Mak 14
14
Ara chau matena ia Jisas
(Matiu 26:1-5; Luk 22:1-2; Jon 11:45-53)
1E toha bamu e ruka na dani me ke chau tana Dani ni kabu na Liu Salihi ma na kabu tana Bred te Teha Siki Isti Tatana. Mi nidira lehona ira na tinoni ni kere mi ira na tinoni sau manasa tana nina keja ia Mosis ara padaa siki sala ni tari kakanaua ia Jisas ma kara labu matea. 2Mara vaikorihi vahai laka de, “Ka mui hita na taria ia tahuna na dani ni kabu, rongona kara vu labuhita ira na tinoni.”
E chikai na daki e duara na oela te sisihini talana tana vungana ia Jisas
(Matiu 26:6-13; Jon 12:1-8)
3Mi tana tahu nia, ia Jisas e toha i Betani, tana valena ia Saemon te tamania na mudo i sau. Mi tana tahu te hahani ia, me mai chikai na daki tatana ia. Ma na daki nia e taha maia chikai na lasa talana ni oela te sisihini talana tara agosia tana nad, me leho solehana na matena. Me rese chonia na pitona na lasa nia me duara sivoa na oela nia tana vungana ia Jisas. 4Me kesana na tinoni tara totoha inge ara haea na omea de, mara kore vania mara vaivalaguhi ira mara kori vahai de, “?Ae, e vahai vei na daki nia e vu sekoli vahania ia na oela talana nia? 5Me tina vahai ke chabiria ia, ba ke hanaa ia tahaa na pepeluna, tina vahai ke ago ia lalona chikai me ke chara na uvi, me ke ni saua na golo nia vanira na tinoni tara teha tamania siki omea levo.” Mara kori sekolia ira na daki nia.
6Ma ia Jisas e kori vahai vanira laka de, “!Kamu mui hamu na utusiana na daki nia! E vahai vei hamu amu vu kori sekolia ia? Na omea talana ia te agosi vaniu nau ia. 7Mi ira na tinoni tara teha tamani siki omea levo nira ba kara toha savaliu koluhamu, mihamu kamu hanaa na sangara siki tahu ta kamu ngavina hamu. Minau de, ba ku teha na toha savaliu koluhamu. 8Na daki de e agosia na omea te tihilana ia na agosiana. E duara na oela de tana tanogu nau vati ni onioni hana na tahu ta kara giluu nau. 9Inau u kori vanihamu na omea tutuni, mi tana visa meana kode tana pari de ta kara kori lengaa ira na saurongo talana de, ba kara koripotona lakamu ira tana rongona na hua te agosia na daki de, mi ngeni ba kara padaa ia.”
Ia Jiudas e tala na sau diaa ia Jisas
(Matiu 26:14-16; Luk 22:3-6)
10Ma ia Jiudas Iskariot, chikai nomu na vidalodira na sangavulu ruka hana duli ia Jisas, e dia tatadira nidira lehona nira ira na tinoni ni kere me kori vanira. Me ngangavina ke saua ia Jisas tana limadira ira. 11Mi tana tahu tara valingea ira, mara mahe solehana ira mara kori vania ngeni ba kara sau vania ira na pepeluna. Me tuturiha tana tahu nia, ia Jiudas e tovoa na pada vahania vei ke vu ni hanaa ia na sau diaa ia Jisas tana limadira ira.
Ia Jisas e hahani kolura hana duli nira tana kabu ni Liu Salihi
(Matiu 26:17-25; Luk 22:7-14; Luk 22:21-23; Jon 13:21-30)
12Me laba noha na chikainina dani tana kabu ni Bred te Teha Siki Isti Tatana, ta kara labua na dale ni sipsip ma kara ni kerea, kode ma kara hania tana kabu ni Liu Salihi. Mi ira hana duli ia Jisas ara gesuaa mara kori vahai vania de, “?E vahai vei, ivei to ngavina hoe kami dia ma kami onioni vaniho na kabu ni Liu Salihi?”
13Ma ia Jisas sau diaa e ruka vidalodira, me kori vahai vanikoera de, “Kamu ko dia kohamu tana vera leho i Jerusalem, mi ngeni ba kamu ko vaituhuhi e chikai na tinoni te kasoa chikai na lasa ni kolo. Kamu ko dia bukea ia, 14diadia mo ko chau tana chikai na vale te ke sahe ia. Mi ngeni ba kamu ko kori vahai vania na tinoni tamanina na vale nia, ‘Na Ticha te gesu maiho hoe me kori vahai de, ?Ivei na rumu tu ku mai nau kolu nigu duli nira ma kami toha ma kami hania na kabu ni Liu Salihi?’ 15Mi ngeni ba ke udungikohamu mo ko dia tatana chikai na rumu leho te toha tohu. Ma na rumu nia ba ke tamania visa na omea ni toha ma na hahani. Ma kamu ko valakaa na omea kode vanihita.”
