AMƆS 4
4
Iziral tɩŋŋaa ha bɩ Wɩa teeŋ mɩɩra kɔ
1La Tɩɩna sɩ, “Ma haala-la sɩ hɛ Samarɩa lɛ,
a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ,
lee-la ba sɩɩ yɩrɛ Basaŋ, má jegile nɩɩ wɩɩŋ deeŋ:
Ma nɛ nɩalɩŋ sɩ dɔgɩsɛ summoo,
aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu,
aŋ yie bʋla pɩ ma balaba, ‘Má pɩla sɩnɩŋ.’
2Mɩ-na ma Tɩɩna Wɩɩjarɩbakɔ ŋmɩɛsa nɛ mɩ yɩrɩ zɔmʋŋ lɛ:
Bʋa kʋbala jaŋ yi dɩ ba kɛŋ gbɩamba kɛsɛma a nagɛ ba sɩ yie kɛŋ chenfilee ŋɩɩ.
3Ba jaŋ kɛmma lɛrɛ to ma taŋ jeye-la bʋɔsʋŋ a lɩɩ to Hamɔŋ tinteeŋ dɩɩrɩŋ.
Mɩ-na ma Tɩɩna nɛ bʋla.”
4La Tɩɩna bɩra sɩ, “Ma-na Iziral tɩŋŋaa, má mʋ Bɛtɛl arɩ Gɩlɩgal a ŋaa wʋbɔŋŋɔɔ,
a fɩɛsɛ sɩɩŋ a vɩvɩa mɩ niiŋ, ma wʋbɔŋŋɔɔ ka chʋɔrʋ nɛ.
Má kpʋ pʋsʋŋ sʋl Wɩɩsʋlʋŋ chʋchʋa na-kala,
a kɛŋ ma kɩaa kpaa leree fii jɩsɩŋ batori na-kala a joŋ kʋbala pɩmɛ.
5Má nyɩgɛ boroboro-la sɩ kɛŋ sɩbʋrʋŋ a sʋl Wɩɩsʋlʋŋ,
a kɛŋ ma tʋɔtɔrɛ Wɩɩsʋlʋŋ kɩaa ma sʋl Wɩɩsʋlʋŋ aŋ ŋmoo ma bɔɩsɩŋ lɛ.
Wʋbɔmɔ-la ma Iziral tɩŋŋaa sɩ cho dɩ maa ŋaa nɛ ŋɩɩ.
Mɩ-na ma Tɩɩna Wɩɩjarɩbakɔ nɛ bʋla.
6Mɩ nɛ leŋe losuŋ jʋʋ ma tabalaa arɩ ma tabiisiŋ kala,
ka ma ha vɩamɛ.
Mɩ-na ma Tɩɩna nɛ bʋla.
7Ʋ sɩ ka chɛnsɩŋ batori ka dɩ ma ŋaa ma baga kɩaa,
mɩ bɩ leŋe duonuŋ nɩɩ.
Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa.
Mɩ yie leŋ ʋ nɩɩ baga dɔŋɔ lɛ,
aŋ bɩ dɔŋɔ ma lɛ nɩa, ʋ kɩaa kala sʋʋ.
8Nɩaa yie lɩɩ tasɩŋ dɔnsʋŋ lɛ a baara mʋ
taŋ-la sɩ kɛŋ lɩɩŋ a chɩchɛ dɩ ba nyʋa,
aŋ bɩ na nyʋa vʋvɔgɛ.
Ka ma ha vɩa dɩ ma mɩɩra kɔ mɩ teeŋ.
Mɩ-na ma TƖƖNA nɛ bʋla.
9Mɩ leŋe hɩlɩŋ chɩŋ nɛ ma bagɩsɩŋ lɛ,
ma ŋmaŋkaanɩŋ arɩ ma girep tɩɩsɩŋ bagɩsɩŋ kala lɛ,
ma kʋduuloo kala hɩl.
Hɔbɔ dii ma tutogusuŋ arɩ ma olif tɩɩsɩŋ kala,
ka ma ha vɩa dɩ ma mɩɩra kɔ mɩ teeŋ.”
10La Tɩɩna bɩra sɩ,
“Mɩ joŋ nyanyal bɔŋŋɔɔ hɛ ma lɛ nɛ
arɩ mɩ fa sɩ ŋaa ŋɩɩ Ijipiti tɩŋŋaa lɛ.
Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ,
mɩ leŋ sʋʋnʋŋ sʋɔra su ma bugoo kala,
ka ma ha vɩa dɩ ma mɩɩra kɔ mɩ teeŋ.
11Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ.
Ma fa nagɛ daasɩŋ sɩɩ dii nyiniŋ nɛ,
mɩ kɛmma tɩɛrɛ nyiŋ-la lɛ.
Ka ma ha vɩa dɩ ma mɩɩra kɔ mɩ teeŋ.
Mɩ-na ma Tɩɩna nɛ bʋla.
12Ŋɩɩ wɩaa, mɩɩ chɛ dɩ mɩ dii ma sarɩya nɛ Iziral tɩmma.
Má ŋaa siri a cheŋ mɩ-na ma Wɩa.
13Má bee na, mɩ nɛ ŋaa peelee arɩ peliŋ,
a kɛŋ mɩ tʋɔbɩɩnaa a dagɛ nuhuobiine.
Mɩ nɛ yie ŋaa taŋ biri,
aŋ vɩvɛŋ peelee nyuŋ.
Mɩ yɩrɩŋ nɛ ma Tɩɩna Wɩa doluŋ kala Tɩɩna.”
