mi tahuna de ara labua ira na vungana mara kori sekoli kalavataa. 5Ma na tamanina na uta nia e sau dia lakaa e chikai nina tinoni ago, mara labu matea ira. Me sau dia lakara ia e danga na tinoni ago nira, mi ira ara vahani sohara, vahai kesana ara lalabura, mi kesana ara labu matera. 6Na tinoni tamanina na uta nia e tamani bamua e chikai na dalena mane te sahavi solehanaa. Me sau diaa ia vahai na kokodena ira tara dia, te pada vahania ia ba kara pada lehoa ira, rongona na dalena ia. 7Mi ira na tinoni tara ago tatana na uta nia, ara vaikorihi mara kori vahai de, ‘Ia na dalena te ke tuhua na tohana me ke ni tamania na uta de. Ka labu matea hita na tinoni de, ma ka ni tamania hita na uta de.” 8Mara taria na tinoni nia, mara labua me mate, mara choni diaa na kokorana tana vovotana na uta nia.
9Ma ia Jisas e gesuara me kori vahai vanira de, “?Na hua tamu padaa hamu ba ke agosia ia na tinoni tamanina na uta nia? Ia ba ke mai me ke labu matera na tinoni nira nia, me ke talasanga vanira laka kesana na tinoni tovosi ma kara ago tatana na uta nia. 10Ihamu amu iju nohaa na hua te koria na Mamare Tabu de,
“‘Na makara tara hoso tahania ira na tinoni loho vale
e lia na borongana makara te tuhurua na vale nia.
11Na omea nira de, na Taovia te agosia,
mara hahae talana solehana tana matadada hita.’ ”
12Mi ira na tinoni leholeho ira na Jiu ara ngangavina kara taria ia Jisas, matengana ira ara valinge vagoa nina kori titihila ia te kalera ira. Ma ia matengana ira ara matahunira ira na toha na tinoni nira nia, ba mara basiaa ira ia me dia bamu.
Ara gesuaa ia Jisas tana pelu takisi vania na gaumane ni Rom
(Matiu 22:15-22; Luk 20:20-26)
13Mi bukena, ira na tinoni leholeho ira na Jiu nia ara sau diaa kesana na Parasii me kesana nina ala-ala ia Herod, mara dia tatana ia Jisas, ma kara ni tovoa tatana kesana na gesu. 14Mara mai ira mara kori vahai vania de, “Ticha, hami ami hanaa ihoe e chikai na tinoni to koria na omea te tutuni. Mo teha hoe na toba sahata tatana nidira manasa tulevo ira na tinoni, seisuge ira na tinoni leholeho. Mo sasanira bamu hoe na omea mana tana rongona ia God. ?Me vahai vei, e hoto bamu tana nida keja hita na pelu takisi vania ia Sisa teha me teha?”
15Ma ia Jisas e hae vagoa kovahai ira ara ngangavina na tovoa ia, me kori vahai ia de, “?E vahai vei hamu amu vu ngangavina na tovou nau? Kamu taha maia ke chikai na tavi ni golo mu ku ni haea nau.”
16Mara sau vania na golo, me gesuara me kori vahai vanira de, “?Isei na nununa ma na asana tana golo de?”
Mara kori vahai ira de, “Na ninana ia king Sisa.”
17Ma ia Jisas e kori vahai vanira laka de, “Me tina ke vahai ia, me siki nina omea levo ia king Sisa, kamu sau visu vania ia. Me siki nina omea levo ia God, kamu sau visu vania ia God.”
Tahuna vahai tara valingea ira nina valagu ia Jisas, mara makai ira.
