Chhóng-sṳ Ki 49

Ngâ-kok Lìm-chûng ke fa

1Ngâ-kok seu-si̍p kì ke-têu lai-é lòi, tui kì-têu kóng: “Ngì-têu hàng-vá lòi, ngài oi chiông ngì-têu chiông-lòi voi tù-tó ke sṳ lâu ngì-têu kóng.

2Ngâ-kok ke lai-é â, oi chhi-si̍p lòi-thâng!

Liù-sîm thâng ngiâ-pâ Yî-set-lie̍t ke fa.

3Lî-phien â, ngì he ngài ke chóng-chṳ́, ngì he ngài ke chîn-li̍t;

ngì he ngài sṳ̀n-ngìn yî-heu kiung ke thi-yit ke lai-é,

he ngài chui khiòng-chong, chui khâm-tet kiêu-ngau ke lai-é.

4Mò sióng-tó, ngì ke chhìn-yu̍k chhiong thai-súi fam-lam,

ngì lâu â-pâ ke se-chiá soi,

tá lá-sap â-pâ ke mìn-chhòng,

só-yî ngì cho-m̀-tet khî-thèu.

5Sî-mién lâu Li-vi he lù-màn hiûng-thi;

kì-têu yung tô-kiam hi-hàng phau-li̍t.

6Ngài mò-oi chhâm-kâ kì-têu ke yîm-mèu,

mò-oi lâu kì-têu khiung-ha si̍p-fi;

yîn-vi kì-têu khién-to chhiu chhṳ̀-ngìn,

chám-thôn ngiù ke kiok-kîn chún-káu.

7Kì-têu ke phì-hi chhin-lie̍t, yin-kôi su chu-chú;

kì-têu tông-ok tông chhàn-ngiûn, yin-kôi su hìn-fa̍t.

Ngài oi sṳ́ kì-têu fûn-san chhai Ngâ-kok ke kâ-chhu̍k,

sṳ́ kì-têu chhai Yî-set-lie̍t-ngìn tông-chûng fûn-san thet-hi.

8Yù-thai â, ngì ke hiûng-thi lûng-chúng voi chhṳ̂n-chan ngì.

Ngì voi kha̍k-tén thi̍t-ngìn ke kiáng-kîn;

ngì ke-têu hiûng-thi voi chhai ngì mien-chhièn khúi-pai.

9Yù-thai chhiong seu-chong ke sṳ̂-é,

chok-tó lia̍p-vu̍t tai-chón thung-tú;

kì chhiong sṳ̂-é phu̍k-tén soi,

mò-ngìn kám ngiâ kì!

10Yù-thai voi yit-chhṳ̍t chóng-kón vòng-khièn,

kì ke heu-thoi voi chhòng-kiú thúng-chhṳ.

Van-koet voi hiong kì chin-kung,

van-mìn voi hiong kì khúi-pai.

11Kì ke phù-thò-su tô-to m̀ kiâng lì-è lòi sóng,

song-tén ke phù-thò-su thò se lì-è ya mò koân-he;

phù-thò-chiú tô-to yû-hó sé-sâm,

phù-thò-chṳp ya tô-to cho-tet sé thai-ó.

12Kì ke muk-chû pí chiú hàn-kha mìn-liong;

kì ke ngà-chhṳ́ pí nen hàn-kha pha̍k.#49:12 Pún-chiet ya-he yi̍t-cho “Kì ke muk-chû yîn-vi lîm-chiú lîm-to fùng-fùng; kì ke ngà-chhṳ́ yîn-vi sṳ̍t-nen sṳ̍t-to pha̍k-pha̍k.”

13Sî-pu-lùn voi he̍t chhai hói-sùn,

kì voi sàng-cho thìn-sòn ke kóng-héu;

kì ke liâng-thú voi theu-to Sî-tun.

14Yî-sat-kâ chhiong chap-chen ke lì-è,

phu̍k chhai lióng-chak yòng-làn chûng-kiên.

15Kì fôn-hí ôn-thin ke thi-fông,

oi chhin-phì ke thú-thi;

só-yî kì oi pà chhûng-tâm,

cho khú-kûng chhiu-chhiong nù-phu̍k.

16Tan voi thoi chhṳ-kâ ke chṳ́-mìn sṳ̂n-yên,

chhiong Yî-set-lie̍t khì-thâ kî-chhu̍k yit-yong.

