AMƆS 3
3
Pɛ-naara-la ba sɩ yɩra a tɩgɛ Iziral tɩŋŋaa lɛ
1Iziral tɩmma, má jegile nɩɩ wɩɩ-la La Tɩɩna sɩ bʋla a tɩgɛ ma lɛ,
ma tintee-la kala nɩaa ʋ sɩ kaa kʋ lɩɩ
Ijipiti tinteeŋ lɛ,
2Ʋ sɩ, “Tinteye-la kala sɩ hɛ dʋnɩa lɛ,
ma dʋndʋŋa nɛ mɩ lɩɩsɛ.
Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.
3Nɩaa balɩa jaŋ wuo to dɔŋɔ dɩ ba niiŋ nɛ bɩ kʋbala ŋaa?
4Naachigiŋ jaŋ huhuosi duuŋ tʋɔŋ dɩ ʋ nɛ bɩ ʋ kʋdiiliŋ naa?
Ʋ jaŋ hʋhʋʋnɛ ʋ dɩpɩnɩŋ dɩ kʋŋ dee ʋ kaa didii?
5Bɛrɛ́ jaŋ wuo kɛŋ diibie tinteeŋ lee-la ba sɩ bɩ bɛrɛ́ hɛɛ?
Bɛrɛ́ jaŋ wuo yuo, dɩ kʋŋ dee bɩ nʋɔsa dɩ ʋ kɛnʋ?
6Ba jaŋ wuo ŋmʋʋ laalɩŋ banyile taŋ lɛ
ka fawʋllʋŋ bɩ nɩaa ka kɛŋ?
Wʋlɔrʋŋ jaŋ wuo ŋaa taŋ lɛ,
dɩ mɩ-na ma Tɩɩna dee bɩ kaa kɔ?
7Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa,
mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.
8Dɩ naachigiŋ nɛ huoso, kʋbɛɛ nɛ fawʋllʋŋ bɩ jaŋ kɛŋ?
Dɩ mɩ-na ma Tɩɩna Wɩɩjarɩbakɔ nɛ bʋl wɩaa,
nʋʋkala bɩ wɩalɩŋ wuo laa tɔrɔ.
9Amɔs, heele bʋla pɩ Asɩdɔd sɩpaalaaraa arɩ Ijipiti sɩpaalaaraa-la,
‘Má kala kʋ hilimi Samarɩa peele-la nyuŋ,
a na wɩaa sɩ faasa vʋgʋmɛ ŋɩɩ nɩmɛ arɩ wʋbɔmɔ-la ba sɩɩ ŋaa.’
10Ba paala bɩ wɩaa ba bʋa lɛ ŋaanɩŋ jɩŋ.
Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.
11Ŋɩɩ wɩaa, wɩɩ-la mɩ-na ma Tɩɩna Wɩɩjarɩbakɔ bɩra sɩ bʋla nɛ ŋ-la:
Dʋndɔŋŋɔɔ jaŋ kʋ golli ba tinteeŋ chu,
a chei ba dɩ-duoruŋ kala
aŋ jʋʋ paa dʋa-la sɩ hɛ ba dɩɩ-duoruŋ lɛ.”
12Ŋ-la nɛ La Tɩɩna bɩra bʋl:
“Ŋ jɩŋ pie-daara sɩ lorigo laa piese naasɩŋ haŋgbelee balɩa
koo dɩgɩlɩŋ naachigiŋ niiŋ lɛ ŋɩɩ,
ŋɩɩ tɩtɩa nɛ ba jaŋ lorigo laa Iziral tɩŋŋaa,
nɩalɩŋ sɩ hɛ Samarɩa lɛ a hɔŋ kɩaa tɩŋŋaa kʋpɩnaa niipinee lɛ
arɩ kumpuŋŋuba nyuŋ.”
13La Tɩɩna Wɩa doluŋ kala Tɩɩna bɩra sɩ,
“Má jegile nɩɩ wɩɩ-la mɩ sɩ jaŋ joŋo ŋaa Jekɔb doho nɩaa lɛ.
14Tapʋlɩɩ-la mɩ sɩ jaŋ tɩŋ Iziral tɩŋŋaa wʋbɔŋŋɔɔ wɩaa a dɔgɩsɛba,
mɩ jaŋ chei Wɩɩsʋllɩ korunu-la sɩ hɛ Bɛtɛl lɛ.
Koru na-kala gʋnaa jaŋ boro tel tinteeŋ.
15Mɩ jaŋ ŋmoo dɩɩsɩ-la ba sɩ saa yɩ-biiniŋ arɩ tafaaŋ a lo.
Dɩɩsɩ-la kala ba sɩ kɛŋ batu-nyɩlaa kpɩɛrɛ arɩ dɩɩ-bala-la,
mɩ jaŋ chei ba kala.
Mɩ-na ma Tɩɩna nɛ bʋla.”
