Mak 10
10
Baa ne haah dɔŋa vɛɛh wa
(Mat 19:1-12; Luk 16:18)
1Asɛ Yeesu le bela dɛ la Juda harɛ ta, dɛ ka le Jɔɔdan Moo la baŋ. Nɛndamanta wur dɛ ba tɔ o nɛɛ ja, asɛ o baɡ ba waa ɡɛ o yon dɛɛ ɛ la.
2Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”
3Anee o ɡe berɛ bɔɔ ba ŋɔ, “Ɛrɛɛ Mosis Mmara baɡle heyaa laɔ?”
4Asɛ ba ŋɔ, “Mosis tɛ ŋwɛnɛ kɛŋɔ baa chwerɛ tɔn dɛ́ baɡle kɛŋɔ o vɛh o haah, dɛ́ vɛoh.”#Mma 24:1
5Anee Yeesu ŋɔ ba be ŋɔ, “He bambikpeɡ waa Mosis chwerɛ a ɡɛ Mmara nɔ tɛ heyaa la. 6Gɛ laa a fa do wubwa. Korowii aa ta kwaa bwa mumpar la, ‘Baa ne haahnee o ta. 7A waa baa ɛɛ ba o nya ne o mɛɛ jwɛɛh lee, dɛ́ kpɔ o te ka pɛl o haah,#Mum 2:24 8ásɛ ba nɛra banɛ la pɛ ɛ nɛmbeŋkpoŋ la. Anomanta, baa nɛra banɛ ɛɛ ba kpa, ba pɛo ɛ beŋkpoŋ.’ 9Dɛ Korowii lawɛ nɛra banɛ pɛ aa, ŋwɛnɛ toole kɛŋɔ nɛn berɛ pere ba baah kpa.”#1Kɔ 7:10-11
10Baa la dem la, o habɔteŋra la berɔ bɔɔro a ɡɛ waa nɔ ja. 11Asɛ o ŋɔ ba be ŋɔ, “Nomɛlbwa waa vɛh o haah dɛ ka mo onfale la, dɛ o ɛ o haah la wechɔɡa dɛ bɔ jwamane. 12Dɛ haah ɡe vɛh o jaa dɛ ka yalɛ banfale aa, dɛ o ɡe ɛ o jaa la wechɔɡa dɛ bɔ jwamane.”
Yeesu swee bechale bane andɛɛɡa
(Mat 19:13-15; Luk 18:15-17)
13Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. Asɛ o habɔteŋra la kɔɡre nɛra la ŋɔ bá kpɔ ba bii la le le! 14Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la. 15Kasinteŋ, n dɛ ŋɔ he be, naate waa wola o te kpɔe tɛ Korowii dɛ yaradao ɡɛ bechala aa dɛ ɛ la, waa bɔree dɔ dɛ ba ja o Kora la ta.”#Mat 18:3-5 16Asɛ o kpɔ bii la, dɛ kpɔ o nɔɔra dawɛ ba nɛɛ dɛ swee ba andɛɛɡa.
Baa bɛl waa ɛ dɔɔh wa
(Mat 19:16-30; Luk 18:18-30)
17Yeesu aa bera dɛɛ ba ŋwɛnɛ ta lee dɛ kaa la, baa bɛl chwao dɛ ba ɡuŋi o sie dɛ ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”
18Anee Yeesu bɔɔro ŋɔ, “Ɛrɛɛ he yer mɛ nɛndɛɛɡe nɔɔ? Nomɛlbwa toole dɛ ɛ nɛndɛɛɡe. Korowii ɡbosoo ɛ nɛndɛɛɡe. 19Kɛ he jemɛ Korowii Mmarare laɔ? Anee, ‘Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ, bɛ he dɔŋ faah, dɛɛ duu he nya ne he mɛɛ.’ ”
20Anee o ŋɔ Yeesu be ŋɔ, “Nomoa, n bechale saŋ bwaa n le dɛ teŋɛ anɔ bwa ta.”
21Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”
22Yeesu aa ŋɔ ɡɛ la, ate dɛ o tea bini chɔɡɔ, asɛ o berɛ ɡure nyu su, dɛkalkɛŋɔ dɛ o dɔ kwaa kɛrɛdɛ.
23Asɛ Yeesu ke nyiŋi o habɔteŋra la dɛ ŋɔ, “Aa do kpeɡrii tɛ dɔɔhna kɛŋɔ bá dɔ bɔr ja Korowii Kora la ta.”
24A ɡɛ waa la Yeesu aa bola la ɡelɔ o habɔteŋra la bwara yɔr. O ŋɔ ba be ŋɔ, “Biiwa, a kpeɡri kɛŋɔ nɛn dɔ bɔr ja Korowii Kora la ta.#Sɛɡ 28:11 25Aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”
26Yeesu aa bol ɡɛ la, dɛ o habɔteŋra la bwa bwara yɔrɔ, asɛ baa bɔɔ dɔŋa ŋɔ, “Amɔ te, umee dɛɛ ba o nyu dɔe yɔ?”
27Belaa Yeesu pa sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe. Wobɛlbwa pwɛre Korowii be.”
28Belaa Pita ŋɔ, “Nyiŋi na, ya te ɡel komɛlbwa yaa dɔa dɛ ba teŋɛ he nɛ.”
29Asɛ Yeesu ŋɔ, “Kasinteŋ, n dɛ ŋɔ he be, nomɛlbwa waa koh n ne Amanesoma nɔ waa dɛ ɡel o bwɛɛ tena ne o nimanar ne o dɔɔranar ne o nahaahnanar, ne o nya ne o mɛɛ, ne o bii dɛ o kooni la, 30wɛɛ dɔ a ɡɛ bwɛɛre ne nimanar ne dɔɔranar ne nyawa ne bii, dɛ kooni nɔ bɛlbwa kembɔree kera lafa harɛ nɔ ta, dɛ́ ja hɔhɔrɔwa nɛra aa dɛ ba o haeh dɛ́ ɛo la ta. A bwa habɔɔ la, wɛɛ dɔ Korowii mkpa aa wola jaɡa dɔe ɡee nyundua ja. 31Nɛra baa tɔ sie ɡalɡa ɛɛ ba ka munii, ásɛ nɛra baa ka mun ɡe ɡalɡa ba tɔ sie.”
Yeesu berɔ bol o seo waa toorotena
(Mat 20:17-19; Luk 18:31-34)
32Dɛ ba lɔ ŋwɛnɛ ta dɛɛ kaa Jerusalam, asɛ Yeesu tɔ ba sie. Dɛ o habɔteŋra la bwara yɔrɔ, asɛ nɛra baa teŋɛ o nɛɛ la bwa ɡee ɔmɛ. Asɛ Yeesu berɛ lawɛ o habɔteŋra fi dɛ banɛ la kaa bokɛre, dɛ ka taa waa aa dɛ ba o ɛɛ la bwa baɡ ba, 33dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta. 34Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”
Jems ne Jɔn Yeesu soŋa
(Mat 20:20-28)
35Asɛ Sebedii bii Jems ne Jɔn ba o be dɛ ba ŋɔ, “Nomoa, ya dɛ nyin he ɛ waane tɛ yaa.”#Weɛ 12:2
36Asɛ Yeesu ŋɔ, “Bɔkwaa yɔ?”
37Belaa ba chaŋe ŋɔ, “He baa di he kora waa dɔ jirima dɛ so he kookara ta naa, ya dɛ nyin kɛ he ɡel ya so pɛle, bɛl so he diɡ ta, bɛl ɡe so he ɡal ta.”
38Asɛ Yeesu ŋɔ ba be ŋɔ, “Haa waa haa dɛ bol nɔ mun jemɛ. Hɛɛ wonoo nyɔ n tɛɡkpela maa dɛ ba nyɔe nɔ ane aa? Hɛɛ wonoo na hɔhɔrɔwa maa dɛ ba nae nɔ dɔŋa aa?”