Ira na Sadiusi ara gesuaa ia Jisas tana tahu ni mauri visu
(Matiu 22:23-33; Luk 20:27-40)
18Mi bukena laka, mara mai kesana na Sadiusii tatana ia Jisas. Ira nia ara padaa kovahai na tinoni e voo laka na mauri visu. Mara gesuaa ia Jisas mara kori vahai vania de, 19“Ticha, ia Mosis e marea chikai na keja vanihita te kori vahai de, ‘Tina vahai ke chikai na mane te ke mate basiaa na tauna, mara ko teha vata na tamania siki dalekodira, na tasina ia na mane te mate nia te ke tuhua ia me ke taulahani sohaa ia na daki nia. Tana naunau vahai nia, na dalekodira koera nia ba kara vahai na dalena tinoni tasina ia te mate noha nia. 20Me toha chikai dani e vitu na tamatasi, ma na garimane uluhi nia e taulahinia chikai na daki, mara ko teha na tamani vataa siki gari me mate ia. 21Mi bukena, na rukanina na tasina ia e taulahini sohaa ia na daki chamu nia, mara ko teha lakamu na tamania siki dalekodira me mate soha ia na tinoni nia. Me vahai soha lakamu tatana tolunina ia na tasina mane ia. 22Saisai mi loera e vitu na tamatasi ara taulahinia ia na daki nia, mara teha tamania siki gari, mara mate, mi tana kokodena me mate lakamu ia na daki chamu nia. 23?Me vahai vei, tana tahu ta kara mauri visu soha, misei kalavata nomu na tauna ia na daki nia? Matengana loera e vitu tamatasi ara taulahinia na daki chamu nia.”
24Ma ia Jisas e tuhu vanira me kori vahai vanira de, “Hamu amu teha na hanaa na Mamare Tabu mamu teha na hanaa tana nina susuliha ia God, ia vahai amu vu tamania hamu na papada te ruri nia. 25Tana tahu vahai ta kara mauri visu soha ira kode nia, ba ira na mane ma na daki ba kara teha na vaitaulahinihi laka. Ira ba kara toha bamu vahai na enjol nira ni heven. 26Mi tana naunau ni tinoni te mauri visu soha, ngeni hamu amu iju nohaa nina buka ia Mosis, tana rongona na hai mamauri te ruu na lake tatana. Mi tana tahu nia, ia God e kori vahai vania ia Mosis de, ‘Inau nina God ia Ebraham ma ia Aesak ma ia Jekob.’ 27Ma ia God e teha siki nidira God na tinoni tara mate, ma ia nidira God na tinoni mamauri. !Mihamu amu ruri solehana ia!”
Na borongana na keja
(Matiu 22:34-40; Luk 10:25-28)
28Me toha lakamu tana tahu nia e chikai na tinoni sau manasa tana nina keja ia Mosis, me valingea nina valagu ia Jisas mi ira na Sadiusi. Me valingea ia te tuhu talanaa ia Jisas nidira gesu ira. Me mai ia tatana ia Jisas me gesu vahania de, “?Na keja vahai vei na borongana tatadira visa na keja?”
29Me kori vahai vania ia Jisas de, “Ide na borongana na keja.
“‘Ihamu na tinonina i Israel, kamu vavalinge talana. Na Taovia nida God, ia bamu na Taovia. 30Mihamu kamu sahavia na Taovia nimiu God tana tobamiu matadu, me visa nimiu manasa, me visa nimiu papada, me visa nimiu susuliha.’”
31“Ma na rukanina na keja laka e vahai de, ‘Kamu sahavia nimiu papi vahai tamu sahavi tovosihamu.’ Teha laka siki keja te ke leho liungisia na keja koera de. ”
32Ma na tinoni sau manasa tana keja nia, e kori vahai vania ia Jisas de, “!E mana solehana ia, Ticha! Na omea nira to koria hoe e mana kalavata, to koria hoe kovahai chikai bamu na God te toha, me teha siki God laka baa. 33Mihita ka sahavia ia God tana tobadada matadu, mi tana manasadada matadu, mi tana nida susuliha matadu. Mihita ka sahavi lakamura nida papi nira vahai ta sahavihita hita tovosi. E ruka na keja nia ara ko leho liungisia visa na omea nira tara kere vania ia God.”
34Ma ia Jisas e morosi vagoa na tinoni nia te manasa solehana tahuna te tuhua ia visa nina valagu nira ia. Me tu ia Jisas me kori vahai vania de, “Tugaho, ihoe o maravia lalona tana nina baravata ia God.”
