Mak 15
15
Ba lawɛ Yeesu ka che Paelet sie
(Mat 27:1-2, 11-14; Luk 23:1-5; Jɔn 18:28-38)
1Tɔɔ aa pera chɔmbibi ne la, Sɔfonomonome ne bwɛɛ nomonome ne Tɔnjerema bwa, Juu tena nomonome baa dɛ nyiŋi ba waa bini la te bwa, chemo dɛ vɔrɔwe Yeesu vɔrɔwa, dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.
2Belaa Paelet bɔɔro ŋɔ, “Henee Juu tena kooro ɛ?”
Asɛ Yeesu ŋɔ, “Anee he bol la.”
3Sɔfonomonome la teŋe nyosone dawɛ Yeesu nɛ. 4Asɛ Paelet bɔɔ Yeesu ŋɔ, “He ta wobɛlbwa dɔe dɛ́ bol aa? Haa won chaŋe wedamanta nɔ bwa baa kpɔa dɛɛ dawɛ nɔ bini ane aa?”
5Yeesu ta wobɛlbwa chaŋɛ, asɛ Paelet nyoa kpo.
Ba ŋɔ a chɛ kɛ ba kpo Yeesu
(Mat 27:15-26; Luk 23:13-25; Jɔn 18:39—19:16)
6A ɡɛ tɔpejen la baa tel aa, wechɔɡ-ɛɛ te bɛlbwa baa doo dea asɛ bwɛɛla la ŋɔ bá leo ta la, a chɛ kɛŋɔ bá leo ta. 7A ɡɛ saŋ la, nɛra bane fa vuuɡi Rom nomonome baa dɛ nyiŋi bela harɛ la dɛ kpoo nɛra a ɡɛ waa la ta. Dɛ Barabas ja a ɡɛ nɛra nɔ nɛ, asɛ ba do ba bwa dea. 8Asɛ nɛnlaa la ba Paelet be dɛ ba ŋɔ o be ŋɔ ó le wechɔɡ-ɛɛra la bɛl ta, ɡɛ baa dɛ ɛ bena bɛlbwa la. 9Belaa o bɔɔ ba ŋɔ, “Ń foo Juu tena kooro la ta kɛɛ?” 10Dɛ o ɡbabir jemɔ kɛŋɔ bɔweela waa Sɔfonomonome la che Yeesu nɛɛ pɛɛpɛɛ dɛ kpɔɔ ba o be la. 11Jaah dɛ Sɔfonomonome la do nɛnlaa la bwa ŋɔ bá ŋɔ Barabasee baa nyin, dɛ ŋɔ Páelet leo ta.
12Belaa Paelet bɔɔ ba ŋɔ, “Aah ɛrɛɛ he ŋɔ ń ɛ baa la haa dɛ yerɔ Juu tena kooro laɔ?”
13Asɛ ba bwa kparɛ si ŋɔ, “Kpaaro pɛl daɡaɡre ta!”
14Anee Paelet bɔɔ ba ŋɔ, “Ɛrɛɛ yɔ? Bɔkwa wechɔɡaa o ɛɔ?”
Ate, dɛ ba berɔ kwaa si kohona ŋɔ, “Kpaaro pɛl daɡaɡre ta!”
15Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.
Gɛ soojare aa muɡli Yeesu baah
(Mat 27:27-31; Jɔn 19:2-3)
16Asɛ soojare la kpɔ Yeesu le kaa Paelet dem baah dɛ yerɛ ba bala soojare bwa, 17dɛ kpɔ yaswɛm bɛl kɛŋɔ ba bela kooyal tɔ Yeesu, dɛ kpɔ sɔɔhne sɔh kooɡbɛrɛ piu, 18dɛ ba dɛ ɡuŋi o sie dɛɛ si, “Woowo, Juu tena kooro!” 19Asɛ ba kpɔ chweremi dɛɛ cha o nyu, dɛ ta nentane dɛɛ ta o nɛ, dɛɛ ɡuŋu harɛ kɛŋɔ baa dɛ ɛ kooro la. 20Baa muɡli o baah tonɛ la, ba laa yaswɛm la foo o bwara ta, dɛ kpɔ o ɡbaɡba laala la doo, dɛ kpɔɔ le dɛɛ kaa dɛ́ ka kpaaro pɛl daɡaɡre ta.
