Mak 11
11
Ia Jisas e sahe i Jerusalem vahai na king
(Matiu 21:1-11; Luk 19:28-40; Jon 12:12-19)
1Mi tana tahu tara varangi chau mai ia Jisas kolu hana duli nira kolu na ala-ala ni tinoni i Jerusalem, mara maimai hana i Betfeis mi Betani i tabana tana Vungavungana i Olivi. Ma ia Jisas e sau nahoa e ruka hana duli, 2me kori vahai vanikoera de, “Kamu ko dia kohamu tana vera ta morosi diaa inge nia. Mi tana tahu vahai ta kamu ko chau kohamu tana vera nia, ba kamu ko haea kohamu chikai na dale ni dongki tara soria me teha vata siki tinoni ke dato ma na didia tatana. Kamu ko chuaa na halona ma kamu ko nibo maia ide. 3Me tina vahai kara gesukohamu siki tinoni, ‘?E vahai vei kohamu amu vu ko agosia na omea vahai nia?’ ma kamu ko kori vahai vanira de, ‘Na Taovia te ngavina mi ngeni ba ke sau visu mai kesaa ia.’ ”
4Mi koera hana duli ia Jisas ara ko dia mara ko haea na dale ni dongki i sala tara soria lilihina na sanganiana chikai na vale. Mi tahuna tara ko chuchua vataa koera na halona nia, 5me kesana na tinoni tara tuu lilihina hana tuhu nia ara gesukoera mara kori vahai de, “?Ae, e vahai vei kohamu amu vu ko taha chonia na halona dongki nia?”
6Mi tahuna tara ko koria koera nina valagu ia Jisas te kori vanikoera, mara talasanga koera mara ko dia. 7Mara ko udungi diaa koera na dale ni dongki nia tatana ia Jisas. Mara ko chaboa na kalekokodira daho tana bukena na dale ni dongki nia, me dato ia Jisas hotuna na dongki nia. 8Me danga lakamu na tinoni ara chaboa na kalekodira tana sala, mi kesana lakamu ara kalia na haba ni rou te toha hana tuhu nia, mara livu lakamua tana sala. 9Na ala-alana na tinoni tara naho mi kesana tara buke ara huhuu mara kori vahai de, “!Hosana! !Ia God ke sangaho, na tinoni to mai tana asana na Taovia! 10!Ia God ke tabua na tinoni de me ke ni dato mai vahai na king vahai na kukuadada hita ia Deved! !Hosana! !Ka livu kaea ia God i heven!”
11Ma ia Jisas e sahe i Jerusalem, me dia ia lalona tana Vale Tabu Leho me morosira na omea tara toha kode lalona. Ma ia matengana te varangi nohaa na aso chuu, me tu ia Jisas kolura na sangavulu ruka hana duli, mara dia i Betani.
Ia Jisas e varogea na hai ni fig
(Matiu 21:18-19)
12Mi tana danina laka chikai, tahuna tara basiaa ira i Betani, me ngalo hanina ia Jisas. 13Me morosi vasau diaa ia chikai na hai ni fig te tamani danga na malosona. Ma ia Jisas e dia na morosia tina vahai ke tamani siki vuana tatana. Mi tahuna te mai varangi ia tana hai nia, me morosia ia te tamani malosona volo bamu, rongona te teha vata siki nina tahu ni livu vuana. 14Ma ia Jisas e valagu vahai vania na hai de, “!Ba ke teha laka ke chikai na hania na vuamu hoe!”
Mi ira hana duli nira ara valingea nina valagu ia.
Ia Jisas e hurura na tinoni tara chabiri tana Vale Tabu Leho
(Matiu 21:12-17; Luk 19:45-48; Jon 2:13-22)
15Mi tana tahu tara chau mai ira i Jerusalem, me sahe ia Jisas tana pakoka lalona na Vale Tabu Leho nia me tuturiha na huru chonira na tinoni tara chabiri mara vovoli inge. Me kidivua nidira belabela ira tara olisi golo ma na nidira vati ni tohotuu ira tara chabiria na manu vahai na kavuku vati ni kere. 16Me teha na talasangara na tinoni nira na kasoa na omea chabiri me sahe dia tana pakokana na Vale Tabu Leho. 17Bukena me sasanira na tinoni nira me kori vahai vanira de, “Na valaguna ia God lalona tana Mamare Tabu e kori vahai de,
“‘Na valegu nau ba kara solo vahania na vale ni nonginongi vanira na tinonina na pari de.’”
“!Mihamu amu agosi vahania na vale ni beli!”