16Mi tana tahu tara ko dia koera hana duli ia Jisas, mara ko chau i lalona tana vera leho nia, mara ko haea koera visa na omea te vahai kalavata te kori uluhi nohaa ia Jisas. Mara ko valakaa na hahanina na kabu ni Liu Salihi.
17Mi tana auauna nia, ia Jisas kolura e sangavulu ruka hana duli nira ara mai tana vale nia. 18Mi tana tahu tara hahani vata ira, me tu ia Jisas me kori vahai vanira de, “Inau u kori vanihamu na omea tutuni, mi ngeni ba ke chikai na vidamiu hamu tamu hahani koluu nau ia tana tahu de, ia ba ke sau diau nau tana limadira hagu hala nira nau.”
19Mi tana tahu tara valingea hana duli nira, mara melu solehana. Me chikai me chikai ara gesu vahai vania ia Jisas de, “?E vahai vei, ko vu padaa hoe kovahai inau ia?”
20Me kori vahai laka ia Jisas de, “Ia e chikai na vidamiu hamu, na sangavulu rukana hagu duli nau te lupi sivoa hana bred tana diho koluu nau. 21Matengana inau, na Dalena Tinoni, ba ku mate vahai te kori lenga nohaa tana Mamare Tabu. !Mi ngeni ba ke seko solehana vania na tinoni te ke sau diau nau tana limadira ira hagu hala nira nau! !Me ke talana ia baa vania ia tina vahai ke teha na tinana na vasua ia.”
Ia Jisas e sau vanira hana duli nira na bred ma na vuaeni
(Matiu 26:26-30; Luk 22:14-20; 1 Korin 11:23-25)
22Mi tana tahu tara hahani vata ira, me tu ia Jisas me tahaa na bred me kama kaea ia God. Me ngitia na bred me sau vanira hana duli nira me kori vahai vanira de, “Kamu tahaa ma kamu hania. Ide na kokoragu inau.”
23Me taha lakaa ia Jisas na kapu ni vuaeni me kama kaea ia God. Me sau vanira mara inu kode ira. 24Me kori vahai vanira de, “Na kapu ni vuaeni de e vahai nina veke vaolu ia God te manalia tana habugu nau. Ma na habu de ngeni ba ke taduara matedira na tinoni danga. 25Minau u kori vanihamu na omea tutuni, mi ngeni ba ku teha nau na inuviana siki vuaeni laka, diadia me ke chau tana tahu vahai tu ku inuvia nau na vuaeni vaolu lalona nina baravata ia God.”
26Kode, mara lingea chikai na linge, mara chulu mara dia tana vungavunga i Olivi.
Ia Jisas e kori lengaa ia Pita ba ke liangaa ia ke tolu na tahu
(Matiu 26:31-35; Luk 22:31-34; Jon 13:36-38)
27Ma ia Jisas e kori vahai vanira laka de, “Mi ngeni ba hamu kode nia ba kamu choho basiau nau, vahai tara marea tana Mamare Tabu. Mi ngeni ba ia God ba ke labu matea ia na tinoni te hae taoni sipsip nira, ma na sipsip nira ba kara choho pirarasa valego. 28Mi bukena, minau ba ku mauri visu, mi ngeni ba ku naho dia vanihamu nau i Galili.”
29Ma ia Pita e valagu me kori vahai de, “!Seisuge tina vahai ira kode de kara choho basiaho hoe, minau ba ku teha vahai ia!”
30Ma ia Jisas e kori vahai vania ia Pita de, “Pita, inau ku kori vaniho hoe na omea tutuni, ia tana puti kalavata de, tana tahu vahai te ke teha vata na koroko na tangi rukanina na tahu, mihoe ngeni ba ko koria ke tolu na tahu kovahai hoe teha na hanau nau.”
31Ma ia Pita e valagu susuliha vahai vani lakaa ia de, “!Teha ia! Me seisuge tina vahai nau ku mate koluho hoe, minau ngeni ba ku teha liangaho hoe.”
Mi ira kode ara kori vahai lakamu ia.
Ia Jisas e nonginongi tana vungavunga i Olivi
(Matiu 26:36-46; Luk 22:39-46)
32Mi ira ara dia mara chau tatana chikai na vera asana i Getsemani, ma ia Jisas e kori vahai vanira hana duli nira de, “Kamu tohotuu hamu ide, mu ku dia nau na nonginongi.” 33Me udungia ia Jisas ia Pita, ia Jemes ma ia Jon mara dia kolua ia. Mi tana tahu nia, e vajangi savi solehana ia Jisas, me toha tana kama toba. 34Me kori vahai vaniloera na tinoni loera chikai tolu de, “E leho solehana nigu sasahavi nau, mu maravia na mate matena. Ilohamu kamu toha ide ma kamu rerei koluu nau.”