Právě zvoleno:
AMƆS 3: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
AMƆS 3
3
Pɛ-naara-la ba sɩ yɩra a tɩgɛ Iziral tɩŋŋaa lɛ
1Iziral tɩmma, má jegile nɩɩ wɩɩ-la La Tɩɩna sɩ bʋla a tɩgɛ ma lɛ,
ma tintee-la kala nɩaa ʋ sɩ kaa kʋ lɩɩ
Ijipiti tinteeŋ lɛ,
2Ʋ sɩ, “Tinteye-la kala sɩ hɛ dʋnɩa lɛ,
ma dʋndʋŋa nɛ mɩ lɩɩsɛ.
Ŋɩɩ wɩaa nɛ tɩɩ mɩ jaŋ dɔgɩsɛma a tɩŋ ma wʋbɔŋŋɔɔ wɩaa.
3Nɩaa balɩa jaŋ wuo to dɔŋɔ dɩ ba niiŋ nɛ bɩ kʋbala ŋaa?
4Naachigiŋ jaŋ huhuosi duuŋ tʋɔŋ dɩ ʋ nɛ bɩ ʋ kʋdiiliŋ naa?
Ʋ jaŋ hʋhʋʋnɛ ʋ dɩpɩnɩŋ dɩ kʋŋ dee ʋ kaa didii?
5Bɛrɛ́ jaŋ wuo kɛŋ diibie tinteeŋ lee-la ba sɩ bɩ bɛrɛ́ hɛɛ?
Bɛrɛ́ jaŋ wuo yuo, dɩ kʋŋ dee bɩ nʋɔsa dɩ ʋ kɛnʋ?
6Ba jaŋ wuo ŋmʋʋ laalɩŋ banyile taŋ lɛ
ka fawʋllʋŋ bɩ nɩaa ka kɛŋ?
Wʋlɔrʋŋ jaŋ wuo ŋaa taŋ lɛ,
dɩ mɩ-na ma Tɩɩna dee bɩ kaa kɔ?
7Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa,
mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.
8Dɩ naachigiŋ nɛ huoso, kʋbɛɛ nɛ fawʋllʋŋ bɩ jaŋ kɛŋ?
Dɩ mɩ-na ma Tɩɩna Wɩɩjarɩbakɔ nɛ bʋl wɩaa,
nʋʋkala bɩ wɩalɩŋ wuo laa tɔrɔ.
9Amɔs, heele bʋla pɩ Asɩdɔd sɩpaalaaraa arɩ Ijipiti sɩpaalaaraa-la,
‘Má kala kʋ hilimi Samarɩa peele-la nyuŋ,
a na wɩaa sɩ faasa vʋgʋmɛ ŋɩɩ nɩmɛ arɩ wʋbɔmɔ-la ba sɩɩ ŋaa.’
10Ba paala bɩ wɩaa ba bʋa lɛ ŋaanɩŋ jɩŋ.
Yuosuŋ nɛ ba yuo a gurigo laa nɩaa kɩaa a su ba dɩɩ-duoruŋ.
11Ŋɩɩ wɩaa, wɩɩ-la mɩ-na ma Tɩɩna Wɩɩjarɩbakɔ bɩra sɩ bʋla nɛ ŋ-la:
Dʋndɔŋŋɔɔ jaŋ kʋ golli ba tinteeŋ chu,
a chei ba dɩ-duoruŋ kala
aŋ jʋʋ paa dʋa-la sɩ hɛ ba dɩɩ-duoruŋ lɛ.”
12Ŋ-la nɛ La Tɩɩna bɩra bʋl:
“Ŋ jɩŋ pie-daara sɩ lorigo laa piese naasɩŋ haŋgbelee balɩa
koo dɩgɩlɩŋ naachigiŋ niiŋ lɛ ŋɩɩ,
ŋɩɩ tɩtɩa nɛ ba jaŋ lorigo laa Iziral tɩŋŋaa,
nɩalɩŋ sɩ hɛ Samarɩa lɛ a hɔŋ kɩaa tɩŋŋaa kʋpɩnaa niipinee lɛ
arɩ kumpuŋŋuba nyuŋ.”
13La Tɩɩna Wɩa doluŋ kala Tɩɩna bɩra sɩ,
“Má jegile nɩɩ wɩɩ-la mɩ sɩ jaŋ joŋo ŋaa Jekɔb doho nɩaa lɛ.
14Tapʋlɩɩ-la mɩ sɩ jaŋ tɩŋ Iziral tɩŋŋaa wʋbɔŋŋɔɔ wɩaa a dɔgɩsɛba,
mɩ jaŋ chei Wɩɩsʋllɩ korunu-la sɩ hɛ Bɛtɛl lɛ.
Koru na-kala gʋnaa jaŋ boro tel tinteeŋ.
15Mɩ jaŋ ŋmoo dɩɩsɩ-la ba sɩ saa yɩ-biiniŋ arɩ tafaaŋ a lo.
Dɩɩsɩ-la kala ba sɩ kɛŋ batu-nyɩlaa kpɩɛrɛ arɩ dɩɩ-bala-la,
mɩ jaŋ chei ba kala.
Mɩ-na ma Tɩɩna nɛ bʋla.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014