Me bukena ia, mara matahu kode ira na gesuaa ia Jisas siki gesugesu laka.
Na Mesaea e leho liungisia ia King Deved na tutugana
(Matiu 22:41-46; Luk 20:41-44)
35Mi tana tahu nia, ia Jisas e sasanira na tinoni nira tana pakoka lalona na Vale Tabu Leho ia God, me gesuara me kori vahai vanira de, “?E vahai vei ira na tinoni sau manasa tana keja mara koria na Mesaea de ba ke bocha mai tana lilivuna ia King Deved? 36Matengana na Tarunga Tabu te saua na manasa de vania ia King Deved me ke ni koria ia,
“‘Ia God e kori vania hagu Taovia nau me kori vahai de,
“Ihoe ko tohotuu tana madoagu nau,
diadia me ke chau tana tahu tu ku livua inau hamu hala nira tana vavana tuamu mi tana vavana nimu susuliha.”#12:36 Morosia tana Sams 110:1
37“Ma ia Deved tovosi te solo vahania na Mesaea kovahai ia ‘hagu Taovia.’ ?Me ke vahai laka vei na tinoni te bocha mai tana lilivuna ia Deved, ke vu ni hanaa na dato mai lakaa vahai nina Mesaea ia?”
Mi ira dangana na tinoni tara valingea nina valagu ia Jisas mara mahe solehana.
Ia Jisas e paratanga vanira hana duli tana rongodira na tinoni sau manasa tana keja
(Matiu 23:1-36; Luk 20:45-47)
38Mi tana tahu nia, ia Jisas e sasanira na tinoni nira me kori vahai vanira de, “Ihamu kamu kanakana tatadira ira na tinoni sau manasa tana keja nira nia. Ira ara hotuhotu, mara sahelia na kalekodira daho mara lela dia i maket, mara ngangavina ira na tinoni nira kara livu kaera. 39Mi tahuna tara dia ira tana vale lotu mi tana kabu nira, ira ara ngangavina solehana kara tohotuu levu naho bamu. 40Mara lagoia nidira omea levo na daki chamu nira. Kode, mara koria ira kesana na nonginongi daho vati ni lekasi tinoni bamu. !Hamu amu hanaa, ira na tinoni vahai nira nia, nidira rota ba ke leho solehana!”
Ia Jisas e kori hotua chikai na daki chamu
(Luk 21:1-4)
41Mi tahuna te tohotuu ia Jisas varangisia na kei ni sausau tana lalona na Vale Tabu Leho nia, me morosia na tinoni tara livu sahea nidira golo lalona na kei nia. Me danga na tinoni tatamani ara saua e danga solehana na golo. 42Me mai lakamu e chikai na daki chamu te teha tamania siki omea levo, me sau bamua ia e ruka na tavi ni golo pepechi. 43Ma ia Jisas e solora hana duli nira kara mai, me kori vahai vanira de, “Inau u kori vanihamu hamu na omea tutuni, na hua te saua na daki chamu te teha tamani nia, ia te leho taengana liungisia nidira sausau ira na tinoni tatamani nira. 44Matengana ira na tinoni tatamani nira nia, ara saua chikai bamu na meana pepechi nidira tatamani. Ma na daki chamu nia e teha tamani siki omea levo tatamani, me saua ia visa na omea kode vati ni mauri ia tatana.”