35Me haru dia kalikali ia Jisas me ruchu sivo me chuchuporu i pari me nonginongi. Me nongia ia God tina vahai te ke tamania ia siki naunau tovosi me ke ni teha na chaulia ia na tahu ni rota te ke mai. 36Me nonginongi vahai de, “Kaka na Tohagu inau, ihoe nomu to tamania na susuliha mo ko ni agosia visa omea. Ko mui na talasangau nau na vajangi savi vahai de. Mo ko mui hoe na taoniana na hua tu ngangavina nau, Mihoe ko taoni bamua na hua to ko ngangavina hoe.”
37Ma ia Jisas e visu dia tatalodira loera tolu hana duli me haeloera tara bibiku bamu. Me kori vahai vania ia Pita de, “?Ia Saemon, o bibiku bamu hoe? ?E vahai vei hoe o vu teha tangomana na rerei pituu nau, seisuge ke chikai bamu na tahu kumukumu? 38Kamu rerei ma kamu nonginongi, ma kamu ni teha lohamu ruchu tana tovotovo. Matengana e maoni na tobana na tinoni, me beo na tanona ia.”
39Me visu dia laka ia Jisas me nonginongi me kokori bamua ia na omea vahai te nongi uluhia ia. 40Mi tana tahu te visu mai laka ia Jisas, me haea ia na tinoni loera chikai tolu tara bibiku bamu nia. Matengana te mamava solehana na matalodira ma na ngalo biku. Mi loera chikai tolu nia ara teha na hanaa na hua ta kara kori vania ia. Me dia laka ia Jisas na nonginongi.
41Mi tana tahu te visu mai laka ia Jisas tana tolunina na tahu, e kori vaniloera loera chikai tolu nia me kori vahai de, “?Ilohamu amu mango mamu biku vata? !Sola ia! E chau tana tahu ta kara sau diau nau, na Dalena Tinoni, tana limadira ira na tinoni sekoseko. 42!Kamu lovo tuu, ma ka dia nge! E maimai na tinoni te ke sau diau nau tana limadira ira.”
Ara taria ia Jisas
(Matiu 26:47-56; Luk 22:47-53; Jon 18:3-12)
43Mi tana tahu vahai te vavalagu vata ia Jisas, me laba mai ia Jiudas, na chikainina na sangavulu ruka hana duli ia. Mara mai kolu ia Jiudas na ala-alana na tinoni tara sau maira ira nidira lehona nira ira na tinoni ni kere, mi ira na tinoni sau manasa tana keja, mi kesana na tinoni leholeho. Mara tari maia na isele ma na hai vati ni vailabu. 44Ma ia Jiudas e kori vani nohara me kori vahai de, “Na tinoni tu ku uaa nau, ia nomu na tinoni kamu taria hamu. Kamu tari ngachi kalavataa hamu ma kamu taha diaa ia.”
45Me tu ia Jiudas me dia savaliu tatana ia Jisas, me kori vahai vania de, “!Ticha!” Me uaa ia. 46Mara mai ira mara taria ia Jisas. 47Mi tana tahu nia, me tu chikai na vidadira hana duli ia te tuu lilihidira ira, me lakuchia nina isele me tohi chonia na valingena nina tinoni ago nidira lehona ira na tinoni ni kere.
48Ma ia Jisas e kori vahai vanira de, “?E vahai vei, ihamu padaa kovahai inau na tinoni vailabu, mamu taha maia hamu na isele ma na hai ma kamu ni tariu nau? 49Minau u totoha koluhamu visa na dani mu sasanira na tinoni nira lalona nina Vale Tabu Leho ia God, mamu teha bamu hamu na tariu. Mi tana omea vahai nira nia, me ke manalia na hua te toha noha tana Mamare Tabu.”
50Mi tana tahu vahai nia, me visa hana duli ia Jisas ara basiaa ia mara choho kode.
51Me chikai na garimane vaolu te saheli bamua ia na pipisina e bubukea ia Jisas. Mi tahuna tara tovoa ira na taria ia, 52me choho mamaole me basiaa na pipisina buke.
Ira na tinoni leholeho ni Jiu ara tovoa ia Jisas
(Matiu 26:57-68; Luk 22:54-55; Luk 22:63-71; Jon 18:13-14; Jon 18:19-24)
53Mara udungi diaa ia Jisas tana valena na tinoni lehona ira na tinoni ni kere. Ara sai kode nidira lehona nira ira na tinoni ni kere, mi ira na tinoni sau manasa tana keja, mi kesana laka na tinoni leholeho nira. 54Ma ia Pita e bukera na ala-ala nira, me buke vasau kalikali. Me sahe dia ia levu kulina mai valena na tinoni lehona ira na tinoni ni kere, me tohotuu kolura na tinoni malahai me majiru tana lake. 55Mi nidira lehona nira ira na tinoni ni kere kolura ira kode na tinoni leholeho tana Saikolu#14:55 Ira na tinoni tana Saikolu na tinoni leholeho tana nidira lotu., ara daia ira siki valagu ta kara paraa ia Jisas tatana, ma kara ni hanaa ira na pedea ma kara labu matea ia. Mi ira ara teha na hanaa na chauliana siki omea vahai vei te agosi savia ia, 56matengana ira dangana na tinoni ara tu mara koria kesana na koripoto lelekaha tana rongona ia Jisas, me teha na tuhutuhu na nidira valagu ira na tinoni nira nia.
