Mak 14
14
Yeesu kpoe vɔrɔwa wa
(Mat 26:1-5; Luk 22:1-2; Jɔn 11:45-53)
1A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo, 2dɛ ŋɔ, “Nɛndamanta nɔ aa dɛ ba chema ya bena nyoa nɔ dii ta nɔ, dɛ ya kpoo ɡɛ tɔpera nɔ ta naa, baa lɛ ɡaeeh.”
Ba fuɡe noo do Yeesu nyu ta
(Mat 26:6-13; Jɔn 12:1-8)
3Yeesu la Bɛtani dɛ ka choɡ Seemɔn weechɔɡa fa aa chɔɡ o bwara ka la dea. Baa dɛ di kwaa la, haah bɛl kpɔ nosɔɔhsoma a yoɡ aa kpeɡa loŋbir bɛl ba jo ba be. O baa paɡre loŋ la dɛ wee nosɔɔhsoma la dɛɛ do Yeesu nyu ta.
4Dɛ nɛra baa lɔ bela la bane baah diu, baa bɔɔ dɔŋa ŋɔ, “Aah nosɔɔhsoma nɔ ɡe ken chɔɡa nɔ munii ameo? 5Ba fe yoɡa aa, o fe ɛɛ le suuɡajena tentenee ba fee kpɔ tɛ nyaara. A ɡɛ fe ta bɔe kɛŋɔ ɡɛ nɔ waa ɛa nɔ naa?” Dɛ chwee haah la kohona.
6Asɛ Yeesu ŋɔ, “Hé ɡelo jeiih ken. Ɛrɛɛ hɛɛ hao ɡɛ nɔɔ? Wedɛɛɡee o ɛɛ mɛ la. 7Nyaara aa he be paŋa ba bwa. Dɛ he dɛ nyin ban wedɛɛɡa ɛɛ yaa, hɛɛ wonoo dɛɛ ɛɛ ba saŋ bɛlbwa. Kɛ n te, maa he bee do ka tonɛ. 8Anla waa won ɛ laanee o ɛ la. N huɡa laalee o pu sie dɛɛ kpɔ dɛ fuɡe nosɔɔhsoma dɛɛ ta n nɛɛ la. 9Kasinteŋ, bobɛlbwa baa bol Amanesoma nɔ harɛ ta bobɛlbwa la, baa bol waa waa ɛa nɔ waa dɛ́ kpɔ liiru.”
10Asɛ Judas Eskareɔt waa ɛ Yeesu habɔteŋra fi dɛ banɛ la bɛl la ir la Sɔfonomonome be dɛ ka ŋɔ wɛɛ wonoo cha ba ásɛ ba lawɛ Yeesu.#Jɔn 13:2 11Baa no ɡɛ la, ba sie lɛo, dɛ ŋɔ baa tɛo suuɡaa. Asɛ Judas pa mun dɛɛ nyin ŋwɛnɛ bɛl dɛ́ won ɡel ba dɔɔ.
Kondikwaa baa dia dɛ kpɔ dɛɛ lii Yeesu wa
(Mat 26:17-25; Luk 22:7-14, 21-23; Jɔn 13:21-30)
12Paanoo Iisi Aa Wola Toole a ta tɔpeloɡle la taa, baa kpoo Galekaa pebiiri dɛ ɛ nawee we-ɛɛla. Awola tɔpere la, Yeesu habɔteŋra la bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”#Kaa 12:1—13:16
13Belaa o tomɛ ba nɛra banɛ dɛ ŋɔ ba be ŋɔ, “Hé la bwɛjen bini. He kaa na baa bɛl o che vii ne nee aa, hé teŋɛ o nɛ 14dɛ́ ka jo dem waa jo o ta la. He laŋaa, hé ŋɔ dem te la be ŋɔ nomoa la ŋɔ lee dea o ne o habɔteŋra aa dɛ ba Galekaa kondikwaa o bini dii la dɔɔ? 15Ásɛ o baɡle heyaa abrɔsane doa dea bɛl baa kwaaro dɛ nyin kane bwa cheɡ o bini kɛrɛdɛ la. Belaa hɛɛ ba ya kondikwaa bwa ɛɛ dɛ cheɡ.”
