AMƆS 8
8
Tɩɩ-nɛŋ bɩɩlaa sɩ hɛ sime tʋɔŋ
1Wɩalɩŋ La Tɩɩna Wɩɩjarɩbakɔ sɩ joŋo dagɛmɛ arɩ duosoo tʋɔŋ nɛ ŋ-la: Tɩɩ-nɛŋ bɩɩlaa sɩ hɛ sime tʋɔŋ. 2La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?”
Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.”
Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.
3Yɩɩla-la ba sɩ yie yɩɩ mɩ dɩɩ-balɩŋ lɛ, tapʋlɩɩ-la ba jaŋ mɩɩra bɩrɩmɛ yele, dɩ ba ŋmoo niiŋ a yel. Nɩaa jaŋ yʋgɛ sʋʋ a su leriŋ kala dɩ leriŋ ŋaa fʋɩɩ.
Mɩ-na ma TƖƖNA Wɩɩjarɩbakɔ nɛ bʋla.”
4Ŋɩɩ nɛ Amɔs bʋl, “Má jegile nɩɩ wɩɩŋ deeŋ,
ma nɩalɩŋ sɩ yie kɛŋ nɩalɩŋ sɩ bɩ ba tɩtɩa lɛ wuo pɛ a jɩla tutuu,
a leŋ summoo nyɩɩgɛ tinteeŋ lɛ.
5Ma yie pɩɛsɛ ma tɩtɩa,
‘Chɛ bɛɛ nɛ chɛŋ-falɩŋ gbiele jaŋ bal
ka dɩ la yallɛ mɩaa?
Chɛɛ bɛɛ nɛ chɛ-wiesii-la chɛɛŋ jaŋ bal
ka dɩ la kɛŋ mɩaa gbaŋa muuri,
a hɛ kɩaa yalɩŋ,
a kɛŋ sanɩaba-la sɩ bɩ zɔŋ a magɩsa gʋrɛ nɩaa?
6La jaŋ wuo joŋ mɩɩ-hagɩla a yallɛ yal-haaŋ,
a yɔɔ summo-la sɩ bɩ ba chɩŋŋaa wuo tiŋ dɩ ba ŋaa la yosi,
dɩ ba chɩmɩŋ nɛ paala bɩ nɛntɛŋŋɛɛ yalɩŋ yie ma.’ ”
7La TƖƖNA, ma Jekɔb doho nɩaa sɩ kaa ŋmoo bɔyɛ hɛ niiŋ a bʋl, “Mɩ bɩ jaŋ yʋ wɩalɩŋ ba sɩ ŋaa kʋŋkala.
8Ma tinteeŋ jaŋ zigili a tɩŋ ma wʋŋaalaa wɩaa,
dɩ ma nɩalɩŋ kala sɩ hɛ ʋ lɛ yel.
Tintee-la kala jaŋ sii aŋ bɩra tuu pɩŋ
a nagɛ Ijipiti tinteeŋ fuo-la ba sɩɩ yɩrɛ Naayɩl
fa sɩ sii ŋɩɩ aŋ bɩra tuu pɩŋ.”
9La Tɩɩna Wɩɩjarɩbakɔ sɩ, “Tapʋlɩɩ-la,
mɩ jaŋ leŋ dɩ wɩɩpɔsʋŋ jʋʋ,
dɩ leriŋ kala biri lim wɩɩhɛyɛ.
10Mɩ jaŋ leŋ dɩ ma Wɩɩchʋɔlɛ gbielee kala bɩrɩmɛ yoho.
Ma yɩɩlaa ma kala jaŋ bɩrɩmɛ yele.
Ma jaŋ laalɛ tʋɔ-chei gɛnnɩŋ
aŋ fʋŋ ma nyusuŋ a nagɛ nʋʋ sɩ lʋl ʋ hambolibii-bala ʋ sʋʋ ʋ yiyel.
Tapʋlɩɩ-la dɩdɛrɩŋ jaŋ lɔrɛ.”
11La Tɩɩna Wɩɩjarɩbakɔ bɩra bʋla,
“Bʋa kʋbala jaŋ yi dɩ mɩ leŋ dɩ losuŋ jʋʋ ma tinteeŋ.
Ʋ bɩ naga kʋdiilee nɛ jaŋ nyaa koo lɩɩnyʋasʋŋ nɛ jaŋ kɛmma,
ama ma jaŋ cho dɩ ma nɩɩ mɩ niiŋ wɩaa, aŋ bɩ jaŋ nɩɩ.
12Ma jaŋ gɔllɛ lee-kala,
a chɩchɛ dɩ ma nɩɩ mɩ-na ma TƖƖNA niiŋ wɩaa,
a chɩŋ wɩɩpɔsʋŋ nagʋa dɩɩrɩŋ a mʋmʋ wɩɩpɔsʋŋ dɩɩrɩŋ,
a gɔllɛ tinteeŋ kala, ama ma bɩ jaŋ nɩɩ.
13Bʋa-la lɛ
lɩɩnyʋasʋŋ jaŋ kɛŋ ma hatol-zɔmɔ-la
arɩ ma bapʋɔsɩ duoruŋ dɩ ba yiegi.
14Ma nɩalɩŋ sɩ ta niiŋ Samarɩa koo Daŋ koo Bɛɛsɩba tinteeŋ vesiŋ lɛ,
jaŋ tel a bɩra bɩ jaŋ wuo sii.”
Právě zvoleno:
AMƆS 8: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014