57Mi bukena, mara tuu kesana na tinoni mara lelekaha vahai de, 58“Mi lohami ami valingea na tinoni de te kori vahai de, ‘Inau ba ku vuti sivoa ia na Vale Tabu Leho de tara loho bamua ira na tinoni. Mi lalona bamu ke tolu na dani, ba ku loho visu sohaa nau chikai na Vale Tabu Leho vaolu te teha siki tinoni ke hanaa na lohoana.’ ” 59Mi seisuge ke vahai ia, ma na koripoto nira tara koria ira nia, ara teha na tuhutuhu lakamu.
60Mi tana tahu bamu nia, na nidira lehona ira na tinoni ni kere te tuu levuhadira, me kori vahai vania ia Jisas de, “?E vahai vei, teha hoe tamania siki tuhuna ia tana omea levo nira tara kori sekoli vahaniho nia?”
61Ma ia Jisas e toha mui bamu, me teha ia na koria siki omea. Ma na tinoni lehona ira na tinoni ni kere e gesu vahani lakaa de, “E vahai vei, ihoe nomu na Mesaea, na Dalena ia God i tohu?”
62Me kori vahai ia Jisas de, “Inau nomu ia. Mi ngeni ba kamu haeu nau, na Dalena Tinoni, ba ku tohotuu tana madoana ia God te tamania visa na susuliha. Mi ngeni ba ku visu mai i tohu tana parako i barahata.”
63Mi tana tahu nia, me rochia na tinoni lehona ira na tinoni ni kere na kalekona, matengana te kore solehana. Me kori vahai de, “!E sola ia! Ka mui laka hita na daiana siki tinoni me ke ni valagu seko vania ia. 64Hamu amu valinge tovosi nohaa ia te kori sekolia ia God. Ma na hua ba kamu koria hamu?”
Mi tana tahu vahai de mara pedea ira kode, mara kori vahai de, “Tihilana ia na tinoni de ke mate kalavata.”
65Mara tuturiha kesana na tinoni na chuvehaa ia, mi kesana ira ara sori utusia na matana mara sukua. Mara gesu vahai vania ira de, “?Propet, isei te labuho hoe?” Mi ira na tinoni tara hae taonia na valena tinoni lehona nia ara labua ia.
Ia Pita e liangaa ia Jisas
(Matiu 26:69-75; Luk 22:56-62; Jon 18:15-18; Jon 18:25-27)
66Mi tana tahu nia, ia Pita e tohotuu vata levu kulina mai tana vavana na valena ia na tinoni lehona ira na tinoni ni kere. Me liu mai chikai na garidaki te ago vania na tinoni lehona nia. 67Mi tahuna te haea na garidaki nia ia Pita te mamajiru tana lake nia, me nalevia me kori vahai vania de, “Ihoe lakamu to toha kolua ia Jisas ni Nasaret.”
68Ma ia Pita e liangaa me kori vahai de, “!Nau teha! U teha na hanaa na hua to koria hoe ia.” Mi bukena, me dia me tuu varangisia na sanganiana na bara ni vera nia. #14:68 Kesana na kopi tuali ara tamani lakamua na mamare de: “Mi tana tahu vahai nia, me tangi na kokoroko.”
69Ma na garidaki nia e hae lakaa ia, me kori vahai vanira na tinoni nira tara tuu hana tuhu nia de, “Na tinoni nia e chikai nomu na vidadira ira.” 70Ma ia Pita e kori vahai laka de, “Inau u voo na tinoni nia.”
Bukena kalikali laka tana tahu nia, mi ira na tinoni tara tuu hana tuhu nia ara kori vahai vania ia Pita de, “E mana nomu, ihoe nomu chikai na vidadira, matengana ihoe na vangana i Galili lakamu.”
71Ma ia Pita e kori vahai de, “!Inau u vacha tatana ia God i tohu! !Mi ngeni ba ke rotasiu ia God tina vahai ku lelekaha nau! !Inau u voo na tinoni tamu koria hamu ia.”
72Mi tana tahu laka nia, me tangi na kokoroko tana rukanina na tahu. Mi tana tahu vahai nia me pada visua ia Pita nina valagu ia Jisas, te kori vahai vania ia de, “Tana tahu te ke teha vata na kokoroko tangi rukanina na tahu, mi ngeni ba ke tolu na tahu to ko koria hoe o voou nau.” Ma ia Pita e pada savi tana naunau vahai nia me ora leho ia.