Právě zvoleno:
Mak 12: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 12
12
Na kori titihila tatana na tinoni sekoseko nira tara ago tatana na uta leho
(Matiu 21:33-46; Luk 20:9-19)
1Me valagu ia Jisas tatana kesana laka na kori titihila, me kori vahai vanira de, “Totoha me chikai na tinoni e chukaa chikai na uta ni grep. Ia e agosia chikai na bara me talihu labaa na uta nia, me vurua na marahova vati ni dakepepetaa na vuaeni, kolu chikai na vale dahodato vati ni hae taoniana na uta nia. Bukena, me talasangaa ia kesana na tinoni ma kara ni ago uluhi ira tatana na uta nia. Me dia ia me toha tatana chikai na vera vasau. 2Me chau tahuna tara mahutu na vuana na hai nira, ma na tinoni te tamania na uta nia e sau diaa chikai nina tinoni ago me ke ni taha visu maia ia na pepeluna nina uta ia tara ago ira tatana. 3Mara tu ira mara taria na tinoni nia, mara labua mara sau visu voloa ia. 4Ma na tamanina na uta nia e sau dia lakaa e chikai nina tinoni ago, mi tahuna de ara labua ira na vungana mara kori sekoli kalavataa. 5Ma na tamanina na uta nia e sau dia lakaa e chikai nina tinoni ago, mara labu matea ira. Me sau dia lakara ia e danga na tinoni ago nira, mi ira ara vahani sohara, vahai kesana ara lalabura, mi kesana ara labu matera. 6Na tinoni tamanina na uta nia e tamani bamua e chikai na dalena mane te sahavi solehanaa. Me sau diaa ia vahai na kokodena ira tara dia, te pada vahania ia ba kara pada lehoa ira, rongona na dalena ia. 7Mi ira na tinoni tara ago tatana na uta nia, ara vaikorihi mara kori vahai de, ‘Ia na dalena te ke tuhua na tohana me ke ni tamania na uta de. Ka labu matea hita na tinoni de, ma ka ni tamania hita na uta de.” 8Mara taria na tinoni nia, mara labua me mate, mara choni diaa na kokorana tana vovotana na uta nia.
9Ma ia Jisas e gesuara me kori vahai vanira de, “?Na hua tamu padaa hamu ba ke agosia ia na tinoni tamanina na uta nia? Ia ba ke mai me ke labu matera na tinoni nira nia, me ke talasanga vanira laka kesana na tinoni tovosi ma kara ago tatana na uta nia. 10Ihamu amu iju nohaa na hua te koria na Mamare Tabu de,
“‘Na makara tara hoso tahania ira na tinoni loho vale
e lia na borongana makara te tuhurua na vale nia.
11Na omea nira de, na Taovia te agosia,
mara hahae talana solehana tana matadada hita.’ ”
12Mi ira na tinoni leholeho ira na Jiu ara ngangavina kara taria ia Jisas, matengana ira ara valinge vagoa nina kori titihila ia te kalera ira. Ma ia matengana ira ara matahunira ira na toha na tinoni nira nia, ba mara basiaa ira ia me dia bamu.
Ara gesuaa ia Jisas tana pelu takisi vania na gaumane ni Rom
(Matiu 22:15-22; Luk 20:20-26)
13Mi bukena, ira na tinoni leholeho ira na Jiu nia ara sau diaa kesana na Parasii me kesana nina ala-ala ia Herod, mara dia tatana ia Jisas, ma kara ni tovoa tatana kesana na gesu. 14Mara mai ira mara kori vahai vania de, “Ticha, hami ami hanaa ihoe e chikai na tinoni to koria na omea te tutuni. Mo teha hoe na toba sahata tatana nidira manasa tulevo ira na tinoni, seisuge ira na tinoni leholeho. Mo sasanira bamu hoe na omea mana tana rongona ia God. ?Me vahai vei, e hoto bamu tana nida keja hita na pelu takisi vania ia Sisa teha me teha?”
15Ma ia Jisas e hae vagoa kovahai ira ara ngangavina na tovoa ia, me kori vahai ia de, “?E vahai vei hamu amu vu ngangavina na tovou nau? Kamu taha maia ke chikai na tavi ni golo mu ku ni haea nau.”
16Mara sau vania na golo, me gesuara me kori vahai vanira de, “?Isei na nununa ma na asana tana golo de?”
Mara kori vahai ira de, “Na ninana ia king Sisa.”
17Ma ia Jisas e kori vahai vanira laka de, “Me tina ke vahai ia, me siki nina omea levo ia king Sisa, kamu sau visu vania ia. Me siki nina omea levo ia God, kamu sau visu vania ia God.”
