MƖKA 7
7
Iziral tɩŋŋaa hɛɛŋ
1Mɩ tʋɔŋ kala nɛ cheye.
Mɩ nagɛ nʋʋ ba sɩ tɔrɛ girep nɛnɛɛ tafaaŋ,
ka mɩ mʋ kukuuni tɩɩnɛnɛɛ baga-la lɛ nɛ.
Girep nɛŋ kala tuo dɩ mɩ dii,
tutogi-nambɩl-folluŋ ma mɩ sɩɩ hɩɛnʋ kʋŋkala tuo.
2Nɩalɩŋ sɩɩ fá Wɩa tintee-la lɛ lɛlɛ nɛ,
nʋʋkala tuo a ŋɩŋaa wɩaa ba bʋa lɛ.
Nʋʋkala hu a gbɩgbɛrɛ nɩaa nɛ dɩ ʋ kpʋ.
Nʋʋkala ka bagɩlɛ ʋ naambie nɛ.
3Nʋʋkala kaasɛ wʋbɔŋŋɔɔ ŋaanɩŋ lɛ nɛ,
sɩpaalaaraa chɩchɛ kʋmɔlɩɩba.
Sarɩya diiree lɩlaa kpalaa,
nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho,
ba kala vʋʋra hɩhɛ dɔŋɔ.
4Ba tʋɔŋ kʋ-la sɩ kpɩa nagɛ sɔgɩrɩgalɩa nɛ
ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ.
Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ,
tapʋlɩɩ-la Wɩa sɩ jaŋ dɔgɩsɛma.
Bʋa deeŋ lɛ nɛ ma wɩaa jaŋ vʋgʋmɛ.
5Ŋ dɩ nɩɩ-la sɩ jʋʋ kpɩkpagɛ dɔŋɔ, sɩ́ ʋ laa dii,
a sɩ́ ŋ yɩɛlaa joŋo hɛ ŋ nandɔŋɔ lɛ.
Nɩɩ-la ma ŋ sɩ paala guoro pɩŋ,
jɩŋ ŋ niiŋ kɛnɩŋ ʋ teeŋ,
6bɛɛ wɩaa hambolibiisiŋ sɩɩŋ bɩ ba nyɩmmaba ka su.
Hantolibiisiŋ ma kɛŋ ba naamba yuyuo yuosuŋ,
bii-haalaa kɛŋ ba bala naamba yuyuo yuosuŋ.
Nuhuobiine dʋndɔŋŋɔɔ nɛ ŋaa ʋ tɩtɩa dɩa nɩaa.
7Ama mɩ-na, mɩɩ beŋ La TƖƖNA lɛ nɛ a yɩyɩɛlʋ.
Mɩ gbɛrɛ Wɩa nɛ, mɩ Laataara,
mɩ Wɩa jaŋ jegile nɩɩ mɩ teeŋ.
Iziral tɩŋŋaa jaŋ sii
8Mɩ dʋndɔmɔ, sɩ́ mɩ nyuŋ jʋɔsʋ,
mɩ tele ma nɛ, ama mɩ jaŋ sii.
Mɩ hɔŋ birimiŋ tʋɔŋ nɛ,
ama La TƖƖNA nɛ jaŋ ŋaa mɩ pʋlʋmʋŋ.
9Mɩ ŋaa wʋbɔŋŋɔɔ nɛ La TƖƖNA lɛ,
ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ,
a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ
a leŋ dɩ mɩ laa kʋsɩŋŋaa.
Ʋ jaŋ kɛmmɛ kʋ lɩɩ pʋlʋmʋŋ,
dɩ mɩ na ŋɩɩ ʋ sɩ laamɛ ta.
10Mɩ dʋndɔmɔ jaŋ na wɩɩ-la
dɩ hɩɩsɩŋ kɛnʋ.
Nɩɩ-la sɩ pɩɛsɛmɛ,
“Nɩɩ nɛ ŋ TƖƖNA Wɩa hɛ?”
Mɩ sɩɩŋ jaŋ na ʋ teliŋ,
dɩ ba nʋɔsʋ
a nagɛ vʋchɔɔŋ sɩ hɛ womporuŋ lɛ.
11Jerusalɛm nɩaa, tapʋlɩɩ-la ma sɩ jaŋ bɩra paa ma kɛrɩsɩŋ saa ka kɔ nɛ,
tapʋlɩɩ-la nɛ ma jaŋ kɛŋ ma tinteeŋ bʋa jalla pɛ.
12Tapʋlɩɩ-la nɩaa jaŋ lɩɩ Asiiria
arɩ Ijipiti tinteeŋ a kɔ ma teeŋ.
Nɩaa jaŋ paala kɔ ma teeŋ a chɩŋ Ijipiti tinteeŋ lɛ
a kaa mʋ yi Yufireti fuo-la,
a bɩra chɩŋ mʋgʋ-balɩŋ dɔŋɔ lɛ a kaa mʋ dɔŋɔ,
a chɩŋ peeliŋ dɔŋɔ lɛ a kaa mʋ dɔŋɔ.
13Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la
nɩalɩŋ sɩ hɛ ʋ lɛ sɩɩ ŋaa wɩaa.
Mɩka chʋɔlɛ Wɩa a dɛnnʋ
14La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ.
Ba ŋaa ŋ nɩaa nɛ ŋ sɩ lɩɩsa
a hɛ duuŋ tʋɔŋ,
ya-fɩɛlɩŋ golliba.
Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ
a nagɛ ba sɩɩ ŋaa ŋɩɩ faafaa-la.
15Ŋɩɩ nɛ La TƖƖNA bʋl, “Mɩ jaŋ ŋaa wʋmagɩlaa dagɛma
a nagɛ bʋa-la mɩ fa sɩ kɛmma kʋ lɩɩ Ijipiti tinteeŋ lɛ.”
16Tinteyee nɩaa jaŋ na wɩalɩŋ dɩ hɩɩsɩŋ kɛmba,
arɩ ba sɩ kɛŋ doluŋ ma kala.
Ba niiŋ jaŋ maa,
ka dɩ ba dɩgɩlaa ma taŋ.
17Ba jaŋ mʋsɛ hagɩla a nagɛ dɩmɩŋ,
a nagɛ kɩalɩŋ sɩ kɛŋ bɔyɛ tuuri tinteeŋ.
Ba jaŋ lɩɩ ba dɩjʋʋlaa lɛ a chichel.
Ba jaŋ mɩɩra kɔ a fɩfá La TƖƖNA Wɩa,
aŋ fɩfá ma ma.
18Wɩa, nʋʋkala tuo a nagɩŋ,
ŋ nɛ nɩɩ-la sɩ joŋ ŋ nɩalɩŋ sɩ ka
a bɩ sʋba wʋcheelee arɩ ba wʋbɔŋŋɔɔ a chɛba.
Ŋ bɩ baanɩŋ na didieni,
ŋ cho nɩaa nenige fanɩŋ nɛ.
19Ŋ jaŋ bɩra fá la nenige,
ŋ jaŋ nʋɔsa tɔ la wʋcheelee
aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.
20Ŋ jaŋ kɛŋ wʋtɩtɩɩ Jekɔb teeŋ,
a fá Abɩraham doho nɩaa nenige,
a nagɛ ŋ sɩ hɛ niiŋ pɩ la naabalɩmaba ŋɩɩ
faafaa kala.
Právě zvoleno:
MƖKA 7: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
MƖKA 7
7
Iziral tɩŋŋaa hɛɛŋ
1Mɩ tʋɔŋ kala nɛ cheye.
Mɩ nagɛ nʋʋ ba sɩ tɔrɛ girep nɛnɛɛ tafaaŋ,
ka mɩ mʋ kukuuni tɩɩnɛnɛɛ baga-la lɛ nɛ.
Girep nɛŋ kala tuo dɩ mɩ dii,
tutogi-nambɩl-folluŋ ma mɩ sɩɩ hɩɛnʋ kʋŋkala tuo.
2Nɩalɩŋ sɩɩ fá Wɩa tintee-la lɛ lɛlɛ nɛ,
nʋʋkala tuo a ŋɩŋaa wɩaa ba bʋa lɛ.
Nʋʋkala hu a gbɩgbɛrɛ nɩaa nɛ dɩ ʋ kpʋ.
Nʋʋkala ka bagɩlɛ ʋ naambie nɛ.
3Nʋʋkala kaasɛ wʋbɔŋŋɔɔ ŋaanɩŋ lɛ nɛ,
sɩpaalaaraa chɩchɛ kʋmɔlɩɩba.
Sarɩya diiree lɩlaa kpalaa,
nɩalɩŋ dɩchɩnɩŋ sɩ yuŋŋie ŋɩŋaa wɩalɩŋ ba sɩ cho,
ba kala vʋʋra hɩhɛ dɔŋɔ.
4Ba tʋɔŋ kʋ-la sɩ kpɩa nagɛ sɔgɩrɩgalɩa nɛ
ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ.
Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ,
tapʋlɩɩ-la Wɩa sɩ jaŋ dɔgɩsɛma.
Bʋa deeŋ lɛ nɛ ma wɩaa jaŋ vʋgʋmɛ.
5Ŋ dɩ nɩɩ-la sɩ jʋʋ kpɩkpagɛ dɔŋɔ, sɩ́ ʋ laa dii,
a sɩ́ ŋ yɩɛlaa joŋo hɛ ŋ nandɔŋɔ lɛ.
Nɩɩ-la ma ŋ sɩ paala guoro pɩŋ,
jɩŋ ŋ niiŋ kɛnɩŋ ʋ teeŋ,
6bɛɛ wɩaa hambolibiisiŋ sɩɩŋ bɩ ba nyɩmmaba ka su.
Hantolibiisiŋ ma kɛŋ ba naamba yuyuo yuosuŋ,
bii-haalaa kɛŋ ba bala naamba yuyuo yuosuŋ.
Nuhuobiine dʋndɔŋŋɔɔ nɛ ŋaa ʋ tɩtɩa dɩa nɩaa.