Právě zvoleno:
Mak 14: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 14
14
Ara chau matena ia Jisas
(Matiu 26:1-5; Luk 22:1-2; Jon 11:45-53)
1E toha bamu e ruka na dani me ke chau tana Dani ni kabu na Liu Salihi ma na kabu tana Bred te Teha Siki Isti Tatana. Mi nidira lehona ira na tinoni ni kere mi ira na tinoni sau manasa tana nina keja ia Mosis ara padaa siki sala ni tari kakanaua ia Jisas ma kara labu matea. 2Mara vaikorihi vahai laka de, “Ka mui hita na taria ia tahuna na dani ni kabu, rongona kara vu labuhita ira na tinoni.”
E chikai na daki e duara na oela te sisihini talana tana vungana ia Jisas
(Matiu 26:6-13; Jon 12:1-8)
3Mi tana tahu nia, ia Jisas e toha i Betani, tana valena ia Saemon te tamania na mudo i sau. Mi tana tahu te hahani ia, me mai chikai na daki tatana ia. Ma na daki nia e taha maia chikai na lasa talana ni oela te sisihini talana tara agosia tana nad, me leho solehana na matena. Me rese chonia na pitona na lasa nia me duara sivoa na oela nia tana vungana ia Jisas. 4Me kesana na tinoni tara totoha inge ara haea na omea de, mara kore vania mara vaivalaguhi ira mara kori vahai de, “?Ae, e vahai vei na daki nia e vu sekoli vahania ia na oela talana nia? 5Me tina vahai ke chabiria ia, ba ke hanaa ia tahaa na pepeluna, tina vahai ke ago ia lalona chikai me ke chara na uvi, me ke ni saua na golo nia vanira na tinoni tara teha tamania siki omea levo.” Mara kori sekolia ira na daki nia.
6Ma ia Jisas e kori vahai vanira laka de, “!Kamu mui hamu na utusiana na daki nia! E vahai vei hamu amu vu kori sekolia ia? Na omea talana ia te agosi vaniu nau ia. 7Mi ira na tinoni tara teha tamani siki omea levo nira ba kara toha savaliu koluhamu, mihamu kamu hanaa na sangara siki tahu ta kamu ngavina hamu. Minau de, ba ku teha na toha savaliu koluhamu. 8Na daki de e agosia na omea te tihilana ia na agosiana. E duara na oela de tana tanogu nau vati ni onioni hana na tahu ta kara giluu nau. 9Inau u kori vanihamu na omea tutuni, mi tana visa meana kode tana pari de ta kara kori lengaa ira na saurongo talana de, ba kara koripotona lakamu ira tana rongona na hua te agosia na daki de, mi ngeni ba kara padaa ia.”
Ia Jiudas e tala na sau diaa ia Jisas
(Matiu 26:14-16; Luk 22:3-6)
10Ma ia Jiudas Iskariot, chikai nomu na vidalodira na sangavulu ruka hana duli ia Jisas, e dia tatadira nidira lehona nira ira na tinoni ni kere me kori vanira. Me ngangavina ke saua ia Jisas tana limadira ira. 11Mi tana tahu tara valingea ira, mara mahe solehana ira mara kori vania ngeni ba kara sau vania ira na pepeluna. Me tuturiha tana tahu nia, ia Jiudas e tovoa na pada vahania vei ke vu ni hanaa ia na sau diaa ia Jisas tana limadira ira.
Ia Jisas e hahani kolura hana duli nira tana kabu ni Liu Salihi
(Matiu 26:17-25; Luk 22:7-14; Luk 22:21-23; Jon 13:21-30)
12Me laba noha na chikainina dani tana kabu ni Bred te Teha Siki Isti Tatana, ta kara labua na dale ni sipsip ma kara ni kerea, kode ma kara hania tana kabu ni Liu Salihi. Mi ira hana duli ia Jisas ara gesuaa mara kori vahai vania de, “?E vahai vei, ivei to ngavina hoe kami dia ma kami onioni vaniho na kabu ni Liu Salihi?”
13Ma ia Jisas sau diaa e ruka vidalodira, me kori vahai vanikoera de, “Kamu ko dia kohamu tana vera leho i Jerusalem, mi ngeni ba kamu ko vaituhuhi e chikai na tinoni te kasoa chikai na lasa ni kolo. Kamu ko dia bukea ia, 14diadia mo ko chau tana chikai na vale te ke sahe ia. Mi ngeni ba kamu ko kori vahai vania na tinoni tamanina na vale nia, ‘Na Ticha te gesu maiho hoe me kori vahai de, ?Ivei na rumu tu ku mai nau kolu nigu duli nira ma kami toha ma kami hania na kabu ni Liu Salihi?’ 15Mi ngeni ba ke udungikohamu mo ko dia tatana chikai na rumu leho te toha tohu. Ma na rumu nia ba ke tamania visa na omea ni toha ma na hahani. Ma kamu ko valakaa na omea kode vanihita.”