16O habɔteŋra la aa la bwɛjen la ta la, ɡɛ waa baɡla la tentenee ba ka na, asɛ dɛ daa ba Galekaa kondikwaa la bela.
17A jɔmɔra ne la, Yeesu ne o habɔteŋra la ba bela. 18Baa soɡa dɛɛ di kwaa la, Yeesu ŋɔ ba be ŋɔ, “Kasinteŋ, he nɛra n ne haa pɛ nɔn dɛɛ di kwaa nɔ bini bɛlee dɛɛ ba n yoɡa tɛ nɛra la.”
19Ate, dɛ ba teene bini chɔɡɔ, ba berɛ dɛɛ bɔɔro beŋkpoŋa beŋkpoŋa ŋɔ, “Menee kɛɛ? Menee kɛɛ?”
20Belaa Yeesu ŋɔ, “He nɛra fi dɛ banɛ nɔ n ne haa dɛ pɛ nɔn hɛna beŋkpoŋ bini nɔ bɛlee. 21Men Nɛn Bie la ɛɛ sewɔɔ ɡɛ Korowii Tɔn aa baɡla kɛŋɔ mɛɛ ɛo la. Kɛ naate waa yoɡ mɛ tɛ bá kpo mɛ la, ó bwɛɛlɛ! Ba fe ta on lolɛ kwaraa fe bɔ!”
22Baa dɛ di kwaa la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la, dɛ ŋɔ, “N bo-olii la. Hé lɛ dɛ́ di.”#1Kɔ 11:23-25
23Asɛ o berɛ kpɔ numol ne sen ɡe dɛ jam Korowii dɛ kpɔ tɛɛ ba, asɛ ba nyɔ ka tɛ dɔŋa.
24Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta. 25Kasinteŋ, maa a ɡɛ sen nɔ anee nyɔ kpa bwa, nemenɛ kɛŋɔ awola maa ba nyɔ anfala Korowii Kora la ta.”
26Asɛ ba ɡo yel bɛl dɛ jam Korowii, dɛ le kaa Ɔlevere Bwejen la ta.
Pita aa tɔah ŋɔ waa Yeesu jemɛ
(Mat 26:31-35; Luk 22:31-34; Jɔn 13:36-38)
27Belaa Yeesu ŋɔ ba be ŋɔ, “He bwa ɛɛ ba chwao ɡel mɛ, dɛkalkɛŋɔ Korowii Tɔn baɡlɔ kɛŋɔ,
‘Korowii ɛɛ kpo peteɡre laanee,
ásɛ peera la bwa lɔ peɡre.’#Sek 13:7
28Kɛ dɛ Korowii baa ir mɛ seo ta naa, mɛɛ tɔ he siee la Galilia harɛ ta.”
29Anee Pita ŋɔ o be ŋɔ, “Dɛ n bala nɔ bwa chwao ɡele kwara naa, n te aa chwa ɡele!”
30Belaa Yeesu ŋɔ Pita be ŋɔ, “Kasinteŋ, jabal loɡle ne sii kera anɛ kere chɔmbibi ne dɛ he tɔɔh kera atoro ŋɔ haa men jemɛ kwaraa!”
31Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa!” Gɛɛ o habɔteŋra la bwa ŋɔ baa o habɔɔ le bwa.
Yeesu soŋe Korowii Gɛtsɛmane
(Mat 26:36-46; Luk 22:39-46)
32Yeesu ne o habɔteŋra aa tel bela baa dɛ yerɛ Gɛtsɛmane la, o ŋɔ ba be ŋɔ, “Hé so bonɔ ásɛ n ka soŋe Korowii ba.” 33O kpɔ Pita ne Jems ne Jɔn ja o nɛ. Waa dɛ kaa la, dɛ ɔmee ne bambiteŋa lawɔ kohona. 34Asɛ o ŋɔ ba be ŋɔ, “N tea bini chɔɡɔ kohona to. A ɡbo ɛɛ kpo mɛɛ kwara. Hé so bonɔ dɛɛ were.”
