Mak 9
9
1Asɛ Yeesu ŋɔ, “Kasinteŋ, Korowii ɛɛ ba di o Koraa kpeɡri nɛɛ harɛ nɔ ta, dɛ he bini bane ta soɡe le dɛ nao.”
Yeesu beɡra wa
(Mat 17:1-13; Luk 9:28-36)
2Aa di tɔpera anumɛl la, Yeesu tɔ Pita ne Jems ne Jɔn sie ba ka teeh bwejen bɛl, dɛ ɡbo ka pɛ so o doa bobɛl. Baa soɡa la, dɛ Yeesu beɡrɔ,#2Pi 1:17-18 3asɛ o laala bwa to dɛɛ nyɛɡle al-al ken, dɛ to kohona ɡwaa ɡɛ baa chɛɡɛ laala a yon to la. 4Ba ne ŋɔe ŋɔ ba nyiŋi dɛ Elaeja ne Mosis ja o nɛɛ ba ne wɛɛ bol wa.
5Asɛ Pita ŋɔ Yeesu be ŋɔ, “N Dɔɔ, a wer taeh kɛŋɔ yaa lɔ bonɔ nɔ. Gel ya do kukure atoro ásɛ he kpɔ bɛl, Mosis kpɔ bɛl, Elaeja ɡe kpɔ bɛl.” 6Ɔmee laɡ ba kohona dɛ ɡel Pita aa dɛ bol waa kwaraa la, dɛ waa jemɛ waa waa dɛ bol.
7Belaa bam bɛl ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinuu nɔ. Hé cheɡ deŋne dɛ́ no o be.”
8Ba te ne taa la noe tonɛ dɛ ke nyiŋi dɛ nomɛlbwa toole bela. Yeesu ɡboo ba na kɛŋɔ o ja ba nɛɛ bela.
9Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Men Nɛn Bie la aa sewa dɛ ir mɔɔ.” 10Anomanta, ba ta nomɛlbwa be ŋɔe, kɛ dɛ ba te ɡbaɡba dɛ bɔɔ dɔŋa ŋɔ, “Seo bini ira nɔ te munii ɛrɛ te nɔ?”
11Anee ba bɔɔ Yeesu ŋɔ, “Aah ɛrɛ waa Tɔnjerema la ɛɛ baɡle ŋɔ a chɛ kɛŋɔ Elaeja tɔ sie ba mɔɔ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la ɡe ba nɔɔ?”#Mal 4:5-6
12Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?#Aes 53:3 13Kasinteŋ, Elaeja balɔ dɛ kaa. Waa bala la, ba tetooraa ba ɛo. Gɛɛ ba chwerɛ o waa Korowii Tɔn bini la.”
Yeesu chah bie bɛl kwaa aa dɛ ir o nɛ
(Mat 17:14-21; Luk 9:37-43)
14Baa baa tel o habɔteŋra la kabora la be la, dɛ nɛnlaa bar ba cheme, asɛ ba ne Tɔnjerema bane ɛɛ tɔŋle wa. 15Nɛra la aa na Yeesu la, ba bwara yɔrɔ, asɛ ba chwa dɛ ba jaamo.
16Asɛ o bɔɔ o habɔteŋra la ŋɔ, “Bɔkwa waa he ne baa tɔŋle laɔ?”
17Baa bɛl le nɛra la bini dɛ ŋɔ, “Nomoa, kwaa dɛ ir n bie nɛɛ dɛ ɡel waa won waa bol, asɛ n kpɔɔ ba he be. 18A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”
19Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”
20Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.
21Asɛ Yeesu bɔɔ bie la mɛɛ ŋɔ, “Saŋ besoo weela nɔ lawɔ wɔ?”
Asɛ o mɛɛ la ŋɔ, “O bechale saŋ bwaa a lawɔ. 22Kwaa la ir o nɛɛ aa, dɛ a dɛ nyin o kpoe. Tɔpebɛla a taɡɔ dɛɛ ta nii ta, tɔpebɛla ɡe a taɡɔ dɛɛ ta nee ta. Dɛ hɛɛ wonoo chaoh waa, na ya sum dɛ́ chaoh tɛ yaa.”
23Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”
24Buɡ la ta, dɛ baa la sɛoh takpeɡ ne ŋɔ, “N yaradao, kɛ n yarada aa kanɛ. Cha mɛ ń yaradao kohona.”
25Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”
26Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ. 27Belaa Yeesu lawɛ o nɔn o ir.
28Yeesu aa ba dem a ka o ne o habɔteŋra la ɡbo la, ba bɔɔro ŋɔ, “Ɛrɛ waa ya te aa wola wone kɔr kwaa la a le nɔɔ?”
29Anee Yeesu ŋɔ, “Korowii soŋa ɡboo won a ɡɛ kwaa nɔ doŋa.”#9:29 Tɔne ane dɛ baɡle kɛ nyoa vɔwa ɡe jao.
30O ne o habɔteŋra la le bela dɛ kpɔ Galilia harɛ ta kaa. Dɛ waa nyin kɛŋɔ nomɛlbwa jemɛ bela waa lole, 31dɛkalkɛŋɔ dɛ o dɛ baɡle o habɔteŋra la wa, dɛɛ ŋɔ, “Ba dɛ ba Men Nɛn Bie lee do nɛra nɔn ta, ásɛ ba kpo mɛ, ásɛ a tɔpetooro wee la, ń ir seo ta.” 32Dɛ ba ta Yeesu waa waa bola la mun noɛ, kɛ dɛ ba dɛ ɔmɛ kɛŋɔ bá bɔɔro a mun.
Nɛn wáa ɛ nomoa wepɛɛra
(Mat 18:1-5; Luk 9:46-48)
33Asɛ ba ba Kapeeneɔm. Baa baa jo dea la, Yeesu bɔɔ o habɔteŋra la ŋɔ, “Bɔkwa waa he tɔŋle ŋwɛnɛ ta laɔ?” 34Ba ta wone chaŋo, dɛkalkɛŋɔ dɛ ba dɛ nyin bá jemɛ ba bini onɔ la wáa ɛ ba bwa nomoa, dɛɛ di a ɡɛ tɔŋla.#Luk 22:24
35Asɛ Yeesu so harɛ dɛ yer ba dɛ ŋɔ ba be ŋɔ, “Naate waa dɛ nyin kɛ o ɛ he bwa nomoa la, a chɛ kɛŋɔ ó ɛ o te bechala dɛɛ tomɛ heya.”
36Anee o lawɛ bechajeɡa bɛl ba che ba baah ta, dɛ kpɔɔ, dɛ ŋɔ ba be ŋɔ, 37“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”
Nomɛlbwa waa wola ya nɛɛ cheɡɛ ɛ ya som
(Luk 9:49-50)
38Jɔn ŋɔ o be ŋɔ, “Nomoa, ya na baa bɛl waa kpɔ he sɔn dɛɛ doŋi kwaa nɛra nɛ, asɛ ya kaoh ŋɔ ó ɡel, dɛkalkɛŋɔ o ta ya bini bɛl ɛɛ.”
39Asɛ Yeesu ŋɔ, “He bɛ on kah ŋɔ ó ɡel, dɛkalkɛŋɔ nomɛlbwa toole dɛ́ won che n sɔn ta ɛ a ɡɛ nyokpowaa nɔ dɔŋa dɛ́ berɛ yerɛ n sɔnchɔɡe kpa. 40Nomɛlbwa waa wola ya nɛɛ cheɡɛɛ la, dɛ ya somee. 41Kasinteŋ, nomɛlbwa waa koh kɛ he ɛ men Kristo nɛra dɛ́ tɛ heyaa nee hé nyɔ la, waa o kembɔr paŋa ba bwa.