16Mi tana tahu tara ko dia koera hana duli ia Jisas, mara ko chau i lalona tana vera leho nia, mara ko haea koera visa na omea te vahai kalavata te kori uluhi nohaa ia Jisas. Mara ko valakaa na hahanina na kabu ni Liu Salihi.
17Mi tana auauna nia, ia Jisas kolura e sangavulu ruka hana duli nira ara mai tana vale nia. 18Mi tana tahu tara hahani vata ira, me tu ia Jisas me kori vahai vanira de, “Inau u kori vanihamu na omea tutuni, mi ngeni ba ke chikai na vidamiu hamu tamu hahani koluu nau ia tana tahu de, ia ba ke sau diau nau tana limadira hagu hala nira nau.”
19Mi tana tahu tara valingea hana duli nira, mara melu solehana. Me chikai me chikai ara gesu vahai vania ia Jisas de, “?E vahai vei, ko vu padaa hoe kovahai inau ia?”
20Me kori vahai laka ia Jisas de, “Ia e chikai na vidamiu hamu, na sangavulu rukana hagu duli nau te lupi sivoa hana bred tana diho koluu nau. 21Matengana inau, na Dalena Tinoni, ba ku mate vahai te kori lenga nohaa tana Mamare Tabu. !Mi ngeni ba ke seko solehana vania na tinoni te ke sau diau nau tana limadira ira hagu hala nira nau! !Me ke talana ia baa vania ia tina vahai ke teha na tinana na vasua ia.”
Ia Jisas e sau vanira hana duli nira na bred ma na vuaeni
(Matiu 26:26-30; Luk 22:14-20; 1 Korin 11:23-25)
22Mi tana tahu tara hahani vata ira, me tu ia Jisas me tahaa na bred me kama kaea ia God. Me ngitia na bred me sau vanira hana duli nira me kori vahai vanira de, “Kamu tahaa ma kamu hania. Ide na kokoragu inau.”
23Me taha lakaa ia Jisas na kapu ni vuaeni me kama kaea ia God. Me sau vanira mara inu kode ira. 24Me kori vahai vanira de, “Na kapu ni vuaeni de e vahai nina veke vaolu ia God te manalia tana habugu nau. Ma na habu de ngeni ba ke taduara matedira na tinoni danga. 25Minau u kori vanihamu na omea tutuni, mi ngeni ba ku teha nau na inuviana siki vuaeni laka, diadia me ke chau tana tahu vahai tu ku inuvia nau na vuaeni vaolu lalona nina baravata ia God.”
26Kode, mara lingea chikai na linge, mara chulu mara dia tana vungavunga i Olivi.
Ia Jisas e kori lengaa ia Pita ba ke liangaa ia ke tolu na tahu
(Matiu 26:31-35; Luk 22:31-34; Jon 13:36-38)
27Ma ia Jisas e kori vahai vanira laka de, “Mi ngeni ba hamu kode nia ba kamu choho basiau nau, vahai tara marea tana Mamare Tabu. Mi ngeni ba ia God ba ke labu matea ia na tinoni te hae taoni sipsip nira, ma na sipsip nira ba kara choho pirarasa valego. 28Mi bukena, minau ba ku mauri visu, mi ngeni ba ku naho dia vanihamu nau i Galili.”
29Ma ia Pita e valagu me kori vahai de, “!Seisuge tina vahai ira kode de kara choho basiaho hoe, minau ba ku teha vahai ia!”
30Ma ia Jisas e kori vahai vania ia Pita de, “Pita, inau ku kori vaniho hoe na omea tutuni, ia tana puti kalavata de, tana tahu vahai te ke teha vata na koroko na tangi rukanina na tahu, mihoe ngeni ba ko koria ke tolu na tahu kovahai hoe teha na hanau nau.”
31Ma ia Pita e valagu susuliha vahai vani lakaa ia de, “!Teha ia! Me seisuge tina vahai nau ku mate koluho hoe, minau ngeni ba ku teha liangaho hoe.”
Mi ira kode ara kori vahai lakamu ia.
Ia Jisas e nonginongi tana vungavunga i Olivi
(Matiu 26:36-46; Luk 22:39-46)
32Mi ira ara dia mara chau tatana chikai na vera asana i Getsemani, ma ia Jisas e kori vahai vanira hana duli nira de, “Kamu tohotuu hamu ide, mu ku dia nau na nonginongi.” 33Me udungia ia Jisas ia Pita, ia Jemes ma ia Jon mara dia kolua ia. Mi tana tahu nia, e vajangi savi solehana ia Jisas, me toha tana kama toba. 34Me kori vahai vaniloera na tinoni loera chikai tolu de, “E leho solehana nigu sasahavi nau, mu maravia na mate matena. Ilohamu kamu toha ide ma kamu rerei koluu nau.”
