Mark 6
6
Eg Cha Igwat Si Jesus Cha Nazareth
(Matthew 13:53-58; Luke 4:16-30)
1Et imekal si Jesus chiwan a kimowan chiwa sahop a bimadegan to, et ekiolop ira ma disipolos to. 2Nonta timpo na Sabbath, kimowan si Jesus et iyantorod ma synagog. Sema iren toon gwared ma synagog, idi inki-ngelan ches Jesus, chakel i iyasdaaw a kigwan cha i “Toy edafoan na nemnemnem to i? Toy edafoan na daing to i? Ngoy nainpasing ton naengamag na milagro? 3Si-kathoy kalpintiron anak Mary, anya? Tan ahi iren James, Joses, Judas, tan si Simon, anya? Tan sema iren aahi ton bibii, naiyan-iyan ngo ired jay.” Et iyasnit ira et eg ira emati.
4Et kigwan men Jesus cha si-kara i “Say profita, nachijaw ched emiin a dogad, malaksid cha dogad to, bonat to, tan pamilja tho ngo.” 5Nat mebedin a engamag si Jesus na chakel a milagrod man. Say imag to bengat, insagpat toy diwa thod ma otik a toon mansekit et inpamapteng to ira. 6Et iyasdaaw si Jesus tep eg ira ematid si-katho.
Into-non Jesus I Sawal Na Chegwen Disipolos To
(Matthew 10:5-15; Luke 9:1-6)
Idi iyakcheng ma, iyangwasgwasgwas mes Jesus a iyantorod ma otik a siyo-siyodad. 7Et tiya-gway to ira ma sawal na chegwen disipolos to, et into-no tho iren sanpaparis, tan in-i-kan toy karebengan chen menagchag na dimonyos. 8Et binidin to ira i “Enog i tahin na kompormid konan jo, malaksid bengat na kosnod. Enog i tahin na mekan, akbot, tan pilak. 9Pansapathos kayo, nem enog i ala na baron pansa-dathan jo.” 10Et kigwan to pay i “No gwariy sebien jon siyodad iy gwariy mena-gway kayod baliy to, pekiiyan kayod man ingkathod ibetik jo. 11Nem no onkowan kayod siyodad et nat sintilen cha kayo na too tan eg cha piyan a manki-ngel na konen jo, betihi yo. Tan no onbetik kayo, pokpohi yoy depok cha seki yo say si-kathoy bancha i si-kara ngoy menongbat Afo Chiyos kagol na imag cha.”
12Et kimowan ma iriy disipolos ton kiyaskasabaan chiy toon kigwan cha i mesepol a manbabawi ired basol cha. 13Tan chiyagchag cha ngoy chakel a dimonyos tan iyapjosan cha na danay chakel a mansekit a too et mimapteng ira.
Sema Ingkathiy John A Naemonjag
(Matthew 14:1-12; Luke 9:7-9)
14Nontan ngon timpo, inki-ngelan Ari Herod i maypangkep na nainpasi-pasing Jesus tep echamag cha emiin a dogad. #6:14 Si Herod i naiyantoray na Galilee tan Perea. Gwariy echom a engowan i “Si-katho emos John a Naemonjag a iyanpawil. Isonga, gwariy panakabalin ton mengemag iren ma milagro.” 15Kigwan ngo na echom i “Si-kathos Elijah a iyanpawil.” Kigwan pay na echom i “Profiten inges toy sa-kin profita nonta bayag da.”
16Nem idi inki-ngelan Herod i nakigwan chiy maypangkep Jesus, kigwan to i “Si-kathos John a Naemonjag a inpadengsok i toktok to. Iyanpawil!” 17Kigwan Herod iwan tep inpa-da thos John et inpakalebos to. Inpasing Herod iwan tep inimbaliy tos Herodias a sigod imbaliy na ahi thon si Philip. 18Tep kigwan John cha Herod i “Iyayparit cha dinteg tayo i imbaliyen moy imbaliy na ahim.” 19Isonga, iyowes Herodias si John et piyan ton pebono. Nem nagwariy kebedinan to 20tep entahot Herod si John tep amta tho i maronong a too tan esantoan, isonga natiyolo-tolongan to. Idi inki-ngelan Herod i nakigwan John, echanagan a pasiya, nem piyan to pay laeng a iki-ngelan.
21Nonta timpo na birthday Herod, gwariy gwayen Herodias a mengipabonon John a Naemonjag. Nontan a akow, ininbitar Herod iriy iyangkekayang a afo na gobirno, sema iren afo na solcharo, tan sema iren ainportantin tood Galilee. 22Gwariy marikit a anak Herodias a kimowan cha kad-an Herod tan sema iren bisita et iyansada. Kinas chiy sada tho, isonga kigwan men Herod i “Ngoy piyan mo? Kowan mo et say i-kan ko.” 23Inkari tho pay i “Angken nengoy ibagam, i-kan kod si-kam angken manbenol na kagachowa na pantorayan ko.” 24Kimowan iwa marikit cha ineton kigwan to i “Ngoy ibagak?”
Insongbat ineto i “Sema toktok John a Naemonjag.”
25Et kinoan men ma marikit a imolid Ari Herod, et kigwan to i “Piyan kon i-kan mod si-kak a chakos i toktok John a Naemonjag a iyay-ejan cha pingkan.”
26Iya-ngos a pasiyes Herod nonta inki-ngelan to man, nem kebaing ngo pay a eg menongpal na inkari tho tep insafata thod sangoanan na bisita tho. 27Isonga, engito-no wa na solcharon kowadjen mengeda na toktok John. Et kimowan iwa solcharod kalebosan et diyengsoan toy toktok John. 28In-ejan to ma toktok chiwa pingkan a inkowan tod ma marikit et in-awat tod ineto. 29Idi inki-ngelan na disipolos John a Naemonjag i epasamak, kimowan ali chen ida riy angel John et in-ejan ched bekaan.
Pikan Jesus I Esolok A Dimen Dibon Too
(Matthew 14:13-21; Luke 9:10-17; John 6:1-14)
30Sema iren apostolis a into-non Jesus, imoli di ira et ingwanggwang ched Jesus i emiin a ima-imag cha tan intoro cha. 31Et kigwan men Jesus i “Emoy ired ma iyaydasin a dogad say si-kathayo bengat et say mahainana kayo.” Tep chakel i mansisina-dat a too et nagwariy pesing chen mengan. 32Et imekal iren iyanbangka a kimowan iren iyaydasin a dogad say agos cha. 33Nem chakel i toon emeschi ired si-kara nonta bimetik ira. Isonga, manbebetik iren edafod emiin a siyo-siyodad et edagwas ired konan iren Jesus.
34Idi mimothok si Jesus et imepas chiwa bangka, mita thoy chakel a too et kiyaasian to ira tep inges toy kalniron nagwariy naiyanbantay cha si-kara. Et intoroan to wa ira na chakel a banag.
35Idi emangkesalingawngaw, kimowan iriy disipolos Jesus cha kad-an ton kigwan cha i “Ara-chem ma, et ija kiyed iyaydasin a dogad. 36Ito-nom ira ja tood iyay-esop a siyo-siyodad tan doga-dogad say menongkal ira na kakanen cha.” 37Nem kigwan Jesus i “I-kani yo ira na kakanen cha.”
Et kigwan cha i “Ngoy piyan mon a-seden? Mesepol a mankastos kawi na chegwen dasos a denarii a itongkal mi na kakanen cha.” #6:37 chegwen dasos a denarii Sema sa-kin denarius, dagbo na sa-kin too na san-akow a obda.
38Et inbaga wen Jesus i “Piyay tinapay a gwared si-kayo? Jo matha.”
Idi iyamta iren ma disipolos, kigwan cha i “Dimen tinapay tan chegwen paideng.”
39Et inbilin Jesus med disipolos to i petokkong cha ira ma too na sanmomokdod ma do-bet. 40Timokkong ma iren emokmokdo. Gwariy sandadasos tan gwara ngoy sandi-men polo. 41Et ida wen Jesus iwa dimen tinapay tan chegwen paideng et tiyangkak toy dangit a iyansalamat cha Afo Chiyos. Et piyetpet-ing to iwa tinapay, et in-i-kan to ired ma disipolos to say iap-ap ched too. Inpaiap-ap to pay iwa chegwen paideng. 42Engan iren emiin et iyapsel ira. 43Et kiyoskos iren ma disipolos iriy ebay-anan a tinapay tan paideng, et pino thoy sawal na chegwen basket. 44Say kabibidang na engan, chanchanin dimen dibon daleki.