35Asɛ o la sie tama dɛ ka pi harɛ, dɛ soŋe Korowii ŋɔ a fe ɛɛ maɡroo waa, waa aa dɛ ba la fe bɛ o nɛɛ chiɡ. 36Dɛ berɛ soŋo ja ŋɔ, “N Mɛɛ,#14:36 Aram tena wobol ta Abba munii Mɛɛ. wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”
37Asɛ Yeesu berɛ ba ba be dɛ ba na o habɔteŋra batoro la kɛŋɔ ba chɔɔɡe doromi. Anee o bɔɔ Seemɔn Pita ŋɔ, “Chɔe he chɔ aa? He ta wone were tamaa bɛlbwa naa?” 38Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”
39Asɛ o berɛ la dɛ ka soŋe Korowii ɡɛ o fa aa kaa soŋe la, 40dɛ berɛ ba ba be, dɛ ba chɔɔɡe doromi, dɛkalkɛŋɔ dɛ dom dɛ chuɡ ba taeh. Baa jemɛ ɡɛ baa bol o be kpa.
41Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo. 42Hé ir yá kaa. Hé na, naate waa dɛ ba n lee tɛ bá kpo mɛ laanee la.”
Yeesu lawa wa
(Mat 26:47-56; Luk 22:47-53; Jɔn 18:3-12)
43Yeesu ta aa dɛ bol waa, dɛ o habɔteŋra la bini bɛl baa dɛ yerɔ Judas balɔ. Nɛnlaa bane teŋɛ o nɛɛ dɛ kpoŋe tokobie ne keri ne ɡule. Sɔfonomonome ne Tɔnjerema la ne bela nomonomee tomɛ a ɡɛ nɛra nɔ.
44Baa dɛ ba la, Judas ŋɔ ba be ŋɔ, “Naate maa ɡbaaro pɛl n bambile dɛ mo o lwɛɛma la, hé lawɔ dɛ nyiŋu kɛrɛdɛ o bɛ won lɛ o te dɛ chwa.” 45Waa baa tel Yeesu be la, o ɡbaaro pɛl o bambile dɛ mo o lwɛɛma dɛ ŋɔ, “N Dɔɔ!” 46Belaa ba lawɔ. 47Asɛ Yeesu habɔteŋra la bɛl pamɛ o kere le o tɔɔ ta, dɛ kpɔ ŋwɛnɛ Sɔfonomoa la bonɔɔ deŋne dɛ laa cha.
48Asɛ Yeesu bɔɔ ba ŋɔ, “Ŋwɛɛree men he kpɔ keri ne ɡule dɛɛ ba hé ba laɡ mɛ naa? 49Saŋ la bwa maa lɔ Korowii Dea dɛɛ baɡle waa la, ɛrɛɛ haa wola men lawɔɔ? Gɛ aa ɛ ásɛ waa baa chwera la bwa ɛ kpela la, waa anɔ bwa ɛɛ ɛ nɔ.” 50Belaa Yeesu habɔteŋra la bwa lɔ peɡre dɛ chwao.
51Dɛ bonɔɔ bɛl kpɔ yapoŋ mile chara dɛ teŋɛ Yeesu nɛ, asɛ ba fe ɛɛ nyin o lawa, 52asɛ o ɡel yapoŋ la dɛ chwa kaa ɡɛ.