35Me haru dia kalikali ia Jisas me ruchu sivo me chuchuporu i pari me nonginongi. Me nongia ia God tina vahai te ke tamania ia siki naunau tovosi me ke ni teha na chaulia ia na tahu ni rota te ke mai. 36Me nonginongi vahai de, “Kaka na Tohagu inau, ihoe nomu to tamania na susuliha mo ko ni agosia visa omea. Ko mui na talasangau nau na vajangi savi vahai de. Mo ko mui hoe na taoniana na hua tu ngangavina nau, Mihoe ko taoni bamua na hua to ko ngangavina hoe.”
37Ma ia Jisas e visu dia tatalodira loera tolu hana duli me haeloera tara bibiku bamu. Me kori vahai vania ia Pita de, “?Ia Saemon, o bibiku bamu hoe? ?E vahai vei hoe o vu teha tangomana na rerei pituu nau, seisuge ke chikai bamu na tahu kumukumu? 38Kamu rerei ma kamu nonginongi, ma kamu ni teha lohamu ruchu tana tovotovo. Matengana e maoni na tobana na tinoni, me beo na tanona ia.”
39Me visu dia laka ia Jisas me nonginongi me kokori bamua ia na omea vahai te nongi uluhia ia. 40Mi tana tahu te visu mai laka ia Jisas, me haea ia na tinoni loera chikai tolu tara bibiku bamu nia. Matengana te mamava solehana na matalodira ma na ngalo biku. Mi loera chikai tolu nia ara teha na hanaa na hua ta kara kori vania ia. Me dia laka ia Jisas na nonginongi.
41Mi tana tahu te visu mai laka ia Jisas tana tolunina na tahu, e kori vaniloera loera chikai tolu nia me kori vahai de, “?Ilohamu amu mango mamu biku vata? !Sola ia! E chau tana tahu ta kara sau diau nau, na Dalena Tinoni, tana limadira ira na tinoni sekoseko. 42!Kamu lovo tuu, ma ka dia nge! E maimai na tinoni te ke sau diau nau tana limadira ira.”
Ara taria ia Jisas
(Matiu 26:47-56; Luk 22:47-53; Jon 18:3-12)
43Mi tana tahu vahai te vavalagu vata ia Jisas, me laba mai ia Jiudas, na chikainina na sangavulu ruka hana duli ia. Mara mai kolu ia Jiudas na ala-alana na tinoni tara sau maira ira nidira lehona nira ira na tinoni ni kere, mi ira na tinoni sau manasa tana keja, mi kesana na tinoni leholeho. Mara tari maia na isele ma na hai vati ni vailabu. 44Ma ia Jiudas e kori vani nohara me kori vahai de, “Na tinoni tu ku uaa nau, ia nomu na tinoni kamu taria hamu. Kamu tari ngachi kalavataa hamu ma kamu taha diaa ia.”
45Me tu ia Jiudas me dia savaliu tatana ia Jisas, me kori vahai vania de, “!Ticha!” Me uaa ia. 46Mara mai ira mara taria ia Jisas. 47Mi tana tahu nia, me tu chikai na vidadira hana duli ia te tuu lilihidira ira, me lakuchia nina isele me tohi chonia na valingena nina tinoni ago nidira lehona ira na tinoni ni kere.
48Ma ia Jisas e kori vahai vanira de, “?E vahai vei, ihamu padaa kovahai inau na tinoni vailabu, mamu taha maia hamu na isele ma na hai ma kamu ni tariu nau? 49Minau u totoha koluhamu visa na dani mu sasanira na tinoni nira lalona nina Vale Tabu Leho ia God, mamu teha bamu hamu na tariu. Mi tana omea vahai nira nia, me ke manalia na hua te toha noha tana Mamare Tabu.”
50Mi tana tahu vahai nia, me visa hana duli ia Jisas ara basiaa ia mara choho kode.
51Me chikai na garimane vaolu te saheli bamua ia na pipisina e bubukea ia Jisas. Mi tahuna tara tovoa ira na taria ia, 52me choho mamaole me basiaa na pipisina buke.
Ira na tinoni leholeho ni Jiu ara tovoa ia Jisas
(Matiu 26:57-68; Luk 22:54-55; Luk 22:63-71; Jon 18:13-14; Jon 18:19-24)
53Mara udungi diaa ia Jisas tana valena na tinoni lehona ira na tinoni ni kere. Ara sai kode nidira lehona nira ira na tinoni ni kere, mi ira na tinoni sau manasa tana keja, mi kesana laka na tinoni leholeho nira. 54Ma ia Pita e bukera na ala-ala nira, me buke vasau kalikali. Me sahe dia ia levu kulina mai valena na tinoni lehona ira na tinoni ni kere, me tohotuu kolura na tinoni malahai me majiru tana lake. 55Mi nidira lehona nira ira na tinoni ni kere kolura ira kode na tinoni leholeho tana Saikolu#14:55 Ira na tinoni tana Saikolu na tinoni leholeho tana nidira lotu., ara daia ira siki valagu ta kara paraa ia Jisas tatana, ma kara ni hanaa ira na pedea ma kara labu matea ia. Mi ira ara teha na hanaa na chauliana siki omea vahai vei te agosi savia ia, 56matengana ira dangana na tinoni ara tu mara koria kesana na koripoto lelekaha tana rongona ia Jisas, me teha na tuhutuhu na nidira valagu ira na tinoni nira nia.