Tahuna vahai tara valingea ira nina valagu ia Jisas, mara makai ira.
Ira na Sadiusi ara gesuaa ia Jisas tana tahu ni mauri visu
(Matiu 22:23-33; Luk 20:27-40)
18Mi bukena laka, mara mai kesana na Sadiusii tatana ia Jisas. Ira nia ara padaa kovahai na tinoni e voo laka na mauri visu. Mara gesuaa ia Jisas mara kori vahai vania de, 19“Ticha, ia Mosis e marea chikai na keja vanihita te kori vahai de, ‘Tina vahai ke chikai na mane te ke mate basiaa na tauna, mara ko teha vata na tamania siki dalekodira, na tasina ia na mane te mate nia te ke tuhua ia me ke taulahani sohaa ia na daki nia. Tana naunau vahai nia, na dalekodira koera nia ba kara vahai na dalena tinoni tasina ia te mate noha nia. 20Me toha chikai dani e vitu na tamatasi, ma na garimane uluhi nia e taulahinia chikai na daki, mara ko teha na tamani vataa siki gari me mate ia. 21Mi bukena, na rukanina na tasina ia e taulahini sohaa ia na daki chamu nia, mara ko teha lakamu na tamania siki dalekodira me mate soha ia na tinoni nia. Me vahai soha lakamu tatana tolunina ia na tasina mane ia. 22Saisai mi loera e vitu na tamatasi ara taulahinia ia na daki nia, mara teha tamania siki gari, mara mate, mi tana kokodena me mate lakamu ia na daki chamu nia. 23?Me vahai vei, tana tahu ta kara mauri visu soha, misei kalavata nomu na tauna ia na daki nia? Matengana loera e vitu tamatasi ara taulahinia na daki chamu nia.”
24Ma ia Jisas e tuhu vanira me kori vahai vanira de, “Hamu amu teha na hanaa na Mamare Tabu mamu teha na hanaa tana nina susuliha ia God, ia vahai amu vu tamania hamu na papada te ruri nia. 25Tana tahu vahai ta kara mauri visu soha ira kode nia, ba ira na mane ma na daki ba kara teha na vaitaulahinihi laka. Ira ba kara toha bamu vahai na enjol nira ni heven. 26Mi tana naunau ni tinoni te mauri visu soha, ngeni hamu amu iju nohaa nina buka ia Mosis, tana rongona na hai mamauri te ruu na lake tatana. Mi tana tahu nia, ia God e kori vahai vania ia Mosis de, ‘Inau nina God ia Ebraham ma ia Aesak ma ia Jekob.’ 27Ma ia God e teha siki nidira God na tinoni tara mate, ma ia nidira God na tinoni mamauri. !Mihamu amu ruri solehana ia!”
Na borongana na keja
(Matiu 22:34-40; Luk 10:25-28)
28Me toha lakamu tana tahu nia e chikai na tinoni sau manasa tana nina keja ia Mosis, me valingea nina valagu ia Jisas mi ira na Sadiusi. Me valingea ia te tuhu talanaa ia Jisas nidira gesu ira. Me mai ia tatana ia Jisas me gesu vahania de, “?Na keja vahai vei na borongana tatadira visa na keja?”
29Me kori vahai vania ia Jisas de, “Ide na borongana na keja.
“‘Ihamu na tinonina i Israel, kamu vavalinge talana. Na Taovia nida God, ia bamu na Taovia. 30Mihamu kamu sahavia na Taovia nimiu God tana tobamiu matadu, me visa nimiu manasa, me visa nimiu papada, me visa nimiu susuliha.’”