Ba kpaa Yeesu pɛl daɡaɡre ta
(Mat 27:32-44; Luk 23:26-43; Jɔn 19:17-27)
21Baa dɛ kaa la, ba kaa na Seemɔn waa le Sairini, dɛ o le bobɛl dɛɛ ba. Ba ɛɡro o lɛ Yeesu daɡaɡre la che. Dɛ a ɡɛ Seemɔn la biirii Alɛksanda ne Rufus. 22Asɛ ba kpɔ Yeesu kaa bela baa dɛ yerɛ Gɔlɡɔta la. Gɔlɡɔta munii Nyuhoɡ Bɔr. 23Asɛ ba kpɔ korobo aa wona dɛɛ sɔɔh bwadabii wee nyoa do sen ta dɛ kpɔ tɛ Yeesu ŋɔ ó nyɔ, asɛ o vɛh nyɔe. 24Ba foo o laala, dɛ kpaa o nɔɔra ne o nakpale pɛl daɡaɡre ta. Dɛ soojare la dɛ nyin Yeesu laala bɔna, dɛ ta chacha mɔɔ dɛ́ won jemɛ laala ba bɛlbwa aa di.
25Koola nenyɔɔ saŋee ba kpaa Yeesu pɛl daɡaɡre ta. 26Ba chwerɛ o wechɔɡa waa ɛa ba koh a waa kpoo la pɛl o daɡaɡre la ta. A ɡɛ waa laanee, juu tena kooro.#Jɔn 19:19-22 27Ŋwɛɛra banɛɛ ba kpaa pɛl daɡaɡra ta ja Yeesu nɛ. Bɛl saɡɛ o diɡ ta, bɛl ɡe saɡɛ o ɡal ta. 28Asɛ waa baa chwera Korowii Tɔn bini ŋɔ “Baa yerɔ wechɔɡ-ɛɛ” la ɛ kasinteŋ. 29Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao? 30Lɛ he te dɛ́ tu harɛ yá na!”
31Gɛɛ Sɔfonomonome ne Tɔnjerema la muɡli o baah dɔŋa be dɛ ŋɔ, “Ao! Nɛra ɡboo o won lɛɛ, kɛ waa won lɛ o te. 32He nɛn haa ŋɔa henee Israel tena kooro Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la, le daɡaɡre la doa tu harɛ yá na dɛ́ won yaradae.” Asɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.#Luk 23:39-43
Yeesu seo wa
(Mat 27:45-56; Luk 23:44-49; Jɔn 19:28-30)
33Wee aa baa che nyubaah la, bɔr biro jumaa ken dɛ ka tel wekee saŋ mɔɔ bɔr berɛ chaah ja. 34Wekee saŋ aa tela la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”#Yel 22:1
35Nɛra baa cheɡɛ bela la aa no ɡɛ la, ba ŋɔ, “Na, Elaejaa wɛɛ yerɛ la!”
36Asɛ bɛl chwa dɛ ka kpɔ konjɔɡɔjɔɡɔ waa won nee lɛɛ ka li sennyɛɡa ta, dɛ kpɔ toh daa ta tɛo o nyɔ, dɛ ŋɔ, “Hé ɡel ya na, dɛ Elaeja ɛɛ ba leo daɡaɡre nɔ taa yaa?”
37Belaa Yeesu do lɔŋɔ kohona, asɛ o doma le o sewɛ.
38Asɛ yal waa teŋe Korowii Dea baah ta la pere anɛ le nyundua ba ta harɛ.#Kaa 26:33 39Soojare lafa nomoa waa dɛ daah Yeesu aa na ɡɛ Yeesu hweera aa teŋa la, o nyoa kpoo, asɛ o ŋɔ, “Korowii Biee baa nɔ kpela!”
40Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome. 41A ɡɛ saŋ waa lɔ Galilia harɛ la, dɛ a ɡɛ haahna nɔɔ daa kondikwaa dɛɛ tɛo. Dɛ haahna bane ba fa aa teŋɛ o nɛɛ pirim ba Jerusalam la bwa lɔ bela.
Yeesu huɡa wa
(Mat 27:57-61; Luk 23:50-56; Jɔn 19:38-42)
42Awola tɔpere la taa baa nyin ba kwaa bwa dɛɛ cheɡ ásɛ dɛ tɔɔ peraa, bá di Ona Tɔpere la. 43Dɛ Josef waa le Arimatea la ɛ ba bela nomonome la bini nɛn nɛra bwa aa dɛ tɛo duure. O ɡe dɛ kpa saŋ la Korowii aa di kora dɛ lɛɛ ba la. Awola jɔmɔra la, o lɔ bambile dɛ la Paelet be dɛ ka soŋo ŋɔ ó tɛo ŋwɛnɛ ó ka kpɔ Yeesu lale la. 44Asɛ a piɡri Paelet kɛŋɔ Yeesu aa dena sewɛ la. Anee o yerɛ soojare lafa nomoa la dɛ bɔɔro ŋɔ, “Yeesu sewɔ kpela aa?” 45Nomoa la aa sɛah ŋɔ Yeesu sewɔ la, Paelet tɛ Josef ŋwɛnɛ ŋɔ ó ka kpɔ o lale la. 46Asɛ Josef yawɛ yapoŋ dɛ ka laa Yeesu kpɔ daɡaɡre la doa dɛ kpɔ yapoŋ la fɔrɔwo dɛ huɡo. Bwebɔɔ bɛl baa kwiu kɛŋɔ dea binii ba huɡo, dɛ ɡbili bwe tɔ bɔɔ la nyoa. 47Mɛɛre waa le Maɡdala la ne Josis nya Mɛɛre na bela baa huɡo.
Právě zvoleno:
Mak 15: mzw
Zvýraznění
Sdílet
Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 15
15
Ba lawɛ Yeesu ka che Paelet sie
(Mat 27:1-2, 11-14; Luk 23:1-5; Jɔn 18:28-38)
1Tɔɔ aa pera chɔmbibi ne la, Sɔfonomonome ne bwɛɛ nomonome ne Tɔnjerema bwa, Juu tena nomonome baa dɛ nyiŋi ba waa bini la te bwa, chemo dɛ vɔrɔwe Yeesu vɔrɔwa, dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.
2Belaa Paelet bɔɔro ŋɔ, “Henee Juu tena kooro ɛ?”
Asɛ Yeesu ŋɔ, “Anee he bol la.”
3Sɔfonomonome la teŋe nyosone dawɛ Yeesu nɛ. 4Asɛ Paelet bɔɔ Yeesu ŋɔ, “He ta wobɛlbwa dɔe dɛ́ bol aa? Haa won chaŋe wedamanta nɔ bwa baa kpɔa dɛɛ dawɛ nɔ bini ane aa?”
5Yeesu ta wobɛlbwa chaŋɛ, asɛ Paelet nyoa kpo.
Ba ŋɔ a chɛ kɛ ba kpo Yeesu
(Mat 27:15-26; Luk 23:13-25; Jɔn 18:39—19:16)
6A ɡɛ tɔpejen la baa tel aa, wechɔɡ-ɛɛ te bɛlbwa baa doo dea asɛ bwɛɛla la ŋɔ bá leo ta la, a chɛ kɛŋɔ bá leo ta. 7A ɡɛ saŋ la, nɛra bane fa vuuɡi Rom nomonome baa dɛ nyiŋi bela harɛ la dɛ kpoo nɛra a ɡɛ waa la ta. Dɛ Barabas ja a ɡɛ nɛra nɔ nɛ, asɛ ba do ba bwa dea. 8Asɛ nɛnlaa la ba Paelet be dɛ ba ŋɔ o be ŋɔ ó le wechɔɡ-ɛɛra la bɛl ta, ɡɛ baa dɛ ɛ bena bɛlbwa la. 9Belaa o bɔɔ ba ŋɔ, “Ń foo Juu tena kooro la ta kɛɛ?” 10Dɛ o ɡbabir jemɔ kɛŋɔ bɔweela waa Sɔfonomonome la che Yeesu nɛɛ pɛɛpɛɛ dɛ kpɔɔ ba o be la. 11Jaah dɛ Sɔfonomonome la do nɛnlaa la bwa ŋɔ bá ŋɔ Barabasee baa nyin, dɛ ŋɔ Páelet leo ta.