Iyan-ahad Si Jesus Cha Tapow Na Chanom
(Matthew 14:22-33; John 6:15-21)
45Et inpankeb-ong men Jesus a chakos iriy disipolos tod bangka say medebas iren onkowan cha Bethsaida a gwared piig niwa baybay iy maramen inpabtik to ngo ira ma chakel a too. 46Idi inpabtik to wa ira, eniyed chiwa chontog a mankararag. 47Nonta edagwi, gwara pay laeng si Jesus chiwa chontog a sa-sa-ki tho iy say sema bangken iyandoganan iren ma disipolos to, gwara ngod kawa na baybay. 48Idi iyoschongan iren Jesus, mita tho iren mandigat a mengipa-kad niwa bangka tep iyaykontray chahem cha si-kara.
Idi chanchanin kagwis, man-aahad si Jesus cha tapow na chanom a sibi tho ira ma disipolos to. Istay da-basan to ira, 49nem idi mita ren man-aahad cha tapow na chanom, kin cha i aninit et kimeljaw ira. 50Tep sini-neng chen emiin et timahot iren pasiya. Nem kigwan Jesus a chakos i “Pekedsang joy nemnem jo! Si-kak iyay. Enog i tahot.” 51Et iyankeb-ong mes Jesus chiwa bangken ekidogan cha si-kara, et simalcheng i chahem. Iyasdaaw a pasiya ira ma disipolos to 52tep angken mita ra wen inpachakel Jesus iwa tinapay, eg cha pay laeng igwathan i maypangkep na panakabalin to tep singen esa-dinan i nemnem cha.
Inpamapteng Jesus Iriy Mansekit Cha Gennesaret
(Matthew 14:34-36)
53Idi bima-sil ma ires Jesus a sibi riy sahop na Gennesaret, in-iket chiy bangked ma kilig niwa baybay. 54Idi imepas ired ma bangka, piyeschian na toon chakos si Jesus. 55Et imaga-agag ira ma tood ma iyay-esop a otik a siyo-siyodad say a-daen chiy mansekit. Et angken ton dogad a chimag chen kad-an Jesus, chiwan i iyanbangkilan cha na mansekit. 56Et emiin a dogad a kimowa-kowanan Jesus, angken cha babenay a siyodad, oti-otik a siyodad, tan cha payo-payow, nainkowan chiy mansekit cha plasen naengioligan cha, et naekiadok ired Jesus i itolok to ira ma mansekit a mengapkap na angken kilig na baro tho. Et emiin a engapkap niwa baron Jesus, mimapteng ma ira.
Právě zvoleno:
Mark 6: KAR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 Wycliffe Bible Translators, Inc. All rights reserved.
Mark 6
6
Eg Cha Igwat Si Jesus Cha Nazareth
(Matthew 13:53-58; Luke 4:16-30)
1Et imekal si Jesus chiwan a kimowan chiwa sahop a bimadegan to, et ekiolop ira ma disipolos to. 2Nonta timpo na Sabbath, kimowan si Jesus et iyantorod ma synagog. Sema iren toon gwared ma synagog, idi inki-ngelan ches Jesus, chakel i iyasdaaw a kigwan cha i “Toy edafoan na nemnemnem to i? Toy edafoan na daing to i? Ngoy nainpasing ton naengamag na milagro? 3Si-kathoy kalpintiron anak Mary, anya? Tan ahi iren James, Joses, Judas, tan si Simon, anya? Tan sema iren aahi ton bibii, naiyan-iyan ngo ired jay.” Et iyasnit ira et eg ira emati.
4Et kigwan men Jesus cha si-kara i “Say profita, nachijaw ched emiin a dogad, malaksid cha dogad to, bonat to, tan pamilja tho ngo.” 5Nat mebedin a engamag si Jesus na chakel a milagrod man. Say imag to bengat, insagpat toy diwa thod ma otik a toon mansekit et inpamapteng to ira. 6Et iyasdaaw si Jesus tep eg ira ematid si-katho.
Into-non Jesus I Sawal Na Chegwen Disipolos To
(Matthew 10:5-15; Luke 9:1-6)
Idi iyakcheng ma, iyangwasgwasgwas mes Jesus a iyantorod ma otik a siyo-siyodad. 7Et tiya-gway to ira ma sawal na chegwen disipolos to, et into-no tho iren sanpaparis, tan in-i-kan toy karebengan chen menagchag na dimonyos. 8Et binidin to ira i “Enog i tahin na kompormid konan jo, malaksid bengat na kosnod. Enog i tahin na mekan, akbot, tan pilak. 9Pansapathos kayo, nem enog i ala na baron pansa-dathan jo.” 10Et kigwan to pay i “No gwariy sebien jon siyodad iy gwariy mena-gway kayod baliy to, pekiiyan kayod man ingkathod ibetik jo. 11Nem no onkowan kayod siyodad et nat sintilen cha kayo na too tan eg cha piyan a manki-ngel na konen jo, betihi yo. Tan no onbetik kayo, pokpohi yoy depok cha seki yo say si-kathoy bancha i si-kara ngoy menongbat Afo Chiyos kagol na imag cha.”