31“Ma na rukanina na keja laka e vahai de, ‘Kamu sahavia nimiu papi vahai tamu sahavi tovosihamu.’ Teha laka siki keja te ke leho liungisia na keja koera de. ”
32Ma na tinoni sau manasa tana keja nia, e kori vahai vania ia Jisas de, “!E mana solehana ia, Ticha! Na omea nira to koria hoe e mana kalavata, to koria hoe kovahai chikai bamu na God te toha, me teha siki God laka baa. 33Mihita ka sahavia ia God tana tobadada matadu, mi tana manasadada matadu, mi tana nida susuliha matadu. Mihita ka sahavi lakamura nida papi nira vahai ta sahavihita hita tovosi. E ruka na keja nia ara ko leho liungisia visa na omea nira tara kere vania ia God.”
34Ma ia Jisas e morosi vagoa na tinoni nia te manasa solehana tahuna te tuhua ia visa nina valagu nira ia. Me tu ia Jisas me kori vahai vania de, “Tugaho, ihoe o maravia lalona tana nina baravata ia God.”
Me bukena ia, mara matahu kode ira na gesuaa ia Jisas siki gesugesu laka.
Na Mesaea e leho liungisia ia King Deved na tutugana
(Matiu 22:41-46; Luk 20:41-44)
35Mi tana tahu nia, ia Jisas e sasanira na tinoni nira tana pakoka lalona na Vale Tabu Leho ia God, me gesuara me kori vahai vanira de, “?E vahai vei ira na tinoni sau manasa tana keja mara koria na Mesaea de ba ke bocha mai tana lilivuna ia King Deved? 36Matengana na Tarunga Tabu te saua na manasa de vania ia King Deved me ke ni koria ia,
“‘Ia God e kori vania hagu Taovia nau me kori vahai de,
“Ihoe ko tohotuu tana madoagu nau,
diadia me ke chau tana tahu tu ku livua inau hamu hala nira tana vavana tuamu mi tana vavana nimu susuliha.”#12:36 Morosia tana Sams 110:1
37“Ma ia Deved tovosi te solo vahania na Mesaea kovahai ia ‘hagu Taovia.’ ?Me ke vahai laka vei na tinoni te bocha mai tana lilivuna ia Deved, ke vu ni hanaa na dato mai lakaa vahai nina Mesaea ia?”
Mi ira dangana na tinoni tara valingea nina valagu ia Jisas mara mahe solehana.
Ia Jisas e paratanga vanira hana duli tana rongodira na tinoni sau manasa tana keja
(Matiu 23:1-36; Luk 20:45-47)
38Mi tana tahu nia, ia Jisas e sasanira na tinoni nira me kori vahai vanira de, “Ihamu kamu kanakana tatadira ira na tinoni sau manasa tana keja nira nia. Ira ara hotuhotu, mara sahelia na kalekodira daho mara lela dia i maket, mara ngangavina ira na tinoni nira kara livu kaera. 39Mi tahuna tara dia ira tana vale lotu mi tana kabu nira, ira ara ngangavina solehana kara tohotuu levu naho bamu. 40Mara lagoia nidira omea levo na daki chamu nira. Kode, mara koria ira kesana na nonginongi daho vati ni lekasi tinoni bamu. !Hamu amu hanaa, ira na tinoni vahai nira nia, nidira rota ba ke leho solehana!”
Ia Jisas e kori hotua chikai na daki chamu
(Luk 21:1-4)
41Mi tahuna te tohotuu ia Jisas varangisia na kei ni sausau tana lalona na Vale Tabu Leho nia, me morosia na tinoni tara livu sahea nidira golo lalona na kei nia. Me danga na tinoni tatamani ara saua e danga solehana na golo. 42Me mai lakamu e chikai na daki chamu te teha tamania siki omea levo, me sau bamua ia e ruka na tavi ni golo pepechi. 43Ma ia Jisas e solora hana duli nira kara mai, me kori vahai vanira de, “Inau u kori vanihamu hamu na omea tutuni, na hua te saua na daki chamu te teha tamani nia, ia te leho taengana liungisia nidira sausau ira na tinoni tatamani nira. 44Matengana ira na tinoni tatamani nira nia, ara saua chikai bamu na meana pepechi nidira tatamani. Ma na daki chamu nia e teha tamani siki omea levo tatamani, me saua ia visa na omea kode vati ni mauri ia tatana.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved