Luka 24
24
Ko te Toetū
(Mat 28.1-10; Mlk 16.1-8; Ioa 20.1-10)
1I te aho muamua o te vaiaho, kua tafa mai ia ata, na olo ai nā fafine ki te tugamau, ma kave nā meamanogi na kilātou hāunia. 2Na maua atu e kilātou, ko te fatupae nae i te faitotoka o te tugamau, kua fuli kehe, 3oi na olo ai ki loto; kae na hēki maua e kilātou te tino o te Aliki ko Iehu. 4Na tutū ai i kinā, kua hē kilātou hāfia te uiga o te mea tēnei, kae nā lava e teki ni tamāloa e toka lua kua tutū i o lātou tafa, ma ko o lā kofu nae huhulu pupula. 5Na mātataku lele nā fafine ma pūnonou ifo o lātou ulu ki te kelekele. Kua lea atu ki ei nā tamāloa, “Heā te hakili ai e koutou nā tino ola, i te mea e iei nā tinooti? 6Ko Iehu e hē i kinei, kae kua toe tū mai i te oti. Manatua te mea na lea atu ai kia te koutou ka koi i Kalilaia ai: #Mat 16.21; 17.22-23; 20.18-19; Mlk 8.31; 9.31; 10.33-34; Luk 9.22; 18.31-33 7‘Ko te Ataliki o te Tagata, e tatau ke tuku atu ki lima o tagata agahala ke fakahātaulo, kae i tona tolu o aho, oi toe tū ai mai te oti.’ ”
8Oi na manatua ai e nā fafine nā kupu iēnei na lea ai ia Iehu, 9ma na olo kehe ai loa mai te tugamau, kua olo oi taku ki nā hoko e toka hefulu tahi ma iētahi tino uma lele, nā mea uma iēnei. 10Ko nā fafine, ko Malia te Makatala, ko Ioana ma Malia te mātua o Iakopo; ko kilātou iēnei fakatahi ma iētahi fafine, te na kilātou fakailoagia nā mea iēnei ki te kau apohitolo. 11Kae i te manatu o te kau apohitolo, ko te mea kua lea ake ai nā fafine, ko he mea tauānoa, oi na hēki talitonu ai kilātou ki ei. 12Kae na tū ake ki luga ia Petelu kua vili ki te tugamau; kua punou ifo ki lalo, oi na ia kitea ai nā ko nā kie lino oioti lava te nae i loto. Ma na toe foki ai ki te fale, kua ofo lahi lele ki te mea kua tupu.#24.12 Ko iētahi tuhituhiga e hē i loto te fuaikupu 12
Kua Fakakitea ia Iehu ki nā Hoko e toka Lua
(Mlk 16.12-13)
13I te aho lava tēnā, nae iei nā tino e toka lua o te vāega nae mulimuli kia Iehu, nae malaga ki he nuku e igoa kia Emau, e tuha ma te hefulu tahi kilomita te mamao ma Ieluhalema, 14ma nae faitatala lava e uiga ki nā mea uma iēnei kua tutupu. 15Nae fai lava la a lā tala ma talatalanoa, kae kua fanatu ia Iehu ki o lā tafa, oi na hāvavali ai lava fakatahi: 16na ki lā kitea te tino, kae na hēki matea e kilāua pe ko ai. 17Na vāgana atu ai ia Iehu kia te kilāua ka koi hāvavali fakatahi kilātou, “Ni ā nei kō te hāvavali koulua ma faitatala ki ei?”
Na tutū loa lava kilāua, ma o lā mata fakanoanoa. 18Ko tētahi o kilāua, ko Kaleopa te igoa, kua fehili vē atu kia Iehu, “Ko koe nei oioti te tino āhiahi ki Ieluhalema, e hē ia iloa nā mea na tutupu i kinā taluai nei?”
19Kua fehili mai ia Iehu, “Ni mea ā?”
Ma na tali atu kilāua, “Nā mea na tutupu kia Iehu te Nahaleta. Na kitea i ana mea nae fai, ma ana kupu, ko ia ko he pelofeta e tūkehe te mālohi, ma nae fiafia ki ei te Atua ma tagata uma. 20Na tukulima atu ia e o mātou ohitāulaga pule ma o mātou takitaki, ke fakahala i te oti, oi na fakahātaulo ai. 21Ka ko kimātou nae fakamoemoe, ko te tino ia te togiola e ia ia Ihalaelu! Io, ma e hē gata i tēnā, ko te tolu tēnei o aho, talu te tupu o te mea tēnei. 22Na fakatēkia lele kimātou e ni fafine o te mātou vāega na olo i te vaveao ki te tugamau, 23kae e hēki kilātou maua te tinooti o Iehu. Na foki mai ma te lātou fakamatalaga, nae iei ni āgelu na kilātou kitea, ma na lea ake kia te kilātou, ko Iehu e ola. 24Na olo ni iētahi tino o te mātou vāega ki te tugamau, ma na maua atu e kilātou te tugamau, e vē lava ona lea ai nā fafine, kae na hēki kilātou kitea ia Iehu.”
25Oi na vāgana atu ai ia Iehu kia te kilāua, “Kai koutou te vālelea ma tuai talitonu ki nā mea uma na lea ai te kau pelofeta! 26E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?” 27Oi na fakamālamalama ai ki ei e Iehu nā mea kua tākua i nā Tuhituhiga Paia uma, e uiga kia te ia, e kāmata mai i nā tuhi a Mohe#24.27 nā tuhi a Mohe Ko nā tuhi e lima muamua o te Feagaiga Tuai ma nā tuhituhiga a te kau pelofeta uma.
28Kua tāli pa lele atu kilāua ki te nuku e olo ki ei, ka ko Iehu kua havali lava ki mua, e vē he tino e fakaauau pea tana malaga; 29kae na tau tāofi mai e kilāua, ma na lea vē atu ai kilāua kia te ia, “Afe mai kō tātou momoe, auā kua pō, ma kua kāmata oi pōuli.” Oi na afe ai ia Iehu kua olo ma te toka lua ki lotofale, ke mālōlō ai. 30Kua nofo atu ki lalo ia Iehu ke kakai fakatahi kilātou, oi na tago ai ki te falaoa, kua fakafetai ki te Atua, ma na tavaevae ai ma fōki ki te toka lua. 31Oi na fātoā fakapupula ai o lā mata, kua ki lā matea ia Iehu; kae na mou kehe atu ai ia, kua hē ki lā kitea. 32Oi na lea atu ai tētahi tino ki tētahi, “E hēki mū nei la o tā loto#24.32 E hēki mū nei la o tā loto pe E hēki fakatumulia nei la o tā loto i te fiafia lahi i te taimi nae faitala mai ai ia kia te ki tāua i luga o te auala, ma te fakamatala maiga o nā Tuhituhiga Paia?”
33Na tutū ake loa kilāua ki luga i te taimi lava tēnā, kua toe olo ki Ieluhalema. Na maua atu e kilāua nā hoko e toka hefulu tahi ma iētahi tino, e fakapotopoto fakatahi. 34Kua lea mai kilātou, “E hako lava ko te Aliki kua toe tū mai te oti! Na fakakitea kia Himona!”
35Oi na fakamatala atu ai e te toka lua kia te kilātou te mea na tupu i te auala, ma te mateaga e kilāua o te Aliki, i te tavaevaega e ia o te falaoa.
Kua Fakakitea ia Iehu ki Ona Hoko
(Mat 28.16-20; Mlk 16.14-18; Ioa 20.19-23; Gāl 1.6-8)
36Ka koi fakamatala atu e te toka lua te mea tēnei, kae nā lava e teki ko Iehu kua i te mea nae iei ai kilātou, ma na vāgana vē mai ai, “Ke ia te koutou te fīlēmū.”#24.36 Ko iētahi tuhituhiga e hē i loto ai te ma na vāgana vē mai ai, “Ke ia te koutou te fīlēmū.”
37Na mātataku lele kilātou, ma na vēakē ko he agaga o he tinooti te kua kilātou kitea. 38Kae kua vāgana atu ia Iehu, “Heā te mātataku ai koutou? Heā te māhalohalo ai outou loto? 39Kikila mai ki oku lima ma oku vae, e koutou kitea ai ko au tēnei. Tago mai ki toku tino, oi iloa ai e koutou, auā ko te agaga e hēai hona tino ma ni ona ivi, e vē ko au.”
40Na lea vēnei atu ia ma fakaali kia te kilātou ona lima ma ona vae. 41Ona kua fakatumulia kilātou i te fiafia ma te ofo lahi, na vē ai na tau hē talitonu; oi na fehili atu loa ia Iehu ki ei, “E iei nei he koutou meakai i kinei?” 42Kua fōki e kilātou ki ei he mea ika vela, 43oi na tago ai ki ei oi kai, kae kikila atu kilātou kia te ia.
44Oi na vāgana atu ai kia te kilātou, “Ko iēnei tonu lava nā mea nae lea atu ai au ka koi māfuta kitātou: ko nā mea uma lele kua tūhia e uiga kia te au i nā Tūlāfono a Mohe, nā tuhituhiga a te kau pelofeta ma nā Halamo,#24.44 Halamo Ko nā tuhituhiga paia Epelu e tolu ona vāega: (1) ko nā Tūlāfono a Mohe, (2) ko nā Tuhi a te kau Pelofeta, (3) ma nā Tuhituhiga e aofia ai nā Halamo e tatau lava ke taunuku.”
45Oi na fakapupula ai e ia o lātou māfaufau ke mālamalama kilātou i nā Tuhituhiga Paia, 46ma na vāgana atu ai ia kia te kilātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai ai i te oti i tona tolu o aho, 47ma ka tālaki atu e ala i tona igoa, te fekau e uiga ki te halamō ma te fakamāgaloga o nā agahala, ki nā nuku uma, e kāmata atu i Ieluhalema. 48Ko koutou ni molimau ki nā mea iēnei. 49Kikila, ka uga ifo e au ki luga o koutou, tē na folafola e toku Tamana.#24.49 tē na folafola e toku Tamana Ko te Agaga Paia Kae ko koutou e tatau ke fakatalitali i te kakai tēnei, ke pa ki te taimi e tuku atu ai kia te koutou, te mana mai te lagi.” #Gāl 1.4
Kua Hikitia ia Iehu ki te Lagi
(Mlk 16.19-20; Gāl 1.9-11)
50Oi na tataki ai kilātou e ia ki fafo o te kakai, ke pa ki Petania, ma na hiki ake ai ona lima ki luga, ma fakamanuia kia te kilātou. #Gāl 1.9-11 51Ka koi fakamanuia atu e ia kilātou, kae kua fano kehe ia ma kilātou ma na hikitia ake ai ki te lagi.#24.51 Ko iētahi tuhituhiga e hē i loto ai ma na hikitia ake ai ki te lagi 52Oi na viviki ake ai kilātou kia Iehu, ma na toe foki ai kilātou ki Ieluhalema, kua fakatumulia i te fiafia lahi, 53ma nae olo pea lava kilātou ki te Mālumalu, ma hiki ake te fakafetai ki te Atua.
Právě zvoleno:
Luka 24: TOKU
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Bible Society New Zealand Charitable Trust