18Ma nidira lehona nira ira na tinoni ni kere mi ira na tinoni sau manasa tana nina keja ia Mosis ara valingea na valagu nia. Mara matahunia ia, matengana dangana na tinoni ara makai tana nina sasani ia. Mara tuturiha ira na tinoni ni kere nira mi ira na tinoni sau manasa nira na daiana siki naunau vahai kara ni labu matea ia Jisas.
19Mi tana ngulavi, ia Jisas ma na hana duli nira ara basiaa na vera leho nia.
Na sasani tatana na hai ni fig
(Matiu 21:20-22)
20Mi tana mohomohona tana dani chikai, tahuna tara diadia ira mara taoni soha lakaa na sala nia, mara morosia ira na hai ni fig nia te mate kalavata diadia me chau tana lamuna. 21Mi tana tahu vahai nia me pada visua ia Pita nina valagu ia Jisas te kori vania me kori vahai de, “!Ticha, ko morosi diaa ba hoe na hai ni fig de to varogea hoe e mate me kode!”
22Me kori vahai vanira ia Jisas de, “Ihamu kamu donua ia God. 23Inau u kori vanihamu na omea tutuni, tina vahai ke chikai na tinoni ke teha toba ruka me ke donua kovahai na hua te ke koria ba ke manalia, ia ba ke hanaa kori vani diaa na vungavunga de me ke kori vahai de, ‘Ko tuchau mo ko sivo ko tuu i tasi.’ Ma na omea de ba ke mai mana. 24Ia te vahai u vu ni kori vanihamu nau, tana tahu vahai ta kamu nonginongi hamu ma kamu nongia hamu siki omea, ma kamu dodonu hamu vahai tamu tamani noha hamu na omea de, ma ia God ba ke sau vanihamu bamu. 25-26Mi tana tahu vahai kamu nonginongi hamu, tina vahai kamu kore vania hamu siki tinoni, kamu kori kenihua uluhi hamu vania ia, me ke ni kori kenihu lakamua na Tohamiu i heven tana omea sekoseko tamu agosira hamu.” #11:25-26 Kesana na kopi tuali ara tamani lakamua na mamare de: Me tina vahai hamu kamu teha na kori kenihua tana nidira seko na tinoni tovosi, ngeni ba ke vahai lakamu na Tohamiu hamu i heven ba ke teha na kori kenihua tana nimiu seko hamu.
Ara gesuaa ia Jisas vei te boroha mai nina susuliha ia
(Matiu 21:23-27; Luk 20:1-8)
27Mara visu mai soha ira i Jerusalem. Mi tahuna te didia ia Jisas tana pakoka lalona na Vale Tabu Leho nia, ma nidira lehona nira ira na tinoni ni kere mi ira tinoni sau manasa tana nina keja ia Mosis, mi ira lakamu na tinoni leholeho nira ara mai tatana ia. 28Mi ira ara gesuaa mara kori vahai de, “?Na susuliha vahai vei to tamania hoe mo agosia na omea nira de? ?Misei te sau vaniho hoe na susuliha nia?”
29Me tu ia Jisas me kori vahai vanira de, “Inau ku gesuahamu hamu chikai na gesugesu uluhi. Tina vahai kamu hanaa hamu na tuhuana nigu gesugesu nau, me talana. Ba ku kori tutuhu vanihamu na susuliha vahai vei tu tamania nau mu ku agosia na omea nira nia. 30?Me vahai vei, sei te sau vania ia Jon na susuliha e vu ni lesovi tabura na tinoni nira? ?Ia God teha ma na tinoni bamu? Kamu kori vaniu nau!”
31Mara tuturiha ira na vaivalaguhi mara kori vahai de, “Tina ka kori vahai hita, ‘Ia God te sau vania ia Jon na susuliha de,’ ba ke kori vahai ia de, ‘Tina ke vahai ia, me vahai vei hamu amu vu teha donua ia Jon?’ 32Me utu lakamu hita ka koria, ‘Na tinoni bamu te saua na susuliha de vania ia.’ ” Ira ara valagu vahai nia matengana tara matahunira na tinoni nira nia, mi ira ara dodonu vahai ia Jon na propet te vota mai tatana ia God. 33Mara tu ira mara tuhu visua nina valagu ia Jisas mara kori vahai de, “Ihami ami voo.”
Ma ia Jisas e kori vahai vanira de, “Me tina ke vahai ia, minau ba ku teha lakamu na kori vanihamu hamu na susuliha vahai vei tu tamania nau u vu ni agosia na omea nira de.”