Právě zvoleno:
AMƆS 4: SIS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014
AMƆS 4
4
Iziral tɩŋŋaa ha bɩ Wɩa teeŋ mɩɩra kɔ
1La Tɩɩna sɩ, “Ma haala-la sɩ hɛ Samarɩa lɛ,
a nɛrɛ nagɛ nɛsɩ-la sɩ hɛ Samarɩa peelee nyuŋ pʋsʋŋ dɩ-diiliŋ,
lee-la ba sɩɩ yɩrɛ Basaŋ, má jegile nɩɩ wɩɩŋ deeŋ:
Ma nɛ nɩalɩŋ sɩ dɔgɩsɛ summoo,
aŋ kɛŋ nɩalɩŋ sɩ bɩ ba tɩtɩa lɛ wuo pɛ a jɩlaa tuu,
aŋ yie bʋla pɩ ma balaba, ‘Má pɩla sɩnɩŋ.’
2Mɩ-na ma Tɩɩna Wɩɩjarɩbakɔ ŋmɩɛsa nɛ mɩ yɩrɩ zɔmʋŋ lɛ:
Bʋa kʋbala jaŋ yi dɩ ba kɛŋ gbɩamba kɛsɛma a nagɛ ba sɩ yie kɛŋ chenfilee ŋɩɩ.
3Ba jaŋ kɛmma lɛrɛ to ma taŋ jeye-la bʋɔsʋŋ a lɩɩ to Hamɔŋ tinteeŋ dɩɩrɩŋ.
Mɩ-na ma Tɩɩna nɛ bʋla.”
4La Tɩɩna bɩra sɩ, “Ma-na Iziral tɩŋŋaa, má mʋ Bɛtɛl arɩ Gɩlɩgal a ŋaa wʋbɔŋŋɔɔ,
a fɩɛsɛ sɩɩŋ a vɩvɩa mɩ niiŋ, ma wʋbɔŋŋɔɔ ka chʋɔrʋ nɛ.
Má kpʋ pʋsʋŋ sʋl Wɩɩsʋlʋŋ chʋchʋa na-kala,
a kɛŋ ma kɩaa kpaa leree fii jɩsɩŋ batori na-kala a joŋ kʋbala pɩmɛ.
5Má nyɩgɛ boroboro-la sɩ kɛŋ sɩbʋrʋŋ a sʋl Wɩɩsʋlʋŋ,
a kɛŋ ma tʋɔtɔrɛ Wɩɩsʋlʋŋ kɩaa ma sʋl Wɩɩsʋlʋŋ aŋ ŋmoo ma bɔɩsɩŋ lɛ.
Wʋbɔmɔ-la ma Iziral tɩŋŋaa sɩ cho dɩ maa ŋaa nɛ ŋɩɩ.
Mɩ-na ma Tɩɩna Wɩɩjarɩbakɔ nɛ bʋla.
6Mɩ nɛ leŋe losuŋ jʋʋ ma tabalaa arɩ ma tabiisiŋ kala,
ka ma ha vɩamɛ.
Mɩ-na ma Tɩɩna nɛ bʋla.
7Ʋ sɩ ka chɛnsɩŋ batori ka dɩ ma ŋaa ma baga kɩaa,
mɩ bɩ leŋe duonuŋ nɩɩ.
Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa.
Mɩ yie leŋ ʋ nɩɩ baga dɔŋɔ lɛ,
aŋ bɩ dɔŋɔ ma lɛ nɩa, ʋ kɩaa kala sʋʋ.
8Nɩaa yie lɩɩ tasɩŋ dɔnsʋŋ lɛ a baara mʋ
taŋ-la sɩ kɛŋ lɩɩŋ a chɩchɛ dɩ ba nyʋa,
aŋ bɩ na nyʋa vʋvɔgɛ.
Ka ma ha vɩa dɩ ma mɩɩra kɔ mɩ teeŋ.
Mɩ-na ma TƖƖNA nɛ bʋla.
9Mɩ leŋe hɩlɩŋ chɩŋ nɛ ma bagɩsɩŋ lɛ,
ma ŋmaŋkaanɩŋ arɩ ma girep tɩɩsɩŋ bagɩsɩŋ kala lɛ,
ma kʋduuloo kala hɩl.
Hɔbɔ dii ma tutogusuŋ arɩ ma olif tɩɩsɩŋ kala,
ka ma ha vɩa dɩ ma mɩɩra kɔ mɩ teeŋ.”
10La Tɩɩna bɩra sɩ,
“Mɩ joŋ nyanyal bɔŋŋɔɔ hɛ ma lɛ nɛ
arɩ mɩ fa sɩ ŋaa ŋɩɩ Ijipiti tɩŋŋaa lɛ.
Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ,
mɩ leŋ sʋʋnʋŋ sʋɔra su ma bugoo kala,
ka ma ha vɩa dɩ ma mɩɩra kɔ mɩ teeŋ.
11Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ.
Ma fa nagɛ daasɩŋ sɩɩ dii nyiniŋ nɛ,
mɩ kɛmma tɩɛrɛ nyiŋ-la lɛ.
Ka ma ha vɩa dɩ ma mɩɩra kɔ mɩ teeŋ.
Mɩ-na ma Tɩɩna nɛ bʋla.
12Ŋɩɩ wɩaa, mɩɩ chɛ dɩ mɩ dii ma sarɩya nɛ Iziral tɩmma.
Má ŋaa siri a cheŋ mɩ-na ma Wɩa.
13Má bee na, mɩ nɛ ŋaa peelee arɩ peliŋ,
a kɛŋ mɩ tʋɔbɩɩnaa a dagɛ nuhuobiine.
Mɩ nɛ yie ŋaa taŋ biri,
aŋ vɩvɛŋ peelee nyuŋ.
Mɩ yɩrɩŋ nɛ ma Tɩɩna Wɩa doluŋ kala Tɩɩna.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©Ghana Institute of Linguistics Literacy and Bible Translation 1984, 2014