12Et kimowan ma iriy disipolos ton kiyaskasabaan chiy toon kigwan cha i mesepol a manbabawi ired basol cha. 13Tan chiyagchag cha ngoy chakel a dimonyos tan iyapjosan cha na danay chakel a mansekit a too et mimapteng ira.
Sema Ingkathiy John A Naemonjag
(Matthew 14:1-12; Luke 9:7-9)
14Nontan ngon timpo, inki-ngelan Ari Herod i maypangkep na nainpasi-pasing Jesus tep echamag cha emiin a dogad. #6:14 Si Herod i naiyantoray na Galilee tan Perea. Gwariy echom a engowan i “Si-katho emos John a Naemonjag a iyanpawil. Isonga, gwariy panakabalin ton mengemag iren ma milagro.” 15Kigwan ngo na echom i “Si-kathos Elijah a iyanpawil.” Kigwan pay na echom i “Profiten inges toy sa-kin profita nonta bayag da.”
16Nem idi inki-ngelan Herod i nakigwan chiy maypangkep Jesus, kigwan to i “Si-kathos John a Naemonjag a inpadengsok i toktok to. Iyanpawil!” 17Kigwan Herod iwan tep inpa-da thos John et inpakalebos to. Inpasing Herod iwan tep inimbaliy tos Herodias a sigod imbaliy na ahi thon si Philip. 18Tep kigwan John cha Herod i “Iyayparit cha dinteg tayo i imbaliyen moy imbaliy na ahim.” 19Isonga, iyowes Herodias si John et piyan ton pebono. Nem nagwariy kebedinan to 20tep entahot Herod si John tep amta tho i maronong a too tan esantoan, isonga natiyolo-tolongan to. Idi inki-ngelan Herod i nakigwan John, echanagan a pasiya, nem piyan to pay laeng a iki-ngelan.
21Nonta timpo na birthday Herod, gwariy gwayen Herodias a mengipabonon John a Naemonjag. Nontan a akow, ininbitar Herod iriy iyangkekayang a afo na gobirno, sema iren afo na solcharo, tan sema iren ainportantin tood Galilee. 22Gwariy marikit a anak Herodias a kimowan cha kad-an Herod tan sema iren bisita et iyansada. Kinas chiy sada tho, isonga kigwan men Herod i “Ngoy piyan mo? Kowan mo et say i-kan ko.” 23Inkari tho pay i “Angken nengoy ibagam, i-kan kod si-kam angken manbenol na kagachowa na pantorayan ko.” 24Kimowan iwa marikit cha ineton kigwan to i “Ngoy ibagak?”
Insongbat ineto i “Sema toktok John a Naemonjag.”
25Et kinoan men ma marikit a imolid Ari Herod, et kigwan to i “Piyan kon i-kan mod si-kak a chakos i toktok John a Naemonjag a iyay-ejan cha pingkan.”
26Iya-ngos a pasiyes Herod nonta inki-ngelan to man, nem kebaing ngo pay a eg menongpal na inkari tho tep insafata thod sangoanan na bisita tho. 27Isonga, engito-no wa na solcharon kowadjen mengeda na toktok John. Et kimowan iwa solcharod kalebosan et diyengsoan toy toktok John. 28In-ejan to ma toktok chiwa pingkan a inkowan tod ma marikit et in-awat tod ineto. 29Idi inki-ngelan na disipolos John a Naemonjag i epasamak, kimowan ali chen ida riy angel John et in-ejan ched bekaan.
Pikan Jesus I Esolok A Dimen Dibon Too
(Matthew 14:13-21; Luke 9:10-17; John 6:1-14)
30Sema iren apostolis a into-non Jesus, imoli di ira et ingwanggwang ched Jesus i emiin a ima-imag cha tan intoro cha. 31Et kigwan men Jesus i “Emoy ired ma iyaydasin a dogad say si-kathayo bengat et say mahainana kayo.” Tep chakel i mansisina-dat a too et nagwariy pesing chen mengan. 32Et imekal iren iyanbangka a kimowan iren iyaydasin a dogad say agos cha. 33Nem chakel i toon emeschi ired si-kara nonta bimetik ira. Isonga, manbebetik iren edafod emiin a siyo-siyodad et edagwas ired konan iren Jesus.
34Idi mimothok si Jesus et imepas chiwa bangka, mita thoy chakel a too et kiyaasian to ira tep inges toy kalniron nagwariy naiyanbantay cha si-kara. Et intoroan to wa ira na chakel a banag.
35Idi emangkesalingawngaw, kimowan iriy disipolos Jesus cha kad-an ton kigwan cha i “Ara-chem ma, et ija kiyed iyaydasin a dogad. 36Ito-nom ira ja tood iyay-esop a siyo-siyodad tan doga-dogad say menongkal ira na kakanen cha.” 37Nem kigwan Jesus i “I-kani yo ira na kakanen cha.”
Et kigwan cha i “Ngoy piyan mon a-seden? Mesepol a mankastos kawi na chegwen dasos a denarii a itongkal mi na kakanen cha.” #6:37 chegwen dasos a denarii Sema sa-kin denarius, dagbo na sa-kin too na san-akow a obda.
38Et inbaga wen Jesus i “Piyay tinapay a gwared si-kayo? Jo matha.”
Idi iyamta iren ma disipolos, kigwan cha i “Dimen tinapay tan chegwen paideng.”
39Et inbilin Jesus med disipolos to i petokkong cha ira ma too na sanmomokdod ma do-bet. 40Timokkong ma iren emokmokdo. Gwariy sandadasos tan gwara ngoy sandi-men polo. 41Et ida wen Jesus iwa dimen tinapay tan chegwen paideng et tiyangkak toy dangit a iyansalamat cha Afo Chiyos. Et piyetpet-ing to iwa tinapay, et in-i-kan to ired ma disipolos to say iap-ap ched too. Inpaiap-ap to pay iwa chegwen paideng. 42Engan iren emiin et iyapsel ira. 43Et kiyoskos iren ma disipolos iriy ebay-anan a tinapay tan paideng, et pino thoy sawal na chegwen basket. 44Say kabibidang na engan, chanchanin dimen dibon daleki.
Iyan-ahad Si Jesus Cha Tapow Na Chanom
(Matthew 14:22-33; John 6:15-21)
45Et inpankeb-ong men Jesus a chakos iriy disipolos tod bangka say medebas iren onkowan cha Bethsaida a gwared piig niwa baybay iy maramen inpabtik to ngo ira ma chakel a too. 46Idi inpabtik to wa ira, eniyed chiwa chontog a mankararag. 47Nonta edagwi, gwara pay laeng si Jesus chiwa chontog a sa-sa-ki tho iy say sema bangken iyandoganan iren ma disipolos to, gwara ngod kawa na baybay. 48Idi iyoschongan iren Jesus, mita tho iren mandigat a mengipa-kad niwa bangka tep iyaykontray chahem cha si-kara.
Idi chanchanin kagwis, man-aahad si Jesus cha tapow na chanom a sibi tho ira ma disipolos to. Istay da-basan to ira, 49nem idi mita ren man-aahad cha tapow na chanom, kin cha i aninit et kimeljaw ira. 50Tep sini-neng chen emiin et timahot iren pasiya. Nem kigwan Jesus a chakos i “Pekedsang joy nemnem jo! Si-kak iyay. Enog i tahot.” 51Et iyankeb-ong mes Jesus chiwa bangken ekidogan cha si-kara, et simalcheng i chahem. Iyasdaaw a pasiya ira ma disipolos to 52tep angken mita ra wen inpachakel Jesus iwa tinapay, eg cha pay laeng igwathan i maypangkep na panakabalin to tep singen esa-dinan i nemnem cha.
Inpamapteng Jesus Iriy Mansekit Cha Gennesaret
(Matthew 14:34-36)
53Idi bima-sil ma ires Jesus a sibi riy sahop na Gennesaret, in-iket chiy bangked ma kilig niwa baybay. 54Idi imepas ired ma bangka, piyeschian na toon chakos si Jesus. 55Et imaga-agag ira ma tood ma iyay-esop a otik a siyo-siyodad say a-daen chiy mansekit. Et angken ton dogad a chimag chen kad-an Jesus, chiwan i iyanbangkilan cha na mansekit. 56Et emiin a dogad a kimowa-kowanan Jesus, angken cha babenay a siyodad, oti-otik a siyodad, tan cha payo-payow, nainkowan chiy mansekit cha plasen naengioligan cha, et naekiadok ired Jesus i itolok to ira ma mansekit a mengapkap na angken kilig na baro tho. Et emiin a engapkap niwa baron Jesus, mimapteng ma ira.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 Wycliffe Bible Translators, Inc. All rights reserved.