Mak 13
13
Gɛ Yeesu aa bol Korowii Dea chɔɡa wa
(Mat 24:1-2; Luk 21:5-6)
1Yeesu aa dɛ le Korowii Dea la, o habɔteŋra la bɛl ŋɔ, “Nomoa, na bwea baa kpɔa ma deene nɔ aa bara ɡɛ. Deene la kakan bee! A wer ɡe laa nɔ!”
2Anee Yeesu ŋɔ, “Kɛ he na dejena nɔ kenɛ? Ba ta ɛɛ paɡre a bwaa kwara, ásɛ a bwe beŋkpoŋ kwara aa lee do dɛ́ ta chɔŋɛ o dɔŋ ta kpa.”
Yeesu baɡle o habɔteŋra wahala baa na kerekere
(Mat 24:3-14; Luk 21:7-19)
3Asɛ Yeesu so Ɔlevere Bwejen la doa dɛɛ nyiŋi Korowii Dea la, asɛ Pita ne Jems ne Jɔn dɛ Andriu ɡbo ba o be, dɛ ba bɔɔro ŋɔ, 4“Waa la haa bola la, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ chiɡa teloo?”
5Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. 6Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim. 7Dɛ he baa no laa yoi waa ne laa ɡbɔɡa bobɛlbwa ɡe aa, he bɛ ɡel a ɛ heyaa wepiɡra, dɛkalkɛŋɔ a chɛ kɛŋɔ á ɛ ɡɛ. A ɡɛ waa nɔ bwa chɛ kɛŋɔ á chiɡ, dɛ wobɛlbwa jaɡa la ta tele mɔɔ. 8Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa. Kɛ anɔ bwa do kɛŋɔ haah loltea yon tɔ sie lɔɔ dɛ o lola ta tele mɔɔ la.
9Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba. 10Baa bol Amanesoma laanee baɡle nɛwɛnyina bwa mɔɔ wobɛlbwa jaɡa la ba. 11Dɛ ba baa lawɛ heya, dɛ la he ne nomonome sie naa, he bɛ ɡel waa haa dɛ ba bola la hiah heya. A baa tel kɛŋɔ hé bol wa aa, hé bol wobɛlbwa aa le he nyoa la, dɛkalkɛŋɔ waa haa dɛ ba bola la aa he bee le. Korowii Domadɛɛɡe la bee aa ba lee.
12Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba. 13Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.
14Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.#Dan 9:27; 11:31; 12:11 15Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa. 16Nomɛlbwa waa lɔ koo ta bɛ berɛ ŋɔ o dɛ kaa dem dɛ́ ka kpɔ o yal kpa. 17Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! 18Hé soŋe Korowii ásɛ a ɡɛ waa nɔ bɛ waa saŋ chiɡ oo! 19Dɛkalkɛŋɔ a ɡɛ wekpeɡa nɔ dɔŋa ta balɛ bwa. A ɔma! Dɛ den le saŋ la Korowii aa ta harɛ la dɛ kpoŋe ba le fini nɔ, nɛwɛnyini ta a dɔŋa nae bwa. A ɡɛ waa nɔ ɛo waa, a dɔŋa aa ɛɛ ba kpa.#Dan 12:1 20Dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Kɛ o koh o nɛra waa chal ba dɛ lɛɛ ba ba teŋɛ o nɛɛ la waa dɛ teŋe tɔpechɔɡa la ane ta. 21A ɡɛ saŋ la bane ɛɛ dɛɛ ŋɔɔ, ‘Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa laanee nɔ!’ Ásɛ bane ɡe ŋɔ, ‘On ka lɔ le la!’ A ɡɛ waa nɔ bwa baa ɛ aa, he bɛ a bɛlbwa yarada, 22dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.#Jer 14:14 23Hɛ́ɛ nyiŋi he te kɛrɛdɛ! N dɔɔ baɡle waa aa dɛ ba ɛɛ mɔɔ tɔpere la ba.
Men Nɛn Bie bala wa
(Mat 24:29-31; Luk 21:25-28)
24A ɡɛ wekpeɡa nɔ baa ɛ dɛ kaa laa,
wee aa bɔr chaahna ba kpa,
korobie ɡe aa bɔr chaahna ba kpa.#Aes 13:10
25Weweela dɛ ba nyundua lee dɛ́ lee harɛ,
ásɛ Korowii doa bwa yiiɡi dɛ́ chɔɡ.