17Tan voi chhiong lu-sùn ke sà-kô,

se-lu ke thu̍k-sà;

kì ngâu-sông mâ-thài,

hoi khì-mâ ke vang hâ-lòi.

18Song-chú â, ngài tén-heu Ngì ke chṳ́n-kiu!

19Kâ-tet voi pûn khiòng-tho kûng-kit,

chúng-he kì voi fán-sû chón-yàng.

20Â-sat ke thú-thi he fûng-fu ke kuk-chhông;

kì yi-phi hó-sṳ̍t ke tûng-sî kiúng-fung kiûn-vòng.

21Nâ-fut-thâ-li he chhṳ-yù chéu-chhong ke lu̍k-mà,

kì kiung ke se lu̍k-é fî-sòng tet-ngìn-siak.

22Yok-sit chhiong chhièn-súi sùn ke yâ-lì,

chhiong sân-kông táng ke se yâ-mâ.#49:22 “Yok-sit ... se yâ-mâ” ya-he yi̍t-cho “Yok-sit chhiong chhièn-súi sùn ke su-é, chhiong tô kiet kó-chṳ́ ke su-kî chhûn-chhut chhiòng-ngoi.”

23Thi̍t-ngìn khiòng-khiòng oi kûng-kit kì,

khôi-kiûng sa-chien lòi pet-hoi kì.

24Chúng-he yí-kho Ngâ-kok thai-nèn ke Song-ti,

kì ke kiûng hàn-he chhin ngang-chhàng;

yîn-vi Yî-set-lie̍t ke mu̍k-ngìn he ngì ke pó-fu chá,

kì ke sú hàn kiak-pán yû-li̍t.

25Ngiâ-pâ ke Song-ti voi pông-chhu ngì,

chhiòn-nèn ke Song-ti su-fuk pûn ngì.

Kì su-pûn ngì thiên-táng ke kâm-lìm, thi-song ke chhièn-súi,

liuk-hiuk hîn-vong, chṳ́-sûn chung-tô.

26Kì sṳ́ ngì ńg-kuk fûng-tên, fâ-chhó sòng-khôi;

yû van-sṳ ke sân-kông, yún-chhùn ke sân-ma̍k.

Ngien liá yit-chhiet fuk-hi kong chhai Yok-sit ke thèu-nà táng,

kong chhai thi-hiûng chûng chui yû-siu ke yit-vi sṳ̂n-song.

27Phien-ngâ-mén chhiong tet-ngìn-vi ke sài-lòng;

kì chêu-sṳ̀n thûn-sṳ̍t só chok-tó ke,

am-pû-sṳ̀ pûn só chhióng-lòi ke.”

28Yî-song he Yî-set-lie̍t ke sṳ̍p-ngi kî-chhu̍k; liá ya he kì-têu ke â-pâ lìm-chûng chhièn tui mî-yit ke lai-é só liù-hâ ke vùi-ngièn; kì cheu kok-ngìn ke sin-chhìn, phín-hen, kóng ha̍p-sṳt ke fa chuk-fuk tak-ke lai-é.

Ngâ-kok ke Sí lâu Mài-chong

29Ngâ-kok fûn-fu kì ke-têu lai-é kóng: “Ngài voi-sí lé; ngì-têu oi chiông ngài lâu ngài ke chú-siên chong khiung-ha, chhiu-he chhai Het-ngìn Yî-fut-lùn thièn-kiên ke lùng-tú. 30Liá-ke lùng chhai Kâ-nàm-thi, Man-li tûng-phién ke Ma̍k-pí-lâ, he Â-pak-lâ-hón hiong Het-ngìn Yî-fut-lùn mâi-lòi cho fùn-mu ke. 31Â-pak-lâ-hón lâu kiâ pû-ngiòng Sâ-lâ chong chhai ke-vi; Yî-sat lâu kiâ pû-ngiòng Li-pak-kâ ya chong chhai ke-vi; ngài ya chiông Li-â chong chhai ke-vi. 32Liá-thièn lâu thièn-kiên ke lùng he tui Het-ngìn mâi-lòi ke.” 33Ngâ-kok kâu-tai kì ke-têu lai-é liá-têu fa yî-heu, chhiu chiông kiok kiû-sông mìn-chhòng, thôn-hi ko-sṳ̂n, chón-to kiâ chú-chûng ke-vi hi.

Právě zvoleno:

Chhóng-sṳ Ki 49: THV12Rdb

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)