39Anee ba sɛh ŋɔ, “Yaa wonoo.” Belaa Yeesu ŋɔ, “Kpelaa! Hɛɛ nyɔ n tɛɡkpela nɔ anee dɛ́ na n hɔhɔrɔwa nɔ dɔŋa. 40Kɛ n ta kpeɡri dɔe dɛ́ kpɔ nɛn so n diɡ ne n ɡal ta. Korowii ɡboo jemɛ nɛra waa kwaa a ɡɛ bɔra la cheɡ dɛ́ kpɔ ba ka so bela.”
41Yeesu habɔteŋra kabora la aa baa no a ɡɛ waa nɔ la, ba baah di Jems ne Jɔn nɛ. 42Anomanta, Yeesu yerɛ ba bwa ba o be dɛ ŋɔ, “He jemɔ kɛŋɔ nɛra baa wola Juu tena ɛɛ la te, ba nomonome dɛ di kpeɡri ba nɛ, dɛ yon ɡel baa tom ba. 43Kɛ ɡɛ laa chɛ kɛŋɔ á do he te be. Dɛ he bini bɛl dɛ nyin ó ɛ he bwa nomoa aa, a chɛ kɛŋɔ ó kpɔ o te ɛ bechala dɛɛ tomɛ heya. 44Dɛ he bini bɛl dɛ nyin ó ɛ o te sitɔɔ raa, a chɛ kɛŋɔ ó sɛh dɛ́ berɛ o te kɛ he bwa bonɔɔ, 45dɛkalkɛŋɔ Men Nɛn Bie kwaraa ta balɛ kɛ nɛ́ra baa tom mɛ. N te balɔ dɛ́ ba tomɛ nɛwɛnyini, dɛ́ kpɔ n nyu charɛ nɛndamanta mkpa.”
Yeesu chah Baatemeos o won dɛɛ na
(Mat 20:29-34; Luk 18:35-43)
46Ba ba bwɛjen Jeriko, asɛ Yeesu ne o habɔteŋra la ne nɛnlaa bane aa le bela dɛɛ kaa la, dɛ Temeos binyoŋe Baatemeos o yon dɛɛ soŋe kwaa saŋ bɛlbwa la soɡe ŋwɛnɛ la keŋkeŋ. 47Waa noa kɛŋɔ Yeesu waa le Nasarɛt laanee la, dɛ o dɛ yerɛ Yeesu takpeɡ ne dɛɛ ŋɔ, “Devid Naa Yeesu, na n sum!”
48Asɛ nɛra kɛrɛdɛ kaoh ŋɔ ó tɔ nyoa. Kɛ o ta ban chaŋɛ. Namee o ta do lɔŋɔ kohona dɛɛ yerɛ, “Devid Naa Yeesu, na n sum!”
49Anee Yeesu jaɡɛ che, dɛ ŋɔ, “Hé yerɔ.” Asɛ ba yerɛ nyoŋe la dɛ ŋɔ, “Sɔɔh bwara dɛ ir! O dɛ yerɛ.” 50Asɛ o wur o yal viɡri, dɛ jah ir che dɛ ba Yeesu be.
51Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?”
Asɛ nyoŋe la ŋɔ, “Nomoa, n dɛ nyin ń won dɛɛ na.”
52Asɛ Yeesu ŋɔ o be ŋɔ, “Kaa. He yarada haa yarada mɛ la ɡelɔ he dɔ bokpeɡa.” Buɡ la ta, dɛ o wono dɛɛ na, dɛ teŋɛ Yeesu nɛɛ ŋwɛnɛ la ta.
Právě zvoleno:
Mak 10: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 10
10
Baa ne haah dɔŋa vɛɛh wa
(Mat 19:1-12; Luk 16:18)
1Asɛ Yeesu le bela dɛ la Juda harɛ ta, dɛ ka le Jɔɔdan Moo la baŋ. Nɛndamanta wur dɛ ba tɔ o nɛɛ ja, asɛ o baɡ ba waa ɡɛ o yon dɛɛ ɛ la.
2Farisii tena bane ba bela dɛ baa haɡro bela dɛ fe ɛɛ nyin dɛ́ lawɔ. Ba bɔɔro ŋɔ, “Mmara dɛ tɛ ŋwɛnɛ kɛŋɔ baa vɛh o haah naa?”