Yeesu kaa che Juu tena nomonome sie
(Mat 26:57-68; Luk 22:54-55, 63-71; Jɔn 18:13-14, 19-24)
53Belaa ba kpɔ Yeesu la Sɔfonomoa la dem. Dɛ Sɔfonomonome ne Tɔnjerema ne ba bela nomonome bwa cheme bela. 54Dɛ Pita teŋɛ ba nɛɛ bojaŋ dɛ ba jo nomoa la dem baah. Dɛ o ne soojare baa dɛ daah doonyoa la soɡo dɛɛ ŋwee nii.
55Sɔfonomonome ne Juu tena nomonome baa dɛ bol waa dɛɛ pa bole la bwa nyin ŋwɛnɛ la bwa ta baa che, dɛ́ di waa la bɔ Yeesu dɛ́ fee ɡel ba kpoo kahonɛ, 56dɛkalkɛŋɔ nɛra kɛrɛdɛ teŋe nyosone dawɛ Yeesu nɛ, kɛ dɛ ba webaɡla la aa beŋkpoŋ ɛ.
57Asɛ baala bane ir dɛ teŋe nyosone ŋɔ, 58“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”#Jɔn 2:19, 21 59Dɛ a ɡɛ nɛra nɔ ɡba webaɡla la ta beŋkpoŋ ɛɛ.
60Belaa Sɔfonomoa la ir che nɛra la bwa baah ta dɛ bɔɔ Yeesu ŋɔ, “Amɔ he ta wobɛlbwa dɔe dɛ́ chaŋe waa nɔ baa dɛ bol nɔ bɛlbwa naa?” 61Asɛ Yeesu tɔ nyoa, o ta wobɛlbwa chaŋɛ. Asɛ nomoa la berɛ bɔɔro ŋɔ, “Henee Korowii Bie Kristo la waa ŋɔa ŋɔ wɛɛ tomɔɔ ásɛ o ba lɛ yaa la aa?”
62Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”#Dan 7:13
63Asɛ Sɔfonomoa la laa o ɡbaɡba laala waa doa la kɛɛ dɛ ŋɔ, “Bɔkwa danseɛ yá berɛ so dɛ́ɛ nyin jaɔ? 64He ta nɛnhɛlwobol waa dɛ bol Korowii noɛ yaa? Ɛrɛɛ he na nɔ?” Ate, dɛ ba bwa ŋɔ, “O ɛ wechɔɡa. Hé kpoo!” 65Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.
Pita aa tɔɔh ŋɔ waa Yeesu jemɛ
(Mat 26:69-75; Luk 22:56-62; Jɔn 18:15-18, 25-27)
66Pita ta lɔ dem baah bela, asɛ Sɔfonomoa la tolo bɛl ba 67dɛ ba nao dɛ o dɛ ŋwee nii, dɛ nyiŋu jeiih ken dɛ ŋɔ, “Kɛ he ɡe fa teŋɛ Yeesu waa le Nasarɛt la nɛɛ laɔ?”
68Asɛ Pita tɔh pelepelepele ken, dɛ ŋɔ, “Bɔkwa waa hɛɛ bol nɔɔ? Maa a bini jemɛ kwara!” Waa bol ɡɛ tonɛ la, o kaa dem la doonyoa bɔr.
69Sɔfonomoa tolo la berɔ nao ja dɛ ŋɔ nɛra baa cheɡɛ bela la be ŋɔ, “Nɛra la bini bɛlee baa nɔ!” 70Asɛ Pita berɛ tɔh ŋɔ waa Yeesu jemɛ ja.
A ta biɡre bɛlbwa asɛ nɛra baa cheɡɛ bela la ŋɔ, “Haa won tɔh ŋɔ Yeesu nɛra la bɛl laa hen, dɛkalkɛŋɔ Galilia tee hen.”
71Asɛ Pita ŋwɛɛ ŋɔ, “Maa baa nɔ haa dɛ bol o waa nɔ jemɛ kwara!”
72Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.
Právě zvoleno:
Mak 14: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 14
14
Yeesu kpoe vɔrɔwa wa
(Mat 26:1-5; Luk 22:1-2; Jɔn 11:45-53)
1A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo, 2dɛ ŋɔ, “Nɛndamanta nɔ aa dɛ ba chema ya bena nyoa nɔ dii ta nɔ, dɛ ya kpoo ɡɛ tɔpera nɔ ta naa, baa lɛ ɡaeeh.”