Nɛra neɡra bá ɛ wechɔɡa
(Mat 18:6-9; Luk 17:1-2)
42Nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa dɛ kpɔɔ ka ta mpo vil ta kwaraa fe bɔ. 43-44Dɛ he nɔn ɛɛ neɡree he ɛ wechɔɡa aa, teŋo ta, dɛkalkɛŋɔ he kpoŋe nɔmbeŋkpoŋ dɛ dɔ Korowii be kaa bɔ haa kpoŋe nɔɔra anɛ dɛ kaa Bɔnsam nii aa wola dime bwa la ta. 45-46Dɛ he nakpala ɡe ɛɛ neɡree he ɛ wechɔɡa aa, teŋo ta, dɛkalkɛŋɔ dɛ he nakpale teŋno he dɔ Korowii be kaa laa, a bɔ kɛŋɔ haa dɔ nakpale anɛ dɛ kaa Bɔnsam nii ta. 47Dɛ he siwi ɡe ɛɛ ɡeloo he ɛ wechɔɡa aa, fomo ta, dɛkalkɛŋɔ he kpoŋe siwi beŋkpoŋ dɛ ja Korowii Kora ta bɔ kɛŋɔ, haa kpoŋe sibie anɛ dɛ kaa Bɔnsam nii ta, 48belaa
‘dudule aa dɛ di ba ola la aa wola sewɛ bwa,
nii aa dɛ fuuh ba la ɡe aa dime bwa.’#Aes 66:24
49Anomanta, Korowii ɛɛ kpɔ niinii ɛ nɛra bwa kɛŋɔ ba yon kpɔ yar merɛ kwaa ta la.
Yeesu kpɔ o habɔteŋra maɡɛ yar
50Yar wer. Kɛ dɛ aa somɛ kpa aa, ɛrɛɛ baa ba a ɛɛ á do som jaɔ? Anomanta, hé ne he dɔŋa so kɛrɛdɛ dɛ́ do som ɡɛ yar aa soma la. Hé ɡel he nyoa pɛ.”
Právě zvoleno:
Mak 9: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 9
9
1Asɛ Yeesu ŋɔ, “Kasinteŋ, Korowii ɛɛ ba di o Koraa kpeɡri nɛɛ harɛ nɔ ta, dɛ he bini bane ta soɡe le dɛ nao.”
Yeesu beɡra wa
(Mat 17:1-13; Luk 9:28-36)
2Aa di tɔpera anumɛl la, Yeesu tɔ Pita ne Jems ne Jɔn sie ba ka teeh bwejen bɛl, dɛ ɡbo ka pɛ so o doa bobɛl. Baa soɡa la, dɛ Yeesu beɡrɔ,#2Pi 1:17-18 3asɛ o laala bwa to dɛɛ nyɛɡle al-al ken, dɛ to kohona ɡwaa ɡɛ baa chɛɡɛ laala a yon to la. 4Ba ne ŋɔe ŋɔ ba nyiŋi dɛ Elaeja ne Mosis ja o nɛɛ ba ne wɛɛ bol wa.
5Asɛ Pita ŋɔ Yeesu be ŋɔ, “N Dɔɔ, a wer taeh kɛŋɔ yaa lɔ bonɔ nɔ. Gel ya do kukure atoro ásɛ he kpɔ bɛl, Mosis kpɔ bɛl, Elaeja ɡe kpɔ bɛl.” 6Ɔmee laɡ ba kohona dɛ ɡel Pita aa dɛ bol waa kwaraa la, dɛ waa jemɛ waa waa dɛ bol.
7Belaa bam bɛl ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinuu nɔ. Hé cheɡ deŋne dɛ́ no o be.”
8Ba te ne taa la noe tonɛ dɛ ke nyiŋi dɛ nomɛlbwa toole bela. Yeesu ɡboo ba na kɛŋɔ o ja ba nɛɛ bela.
9Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Men Nɛn Bie la aa sewa dɛ ir mɔɔ.” 10Anomanta, ba ta nomɛlbwa be ŋɔe, kɛ dɛ ba te ɡbaɡba dɛ bɔɔ dɔŋa ŋɔ, “Seo bini ira nɔ te munii ɛrɛ te nɔ?”
11Anee ba bɔɔ Yeesu ŋɔ, “Aah ɛrɛ waa Tɔnjerema la ɛɛ baɡle ŋɔ a chɛ kɛŋɔ Elaeja tɔ sie ba mɔɔ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la ɡe ba nɔɔ?”#Mal 4:5-6
12Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?#Aes 53:3 13Kasinteŋ, Elaeja balɔ dɛ kaa. Waa bala la, ba tetooraa ba ɛo. Gɛɛ ba chwerɛ o waa Korowii Tɔn bini la.”