3Anee o ɡe berɛ bɔɔ ba ŋɔ, “Ɛrɛɛ Mosis Mmara baɡle heyaa laɔ?”
4Asɛ ba ŋɔ, “Mosis tɛ ŋwɛnɛ kɛŋɔ baa chwerɛ tɔn dɛ́ baɡle kɛŋɔ o vɛh o haah, dɛ́ vɛoh.”#Mma 24:1
5Anee Yeesu ŋɔ ba be ŋɔ, “He bambikpeɡ waa Mosis chwerɛ a ɡɛ Mmara nɔ tɛ heyaa la. 6Gɛ laa a fa do wubwa. Korowii aa ta kwaa bwa mumpar la, ‘Baa ne haahnee o ta. 7A waa baa ɛɛ ba o nya ne o mɛɛ jwɛɛh lee, dɛ́ kpɔ o te ka pɛl o haah,#Mum 2:24 8ásɛ ba nɛra banɛ la pɛ ɛ nɛmbeŋkpoŋ la. Anomanta, baa nɛra banɛ ɛɛ ba kpa, ba pɛo ɛ beŋkpoŋ.’ 9Dɛ Korowii lawɛ nɛra banɛ pɛ aa, ŋwɛnɛ toole kɛŋɔ nɛn berɛ pere ba baah kpa.”#1Kɔ 7:10-11
10Baa la dem la, o habɔteŋra la berɔ bɔɔro a ɡɛ waa nɔ ja. 11Asɛ o ŋɔ ba be ŋɔ, “Nomɛlbwa waa vɛh o haah dɛ ka mo onfale la, dɛ o ɛ o haah la wechɔɡa dɛ bɔ jwamane. 12Dɛ haah ɡe vɛh o jaa dɛ ka yalɛ banfale aa, dɛ o ɡe ɛ o jaa la wechɔɡa dɛ bɔ jwamane.”
Yeesu swee bechale bane andɛɛɡa
(Mat 19:13-15; Luk 18:15-17)
13Dɛ nɛra bane kpɔ ba bii dɛɛ ba Yeesu be ŋɔ ó kpɔ o nɔn dawɛ ba nɛ. Asɛ o habɔteŋra la kɔɡre nɛra la ŋɔ bá kpɔ ba bii la le le! 14Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la. 15Kasinteŋ, n dɛ ŋɔ he be, naate waa wola o te kpɔe tɛ Korowii dɛ yaradao ɡɛ bechala aa dɛ ɛ la, waa bɔree dɔ dɛ ba ja o Kora la ta.”#Mat 18:3-5 16Asɛ o kpɔ bii la, dɛ kpɔ o nɔɔra dawɛ ba nɛɛ dɛ swee ba andɛɛɡa.
Baa bɛl waa ɛ dɔɔh wa
(Mat 19:16-30; Luk 18:18-30)
17Yeesu aa bera dɛɛ ba ŋwɛnɛ ta lee dɛ kaa la, baa bɛl chwao dɛ ba ɡuŋi o sie dɛ ŋɔ, “Nomondɛɛɡe, ɛrɛɛ chɛ kɛŋɔ ń ɛ dɛ́ dɔ Korowii mkpa aa wola jaɡa dɔe bwa nɔ?”
18Anee Yeesu bɔɔro ŋɔ, “Ɛrɛɛ he yer mɛ nɛndɛɛɡe nɔɔ? Nomɛlbwa toole dɛ ɛ nɛndɛɛɡe. Korowii ɡbosoo ɛ nɛndɛɛɡe. 19Kɛ he jemɛ Korowii Mmarare laɔ? Anee, ‘Bɛ nɛn kpo, bɛ jwamane bɔ, bɛ ŋwɛ, bɛ nyosone teŋe dawɛ he dɔŋ nɛ, bɛ he dɔŋ faah, dɛɛ duu he nya ne he mɛɛ.’ ”
20Anee o ŋɔ Yeesu be ŋɔ, “Nomoa, n bechale saŋ bwaa n le dɛ teŋɛ anɔ bwa ta.”
21Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”
22Yeesu aa ŋɔ ɡɛ la, ate dɛ o tea bini chɔɡɔ, asɛ o berɛ ɡure nyu su, dɛkalkɛŋɔ dɛ o dɔ kwaa kɛrɛdɛ.
23Asɛ Yeesu ke nyiŋi o habɔteŋra la dɛ ŋɔ, “Aa do kpeɡrii tɛ dɔɔhna kɛŋɔ bá dɔ bɔr ja Korowii Kora la ta.”
24A ɡɛ waa la Yeesu aa bola la ɡelɔ o habɔteŋra la bwara yɔr. O ŋɔ ba be ŋɔ, “Biiwa, a kpeɡri kɛŋɔ nɛn dɔ bɔr ja Korowii Kora la ta.#Sɛɡ 28:11 25Aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”
26Yeesu aa bol ɡɛ la, dɛ o habɔteŋra la bwa bwara yɔrɔ, asɛ baa bɔɔ dɔŋa ŋɔ, “Amɔ te, umee dɛɛ ba o nyu dɔe yɔ?”
27Belaa Yeesu pa sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe. Wobɛlbwa pwɛre Korowii be.”
28Belaa Pita ŋɔ, “Nyiŋi na, ya te ɡel komɛlbwa yaa dɔa dɛ ba teŋɛ he nɛ.”
29Asɛ Yeesu ŋɔ, “Kasinteŋ, n dɛ ŋɔ he be, nomɛlbwa waa koh n ne Amanesoma nɔ waa dɛ ɡel o bwɛɛ tena ne o nimanar ne o dɔɔranar ne o nahaahnanar, ne o nya ne o mɛɛ, ne o bii dɛ o kooni la, 30wɛɛ dɔ a ɡɛ bwɛɛre ne nimanar ne dɔɔranar ne nyawa ne bii, dɛ kooni nɔ bɛlbwa kembɔree kera lafa harɛ nɔ ta, dɛ́ ja hɔhɔrɔwa nɛra aa dɛ ba o haeh dɛ́ ɛo la ta. A bwa habɔɔ la, wɛɛ dɔ Korowii mkpa aa wola jaɡa dɔe ɡee nyundua ja. 31Nɛra baa tɔ sie ɡalɡa ɛɛ ba ka munii, ásɛ nɛra baa ka mun ɡe ɡalɡa ba tɔ sie.”
Yeesu berɔ bol o seo waa toorotena
(Mat 20:17-19; Luk 18:31-34)
32Dɛ ba lɔ ŋwɛnɛ ta dɛɛ kaa Jerusalam, asɛ Yeesu tɔ ba sie. Dɛ o habɔteŋra la bwara yɔrɔ, asɛ nɛra baa teŋɛ o nɛɛ la bwa ɡee ɔmɛ. Asɛ Yeesu berɛ lawɛ o habɔteŋra fi dɛ banɛ la kaa bokɛre, dɛ ka taa waa aa dɛ ba o ɛɛ la bwa baɡ ba, 33dɛ ŋɔ, “Yaa dɛ kaa Jerusalam nɔ, baa ka le Men Nɛn Biee tɛ Sɔfonomonome ne Tɔnjerema la. Baa pa mɛ bolchɔɡee dɛ́ ŋɔ bá kpo mɛ, dɛ́ kpɔ mɛ do nɛra baa wola Juu tena ɛɛ la nɔn ta. 34Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”
Jems ne Jɔn Yeesu soŋa
(Mat 20:20-28)
35Asɛ Sebedii bii Jems ne Jɔn ba o be dɛ ba ŋɔ, “Nomoa, ya dɛ nyin he ɛ waane tɛ yaa.”#Weɛ 12:2
36Asɛ Yeesu ŋɔ, “Bɔkwaa yɔ?”
37Belaa ba chaŋe ŋɔ, “He baa di he kora waa dɔ jirima dɛ so he kookara ta naa, ya dɛ nyin kɛ he ɡel ya so pɛle, bɛl so he diɡ ta, bɛl ɡe so he ɡal ta.”