26Belaa baa ba Men Nɛn Bie nae kɛŋɔ maa lɔ baama bini dɛɛ ba kpeɡri ne jirima a dɔŋa aa wola toole ne. 27Mɛɛ tomɛ nyundua toromaa harɛ nɔ bobɛlbwaa bá valɛ lawɛ n nɛra maa chal ba dɛ lɛɛ ba la bwa nyoa.
Fiɡ daa wehwela
(Mat 24:32-35; Luk 21:29-33)
28Hé kpɔ fiɡ daa hweli wa. O baa foɡre dɛɛ le papo-lwɛɛne aa, dɛ nomɛlbwa jemɔ kɛŋɔ bɔwɔb saŋ telo tonɛ. 29Gɛɛ dɛ waa nɔ maa bol he be nɔ baa dɛɛ chiɡ aa, ásɛ he jemɛ kɛ tɔpere maa dɛ bol o waa la bala telo. 30Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe. 31Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.
Nomɛlbwa aa tɔpere ne saŋ la jemɛ
(Mat 24:36-44)
32Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema. 33Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ. 34Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.#Luk 12:35 35Hɛ́ɛ nyiŋi kɛrɛdɛ, dɛkalkɛŋɔ he ta wone jemɛ tɔɔ la wee dem te la aa dɛ ba bala. Bɛl lole jwaanaa wɛɛ ba bala. Gɛ laa ɡe aa, harambaŋa ne. Bɛl lole o ta jabala siiɡa saŋ balaa, chɔɔbɔree wɛɛ ba bala. 36He bɛ ɡel o ba piɡri heya, dɛ he dɛ chɔ doromi. 37Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”
Právě zvoleno:
Mak 13: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 13
13
Gɛ Yeesu aa bol Korowii Dea chɔɡa wa
(Mat 24:1-2; Luk 21:5-6)
1Yeesu aa dɛ le Korowii Dea la, o habɔteŋra la bɛl ŋɔ, “Nomoa, na bwea baa kpɔa ma deene nɔ aa bara ɡɛ. Deene la kakan bee! A wer ɡe laa nɔ!”
2Anee Yeesu ŋɔ, “Kɛ he na dejena nɔ kenɛ? Ba ta ɛɛ paɡre a bwaa kwara, ásɛ a bwe beŋkpoŋ kwara aa lee do dɛ́ ta chɔŋɛ o dɔŋ ta kpa.”
Yeesu baɡle o habɔteŋra wahala baa na kerekere
(Mat 24:3-14; Luk 21:7-19)
3Asɛ Yeesu so Ɔlevere Bwejen la doa dɛɛ nyiŋi Korowii Dea la, asɛ Pita ne Jems ne Jɔn dɛ Andriu ɡbo ba o be, dɛ ba bɔɔro ŋɔ, 4“Waa la haa bola la, saŋ besoo aa ba chiɡa ɔ? Bɔkwaa dɛɛ ba baɡla kɛ ɡɛ waa nɔ chiɡa teloo?”
5Anee Yeesu ŋɔ ba be ŋɔ, “Hé nyiŋi kɛrɛdɛ ásɛ nomɛlbwa bɛ heyaa neɡre. 6Nɛra ɛɛ warɔɔ dɛ́ kpɔ n sɔn ba dɛ́ ba ŋɔ banee men. Ba bɛlbwa ɛɛ ŋɔɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛra la, dɛ́ neɡre nɛra pirim. 7Dɛ he baa no laa yoi waa ne laa ɡbɔɡa bobɛlbwa ɡe aa, he bɛ ɡel a ɛ heyaa wepiɡra, dɛkalkɛŋɔ a chɛ kɛŋɔ á ɛ ɡɛ. A ɡɛ waa nɔ bwa chɛ kɛŋɔ á chiɡ, dɛ wobɛlbwa jaɡa la ta tele mɔɔ. 8Harɛre ane ɛɛ yo dɔŋaa, koranar ɡe yo dɔŋa. Lɔr ɛɛ ba harɛ nɔ ta bobɛlbwaa, ásɛ harɛ ɡe ɛɛ jiɡri bobɛlbwa. Kɛ anɔ bwa do kɛŋɔ haah loltea yon tɔ sie lɔɔ dɛ o lola ta tele mɔɔ la.
9Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba. 10Baa bol Amanesoma laanee baɡle nɛwɛnyina bwa mɔɔ wobɛlbwa jaɡa la ba. 11Dɛ ba baa lawɛ heya, dɛ la he ne nomonome sie naa, he bɛ ɡel waa haa dɛ ba bola la hiah heya. A baa tel kɛŋɔ hé bol wa aa, hé bol wobɛlbwa aa le he nyoa la, dɛkalkɛŋɔ waa haa dɛ ba bola la aa he bee le. Korowii Domadɛɛɡe la bee aa ba lee.
12Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba. 13Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.
14Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.#Dan 9:27; 11:31; 12:11 15Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa. 16Nomɛlbwa waa lɔ koo ta bɛ berɛ ŋɔ o dɛ kaa dem dɛ́ ka kpɔ o yal kpa. 17Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! 18Hé soŋe Korowii ásɛ a ɡɛ waa nɔ bɛ waa saŋ chiɡ oo! 19Dɛkalkɛŋɔ a ɡɛ wekpeɡa nɔ dɔŋa ta balɛ bwa. A ɔma! Dɛ den le saŋ la Korowii aa ta harɛ la dɛ kpoŋe ba le fini nɔ, nɛwɛnyini ta a dɔŋa nae bwa. A ɡɛ waa nɔ ɛo waa, a dɔŋa aa ɛɛ ba kpa.#Dan 12:1 20Dɛ Korowii fe ta tɔpera la ane teŋe ta aa, nomɛlbwa fe aa o nyuu dɔ. Kɛ o koh o nɛra waa chal ba dɛ lɛɛ ba ba teŋɛ o nɛɛ la waa dɛ teŋe tɔpechɔɡa la ane ta. 21A ɡɛ saŋ la bane ɛɛ dɛɛ ŋɔɔ, ‘Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa laanee nɔ!’ Ásɛ bane ɡe ŋɔ, ‘On ka lɔ le la!’ A ɡɛ waa nɔ bwa baa ɛ aa, he bɛ a bɛlbwa yarada, 22dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.#Jer 14:14 23Hɛ́ɛ nyiŋi he te kɛrɛdɛ! N dɔɔ baɡle waa aa dɛ ba ɛɛ mɔɔ tɔpere la ba.
Men Nɛn Bie bala wa
(Mat 24:29-31; Luk 21:25-28)
24A ɡɛ wekpeɡa nɔ baa ɛ dɛ kaa laa,
wee aa bɔr chaahna ba kpa,
korobie ɡe aa bɔr chaahna ba kpa.#Aes 13:10
25Weweela dɛ ba nyundua lee dɛ́ lee harɛ,
ásɛ Korowii doa bwa yiiɡi dɛ́ chɔɡ.
26Belaa baa ba Men Nɛn Bie nae kɛŋɔ maa lɔ baama bini dɛɛ ba kpeɡri ne jirima a dɔŋa aa wola toole ne. 27Mɛɛ tomɛ nyundua toromaa harɛ nɔ bobɛlbwaa bá valɛ lawɛ n nɛra maa chal ba dɛ lɛɛ ba la bwa nyoa.
Fiɡ daa wehwela
(Mat 24:32-35; Luk 21:29-33)
28Hé kpɔ fiɡ daa hweli wa. O baa foɡre dɛɛ le papo-lwɛɛne aa, dɛ nomɛlbwa jemɔ kɛŋɔ bɔwɔb saŋ telo tonɛ. 29Gɛɛ dɛ waa nɔ maa bol he be nɔ baa dɛɛ chiɡ aa, ásɛ he jemɛ kɛ tɔpere maa dɛ bol o waa la bala telo. 30Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe. 31Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.
Nomɛlbwa aa tɔpere ne saŋ la jemɛ
(Mat 24:36-44)
32Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema. 33Hɛ́ɛ nyiŋi kɛrɛdɛ, hɛ́ɛ do dɛɛɡɔ, dɛkalkɛŋɔ haa tɔpere la jemɛ. 34Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.#Luk 12:35 35Hɛ́ɛ nyiŋi kɛrɛdɛ, dɛkalkɛŋɔ he ta wone jemɛ tɔɔ la wee dem te la aa dɛ ba bala. Bɛl lole jwaanaa wɛɛ ba bala. Gɛ laa ɡe aa, harambaŋa ne. Bɛl lole o ta jabala siiɡa saŋ balaa, chɔɔbɔree wɛɛ ba bala. 36He bɛ ɡel o ba piɡri heya, dɛ he dɛ chɔ doromi. 37Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.