Ba fuɡe noo do Yeesu nyu ta
(Mat 26:6-13; Jɔn 12:1-8)
3Yeesu la Bɛtani dɛ ka choɡ Seemɔn weechɔɡa fa aa chɔɡ o bwara ka la dea. Baa dɛ di kwaa la, haah bɛl kpɔ nosɔɔhsoma a yoɡ aa kpeɡa loŋbir bɛl ba jo ba be. O baa paɡre loŋ la dɛ wee nosɔɔhsoma la dɛɛ do Yeesu nyu ta.
4Dɛ nɛra baa lɔ bela la bane baah diu, baa bɔɔ dɔŋa ŋɔ, “Aah nosɔɔhsoma nɔ ɡe ken chɔɡa nɔ munii ameo? 5Ba fe yoɡa aa, o fe ɛɛ le suuɡajena tentenee ba fee kpɔ tɛ nyaara. A ɡɛ fe ta bɔe kɛŋɔ ɡɛ nɔ waa ɛa nɔ naa?” Dɛ chwee haah la kohona.
6Asɛ Yeesu ŋɔ, “Hé ɡelo jeiih ken. Ɛrɛɛ hɛɛ hao ɡɛ nɔɔ? Wedɛɛɡee o ɛɛ mɛ la. 7Nyaara aa he be paŋa ba bwa. Dɛ he dɛ nyin ban wedɛɛɡa ɛɛ yaa, hɛɛ wonoo dɛɛ ɛɛ ba saŋ bɛlbwa. Kɛ n te, maa he bee do ka tonɛ. 8Anla waa won ɛ laanee o ɛ la. N huɡa laalee o pu sie dɛɛ kpɔ dɛ fuɡe nosɔɔhsoma dɛɛ ta n nɛɛ la. 9Kasinteŋ, bobɛlbwa baa bol Amanesoma nɔ harɛ ta bobɛlbwa la, baa bol waa waa ɛa nɔ waa dɛ́ kpɔ liiru.”
10Asɛ Judas Eskareɔt waa ɛ Yeesu habɔteŋra fi dɛ banɛ la bɛl la ir la Sɔfonomonome be dɛ ka ŋɔ wɛɛ wonoo cha ba ásɛ ba lawɛ Yeesu.#Jɔn 13:2 11Baa no ɡɛ la, ba sie lɛo, dɛ ŋɔ baa tɛo suuɡaa. Asɛ Judas pa mun dɛɛ nyin ŋwɛnɛ bɛl dɛ́ won ɡel ba dɔɔ.
Kondikwaa baa dia dɛ kpɔ dɛɛ lii Yeesu wa
(Mat 26:17-25; Luk 22:7-14, 21-23; Jɔn 13:21-30)
12Paanoo Iisi Aa Wola Toole a ta tɔpeloɡle la taa, baa kpoo Galekaa pebiiri dɛ ɛ nawee we-ɛɛla. Awola tɔpere la, Yeesu habɔteŋra la bɔɔro ŋɔ, “Leperaa hɛɛ nyin kɛŋɔ ya ka ɛ Galekaa kondikwaa la tɛɛ he dio?”#Kaa 12:1—13:16
13Belaa o tomɛ ba nɛra banɛ dɛ ŋɔ ba be ŋɔ, “Hé la bwɛjen bini. He kaa na baa bɛl o che vii ne nee aa, hé teŋɛ o nɛ 14dɛ́ ka jo dem waa jo o ta la. He laŋaa, hé ŋɔ dem te la be ŋɔ nomoa la ŋɔ lee dea o ne o habɔteŋra aa dɛ ba Galekaa kondikwaa o bini dii la dɔɔ? 15Ásɛ o baɡle heyaa abrɔsane doa dea bɛl baa kwaaro dɛ nyin kane bwa cheɡ o bini kɛrɛdɛ la. Belaa hɛɛ ba ya kondikwaa bwa ɛɛ dɛ cheɡ.”
16O habɔteŋra la aa la bwɛjen la ta la, ɡɛ waa baɡla la tentenee ba ka na, asɛ dɛ daa ba Galekaa kondikwaa la bela.
17A jɔmɔra ne la, Yeesu ne o habɔteŋra la ba bela. 18Baa soɡa dɛɛ di kwaa la, Yeesu ŋɔ ba be ŋɔ, “Kasinteŋ, he nɛra n ne haa pɛ nɔn dɛɛ di kwaa nɔ bini bɛlee dɛɛ ba n yoɡa tɛ nɛra la.”
19Ate, dɛ ba teene bini chɔɡɔ, ba berɛ dɛɛ bɔɔro beŋkpoŋa beŋkpoŋa ŋɔ, “Menee kɛɛ? Menee kɛɛ?”
20Belaa Yeesu ŋɔ, “He nɛra fi dɛ banɛ nɔ n ne haa dɛ pɛ nɔn hɛna beŋkpoŋ bini nɔ bɛlee. 21Men Nɛn Bie la ɛɛ sewɔɔ ɡɛ Korowii Tɔn aa baɡla kɛŋɔ mɛɛ ɛo la. Kɛ naate waa yoɡ mɛ tɛ bá kpo mɛ la, ó bwɛɛlɛ! Ba fe ta on lolɛ kwaraa fe bɔ!”
22Baa dɛ di kwaa la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la, dɛ ŋɔ, “N bo-olii la. Hé lɛ dɛ́ di.”#1Kɔ 11:23-25
23Asɛ o berɛ kpɔ numol ne sen ɡe dɛ jam Korowii dɛ kpɔ tɛɛ ba, asɛ ba nyɔ ka tɛ dɔŋa.
24Asɛ o ŋɔ ba be ŋɔ, “Sen nɔ cheɡɔ tɛ n chal maa dɛ ba nɛra kɛrɛdɛ waa koeh dɛ́ fuɡe ta. Á ɛ fɔo dɛ chɔ Korowii ne nɛwɛnyini baah ta. 25Kasinteŋ, maa a ɡɛ sen nɔ anee nyɔ kpa bwa, nemenɛ kɛŋɔ awola maa ba nyɔ anfala Korowii Kora la ta.”
26Asɛ ba ɡo yel bɛl dɛ jam Korowii, dɛ le kaa Ɔlevere Bwejen la ta.
Pita aa tɔah ŋɔ waa Yeesu jemɛ
(Mat 26:31-35; Luk 22:31-34; Jɔn 13:36-38)
27Belaa Yeesu ŋɔ ba be ŋɔ, “He bwa ɛɛ ba chwao ɡel mɛ, dɛkalkɛŋɔ Korowii Tɔn baɡlɔ kɛŋɔ,
‘Korowii ɛɛ kpo peteɡre laanee,
ásɛ peera la bwa lɔ peɡre.’#Sek 13:7
28Kɛ dɛ Korowii baa ir mɛ seo ta naa, mɛɛ tɔ he siee la Galilia harɛ ta.”
29Anee Pita ŋɔ o be ŋɔ, “Dɛ n bala nɔ bwa chwao ɡele kwara naa, n te aa chwa ɡele!”
30Belaa Yeesu ŋɔ Pita be ŋɔ, “Kasinteŋ, jabal loɡle ne sii kera anɛ kere chɔmbibi ne dɛ he tɔɔh kera atoro ŋɔ haa men jemɛ kwaraa!”
31Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa!” Gɛɛ o habɔteŋra la bwa ŋɔ baa o habɔɔ le bwa.