57Mi bukena, mara tuu kesana na tinoni mara lelekaha vahai de, 58“Mi lohami ami valingea na tinoni de te kori vahai de, ‘Inau ba ku vuti sivoa ia na Vale Tabu Leho de tara loho bamua ira na tinoni. Mi lalona bamu ke tolu na dani, ba ku loho visu sohaa nau chikai na Vale Tabu Leho vaolu te teha siki tinoni ke hanaa na lohoana.’ ” 59Mi seisuge ke vahai ia, ma na koripoto nira tara koria ira nia, ara teha na tuhutuhu lakamu.
60Mi tana tahu bamu nia, na nidira lehona ira na tinoni ni kere te tuu levuhadira, me kori vahai vania ia Jisas de, “?E vahai vei, teha hoe tamania siki tuhuna ia tana omea levo nira tara kori sekoli vahaniho nia?”
61Ma ia Jisas e toha mui bamu, me teha ia na koria siki omea. Ma na tinoni lehona ira na tinoni ni kere e gesu vahani lakaa de, “E vahai vei, ihoe nomu na Mesaea, na Dalena ia God i tohu?”
62Me kori vahai ia Jisas de, “Inau nomu ia. Mi ngeni ba kamu haeu nau, na Dalena Tinoni, ba ku tohotuu tana madoana ia God te tamania visa na susuliha. Mi ngeni ba ku visu mai i tohu tana parako i barahata.”
63Mi tana tahu nia, me rochia na tinoni lehona ira na tinoni ni kere na kalekona, matengana te kore solehana. Me kori vahai de, “!E sola ia! Ka mui laka hita na daiana siki tinoni me ke ni valagu seko vania ia. 64Hamu amu valinge tovosi nohaa ia te kori sekolia ia God. Ma na hua ba kamu koria hamu?”
Mi tana tahu vahai de mara pedea ira kode, mara kori vahai de, “Tihilana ia na tinoni de ke mate kalavata.”
65Mara tuturiha kesana na tinoni na chuvehaa ia, mi kesana ira ara sori utusia na matana mara sukua. Mara gesu vahai vania ira de, “?Propet, isei te labuho hoe?” Mi ira na tinoni tara hae taonia na valena tinoni lehona nia ara labua ia.
Ia Pita e liangaa ia Jisas
(Matiu 26:69-75; Luk 22:56-62; Jon 18:15-18; Jon 18:25-27)
66Mi tana tahu nia, ia Pita e tohotuu vata levu kulina mai tana vavana na valena ia na tinoni lehona ira na tinoni ni kere. Me liu mai chikai na garidaki te ago vania na tinoni lehona nia. 67Mi tahuna te haea na garidaki nia ia Pita te mamajiru tana lake nia, me nalevia me kori vahai vania de, “Ihoe lakamu to toha kolua ia Jisas ni Nasaret.”
68Ma ia Pita e liangaa me kori vahai de, “!Nau teha! U teha na hanaa na hua to koria hoe ia.” Mi bukena, me dia me tuu varangisia na sanganiana na bara ni vera nia. #14:68 Kesana na kopi tuali ara tamani lakamua na mamare de: “Mi tana tahu vahai nia, me tangi na kokoroko.”
69Ma na garidaki nia e hae lakaa ia, me kori vahai vanira na tinoni nira tara tuu hana tuhu nia de, “Na tinoni nia e chikai nomu na vidadira ira.” 70Ma ia Pita e kori vahai laka de, “Inau u voo na tinoni nia.”
Bukena kalikali laka tana tahu nia, mi ira na tinoni tara tuu hana tuhu nia ara kori vahai vania ia Pita de, “E mana nomu, ihoe nomu chikai na vidadira, matengana ihoe na vangana i Galili lakamu.”
71Ma ia Pita e kori vahai de, “!Inau u vacha tatana ia God i tohu! !Mi ngeni ba ke rotasiu ia God tina vahai ku lelekaha nau! !Inau u voo na tinoni tamu koria hamu ia.”
72Mi tana tahu laka nia, me tangi na kokoroko tana rukanina na tahu. Mi tana tahu vahai nia me pada visua ia Pita nina valagu ia Jisas, te kori vahai vania ia de, “Tana tahu te ke teha vata na kokoroko tangi rukanina na tahu, mi ngeni ba ke tolu na tahu to ko koria hoe o voou nau.” Ma ia Pita e pada savi tana naunau vahai nia me ora leho ia.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved