ZƐKARƖYA 12
12
Wɩa jaŋ laa Jerusalɛm nɩaa ta
1Wɩɩ-la La TƖƖNA sɩ bʋla tɩgɛ Iziral lɛ nɛ ŋ-la. La TƖƖNA sɩ ŋaa wɩa-nyuŋ a leŋ ʋ jɛrɛ, a ŋaa dʋnɩa gentine, a mɛ nuhuobiine a joŋ dɩma hɛ ʋ lɛ, wɩɩ-la ʋ sɩ bʋla nɛ ŋ-la: 2“Mɩ jaŋ leŋ dɩ Jerusalɛm nagɛ nyʋnyʋala girep nɛnɛɛ sɩnɩŋ sɩ hɛ ʋ tʋɔŋ. Tinteye-la sɩ kpagʋ jaŋ nyʋa a bugi a gɩgɛrɛ. Nɩaa jaŋ kʋ golli Juda arɩ Jerusalɛm chu dɩ ba yuo. 3Tapʋlɩɩ-la, dʋnɩa tinteyee kala sɩ jaŋ kʋ hɛ dɔŋɔ a chɩŋ ʋ lɛ, mɩ jaŋ leŋ dɩ Jerusalɛm nagɛ bʋŋ sɩ bɩ jigisi a pɩ tinteye-la kala. Nɩalɩŋ kala sɩɩ nɛrɩgɛ dɩ ba jigisu jaŋ pɩrɛ ba tɩtɩa. 4Tapʋlɩɩ-la, mɩ jaŋ joŋ fawʋllʋŋ kɩŋkɛŋ a hɛ jɔɔ kala lɛ, a leŋ dɩ ba jɩjɩllaa ma nyɩnyaasɛ. Mɩ-na ma TƖƖNA nɛ bʋla. Mɩ jaŋ chaasa pɔ Juda nɩaa woruŋ, ama mɩ jaŋ leŋ dɩ tinteyee nɩaa janɩŋ kala nyʋlɩmɛ. 5Ŋɩɩ nɛ Juda sɩpaalaaraa jaŋ bʋl ba tʋɔŋ lɛ, ‘Jerusalɛm nɩaa kɛŋ doluŋ, bɛɛ wɩaa La TƖƖNA doluŋ kala Tɩɩna nɛ ba Wɩa.’
6Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.
7Mɩ-na ma TƖƖNA jaŋ laa sɩpaaŋ laa Juda nɩaa ta, dɩ yɩrɩ-la Devit doho nɩaa arɩ Jerusalɛm nɩaa sɩ jaŋ laa, sɩ́ Juda nɩaa kʋa kɩɩ. 8Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ. 9Tapʋlɩɩ-la, mɩ jaŋ chei tinteye-la kala sɩɩ yuo Jerusalɛm.
Ba yel nɩɩ-la ba sɩ tɔbɔ lɛ
10Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ. 11Tapʋlɩɩ-la, yele jaŋ chaasa yʋgɛ Jerusalɛm lɛ a nagɛ ba sɩɩ yel Hadad Rimoŋ sɩ hɛ Megido tintee-taala lɛ. 12Tintee-la nɩaa jaŋ yel, dɩa na-kala nɩaa jaŋ yel, baalaa jaŋ yel ba dʋndʋŋ, dɩ haalaa ma yel ba dʋndʋŋ: Devit doho nɩaa arɩ ba haalaa, Netaŋ doho nɩaa arɩ ba haalaa, 13Levi doho nɩaa arɩ ba haalaa, Sɩmɛɩ doho nɩaa arɩ ba haalaa, 14a pɛ do-kaana-la dɩa dɩa nɩaa arɩ ba haalaa lɛ.”
Právě zvoleno:
ZƐKARƖYA 12: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
ZƐKARƖYA 12
12
Wɩa jaŋ laa Jerusalɛm nɩaa ta
1Wɩɩ-la La TƖƖNA sɩ bʋla tɩgɛ Iziral lɛ nɛ ŋ-la. La TƖƖNA sɩ ŋaa wɩa-nyuŋ a leŋ ʋ jɛrɛ, a ŋaa dʋnɩa gentine, a mɛ nuhuobiine a joŋ dɩma hɛ ʋ lɛ, wɩɩ-la ʋ sɩ bʋla nɛ ŋ-la: 2“Mɩ jaŋ leŋ dɩ Jerusalɛm nagɛ nyʋnyʋala girep nɛnɛɛ sɩnɩŋ sɩ hɛ ʋ tʋɔŋ. Tinteye-la sɩ kpagʋ jaŋ nyʋa a bugi a gɩgɛrɛ. Nɩaa jaŋ kʋ golli Juda arɩ Jerusalɛm chu dɩ ba yuo. 3Tapʋlɩɩ-la, dʋnɩa tinteyee kala sɩ jaŋ kʋ hɛ dɔŋɔ a chɩŋ ʋ lɛ, mɩ jaŋ leŋ dɩ Jerusalɛm nagɛ bʋŋ sɩ bɩ jigisi a pɩ tinteye-la kala. Nɩalɩŋ kala sɩɩ nɛrɩgɛ dɩ ba jigisu jaŋ pɩrɛ ba tɩtɩa. 4Tapʋlɩɩ-la, mɩ jaŋ joŋ fawʋllʋŋ kɩŋkɛŋ a hɛ jɔɔ kala lɛ, a leŋ dɩ ba jɩjɩllaa ma nyɩnyaasɛ. Mɩ-na ma TƖƖNA nɛ bʋla. Mɩ jaŋ chaasa pɔ Juda nɩaa woruŋ, ama mɩ jaŋ leŋ dɩ tinteyee nɩaa janɩŋ kala nyʋlɩmɛ. 5Ŋɩɩ nɛ Juda sɩpaalaaraa jaŋ bʋl ba tʋɔŋ lɛ, ‘Jerusalɛm nɩaa kɛŋ doluŋ, bɛɛ wɩaa La TƖƖNA doluŋ kala Tɩɩna nɛ ba Wɩa.’
6Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.
7Mɩ-na ma TƖƖNA jaŋ laa sɩpaaŋ laa Juda nɩaa ta, dɩ yɩrɩ-la Devit doho nɩaa arɩ Jerusalɛm nɩaa sɩ jaŋ laa, sɩ́ Juda nɩaa kʋa kɩɩ. 8Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ. 9Tapʋlɩɩ-la, mɩ jaŋ chei tinteye-la kala sɩɩ yuo Jerusalɛm.
Ba yel nɩɩ-la ba sɩ tɔbɔ lɛ
10Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ. 11Tapʋlɩɩ-la, yele jaŋ chaasa yʋgɛ Jerusalɛm lɛ a nagɛ ba sɩɩ yel Hadad Rimoŋ sɩ hɛ Megido tintee-taala lɛ. 12Tintee-la nɩaa jaŋ yel, dɩa na-kala nɩaa jaŋ yel, baalaa jaŋ yel ba dʋndʋŋ, dɩ haalaa ma yel ba dʋndʋŋ: Devit doho nɩaa arɩ ba haalaa, Netaŋ doho nɩaa arɩ ba haalaa, 13Levi doho nɩaa arɩ ba haalaa, Sɩmɛɩ doho nɩaa arɩ ba haalaa, 14a pɛ do-kaana-la dɩa dɩa nɩaa arɩ ba haalaa lɛ.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014