HOSIA 7
7
Iziral tɩŋŋaa cho nɩbɔŋ wɩaa
1Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala,
Efirem wʋbɔŋŋɔɔ yie chaasa lɩɩ chɩŋ nɛ kporo,
Samarɩa ma nɩbɔŋ wɩaa chɩŋ kporo.
Baa nyɩsɛ nɩaa nɛ,
gaaraa boro jʋjʋʋ nɩaa dɩɩsɩŋ
wɛŋ-boruroo gurigoo laa nɩaa kɩaa womporunuŋ lɛ.
2Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ.
Ba wʋbɔŋŋɔɔ golliba nɛ,
ba hɛ mɩ sɩpaaŋ bʋa na-kala.
3Ba yie ŋaa wʋbɔŋŋɔɔ a leŋ kuoro tʋɔŋ tɔrɛ,
a nyɩɛ wɩaa ba sɩpaalaaraa ma tʋɔŋ tɔrɛ.
4Ba kala ka ŋaa wʋlɩɩlɩŋ nɛ.
Ba nagɛ tabʋʋŋ ba sɩ hɛ nyiniŋ ʋ faasa didii nɛ,
nɩɩ-la sɩɩ wasɛ boroboro bɩra bɩ kaa hɩhɛ,
aŋ buu munuŋ bil halɩɩ ʋ sii pʋɔra dɛrɛ.
5Kuoro gbiele tapʋlʋŋ,
ʋ dɩ ʋ tɩntɩnnɩ-hɩasɩŋ yie nyʋa sɩnɩŋ bugi nɛ.
Ʋ dɩ nɩalɩŋ sɩɩ sieru lɛ ŋaa wʋtɔɔnʋŋ.
6Ba tʋɔŋ nagɛ nyiniŋ sɩ hɛ tabʋʋŋ lɛ a didii nɛ,
ka ba ŋɩŋaa badɛ wɩaa.
Ba tʋɔbɩɩnaa nʋnʋgɛ tɩtaŋɩŋ kala,
chʋchʋɔŋ, ba hosi a nagɛ nyiniŋ sɩ hoso.
7Ba kala lɩma nɛ a nagɛ tabʋʋŋ.
Ba kpʋ ba sɩpaalaaraa nɛ.
Ba kuoroo kala sʋʋ tɩtɩgɛ dɔŋɔ lɛ,
ka ba kʋŋkala bɩ bunso pɩmɛ, dɩ mɩ pɛ ʋ lɛ.
8Efirem guoli tinteyee tʋɔŋ nɛ,
ʋ nagɛ kɩŋkɛsɩmɩŋ ba sɩ bɩ kaa bɩrɩmɛ nɛ.
9Nʋhʋɔraa lɩɩsɛ ʋ doluŋ,
ama ʋ bɩ jɩŋ.
Ʋ nyuŋ pʋlla nɛ,
ama ʋ bɩ jɩŋ.
10Iziral sɩɩ-duoŋ daga arɩ ʋ laa cheeriŋ nɛ.
Ama wɩaa deemba kala lɛ,
ʋ bɩ mɩɩra kɔ ʋ TƖƖNA Wɩa teeŋ,
a bɩ bee chɛʋ ma.
11Efirem nagɛ kokomo nɛ
a yaarɛ, ʋ nyɩsɩŋ ŋaa mɔlɩɩ.
Ʋ yie yɩrɛ Ijipiti nɩaa dɩ ba pɛ ʋ lɛ,
aŋ mɩɩra fá mʋ Asiiria nɩaa teeŋ.
12Dɩ ba nɛ mʋa, mɩ jaŋ joŋ mɩ jóŋ a yuo kɛsɛba.
Mɩ jaŋ lɛrɛba tuu a nagɛ diibiisiŋ sɩɩ fil wɩa-nyuŋ.
Dɩ mɩ nɛ nɩa dɩ ba kʋ hɛ dɔŋɔ,
mɩ jaŋ kɛsɛba.
13Wɩɩŋ puuba,
bɛɛ wɩaa ba yeŋŋe nɛ mɩ teeŋ.
Mɩ jaŋ cheiba,
bɛɛ wɩaa ba vɩa mɩ niiŋ nɛ.
Mɩ fa cho dɩ mɩ laaba ta nɛ,
ama ba nyɩɛ wɩaa nɛ pɩpɩmɛ.
14Ba tʋɔŋ kala dee ba kaa yele pɩpɩmɛ,
ba mɩɩrɛ mɩ harɩŋ nɛ.
Dɩ ba nɛ sʋla chɩchɛ kʋdiilee arɩ sɩnɩŋ
ba yie pɩŋ ba bɔsʋnʋŋ lɛ nɛ
a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.
15Mɩ dagɛba nɛ woruŋ a leŋ ba kɛŋ doluŋ,
ka ba vʋʋrɛ wʋbɔŋŋɔɔ a tɩgɛ mɩ lɛ.
16Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ,
ba nagɛ toŋ sɩ golibo nɛ.
Ba jaŋ kpʋ ba sɩpaalaaraa laalɩŋ lɛ,
a tɩŋ nii-jɩgɩ wɩalɩŋ ba sɩɩ bʋl.
Wɩɩŋ deeŋ wɩaa,
ba jaŋ mɔmba Ijipiti tinteeŋ lɛ.”
Právě zvoleno:
HOSIA 7: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
HOSIA 7
7
Iziral tɩŋŋaa cho nɩbɔŋ wɩaa
1Dɩ mɩ nɩɩ chɛ dɩ mɩ vaarɛ Iziral tɩŋŋaa na-kala,
Efirem wʋbɔŋŋɔɔ yie chaasa lɩɩ chɩŋ nɛ kporo,
Samarɩa ma nɩbɔŋ wɩaa chɩŋ kporo.
Baa nyɩsɛ nɩaa nɛ,
gaaraa boro jʋjʋʋ nɩaa dɩɩsɩŋ
wɛŋ-boruroo gurigoo laa nɩaa kɩaa womporunuŋ lɛ.
2Ama ba bɩ jɩŋ dɩ mɩɩ liisi ba wʋbɔŋŋɔɔ kala nɛ.
Ba wʋbɔŋŋɔɔ golliba nɛ,
ba hɛ mɩ sɩpaaŋ bʋa na-kala.
3Ba yie ŋaa wʋbɔŋŋɔɔ a leŋ kuoro tʋɔŋ tɔrɛ,
a nyɩɛ wɩaa ba sɩpaalaaraa ma tʋɔŋ tɔrɛ.
4Ba kala ka ŋaa wʋlɩɩlɩŋ nɛ.
Ba nagɛ tabʋʋŋ ba sɩ hɛ nyiniŋ ʋ faasa didii nɛ,
nɩɩ-la sɩɩ wasɛ boroboro bɩra bɩ kaa hɩhɛ,
aŋ buu munuŋ bil halɩɩ ʋ sii pʋɔra dɛrɛ.
5Kuoro gbiele tapʋlʋŋ,
ʋ dɩ ʋ tɩntɩnnɩ-hɩasɩŋ yie nyʋa sɩnɩŋ bugi nɛ.
Ʋ dɩ nɩalɩŋ sɩɩ sieru lɛ ŋaa wʋtɔɔnʋŋ.
6Ba tʋɔŋ nagɛ nyiniŋ sɩ hɛ tabʋʋŋ lɛ a didii nɛ,
ka ba ŋɩŋaa badɛ wɩaa.
Ba tʋɔbɩɩnaa nʋnʋgɛ tɩtaŋɩŋ kala,
chʋchʋɔŋ, ba hosi a nagɛ nyiniŋ sɩ hoso.
7Ba kala lɩma nɛ a nagɛ tabʋʋŋ.
Ba kpʋ ba sɩpaalaaraa nɛ.
Ba kuoroo kala sʋʋ tɩtɩgɛ dɔŋɔ lɛ,
ka ba kʋŋkala bɩ bunso pɩmɛ, dɩ mɩ pɛ ʋ lɛ.
8Efirem guoli tinteyee tʋɔŋ nɛ,
ʋ nagɛ kɩŋkɛsɩmɩŋ ba sɩ bɩ kaa bɩrɩmɛ nɛ.
9Nʋhʋɔraa lɩɩsɛ ʋ doluŋ,
ama ʋ bɩ jɩŋ.
Ʋ nyuŋ pʋlla nɛ,
ama ʋ bɩ jɩŋ.
10Iziral sɩɩ-duoŋ daga arɩ ʋ laa cheeriŋ nɛ.
Ama wɩaa deemba kala lɛ,
ʋ bɩ mɩɩra kɔ ʋ TƖƖNA Wɩa teeŋ,
a bɩ bee chɛʋ ma.
11Efirem nagɛ kokomo nɛ
a yaarɛ, ʋ nyɩsɩŋ ŋaa mɔlɩɩ.
Ʋ yie yɩrɛ Ijipiti nɩaa dɩ ba pɛ ʋ lɛ,
aŋ mɩɩra fá mʋ Asiiria nɩaa teeŋ.
12Dɩ ba nɛ mʋa, mɩ jaŋ joŋ mɩ jóŋ a yuo kɛsɛba.
Mɩ jaŋ lɛrɛba tuu a nagɛ diibiisiŋ sɩɩ fil wɩa-nyuŋ.
Dɩ mɩ nɛ nɩa dɩ ba kʋ hɛ dɔŋɔ,
mɩ jaŋ kɛsɛba.
13Wɩɩŋ puuba,
bɛɛ wɩaa ba yeŋŋe nɛ mɩ teeŋ.
Mɩ jaŋ cheiba,
bɛɛ wɩaa ba vɩa mɩ niiŋ nɛ.
Mɩ fa cho dɩ mɩ laaba ta nɛ,
ama ba nyɩɛ wɩaa nɛ pɩpɩmɛ.
14Ba tʋɔŋ kala dee ba kaa yele pɩpɩmɛ,
ba mɩɩrɛ mɩ harɩŋ nɛ.
Dɩ ba nɛ sʋla chɩchɛ kʋdiilee arɩ sɩnɩŋ
ba yie pɩŋ ba bɔsʋnʋŋ lɛ nɛ
a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.
15Mɩ dagɛba nɛ woruŋ a leŋ ba kɛŋ doluŋ,
ka ba vʋʋrɛ wʋbɔŋŋɔɔ a tɩgɛ mɩ lɛ.
16Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ,
ba nagɛ toŋ sɩ golibo nɛ.
Ba jaŋ kpʋ ba sɩpaalaaraa laalɩŋ lɛ,
a tɩŋ nii-jɩgɩ wɩalɩŋ ba sɩɩ bʋl.
Wɩɩŋ deeŋ wɩaa,
ba jaŋ mɔmba Ijipiti tinteeŋ lɛ.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014