HOSIA 12
12
1Efirem daa to peliŋ harɩŋ nɛ dɩ ʋ dɩɛsʋ,
ʋ yie kire to peliŋ sɩ lɩɩ wɩɩpɔsʋŋ harɩŋ tapʋl-piliŋ kala,
a nyɩnyɩɛ wɩaa kɩŋkɛŋ kɩŋkɛŋ a hɩhɛ yuosuŋ.
Ʋ dɩ Asiiria tɩŋŋaa nɛ pɛ niiŋ
a kɛŋ olif nʋʋŋ mʋ Ijipiti tinteeŋ.
2La TƖƖNA kɛŋ wɩɩ nɛ dɩ ʋ bʋla tɩgɛ Juda lɛ,
ʋ jaŋ dɔgɩsɛ Jekɔb a tɩŋ ŋɩɩ ʋ sɩɩ ŋaa wɩaa,
a joŋ ʋ wʋŋaalaa chɩmɩŋ tiŋ ʋ lɛ.
3Ʋ naaŋ luoruŋ tʋɔŋ, ʋ kɛŋ ʋ naambie naatilimiŋ lɛ nɛ,
ʋ sɩ waa baal, ʋ kɛŋ Wɩa loo.
4Ʋ kɛŋ Wɩa tɩndaara loo, a loo dii,
a yel a sʋlʋ dɩ ʋ pɛ ʋ lɛ.
Jekɔb na Wɩa lee-la ba sɩɩ yɩrɛ Bɛtɛl,
nɩmɛ nɛ Wɩa bʋl wɩaa ʋ teeŋ.
5La TƖƖNA doluŋ kala Tɩɩna,
ʋ yɩrɩŋ nɛ La TƖƖNA, nʋʋkala jɩŋ.
6Ŋɩɩ wɩaa mɩɩra mʋ ŋ Wɩa teeŋ,
a chou aŋ pɛ kɛŋ wʋtɩtɩɩ,
a gbɛrɛ ŋ Wɩa bʋa na-kala.
7Iziral tɩŋŋaa nagɛ bayalaa sɩ kɛŋ sanɩaba sɩ bɩ zɔŋ nɛ a mɩmagɩsɛ kɩaa,
ba cho nɩaa gʋrʋŋ.
8Efirem bigisi ʋ tɩtɩa lɛ a bʋl,
“Mɩ kɛŋ kɩaa nɛ woruŋ, mɩ nɛ dʋa kɩalɩŋ.
Mɩ kɛŋ dʋa-la ŋɩɩ nɛ, ka nʋʋ bɩ jaŋ wuo na dɩ mɩ
chei wɩɩ koo dɩ mɩ ŋaa wʋbɔŋ.”
9Wɩa sɩ, “Mɩ nɛ ma TƖƖNA Wɩa,
mɩ nɛ kɛmma kaa kʋ lɩɩ Ijipiti tinteeŋ lɛ.
Mɩ jaŋ bɩra leŋ dɩ ma jʋʋ lɛŋŋɛɛ
a nagɛ ma lɛŋŋɛɛ gbiele tapʋlaa.
10Mɩ bʋl wɩaa pɩ mɩ wʋlaabʋllaa nɛ
a joŋ wɩaa yʋgɛ a dagɛba arɩ duosoo tʋɔŋ,
a to ba lɛ a magɛ namagaba a pɩma.”
11Gɩlɩad ŋaa ta-bɔŋ nɛ,
nɩalɩŋ sɩ hɛ ʋ lɛ ŋaa nɩtɔɔnʋ nɛ.
Ba kɛŋ nɛ-belliŋ kpʋkpaarɛ vʋɩyaa nɛ Gɩlɩgal lɛ.
Ba vʋɩ-kpaarɛ korunu-la jaŋ pɩŋ
a nagɛ tabɩaa ba sɩ paa chʋɔrɛ baga lɛ.
12Jekɔb lɩɩ fá mʋ Siiria tinteeŋ,
nɩmɛ nɛ Iziral tɩŋ tɩntɩŋŋaa ka dɩ ʋ laa haala,
piesee nɛ ʋ daa aŋ laa haal-la.
13La TƖƖNA tɩŋ ʋ wʋlaabʋlla nɛ ʋ kɛŋ Iziral tɩŋŋaa kʋ lɩɩ Ijipiti tinteeŋ lɛ,
Wɩa wʋlaabʋllʋ-la lɛ nɛ ʋ to a beŋ ba nyuŋ.
14Ama Efirem chaasa leŋ La TƖƖNA baanɩŋ sii nɛ ʋ nyuŋ.
La TƖƖNA jaŋ leŋ dɩ nɩalɩŋ ʋ sɩ kpʋa cheeriŋ nyʋa ʋ nyuŋ lɛ.
Ʋ jaŋ joŋ jomo-la ʋ sɩ tʋʋsʋ chɩmɩŋ timu.
Právě zvoleno:
HOSIA 12: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014