Yeesu chah bie bɛl kwaa aa dɛ ir o nɛ
(Mat 17:14-21; Luk 9:37-43)
14Baa baa tel o habɔteŋra la kabora la be la, dɛ nɛnlaa bar ba cheme, asɛ ba ne Tɔnjerema bane ɛɛ tɔŋle wa. 15Nɛra la aa na Yeesu la, ba bwara yɔrɔ, asɛ ba chwa dɛ ba jaamo.
16Asɛ o bɔɔ o habɔteŋra la ŋɔ, “Bɔkwa waa he ne baa tɔŋle laɔ?”
17Baa bɛl le nɛra la bini dɛ ŋɔ, “Nomoa, kwaa dɛ ir n bie nɛɛ dɛ ɡel waa won waa bol, asɛ n kpɔɔ ba he be. 18A iraa, ɡɛɛ a ɡoo harɛ, ásɛ fufuɡ ɛɛ le o nyoa, dɛ o dɛ chwe o nyena, dɛ ɡbeŋri chɔ. N soŋe he habɔteŋra la ŋɔ bá doŋi kwaa la ta, asɛ ba doŋa kahonɛ.”
19Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ.”
20Asɛ ba kpɔ bie la ba tɛo. O kwaa aa dɛ ir o nɛɛ la aa na Yeesu la, a taɡɔ ta, asɛ o chɔ dɛɛ yo ɡɛ ɡbuŋɡbuŋri te aa dɛ ɛ la, dɛɛ ɡbili bɔr bwa, dɛ fufuɡ dɛ le o nyoa.
21Asɛ Yeesu bɔɔ bie la mɛɛ ŋɔ, “Saŋ besoo weela nɔ lawɔ wɔ?”
Asɛ o mɛɛ la ŋɔ, “O bechale saŋ bwaa a lawɔ. 22Kwaa la ir o nɛɛ aa, dɛ a dɛ nyin o kpoe. Tɔpebɛla a taɡɔ dɛɛ ta nii ta, tɔpebɛla ɡe a taɡɔ dɛɛ ta nee ta. Dɛ hɛɛ wonoo chaoh waa, na ya sum dɛ́ chaoh tɛ yaa.”
23Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”
24Buɡ la ta, dɛ baa la sɛoh takpeɡ ne ŋɔ, “N yaradao, kɛ n yarada aa kanɛ. Cha mɛ ń yaradao kohona.”
25Asɛ Yeesu aa baa na kɛŋɔ nɛra wuro dɛɛ ba ba tɔ ba nɛɛ la, o den kɔr kwaa aa dɛ ir bie la nɛɛ la ŋɔ, “He konchɔɡa haa dɛ ir bie nɔ nɛɛ waa wola waa no, waa berɛ won dɛɛ bol waa ɡe nɔ, n ŋɔ he be ŋɔ hé le o nɛ! He bɛ o nɛɛ ba so kpa bwa!”
26Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ. 27Belaa Yeesu lawɛ o nɔn o ir.
28Yeesu aa ba dem a ka o ne o habɔteŋra la ɡbo la, ba bɔɔro ŋɔ, “Ɛrɛ waa ya te aa wola wone kɔr kwaa la a le nɔɔ?”
29Anee Yeesu ŋɔ, “Korowii soŋa ɡboo won a ɡɛ kwaa nɔ doŋa.”#9:29 Tɔne ane dɛ baɡle kɛ nyoa vɔwa ɡe jao.
30O ne o habɔteŋra la le bela dɛ kpɔ Galilia harɛ ta kaa. Dɛ waa nyin kɛŋɔ nomɛlbwa jemɛ bela waa lole, 31dɛkalkɛŋɔ dɛ o dɛ baɡle o habɔteŋra la wa, dɛɛ ŋɔ, “Ba dɛ ba Men Nɛn Bie lee do nɛra nɔn ta, ásɛ ba kpo mɛ, ásɛ a tɔpetooro wee la, ń ir seo ta.” 32Dɛ ba ta Yeesu waa waa bola la mun noɛ, kɛ dɛ ba dɛ ɔmɛ kɛŋɔ bá bɔɔro a mun.