Právě zvoleno:
Mak 11: mln
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved
Mak 11
11
Ia Jisas e sahe i Jerusalem vahai na king
(Matiu 21:1-11; Luk 19:28-40; Jon 12:12-19)
1Mi tana tahu tara varangi chau mai ia Jisas kolu hana duli nira kolu na ala-ala ni tinoni i Jerusalem, mara maimai hana i Betfeis mi Betani i tabana tana Vungavungana i Olivi. Ma ia Jisas e sau nahoa e ruka hana duli, 2me kori vahai vanikoera de, “Kamu ko dia kohamu tana vera ta morosi diaa inge nia. Mi tana tahu vahai ta kamu ko chau kohamu tana vera nia, ba kamu ko haea kohamu chikai na dale ni dongki tara soria me teha vata siki tinoni ke dato ma na didia tatana. Kamu ko chuaa na halona ma kamu ko nibo maia ide. 3Me tina vahai kara gesukohamu siki tinoni, ‘?E vahai vei kohamu amu vu ko agosia na omea vahai nia?’ ma kamu ko kori vahai vanira de, ‘Na Taovia te ngavina mi ngeni ba ke sau visu mai kesaa ia.’ ”
4Mi koera hana duli ia Jisas ara ko dia mara ko haea na dale ni dongki i sala tara soria lilihina na sanganiana chikai na vale. Mi tahuna tara ko chuchua vataa koera na halona nia, 5me kesana na tinoni tara tuu lilihina hana tuhu nia ara gesukoera mara kori vahai de, “?Ae, e vahai vei kohamu amu vu ko taha chonia na halona dongki nia?”
6Mi tahuna tara ko koria koera nina valagu ia Jisas te kori vanikoera, mara talasanga koera mara ko dia. 7Mara ko udungi diaa koera na dale ni dongki nia tatana ia Jisas. Mara ko chaboa na kalekokodira daho tana bukena na dale ni dongki nia, me dato ia Jisas hotuna na dongki nia. 8Me danga lakamu na tinoni ara chaboa na kalekodira tana sala, mi kesana lakamu ara kalia na haba ni rou te toha hana tuhu nia, mara livu lakamua tana sala. 9Na ala-alana na tinoni tara naho mi kesana tara buke ara huhuu mara kori vahai de, “!Hosana! !Ia God ke sangaho, na tinoni to mai tana asana na Taovia! 10!Ia God ke tabua na tinoni de me ke ni dato mai vahai na king vahai na kukuadada hita ia Deved! !Hosana! !Ka livu kaea ia God i heven!”
11Ma ia Jisas e sahe i Jerusalem, me dia ia lalona tana Vale Tabu Leho me morosira na omea tara toha kode lalona. Ma ia matengana te varangi nohaa na aso chuu, me tu ia Jisas kolura na sangavulu ruka hana duli, mara dia i Betani.
Ia Jisas e varogea na hai ni fig
(Matiu 21:18-19)
12Mi tana danina laka chikai, tahuna tara basiaa ira i Betani, me ngalo hanina ia Jisas. 13Me morosi vasau diaa ia chikai na hai ni fig te tamani danga na malosona. Ma ia Jisas e dia na morosia tina vahai ke tamani siki vuana tatana. Mi tahuna te mai varangi ia tana hai nia, me morosia ia te tamani malosona volo bamu, rongona te teha vata siki nina tahu ni livu vuana. 14Ma ia Jisas e valagu vahai vania na hai de, “!Ba ke teha laka ke chikai na hania na vuamu hoe!”
Mi ira hana duli nira ara valingea nina valagu ia.
Ia Jisas e hurura na tinoni tara chabiri tana Vale Tabu Leho
(Matiu 21:12-17; Luk 19:45-48; Jon 2:13-22)
15Mi tana tahu tara chau mai ira i Jerusalem, me sahe ia Jisas tana pakoka lalona na Vale Tabu Leho nia me tuturiha na huru chonira na tinoni tara chabiri mara vovoli inge. Me kidivua nidira belabela ira tara olisi golo ma na nidira vati ni tohotuu ira tara chabiria na manu vahai na kavuku vati ni kere. 16Me teha na talasangara na tinoni nira na kasoa na omea chabiri me sahe dia tana pakokana na Vale Tabu Leho. 17Bukena me sasanira na tinoni nira me kori vahai vanira de, “Na valaguna ia God lalona tana Mamare Tabu e kori vahai de,
“‘Na valegu nau ba kara solo vahania na vale ni nonginongi vanira na tinonina na pari de.’”
“!Mihamu amu agosi vahania na vale ni beli!”