Yeesu soŋe Korowii Gɛtsɛmane
(Mat 26:36-46; Luk 22:39-46)
32Yeesu ne o habɔteŋra aa tel bela baa dɛ yerɛ Gɛtsɛmane la, o ŋɔ ba be ŋɔ, “Hé so bonɔ ásɛ n ka soŋe Korowii ba.” 33O kpɔ Pita ne Jems ne Jɔn ja o nɛ. Waa dɛ kaa la, dɛ ɔmee ne bambiteŋa lawɔ kohona. 34Asɛ o ŋɔ ba be ŋɔ, “N tea bini chɔɡɔ kohona to. A ɡbo ɛɛ kpo mɛɛ kwara. Hé so bonɔ dɛɛ were.”
35Asɛ o la sie tama dɛ ka pi harɛ, dɛ soŋe Korowii ŋɔ a fe ɛɛ maɡroo waa, waa aa dɛ ba la fe bɛ o nɛɛ chiɡ. 36Dɛ berɛ soŋo ja ŋɔ, “N Mɛɛ,#14:36 Aram tena wobol ta Abba munii Mɛɛ. wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”
37Asɛ Yeesu berɛ ba ba be dɛ ba na o habɔteŋra batoro la kɛŋɔ ba chɔɔɡe doromi. Anee o bɔɔ Seemɔn Pita ŋɔ, “Chɔe he chɔ aa? He ta wone were tamaa bɛlbwa naa?” 38Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”
39Asɛ o berɛ la dɛ ka soŋe Korowii ɡɛ o fa aa kaa soŋe la, 40dɛ berɛ ba ba be, dɛ ba chɔɔɡe doromi, dɛkalkɛŋɔ dɛ dom dɛ chuɡ ba taeh. Baa jemɛ ɡɛ baa bol o be kpa.
41Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo. 42Hé ir yá kaa. Hé na, naate waa dɛ ba n lee tɛ bá kpo mɛ laanee la.”
Yeesu lawa wa
(Mat 26:47-56; Luk 22:47-53; Jɔn 18:3-12)
43Yeesu ta aa dɛ bol waa, dɛ o habɔteŋra la bini bɛl baa dɛ yerɔ Judas balɔ. Nɛnlaa bane teŋɛ o nɛɛ dɛ kpoŋe tokobie ne keri ne ɡule. Sɔfonomonome ne Tɔnjerema la ne bela nomonomee tomɛ a ɡɛ nɛra nɔ.
44Baa dɛ ba la, Judas ŋɔ ba be ŋɔ, “Naate maa ɡbaaro pɛl n bambile dɛ mo o lwɛɛma la, hé lawɔ dɛ nyiŋu kɛrɛdɛ o bɛ won lɛ o te dɛ chwa.” 45Waa baa tel Yeesu be la, o ɡbaaro pɛl o bambile dɛ mo o lwɛɛma dɛ ŋɔ, “N Dɔɔ!” 46Belaa ba lawɔ. 47Asɛ Yeesu habɔteŋra la bɛl pamɛ o kere le o tɔɔ ta, dɛ kpɔ ŋwɛnɛ Sɔfonomoa la bonɔɔ deŋne dɛ laa cha.
48Asɛ Yeesu bɔɔ ba ŋɔ, “Ŋwɛɛree men he kpɔ keri ne ɡule dɛɛ ba hé ba laɡ mɛ naa? 49Saŋ la bwa maa lɔ Korowii Dea dɛɛ baɡle waa la, ɛrɛɛ haa wola men lawɔɔ? Gɛ aa ɛ ásɛ waa baa chwera la bwa ɛ kpela la, waa anɔ bwa ɛɛ ɛ nɔ.” 50Belaa Yeesu habɔteŋra la bwa lɔ peɡre dɛ chwao.
51Dɛ bonɔɔ bɛl kpɔ yapoŋ mile chara dɛ teŋɛ Yeesu nɛ, asɛ ba fe ɛɛ nyin o lawa, 52asɛ o ɡel yapoŋ la dɛ chwa kaa ɡɛ.
Yeesu kaa che Juu tena nomonome sie
(Mat 26:57-68; Luk 22:54-55, 63-71; Jɔn 18:13-14, 19-24)
53Belaa ba kpɔ Yeesu la Sɔfonomoa la dem. Dɛ Sɔfonomonome ne Tɔnjerema ne ba bela nomonome bwa cheme bela. 54Dɛ Pita teŋɛ ba nɛɛ bojaŋ dɛ ba jo nomoa la dem baah. Dɛ o ne soojare baa dɛ daah doonyoa la soɡo dɛɛ ŋwee nii.
55Sɔfonomonome ne Juu tena nomonome baa dɛ bol waa dɛɛ pa bole la bwa nyin ŋwɛnɛ la bwa ta baa che, dɛ́ di waa la bɔ Yeesu dɛ́ fee ɡel ba kpoo kahonɛ, 56dɛkalkɛŋɔ nɛra kɛrɛdɛ teŋe nyosone dawɛ Yeesu nɛ, kɛ dɛ ba webaɡla la aa beŋkpoŋ ɛ.
57Asɛ baala bane ir dɛ teŋe nyosone ŋɔ, 58“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”#Jɔn 2:19, 21 59Dɛ a ɡɛ nɛra nɔ ɡba webaɡla la ta beŋkpoŋ ɛɛ.
60Belaa Sɔfonomoa la ir che nɛra la bwa baah ta dɛ bɔɔ Yeesu ŋɔ, “Amɔ he ta wobɛlbwa dɔe dɛ́ chaŋe waa nɔ baa dɛ bol nɔ bɛlbwa naa?” 61Asɛ Yeesu tɔ nyoa, o ta wobɛlbwa chaŋɛ. Asɛ nomoa la berɛ bɔɔro ŋɔ, “Henee Korowii Bie Kristo la waa ŋɔa ŋɔ wɛɛ tomɔɔ ásɛ o ba lɛ yaa la aa?”
62Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”#Dan 7:13
63Asɛ Sɔfonomoa la laa o ɡbaɡba laala waa doa la kɛɛ dɛ ŋɔ, “Bɔkwa danseɛ yá berɛ so dɛ́ɛ nyin jaɔ? 64He ta nɛnhɛlwobol waa dɛ bol Korowii noɛ yaa? Ɛrɛɛ he na nɔ?” Ate, dɛ ba bwa ŋɔ, “O ɛ wechɔɡa. Hé kpoo!” 65Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.
Pita aa tɔɔh ŋɔ waa Yeesu jemɛ
(Mat 26:69-75; Luk 22:56-62; Jɔn 18:15-18, 25-27)
66Pita ta lɔ dem baah bela, asɛ Sɔfonomoa la tolo bɛl ba 67dɛ ba nao dɛ o dɛ ŋwee nii, dɛ nyiŋu jeiih ken dɛ ŋɔ, “Kɛ he ɡe fa teŋɛ Yeesu waa le Nasarɛt la nɛɛ laɔ?”
68Asɛ Pita tɔh pelepelepele ken, dɛ ŋɔ, “Bɔkwa waa hɛɛ bol nɔɔ? Maa a bini jemɛ kwara!” Waa bol ɡɛ tonɛ la, o kaa dem la doonyoa bɔr.
69Sɔfonomoa tolo la berɔ nao ja dɛ ŋɔ nɛra baa cheɡɛ bela la be ŋɔ, “Nɛra la bini bɛlee baa nɔ!” 70Asɛ Pita berɛ tɔh ŋɔ waa Yeesu jemɛ ja.
A ta biɡre bɛlbwa asɛ nɛra baa cheɡɛ bela la ŋɔ, “Haa won tɔh ŋɔ Yeesu nɛra la bɛl laa hen, dɛkalkɛŋɔ Galilia tee hen.”
71Asɛ Pita ŋwɛɛ ŋɔ, “Maa baa nɔ haa dɛ bol o waa nɔ jemɛ kwara!”
72Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.