Nɛn wáa ɛ nomoa wepɛɛra
(Mat 18:1-5; Luk 9:46-48)
33Asɛ ba ba Kapeeneɔm. Baa baa jo dea la, Yeesu bɔɔ o habɔteŋra la ŋɔ, “Bɔkwa waa he tɔŋle ŋwɛnɛ ta laɔ?” 34Ba ta wone chaŋo, dɛkalkɛŋɔ dɛ ba dɛ nyin bá jemɛ ba bini onɔ la wáa ɛ ba bwa nomoa, dɛɛ di a ɡɛ tɔŋla.#Luk 22:24
35Asɛ Yeesu so harɛ dɛ yer ba dɛ ŋɔ ba be ŋɔ, “Naate waa dɛ nyin kɛ o ɛ he bwa nomoa la, a chɛ kɛŋɔ ó ɛ o te bechala dɛɛ tomɛ heya.”
36Anee o lawɛ bechajeɡa bɛl ba che ba baah ta, dɛ kpɔɔ, dɛ ŋɔ ba be ŋɔ, 37“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”
Nomɛlbwa waa wola ya nɛɛ cheɡɛ ɛ ya som
(Luk 9:49-50)
38Jɔn ŋɔ o be ŋɔ, “Nomoa, ya na baa bɛl waa kpɔ he sɔn dɛɛ doŋi kwaa nɛra nɛ, asɛ ya kaoh ŋɔ ó ɡel, dɛkalkɛŋɔ o ta ya bini bɛl ɛɛ.”
39Asɛ Yeesu ŋɔ, “He bɛ on kah ŋɔ ó ɡel, dɛkalkɛŋɔ nomɛlbwa toole dɛ́ won che n sɔn ta ɛ a ɡɛ nyokpowaa nɔ dɔŋa dɛ́ berɛ yerɛ n sɔnchɔɡe kpa. 40Nomɛlbwa waa wola ya nɛɛ cheɡɛɛ la, dɛ ya somee. 41Kasinteŋ, nomɛlbwa waa koh kɛ he ɛ men Kristo nɛra dɛ́ tɛ heyaa nee hé nyɔ la, waa o kembɔr paŋa ba bwa.
Nɛra neɡra bá ɛ wechɔɡa
(Mat 18:6-9; Luk 17:1-2)
42Nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa dɛ kpɔɔ ka ta mpo vil ta kwaraa fe bɔ. 43-44Dɛ he nɔn ɛɛ neɡree he ɛ wechɔɡa aa, teŋo ta, dɛkalkɛŋɔ he kpoŋe nɔmbeŋkpoŋ dɛ dɔ Korowii be kaa bɔ haa kpoŋe nɔɔra anɛ dɛ kaa Bɔnsam nii aa wola dime bwa la ta. 45-46Dɛ he nakpala ɡe ɛɛ neɡree he ɛ wechɔɡa aa, teŋo ta, dɛkalkɛŋɔ dɛ he nakpale teŋno he dɔ Korowii be kaa laa, a bɔ kɛŋɔ haa dɔ nakpale anɛ dɛ kaa Bɔnsam nii ta. 47Dɛ he siwi ɡe ɛɛ ɡeloo he ɛ wechɔɡa aa, fomo ta, dɛkalkɛŋɔ he kpoŋe siwi beŋkpoŋ dɛ ja Korowii Kora ta bɔ kɛŋɔ, haa kpoŋe sibie anɛ dɛ kaa Bɔnsam nii ta, 48belaa
‘dudule aa dɛ di ba ola la aa wola sewɛ bwa,
nii aa dɛ fuuh ba la ɡe aa dime bwa.’#Aes 66:24
49Anomanta, Korowii ɛɛ kpɔ niinii ɛ nɛra bwa kɛŋɔ ba yon kpɔ yar merɛ kwaa ta la.
Yeesu kpɔ o habɔteŋra maɡɛ yar
50Yar wer. Kɛ dɛ aa somɛ kpa aa, ɛrɛɛ baa ba a ɛɛ á do som jaɔ? Anomanta, hé ne he dɔŋa so kɛrɛdɛ dɛ́ do som ɡɛ yar aa soma la. Hé ɡel he nyoa pɛ.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.