18Ma nidira lehona nira ira na tinoni ni kere mi ira na tinoni sau manasa tana nina keja ia Mosis ara valingea na valagu nia. Mara matahunia ia, matengana dangana na tinoni ara makai tana nina sasani ia. Mara tuturiha ira na tinoni ni kere nira mi ira na tinoni sau manasa nira na daiana siki naunau vahai kara ni labu matea ia Jisas.
19Mi tana ngulavi, ia Jisas ma na hana duli nira ara basiaa na vera leho nia.
Na sasani tatana na hai ni fig
(Matiu 21:20-22)
20Mi tana mohomohona tana dani chikai, tahuna tara diadia ira mara taoni soha lakaa na sala nia, mara morosia ira na hai ni fig nia te mate kalavata diadia me chau tana lamuna. 21Mi tana tahu vahai nia me pada visua ia Pita nina valagu ia Jisas te kori vania me kori vahai de, “!Ticha, ko morosi diaa ba hoe na hai ni fig de to varogea hoe e mate me kode!”
22Me kori vahai vanira ia Jisas de, “Ihamu kamu donua ia God. 23Inau u kori vanihamu na omea tutuni, tina vahai ke chikai na tinoni ke teha toba ruka me ke donua kovahai na hua te ke koria ba ke manalia, ia ba ke hanaa kori vani diaa na vungavunga de me ke kori vahai de, ‘Ko tuchau mo ko sivo ko tuu i tasi.’ Ma na omea de ba ke mai mana. 24Ia te vahai u vu ni kori vanihamu nau, tana tahu vahai ta kamu nonginongi hamu ma kamu nongia hamu siki omea, ma kamu dodonu hamu vahai tamu tamani noha hamu na omea de, ma ia God ba ke sau vanihamu bamu. 25-26Mi tana tahu vahai kamu nonginongi hamu, tina vahai kamu kore vania hamu siki tinoni, kamu kori kenihua uluhi hamu vania ia, me ke ni kori kenihu lakamua na Tohamiu i heven tana omea sekoseko tamu agosira hamu.” #11:25-26 Kesana na kopi tuali ara tamani lakamua na mamare de: Me tina vahai hamu kamu teha na kori kenihua tana nidira seko na tinoni tovosi, ngeni ba ke vahai lakamu na Tohamiu hamu i heven ba ke teha na kori kenihua tana nimiu seko hamu.
Ara gesuaa ia Jisas vei te boroha mai nina susuliha ia
(Matiu 21:23-27; Luk 20:1-8)
27Mara visu mai soha ira i Jerusalem. Mi tahuna te didia ia Jisas tana pakoka lalona na Vale Tabu Leho nia, ma nidira lehona nira ira na tinoni ni kere mi ira tinoni sau manasa tana nina keja ia Mosis, mi ira lakamu na tinoni leholeho nira ara mai tatana ia. 28Mi ira ara gesuaa mara kori vahai de, “?Na susuliha vahai vei to tamania hoe mo agosia na omea nira de? ?Misei te sau vaniho hoe na susuliha nia?”
29Me tu ia Jisas me kori vahai vanira de, “Inau ku gesuahamu hamu chikai na gesugesu uluhi. Tina vahai kamu hanaa hamu na tuhuana nigu gesugesu nau, me talana. Ba ku kori tutuhu vanihamu na susuliha vahai vei tu tamania nau mu ku agosia na omea nira nia. 30?Me vahai vei, sei te sau vania ia Jon na susuliha e vu ni lesovi tabura na tinoni nira? ?Ia God teha ma na tinoni bamu? Kamu kori vaniu nau!”
31Mara tuturiha ira na vaivalaguhi mara kori vahai de, “Tina ka kori vahai hita, ‘Ia God te sau vania ia Jon na susuliha de,’ ba ke kori vahai ia de, ‘Tina ke vahai ia, me vahai vei hamu amu vu teha donua ia Jon?’ 32Me utu lakamu hita ka koria, ‘Na tinoni bamu te saua na susuliha de vania ia.’ ” Ira ara valagu vahai nia matengana tara matahunira na tinoni nira nia, mi ira ara dodonu vahai ia Jon na propet te vota mai tatana ia God. 33Mara tu ira mara tuhu visua nina valagu ia Jisas mara kori vahai de, “Ihami ami voo.”
Ma ia Jisas e kori vahai vanira de, “Me tina ke vahai ia, minau ba ku teha lakamu na kori vanihamu hamu na susuliha vahai vei tu tamania nau u vu ni agosia na omea nira de.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 (active), Wycliffe Bible Translators, Inc. All rights reserved