12Belaa Paelet bɔɔ ba ŋɔ, “Aah ɛrɛɛ he ŋɔ ń ɛ baa la haa dɛ yerɔ Juu tena kooro laɔ?”
13Asɛ ba bwa kparɛ si ŋɔ, “Kpaaro pɛl daɡaɡre ta!”
14Anee Paelet bɔɔ ba ŋɔ, “Ɛrɛɛ yɔ? Bɔkwa wechɔɡaa o ɛɔ?”
Ate, dɛ ba berɔ kwaa si kohona ŋɔ, “Kpaaro pɛl daɡaɡre ta!”
15Paelet aa wola nyin kɛŋɔ nɛnlaa la bwaawee ir o nɛɛ la, o le Barabas ta tɛɛ ba dɛ ɡel ba lɔɔ Yeesu bampɔrɔ ŋwɛɛra ne mɔɔ dɛ kpɔɔ tɛ ŋɔ bá ka kpaaro pɛl daɡaɡre ta.
Gɛ soojare aa muɡli Yeesu baah
(Mat 27:27-31; Jɔn 19:2-3)
16Asɛ soojare la kpɔ Yeesu le kaa Paelet dem baah dɛ yerɛ ba bala soojare bwa, 17dɛ kpɔ yaswɛm bɛl kɛŋɔ ba bela kooyal tɔ Yeesu, dɛ kpɔ sɔɔhne sɔh kooɡbɛrɛ piu, 18dɛ ba dɛ ɡuŋi o sie dɛɛ si, “Woowo, Juu tena kooro!” 19Asɛ ba kpɔ chweremi dɛɛ cha o nyu, dɛ ta nentane dɛɛ ta o nɛ, dɛɛ ɡuŋu harɛ kɛŋɔ baa dɛ ɛ kooro la. 20Baa muɡli o baah tonɛ la, ba laa yaswɛm la foo o bwara ta, dɛ kpɔ o ɡbaɡba laala la doo, dɛ kpɔɔ le dɛɛ kaa dɛ́ ka kpaaro pɛl daɡaɡre ta.
Ba kpaa Yeesu pɛl daɡaɡre ta
(Mat 27:32-44; Luk 23:26-43; Jɔn 19:17-27)
21Baa dɛ kaa la, ba kaa na Seemɔn waa le Sairini, dɛ o le bobɛl dɛɛ ba. Ba ɛɡro o lɛ Yeesu daɡaɡre la che. Dɛ a ɡɛ Seemɔn la biirii Alɛksanda ne Rufus. 22Asɛ ba kpɔ Yeesu kaa bela baa dɛ yerɛ Gɔlɡɔta la. Gɔlɡɔta munii Nyuhoɡ Bɔr. 23Asɛ ba kpɔ korobo aa wona dɛɛ sɔɔh bwadabii wee nyoa do sen ta dɛ kpɔ tɛ Yeesu ŋɔ ó nyɔ, asɛ o vɛh nyɔe. 24Ba foo o laala, dɛ kpaa o nɔɔra ne o nakpale pɛl daɡaɡre ta. Dɛ soojare la dɛ nyin Yeesu laala bɔna, dɛ ta chacha mɔɔ dɛ́ won jemɛ laala ba bɛlbwa aa di.
25Koola nenyɔɔ saŋee ba kpaa Yeesu pɛl daɡaɡre ta. 26Ba chwerɛ o wechɔɡa waa ɛa ba koh a waa kpoo la pɛl o daɡaɡre la ta. A ɡɛ waa laanee, juu tena kooro.#Jɔn 19:19-22 27Ŋwɛɛra banɛɛ ba kpaa pɛl daɡaɡra ta ja Yeesu nɛ. Bɛl saɡɛ o diɡ ta, bɛl ɡe saɡɛ o ɡal ta. 28Asɛ waa baa chwera Korowii Tɔn bini ŋɔ “Baa yerɔ wechɔɡ-ɛɛ” la ɛ kasinteŋ. 29Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao? 30Lɛ he te dɛ́ tu harɛ yá na!”