7Ama mɩ-na, mɩɩ beŋ La TƖƖNA lɛ nɛ a yɩyɩɛlʋ.
Mɩ gbɛrɛ Wɩa nɛ, mɩ Laataara,
mɩ Wɩa jaŋ jegile nɩɩ mɩ teeŋ.
Iziral tɩŋŋaa jaŋ sii
8Mɩ dʋndɔmɔ, sɩ́ mɩ nyuŋ jʋɔsʋ,
mɩ tele ma nɛ, ama mɩ jaŋ sii.
Mɩ hɔŋ birimiŋ tʋɔŋ nɛ,
ama La TƖƖNA nɛ jaŋ ŋaa mɩ pʋlʋmʋŋ.
9Mɩ ŋaa wʋbɔŋŋɔɔ nɛ La TƖƖNA lɛ,
ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ,
a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ
a leŋ dɩ mɩ laa kʋsɩŋŋaa.
Ʋ jaŋ kɛmmɛ kʋ lɩɩ pʋlʋmʋŋ,
dɩ mɩ na ŋɩɩ ʋ sɩ laamɛ ta.
10Mɩ dʋndɔmɔ jaŋ na wɩɩ-la
dɩ hɩɩsɩŋ kɛnʋ.
Nɩɩ-la sɩ pɩɛsɛmɛ,
“Nɩɩ nɛ ŋ TƖƖNA Wɩa hɛ?”
Mɩ sɩɩŋ jaŋ na ʋ teliŋ,
dɩ ba nʋɔsʋ
a nagɛ vʋchɔɔŋ sɩ hɛ womporuŋ lɛ.
11Jerusalɛm nɩaa, tapʋlɩɩ-la ma sɩ jaŋ bɩra paa ma kɛrɩsɩŋ saa ka kɔ nɛ,
tapʋlɩɩ-la nɛ ma jaŋ kɛŋ ma tinteeŋ bʋa jalla pɛ.
12Tapʋlɩɩ-la nɩaa jaŋ lɩɩ Asiiria
arɩ Ijipiti tinteeŋ a kɔ ma teeŋ.
Nɩaa jaŋ paala kɔ ma teeŋ a chɩŋ Ijipiti tinteeŋ lɛ
a kaa mʋ yi Yufireti fuo-la,
a bɩra chɩŋ mʋgʋ-balɩŋ dɔŋɔ lɛ a kaa mʋ dɔŋɔ,
a chɩŋ peeliŋ dɔŋɔ lɛ a kaa mʋ dɔŋɔ.
13Dʋnɩa sɛmɛ-la sɩ ka jaŋ pɩŋ hoi a tɩŋ wʋbɔmɔ-la
nɩalɩŋ sɩ hɛ ʋ lɛ sɩɩ ŋaa wɩaa.
Mɩka chʋɔlɛ Wɩa a dɛnnʋ
14La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ.
Ba ŋaa ŋ nɩaa nɛ ŋ sɩ lɩɩsa
a hɛ duuŋ tʋɔŋ,
ya-fɩɛlɩŋ golliba.
Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ
a nagɛ ba sɩɩ ŋaa ŋɩɩ faafaa-la.
15Ŋɩɩ nɛ La TƖƖNA bʋl, “Mɩ jaŋ ŋaa wʋmagɩlaa dagɛma
a nagɛ bʋa-la mɩ fa sɩ kɛmma kʋ lɩɩ Ijipiti tinteeŋ lɛ.”
16Tinteyee nɩaa jaŋ na wɩalɩŋ dɩ hɩɩsɩŋ kɛmba,
arɩ ba sɩ kɛŋ doluŋ ma kala.
Ba niiŋ jaŋ maa,
ka dɩ ba dɩgɩlaa ma taŋ.
17Ba jaŋ mʋsɛ hagɩla a nagɛ dɩmɩŋ,
a nagɛ kɩalɩŋ sɩ kɛŋ bɔyɛ tuuri tinteeŋ.
Ba jaŋ lɩɩ ba dɩjʋʋlaa lɛ a chichel.
Ba jaŋ mɩɩra kɔ a fɩfá La TƖƖNA Wɩa,
aŋ fɩfá ma ma.
18Wɩa, nʋʋkala tuo a nagɩŋ,
ŋ nɛ nɩɩ-la sɩ joŋ ŋ nɩalɩŋ sɩ ka
a bɩ sʋba wʋcheelee arɩ ba wʋbɔŋŋɔɔ a chɛba.
Ŋ bɩ baanɩŋ na didieni,
ŋ cho nɩaa nenige fanɩŋ nɛ.
19Ŋ jaŋ bɩra fá la nenige,
ŋ jaŋ nʋɔsa tɔ la wʋcheelee
aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.
20Ŋ jaŋ kɛŋ wʋtɩtɩɩ Jekɔb teeŋ,
a fá Abɩraham doho nɩaa nenige,
a nagɛ ŋ sɩ hɛ niiŋ pɩ la naabalɩmaba ŋɩɩ
faafaa kala.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014