MƖKA 5
5
Wɩa hɛ niiŋ arɩ kuoro jaŋ lɩɩ Bɛtɩlɛhɛm nɛ
1Jerusalɛm tɩmma, má kɛŋ ma laalɩyuoroo hɛ dɔŋɔ,
bɛɛ wɩaa ba golloo yuola nɛ.
Ba jaŋ joŋ daaŋ ŋmoo
Iziral kuoro chaŋkpaŋɩŋ lɛ.
2Bɛtɩlɛhɛm Ɛfɩrata,
Juda tinteeŋ tasɩŋ kala tʋɔŋ ŋ nɛ muuro.
Ama La TƖƖNA sɩ ʋ jaŋ lɩɩsɛ kuoro ŋ lɛ
dɩ ʋ bibeŋ Iziral,
nɩɩ-la doho nɩaa sɩɩ dii kuoruŋ faafaa kala.
3Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ
a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie.
Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ
jaŋ mɩɩra kɔ ba nɩaa teeŋ.
4Bile jaŋ chaasa chɩŋ a kɛŋ ʋ TƖƖNA Wɩa doluŋ
arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ.
Ba jaŋ hɔŋ wɩɩkala bɩ baa walɩmɛ,
bɛɛ wɩaa ʋ ballɩŋ jaŋ yi dʋnɩa sɛmɛ kala.
5Ʋ nɛ jaŋ leŋ dɩ ba hɔŋ arɩ fɩɛlɩŋ.
La TƖƖNA jaŋ laa ʋ nɩaa ta
Dɩ Asiiria tɩŋŋaa nɛ kɔ dɩ ba yuo la tinteeŋ
a chichei la dɩ-duoruŋ,
la jaŋ leŋ la sɩpaalaarɩ duoruŋ
baŋmɛnɛ ku lɩɩ yuoba.
6Ba jaŋ yuo dii Asiiria tinteeŋ,
a jaŋ chei Nɩmɩrɔd tintee-la.
Ba jaŋ laala ta Asiiria tɩŋŋaa nɩsɩŋ lɛ,
dɩ ba nɛ kʋ jʋʋ la tinteeŋ a yuyuola.
7Jekɔb doho nɩalɩŋ sɩ ka a bɩ sʋba
jaŋ guoli nɩ-daŋ tʋɔŋ.
Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ,
koo duonuŋ sɩ yie mirise hɛ kɩaa lɛ ba wasɛ ŋɩɩ.
Wɩaa deemba kala ka ŋaa Wɩa doluŋ lɛ nɛ,
nuhuobiine doluŋ lɛ dee.
8Jekɔb doho nɩkaana-la jaŋ guoli tinteyee nɩaa tʋɔŋ,
a hɛ nɩ-daŋ tʋɔŋ,
a nagɛ naachigiŋ sɩ guoli baga kɩaa tʋɔŋ duuŋ lɛ.
Ba nagɛ naachigi-bie sɩ guoli pie-laalɩŋ lɛ nɛ,
a yie fɩla chɩchaalɛba a kɛmba pʋɔsa ta vɩvɛŋ
ka nʋʋ tuo dɩ ʋ laaba ta.
9Iziral tɩŋŋaa jaŋ yuo dii ma dʋndɔŋŋɔɔ,
ma jaŋ chei ma dʋndɔmɔ-la kala.
La TƖƖNA jaŋ dɔgɩsɛ ʋ nɩaa
10La TƖƖNA sɩ, “Bʋa-la lɛ,
mɩ jaŋ chei ma janɩŋ
a chei ma janɩŋ torukoba ma.
11Mɩ jaŋ chei tabalaa sɩ hɛ ma tinteeŋ lɛ,
aŋ ŋmoo ma dɩ-duoruŋ ma kala lo.
12Mɩ jaŋ chei ma hɩl wɩalɩŋ
dɩ ma bɩra sɩ́ vʋgʋ.
13Mɩ jaŋ chei ma tɔmɔ-la ma sɩ kɛŋ daaŋ saa
aŋ yɛrɛ vʋɩyaa tabɩa-la ma sɩ hɛ ma tʋɔŋ,
dɩ ma bɩra sɩ́ kɩalɩŋ
ma sɩ ŋaa sɩpaaŋ kpirimu.
14Mɩ jaŋ churi vene-la ba sɩɩ yɩrɛ Asɩra daasɩ-la sɩ pɛ ma tʋɔŋ ta,
aŋ ŋmoo ma tabalaa lo.
15Mɩ jaŋ joŋ baaŋ-la mɩ sɩ faasa na
a fɩɩsɛ tinteye-la nɩaa sɩ bɩ mɩ niiŋ sɛyɛ lɛ.”
Právě zvoleno:
MƖKA 5: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014