31Gɛɛ Sɔfonomonome ne Tɔnjerema la muɡli o baah dɔŋa be dɛ ŋɔ, “Ao! Nɛra ɡboo o won lɛɛ, kɛ waa won lɛ o te. 32He nɛn haa ŋɔa henee Israel tena kooro Kristo la Korowii aa baɡɛ nyoa ŋɔ wɛɛ tomɔɔ ásɛ o ba lɛ yaa la, le daɡaɡre la doa tu harɛ yá na dɛ́ won yaradae.” Asɛ ŋwɛɛra baa kpaa ba pɛl daɡaɡra ta ja o nɛɛ la ɡee chɛɡro.#Luk 23:39-43
Yeesu seo wa
(Mat 27:45-56; Luk 23:44-49; Jɔn 19:28-30)
33Wee aa baa che nyubaah la, bɔr biro jumaa ken dɛ ka tel wekee saŋ mɔɔ bɔr berɛ chaah ja. 34Wekee saŋ aa tela la, Yeesu do lɔŋɔ kpeɡri nɛɛ dɛ ŋɔ, “Eli, Eli, lama sabaktani?” O munii kɛŋɔ, “N Mɛɛ Korowii, n Mɛɛ Korowii, ɛrɛɛ he chwa mɛ nɔɔ?”#Yel 22:1
35Nɛra baa cheɡɛ bela la aa no ɡɛ la, ba ŋɔ, “Na, Elaejaa wɛɛ yerɛ la!”
36Asɛ bɛl chwa dɛ ka kpɔ konjɔɡɔjɔɡɔ waa won nee lɛɛ ka li sennyɛɡa ta, dɛ kpɔ toh daa ta tɛo o nyɔ, dɛ ŋɔ, “Hé ɡel ya na, dɛ Elaeja ɛɛ ba leo daɡaɡre nɔ taa yaa?”
37Belaa Yeesu do lɔŋɔ kohona, asɛ o doma le o sewɛ.
38Asɛ yal waa teŋe Korowii Dea baah ta la pere anɛ le nyundua ba ta harɛ.#Kaa 26:33 39Soojare lafa nomoa waa dɛ daah Yeesu aa na ɡɛ Yeesu hweera aa teŋa la, o nyoa kpoo, asɛ o ŋɔ, “Korowii Biee baa nɔ kpela!”
40Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome. 41A ɡɛ saŋ waa lɔ Galilia harɛ la, dɛ a ɡɛ haahna nɔɔ daa kondikwaa dɛɛ tɛo. Dɛ haahna bane ba fa aa teŋɛ o nɛɛ pirim ba Jerusalam la bwa lɔ bela.
Yeesu huɡa wa
(Mat 27:57-61; Luk 23:50-56; Jɔn 19:38-42)
42Awola tɔpere la taa baa nyin ba kwaa bwa dɛɛ cheɡ ásɛ dɛ tɔɔ peraa, bá di Ona Tɔpere la. 43Dɛ Josef waa le Arimatea la ɛ ba bela nomonome la bini nɛn nɛra bwa aa dɛ tɛo duure. O ɡe dɛ kpa saŋ la Korowii aa di kora dɛ lɛɛ ba la. Awola jɔmɔra la, o lɔ bambile dɛ la Paelet be dɛ ka soŋo ŋɔ ó tɛo ŋwɛnɛ ó ka kpɔ Yeesu lale la. 44Asɛ a piɡri Paelet kɛŋɔ Yeesu aa dena sewɛ la. Anee o yerɛ soojare lafa nomoa la dɛ bɔɔro ŋɔ, “Yeesu sewɔ kpela aa?” 45Nomoa la aa sɛah ŋɔ Yeesu sewɔ la, Paelet tɛ Josef ŋwɛnɛ ŋɔ ó ka kpɔ o lale la. 46Asɛ Josef yawɛ yapoŋ dɛ ka laa Yeesu kpɔ daɡaɡre la doa dɛ kpɔ yapoŋ la fɔrɔwo dɛ huɡo. Bwebɔɔ bɛl baa kwiu kɛŋɔ dea binii ba huɡo, dɛ ɡbili bwe tɔ bɔɔ la nyoa. 47Mɛɛre waa le Maɡdala la ne Josis nya Mɛɛre na bela baa huɡo.
Právě zvoleno:
:
Zvýraznění
Sdílet
Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.