38Asɛ Yeesu ŋɔ ba be ŋɔ, “Haa waa haa dɛ bol nɔ mun jemɛ. Hɛɛ wonoo nyɔ n tɛɡkpela maa dɛ ba nyɔe nɔ ane aa? Hɛɛ wonoo na hɔhɔrɔwa maa dɛ ba nae nɔ dɔŋa aa?”
39Anee ba sɛh ŋɔ, “Yaa wonoo.” Belaa Yeesu ŋɔ, “Kpelaa! Hɛɛ nyɔ n tɛɡkpela nɔ anee dɛ́ na n hɔhɔrɔwa nɔ dɔŋa. 40Kɛ n ta kpeɡri dɔe dɛ́ kpɔ nɛn so n diɡ ne n ɡal ta. Korowii ɡboo jemɛ nɛra waa kwaa a ɡɛ bɔra la cheɡ dɛ́ kpɔ ba ka so bela.”
41Yeesu habɔteŋra kabora la aa baa no a ɡɛ waa nɔ la, ba baah di Jems ne Jɔn nɛ. 42Anomanta, Yeesu yerɛ ba bwa ba o be dɛ ŋɔ, “He jemɔ kɛŋɔ nɛra baa wola Juu tena ɛɛ la te, ba nomonome dɛ di kpeɡri ba nɛ, dɛ yon ɡel baa tom ba. 43Kɛ ɡɛ laa chɛ kɛŋɔ á do he te be. Dɛ he bini bɛl dɛ nyin ó ɛ he bwa nomoa aa, a chɛ kɛŋɔ ó kpɔ o te ɛ bechala dɛɛ tomɛ heya. 44Dɛ he bini bɛl dɛ nyin ó ɛ o te sitɔɔ raa, a chɛ kɛŋɔ ó sɛh dɛ́ berɛ o te kɛ he bwa bonɔɔ, 45dɛkalkɛŋɔ Men Nɛn Bie kwaraa ta balɛ kɛ nɛ́ra baa tom mɛ. N te balɔ dɛ́ ba tomɛ nɛwɛnyini, dɛ́ kpɔ n nyu charɛ nɛndamanta mkpa.”
Yeesu chah Baatemeos o won dɛɛ na
(Mat 20:29-34; Luk 18:35-43)
46Ba ba bwɛjen Jeriko, asɛ Yeesu ne o habɔteŋra la ne nɛnlaa bane aa le bela dɛɛ kaa la, dɛ Temeos binyoŋe Baatemeos o yon dɛɛ soŋe kwaa saŋ bɛlbwa la soɡe ŋwɛnɛ la keŋkeŋ. 47Waa noa kɛŋɔ Yeesu waa le Nasarɛt laanee la, dɛ o dɛ yerɛ Yeesu takpeɡ ne dɛɛ ŋɔ, “Devid Naa Yeesu, na n sum!”
48Asɛ nɛra kɛrɛdɛ kaoh ŋɔ ó tɔ nyoa. Kɛ o ta ban chaŋɛ. Namee o ta do lɔŋɔ kohona dɛɛ yerɛ, “Devid Naa Yeesu, na n sum!”
49Anee Yeesu jaɡɛ che, dɛ ŋɔ, “Hé yerɔ.” Asɛ ba yerɛ nyoŋe la dɛ ŋɔ, “Sɔɔh bwara dɛ ir! O dɛ yerɛ.” 50Asɛ o wur o yal viɡri, dɛ jah ir che dɛ ba Yeesu be.
51Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?”
Asɛ nyoŋe la ŋɔ, “Nomoa, n dɛ nyin ń won dɛɛ na.”
52Asɛ Yeesu ŋɔ o be ŋɔ, “Kaa. He yarada haa yarada mɛ la ɡelɔ he dɔ bokpeɡa.” Buɡ la ta, dɛ o wono dɛɛ na, dɛ teŋɛ Yeesu nɛɛ ŋwɛnɛ la ta.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.